ᐅᑐᐱᕆ 2017
ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ (WHMIS) 2015
ᐊᑭᖃᙱᑦᑐᒥ ᐃᓕᓐᓂᐊᕐᓇᖅᓯᔪᖅ ᐃᓄᒃᑎᑐᑦ!

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᒃᓱᕈᐃᓐᓇᐅᔭᖅᑐᑦ ᐊᑐᐃᓐᓇᐅᑦᑎᐊᑎᑦᑎᓂᕐᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᑭᓯᒋᐊᕈᑎᓂ. ᑕᐃᒪᐃᓐᓂᖓᓄᑦ, ᐅᐱᒍᓱᑦᑐᒍ ᐅᖃᐅᓯᖃᕐᓂᕐᒥᑦ ᑖᓐᓇ
ᐊᑭᖃᙱᑦᑐᖅ ᖃᕆᓴᐅᔭᒃᑯᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ
(WHMIS) 2015 ᐃᓕᓐᓂᐊᕐᓂᐅᔪᖅ ᐊᑐᐃᓐᓇᐅᑎᖃᑦᑕᖅᑕᕗᑦ ᐃᓄᒃᑎᑐᑦ ᐊᑐᐃᓐᓇᐅᓕᕐᒥᔪᖅ ! ᑖᒃᑯᐊ ᐱᒻᒪᕆᐅᔪᑦ ᑐᑭᓯᒋᐊᕈᑎᒃᓴᑦ ᐊᑭᖃᙱᑦᑐᑦ ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ ᐅᖃᓪᓚᒃᑎᓄᑦ.

ᑲᑐᔾᔨᖃᑎᖃᕐᓂᒃᑯᑦ ᑖᒃᑯᓂᖓ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS), ᑖᒃᑯᐊ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᓴᖅᑮᓚᐅᖅᑐᑦ ᖃᕆᓴᐅᔭᒃᑯᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ 2015 ᖃᕆᓴᐅᔭᒃᑯᑦ ᐃᓕᓐᓂᐊᕈᑎᒥ ᐊᕐᕌᒍ ᐱᒋᐊᓕᓵᖅᑎᓪᓗᒍ ᐃᑲᔪᕈᒪᔪᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐃᖅᑲᓇᐃᔭᖅᑎᖁᑎᖏᑕ WHMIS (ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ) ᐃᓕᓐᓂᐊᖅᓯᒪᓂᖏᑦ ᐅᓪᓗᒥᒨᖓᒐᓗᐊᕐᒪᖔᖅ. 

ᐅᖃᐅᓯᐅᓯᒪᔪᖅ ᑭᖑᓂᑦᑎᓐᓂ ᑎᑎᕋᖅᓯᒪᔪᓂ SafetyNet ᑕᒪᑐᒪ ᐊᕐᕌᒍᒥ, ᐃᑲᔪᖃᑦᑕᕐᓂᐅᔪᖅ ᐃᖅᑲᓇᐃᔭᖅᑎᖁᑎᓕᖕᓂᒃ ᐊᒻᒪ ᓴᓇᔨᓂ ᒪᓕᑦᑎᐊᖅᓯᒪᓂᖏᓐᓂᒃ ᐱᒻᒪᕆᐅᔪᖅ ᓲᖃᐃᒻᒪ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᓇᑕᒥ ᐊᓯᔾᔩᓯᒪᖕᒪᑕ ᒪᓕᒋᐊᖃᕐᓂᕐᒧᑦ ᐅᓪᓗᖁᑎᖏᓐᓂᒃ ᑖᔅᓱᒧᖓ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ 2015, ᐊᑐᓕᖅᑎᑕᐅᓂᖓ ᐱᖓᓲᓕᖅᑲᖓᔪᒥ-ᐊᕕᒃᑐᖅᓯᒪᓗᓂ, ᐊᓱᐃᓛᒃ ᒪᓕᒃᑕᐅᓪᓚᑦᑖᓕᕐᓗᓂ ᑲᓇᑕᓕᒫᒥ ᑎᓯᐱᕆ 1, 2018-ᒥ.

ᐃᓕᓐᓂᐊᖃᑕᐅᒋᑦ ᐊᑭᖃᙱᑦᑐᒧᑦ ᖃᕆᓴᐅᔭᒃᑯᑦ ᐃᓕᓐᓂᐊᕈᑎᐅᔪᒥ ᐅᓪᓗᒥᐅᔪᖅ - ᐊᑐᐃᓐᓇᐅᓕᖅᑐᖅ ᐃᓄᒃᑎᑐᑦ, ᐅᐃᕖᑎᑐᑦ, ᐊᒻᒪ ᖃᓪᓗᓈᑎᑐᑦ. ᑕᑯᒋᐊᕈᒃ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ 2015 ᖃᕆᓴᐅᔭᒃᑯᑦ ᐃᓕᓐᓂᐊᕐᓇᖅᑐᖅ ᐃᒡᕕᑦ ᐅᖃᐅᓯᖓᑎᒍᑦ ᓂᕈᐊᕐᓗᑎᑦ ᑲᓱᒡᕕᐅᔪᓄᑦ ᐊᑖᓂ:
*ᐃᓄᒃᑎᑑᖅᑐᖅ ᐃᓕᓐᓂᐊᕈᑎ ᐅᐸᒐᒃᓴᐅᔪᖅ ᖃᓪᓗᓈᑎᑑᖅᑐᑦ ᒪᒃᐱᒐᖓᓂ. ᐃᓛᒃᑰᖓᔪᖅ ᐃᓄᒃᑎᑑᖅᑐᖅ ᑲᓱᒡᕕᒃ ᐊᑐᐃᓐᓇᐅᑎᑕᐅᓛᓕᖅᑐᖅ ᒫᓐᓇᑦᑎᐊᑯᓗᒃ.
ᓄᑖᖑᔪᑦ WSCC CONNECT ᐱᔨᑦᑎᕋᐅᑏᑦ
ᐊᒻᒪ ᖃᓄᖅ ᐃᓕᖕᓄᑦ ᑐᑭᖃᕐᒪᖔᑦ


ᑕᖅᑭᐅᓚᐅᖅᑐᒥ, ᓴᖅᑮᓚᐅᖅᑐᒍᑦ ᒪᕐᕉᖕᓂᒃ ᓄᑖᓂ WSCC Connect ᖃᕆᑕᐅᔭᒃᑯᑦ-ᐱᔨᑦᑎᕋᐅᑎᓂ: ᐊᖏᖅᑕᐅᓯᒪᕙᒌᖅᑐᑦ ᐊᑭᓕᐅᑎᑦ ᐊᒻᒪ ᐱᖃᐅᑎᓐᓂ ᐊᐅᓚᑦᑎᓂᕐᒥᑦ. WSCC Connect-ᒧᑦ ᐊᑐᖅᑐᐊᖅᑎᐅᓗᑎ, ᑑᒃᑯᐊ ᓄᑖᖑᔪᑦ ᐱᔨᑦᑎᕋᐅᑏᑦ ᑭᓲᖕᒪᑕ ᐊᒻᒪ ᖃᓄᖅ ᐃᓕᖕᓄᑦ ᐃᑲᔫᑎᖃᕈᓐᓇᖅᐸ ᓄᑖᒥ ᐊᕐᕌᒍᒥ?

ᐊᖏᖅᑕᐅᓯᒪᕙᒌᖅᑐᑦ ᐊᑭᓕᐅᑎᑦ

ᐋᖅᑭᒃᓱᐃᓗᑎ ᐊᖏᖅᑕᐅᓯᒪᕙᒌᖅᑐᓂ ᐊᑭᓖᓂᕐᒧᑦ ᑕᐃᑲᓂ WSCC Connect-ᒥ ᐊᒻᒪ ᑭᖑᕙᒃᑲᓐᓂᓚᐅᖅᓯᒪᙱᓪᓗᑎᑦ ᐊᑭᓖᔭᕆᐊᖃᕐᓂᕐᒧᑦ!

ᐱᖃᐅᑎᓐᓂ ᐊᐅᓚᑦᑎᓂᕐᒥᑦ

ᐊᒡᓚᒡᕕᓯ ᓄᑦᑎᓛᓕᖅᐸ? ᐅᖄᓚᐅᑎᓯ ᐊᓯᔾᔨᓛᖅᐸ ᐅᕝᕙᓘᓐᓃᑦ ᑲᒻᐸᓂᐅᔫᑉ ᖃᐅᔨᒋᐊᕐᕕᒃᓴᖏᑦ? ᐱᖃᐅᑏᑦ ᑲᒪᒋᔪᓐᓇᖅᑕᐃ ᑖᓐᓇ ᐊᑐᕐᓗᒍ WSCC Connect, ᐊᒃᓱᕈᕐᓇᖏᑦᑐᖅ. ᐃᖅᑲᓇᐃᔭᕐᕕᒃᐱᑦ ᖃᐅᔨᒋᐊᕐᕕᒃᓴᖏᑦ ᐊᒻᒪ ᑐᑭᓯᒋᐊᕈᑎᓯ ᖃᕆᓴᐅᔭᒃᑯᑦ ᓄᑖᙳᖅᑎᒋᐊᒃᑭᑦ ᑐᓴᐅᒪᑎᑕᐅᑕ ᖃᓄᖅ ᐃᓕᖕᓂ ᑐᓴᕆᐊᕈᓐᓇᕋᔭᕐᒪᖔᑦᑕ.

WSCC Connect−ᒧᑦ ᐊᑐᖅᑐᐊᖅᑎᐅᙱᓚᑎ ᓱᓕ? ᑭᓱᒧᑦ ᓄᖅᑲᖓᑎᑕᐅᒐᕕ? ᑕᑯᒋᐊᕐᓗᒍ ᑐᑭᓯᒋᐊᕐᕕ ᖃᓄᖅ ᐃᑲᔪᖅᑕᐅᓂᖅᐹᖑᔪᓐᓇᕐᒪᖔᖅᐱᑦ ᖃᕆᓴᐅᔭᒃᑯᑦ−ᐱᔨᑦᑎᕋᐅᑎᓂ.
ᑕᑯᔪᒥᓇᖅᑐᖅ ᐊᑦᑕᓇᔾᔭᐃᖅᓯᒪᓂᕐᒧᑦ: ᐊᑐᓕᖅᑎᑦᑎᒃᑲᓐᓂᓂᕐᒧᑦ ᐊᖑᑦ!
ᐊᑦᑕᓇᔾᔭᐃᖅᓯᒪᓂᕐᒧᑦ ᐃᔾᔪᐊᕈᒥᓇᖅᑐᒥ ᓴᖅᑭᔮᖅᑎᑦᑎᓂᕐᒥᑦ

WSCC's CEO Dave Grundy and CEO James Peggs!
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᐱᒍᓱᓪᓚᕆᓲᑦ ᒥᑭᓐᓂᖅᓴᐃᑦ ᓇᖕᒥᓂᕆᔭᐅᔪᑦ ᐱᓕᕆᐊᖃᓕᕋᐃᒻᒪᑕ ᖃᓄᖅ ᐊᑦᑕᓇᔾᔭᐃᖅᓯᒪᓲᖑᒻᒪᖔᑦ ᐃᖅᑲᓇᐃᔭᕐᕕᖏᓐᓂ. ᑕᐃᒪᐃᓚᐅᖅᑐᖅ ᖁᓕᓂ ᐅᑭᐅᓕᒃ ᔭᐃᒥᓯ ᐸᒡᔅ, ᔭᓗᓇᐃᕝᒥ ᖃᐅᔨᒪᔭᐅᔪᖅ ᐊᑐᓕᖅᑎᑦᑎᒃᑲᓐᓂᓂᕐᒧᑦ ᐊᖑᒻᒥ. ᑕᑯᓚᐅᖅᑕᕗᑦ ᑖᔅᓱᒧᖓᑐᐊᖑᖏᑦᑐᖅ ᒪᒃᑯᒃᑐᖅ ᑮᓇᐅᔭᓕᐅᕈᒪᓂᕐᒧᑦ ᐃᓱᒪᓕᒃ , ᑭᓯᐊᓂ ᐅᔾᔨᖅᓱᑦᑎᐊᕐᓂᕆᔭᖓᓂ ᐊᑦᑕᓇᔾᔭᐃᖅᓯᒪᓂᕐᒧᑦ.

ᐅᖃᖃᑎᒋᔪᓐᓇᓚᐅᖅᑕᕗᑦ ᐊᑐᓕᖅᑎᑦᑎᒃᑲᓐᓂᓂᕐᒧᑦ ᐊᖑᑦ ᒥᑭᑦᑐᓄᑦ ᓇᖕᒥᓂᕆᔭᐅᔪᓄᑦ ᐱᓇᓱᐊᕈᓯᖓᓂ ᑕᖅᑭᕆᔭᑦᑎᓐᓂ − ᐅᐊᑲᓪᓚᖔ ᒥᑭᔫᓪᓗᓂ ᓇᖕᒥᓂᕆᔭᐅᑦᑎᐊᖅᑐᒻᒪᕆᐊᓗᒃ! ᑎᑎᕋᕐᕕᖕᒥ ᐊᖓᔪᖅᑳᖑᓪᓗᓂ ᓇᖕᒥᓂᖅ ᐊᑐᓕᖅᑎᑦᑎᒃᑲᓐᓂᓂᕐᒧᑦ ᓇᖕᒥᓂᕆᔭᒥᓄᑦ, ᔭᐃᒥᓯ ᐱᓕᕆᕙᒃᑐᖅ ᑐᙵᓇᖅᖢᓂ ᐱᔨᑦᑎᕋᕐᓂᕐᒧᑦ ᓄᓇᓕᖓᓂ ᐃᓱᒪᑦᑎᐊᕆᓪᓗᓂ ᐊᒻᒪ ᐊᕙᑎᒥ−ᑲᒪᑦᓯᐊᓯᓐᓈᖅᖢᓂ. 

ᔭᐃᒥᓯ ᐅᕙᑦᑎᓂ ᐃᖅᑲᐃᑎᑦᑎᕗᖅ ᑖᔅᓱᒥᖓ: ᐃᖅᑲᓇᐃᔭᕐᕕᖕᒥ ᐊᑦᑕᓇᔾᔭᐃᖅᓯᒪᓕᕆᓂᐊᕐᓗᑎ, ᓇᖕᒥᓂᕆᔭᐅᔫᑉ ᐊᖏᓂᖓ ᐃᓱᒫᓗᓐᓇᙱᑦᑐᖅ, ᐃᓱᒫᓗᓐᓇᕋᓂᓗ. ᒪᑯᐊ ᓇᖕᒥᓂᕆᔭᐅᔪᓄᑦ ᐃᓕᓐᓂᐊᕈᑎᒃᓴᑦᑎᐊᕙᐅᔪᑦ ᔭᐃᒥᓯᒥ:
  • ᓯᓚᒥ ᐱᓕᕆᓂᐊᕐᓗᓂ, ᑕᑯᒃᓴᐅᑦᑎᐊᕐᓂᖅ ᐱᒻᒪᕆᐅᕗᖅ: ᑕᑯᒃᓴᐅᑦᑎᐊᕐᓇᖅᑐᖅ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᐊᓯᑰᖓ, ᔭᐃᒥᓯ ᑕᑯᒃᓴᐅᑦᑎᐊᖏᓐᓇᐅᔭᖅᑐᖅ ᖃᖓᓕᒫᒃᑯᑦ − ᐅᓪᓗᒃᑰᕋᓗᐊᕈᓂ ᐅᕝᕙᓘᓐᓃᑦ ᑖᖅᑎᓪᓗᒍ ᐅᑭᐅᒃᑯᑦ.
  • ᑭᓇᐅᖕᒪᖔᖅᐱᑦ ᑕᑯᒃᓴᐅᑎᑦᑎᓂᕐᒥᑦ ᐱᒻᒪᕆᐅᕗᖅ: ᐃᖅᑲᓇᐃᔭᕐᓂᐊᖅᑎᓪᓗᑎ, ᐊᑐᕆᔭᐃᑦ ᓇᒥᓗ ᐃᖅᑲᓇᐃᔭᕐᒪᖔᖅᐱᑦ ᑕᑯᒃᓴᐅᑦᑎᐊᕐᓗᑎ ᐃᒡᕕᑦ ᐊᑐᕐᓗᒍ ᐃᓄᓕᒫᓄᑦ ᖃᐅᔨᒪᔭᐅᓂᐊᕋᕕᑦ ᓴᓇᔨᐅᓂᕐᓂ. (ᓇᖕᒥᓂᕆᔭᕐᓄᑦ ᐸᑦᑕᙳᐊᕋᓛᓂ ᐱᓯᒪᑦᑏᓐᓇᖃᑦᑕᕐᓗᓂ ᐱᐅᔪᒻᒪᕆᐊᓘᖕᒥᔪᖅ!)
  • ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐱᒻᒪᕆᐅᖕᒥᔪᑦ: ᔭᐃᒥᓯ ᐱᖁᑎᖃᑦᑎᐊᖅᑐᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂ, ᓯᓚᒥ ᐃᖅᑲᓇᐃᔭᕈᓐᓇᖅᑐᖅ ᖃᖓᓕᒫᒃᑯᑦ ᐅᑭᐊᒥ ᓯᓚᓗ ᖃᓄᐃᑦᑑᒐᓗᐊᕈᓂ. ᑎᖅᑭᐊᓕᐅᒐᓗᐊᕈᓂ ᐊᐅᔭᒃᑯᑦ ᓯᕿᓂᖅᑕᐅᔾᔭᐃᖅᓯᒪᓂᕐᒧᑦ, ᐅᕝᕙᓘᓐᓃᑦ ᐊᒡᒑᒃ ᐊᒻᒪ ᔭᐃᑲᖕᒥ ᕿᐅᖁᓇᑦ ᐅᑭᐅᒃᑯᑦ, ᔭᐃᒥᓯ ᐱᕙᒌᔭᖅᓯᒪᑦᑎᐊᓲᖅ ᓯᓚᒧᑦ ᐃᖅᑲᓇᐃᔭᖅᑎᓪᓗᒍ.
  • ᐊᑦᑕᓇᔾᔭᐃᖅᓯᒪᓂᖅ ᓈᓴᐅᑎᑎᒍᑦ: ᐃᓄᑑᓗᓂ ᐱᓕᕆᖃᑦᑕᕐᓂᖅ ᓴᓇᔨᒧᑦ ᐊᑦᑕᕐᓇᕈᑕᐅᕗᖅ ᐱᕐᕈᓗᐊᕿᓐᓂᕈᓂ. ᐃᓐᓇᕐᒧᑦ ᒪᓕᒃᑕᐅᔪᒪᕙᒃᖢᓂ, ᔭᐃᒥᓯ ᐅᔾᔨᖅᓱᑦᑎᐊᖅᐳᖅ ᓇᖕᒥᓂᖅ ᐊᑦᑕᓇᔾᔭᐃᖅᓯᒪᓂᕐᒥᑦ.
ᐃᖅᑲᓇᐃᔭᕐᕕᖕᒥ ᐊᑦᑕᓇᔾᔭᐃᖅᓯᒪᓂᖅ ᑖᓐᓇᐅᖏᓐᓇᐅᔭᖅᑐᖅ #worthit (ᐊᑑᑎᖃᑦᑎᐊᖅᐳᖅ). ᓇᖕᒥᓂᕆᔭᐅᔪᓕᒫᑦ, ᐊᖏᓂᖓ ᐃᓱᒪᒋᖏᓪᓗᒍ, ᐅᔾᔨᖅᓱᐃᓐᓇᕆᐊᓖᑦ ᐊᑦᑕᓇᔾᔭᐃᖅᓯᒪᓂᕐᒧᑦ. ᔭᐃᒥᓯ ᓴᖅᑭᔮᖅᑎᑦᓯᑦᑎᐊᖅᑐᖅ ᑖᒃᑯᐊ ᒥᑭᑦᑑᒐᓗᐊᑦ ᓇᖕᒥᓂᕆᔭᐅᔪᑦ ᐃᓱᒪᒋᔭᖃᑦᑎᐊᕈᓐᓇᖅᑐᑦ ᐃᖅᑲᓇᐃᔭᕐᕕᖕᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ! 
ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ
ᐋᓐᓂᖅᑕᐃᓕᒪᓂᖅ ᑕᒪᑐᒪ ᐅᑭᐅᒥ

ᐊᕐᕌᒍᑕᒫᑦ ᐅᓄᖅᑐᑦ ᓴᓇᔩᑦ ᐋᓐᓂᖅᐸᒃᑐᑦ ᖁᐊᐃᔭᕿᓐᓂᕐᒧᑦ, ᐹᓪᓚᓐᓂᕐᒧᑦ, ᐊᒻᒪ ᑲᑕᖕᓂᕐᒧᑦ. ᐊᑕᐅᓯᕐᒥ ᑕᓪᓕᒪᔪᓂ ᑮᓇᐅᔭᖅᑖᕋᓱᐊᖅᑐᓄᑦ ᑕᐃᒪᓐᓇ ᐋᓐᓂᕈᑎᖃᖅᑐᕕᓃᑦ. ᓂᒡᓚᓱᒃᑐᐊᓘᓕᖅᑎᓪᓗᒍ, ᐃᖅᑲᐃᑎᑦᑎᔪᒪᔪᒍᑦ ᑭᒃᑯᓕᒫᓂ ᐅᔾᔨᖅᓱᑦᑎᐊᕐᓗᓯ ᓇᒧᙵᐅᓕᕋᐃᒍᔅᓯ. ᖁᐊᐃᔭᕿᓪᓗᓂ ᐃᒡᓘᑉ ᐃᓗᐊᓂ ᐱᐅᖏᑦᑐᒻᒪᕆᐊᓗᒃ, ᑭᓯᐊᓂ ᓂᓚᐅᑉ ᖄᖓᒍᑦ ᑲᑕᓪᓗᓂ ᓄᓇᓯᐅᑎᒥ ᐊᓂᕙᓪᓕᐊᓗᓂ ᐊᒃᓱᐊᓗᒃ ᐋᓐᓂᕐᓇᕈᓐᓇᖅᑐᖅ!

ᖃᓄᕐᓕ ᑲᑕᒃᑕᐃᓕᒪᔪᓐᓇᖅᐱᑕ? ᐅᔾᔨᕈᓱᓐᓂᒃᑯᑦ ᐅᓗᕆᐊᓇᖅᑐᓂ ᐊᒻᒪ ᐊᐅᓚᑦᑎᔾᔪᑎᖏᓐᓂ:
  • ᑕᒪᕐᒥᑲᓴᑦ, ᖁᐊᐃᔭᕿᓐᓂᐅᔪᑦ, ᐹᓪᓚᓐᓂᐅᔪᑦ ᐊᒻᒪ ᑲᑕᖕᓂᐅᔪᑦ ᑕᐃᒪᐃᒍᑕᐅᒐᔪᓲᑦ ᓯᓚ ᐊᓯᔾᔨᖅᐸᓪᓕᐊᑎᓪᓗᒍ ᐅᑐᐱᕆᒥ ᐊᒻᒪ ᐄᐳᓗᒥ.
  • ᓴᓗᒻᒪᖅᓴᖅᓯᒪᑦᑎᐊᕐᓂᖅ ᐱᒻᒪᕆᐅᕗᖅ ᖁᐊᐃᔭᕿᑦᑕᐃᓕᒪᓂᕐᒧᑦ, ᐹᓪᓚᒃᑕᐃᓕᓂᕐᒧᑦ ᐊᒻᒪ ᑲᑕᒃᑕᐃᓕᒪᓂᕐᒧᑦ. ᐱᓕᕆᕝᕕᐅᔪᑦ ᓴᓗᒻᒪᖅᓴᖅᑕᐅᕙᓪᓗᑎ ᓱᓇᕈᓘᔭᕐᓂ ᑕᒫᓃᕐᕆᑎᑦᑎᖏᓪᓗᓯ.
  • ᐅᑭᐅᒃᑯᑦ ᓯᓚ ᐅᓗᕆᐊᓇᓕᖅᑎᑦᑎᒃᑲᓐᓂᓲᖅ, ᐱᓗᐊᖅᑐᒥ ᓴᓃᑦ ᐊᒻᒪ ᓂᓚᒃ ᑕᑯᒃᓴᐅᙱᑎᓪᓗᒋᑦ ᐊᐳᒻᒧ. ᓂᓚᒃᑕᖃᖅᑎᓪᓗᒍ ᐅᓗᕆᐊᓇᕈᑎᓕᐅᒃᑲᓐᓂᓲᖑᒻᒪᑦ, ᓯᐅᕋᓕᖅᓱᐃᖃᑦᑕᕐᓗᑎ ᐊᒻᒪ/ᐅᕝᕙᓘᓐᓃᑦ ᑕᕆᐅᕐᒥ ᓂᓚᖃᖅᑐᓄᑦ.
  • ᓯᓚ ᖃᐅᓯᕐᓇᖅᑎᓪᓗᒍ ᐃᓯᒐᐅᔮᖕᓂᒃ ᒪᕋᙳᖅᑎᑦᑎᓲᖑᒻᒪᑦ, ᐊᓱᐃᓛᒃ ᖁᐊᐃᔭᕿᔾᔪᑕᐅᓕᕐᓗᑎ, ᐹᓪᓚᒍᑕᐅᓕᕐᓗᑎ, ᐊᒻᒪ ᑲᑕᒍᑕᐅᓕᕐᓗᑎ. ᐊᓗᕐᓗᐃᔭᖃᑦᑕᕐᓗᑎᑦ ᒪᔪᕋᓚᐅᙱᓂᕐᓂ ᐅᕝᕙᓘᓐᓃᑦ ᐃᓯᓚᐅᖏᓂᕐᓂ ᐃᖅᑲᓇᐃᔭᕐᕕᖕᓄᑦ.
  • ᐅᔾᔨᖅᓱᑦᑎᐊᕐᓗᑎᑦ ᐊᑐᖃᑦᑕᕐᓗᑎᑦ ᐱᖓᓱᓂ ᑐᙵᕕᖃᕐᓂᕐᒥᑦ (ᐃᓯᒑᒃ ᒪᕐᕉᒃ ᐊᒻᒪ ᐊᒡᒐᒃ ᐃᓪᓗᐃᓐᓇᖅ, ᐅᕝᕙᓘᓐᓃᑦ ᐊᒡᒑᒃ ᒪᕐᕉᒃ ᐊᒻᒪ ᐃᓯᒐᖅ ᐃᓪᓗᐃᓐᓇᖅ) ᒪᔪᕋᐅᑎᑯᑖᒃᑯᑦ ᒪᔪᕋᓂᐊᕐᓗᓂ, ᒪᔪᕋᐅᑎᒃᑯᑦ ᐊᖅᑲᖅᑎᓪᓗᓂ (ᑎᒍᒻᒥᕕᑯᑖᖓ ᑎᒍᒥᐊᕐᓗᒍ), ᓄᓇᓯᐅᑎᒧᑦ ᐃᑭᔭᖅᑐᕐᓗᓂ ᐊᒻᒪ ᓂᐅᓂᐊᕐᓗᓂ, ᓯᓚᒨᖅᐸᓪᓕᐊᑎᓪᓗᑎᓗ ᐃᓯᖅᓯᒪᓚᐅᖅᑎᓪᓗᑎ.
  • ᓈᖕᒪᒃᑐᓂ ᑲᒫᓗᖕᓂ ᐊᑐᖃᑦᑕᕐᓗᑎ ᓯᓚ ᐱᔾᔪᑎᒋᓪᓗᒍ ᖃᓄᐃᑦᑑᓂᖓᓄᓪᓗ.
ᐃᖅᑲᐅᒪᓂᐊᖅᐳᑎᑦ: ᐃᔩᒃᑭᑦ ᐃᑲᔫᑎᒋᓂᖅᐹᒃᑭ ᖁᐊᐃᔭᕿᑦᑕᐃᓕᒪᓂᕐᒧᑦ, ᐹᓪᓚᒃᑕᐃᓕᒪᓂᕐᒧᑦ, ᐊᒻᒪ ᑲᑕᒃᑕᐃᓕᒪᓂᕐᒧᑦ. ᐅᓪᓗᕐᕕᒋᔭᐃ ᐅᔾᔨᕆᑦᑎᐊᕐᓗᒍ ᐊᒻᒪ ᑕᐅᑐᑦᑎᐊᕐᓗᑎ ᓇᒧᙵᐅᒻᒪᖔᖅᐱᑦ!
ᐊᕐᕌᒍᑕᒫᑦ ᓯᕗᓪᓕᖅᐹᒃᑯᑦ ᑐᖑᔪᖅᑕᒥ ᑎᓯᔪᒥ ᓇᓴᖅᓯᒪᓂᕐᒧᑦ ᓵᓚᒃᓴᕈᑕᐅᔪᖅ
ᓵᓚᖃᖅᑐᑦ ᑖᒃᑯᐊ...

ᐱᔭᒃᓴᕇᓐᓇᖅᑕᕗᑦ ᓴᖅᑭᔮᖅᑎᑦᑎᓂᕐᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᓕᕆᐊᖑᔪᒥ ᐅᔾᔨᕈᓱᓕᖅᑎᑦᑎᓂᕐᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑐᓂᓯᓚᐅᖅᑐᑦ ᐊᕐᕌᒍᑕᒫᑦ ᓯᕗᓪᓕᖅᐹᒃᑯᑦ ᑐᖑᔪᖅᑕᒥ ᑎᓯᔪᒥ ᓇᓴᖅᓯᒪᓂᕐᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᓵᓚᖃᖅᑐᑦ ᑕᒪᑐᒪ ᑕᖅᑭᕐᒥ ᓄᓇᓕᐅᔪᑦ ᔭᓗᓇᐃᕝ ᐊᒻᒪ ᕼᐊᐃ ᕆᕗ. ᑕᒪᓐᓇ ᓵᓚᒃᓴᕈᑕᐅᓲᖅ ᑐᓂᔭᐅᕙᒃᑯᖅ ᓄᓇᓕᐅᔪᓄᑦ ᓴᖅᑭᔮᖅᑎᑦᓯᑦᑎᐊᖅᑐᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ, ᑲᔪᖏᖅᓴᐃᓪᓗᓂᓗ ᓄᓇᓕᐅᔪᓂ ᓴᖅᑮᖁᓪᓗᒋᑦ ᓇᖕᒥᓂᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖑᔪᓂ.

"ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖑᔪᖅ ᐱᒻᒪᕆᐅᖃᑕᐅᕗᖅ ᑲᑐᔾᔨᖃᑎᒌᖑᔪᑦ ᐃᓗᐊᒍᑦ ᑲᒪᒋᔭᖃᕐᓂᐅᔪᒥᑦ ᐱᓕᕆᔾᔪᓯᐅᔪᒥ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ," ᐅᖃᖅᑐᖅ ᔫᑎ ᑲᐃᓐᔅ, ᑐᑭᒧᐊᖅᑎᑦᑎᔨ ᐋᓐᓂᖅᑕᐃᓕᒪᓂᕐᒧᑦ ᐊᒻᒪ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᕐᓂᕐᒧᑦ. "ᑖᒃᑯᐊ ᐊᒃᓱᕈᓐᓇᖅᑐᑦ ᐃᓕᓴᕆᔭᕗᑦ ᑕᒪᒃᑯᐊ ᐱᓕᕆᐊᖑᔪᑦ ᐱᒋᐊᖅᑎᑕᐅᓇᓱᒃᑎᓪᓗᒋᑦ, ᐊᖏᖅᓯᒪᓪᓚᕆᒃᑐᒍᑦ ᐃᑲᔪᖅᓱᓂᕐᒥᑦ ᓄᓇᓕᐅᔪᓂ ᐊᒻᒪ ᓇᖕᒥᓂᕆᔭᐅᔪᓂ ᐊᒻᒪ ᐃᓕᓴᕆᔪᒪᔭᕗᑦ ᑲᔪᓯᓂᖃᑦᑎᐊᕈᑎᒋᔭᖏᑦ."

ᐴᑦ ᕼᐊᓴᐃᔪ, ᐊᖓᔪᖅᑳᖅ ᐊᑦᑕᓇᔾᔭᐃᖅᓯᒪᓕᕆᔨ, ᐊᒻᒪ ᒦᑕ ᐋᓐᑐᓕᓐ, ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᒪᔨᑕᖅ, ᑐᓂᓯᓚᐅᖅᑑᒃ ᓵᓚᖃᐅᓯᓂᑦ ᓄᓇᓕᖕᓂ ᒐᕙᒪᒃᑯᑦ ᐊᐅᓚᑦᑎᔩᑦ ᓄᓇᑦᓯᐊᕐᒥ (LGANT) ᑲᑎᒪᓂᐅᔪᒥ ᐊᒻᒪ ᐊᕐᕌᒍᓕᒫᖅᓯᐅᑎᓂ ᑲᑎᒪᑎᓪᓗᒋᑦ ᐅᑐᐱᕆ 4-ᒥ. 

ᐆᑦᑐᖃᑕᐅᓂᐊᕐᓗᓂ 2018-ᒥ ᑐᖑᔪᖅᑕᒥ ᑎᓯᔪᒥ ᓇᓴᖅᓯᒪᓂᕐᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᓵᓚᖃᐅᓯᐊᒧᑦ, ᓄᓇᓕᖕᓂ ᑎᑎᕋᖅᑎᖁᑎᒋᔭᐅᔪᑦ (SAO) ᑲᑎᖅᓱᐃᔭᕆᐊᓖᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ-ᑐᕌᖓᔪᓂ ᑎᑎᖅᑲᓂ ᓴᖅᑭᔮᖅᑎᑦᑎᔪᓂ ᓄᓇᓕᐅᑉ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᕆᔭᖏᓐᓂᒃ ᐊᕐᕌᒍ ᐃᓗᐊᓂ. ᓄᓇᓕᓕᒫᑦ ᐊᒃᓱᕈᖁᔭᕗᑦ ᐱᓕᕆᑦᑎᐊᖁᓪᓗᒋᑦ ᐊᓕᐊᓇᐃᒍᓱᑦᑐᒍᑦ ᐊᕐᕌᒎᓛᖅᑐᒥ ᓵᓚᖃᕋᓱᐊᖅᑐᓂ ᑕᑯᑎᑕᐅᓛᕐᒥᒐᑦᑕ!


ᑐᑭᓯᒋᐊᕈᑎᒃᓴᒃᑲᓐᓂᕐᓄᑦ, ᐃᕐᖐᓐᓈᖅᑕᐅᑎᒃᑯᑦ ᑎᑎᕋᕐᕕᒋᓗᒍ ohsregs@wscc.nt.ca
ᐊᐱᖅᑯᑎᖃᖅᐲ?
ᖃᓄᐃᓕᐅᕈᑕᐅᕙᓪᓕᐅᔪᓂ ᑕᑯᔭᐅᔪᓐᓇᖅᑐᒍᑦ!

ᐊᕐᕌᒎᑉ ᐃᓗᐊᓂ ᐱᓕᕆᓐᓇᖅᓯᓕᕆᕗᖅ ᑕᐃᒪ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᓕᕆᕝᕕᑦ ᑕᑯᒃᓴᐅᑎᑦᑎᓂᖏᓐᓄᑦ ᑕᐅᖅᓰᓂᕐᒧᑦ ᐃᓚᐅᖃᑕᐅᓕᕐᒥᔪᑦ! ᐊᐱᖅᑯᑎᒃᓴᖃᕈᕕᑦ ᓄᑖᖑᔪᒧᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᕆᓴᐅᔭᒃᑰᕈᑎᐅᑉ ᒥᒃᓵᓄᑦ, WSCC Connect-ᒧᑦ ᓄᑖᖑᔪᖅ ᖃᕆᓴᐅᔭᒃᑯᑦ−ᐱᔨᑦᑎᕋᐅᑎᓄᑦ, ᐱᒋᔭᕗᑦ ᐊᑑᑎᖃᑦᑎᐊᖅᐳᖅ! ᐱᓕᕆᐊᕆᔭᕗᑦ, ᐅᕝᕙᓘᓐᓃᑦ ᐊᓯᖏᓐᓂᒃ ᐊᐱᖅᑯᑎᓂ ᑐᕌᖓᔪᓂ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ, ᑕᑯᔭᐅᔪᓐᓇᖅᑐᒍᑦ ᓇᓕᐊᓐᓂᑕᐃᓐᓇᖅ ᖃᓄᐃᓕᐅᕈᑕᐅᔪᓂ!
    • 45-ᒋᓕᖅᑕᖓ ᐊᕐᕌᒍᑕᒫᑦ ᓄᓇᓕᕆᓂᕐᒧᑦ ᑲᑎᒪᓂᖅ: ᔭᓗᓇᐃᕝᒦᓛᖅᑐᑦ ᓄᕕᐱᕆ 14-ᒥᑦ 16-ᒧᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓚᐅᖃᑕᐅᓛᖅᑐᑦ ᑕᑯᒃᑕᐅᑎᑦᑎᓗᑎ. ᑕᑯᔭᐅᔪᓐᓇᓛᖅᑐᒍᑦ ᑭᐳ #84-ᒥ!
    • ᐊᔪᙱᓐᓂᐅᔪᓄᑦ ᑲᓇᑕᒥ ᓄᓇᑦᓯᐊᕐᒥ ᐊᔪᕈᓐᓃᖅᓴᕆᑦᑎ!: ᓄᕕᐱᕆ 20-ᒥᑦ 21-ᒧᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑐᙵᓴᐃᔨᐅᓛᓕᕐᒥᔪᑦ ᐅᓪᓗᓄᑦ ᒪᕐᕉᖕᓄᑦ ᒪᒃᑯᒃᑐᓄᑦ-ᑐᕌᖓᔪᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕐᓂᕐᒥᑦ! ᓯᕗᓪᓕᖅᐹᒃᑯᑦ, ᑲᑐᔾᔨᖃᑎᖃᓛᖅᑐᒍᑦ ᕌᓂᐅᑉ ᐋᑐᒃᑯᓐᓂ ᐃᓕᓐᓂᐊᖅᑎᓂᒡᓗ ᐃᖅᑲᓇᐃᔭᕐᕕᖕᒨᕈᔾᔨᓛᖅᑐᒍᑦ ᐱᓕᒻᒪᒃᓴᕐᓂᒃᑯᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᕿᒥᕐᕈᔭᐅᙳᐊᖅᑎᓪᓗᒍ. ᐊᓕᐊᓇᐃᒍᓱᓪᓚᕆᒃᑐᒍᑦ ᑖᔅᓱᒧᖓ ᓄᑖᖑᔪᒧᑦ ᑲᑐᔾᔨᖃᑎᒌᓂᐅᔪᒥ ᐊᒻᒪ ᑕᑯᒃᓴᐅᑎᑦᑎᔪᒪᔪᒍᑦ ᐃᖅᑲᓇᐃᔭᕐᕕᖕᒥ ᐊᑦᑕᓇᔾᔭᐃᖅᓯᒪᓂᖅ ᐱᒻᒪᕆᐅᓂᖓᓂ ᐃᖅᑲᓇᐃᔭᕐᕕᖕᒥ!

     

 
  • ᓄᓇᑦᓯᐊᕐᒥ ᐊᒻᒪ ᓄᓇᕗᒻᒥ ᓇᑉᐸᖅᑎᕆᓂᕐᒧᑦ ᑲᑐᔾᔨᖃᑎᒌᑦ (NNCA) ᓇᑉᐸᖅᑎᕆᓂᕐᒧᑦ ᑕᐅᖅᓰᖃᑦᑕᓂᕐᒧᑦ ᑲᑎᖃᑎᒌᓐᓂᕐᒧᑦ ᐊᒻᒪ ᐱᓕᕆᐊᒃᓴᓂ ᐊᐅᓚᑦᑎᓂᕐᒧᑦ ᑲᑎᒪᓂᐅᔪᖅ: ᔭᓗᓇᐃᕝᒦᓛᖅᑐᑦ ᓄᕕᐱᕆ 21-ᒥᑦ 22-ᒧᑦ, ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᑭᐳᖃᓛᑐᑦ ᐱᓕᕆᕝᕖᑦ ᑕᐅᖅᓰᖕᓂᖃᖅᑎᓪᓗᒋᑦ, ᐊᒻᒪ ᔫᑎ ᑲᐃᓐᔅ, ᑐᑭᒧᐊᖅᑎᑦᑎᔨ ᐋᓐᓂᖅᑕᐃᓕᒪᓂᕐᒧᑦ ᐊᒻᒪ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᕐᓂᕐᒧᑦ, ᐅᖃᓪᓚᓛᖅᑐᖅ ᐱᓕᕆᐊᒃᓴᓂᑦ ᐊᐅᓚᑦᑎᓂᕐᒧᑦ ᑲᑎᒪᓂᐅᔪᒥ.
  • ᔭᓗᓇᐃᕝᒥ ᓵᓐᑎ ᑲᓛᓯ ᐃᖏᕐᕋᓂᖓ: ᑕᐃᒪᐃᖏᓐᓇᐅᔭᕐᒪᑕ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᕿᑲᓐᓇᐅᓛᖅᑐᒥ ᐱᒋᐊᕈᑎᖃᓛᓕᕐᒥᔪᑦ ᐊᕐᕌᒍᑕᒫᑦ ᐃᖏᕐᕋᓂᐅᓛᑐᒥ ᓄᕕᐱᕆ 25-ᒥ!
ᐊᑐᐊᒐᐃᑦ ᐊᓯᔾᔨᕐᓂᖏᑦ

ᐊᐅᓚᑦᑎᓂᕐᒧᑦ ᑲᑎᒪᔩᑦ ᕿᒥᕐᕈᐊᓚᐅᕐᒪᑕ ᐊᒻᒪ ᐊᖏᓚᐅᖅᖢᑎ ᑕᒪᒃᑯᓂᖓ ᐊᑐᐊᒐᕐᓂᒃ ᓯᑎᐱᕆ 2017-ᒥ ᑲᑎᒪᑎᓪᓗᒋᑦ:
  • ᐊᑐᐊᒐᖅ 04.01, ᐊᑭᓕᖅᑕᐅᓂᕐᒥᑦ ᐊᑭᓕᖅᑕᐅᔾᔪᑎᓂ
  • ᐊᑐᐊᒐᖅ 04.15, ᐃᑲᔪᕐᓂᕐᒧᑦ ᐱᔨᑦᑎᕋᐅᑏᑦ ᐋᓐᓂᖅᓯᒪᔪᓄᑦ ᐃᖅᑲᓇᐃᔭᖅᑎᓄᑦ
  • ᐊᑐᐊᒐᖅ 10.04, ᑕᐃᒪᐃᑎᑦᓯᑦᑕᐃᓕᒪᓂᕐᒧᑦ ᐊᒻᒪ ᖃᐅᔨᓴᕐᓂᕐᒥᑦ ᐋᓐᓂᖅᓯᕆᔪᓂ ᐊᒻᒪ ᒪᓕᒐᕐᓂ ᓱᕋᐃᔪᓂ
  • ᐊᑐᐊᒐᖅ 11.02, ᐅᓂᒃᑳᓕᐅᕐᓂᖅ ᐋᓐᓂᕐᓂᐅᔪᒥᑦ, ᐋᓐᓂᐊᕐᓇᒥᑦ ᐅᕝᕙᓘᓐᓃᑦ ᑐᖁᔪᒥ
ᑕᑯᒋᐊᕐᓗᒍ ᑖᓐᓇ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᖁᑎᖏᓐᓂᒃ ᐅᕝᕙᓘᓐᓃᑦ ᑖᓐᓇ ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦᑐᑭᒧᐊᕈᑎᓂ.
ᐊᒡᓚᒡᕕᑦ ᒪᑐᓯᒪᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᒡᓚᒡᕕᖏᑦ ᒪᑐᓯᒪᓛᖅᑐᑦ ᐃᖅᑲᐅᒪᓇᐅᑉ ᐅᓪᓗᖓᓂ ᓇᒡᒐᔾᔭᐅ, ᓄᕕᐱᕆ 13-ᒥ, ᐊᒻᒪ ᒪᑐᐃᒃᑲᓐᓂᕐᓗᑎ ᐊᐃᑉᐱᐅᓕᖅᑲᑦ, ᓄᕕᐱᕆ 14-ᒥ 8:30 ᐅᓪᓗᓛᒃᑯᑦ.

ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.
wscc.nt.ca   /  1.800.661.0792   *   wscc.nu.ca  /  1.877.404.4407