ᔭᓄᐊᕆ 2018                                                                FRANÇAIS

ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ ᑐᓂᔭᐅᓯᒪᔭᕆᐊᓖᑦ ᕖᕝᕗᐊᓕ 28-ᒥ: ᑭᖑᕙᖓᑦᑕᐃᓕᒋᑦ!
ᐃᓚᓕᐅᑎᓗᒍ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᓄᑖᙳᖅᑎᑕᐅᓯᒪᓂᖓ

ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ (APR) ᐱᔭᕇᖅᑕᐅᔭᕆᐊᓕᒃ ᕖᕝᕗᐊᓕ 28, 2018-ᒥᑦ ᐊᑭᓖᑎᑕᐅᒃᑲᓐᓂᕈᒪᙱᒃᑯᕕᑦ. ᐃᖅᑲᐅᒪᓗᑎᑦ ᑐᓂᓯᓂᕐᒥᑦ ᐅᓂᒃᑳᓕᐅᕐᓂᐊᕋᓗᐊᕈᕕᑦ ᐱᑕᖃᙱᑦᑐᒥᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓄᑦ. ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ. ᓇᖕᒥᓂᖁᑎᒋᔭᐅᔪᓕᒫᑦ ᐅᕙᓃᑦᑕᕆᐊᓖᑦ   WSCC Connect   ᑐᓂᓯᓂᐊᕈᑎ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥᑦ.

ᐃᖅᑲᐃᒋᐊᖅᑎᑦᑎᔾᔪᑎ: ᓄᑖᖑᔪᖅ ᒪᓕᒃᑕᐅᔭᕆᐊᓕᒃ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒧᑦ ᑕᒪᑐᒪ ᐊᕐᕌᒍᒥ ᐃᓚᖃᖅᐳᖅ ᑭᐅᓯᓂᕐᒥᑦ ᐅᓄᖏᑦᑐᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑎᓂ. ᐱᒋᐊᓚᐅᙱᓂᕐᓂ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒧᑦ ᑎᑎᕋᓂᐊᕐᓂᕐᒧᑦ ᐱᓕᕆᓂᐅᔪᒥ, WSCC Connect   ᐊᑐᖅᑎᐅᔪᑦ ᐅᖃᖃᑎᖃᓪᓗᐊᖅᐳᑦ ᐃᓄᖕᒧᑦ ᐊᐅᓚᑦᑎᕙᒃᑐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑲᒻᐸᓂᓐᓂᑦ (ᐅᕝᕙᓘᓐᓃᑦ ᑲᒻᐸᓂᒧᑦ ᑎᑎᕋᕈᔾᔨᕙᓪᓕᐊᓂᕐᓄᑦ) ᐃᓕᖕᓂ ᑐᓂᓯᓂᕐᒧᑦ ᐄ/ᐋᒃᑲ ᑭᐅᓂᐅᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑎᒋᔭᖏᓐᓄᑦ. ᕿᒥᕐᕈᐊᕐᓗᒋᑦ ᑕᒪᕐᒥᑦᑎᐊᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐄ/ᐋᒃᑲ ᐊᐱᖅᑯᑎᐅᔪᑦ ᐊᒻᒪ ᓇᓗᓇᐃᔭᐅᑏᑦ ᐃᓚᖓ 4-ᒦᑦᑐᖅ ᑕᐃᑲᓂ   ᒪᓕᒃᑕᒃᓴᖅ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ.  
 
 
ᑕᒫᓃᑦᑐᒍ ᐃᑲᔪᕈᒪᓪᓗᑕ!  ᐃᑲᔪᖅᑕᐅᒋᐊᖃᕈᕕᑦ, ᖃᐅᔨᒋᐊᕐᕕᐅᔪᓐᓇᖅᑐᑦ  ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᖅᑎᑦ   ᐅᕝᕙᓘᓐᓃᑦ ᐊᑭᖃᙱᑦᑐᒧᑦ ᐅᕙᓂ 1-800-661-0792.
ᐅᖃᐅᓯᖅᑎᑦ ᐊᑐᖅᑐᑦ
ᓂᕆᐅᒋᔭᐅᔪᑦ ᐊᓯᔾᔨᕆᐊᕈᑎᑦ ᑖᔅᓱᒧᖓ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᑦ

ᓄᑖᑦ ᐋᓐᓂᐊᖃᕐᓇᖏᑦᑐᓄᑦ ᐱᓕᕆᔨ ᐊᒻᒪᓗ ᐊᑦᑕᕐᓇᑦᑕᐃᓕᓂᕐᒧᑦ ᒪᓕᒐᐃᑦ ("ᒪᓕᒐᐃᑦ") ᐊᑐᓕᖅᓯᒪᔪᑦ ᓄᓇᑦᓯᐊᕐᒥ ᔫᓂ 2015-ᒥ, ᐊᒻᒪᓗ ᓄᓇᕗᑦᒥ ᒫᔾᔨ 2016-ᒥᑦ. ᑕᐃᒪᙵᓂ ᓯᕗᓪᓕᕐᒥ ᒪᓕᒐᙳᖅᑎᑕᐅᒐᒥᒃ, ᓴᓇᕝᕖᑦ ᐊᒻᒪᓗ ᐃᖅᑲᓇᐃᔭᖅᑏᑦ ᒪᓕᒐᓂᒃ ᖃᐅᔨᒪᓕᖅᐹᓪᓕᖅᓯᒪᕗᑦ. ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ (WSCC) ᐊᑦᑕᕐᓇᖅᑐᓂᑦ ᐱᓕᕆᔨᐅᔪᑦ ᓴᓇᕝᕕᖕᓂ ᐊᒻᒪᓗ ᐃᖅᑲᓇᐃᔭᖅᑐᓂ ᐱᓕᕆᖃᑎᖃᖅᓯᒪᔪᑦ ᐊᒻᒪᓗ ᑐᓴᕆᐊᖅᓯᒪᓪᓗᑎᒃ ᒪᓕᒐᓂᑦ ᖃᐅᔨᒪᑦᑎᐊᕐᒪᖔᑦ, ᐃᓚᖏᑦ ᓇᓗᓇᐃᖅᑕᐅᓯᒪᔪᑦ ᑐᑭᓯᓇᖅᓯᑎᑕᐅᑦᑎᐊᕈᓐᓇᖅᑐᑦ. ᒪᓕᒐᐃᑦ ᑐᕌᒐᖏᑦ ᐃᓚᑰᓂᖏᑦ ᒪᓕᒋᐊᓕᖕᓂᒃ ᑐᑭᒧᐊᕈᑎᓂ ᐊᒻᒪᓗ ᐃᑲᔫᑏᑦ ᓇᓗᓇᐃᖅᑕᐅᓚᐅᕐᒥᔪᑦ.
 
ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ (WSCC) ᕿᒥᕐᕈᐃᓐᓇᖅᑐᑦ ᒪᓕᒐᓂᑦ ᑲᒪᒋᔭᖏᓐᓂ ᓄᑖᖑᒐᓗᐊᕐᒪᖔᑦ ᐊᒻᒪᓗ ᐱᓕᕆᐊᕆᓇᓱᒃᑕᖓᓂ ᐱᓕᕆᑦᑎᐊᕋᓗᐊᕐᒪᖔ. ᐱᖁᑎᖃᖅᑐᓂ ᐃᓱᒫᓘᑎᒋᔭᐅᔪᑦ ᑎᑎᕋᖅᑕᐅᔪᑦ ᐊᒻᒪᓗ ᕿᒥᕐᕈᔭᐅᓪᓗᑎᒃ ᖃᐅᔨᓇᓱᒃᖢᑎᒃ ᒪᓕᒐᖅ ᐊᓯᔾᔨᖅᑕᐅᔭᕆᐊᖃᕐᒪᖔ. ᐃᓱᒫᓘᑕᐅᔪᑦ ᓴᖅᑭᑉᐸᑕ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ (WSCC) ᐱᖁᑎᖃᖅᑐᓂ ᐱᓕᕆᖃᑎᖃᕐᓗᑎᒃ, ᐅᕝᕙᓘᓐᓃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓂᒃ (WSCC)-ᑯᑦ ᒪᓕᒐᕐᓂᑦ ᐊᔭᐅᖅᑐᕐᓗᒋᑦ, ᖃᐅᔨᓴᖅᑕᐅᖕᒥᔪᖅ.

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ (WSCC) ᑎᑎᕋᖅᓯᒪᔪᖁᑎᓖᑦᑦ ᒪᓕᒐᕐᓄᑦ ᐊᓯᔾᔨᖅᑕᐅᓂᐊᖅᑐᑦ ᐸᕐᓇᒃᓯᒪᔪᓄᑦ ᐅᓄᖏᑦᑐᑦ ᐃᓱᒫᓘᑏᑦ ᓇᓗᓇᐃᖅᑕᐅᓯᒪᔪᑦ ᐱᓕᕆᐊᕆᓗᒋᑦ. ᑐᙵᓴᐃᕗᒍᑦ ᕿᒥᕐᕈᐊᓂᕐᒥᑦ ᓂᕆᐅᒋᔭᐅᔪᑦ ᐊᓯᔾᔨᕆᐊᕈᑎᑦ ᐊᒻᒪᓗ ᐅᖃᐅᓯᒃᓴᑎᑦ ᑐᓂᓗᒋᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄᑦ. ᒫᓐᓇ ᒪᓕᒐᐅᔪᑦ ᓇᓂᔭᐅᔪᓐᓇᖅᑐ ᖃᕋᓴᐅᔭᕐᒧᑦ ᑐᕌᕈᑎᓄᑦ ᐊᑖᓃᑦᑐᓂ:
ᐅᖃᐅᓯᕆᔪᒪᔭᑎᑦ ᐱᔭᐅᔪᒪᔪᑦ ᕖᕝᕗᐊᓕ 23, 2018-ᖑᓚᐅᖏᓐᓂᖓᓂ ᐅᕗᖓ   lawfeedback@wscc.nt.ca .

ᐅᖃᕈᒪᓗᑎᑦ ᐱᕕᒃᓴᖃᒃᑲᓐᓂᕈᒪᒍᕕᑦ, ᑐᓴᖅᑎᑕᐅᑕ ᖃᕋᓴᐅᔭᒃᑯᑦ ᑎᑎᖅᑲᒃᑯᕕᖕᒧᑦ ᑎᑎᕋᖅᓯᒪᔪᒧᑦ ᖁᓛᓃᑦᑐᒧᑦ.

ᐱᒋᐊᕐᓂᐊᕐᓗᓂ, ᐅᕗᖓᕐᓗᑎ ᓂᕆᐅᒋᔭᐅᔪᑦ ᐊᓯᔾᔨᕆᐊᕈᑎᑦ.

ᐅᑭᐅᖅ ᓄᑖᖅ, ᓄᑖᖅ ᓯᕗᓂᒃᓴᒧᑦ ᐸᕐᓇᐅᑎ 


ᓯᕗᓂᒃᓴᒧᑦ ᐸᕐᓇᐅᑎ ᐊᖅᑯᑎᐅᕗᖅ ᑲᑐᔾᔨᖃᑎᒌᓄᑦ. ᓯᕗᓂᒃᓴᒧᑦ ᐸᕐᓇᐅᑎᐅᑉ ᐱᓕᕆᓂᐅᔪᖅ ᐊᒃᓱᕈᖅᑎᑦᑎᕗᖅ ᑲᑐᔾᔨᖃᑎᒌᖑᔪᒥ ᓯᕗᓪᓕᐅᔾᔨᓂᕐᒥᑦ ᐊᒃᓱᕉᑕᐅᔭᕆᐊᓕᖕᓂᒃ ᐱᓕᕆᐊᒃᓴᓂᑦ, ᓂᕈᐊᕐᓗᑎ ᖃᓄᐃᓕᐅᕆᐊᖃᕐᓂᖏᓐᓄᑦ ᐊᒻᒪ ᖃᓄᐃᓕᐅᕆᐊᖃᙱᓐᓂᖏᓐᓄᑦ, ᖃᓄᐃᓕᐅᕈᑎᒃᓴᓪᓗ ᓈᒻᒪᒋᔭᐅᓗᑎ ᑲᑐᔾᔨᖃᑎᒌᖑᔫᑉ ᑕᐅᑐᕐᕉᒐᖓᓂ, ᑐᕌᒐᒃᓴᖓᓄᑦ, ᐊᒻᒪ ᐅᒃᐱᕆᔭᐅᔪᓄᑦ .
 
ᑕᐃᑲᓂ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ (WSCC), ᓯᕗᓂᒃᓴᒧᑦ ᐸᕐᓇᐅᑎᕗᑦ ᐊᐅᓚᓂᖃᓲᖅ ᐊᕐᕌᒍᓄᑦ ᑕᓪᓕᒪᓄᑦ (ᑭᖑᓂᑦᑎᓐᓂ, ᐱᖓᓱᓄᑦ ᐊᕐᕌᒍᓅᖓᓚᐅᖅᑑᒐᓗᐊᖅ), ᑐᕌᕐᓂᖅᓴᐅᓪᓗᑎ ᐅᖓᓯᒃᑐᒨᖓᔪᓂ ᑐᕌᒐᒃᓴᓂᑦ ᐊᒻᒪ ᖃᓄᐃᓕᐅᕆᐊᕈᑎᒃᓴᓄᑦ. 2018-ᒥ, ᐱᒋᐊᕈᑎᒋᓛᖅᑕᕗᑦ ᓯᕗᓪᓕᖅᐹᒃᑯᑦ ᐊᕐᕌᒍᓄᑦ ᑕᓪᓕᒪᓄᑦ ᐸᕐᓇᐅᑎᑦᑎᓐᓂ. ᐱᕈᖅᓴᐃᕗᖅ ᐱᕙᓪᓕᐊᓂᐅᓚᐅᖅᑐᒥ ᑭᖑᓂᑦᑎᓐᓂ ᐊᕐᕌᒍᓄᑦ ᐱᖓᓱᓄᑦ ᐊᒻᒪ ᐃᓕᓴᖅᓯᕗᖅ ᐱᔾᔪᑕᐅᔪᓂ ᐃᑲᔪᕐᓂᓕᖕᓂᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄᑦ (WSCC) ᐱᓕᕆᑦᑎᐊᕈᓐᓇᕐᓂᖏᓐᓂ, ᐊᒻᒪᓗ ᑕᑯᒃᓴᐅᑎᑦᑎᕗᖅ ᑕᐃᒃᑯᓄᖓ ᐱᐅᓯᒋᐊᖅᑕᐅᔪᓐᓇᖅᑐᓂ. ᑲᑎᙵᓂᖃᖅᖢᑎᒃ, ᐊᕐᕌᒍᑕᒫᖅᓯᐅᑎ ᑎᒥᐅᔫᑉ ᐸᕐᓇᒍᑎᖓᓂ, ᓯᕗᓂᒃᓴᒧᑦ ᐸᕐᓇᐅᑎ ᓇᓗᓇᐃᕆᕗᖅ ᑲᑐᔾᔨᖃᑎᒌᖑᔪᑦ ᓯᕗᓪᓕᐅᔾᔨᔭᕆᐊᓕᖏᓐᓂᒃ ᐊᒻᒪ ᐊᖏᖅᑕᐅᓯᒪᓪᓚᕆᒃᑐᑦ ᓇᖕᒥᓂᖃᖃᑕᐅᔪᓄᑦ. ᐃᓗᐊᒍᑦ, ᑐᓂᓯᓂᖃᖅᐳᖅ ᑐᙵᕕᐅᔪᒥ ᐅᓂᒃᑳᖕᓯᒪᒃᑲᓐᓂᖅᑐᒥ ᐊᕕᒃᑐᖅᓯᒪᓂᕐᒧᑦ ᐊᐅᓚᑦᑎᓂᕐᒧᑦ ᐸᕐᓇᒍᑎᓂᑦ ᓇᓗᓇᐃᖅᓯᓂᕐᒧᑦ ᑕᒪᒃᑭ ᑲᑐᔾᔨᖃᑎᒌᖏᓐᓂᑦ ᖃᓄᐃᓕᐅᕐᓂᐅᔪᑦ ᑲᑎᖃᑎᖃᕐᓂᖏᓐᓂ ᑕᐅᑐᕐᕉᒐᕐᒥ ᓄᖑᑎᑦᑎᓂᕐᒥᑦ ᐃᖅᑲᓇᐃᔭᕐᕕᐅᔪᒥᑦ ᐋᓐᓂᐊᕐᓇᓂᑦ ᐊᒻᒪᓗ ᐋᓐᓂᕐᓂᐅᔪᓂᑦ.
 
ᒪᕐᕉᒃ ᓯᕗᓪᓕᐅᔾᔭᐅᓂᐊᖅᑑᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓕᕆᐊᕆᓂᐊᖅᑕᖏᓐᓂᒃ ᐊᕐᕌᒍᓄᑦ ᑕᓪᓕᒪᓄᑦ: ᓯᕗᒻᒧᒋᐊᕐᓗᒍ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᖅᑯᓯᖓᓐᓂ ᐊᒻᒪ ᑐᓂᓯᓂᕐᒥ ᐱᐅᑦᑎᐊᖅᑐᒥ ᐱᔨᑦᑎᕋᕐᓂᕐᒥᑦ ᐊᒻᒪᓗ ᖃᓄᐃᓕᖓᓂᐊᕐᓂᖓᓂ. 2018-2022-ᒧᑦ ᓯᕗᓂᒃᓴᒧᑦ ᐸᕐᓇᐅᑎ ᐊᒻᒪ 2018-ᒥ ᑎᒥᐅᔫᑉ ᐸᕐᓇᒍᑎᖓ ᐊᖏᖅᑕᐅᔫᑦ ᐊᐅᓚᑦᑎᓂᕐᒧᑦ ᑲᑎᒪᔨᓄᑦ, ᐊᒻᒪ ᐊᓕᐊᓇᐃᒍᓱᑉᐳᒍᑦ ᓴᖅᑮᓂᕐᒥᑦ ᑖᒃᑯᓂᖓ ᓇᖕᒥᓂᖃᖃᑕᐅᔪᖁᑎᑦᑎᓐᓄᑦ. ᐅᐸᒡᓗᒍ ᐃᑭᐊᖅᑭᕕᒃᐳᑦ ᑕᑯᔭᖅᑕᕐᓗᒍ ᓯᕗᓂᒃᓴᒧᑦ ᐸᕐᓇᐅᑎᑦᑎᓐᓂ, ᐊᑐᐃᓐᓇᐅᔪᖅ ᐃᓄᒃᑎᑐᑦ , ᐃᓄᐃᓐᓇᖅᑐᓐ , ᐅᐃᕖᑎᑐᑦ , ᐊᒻᒪ ᖃᓪᓗᓈᑎᑐᑦ .


             
ᑕᕐᕆᔮᒃᓴᓕᐅᕐᓂᕐᒧᑦ ᓵᓚᖃᕋᓱᐊᕐᓂᖅ 2018: ᑐᕌᒐᖃᕐᓂᕐᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ



ᑭᒡᒐᖅᑐᕐᓗᑎ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS), ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑎᒃᑯᑦ (WSCC) ᐱᓕᕆᐊᖃᖅᑎᑦᑎᓂᐊᓕᕐᒥᔪᑦ ᑖᔅᓱᒥᖓ  ᐊᕐᕌᒍᑕᒫᑦ ᑕᕐᕆᔮᒃᓴᓕᐅᕐᓂᕐᒧᑦ   ᐃᓕᓐᓂᐊᕐᕕᐊᓗᖕᓂ ᐃᓕᓐᓂᐊᖅᑎᓄᑦ ᐊᒻᒪ ᒪᒃᑯᒃᑐᑦ ᑲᑐᔾᔨᖃᑎᒌᒃᑯᖏᓐᓄᑦ ᓄᓇᑦᓯᐊᕐᒥ ᐊᒻᒪ ᓄᓇᕗᒻᒥ. ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ (WSCC) ᐊᐅᓚᑦᑎᓲᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓄᑦ ᓵᓚᖃᕋᓱᐊᕐᓂᐅᔪᒥ ᓇᒃᓯᐅᔾᔨᓚᐅᙱᑎᓪᓗᒋᑦ ᓵᓚᖃᖅᑐᒥᑦ ᑕᕐᕆᔮᒃᓴᒥᑦ ᑖᒃᑯᓄᖓ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS) ᑲᓇᑕᒥ ᑕᑯᒃᓴᐅᑎᑦᑎᓂᕐᒧᑦ ᓵᓚᖃᕋᓱᐊᕐᓂᐅᔪᒥᑦ.
 
ᐱᖓᓲᔪᖅᑐᕆᓕᖅᑕᖓᓂ ᐊᕐᕌᒍᒥ, ᓵᓚᖃᕋᓱᐊᕐᓂᐅᔪᖅ ᒪᑐᐃᖓᔪᖅ ᐃᓕᓐᓂᐊᕐᕕᐊᓗᓕᒫᓄᑦ ᐊᒻᒪ ᒪᒃᑯᒃᑐᓄᑦ ᑲᑐᔾᔨᖃᑎᒌᖑᔪᓄᑦ ᐃᓕᓐᓂᐊᖅᑎᓄᑦ ᖁᑦᑎᖕᓂᓕᖕᓄᑦ 9-ᓂᒃ 12-ᓄᑦ, ᑕᒪᑐᒪ ᐊᕐᕌᒍᒥ ᑐᕌᒐᖃᖅᖢᑎᒃ ᑖᔅᓱᒥᖓ #FocusOnSafety (ᑐᕌᒐᖃᕐᓂᕐᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ). ᓵᓚᖃᖅᑐᖅ ᑕᕐᕆᔮᒃᓴᖅ ᑮᓇᐅᔭᖅᑖᕋᔭᖅᑐᖅ $1,000−ᓂᒃ ᓵᓚᖃᐅᓯᐊᕐᓗᓂ, ᐊᒻᒪ ᖄᒃᑲᓐᓂᐊᒍᑦ $1,000 ᑐᓂᔭᐅᓛᖅᑐᖅ ᑐᓂᓯᔪᕕᓂᐅᔫᑉ ᐊᑎᓕᐅᕐᕕᒋᔭᖓᓄᑦ ᐃᓕᓐᓂᐊᕐᕕᖓᓄᑦ/ᒪᒃᑯᒃᑐᑦ ᑲᑐᔾᔨᖃᑎᒌᒃᑯᖏᓐᓄᑦ. ᐊᑐᓂ ᑕᐱᕇᖑᔪᑦ ᐊᑎᓕᐅᕈᔾᔭᐅᓯᒪᔭᕆᐊᓖᑦ ᐃᓕᓐᓂᐊᕐᕕᐊᓗᖓᓂ/ᑲᑐᔾᔨᖃᑎᒌᖑᔪᒥ ᐅᐊᑦᑎᕙᒃᑐᓂ ᐊᒻᒪ ᐃᑲᔪᖅᓱᖅᑐᒥ ᑕᐱᕇᖑᔪᓂ.
 
ᑕᕐᕆᔮᒃᓴᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᕌᒐᖃᕆᐊᖃᖅᖢᑎ, ᐃᓗᓕᖏᑦ ᐊᒻᒪ ᑐᓴᖅᑕᐅᔭᕆᐊᓕᒃ ᒪᒃᐱᖓᑦᑎᐊᖅᑐᖅ ᐃᒡᕕᑦ ᐃᓱᒪᒋᔭᖓᓄᑦ ᐊᒻᒪ ᓴᓇᔪᒪᔭᕐᓄᑦ. ᐱᙳᐊᖅᑎᓪᓗᒋᑦ, ᑎᑎᕋᐅᔭᖅᓯᒪᑎᓪᓗᒋᑦ, ᓄᖅᑲᖅᑕᖅᑐᑦ−ᐊᐅᓚᔾᔭᕙᒃᖢᑎ ᑕᕐᕆᔮᒃᓴᐅᒃᐸᑦ, ᐅᕝᕙᓘᓐᓃᑦ ᓂᔾᔭᐅᓯᔭᙳᐊᖅᐸᑕ ᑕᕐᕆᔮᒃᓴᒥᑦ, ᐃᓱᒪᒋᔭᐅᔪᓕᒫᑦ ᐊᒻᒪ ᑐᓂᔭᐅᔪᓕᒫᑦ ᑐᙵᓱᒃᑎᑕᐅᔪᑦ. ᐃᓕᖕᓂ ᐊᐱᕆᓗᑎᑦ ᖃᓄᕐᓕ ᓴᓇᔩᑦ ᐊᒻᒪ ᐃᖅᑲᓇᐃᔭᖅᑎᖁᑎᓖᑦ ᐃᑲᔪᕈᓐᓇᖅᐸᑦ ᓴᖅᑮᓂᕐᒥᑦ ᐊᑦᑕᕐᓇᙱᓐᓂᖅᓴᐅᔪᒥ ᐃᖅᑲᓇᐃᔭᕐᕕᖕᒥ ᑕᒪᐃᓐᓄᑦ.

ᑐᓂᓯᓂᕐᒧᑦ ᑭᖑᓪᓕᖅᐹᖑᔪᖅ ᑖᔅᓱᒧᖓ 2018-ᒥ #FocusOnSafety (ᑐᕌᒐᖃᕐᓂᕐᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ) ᓵᓚᖃᕋᓱᐊᕐᓂᐅᔪᒧᑦ ᑖᓐᓇᐅᕗᖅ ᐄᐳᓗ 1, ᐅᕙᓂ 11:59 ᐅᓐᓄᒃᑯᑦ ᐅᐊᓕᓂᕐᒥᐅᑦ ᓯᕿᙳᔭᖓ ᒪᓕᒡᓗᒍ (MST).

ᑐᑭᓯᒋᐊᕈᑎᒃᓴᒃᑲᓐᓂᕐᓄᑦ ᒪᓕᒐᕐᓄᑦ ᐊᒻᒪ ᒪᓕᒋᐊᓕᖕᓄᑦ, ᖃᓄᖅ ᑐᓯᓂᒋᐊᖃᕐᒪᖔᔅᓯ, ᐊᓯᖏᓐᓄᓪᓗ, ᐅᕗᖓᕐᓗᑎ ᑕᕐᕆᔮᒃᓴᒧᑦ ᓵᓚᖃᕋᓱᐊᕐᓂᕐᒧᑦ ᒪᒃᐱᖅᑐᒐᖅ .

ᑭᓱ ᓄᑖᖑᕙ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓴᖅᑭᑕᐅᔪᑦ ᑕᑯᔪᒥᓇᖅᑐᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) 2018-ᒥ ᐅᓪᓗᖅᓯᐅᑎ

ᐊᕐᕌᒍᑕᒫᑦ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑎᒃᑯᑦ (WSCC) ᓴᖅᑮᓲᑦ ᐅᓪᓗᖅᓯᐅᑎᓂ ᓇᓗᓇᐃᕆᓪᓗᓂ ᕿᑲᓐᓇᐅᑉ ᐅᓪᓗᖏᓐᓂ ᐊᒻᒪ ᐱᒻᒪᕆᐅᔪᑦ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑎᒃᑯᓐᓂ (WSCC) ᐅᓪᓗᖁᑎᒋᔭᐅᔪᑦ ᐊᒻᒪ ᖃᓄᐃᓕᐅᕈᑕᐅᓂᐊᖅᑐᓂ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ. ᐊᑭᓐᓇᕐᒥᐅᑕᓂ ᐅᓪᓗᖅᓯᐅᑎᑖᕈᒪᒍᕕᑦ ᐃᖅᑲᓇᐃᔭᕐᕕᖕᓄᑦ,   ᐃᕐᖐᓐᓈᖅᑕᐅᑎᒃᑯᑦ ᑎᑎᕋᕐᕕᐅᑕ.

                 

ᐃᑯᐊᓪᓚᒃᑎᑦᓯᑦᑕᐃᓕᒪᓂᖅ
ᐃᑲᔫᑎᒃᓴᑦ ᐱᔮᖅᑯᑕᐅᖏᑦᑐᒥ ᐃᑯᐊᓪᓚᒃᑎᑦᓯᑦᑕᐃᓕᒪᓂᕐᒧᑦ

ᐱᔮᖅᑯᑕᐅᖏᑦᑐᑦ ᐃᒃᑯᐊᓪᓚᖕᓃᑦ ᑕᐃᒪᐃᒐᔪᙱᑦᑐᑦ ᐃᖅᑲᓇᐃᔭᕐᕕᖕᓂ ᑕᒪᐃᓐᓂᐸᓗᒃ. ᐊᔪᕐᓇᖏᒻᒪ ᐃᓱᒫᓘᑎᖃᙱᓪᓗᓂ ᖃᐅᑕᒫᑦ ᐅᓗᕆᐊᓇᕈᑕᐅᔪᓐᓇᖅᑐᓂ, ᐃᓱᒪᒋᔭᐅᓗᐊᖏᒃᑯᑎ, ᐃᑯᐊᓪᓚᒃᑎᑦᑎᔪᓐᓇᕐᒪᑕ. ᑕᒡᕙ ᒪᓕᒃᑕᐅᔪᓐᓇᖅᑐᑦ ᐱᔮᖅᑯᑕᐅᖏᑦᑐᒥ ᐃᑯᐊᓪᓚᑳᓪᓚᒃᑕᐅᓕᒪᑎᑦᑎᓂᕐᒧᑦ ᐃᖅᑲᓇᐃᔭᕐᕕᓐᓂ, ᐊᖏᕐᕋᓐᓂᓪᓗ:
    • ᐃᑭᔭᑦᑐᑦ ᑯᕕᖃᑦᑕᕐᓗᒋ ᑭᓯᐊᓂ ᐊᐅᒪᖃᙱᑦᑐᒥ, ᐃᑯᐊᓪᓚᔪᒥ, ᐊᓯᖏᓪᓗ ᐃᑭᑎᑦᑎᔭᑦᑐᓂ.
    • ᐴᓕᒫᑦ ᐅᕝᕙᓘᓐᓃᑦ ᐃᑭᔭᑦᑐᑦ ᑯᕕᔭᐅᓲᑦ ᒪᑐᓯᒪᓗᑎ ᐅᕝᕙᓘᓐᓃᑦ ᖄᖃᕐᓗᑎ ᐊᑐᖅᑕᐅᙱᑎᓪᓗᒋᑦ. ᐴᖏᑦ ᐅᑎᖅᑎᕙᒡᓗᒋᑦ ᑐᖅᑯᖅᑕᐅᓯᒪᔪᒃᑯᕕᖕᒧᑦ ᐊᑐᕇᕈᕕᒋᑦ.
    • ᑯᕕᓯᓂᐊᕈᕕᑦ ᐃᑭᔭᑦᑐᒥ, ᐴᖏᑦ ᒪᕐᕉᒃ ᐊᑦᑐᐊᖃᑦᑕᐅᑎᑦᑎᐊᕐᓗᑎ ᐊᐃᑉᐸᖓ ᑐᙵᓯᒪᑎᑦᑎᐊᕆᐊᕐᓗᒍ. ᑕᐃᒪᐃᓕᖓᕈᓂ ᓱᑲᑦᑕᐃᓕᒪᓕᖅᑎᑦᑎᓲᖑᒻᒪᑦ, ᐊᐅᒪᓕᐅᕈᓐᓇᕐᒪᑦ ᐊᓱᐃᓛᒃ ᐳᔪᖏᓐᓂ ᐃᑭᑎᑦᑎᓗᓂ.
    • ᐸᐃᑉᐹᓕᒫᑦ ᐊᑐᖏᑦᑐᑦ, ᕿᑐᒃᑐᒐᐅᔭᑦ, ᑕᐃᒫᔅᓴᐃᓐᓇᕐᓗ ᐊᑐᕈᓐᓃᖅᑐᑦ ᐱᖁᑏᑦ ᐱᕈᓇᖅᓴᖅᓯᒪᑦᑎᐊᕐᓗᒋᑦ ᐊᒻᒪ ᐃᓂᖃᑦᑎᐊᕐᓗᑎ ᐊᑐᕈᓐᓃᖅᑐᒃᑯᕕᖕᒥ. ᑖᒃᑯᐊ ᑲᑎᖅᓱᑐᐃᓐᓇᕈᑎ ᓇᑎᕐᒥ ᐅᕝᕙᓘᓐᓃᑦ ᐊᓯᖏᓐᓂ ᓴᓇᕕᐅᕙᒃᑐᒥ ᐃᑭᑐᐃᓐᓇᕆᐊᖃᕐᓂᕐᒧᑦ ᐅᓗᕆᐊᓇᕈᑕᐅᕗᖅ.
    • ᐃᑯᐊᓪᓚᒃᑎᑦᑎᔾᔪᑎᑦ ᐅᕝᕙᓘᓐᓃᑦ ᐊᐅᒪᓕᐅᖅᑎᑦ ᐱᖁᑏᑦ, ᓲᕐᓗ ᐊᐅᖅᑭᔾᔨᕈᑎ, ᐳᓪᓚᒨᖅᑐᖅ ᐃᑯᒪ, ᐊᒻᒪ ᒧᕇᔭᐅᑎᑦ, ᐊᑐᖅᑕᐅᔭᕆᐊᓕᖕᓂ ᑭᓯᐅᓂ ᐃᓂᓂ.
    • ᐱᖁᑎᓂ ᐳᖅᑐᖅᓯᑦᑕᐃᓕᒪᓂᕐᒥᑦ ᖃᓂᓈᓗᐊᖏᓪᓗᒋᑦ ᐃᑯᐊᓪᓚᒃᑐᒧᑦ ᐃᒥᕐᒥ ᑎᒻᒥᑳᕈᑎᓄᑦ, ᓲᖃᐃᒻᒪ ᐃᒥᕐᒥ ᑎᒻᒥᑳᖅᑎᑦᓯᑦᑎᐊᕋᔭᙱᑦᑐᖅ ᐃᑭᓐᓂᕈᓂ; 18 ᐃᓐᓯᓂᒃ ᐊᑖᓃᑦᑐᖃᕆᐊᖃᙱᑦᑑᒐᓗᐊᖅ ᐃᑯᐊᓪᓚᒃᑐᒧᑦ ᐃᒥᕐᒥ ᑎᒻᒥᑳᕈᑎᒥ.
    • ᖃᐅᔨᓴᑦᑎᐊᕐᓗᓯ ᑎᒍᔭᒐᐃᑦ ᖃᑦᑎᕈᑏᑦ ᖃᐅᔨᓴᖅᑕᐅᒐᔪᖃᑦᑕᕐᓗᑎ, ᐃᓗᓕᖃᑦᑎᐊᕐᓗᑎ, ᐊᒻᒪ ᖃᖓᓕᒫᒃᑯᑦ ᐊᑐᐃᓐᓇᐅᓗᑎ. ᖃᐅᔨᓴᑦᑎᐊᕐᓗᓯ ᑲᑉᐳᔾᔭᖅᑐᑦ ᐅᖅᑰᓴᐅᑎᕋᓛᑦ ᐱᖁᑎᓄᑦ ᖃᓂᒋᔭᖓᓃᖏᓪᓗᑎ, ᐊᒻᒪ ᑲᑉᐳᔾᔭᕐᓗᒋᑦ ᑐᖅᑯᑦᑎᐊᕐᓗᒋᓗ ᐊᑐᖅᑕᐅᙱᑎᓪᓗᒋᑦ. 


wscc.nt.ca   /  1.800.661.0792   *   wscc.nu.ca  /  1.877.404.4407