|
|
|
ᐅᔭᕋᖕᓂᐊᕐᕕᖕᒥ ᐃᑲᔪᕐᓂᖅ: ᓯᕗᒃᑲᖅᑕᖅᑎᑦ, ᑕᒪᐃᓐᓂᒃ ᐊᓕᐊᓇᐃᒍᓱᖃᑎᒋᕙᔅᓯ!
"ᖁᔭᓐᓇᒦᒃ ᐱᓕᕆᓚᐅᕋᔅᓯ 60−ᓄᑦ ᐊᕐᕌᒍᓄᑦ ᖁᕕᐊᓲᑎᖃᖅᑎᓪᓗᑕ ᐃᖅᑲᐅᒪᔪᓐᓇᕐᓂᐊᖅᑕᑦᑎᓐᓂᒃ." − ᑕᐃᕝ ᒍᕋᓐᑎ, ᐊᖓᔪᖅᑳᖅ ᐊᒻᒪ ᐊᐅᓚᑦᑎᔨᒻᒪᕆᒃ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑎᑦ.
ᐱᓕᕆᖃᑎᒌᒃᑐᓕᒫᑦ ᐊᔪᙱᑦᑎᐊᓚᐅᖅᐳᑦ ᐊᖏᕐᕋᐅᔾᔨᓪᓗᑎᒡᓗ ᓵᓚᒃᓴᐅᓯᐊᕐᒥᒃ ᐃᒥᐅᑎᐊᓗᖕᒥᒃ ᐊᑕᐅᓯᕐᒧᑦ ᐱᓕᕆᓂᐅᔪᒧᑦ ᑕᒪᑐᒪᓂ ᐊᕐᕌᒍᒥ, ᑭᓯᐊᓂ ᐊᑦᑕᕐᓇᙱᑦᑐᖅ ᐅᖃᕆᐊᒃᓴᖅ Gahcho Kué ᐅᔭᕋᖕᓂᐊᕐᕕᖕᒧᑦ ᐱᓕᕆᖃᑎᒌᑦ ᓯᕗᓕᐅᖅᑎᐅᓚᐅᖅᑐᑦ 2017 ᐱᓕᕆᖃᑎᒌᒃᑐᓂᑦ, ᐊᖏᕐᕋᐅᔾᔨᓪᓗᑎᒃ ᑕᓪᓕᒪᓂᑦ 16-ᖑᔪᓂᑦ ᑐᓐᓂᖅᑯᓯᐊᓂᑦ − ᑕᒪᓐᓇᓗ ᐊᕐᕌᒍᓄᑦ ᒪᕐᕉᖕᓄᑦ ᐱᒡᒍᓴᐅᔾᔪᐊᕐᓂᕆᓪᓗᓂᔾᔪᒃ!
ᓄᑖᖅ ᐊᕐᕌᒍᒥ ᑕᒪᑐᒧᖓ ᐱᒡᒍᓴᐅᔾᔪᐊᕐᓂᕐᒧᑦ ᐅᐊᖕᓇᕐᒥ ᕕᒃᑐ ᐅᔭᕋᖕᓂᐊᕐᓂᓕᕆᔩᑦ (Victor Diamond Mine) ᐱᓕᕆᖃᑎᒌᑦ, ᐅᐊᖕᓇᒥ ᐋᓐᑎᐅᕆᔫᒥᖔᖅᑐᑦ (Northern Ontario), ᑐᑭᓯᓇᑦᑎᐊᓚᐅᖅᖢᑎᒡᓗ ᓇᖕᒥᓂᖃᕐᓂᕐᒥᑦ ᐱᓕᕆᓂᕐᒥᑦ. ᑕᒪᓐᓇ ᓯᕗᓪᓕᖅᐹᕆᙱᒃᑲᓗᐊᕐᖢᓂᐅᒃ ᐊᕐᕌᒍᒥ, ᐊᖏᕐᕋᐅᔾᔨᓚᐅᖅᑐᑦ ᓵᓚᒃᓴᐅᓯᐊᒥ ᐃᒥᐅᑎᐊᓗᒃ ᐊᔪᙱᓛᖑᔾᔪᓯᐊᖅᖢᑎᒃ.
ᐊᓕᐊᓇᐃᒍᓱᖃᑎᒋᑦᑎᐊᖅᐸᕗᑦ ᓵᓚᒃᓴᓚᐅᖅᑐᑦ! ᐃᓛᒃᑰᖅᑐᑦ ᐱᓕᕆᐊᒃᓴᑦ ᑐᓂᔭᐅᓚᐅᖅᑐᑦ ᐅᑯᓄᖓ ᐱᓕᕆᖃᑎᒌᒃᑐᓄᑦ:
ᐃᒃᓯᕚᕐᕕᖕᓂᑦ ᓴᓇᔪᓕᕆᔨᑦᑎᐊᕙᐅᓛᖅ
|
ᒍᐊᑕᓐ Zdyb (ᐃᑲᑎ ᐅᔭᕋᖕᓂᐊᕐᕕᒃ) |
ᐋᓐᓂᖅᑐᓕᕆᓂᕐᒥᑦ ᐱᓕᕆᔨᑦᑎᐊᕙᐅᓛᖅ |
ᐃᑲᑎ ᐅᔭᕋᖕᓂᐊᕐᕕᒃ − ᓯᓚᑖᓂᑦ ᐱᓕᕆᖃᑎᒌᑦ |
ᐋᓐᓂᖅᑐᓕᕆᓂᕐᒥᑦ ᐳᓚᑕᕐᕕᖕᒥ ᐱᓕᕆᔨᑦᑎᐊᕙᐅᓛᖅ |
ᒪᓕᐊᑎᓐ ᐅᔭᕋᖕᓂᐊᕐᕕᒃ |
ᓯᓚᒥᑦ ᐊᑐᖅᑕᐅᓲᓂ ᐃᒃᓯᕙᐅᑕᓕᐅᒃᑲᐅᓛᑦ |
Gahcho Kué ᐅᔭᕋᖕᓂᐊᕐᕕᒃ |
ᖃᑦᑎᕆᔨᑦᑎᐊᕙᐅᓛᖅ
|
Gahcho Kué ᐅᔭᕋᖕᓂᐊᕐᕕᒃ
|
ᓯᓚᑖᒍᑦ ᐊᒃᖢᓇᐅᔭᕐᒧᑦ ᐃᓅᓕᑦᑎᑦᑎᒃᑲᐅᓛᖅ
|
Gahcho Kué ᐅᔭᕋᖕᓂᐊᕐᕕᒃ
|
ᐅᔭᕋᖕᓂᐊᕐᕕᖕᒥ ᐊᒃᖢᓇᐅᔭᕐᒧᑦ ᐃᓅᓕᑦᑎᑦᑎᒃᑲᐅᓛᖅ
|
ᑕᐃᐊᕕᒃ ᐅᔭᕋᖕᓂᐊᕐᕕᒃ |
ᓯᓚᑖᒍᑦ ᖃᐅᔨᓴᖅᑕᐅᔪᒃᑯᑦ ᑎᑎᕋᒃᑲᐅᓛᖅ
|
Gahcho Kué ᐅᔭᕋᖕᓂᐊᕐᕕᒃ
|
ᐅᔭᕋᖕᓂᐊᕐᕕᖕᒥ ᖃᐅᔨᓴᖅᑕᐅᔪᒃᑯᑦ ᑎᑎᕋᒃᑲᐅᓛᖅ
|
ᐆᑉ ᐸᐃ (Hope Bay) ᐅᔭᕋᖕᓂᐊᕐᕕᒃ |
ᐳᔪᐊᕿᑎᑦᑎᓂᖅ ᓯᓚᒃᑯᑦ
|
ᒪᑐᐹᖕᒃ (Meadowbank) ᐅᔭᕋᖕᓂᐊᕐᕕᒃ |
ᐳᔪᐊᕿᑎᑦᑎᓂᖅ ᓄᓇᐅᑉ ᐊᑎᖔᖓᓂ
|
ᑕᐃᐊᕕᒃ ᐅᔭᕋᖕᓂᐊᕐᕕᒃ |
ᓄᓇᐅᑉ ᐊᑖᓂᑦ ᐃᒃᓯᕚᕐᕕᒃ/ᓄᓇᐅᑉ ᖄᖓᓂ ᖃᐅᔨᓴᕈᑎ
|
ᑕᐃᐊᕕᒃ ᐅᔭᕋᖕᓂᐊᕐᕕᒃ |
ᐳᔪᐊᕿᑎᑦᑎᓂᖅ ᓯᓚᒃᑯᑦ
|
ᕕᒃᑐ ᐅᔭᕋᖕᓂᐊᕐᕕᒃ (ᐋᓐᑎᐅᕆᔫ) |
ᐳᔪᐊᕿᑎᑦᑎᓂᖅ ᓄᓇᐅᑉ ᐊᑎᖔᖓᓂ
|
ᐃᑲᑎ ᐅᔭᕋᖕᓂᐊᕐᕕᒃ − ᓄᓇᐅᑉ ᐊᑖᓂᑦ ᐱᓕᕆᖃᑎᒌᑦ |
ᓯᓚᒃᑰᖓᔪᓂᑦ ᐊᔪᙱᓛᖅ
|
Gahcho Kué ᐅᔭᕋᖕᓂᐊᕐᕕᒃ
|
ᓄᓇᐅᑉ ᐊᑖᒍᖓᔪᓂᑦ ᐊᔪᙱᓛᖅ
|
ᑕᐃᐊᕕᒃ ᐅᔭᕋᖕᓂᐊᕐᕕᒃ |
ᐅᔭᕋᖕᓂᐊᕐᕕᖕᒧᑦ ᐃᑲᔪᕐᓂᕐᒧᑦ ᐊᑭᑦᑐᕋᐅᑎᔪᑦ, ᑕᑯᓛᖅᐸᑦᑎᒋᑦ ᐊᕐᕌᒍ 61−ᓄᑦ ᐊᕐᕌᒍᓄᑦ ᐊᓕᐊᓇᐃᒍᓲᑎᖃᖅᑎᓪᓗᑕ! ᐊᑐᐃᓐᓇᐅᑎᓛᖅᐸᑦ ᑖᓐᓇ ᐅᓪᓗᖅ: 2018-ᒥ ᐅᔭᕋᖕᓂᐊᕐᕕᖕᒧᑦ ᐃᑲᔪᕐᓂᕐᒧᑦ ᐊᑭᑦᑐᕋᐅᑎᓂᖅ ᐊᑐᖅᑕᐅᓛᖅᑐᖅ ᓯᕙᑖᕐᕕᒃ, ᔫᓂ 2, 2018.
|
ᐃᖅᑲᓇᐃᔭᖅᑏᑦ ᐊᑦᑕᓇᖅᑐᓕᕆᓂᕐᒥᑦ ᐊᐅᓚᑦᑎᓂᕐᒧᑦ ᑐᑭᓯᒋᐊᕈᑎᒃᓴᑦ ᐋᖅᑭᒃᓯᒪᓂᖓ 2015
ᓴᖅᑭᑉᐸᓪᓕᐊᔪᑦ ᒪᓕᑦᑎᐊᕐᓂᕐᒧᑦ ᑎᑎᕋᖅᓯᒪᔪᖁᑎᒋᔭᐅᔪᓂ
ᐃᖅᑲᓇᐃᔭᕐᕖᑦ, ᖃᐅᔨᒪᔭᕆᐊᓕᒃ: ᑲᓇᑕᒥ ᐋᓐᓂᐊᖃᕐᓇᙱᑐᓕᕆᔨᒃᑯᑦ ᐋᖅᑭᒋᐊᖅᓯᓚᐅᕐᒪᑕ ᒪᓕᑦᑎᐊᕐᓂᕐᒧᑦ ᑎᑎᕋᖅᓯᒪᔪᖁᑎᒋᔭᖏᓐᓂᒃ ᐃᖅᑲᓇᐃᔭᖅᑏᑦ ᐊᑦᑕᓇᖅᑐᓕᕆᓂᕐᒥᑦ ᐊᐅᓚᑦᑎᓂᕐᒧᑦ ᑐᑭᓯᒋᐊᕈᑎᒃᓴᑦ ᐋᖅᑭᒃᓯᒪᓂᖓ 2015−ᒧᑦ, ᐅᕝᕙᓘᓐᓃᑦ ᐃᖅᑲᓇᐃᔭᖅᑏᑦ ᐊᑦᑕᓇᖅᑐᓕᕆᓂᕐᒥᑦ ᐊᐅᓚᑦᑎᓂᕐᒧᑦ ᑐᑭᓯᒋᐊᕈᑎᔅᓴᑦ ᐋᖅᑭᒃᓯᒪᓂᖓᓄᑦ ᐱᓕᒻᒪᒃᓴᓂᕐᒥᑦ.
ᐊᑐᓪᓚᑦᑖᓕᖅᑎᑦᑎᓂᖅ ᐃᖅᑲᓇᐃᔭᖅᑏᑦ ᐊᑦᑕᓇᖅᑐᓕᕆᓂᕐᒥᑦ ᐊᐅᓚᑦᑎᓂᕐᒧᑦ ᑐᑭᓯᒋᐊᕈᑎᒃᓴᑦ ᐋᖅᑭᒃᓯᒪᓂᖓᓂᒃ 2015−ᒧᑦ ᑲᓇᑕᒧᑦ, ᑲᓇᑕᓕᒫᒧᑦ, ᐊᕕᒃᑐᖅᓯᒪᔪᓂ ᑲᓇᑕᓕᒫᒥ, ᑲᓇᑕᒥ ᐊᕕᒃᑐᖅᓯᒪᔪᓂ, ᐊᒻᒪ ᓄᓇᕗᓕᒫᒥ ᐱᔪᓐᓇᕐᓂᖃᕐᕖᑦ (ᐱᕕᖃᖁᔭᐅᓪᓗᑎᒃ ᒪᓕᒐᓕᕆᓂᕐᒧᑦ ᐋᖅᑭᒋᐊᖅᑕᐅᓯᒪᔪᑦ ᑕᒪᐃᓐᓂᒃ), ᐊᒻᒪ ᑐᓂᓯᓂᕐᒧᑦ ᐱᖁᑎᑖᖅᑎᑦᑎᕙᑦᑐᓂᒃ, ᐃᖅᑲᓇᐃᔭᕐᕕᒋᔭᐅᔪᑦ, ᐊᒻᒪ ᐃᖅᑲᓇᐃᔭᖅᑎᐅᑉ ᐱᕕᒃᓴᖏᓐᓂᒃ ᐋᖅᑭᒋᐊᖅᓯᓂᕐᒥᑦ ᐃᖅᑲᓇᐃᔭᖅᑏᑦ ᐊᑦᑕᓇᖅᑐᓕᕆᓂᕐᒥᑦ ᐊᐅᓚᑦᑎᓂᕐᒧᑦ ᑐᑭᓯᒋᐊᕈᑎᒃᓴᑦ ᐋᖅᑭᒃᓯᒪᓂᖓᓂᒃ 2015−ᒧᑦ, ᑲᓇᑕᒥ ᐋᓐᓂᐊᖃᕐᓇᙱᑐᓕᕆᔨᒃᑯᑦ ᐊᑐᓕᖅᑎᑦᑎᓂᖏᓐᓄᑦ ᐃᓂᑖᕈᒪᒧᑦ ᐱᖓᓲᓕᖅᑲᖓᔪᒥᑦ ᐊᓯᔾᔨᖅᐸᓪᓕᐊᓂᕐᒥᑦ, ᐃᓱᓕᑦᑎᖃᑦᑕᖅᖢᑎᒃ
ᒪᓕᑦᑎᐊᕐᓂᕐᒥᑦ ᑲᓇᑕᓕᒫᒥ ᑎᓯᐱᕆ 1, 2018-ᖑᓚᐅᙱᓐᓂᖓᓂ.
|
|
ᑐᓴᖅᑎᑦᑎᔾᔪᑎ ᐅᖅᓲᑎᒃᓴᓂᒃ/ᐃᒃᑯᑎᓂᑦ ᓂᕿᒃᓴᖅᓯᐅᖅᑎᓄᑦ
ᐊᒥᓱᑎᒍᑦ ᐱᕈᖅᓯᐊᖃᖃᑦᑕᕋᑦᑕ ᐅᖅᓲᑎᒃᓴᓂᒃ/ᐃᒃᑯᑎᓂᒃ ᐊᐅᔭᒃᑯᑦ ᐊᓕᐊᓇᐃᒋᓪᓗᒍ, ᑭᓯᐊᓂᓕ ᖃᐅᔨᒪᕖᑦ ᓂᕿᒃᓴᖅᓯᐅᕈᕕᑦ ᐅᖅᓲᑎᒃᓴᓂᒃ/ᐃᒃᑯᑎᓂᒃ ᓄᓇᑦᑎᐊᒥ ᐃᓕᖕᓄᓪᓗ ᐃᖅᑲᓇᐃᔭᕐᓗᑎᑦ, ᐱᔪᓐᓇᖅᑐᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑎᓂᖔᖅᑐᓂᑦ ᓇᓪᓕᐅᒃᑯᒫᖃᕈᓐᓇᕐᓂᕐᓂᑦ?
ᐱᔪᒪᒍᕕᑦ ᐊᔾᔨᖏᓐᓂᒃ ᐃᑲᔪᖅᑕᐅᔾᔪᑎᓂᑦ ᐊᒻᒪ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᓪᓗ ᓴᐳᓐᓂᐊᖅᑎᓂᑦ ᐊᓯᒃᑐᑦ ᐃᖅᑲᓇᐃᔭᖅᑎᑐᑦ ᖃᓄᐃᑦᑐᖃᑳᓪᓚᒃᐸᑦ, ᓂᐅᕕᖅᓯᒪᒐᓗᐊᕐᒪᖔᑦ ᓇᖕᒥᓂᖅ ᐃᓱᒪᓕᐅᕈᑕᐅᔪᓐᓇᖅᑐᓂᒃ ᓇᓪᓕᐅᒃᑯᒫᓂᒃ.
ᐱᓇᔪᖕᓂᖅ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᓇᓪᓕᐅᒃᑯᒫᖏᓐᓄᑦ ᐊᔪᕐᓇᙱᑦᑐᖅ ᓂᐅᕕᕈᓐᓇᖅᑕᐃᑦ ᑕᖅᑭᒧᑦ ᐊᑕᐅᓯᕐᒧᑦ (ᒥᑭᓐᓂᖅᐹᒃᑯᑦ) ᐱᔪᒪᒍᕕᑦ. ᑕᑕᑎᕐᓗᒍ ᑐᓐᓂᖅᑯᑎᒋᓗᒍᓗ ᓇᖕᒥᓂᖅ ᐃᓱᒪᓕᐅᕈᑕᐅᔪᓐᓇᖅᑐᓂᒃ ᓇᓪᓕᐅᒃᑯᒫᒧᑦ ᑕᑕᑎᒐᒃᓴᖅ. ᐃᖅᑲᓇᐃᔭᕐᕕᒋᔭᕐᓄᑦ ᐱᔨᑦᑎᕋᖅᑎᖏᑦᑕ ᐱᓕᕆᖃᑎᒌᑦ ᐊᑐᐃᓐᓇᐅᕗᑦ ᐃᑲᔪᕈᓐᓇᖅᖢᑎᒃ ᐱᕙᓪᓕᐊᓂᐅᔪᒥᑦ, ᓇᓗᓇᐃᕐᓗᒋᓪᓗ ᐃᑲᔪᖅᑕᐅᔾᔪᑏᑦ ᐊᒻᒪ ᐊᑭᖏᓐᓂᒃ. ᓇᓪᓕᐅᒃᑯᒫᑦ ᐱᒋᐊᓲᑦ ᐱᔭᕌᖓᑦᑎᒍᑦ ᐱᐊᓂᒃᓯᒪᔪᑦ ᑕᑕᑎᕆᐊᓖᑦ ᐊᒻᒪ ᐊᑭᓖᕌᓂᒃᓯᒪᔭᕌᖓᑦ.
ᑐᑭᓯᒋᐊᑲᓐᓂᕈᒪᒍᕕᑦ, ᖃᐅᔨᒋᐊᕈᓐᓇᖅᐳᑎᑦ FAQ-ᒧᑦ, ᐅᕝᕙᓘᓐᓃᑦ ᐅᖃᓗᒡᓗᑎᑦ ᐅᕗᖓ 1-800-661-0792.
|
|
ᓇᖕᒥᓂᖃᖅᑎᐅᔪᓄᑦ ᐅᔾᔨᖅᓱᕆᐊᕈᑎ
ᓇᖕᒥᓂᖃᖅᑎᐅᔪᑦ: ᖃᐅᔨᒪᕖᑦ ᐃᖅᑲᓇᐃᔭᖅᑎᑖᕈᕕᑦ ᐃᖅᑲᓇᐃᔭᖅᑐᓂᑦ ᐃᒡᓗᕕᑦ ᐃᓗᐊᓂ ᓯᓚᑖᓂᓪᓘᓐᓃᑦ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᒪᓕᒐᖓᒍᑦ ᐃᓱᒪᒋᔭᐅᔪᓐᓇᕋᕕᑦ ᐃᖅᑲᓇᐃᔭᕐᕕᒋᔭᐅᖕᒪᒑᑦ? ᐃᓱᒪᒍᕕᑦ ᐱᔨᑦᑎᕋᖃᑦᑕᕐᓂᕐᒥᒃ ᐸᐃᕆᔨᐅᓂᕐᒧᑦ, ᓴᓗᒻᒪᖅᓴᐃᔨᐅᓂᕐᒥᒃ, ᓱᕋᒃᓯᒪᔪᓂᑦ ᓴᓇᔨᐅᓂᖅ, ᐅᕝᕙᓘᓐᓃᑦ ᐊᖏᖃᑎᒌᒍᑎᒃᑯᑦ ᐃᖅᑲᓇᐃᔭᕐᓂᒃᑯᑦ ᐅᓪᓗᓕᒫᕐᒧᑦ ᐅᕝᕙᓘᓐᓃᑦ ᐅᓪᓘᑉᐃᓚᐃᓐᓇᖓᒍᑦ, ᐊᑭᓕᖅᓱᖅᑕᐅᓗᓂ ᐅᕝᕙᓘᓐᓂᑦ ᐊᑭᓕᖅᓱᖅᑕᐅᙱᒃᑲᓗᐊᕐᓗᓂ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐃᑲᔪᕈᓐᓇᖅᑐᑦ ᓇᓗᓇᐃᖅᓯᓂᕐᒥᑦ ᐊᑭᓖᔭᕆᐊᖃᕈᕕᑦ ᖃᐅᔨᓴᕈᑕᐅᔪᓂᒃ ᓇᓗᓇᐃᔭᐃᓂᕐᒥᑦ ᒪᓕᒡᓗᑎᑦ ᐃᖅᑲᓇᐃᔭᖅᑎᑦ ᑐᓂᔭᐅᔪᓐᓇᕐᓂᖏᓐᓄᑦ ᐱᖁᔭᖅ ᐊᒻᒪ ᐱᓯᒪᒐᓗᐊᕐᒪᖔᖅᐱᑦ ᐃᖅᑲᓇᐃᔭᕐᕕᒋᔭᒥ ᖃᓄᐃᙱᑦᑎᐊᕋᓱᖕᓂᖅ ᐊᑦᑕᕐᓇᕐᑕᐃᓕᒪᓂᕐᓗ (OHS) ᑲᒪᒋᔭᒃᓴᓂᒃ ᒪᓕᒡᓗᒍ ᐊᑦᑕᕐᓇᕐᑕᐃᓕᒪᓂᕐᒧᑦ ᐱᖁᔭᖅ.
ᐅᖄᓚᕕᒋᒍᒃ ᐃᖅᑲᓇᐃᔭᕐᕕᒋᔭᑦᑕ ᐱᔨᑦᑎᕋᖅᑕᐅᕝᕕᖓ ᑐᑭᓯᒋᐊᕐᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑎᓂᑦ ᐃᓱᒪᒋᔭᐅᖕᒪᖔᖅᐱᑦ ᐃᖅᑲᓇᐃᔭᕐᕕᒋᔭᕐᓂ ᖃᐅᔨᓴᕈᑕᐅᓂᕐᒧᑦ ᐱᔾᔪᑎᓂᒃ, ᐊᒻᒪ ᓄᖅᑲᖅᑎᑦᑎᔪᓐᓇᕐᓂᕐᒧᑦ ᐱᔨᑦᑎᕋᖅᑎᒃᑯᑦ ᐊᐱᖅᑯᑎᖃᕈᕕᑦ OHS ᑲᒪᒋᔭᒃᓴᖏᓐᓂᒃ. ᐅᖄᓚᕕᒋᑎᒍᑦ ᐊᑭᖃᙱᑦᑐᒧᑦ ᐅᕗᖓ 1-800-661-0792.
|
|
ᒪᒃᑯᑦᑐᑦ ᐃᖅᑲᓇᐃᔭᖅᑎᑦ 101
ᐱᔪᓐᓇᕐᓂᖏᓐᓂᒃ ᖃᐅᔨᒪᕚᑦ?
ᐊᓕᐊᓇᐃᒡᒍᔪᖅ: ᑐᙵᓱᒃᑎᑦᑎᓂᖅ ᐊᒻᒪ ᐃᓕᓐᓂᐊᖅᑎᑦᑎᓂᖅ ᓄᑖᓂᒃ ᓴᖅᑭᑉᐸᓪᓕᐊᔪᓂᒃ ᒪᒃᑯᒃᑐᓂᒃ ᐃᖅᑲᓇᐃᔭᖅᑎᓂᒃ ᐱᓕᕆᕝᕕᖕᓄᑦ ᐊᒻᒪ ᐊᔪᕈᓐᓃᖅᓯᒪᔭᑎᑦ ᖃᐅᔨᔾᔪᑎᒋᓯᒪᔭᑎᓪᓗ ᓇᓗᓇᐃᕐᓗᒋᑦ ᐃᑲᔪᕈᒪᒧᑦ ᓯᕗᓂᖓᒍᑦ ᐃᓅᓯᕐᒥ. ᐱᓕᒻᒪᒃᓴᓂᕐᒧᑦ ᐱᕙᓪᓕᐊᓂᐅᔪᑦ ᕿᒥᕐᕈᐊᓕᕈᕕᒋᑦ, ᑭᓯᐊᓂᓕ, ᐳᐃᒍᖅᑕᐃᓕᒋᑦ ᐃᖅᑲᐃᑎᑦᑎᒋᐊᒃᓴᖅ ᐱᔪᓐᓇᕐᓂᖏᓐᓂᒃ ᐃᖅᑲᓇᐃᔭᖅᑎᐅᓂᖏᓐᓄᑦ:
ᐱᔾᔪᑕᐅᓪᓗᓂ ᒪᒃᑯᒃᑐᑦ ᐃᖅᑲᓇᐃᔭᖅᑎᑦ (ᐅᑭᐅᖃᖅᑐᑦ 14-ᒥᑦ 25-ᒧᑦ) ᐱᑖᒐᔪᒃᐳᑦ ᐊᕐᕌᒍ ᐃᓚᐃᓐᓇᖓᑕ ᐃᓗᐊᓂ, ᐅᓪᓘᑉᐃᓚᐃᓐᓇᖓᒍᑦ, ᐅᕝᕙᓘᓐᓃᑦ ᐃᖅᑲᓇᐃᔭᓚᐅᑲᖕᓂᕐᒥᑦ, ᐃᖅᑲᓇᐃᔭᕐᕕᒋᔭᐅᔪᑦ ᓇᓗᓇᐃᖅᓯᙱᑐᐃᓐᓇᕆᐊᓖᑦ ᐱᔪᓐᓇᐅᑎᖏᓐᓂᒃ, ᑭᓯᐊᓂ ᑖᒃᑯᓇᙵᑦ ᐅᑭᐅᖏᓐᓂᑦ ᐱᓕᕆᔨᐅᔪᑦ ᒫᓐᓇ ᐊᑐᖅᑕᐅᔪᓂ ᐃᖅᑲᓇᐃᔭᕐᕕᖕᓂ, ᑕᐃᒃᑯᐊᖑᖕᒪᑕ ᖃᐅᔨᒪᔭᕆᐊᖃᕐᓂᖅᓴᐅᔪᑦ ᑕᒪᑐᒥᖓ. ᖃᐅᔨᓴᕐᓃᑦ ᓇᓗᓇᐃᖅᓯᒪᔪᑦ ᒪᒃᑯᒃᑐᑦ ᐃᖅᑲᓇᐃᔭᖅᑎᑦ ᐋᓐᓂᐊᓕᕋᔪᖕᓂᖅᓴᐅᒋᐊᖏᑦ ᐃᓕᙵᖕᓂᒃᑯᑦ ᐱᓕᕆᖃᑦᑕᖅᓯᒪᓂᑰᙱᓗᐊᕐᓂᖏᓐᓄᑦ, ᐃᓛᓐᓂᒃᑯᓪᓗ, ᐊᐱᖅᑯᑎᖃᖃᑦᑕᙱᓐᑕᕆᐊᒃᓴᖅ ᑲᑉᐱᐊᓱᖕᓂᕐᒧᑦ ᐅᕝᕙᓘᓐᓃᑦ ᐃᓕᕋᓱᖕᓂᕐᒧᑦ.
ᐃᖅᑲᓇᐃᔭᖅᑎᑖᕈᕕᑦ ᒪᒃᑯᒃᑐᓂᑦ ᐊᐅᔭᐅᓂᐊᖅᑐᒧᑦ, ᐃᓕᓐᓂᐊᖅᑎᓪᓗᒋᑦ ᐱᒻᒪᕆᐅᓂᖏᓐᓂᒃ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᒻᒪ ᐊᐱᖅᓱᕈᓐᓇᖅᓯᑎᑦᑎᓂᕐᒥᑦ.
ᐅᑯᐊ ᐃᓱᒪᒃᓴᖅᓯᐅᕈᑎᒃᓴᑦ ᒪᓕᒡᓗᒋᑦ:
- ᐊᑐᐃᓐᓇᐅᑎᑦᑎᓗᓂ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᑭᓯᑎᑕᐅᕚᓪᓕᕐᓂᕐᒥᒃ ᐃᖅᑲᓇᐃᔭᓕᕆᐊᓚᐅᙱᓐᓂᖏᓐᓂᒃ, ᓄᑖᖑᒐᓗᐊᖅᐸᑕ ᐅᕝᕙᓘᓐᓂᑦ ᐅᑎᖅᑐᑦ ᐃᖅᑲᓇᐃᔭᖅᑎᐅᒐᓗᐊᖅᐸᑕ. ᐃᓚᓕᐅᑎᓯᒪᓗᒋᑦ ᐋᓐᓂᖅᑐᓕᕆᓂᖅ ᐊᒻᒪ ᑐᐊᕕᕐᓇᖅᑐᓕᕆᓂᕐᒧᑦ ᐊᑐᖅᑕᐅᔾᔪᓯᖏᑦ.
- ᑐᐊᕕᙱᓪᓗᑎᑦ ᓇᓗᓇᐃᖅᐸᓪᓕᐊᓗᒍ ᐃᖅᑲᓇᐃᔮᖑᓂᐊᖅᑐᖅ. ᐃᖅᑲᓇᐃᔭᖅᑎᑦ ᐃᓕᑉᐸᓪᓕᐊᓲᖑᖕᒪᑕ ᐊᔾᔨᒌᙱᑦᑐᒃᑯᑦ, ᐆᒃᑐᕆᑦ ᑲᑎᖅᓱᖅᓯᒪᔪᑎᒍᑦ ᐅᖃᓪᓚᒡᓗᓂᓗ ᐱᓕᕆᓗᓂᓗ ᐃᓕᑉᐸᓪᓕᐊᓂᕐᒥᒃ.
- ᑲᒪᒋᔭᐅᓗᑎᒃ ᐳᓚᕋᖅᑎᑕᐅᓃᑦ ᐃᖅᑲᓇᐃᔭᕐᕕᒋᔭᒥ, ᓴᖅᑭᑦᑎᕕᒋᓗᒋᑦ ᐊᑦᑕᕐᓇᙱᑦᑐᓕᕆᓪᓗᐊᑕᓲᓄᑦ ᐃᓄᖕᓄᑦ ᐱᓕᕆᕝᕕᒋᔭᔅᓯᓐᓂ (ᓲᕐᓗ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᓗ ᐊᐅᓚᑦᑎᔨ, ᐅᕝᕙᓘᓐᓃᑦ ᐃᖅᑲᓇᐃᔮᒧᑦ ᐋᓐᓂᐊᖃᖅᑕᐃᓕᒪᓂᖅ ᐊᑦᑕᕐᓇᖅᑕᐃᓕᒪᓂᕐᓗ ᑲᑎᒪᔨᖏᓐᓄᑦ).
- ᐅᔾᔨᕈᓱᒋᐊᖃᖅᑐᑦ ᐃᖅᑲᓇᐃᔭᕐᕕᖕᒥ ᐅᓗᕆᐊᓇᖅᑐᑦ, ᐊᒻᒪ ᖃᓄᖅ ᑭᓇᒧᓪᓘᓐᓃᑦ ᓇᓗᓇᐃᕆᐊᖃᕐᒪᖔᑦ ᓄᑖᓄᑦ ᐅᓗᕆᐊᓇᖅᑐᓄᑦ.
- ᐃᓕᓐᓂᐊᖅᑎᓪᓗᒋᑦ ᐊᑦᑕᕐᓇᙱᑦᑐᓕᕆᓂᕐᒥᑦ ᐃᖅᑲᓇᐃᔭᕐᕕᖕᒥ ᐊᔪᕈᓐᓃᖅᑕᐅᕙᒃᑐᓂᒃ ᐊᒻᒪ ᐱᓕᕆᕝᕕᖕᒥ ᐊᑐᖅᑕᐅᔾᔪᓯᖏᓐᓂᒃ, ᐃᓚᒋᓗᒍ ᐅᓗᕆᐊᓇᖅᑐᒥᑦ ᐊᐅᓚᑦᑎᓂᖅ ᐊᒻᒪ ᐊᑐᑦᑎᐊᕈᓐᓇᕐᓂᕐᒥᒃ ᓈᒪᔪᓂᒃ ᓇᖕᒥᓂᖅ ᓴᐳᒻᒥᔾᔪᑎᓂᒃ (PPE). ᐅᓄᖅᑐᑦ ᒪᒃᑯᒃᑐᑦ ᐃᖅᑲᓇᐃᔭᖅᑎᑦ ᐊᑐᓚᐅᖅᓯᒪᖅᑰᙱᒻᒪᑕ ᐅᕝᕙᓘᓐᓃᑦ ᑕᑯᓚᐅᖅᓯᒪᖅᑰᙱᒻᒪᑕ ᓈᒪᔪᓂᒃ ᓇᖕᒥᓂᒃ ᓴᐳᒻᒥᔾᔪᑎᓂᑦ (PPE).
- ᓇᓗᓇᐃᕐᕕᒋᓗᒋᑦ ᐃᖅᑲᓇᐃᔭᖅᑎᐅᓂᕐᒧᑦ ᐱᔪᓐᓇᐅᑎᖏᓐᓂᒃ ᐊᒻᒪ ᑲᒪᒋᔭᕆᐊᖃᖅᑕᖏᓐᓂᒃ. ᖃᐅᔨᒪᕚᑦ ᓴᓇᔪᒪᙱᑦᑐᓐᓇᕐᓂᖏᓐᓂᒃ ᐊᑲᐅᙱᓕᐅᕈᑕᐅᔪᓂᒃ ᐃᖅᑲᓇᐃᔭᕐᓂᕐᒥᒃ? ᖃᐅᔨᒪᕚᑦ ᓇᓗᓇᐃᖅᓯᔪᓐᓇᕐᓂᖏᓐᓂᒃ ᐊᑲᐅᙱᓕᐅᕈᑕᐅᔪᓂᒃ ᐃᖅᑲᓇᐃᔭᕐᓂᕐᒧᑦ ᐊᔪᕈᓐᓃᕈᑕᐅᕙᒃᑐᓂᒃ?
- ᐱᖃᑎᒌᓕᖅᑎᓪᓗᒋᑦ ᒪᒃᑯᒃᑐᑦ ᐃᖅᑲᓇᐃᔭᖅᑎᑦ ᐱᓕᕆᖃᑦᑕᖅᓯᒪᓂᑯᓂᑦ ᐊᒻᒪ ᐊᑦᑕᕐᓇᖅᑐᓂᑦᖃᐅᔨᒪᑦᑎᐊᖅᑐᓂ ᐃᖅᑲᓇᐃᔭᖅᑎᓂᒃ, ᑲᔪᓯᓗᓂᓗ ᓇᐅᑦᑎᖅᓱᖅᓯᓂᕐᒥᒃ ᐱᓕᕆᐊᒥᓂᒃ.
- ᐃᓕᓐᓂᐊᖅᑎᓪᓗᒋᑦ ᐅᕝᕙᓘᓐᓃᑦ ᐃᖅᑲᐃᑎᒋᐊᕐᓗᒋᑦ ᐃᓗᐊᓃᑦᑐᓂ ᑲᒪᒋᔭᒃᓴᓄᑦ ᐊᑐᖅᑐᒃᓴᓂᒃ (IRS): ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓂᖅ ᑭᓇᑐᐃᓐᓇᐅᑉ ᑲᒪᒋᔪᓐᓇᕐᓂᖓᓂᒃ. ᑕᑯᒍᑎᒃ ᑭᓱᑐᐃᓐᓇᒥᒃ ᖁᐊᖅᓵᕐᓇᕈᓐᓇᖅᑐᓂᒃ, ᐱᐅᓂᖅᓴᐅᖃᑦᑕᖅᑐᖅ ᐅᖃᐅᓯᖃᕐᓂᕐᒥᒃ ᐅᖃᐅᓯᖃᙱᓐᓂᕐᒥᒃ.
- ᖃᓄᐃᙱᑦᑎᐊᕋᓱᖕᓂᖅ ᐊᒻᒪ ᐊᑦᑕᕐᓇᖅᑐᒦᑦᑕᐃᓕᒪᓂᖅ ᐃᓚᒋᔭᐅᑎᑕᐅᓪᓗᓂ ᑕᒪᐃᓐᓄᑦ ᐃᖅᑲᓇᐃᔭᕐᕕᖕᓂᑦ ᑐᓴᒐᒃᓴᓕᕆᓂᒃᑯᑦ
ᒪᒃᑯᒃᑐᑦ ᐃᖅᑲᓇᐃᔭᖅᑎᑦ ᖃᐅᔨᒪᑎᓪᓗᒋᑦ ᖃᓄᐃᑦᑐᑐᐃᓐᓇᑦ ᐊᒻᒪ ᑕᒪᐃᓐᓂᒃ ᐊᐱᖅᑯᑎᒃᓴᑦ ᑐᙵᓱᒃᑎᑕᐅᓂᐊᖅᑐᑦ. ᓇᓗᓇᐃᖅᓯᔾᔪᑎᓂᒃ ᐃᒻᒥᓂᖔᖅᑐᓂᒃ ᑕᑯᑎᑦᑎᑐᐃᓐᓇᕆᐊᓖᑦ, ᐊᒻᒪ ᓇᓗᓇᐃᕈᒪᙱᑐᐃᓐᓇᕆᐊᖃᖅᖢᑎᒃ ᐱᐊᓂᒃᓯᔪᓐᓇᙱᓐᓂᖏᓐᓂᒃ ᐱᓕᕆᐊᒃᓴᓂᒃ. ᑐᙵᓇᖅᑐᒥ ᐊᕙᑎᒥᒃ ᐃᓚᐅᔪᒪᓐᓇᖅᐳᖅ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ ᐅᖃᓪᓚᒍᓐᓇᖅᓯᑎᑦᑎᓂᕐᒧᑦ.
ᐃᖅᑲᓇᐃᔭᕐᕕᒋᔭᐅᓂᕐᓄᑦ, ᐊᖏᔪᖅᑳᕆᔭᐅᕗᓯ, ᑲᔪᖏᖅᓴᐃᔨᐅᓪᓗᓯ, ᐊᒻᒪ ᓯᕗᓕᐅᖅᑎᐅᓪᓗᓯ. ᒪᓕᒐᖅ ᑎᓕᓯᓯᒪᕗᖅ ᓇᓗᓇᐃᖅᓯᓯᒪᔭᕆᐊᖃᕐᓂᕐᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᑭᓇᓕᒫᓄᑦ ᐃᖅᑲᓇᐃᔭᕐᕕᖕᒥ, ᐅᑭᐅᖏᑦ ᐅᕝᕙᓘᓐᓃᑦ ᐊᕐᕌᒍᖏᑦ ᖃᓄᐃᓕᖓᓂᖓ ᒪᓕᙱᒃᑲᓗᐊᕐᓗᒋᑦ, ᐃᖅᑲᐅᒪᓗᑎᓪᓗ ᓯᕗᓕᐅᖅᑎᐅᓂᕐᓂᒃ ᑭᖑᕚᓄᑦ ᐊᑦᑕᕐᓇᙱᑦᑐᒃᑯᑦ ᐃᖅᑲᓇᐃᔭᖅᑎᐅᓂᕐᒥᒃ. ᐊᔪᕆᖅᓲᑎᓗᒋᑦ: ᕿᓚᒻᒥᐅᓗᐊᕐᓂᖃᙱᑦᑐᖅ ᖃᐅᔨᔾᔪᑎᒋᓯᒪᔪᓂᒃ ᖃᐅᔨᒪᖃᑎᖃᕆᐊᒃᓴᒃ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐅᖃᐅᓯᖃᕐᓂᕐᒥᒃ. ᒪᒃᑯᒃᑐᐃᓐᓇᐅᓚᐅᖅᑐᒍᑦ ᐃᖅᑲᓇᐃᔭᖅᑎᐅᓪᓗᑕ. ᑭᖑᕚᒃᓴᕗᑦ ᐃᑲᔪᕐᓂᖃᖅᑎᑦᑎᐊᓚᐅᕐᓚᕗᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᕖᑦ ᐱᔪᓐᓇᕐᓂᖏᓐᓂᒃ ᑲᒪᒋᔭᕆᐊᖃᖅᑕᖏᓐᓂᒡᓗ, ᐅᓇ ᓇᕿᓪᓗᒍ. ᐃᖅᑲᓇᐃᔭᕐᕕᒋᔭᐅᔪᑦ, ᐃᖅᑲᐅᒪᒋᑦ ᐃᓛᒃᑰᖅᑐᖅ 14 ᓄᑖᕐᒥᒃ OHS ᐊᑐᐊᒐᖏᑦ ᐅᖃᖅᓯᒪᔪᖅ ᒪᒃᑯᒃᑐᖅ ᐃᓄᒃ ᐃᖅᑲᓇᐃᔭᕈᓐᓇᙱᓐᓂᖓᓂᒃ.
|
|
ᐃᑭᔪᐃᑦᑐᑦ
ᖃᐅᔨᒪᔭᕆᐊᖃᕐᓂᖅ ᑭᓱᓂᒃ ᓇᐅᑦᑎᖅᓱᕆᐊᖃᕐᒪᖔᑦ ᐊᐅᔭᒃᑯᑦ
ᐃᒡᓗᓕᓐᓇᐅᓂᐊᓕᕐᒥᖕᒪᑦ, ᑕᒪᓐᓇᓗ ᐊᕐᕌᒍᑕᒫᖅᓯᐅᑦ ᓇᓗᓇᐃᖅᓯᓂᖅ ᐅᔾᔨᖅᓱᕐᓂᖅ ᑕᒪᒃᑯᓂᖓ ᑲᔪᓯᑎᓪᓗᐊᖅᑕᑦᑎᓐᓂᒃ ᑲᒪᒋᑦᑎᐊᕐᓗᒍ: ᐃᑭᔪᐃᑦᑐᑦ.
ᐋᖅᑭᒃᓯᒪᔪᑦ ᓱᕋᒃᑎᖅᑕᐅᓂᖏᓐᓄᑦ ᐅᕝᕙᓘᓐᓃᑦ ᓄᑖᙳᕆᐊᖅᑕᐅᓂᖏᓐᓄᑦ, ᐃᖅᑲᐅᒪᓂᐊᖅᐳᑎᑦ ᐃᒡᓗᕐᔪᐊᑦ ᓴᓇᔭᐅᓂᑯᑦ 1990 ᐊᓂᒍᖅᓯᒪᓕᖅᑎᓪᓗᒍ ᓄᓇᑦᓯᐊᕐᒥ ᓄᓇᕗᒻᒥᓪᓗ ᐃᑭᔪᐃᑦᑐᖃᑐᐃᓐᓇᕆᐊᖃᕐᓂᖏᓐᓄᑦ. (ᐃᒡᓗᕐᔪᐊᑦ ᓴᓇᔭᐅᓂᑯᒃ 1990-ᖑᓚᐅᙱᓐᓂᖓᓂ ᖃᐅᔨᒪᔭᐅᔪᑦ, ᐃᒪᓐᓇᑦᑎᐊᖅ, ᐃᑭᔪᐃᑦᑐᖃᕐᓂᖏᓐᓂᒃ ᓄᑖᙳᕆᐊᖅᑕᐅᓚᐅᙱᑉᐸᑕ 1990 ᐅᕌᓂᒃᑲᓗᐊᖅᑎᓪᓗᒍ.)
ᓄᓇᑦᓯᐊᕐᒥ ᓄᓇᕗᒻᒥᓪᓗ ᑐᑭᓕᐊᖑᓯᒪᔪᑦ ᐃᑭᔪᐃᑦᑐᓄᑦ ᓴᓇᔭᐅᔪᑦ ᐱᖁᑎᑦ ᐅᕝᕙᓘᓐᓃᑦ ᐊᓯᖏᑦ ᐃᓚᖃᖅᑐᑦ 1%-ᒥᑦ ᐅᕝᕙᓗᓐᓃᑦ ᐅᖓᑖᓄᑦ ᐃᑭᔪᐃᑦᑐᓂᑦ. ᐱᑕᖃᕋᔪᒃᑐᑦ ᐱᖁᑎᓂᒃ ᐃᓚᖃᖅᑐᑦ ᐃᑭᔪᐃᑦᑐᓂᒃ ᐅᑯᓂᖓ:
- ᐃᒡᓘᑉ ᖁᓕᒃᓴᖓᑕ ᐃᓚᒃᓴᖏᑦ;
- ᐊᑭᓐᓇᕐᒧᑦ ᐱᖁᑎᑦ;
- Vinyl ᐃᑭᔪᐃᑦᑐᑦ ᑭᑉᐹᕆᒃᑐᑦ;
- ᐱᔭᕆᖅᓯᔾᔪᑎᑦ; ᐊᒻᒪ
- ᓱᓪᓗᓕᖕᓂᑦ ᐃᓕᐅᖅᑲᐃᓂᖅ.
ᐃᖅᑲᓇᐃᔭᕈᕕᑦ ᓇᓕᐊᖕᓂᑐᐃᓐᓇᖅ ᑕᒪᒃᑯᓇᓂ ᐱᓕᕆᕝᕕᖕᓂ, ᐅᔾᔨᖅᓱᕆᑦ ᑐᑭᓯᐅᒪᓗᑎᓪᓗ ᐃᓕᖕᓂᒃ ᓴᐳᒻᒥᔭᕆᐊᒃᓴᖅ ᐊᓯᖕᓂᓪᓗ:
- ᐃᒡᓗᕐᔪᐊᓕᐅᕐᓂᖅ ᐅᕝᕙᓘᓐᓃᑦ ᓄᑖᙳᖅᑎᑎᕆᐊᕐᓂᖅ, ᐃᓚᖃᕐᓗᓂ:
- ᕿᔪᓕᕆᓂᖅ
- ᐃᒡᓗᓕᐅᕐᓂᖅ ᓴᓇᔭᐅᓂᖓ
- ᐃᑭᐊᕐᒥᒃᓴᓂᒃ ᐃᓕᐅᖅᑲᐃᓂᖅ
- ᓱᓪᓗᓕᕆᓂᖅ
- ᖁᓕᓕᐅᕐᓂᖅ
- ᐅᒥᐊᕐᔪᐊᓕᐅᕐᓂᖅ
- ᖃᓪᓗᓈᖅᑕᓂᑦ ᐱᓕᕆᓂᖅ
- ᐋᖅᑭᒋᐊᖅᑕᐅᓂᖏᑦ ᐊᒻᒪ ᐊᒃᑕᑯᓂᑦ ᐊᐅᓚᑦᑎᔾᔪᑎᑦ
ᐃᖅᑲᓇᐃᔭᕐᕕᖕᒥ ᐋᓐᓂᐊᓕᕐᓇᖅᑐᑦ ᐊᒻᒪ ᐃᓅᔪᓐᓃᕐᓃᑦ ᐱᔾᔪᑎᖃᖅᑐᓂᒃ ᐃᑭᔪᐃᑦᑐᓄᑦ ᐅᓗᕆᐊᓇᖅᑐᒦᓐᓂᖓ ᓄᖅᑲᖓᑎᑕᐅᔪᓐᓇᖅᑐᖅ. ᐱᕕᖃᖅᑎᑦᑎᓂᖅ ᐃᑭᔪᐃᑦᑐᓂᑦ ᐅᔾᔨᖅᓱᕆᐊᖃᕐᓂᕐᒥᒃ ᐱᓕᒻᒪᒃᓴᕐᓂᖅ ᐃᓕᑦᑎᓂᕐᒧᑦ ᐃᒻᒥᓄᑦ ᐊᒻᒪ ᓴᓇᖃᑎᒋᔭᕐᓄᑦ. ᐱᓕᕆᕝᕕᐅᔪᖅ ᐅᔾᔨᕐᓇᖅᑐᖃᕈᓂ ᐃᑭᔪᐃᑦᑐᓄᑦ, ᖃᐅᔨᓴᖅᑕᐅᓂᖅ ᐱᓕᕆᔭᐅᔭᕆᐊᖃᖅᑐᖅ ᐊᔪᙱᓐᓂᖃᖅᑐᒥᒃ ᐱᓕᕆᔨᒥ. ᐱᖁᑎᖃᖅᑎᓪᓗᒋᑦ ᐃᖅᑲᓇᐃᔭᖅᑎᓕᒫᑦ ᓈᒪᔪᓂᑦ ᓇᖕᒥᓂᖅ ᓴᐳᒻᒥᔾᔪᑎᑦ (PPE), ᑐᑭᓯᐅᒪᓂᖃᕐᓗᑎᓪᓗ ᐊᐅᓚᑦᑎᔾᔪᑕᐅᕙᒃᑐᓂᑦ ᐊᑐᖅᑕᐅᔾᔪᓯᖏᓐᓂᒃ ᓴᖅᑭᑦᑐᖃᖅᐸᑦ ᐃᑭᔪᐃᑦᑐᓂᒃ.
ᐃᖅᑲᐅᒪᒋᑦ: ᐅᔾᔨᕆᙱᑐᐃᓐᓇᕆᐊᖃᖅᑐᑎᑦ ᓴᖅᑭᔮᕐᓂᕐᓄᑦ ᐃᑭᔪᐃᑦᑐᓄᑦ. ᖃᐅᔨᔭᐅᓇᓵᕈᓐᓇᕐᓂᖓ ᐃᑭᔪᐃᑦᑐᓂᑦᐊᒃᑑᑎᓕᖕᓄᑦ ᐋᓐᓂᐊᖅᑖᕆᔭᐅᔪᑦ (20-ᓂᑦ 40-ᓄᑦ ᐊᕐᕌᒍᓄᑦ) ᐃᓱᒪᓕᕈᓐᓇᖅᑎᑦᑎᓐᓇᖅᑐᖅ ᐊᒃᑐᖅᑕᐅᙱᓐᓂᕐᓂ.
|
|
ᑎᑎᕋᕐᕕᐅᑉ ᒪᑐᕝᕕᒃᓴᖏᑦ
ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᑎᑎᕋᕐᕕᖏᑦ (ᓄᓇᑦᓯᐊᕐᒥ ᓄᓇᕗᒻᒥᓪᓗ) ᒪᑐᓯᒪᓛᖅᑐᑦ ᓇᒡᒐᔾᔭ, ᔪᓚᐃ 3 ᖁᕕᐊᓲᑎᖃᓕᖅᐸᑲᑕ ᑲᓇᑕᐅᑉ ᐅᓪᓗᐊᓂ, ᒪᒃᐱᒃᑲᓐᓂᕐᓗᑎᒃ ᐊᐃᑉᐹᑦ, ᔪᓚᐃ 4 8:30-ᒥ ᐅᓪᓛᒃᑯᑦ.
ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐃᖃᓗᐃᑦ ᑎᑎᕋᕐᕕᖓ ᒪᑐᓯᒪᓛᖅᑐᖅ ᓇᒡᒐᔾᔭ, ᔪᓚᐃ 10 ᖁᕕᐊᓲᑎᖃᓕᖅᐸᑕ ᓄᓇᕗᑦ ᐅᓪᓗᖓᓂ, ᒪᒃᐱᒃᑲᓐᓂᓛᖅᑐᑦ ᐊᐃᑉᐹᑦ, ᔪᓚᐃ 11 8:30-ᒥ ᐅᓪᓛᒃᑯᑦ.
ᐅᖄᓚᓗᑎᑦ 1-800-661-0792 ᖃᐅᔨᒃᑲᐃᔪᒪᓗᓂ ᐱᓂᕐᓗᑦᑐᖃᖅᐸᑦ ᐅᕙᓗ ᐋᓐᓂᖅᑐᖃᖅᐸᑦ ᐃᖅᑲᓇᐃᔭᕐᕕᒻᒥᑦ.
|
|
wscc.nt.ca / 1.800.661.0792 * wscc.nu.ca / 1.877.404.4407
|
|
|
|
|
|
|
|
|