November 2017-mi

UKIUQ NUNNGUTAANIT AKILIQHIYANUT NAUNAITKUTAT

NUTAAQ ATUQTAGHAQ: WSCC CONNECT ILITTUQHITIT HAVAKVINGNIT AANNIAQTAILINIQ AANNIQTAILINIQMULLU APR-NIT

Aallannguqtiriyaami ayuqnaqhivaktuq, imaalu qaritauyakkut pivalliapluta, WSCC-kut naunaiqhitittiarumayaahi nutaanik havauhiqaqpalliayunut qanuqlu nutaakkut hulilukaaqpalliayunut. Talvuuna WSCC Connect , ilittuqhitihimayugut qaritauyakkuurutinik Ukiuq Nunngutaanut Akiliqhiyanut Naunaitkutanik (APR) havakvingnut Nunattiami Nunavunmilu aippaangani, naunaiqhitiyaamik WSCC-kunnut akiliqhihimayainik havaktinut ukiumut atuqtumut, naahuriyauyuniklu aippaagughami ukiumi. Quviahuutigivaqqut havakviit nuutittiaqhimagamik atuqpallialiqhugu qaritauyakkuurutinit titiraliqiniqmut havauhiit.

Havakviit, naunaiqhimaluhi: December atulihaaqtumi, naunaitkutaningniaqtutit qanuq titiraliqiyaami APR-nik. Tunihivighat umikvighaat February 28-nguyuq, 2018-mi.

NUTAAQ PITQUYAUHIMAYUQ: Havakvingnit Aanniaqtailiniq Aanniqtailiniqmullu Naunaiqhitiyut talvani Ukiuq Nunngutaanit Akiliqhiyainut Naunaitkutanit

Talvani 2018-mi titiraliqivighaanit nutaanik iliqahiutihimayut taapkuninnga Havakvingnit Aanniaqtailiniq Aanniqtailiniqmullu (OHS) titiraqvighaanik talvunga APR-nut. Ukiuq atuqtumi, WSCC Connect-mik atuyuktut apiriyauniaqtut OHS mighaagut nanminiinut havakvianulluuniit.

TITIRALIQITINNAGIT, WSCC Connect-mik atuyuktut uqaqatigiyaghaat inuk munaqtiuyuq OHS-nik nanminiinit (havakvigiyainulluuniit titiraliqiyainut) kiuhiyaami Angiqhimayut/Imannaqluuniit apiqhuutainut OHS-kut. Kiuhiyaami apiqhuutinik ilittuqhitilingnik qiniqtagharnik Ilanga 4-mi talvani Guide to Completing Annual Payroll Reporting (Maliktaghat Titiraliqiyunut Ukiuq Nunngutaanit Akiliqhiyanut Naunaitkutanik).

Umikvighaat tunihiyaami APR-nik February 28-nguyuq, 2018-mi, kihimi tunihiinnarialik hivuanit January 2-mi, 2018-mi. Tunihiyughauyutit APR-nik naunaiqhitigaluaruvit piittumik (0) akiliqhiyanik. Akiliqhiyariaqaqtut kinguvaqtittigumik 15%-mik ukium aippaanganiqnitat akiliqtuqtait qauyihautigiplugit.

Havakviit, piyuitkungni huli taamna APR-nut titiraaghat qitqaguqqat December, titiraqlugit Havakviit Ikayuqtiit Nunattiami talvani employer@wscc.nt.ca , hivayaqluguluuniit (867) 920-3888 akiittumulluuniit talvani 1-800-661-0792; Nunavunmilu talvani employernu@wscc.nu.ca , hivayaqluguluuniit (867) 979-8500 akiittukkulluuniit talvani 1-877-404-4407.

Huuq nanminiit havakvilluuniit piqaqtughat Havakvingnit Aanniaqtailiniq Aanniqtailiniqmullu (OHS) Ikayuutinik

Taapkua OHS Ikayuutait havauhiqaqtut ilittuqhittiariamik munattiariamiklu havakvingni amirnaqtunik, parnaihimalutik irininaqtunut, maligaghaliuqhimalutik havakvingnit aanniqtailiqmut havauhiqniklu, ilihaqtittilugit havaktiit OHS-nut havaaghainit munaqtaghainiklu. Ikayuttiariamik ilingnik, WSCC-kut naunairumayut tajja qanurininganianik OHS-nut Ikayuutait nanminiqnit havakvingnilu Nunattiami tamaat Nunavunmilu.

WSCC-kut huli hanahimmaaqpaktut hanalrutinik havakvingnut. Maliktaghanik aajjikkutaliuqhimayuniklu titiraqviliuqhutik qaritauyakkuurutinit talvuuna WSCC Connect-kut, ikayurumayaqqut havakviit havaaghainut ikayuutainut havakvingnilu aanniqtailiniqmut maligakkut.

Hamaniittugut ikayurumapluta! Ikayuqtauyumaguvit WSCC Connect-mut, takulugu WSCC Connect Ikayuutit Makpiraat hivayaqlugilluuniit WSCC Connect Ikayuqtauviat akiittukkut talvani 1-844-238-5008.
IHIVRIUQHIYUT AANNIQTAILINIQMIK!
Talvani Ron's Auto
 

Havaaqqut aulahimmaarahuaqhugu aanniqtailiniqmik tamangnut ukiulingnut, WSCC-kut uqaqtiuplutik ikayuqtiunahuaqpaktut Grade 8-mi ilihaqtunut ukiuq tamaat talvani Skills NT Power Up! inulrammiit katimavianit. Ukiuq atuqtumi, kihimi, ikayuqtigiquyaqqut Yalunaimiutaq havakvik taamna Ron's Ingilrutinik Atuqtittiyit Hannavingnilu Hunaqutait (ilihimayauyuqlu taimaa Ron's Auto ) ilihaqtut ihivriuqhinnguaquplugit aanniqtailinnaqtunik inulingmi havaktulingmilu.

Ikkuaqtiqaqhutik WSCC-kut Aanniqtailiniqmut Titiraqtianik, WSCC-kut OHS-nik Ilihaqtuliqiyi, taamnalu Aanniqtailiniqmut Ilihainiqmullu Atannguyaq talvani Ron's Auto-mi, ilihaqtut ihivriuqhiyinnguuplutik paqittiquhimayut amirnaqtunik havakvingnit ilauquyauplutiklu aanniqtailiniqmut unipkaaqtunut.

Aannuraaqhimattiarniqmut amirnaittunik (PPE), ilittuqhitivagait paqittiniqmik amirnaqtunik ihivriuqhiplutik takuhiuriamiklu amirnaqtunut naunaitkutanik, imaalu ihivriuqhiplutiklu inmikkut qunmuutinik (ayuiqhaqpaghutiklu kiluuttaqtunik iliuraqhimayuniklu aanniqtailitjutinik!), ilihaqtut ilitturihimayut qanuq WSCC-kut havaktiat upluummaat havayuktuq.

"Atauhiq inirumayaqqut talvani WSCC-kunni taimaa inulrammiit ilihaqtittilugit aanniqtailiniqmik nutarannuutillugit, ingattauyuq tajja hivunighami inuuhuktut havaktighat ilihimalaittungnaqhiyut taimaa aanniqtailiniqlu havaaghaungulaaqtuq," uqaqtuq Judy Kainz, Aulapkaiyiryuanguyuq Pittailiniqmut Havakviit Ikayuqtiit. "Ihumagilluaqhugu aanniqtailiniqmut havauhiqattiarniq havakvingnit, Ron's Auto ikayuqtiulluaqtut ilitturinnaqtut. Unnugaangat, tamapta inulramminik ilittuqhiquiyumayugut aanniqtailiniqmut havaaghat qanurilingayaaghait, qanuqlu aanniqtailiniqmut kivgaqtiulaaqtut, humukiaq havaaghanut ingilrayaghainit."

WSCC-kut quyagiyaat Ron's Auto ilittuqhitivakkamik hivunighami havaktighanik huuq aanniqtailiniq nakurutaunnginnaqtuq (#worthit). Ilitturipkaiyaami ilihaqtunik atauttikkut qanurilingayuq qauhimattiariami aanniqtailiniqmik aulapkaittiarutauplunilu hapkuninnga huliyainik!


2018-MI QAUYIHAQTAT AKIGHAIT PIHIMAYAULIQTUT
TAKULUGIT QAUYIHAUTITIT WSCC CONNECT-KUNNIT



Havakviit, 2018-mi qauyihautinut akighait hailiyauhimayut talvani WSCC Connect-kunnit . Takulugu WSCC Connect-kut ihuaqtumik qauyihaiyaami akiliqtaghatit, takulugillu aviktuqtauhimayut akiliqtaghait hannaviit ukiumi atuqtughami. Takuinnarialgit WSCC-kut nutaatqiyat utuqqaillu akiliqtaghait Aviktuqhimayukkut taimaalu Hunanik Hannaviuyukkut .

Ukiuq tamaat, Kavamaliqiyit Katimayiit havaqatigivagait ilikkuuqtut ilittuqhiyaami qauyihautinik akiliqtuqtaghainut ilikkuuqtullu akiliqtuqtaghainik tamangnut aviktuqhimayunut. Apiqhuutighaqaruvit 2018-mi qauyihaqhimayunut akighanut, titiraqlugu Havakviit Ikayuqtiit kivgaqtia inmikkut, titiraqlutaluuniit talvani employer@wscc.nt.ca /1-800-661-0792 talvani Nunattiami, talvungalu employernu@wscc.nu.ca /1-877-404-4407 Nunavunmi.
INMIKKUT AKILIQTUQTAGHAT AKILIQTAGHAUYUQ
TITIRAQLUGIT TATQIQHIUTIT: DECEMBER 31-mi, 2017

Nanminiqaruvit havakvingnik, ikayuqtiuguvit, titiraqhimaguvit aulapkaiyiryuanguvit, inmikkulluuniit havakpakkuvit, atauttikkut qutangnaiyautinut ikayuqtauyuittut WSCC-kunnit havaaghaigut. WSCC-kunnit ikayuqtauyaami, titiraqhimayughauyutit taapkununnga Inmikkut Akiliqtuqtaghat, aajjikkutaanik ikayuutilgit ahitut havaktitut havakvingnit aanniaqtuqarnighakpat aanniqtuqarnighakpallu.

Ikayuutinut uuktuinnarialik atauhiugaluamut tatqiqhiutimik imaalu taimaa ukiumut atauhiqmut. Nutaannguqtiqtaghatit hapkua ukiuq tamaat, nutaannguqtiqtauyullu tuniyauyughat December 31-mi, 2017-mi.

Takuyaami titirariamilu taamna Inmikkut Akiliqtuqtaghat titiraaghaq, naqillugu hamna , qaritauyakkut titiraqlugilluuniit Havakviit Ikayuqtiit talvani Nunattiami talvaniluuniit Nunavunmi naunaittiarumaguffi.
QUVIAHUKVINGMI HAVAKVIK UMIGHIMAVIGHAAT

WSCC-kut havakviat umingniaq 5:00-munngaqqat, Wednesday-mi, December 20-mi, quviahukvingmi, amatqiklutik 8:30-mi uplaami, Tuesday-mi, January 2-mi, 2018-mi.

Naunaiqhitiyaami aanniqtuqarluaqtumik havakvingnit huliyuqaqqalluuniit, hivayaqlugu 1-800-661-0792.
wscc.nt.ca   /  1.800.661.0792   *   wscc.nu.ca  /  1.877.404.4407