February 2018-mi                                                                FRANÇAIS
AUPAYAANGAYUMIK ILUVRUAQTURNAQTUQ UPLUQ
NANGIPPAKLUTA UIVIITTUNUT KATIMALUTA



Uiviittuqalaaqtuq nanikiaq: ilihaqvingnit, aimavingnit, qaritauyakkuurutinit, havakvingniluuniit. WSCC-kunnit, ukpiruhuktugut taimaa uiviinniq kamahuktittiyaamilu ihuinaarutauyut. Taapkua WSCC-kut maligaghaliuqhimayut maliktaghaniklu ihuinaaqtailinahuarniqmut havakvingnit, ilaupluta Aupayaangayumik Iluvruaqtuqtunut Upluanit ilittuqhitiuyuq taimaa ikayurahuaqpaktugut uiviittailiniqmut.

Aupayaangayumik Iluvruaqturnaqtuq Upluq aullaqtitauhimayuq 2007-mi malrungnit ilihaqtunik Nova Scotia-miutat, ilihaqatigiyaat kamahuktitauhimagami aupayaangayumik iluvruaqaqhuni ilihariaqhimangmat. 11 ukiut qaangiqhutik, Aupayaangayumik Iluvruaqturnaqtuq Upluq nunaqyuami tamaat atuqtauliqtuq uiviittut nutqaqtinnahuaqhugit.

Wednesday-mi, February 28-mi, WSCC-kut ilauliqtut ahiillu nunaqyuami ilitariliqhugu taamna Aupayaangayumik Iluvruaqturnaqtuq Upluq. Ukiuq tamaat, WSCC-kut Angayuqqaangat CEO-ngallu Dave Grundy havaktiinik ilaupkaivaktuq ikayuqtuqhugit akiliqtuiniaqhimapluni tamangnut aupayaangayumik iluvruaqturumik havaktiit February 28-mi. Maniit katitiqtauyut ikayuqhugit uiviittut-nutqaqtinnahuaqhugit ilihaqvingnit Ukiuqtaqtumi tamaat. Ukiumi atuqtumi, maniit aittuqtauhimayut talvunga École William McDonald Ilihaqvianut Yellowknife-mi ikayurumaplugit taapkua Me to We (Uvamnit Uvaptingnut) aullaqtihimayaat, inulrammiit ilauquplugit aallannguqtirilutik inuuhiqnik.

WSCC-kut quviahuktut ilitariyumaplugillu nunallaaqmiut havaqatait aajjikkutavyaanik ikpiguhuutilingnik. Naunaiqpallialuhi taapkuninnga Pink Shirt Day (Aupayaangayumik Iluvruaqturnaqtuq Upluq) qanuqlu ilitturiyaami kamahuktittiyunik havakvingnit .
KAVAMILIQNIQ KATIMAYIIT 101
HAVAAGHAITALU WSCC-KUNNIT

Qauhimayumavakpit qanuq taapkua Havaktut Qayagitjutighainnik uvalu Ikayuqhiakuttighainit Katimayiit ikkuaqtiqariaghait ikayuqtiqariaghaillu taimaa kiuhittiariami ilauyunik? Taapkua Kavamaliqiniqmut Katimayiit (GC) ikkuaqtuivaktut WSCC-kunnik, talvunga ihumagiyainnut aulapkaiyuniklu munariyunik.

Kavamaliqiyit Katimayiit timiqutauyut 7-nik katimayiqaqhuni, tikkuaqtauhimayut ministamit munaqhiyuq WSCC-kunnik tamangni Nunatsiaq Nunavunmilu. Taapkua 7-nguyut katimayiit tikkuaqtauvaktut naatkutigiigahuaqhugit arnait angutillu nunallaaqnillu kivgaqtiqarumaplutik, imaalu aghuuqnaqtukkut naatkutigiigumaplutik kivgaqtiit ilauyuniklu. Havaaghait taimaanguyut:
    • Atauhiq katimayi Ighivautaliuyughaq;
    • Malruk katimayiit kivgaqtiuyughat ihumagiyaita inuit tamaita;
    • Malruk katimayiit kivgaqtiuyughat havaktinik; imaalu
    • Malruk katimayiit kivgaqtiuyughat havakvingnik. 
GC-kut havaktiit munarivagait WSCC-kut havaangit parnaiyaiyullu, qaffinik annirnaqtunik havaaghalgit, taapkualu: ihuaqnighakkut ikkuaqtuivaktut havakvingnik; qayangaqtunik munariplutik; ihivriuqhivaghutik atuqtauyughanik, maligaghaliuqtanik, ukiumullu aulapkaiyut manighautainik; kivgaqtuittiariaghainiklu munarivaghutik Havaktinik Amiqhiniqmut Katiqhuivianik.

GC-kut kivgaqtuivaktut ihumagiyainnik ilauyut. Ihariagiyauyut ikkuaqtuiyaami WSCC-kunnik maligaghaliuqniqmut, havauhiqnut, aulapkainiqmullu qanuqlu ikpigiyauplutik ilauyunit. GC-kut katimayiit kivgaqtuivaktut ilvit ihumagiyarnik.

Hapkunani ihumaalugiyauyunut, ilittuqhitiniaqtaffi tamaffi taapkuninnga Kavamaliqiniqmut Katimayiinik. Tikittiqhugu, ilittuqhivaalliqluhi taapkuninnga Kavamaliqiniqmut Katimayiinik pulaaqlugu qaritauyakkuurutivut .     
IHUMAGIYAT ATURTUQ
UUKTUTAUYUT NUTAGUQTIQNI TAPKUAT HAVAKVINGNIT AANNIAQTAILINIQMUT AANNIQTAILINIQMULLU MALIGAIT

Tapkuat WSCC-kut naunaiyainnaqtai tapkuat piquyat aulataqtik atuqpiagiangi tapkuat piquyat nutanguqhimayangi ihuaqhiyangilu pityutainik pingugutauhimanianut. Ihumaalutit tapkunanga piqatauyunit naunaiqtauyut naunaiyaqhugitlu naunaigiangi ihuaqhigiqani tapkuat piquyat piyaqagiangi. Pityutit hatqiqtut piyagangata tapkuat WSCC-kut havaqatigiyai piqatauyut, piyagangataluniit tapkuat WSCC-kut atugiaqaqtitni piquyat, naunaiyaqtaukmiyut.

Tapkuat WSCC-kut pihimayai titiqat ihuaqhigiagutit parnaktauyut tapununga Maligait hugiaqninut tapkuat qaphitnuit naunaiqtauyut pityutit. Naunaiyaiquyauyutit taphuminga   uuktugut ihuaqhigiaqninik piqaqtitnilu uqauhit tapkununga WSCC-kut. Atuqhimayaat tadja Maliguarutit nanilaaqtatit uvani katilviuyut ataaniittut:
 
NUTAANNGUQTIQHIMAYUQ TUNIHIVIGHAAT UPLUQ: Ilihimaluhi taimaa tuhaqtittiyaami tunihivighaat aallannguqtauhimayuq March 9-mut, 2018-mi.

Tuhaqtittiyaami kinguvaqtittiniaruffi, qaritauyakkut titiraqlugit taapkua   lawfeedback@wscc.nt.ca .

Aullaqtittiyaami, takulugit ihuaqhaqtauniaqhimayut, piinnarialgit taimaa Qaplunaatut , Uiviititut , Inuktitut , taimaalu  Inuinnaqtun  .
AMIRNAITTUT HIVULIUTIYAUYUNUT TUHAAYAGHAT
UPLUQ PUIGUQTAILILUGU: MARCH 30, 2018

Amirnaittut Hivuliutiyauyunut Havakviit, ilihimaluhi taimaa umikvighaat tunihiyaami taapkuninnga  Management Practices Questionnaire (Atannguyait Havauhiinut Apiqhuutinik) uplua Friday, March 30, 2018-mi.

Amirnaittut Hivuliutiyauyunut WSCC-kut havakviit amirnaittunut aullaqtitauhimayuq havakvingnut akiliqtuiyuktunik avatquanik $40,000-taalanik WSCC-kunnut. Manighaqtittiyut hapkunuuna aullaqtihimayaigut ikayuutauvaktuq havakvingnut ilitturinnaqhutik aanniaqtailiniq, aanniqtailiniq, havagiatqiktunullu/aanniqhimayut akiliqhiutainut havauhiqattiaqhutik, ikittuuplutiklu aanniqhimayut akiliqhiutait.

Amirnaittut Hivuliutiyauyunut havakviit ataniqtuqtuittianngittut akiliqhiyuktullu akitunnaknik akiliqhiyaghaqariaqniat ihuinaarutainut. Tunihiyuitkumik iniqhimayunik apiqhuutinik ahiagut akiliqtaghaqaqniat.

Naunaittiarumaguffi pivighaniklu ikayuutighatit apiqhuutinut, takugulugu taamna Safe Advantage Management Practices Questionnaire Guide (Amirnaittut Hivuliutiyauyunut Atannguyait Havauhiinut Apiqhuutinik Maliktaghat). Una titiraq hanalrutauyuq havakvingnut aulapkaiyaami taapkuninnga Havakvingnit Aanniaqtailiniq Aanniqtailiniqmullu (OHS) taamnalu Havagiatqiktut Havakviinut (RTW) ikayuutainut.

Naunaittiarumavit taapkuninnga Amirnaittut Hivuliutiyauyunut aullaqtitainik, apiqhuutiqaqqilluuniit? Hivayaqlugu taamna Amirnaittut Hivuliutiyauyunut Havaktia talvani  safeadvantage@wscc.nt.ca   talvaniluuniit 1-800-661-0792.
QUNNIAQTAKHAT AKIMANAHUAQTUQ 2018: HIVUNIGILUGU AANNIQTAILINIKKUT



Uumani ilanganit Kaniitian Katimavia haffumani Havakvingnit Aanniaqtailiniqmut Aanniqtailiniqmullu (CCOHS), una WSCC taimaattauq katimapkainahuarmiyut   ukiunganit alraarunmi qunniaqtakhat akimanahuaqtuq   inuuhuktut iliharviannit ilihaqtut inulrammiit timinganit tamainnut Nunatsiaq Nunavunmilu. Una WSCC munaqhiivaktut nunallaap akihautinahuaqtut turaaqtinnagu akimayunut qunniarunmik uvunga CCOHS haffumani nunaryualimaat abluani akimanahuarnikkut.
 
Tadja 6 nit ukiunganit havaarivagaat, una akihamiq angmaumayuq tamainnut inuuhuktut iliharvianut inulrammiit timinganut ilihaqtut puqtuhiyumik 9 mit 12 mut, ukiunganilu hivumuurutigiyangit uumani #FocusOnSafety (Hivunigilugu Aanniqtailinikkut). Una akimayuq qunniaqtakhainit aittuqtauniaqtuq $1,000 aitturvikhaat, aahiillu $1,000 ilitariyauniaqtuq akinahuaqhimalugit taktakhainit ikayuqhimayuq iliharvianit/inulrammiit timinganit. Tamaat havaqatigiyut ikayuqtaugiaqaqtut hamanngit inuuhuktup iliharvianit/timinganit munarivagaat ikayuqpagaallu havaqatigiiktut.
 
Una qunniarut havagvianut aanniqtailinianut hivunigiyakhaat, una akimaniq unipkaangilu angmaumayuq qanuq ihumaffingnit huliyumayangillu. Qanuq itqurnaqpiarumik, mitaaqtunilluuniit, nutqaqattaqtut qunnialiuqtuq, huqulaaqtunit qunniarut, tamaat ihumaliuqhimayangit turaarniarumiuk quyagiyauyuq. Apirilutit ilingnit qanuq havaktit havaaqaqtunullu ikayulaaqtaatit aannirnaittumik havagviqarnaqtuq tamainnut.

Una turaarutivit umigutaa haffumani 2018 mi #FocusOnSafety (Hivunigilugu Aanniqtailinikkut) akimaniq April 1, ubluqhiutaat 11:59 Unnuktumi Qitirmiunmi Ubluqhiutaanut.

Ilitturvikhatit ilaliutilaaqtatit maliktakhainit maliruarutaanit, qanuq turaaqhiilaaqtatit itiutaanit, naunairumaguvit, pulaanginnarialik uvunga qunniarut akimanahuarniq makpiraq .

NAUNAITTUGHAT: INUVINGMI HAVAKVIAT HIVAYAUTAAT

Atuqtitauniaqtuq April 1-mi, 2018-mi, hivayautilluangat WSCC-kut Inuvingmi Havakviat taimaanguniaqtuq 867-678-2311.

Ilittuqhitiyaami aanniqtuqarluaqtumik huyuqaqtumikluuniit, hivayaqpaklugu huli akiittuq hivayautikput talvani 1-800-661-0792.
HAVAKVIIT UMIGHIMAVIIT
IISITAQVIK HAVANGNAILLAKVIK

WSCC-kut havakviit umingniaqtut 5:00 unnuktumi, Thursday, March 29-mi Iisitarvingmi, angmatqikluni 8:30-mi uplaami, Tuesday, April 3-mi, 2018.
 
Naunaiqhitiyaami aanniqtuqarluaqtumik havakvingnit huliyuqaqqalluuniit, hivayaqlugu 1-800-661-0792.


wscc.nt.ca   /  1.800.661.0792   *   wscc.nu.ca  /  1.877.404.4407