ᕕᕝᕗᐊᕆ 2018                                                                FRANÇAIS
ᐊᐅᐸᔮᖅᑐᖅ ᐅᕕᓂᕈᖅ ᐅᓪᓗᖓ
ᒪᑭᑦᑐᐃᓐᓇᐅᑕ ᓲᖑᓴᖃᑦᑕᓂᕐᒧᑦ ᑲᑐᑎᓗᑕ



ᓲᖑᓵᖃᑦᑕᕐᓂᖅ ᑕᐃᒪᐃᓕᒍᓐᓇᖅᑐᖅ ᓇᒥᑐᐃᓐᓇᖅ: ᐃᓕᓐᓂᐊᕕᒻᒥ, ᐊᖏᕋᒥ, ᐃᕐᖏᓐᓈᕈᑎᒃᑯᑦ, ᐅᕝᕙᓘᓐᓃᑦ ᐃᖅᑲᓇᐃᔭᕐᕕᒻᒥᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ, ᐅᑉᐱᕈᓱᑦᑐᒍᑦ ᓲᖑᓴᕐᓂᖅ ᐊᒻᒪ ᐸᕝᕕᓴᐃᓂᖅ ᓈᒻᒪᓚᐅᖅᓯᒪᖏᑦᑐᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑭᑎᑦᑎᓯᒪᒐᓗᐊᖅᑎᓪᓗᒋᑦ ᐊᑐᐊᒐᕐᓂᑦ ᐊᒻᒪ ᒪᓕᑦᑕᐅᔭᕆᐊᓕᓐᓂᑦ ᐃᖅᑲᓇᐃᔭᕐᕕᒻᒥ ᓲᖑᓴᓂᕐᒥᑦ, ᐃᓚᐅᖃᑕᐅᓂᕆᔭᕗᑦ ᐊᐅᐸᔮᖅᑐᖅ ᐅᕕᓂᕈᖅ ᐅᓪᓗᖓ ᓇᓗᓇᐃᕈᑎᐅᔪᖅ ᐃᓅᖃᑎᒌᓐᓂᕐᒧᑦ ᐃᑲᔪᓂᕐᒧᑦ ᑲᔪᓯᑎᑕᐅᓗᓂ ᓱᖑᓴᖅᑎᑎᑦᑕᐃᓕᓂᕐᒥᑦ ᐅᖃᐅᓯᐅᔪᒥᑦ.

ᐊᐅᐸᔮᖅᑐᖅ ᐅᕕᓂᕈᖅ ᐅᓪᓗᖓ ᐱᒋᐊᖅᑎᑕᐅᓚᐅᖅᓯᒪᔪᖅ 2007−ᒥᑦ ᒪᕐᕉᓐᓄ ᐃᓕᓐᓂᐊᑏᓐᓄᒃ ᓅᕙ ᓯᑰᓴᒥᑦ ᐃᓕᓐᓂᐊᖃᑎᒋᔭᖓ ᓲᖑᓴᖅᑕᐅᓚᐅᖅᑎᓪᓗᒍ ᐊᐅᐸᔮᖅᑐᒥᑦ ᐅᕕᓂᕈᖅᓯᒪᓂᖓᓄᑦ ᐃᓕᓐᓂᐊᕕᒻᒥ. 11 ᐊᕐᕌᒍᐃᑦ ᖄᖏᖅᓯᒪᓕᖅᑎᓪᓗᒋᑦ, ᐊᐅᐸᔮᖅᑐᖅ ᐅᕕᓂᕈᖅ ᐅᓪᓗᖓ ᓯᓚᕐᔪᐊᓕᒫᒥᑦ ᐃᓕᓴᕆᔭᐅᓯᒪᓕᖅᑐᖅ ᐊᑭᕋᑐᖅᑐᑎ ᓲᖑᓴᓂᕐᒥᑦ.

ᐱᖓᑦᑎᕐᒥᑦ, ᕕᕝᕗᐊᕆ 28, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᖃᑕᐅᓕᓚᐅᖅᑐᑦ ᐊᓯᖏᓐᓂᑦ ᓯᓚᕐᔪᐊᒥᑦ ᐃᓕᓴᕆᔭᐅᓪᓗᓂ ᐊᐅᐸᔮᖅᑐᖅ ᐅᕕᓂᕈᖅ ᐅᓪᓗᖓ. ᐊᕐᕌᒍᑕᒫᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖏᔪᖅᑳᖓᑦ ᐊᒻᒪ ᑎᑎᕋᕐᕕᖕᒥ ᐊᖓᔪᖅᑳᖅ ᑕᐃᕝ ᒐᓐᑎ ᐱᒃᑲᐅᓛᖑᑎᑦᑎᓯᒪᔪᖅ ᐃᖅᑲᓇᐃᔭᖅᑎᓂᑦ ᑕᑯᔅᓴᐅᑎᑦᑎᓗᑎ ᐃᑲᔪᖅᓱᕐᓂᖏᓐᓄᑦ ᑲᔪᖏᖅᓯᒪᓪᓗᑎ ᐃᒻᒥᓂᒃ ᑐᓂᓯᑐᐃᓐᓇᖅᑐᑎ ᐊᐅᐸᔮᖅᑐᓕᒫᓂᒃ ᐅᕕᓂᕈᖅᓯᒪᔪᓂᑦ ᐊᑐᖅᑕᐅᔪᑦ ᐃᖅᑲᓇᐃᔭᖅᑎᓄᑦ ᕕᕝᕗᐊᕆ 28−ᒥ. ᑮᓇᐅᔭᓕᐊᖑᔪᑦ ᐃᑲᔪᖅᑐᐃᔪᑦ ᓲᖑᓴᖅᑎᑎᑦᑕᐃᓕᓂᕐᒥᑦ ᐱᓕᕆᐊᓂᑦ ᐃᓕᓐᓂᐊᕕᓐᓂ ᐅᑭᐅᑕᖅᑐᒥ. ᑕᒪᑐᒪᓂ ᐊᕐᕌᒍᒥ, ᑮᓇᐅᔭᐃᑦ ᑐᓂᔭᐅᓚᐅᖅᑐᑦ ᐃᑰᓪ ᐅᐃᓕᐊᒻ ᒪᒃᑖᓄᑦ ᐃᓕᓐᓂᐊᕕᒻᒧᑦ ᔨᐊᓗᓇᐃᒥ ᐃᑲᔪᖅᓯᓪᓗᑎ   ᐅᕙᖓ ᐅᕙᒍᑦ ᐱᓕᕆᐊᒥ, ᒪᒃᑯᑦᑐᓂ ᑭᒡᒐᖅᑐᐃᑎᑦᑎᔪᑦ ᐃᓅᖃᑎᒌᓐᓂᕐᒧᑦ ᐊᓯᔾᔨᖅᑐᓄᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᐱᒍᓱᑦᑐᑦ ᐃᓕᓴᖅᓯᓗᑎ ᓄᓇᓕᒻᒥᑦ ᐱᓕᕆᖃᑕᐅᔪᓂᑦ ᐃᑲᔪᕈᑎᖃᖅᑐᑦ ᐱᒻᒪᕆᐅᔪᓂᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᒥᔅᓵᓄᑦ ᐊᐅᐸᔮᖅᑐᖅ ᐅᕕᓂᕈᖅ ᐅᓪᓗᖓ ᐊᒻᒪ` ᖃᓄᖅ ᐃᓕᓴᕆᔭᔅᓴᐅᒻᒪᖔᑕ ᓲᖑᓴᖃᑦᑕᓂᕐᒥᑦ ᐃᖅᑲᓇᐃᔭᕐᕕᒻᒥ.
ᐊᐅᓚᑦᑎᓂᕐᒧᑦ ᑲᑎᒪᔨᑦ 101
ᐊᒻᒪ ᐱᓕᕆᔭᕆᐊᖃᖅᑕᖏᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ

ᐃᓱᒪᓚᐅᖅᓯᒪᕖᑦ ᓇᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑐᑭᒧᐊᕈᑎᖏᓐᓂᑦ ᐊᒻᒪ ᐃᑲᔪᖅᓯᓂᕐᒧᑦ ᑭᐅᓯᒐᑦᑕ ᐱᔭᐅᔭᕆᐊᖃᖅᑐᓂᑦ ᑎᒍᒥᐊᖅᑎᖁᑎᑦᑎᓐᓂᑦ? ᐊᐅᓚᑦᑎᓂᕐᒧᑦ ᑲᑎᒪᔨᑦ (GC) ᑐᑭᒧᐊᖅᑎᑦᑎᔪᑦ ᐊᔭᐅᖅᑎᐅᓪᓗᑎᓪᓗ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᑕᖃᖅᑎᑎᓪᓗᑎ ᑕᑯᓐᓇᖅᑕᖏᓐᓂᑦ ᐊᒻᒪ ᐊᐅᓚᓂᕆᔭᖏᓐᓄᑦ.

ᐊᐅᓚᑦᑎᔩᑦ ᑲᑎᒪᔨᖏᑦ ᑎᒥᐅᕗᑦ ᐱᖓᓲᔪᖅᑐᑦ ᐊᑕᐅᓯᕐᓗ ᑲᑎᒪᔨᖃᐅᖅᑐᑎᑦ, ᑎᒃᑯᐊᖅᑕᐅᓲᑦ ᒥᓂᔅᑕᓄᑦ ᑲᒪᒋᔭᓖᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᒪᒃᑮᓐᓂᒃ ᓄᓇᑦᓯᐊᕐᒥ ᐊᒻᒪ ᓄᓇᕗᒻᒥ. ᐱᖓᓲᔪᖅᑐᑦ ᐊᑕᐅᓯᕐᓗ ᑲᑎᒪᔨᖏᑦ ᑎᒃᑯᐊᖅᑕᐅᓯᒪᔪᑦ ᓇᓕᒧᒌᓐᓂᖃᐅᖅᑎᑕᐅᒐᓱᐊᖅᑐᑎᑦ ᐊᕐᓇᖏᑦ ᐊᖑᑎᖏᓪᓗ ᐊᒥᓲᓂᖏᑕ ᐊᒻᒪᓗ ᐊᕕᑦᑐᖅᓯᒪᔪᓂᙶᖓᓲᖑᓪᓗᑎᑦ, ᐊᒻᒪᓗ ᐱᒻᒪᕆᐅᓂᖅᓴᖅ ᑭᒡᒐᖅᑐᐃᔪᑦ ᑎᒍᒥᐊᖅᑎᖁᑎᑦᑎᓐᓂᑦ. ᑲᑎᒪᔩᑦ ᐅᑯᐊᖑᓲᖑᓪᓗᑎᑦ:
    • ᐊᑕᐅᓯᖅ ᑲᑎᒪᔨ ᐃᒃᓯᕙᐅᑕᕆᔭᐅᓪᓗᓂ;
    • ᒪᕐᕉᒃ ᑲᑎᒪᔩᒃ ᑭᒡᒐᖅᑐᐃᔫᒃ ᐱᔭᕆᐊᓕᖏᓐᓂᒃ ᐱᔪᒪᔭᖏᓐᓂᓗ ᐃᓄᐃᑦ ᑭᒃᑯᑐᐃᓐᓇᐃᑦ;
    • ᒪᕐᕉᒃ ᑲᑎᒪᔩᒃ ᑭᒡᒐᖅᑐᐃᔫᒃ ᐱᔭᕆᐊᓕᖏᓐᓂᑦ ᐱᔪᒪᔭᖏᓐᓂᓗ ᐃᖅᑲᓇᐃᔭᖅᑏᑦ; ᐊᒻᒪᓗ
    • ᒪᕐᕉᒃ ᑲᑎᒪᔩᒃ ᑭᒡᒐᖅᑐᐃᔫᒃ ᐱᔭᕆᐊᓕᖏᓐᓂᑦ ᐱᔪᒪᔭᖏᓐᓂᓗ ᐃᖅᑲᓇᐃᔭᕐᕖᑦ.
ᐊᐅᓚᑦᑎᔩᑦ ᑲᑎᒪᔨᖏᑦ ᐅᐊᑦᑎᔨᐅᓪᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᓂᖏᓐᓂ ᐊᒻᒪᓗ ᖃᓄᖅᑑᕈᑎᓂᑦ ᐸᕐᓇᐅᓯᐅᖃᑦᑕᖅᑐᑎᑦ, ᐱᒻᒪᕆᐅᔪᓂᑦ ᐱᓕᕆᐊᒃᓴᖃᓲᑦ, ᓲᕐᓗᒃ: ᖃᓄᖅᑑᕈᑎᓕᐊᕆᔭᐅᓂᐊᖅᑐᓂᑦ ᑐᑭᒧᐊᑦᑎᑎᓪᓗᑎᑦ ᑲᑐᔾᔨᖃᑎᒌᒧᑦ; ᐊᓯᐅᔭᐃᕐᓂᕐᒧᑦ ᐱᖁᑎᓂᑦ ᐊᐅᓚᑦᑎᓲᑦ; ᕿᒥᕐᕈᓲᑦ ᐱᓕᕆᐊᓂᑦ, ᐊᑐᐊᒐᕐᓂᒃ, ᐊᒻᒪᓗ ᐊᕐᕌᒍᑕᒫᑦ ᐊᐅᓚᑦᑎᒍᑎᒃᓴᖏᑕ ᑮᓇᐅᔭᖅᑐᕈᑎᖏᓐᓂᑦ ᑲᒪᓲᑦ; ᐊᒻᒪᓗ ᖃᐅᔨᒪᑦᑎᐊᓲᑦ <<ᑕᐅᑦᑎᐊᕋᓗᐊᕐᒪᖔᕐᒥᒃ ᐃᖅᑲᓇᐃᔭᖅᑏᑦ ᓴᐳᔾᔭᐅᓂᖏᓐᓄᑦ ᑮᓇᐅᔭᖁᑎᖏᓐᓂᑦ.

ᑲᑎᒪᔩᑦ ᐊᐅᓚᑦᑎᔨᖏᑦ ᐱᔭᕆᐊᓕᖏᓐᓂᑦ ᐱᔪᒪᔭᖏᓐᓂᓪᓗ ᑭᒡᒐᖅᑐᐃᓲᑦ ᑎᒍᒥᐊᖅᑎᖁᑎᑦᑎᓐᓂᑦ. ᐱᒻᒪᕆᐅᔪᑦ ᑐᑭᒧᐊᑦᑎᑕᐅᓪᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᒪᐃᓐᓂ ᐃᓱᒪᒃᓴᖅᓯᐅᖃᑦᑕᕐᓂᖏᑎᒍᑦ ᐊᑐᐊᒐᑦᑎᓐᓂᑦ, ᐃᓕᖅᑯᓯᑦᑎᓐᓂᑦ, ᐊᒻᒪᓗ ᐊᐅᓚᓂᑦᑎᓐᓂᑦ ᐊᒻᒪᓗ ᖃᓄᖅ ᐊᑦᑐᐃᓂᖃᓲᖑᒻᒪᖔᕐᒥᒃ ᑎᒍᒥᐊᖅᑎᖁᑎᑦᑎᓐᓂᑦ. ᐊᐅᓚᑦᑎᔩᑦ ᑲᑎᒪᔨᖏᑦ ᑭᒡᒐᖅᑐᐃᓲᑦ ᐱᔭᕆᐊᓕᔅᓯᖕᓂᑦ ᐱᔪᒪᔭᔅᓯᓂᓪᓗ.

ᑎᑎᖅᑲᓕᐅᕐᓂᐊᑕᑦᑎᓐᓂᑦ, ᖃᐅᔨᒃᑲᓛᖅᐸᑦᑎᒋᑦ ᐊᑐᓂᑦ ᑭᒃᑰᒻᒪᖔᕐᒥᒃ ᐊᐅᓚᑦᑎᓂᕐᒧᑦ ᑲᑎᒪᔨᖁᑎᕗᑦ. ᓴᖅᑭᑎᑦᑎᓚᐅᖅᑳᖅᑎᓐᓇᑕᓕ, ᐃᓕᓐᓂᐊᒃᑲᓐᓂᕆᑦ ᐊᐅᓚᑦᑎᔩᑦ ᑲᑎᔨᖏᑕ ᒥᒃᓵᓄᑦ ᑕᑯᓂᐊᕐᓗᒍ ᐃᑭᐊᖅᑭᕕᕗᑦ.          
ᐅᖃᐅᓯᖅᑎᑦ ᐊᑐᖅᑐᑦ
ᓂᕆᐅᒋᔭᐅᔪᑦ ᐊᓯᔾᔨᕆᐊᕈᑎᑦ ᑖᔅᓱᒧᖓ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᕿᒥᕐᕈᐃᓐᓇᖅᑐᑦ ᒪᓕᒐᓂᑦ ᑲᒪᒋᔭᖏᓐᓂ ᓄᑖᖑᒐᓗᐊᕐᒪᖔᑦ ᐊᒻᒪᓗ ᐱᓕᕆᐊᕆᓇᓱᒃᑕᖓᓂ ᐱᓕᕆᑦᑎᐊᕋᓗᐊᕐᒪᖔ. ᐱᖁᑎᖃᖅᑐᓂ ᐃᓱᒫᓘᑎᒋᔭᐅᔪᑦ ᑎᑎᕋᖅᑕᐅᔪᑦ ᐊᒻᒪᓗ ᕿᒥᕐᕈᔭᐅᓪᓗᑎᒃ ᖃᐅᔨᓇᓱᒃᖢᑎᒃ ᒪᓕᒐᖅ ᐊᓯᔾᔨᖅᑕᐅᔭᕆᐊᖃᕐᒪᖔ. ᐃᓱᒫᓘᑕᐅᔪᑦ ᓴᖅᑭᑉᐸᑕ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ (WSCC) ᐱᖁᑎᖃᖅᑐᓂ ᐱᓕᕆᖃᑎᖃᕐᓗᑎᒃ, ᐅᕝᕙᓘᓐᓃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓂᒃ (WSCC)-ᑯᑦ ᒪᓕᒐᕐᓂᑦ ᐊᔭᐅᖅᑐᕐᓗᒋᑦ, ᖃᐅᔨᓴᖅᑕᐅᖕᒥᔪᖅ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᕋᖅᓯᒪᔪᖁᑎᓖᑦᑦ ᒪᓕᒐᕐᓄᑦ ᐊᓯᔾᔨᖅᑕᐅᓂᐊᖅᑐᑦ ᐸᕐᓇᒃᓯᒪᔪᓄᑦ ᐅᓄᖏᑦᑐᑦ ᐃᓱᒫᓘᑏᑦ ᓇᓗᓇᐃᖅᑕᐅᓯᒪᔪᑦ ᐱᓕᕆᐊᕆᓗᒋᑦ. ᑐᙵᓴᐃᕗᒍᑦ ᕿᒥᕐᕈᐊᓂᕐᒥᑦ ᓂᕆᐅᒋᔭᐅᔪᑦ ᐊᓯᔾᔨᕆᐊᕈᑎᑦ ᐊᒻᒪᓗ ᐅᖃᐅᓯᒃᓴᑎᑦ ᑐᓂᓗᒋᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄᑦ. ᒫᓐᓇ ᒪᓕᒐᐅᔪᑦ ᓇᓂᔭᐅᔪᓐᓇᖅᑐ ᖃᕋᓴᐅᔭᕐᒧᑦ ᑐᕌᕈᑎᓄᑦ ᐊᑖᓃᑦᑐᓂ:
ᓄᑖᕈᕆᐊᖅᓯᒪᔪᖅ ᐃᓱᓕᕝᕕᖓ: ᖃᐅᔨᒪᒋᐊᕆᑦ ᑭᐅᔾᔪᑎᒃᓴᓯᖕᓂᑦ ᑐᓂᓯᓯᒪᔭᕆᐊᖃᕐᓂᐊᓕᖅᑐᓯ ᐅᖓᕙᕆᐊᖅᑕᐅᓯᒪᓕᖅᑐᓂᑦ ᒫᔾᔨ 9, 2018.

ᐱᕕᖃᒃᑲᓐᓂᕆᐊᖃᕈᕕᑦ ᑭᐅᔾᔪᑎᒃᓴᖕᓂᑦ ᑐᓂᓯᓗᑎᑦ, ᖃᕋᓴᐅᔭᒃᑯᑦ ᑎᑎᕋᕐᓗᑎᑦ ᐅᕗᖓ lawfeedback@wscc.nt.ca .

ᐱᒋᐊᖅᐸᓪᓕᐊᖁᓪᓗᑎᑦ, ᑕᑯᓂᐊᕐᓗᒋᑦ ᐊᓯᔾᔨᖁᔭᐅᓯᒪᔪᑦ, ᐊᑐᐃᓐᓇᐅᒪᓪᓗᑎᑦ ᖃᓪᓗᓈᑎᑐᑦ , ᐅᐃᕖᑎᑐᑦ , ᐃᓄᒃᑎᑐᑦ , ᐊᒻᒪᓗ ᐃᓄᐃᓐᓇᖅᑐᓐ  .
ᐊᑦᑕᓇᙱᑦᑐᑦ ᐃᑲᔫᑎᖃᕈᓐᓇᖅᑐᑦ ᐱᕙᓪᓕᐊᔪᑦ
ᐅᓪᓗᖓ ᑎᑎᕐᓗᒍ ᐃᖅᑲᐃᑎᒃᑲᔭᕋᕕᑦ: ᒫᔾᔨ 30, 2018−ᒥ

ᐊᑦᑕᓇᙱᑦᑐᑦ ᐃᑲᔫᑎᖃᕈᓐᓇᖅᑐᑦ ᐃᖅᑲᓇᐃᔭᕐᕖᑦ, ᖃᐅᔨᒪᒋᐊᕆᑦ ᐃᓱᓕᑦᑎᕕᒃᓴᖓ ᐅᓪᓗᖅ ᑐᓂᓯᒪᔭᕆᐊᓖᑦ ᑐᑭᓯᒋᐊᕈᑎᓂᑦ  ᐊᐅᓚᑦᑎᔩᑦ ᐱᓕᕆᔾᔪᓯᐅᔪᓂᑦ ᐊᐱᖅᑯᓯᐅᔪᓂᑦ   (MPQ) ᐅᓇᐅᕗᖅ ᐅᓗᕈᓗᑐᐃᓐᓇᖅ, ᒫᔾᔨ 30, 2018.

ᐊᑦᑕᓇᙱᑦᑐᑦ ᐃᑲᔫᑎᖃᕈᓐᓇᖅᑐᑦ ᐱᓕᕆᐊᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᓇᐃᔭᕐᕕᖓ ᐊᑦᑕᓇᖅᑕᐃᓕᒪᑎᑦᑎᒍᑕᐅᕗᖅ ᐱᓕᕆᐊᖅ ᐃᖅᑲᓇᐃᔭᖅᑏᑦ ᐊᑭᓖᕙᑦᑐᑦ ᐅᖓᑖᓄᑦ $40,000−ᓂᑦ ᖃᐅᔨᓴᖅᑕᐅᓯᒪᔪᓂᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ. ᑖᓐᓇ ᑮᓇᐅᔭᑎᒍᑦ ᐱᒍᒪᓵᕆᓂᐅᔪᖅ ᐱᓕᕆᐊᖑᔪᖅ ᑐᓂᓯᕙᒃᐳᖅ ᐃᖅᑲᓇᐃᔭᖅᑎᖁᑎᓕᖕᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᐊᑦᑕᓇᔾᔭᐃᖅᓯᒪᓂᕐᒧᑦ, ᐊᒻᒪ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ/ᑮᓇᐅᔭᖅᑖᕋᓱᐊᖅᑐᓄᑦ ᐊᐅᓚᑦᑎᓂᕐᒧᑦ ᐱᓕᕆᔾᔪᓯᓂ, ᐊᒻᒪ ᐊᑦᑎᑦᑐᒥ ᑮᓇᐅᔭᖅᑖᕋᓱᐊᖅᑐᓄᑦ ᐊᑭᓖᑎᑦᑎᕙᒃᑐᓄᑦ.

ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐊᐅᓚᑦᑎᔨᖃᑦᑎᐊᖏᑦᑐᑦ ᐊᒻᒪ ᐅᓄᖅᑐᓂ ᑮᓇᐅᔭᖅᑖᕋᓱᐊᖅᑐᓄᑦ ᐊᑭᓖᑎᑦᑎᕙᒃᑐᓄᑦ ᐊᑭᓖᑎᑕᐅᒃᑲᓂᕋᔭᖅᑐᑦ. ᑕᐃᒃᑯᐊ ᐅᑎᖅᑏᖏᑦᑐᑦ ᐱᔭᕆᖅᓯᒪᔭᒥᓂᒃ ᐊᐱᖅᓲᑎᖏᓐᓂᒃ ᐊᑭᓖᑎᑕᐅᒃᑲᓐᓂᑐᐃᓐᓇᕆᐊᓖᑦ.

ᑐᑭᓯᒋᐊᕈᑎᒃᑲᓐᓂᕐᓄᑦ ᐊᒻᒪ ᐃᑲᔪᕈᑎᒃᓴᓐᓄᑦ ᐃᓕᖕᓂ ᐃᑲᔪᕈᓐᓇᖅᑐᓂ ᐊᐱᖅᓲᑎᓄᑦ, ᑖᓐᓇ ᑕᑯᒋᐊᕐᓗᒍ  Safe Advantage Management Practices Questionnaire Guide (ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᐊᐅᓚᑦᑎᔩᑦ ᐱᓕᕆᔾᔪᓯᐅᔪᓂᑦ ᐊᐱᖅᑯᓯᐅᔪᓂᑦ ᒪᓕᒃᑕᐅᔪᒃᓴᖅ). ᑖᓐᓇ ᑎᑎᕋᖅᓯᒪᔪᖅ ᐃᑲᔫᑎᒃᓴᐅᕗᖅ ᐃᖅᑲᓇᐃᔭᖅᑎᖁᑎᖃᖅᑐᓕᒫᓄᑦ ᐱᒋᐊᖅᑎᑦᑎᓂᕐᒥᑦ ᐊᒻᒪ ᑲᔪᓰᓐᓇᖅᑎᑦᑎᓂᕐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐊᒻᒪ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ (RTW) ᐱᓕᕆᐊᖑᔪᓄᑦ.

ᑐᑭᓯᒋᐊᒃᑲᓐᓂᕈᒪᕖ ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᐱᓕᕆᐊᖑᔪᒧᑦ, ᐅᕝᕙᓘᓐᓃᑦ ᐊᐱᖅᑯᑎᒃᓴᖃᖅᐲ? ᖃᐅᔨᒃᑲᕐᓗᒍ ᐊᑦᑕᓇᖅᑕᐃᓕᒪᑎᑦᑎᓂᕐᒧᑦ ᐃᑲᔫᑎᖃᕈᓐᓇᖅᑐᑦ ᖃᐅᔨᒪᔨᖓ ᐅᕗᖓ ᑎᑎᕋᕐᓗᑎᑦ  safeadvantage@wscc.nt.ca   ᐅᕝᕙᓘᓐᓃᑦ 1-800-661-0792.
ᑕᕐᕆᔮᒃᓴᓕᐅᕐᓂᕐᒧᑦ ᓵᓚᖃᕋᓱᐊᕐᓂᖅ 2018: ᑐᕌᒐᖃᕐᓂᕐᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ



ᑭᒡᒐᖅᑐᕐᓗᑎ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS), ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑎᒃᑯᑦ (WSCC) ᐱᓕᕆᐊᖃᖅᑎᑦᑎᓂᐊᓕᕐᒥᔪᑦ ᑖᔅᓱᒥᖓ ᐊᕐᕌᒍᑕᒫᑦ ᑕᕐᕆᔮᒃᓴᓕᐅᕐᓂᕐᒧᑦ ᓵᓚᖃᕋᓱᐊᕐᓂᕐᒥᑦ ᐃᓕᓐᓂᐊᕐᕕᐊᓗᖕᓂ ᐃᓕᓐᓂᐊᖅᑎᓄᑦ ᐊᒻᒪ ᒪᒃᑯᒃᑐᑦ ᑲᑐᔾᔨᖃᑎᒌᒃᑯᖏᓐᓄᑦ ᓄᓇᑦᓯᐊᕐᒥ ᐊᒻᒪ ᓄᓇᕗᒻᒥ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᐅᓚᑦᑎᓲᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓄᑦ ᓵᓚᖃᕋᓱᐊᕐᓂᐅᔪᒥ ᓇᒃᓯᐅᔾᔨᓚᐅᙱᑎᓪᓗᒋᑦ ᓵᓚᖃᖅᑐᒥᑦ ᑕᕐᕆᔮᒃᓴᒥᑦ ᑖᒃᑯᓄᖓ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS) ᑲᓇᑕᒥ ᑕᑯᒃᓴᐅᑎᑦᑎᓂᕐᒧᑦ ᓵᓚᖃᕋᓱᐊᕐᓂᐅᔪᒥᑦ.
 
ᐱᖓᓲᔪᖅᑐᕆᓕᖅᑕᖓᓂ ᐊᕐᕌᒍᒥ, ᓵᓚᖃᕋᓱᐊᕐᓂᐅᔪᖅ ᒪᑐᐃᖓᔪᖅ ᐃᓕᓐᓂᐊᕐᕕᐊᓗᓕᒫᓄᑦ ᐊᒻᒪ ᒪᒃᑯᒃᑐᓄᑦ ᑲᑐᔾᔨᖃᑎᒌᖑᔪᓄᑦ ᐃᓕᓐᓂᐊᖅᑎᓄᑦ ᖁᑦᑎᖕᓂᓕᖕᓄᑦ 9-ᓂᒃ 12-ᓄᑦ, ᑕᒪᑐᒪ ᐊᕐᕌᒍᒥ ᑐᕌᒐᖃᖅᖢᑎᒃ ᑖᔅᓱᒥᖓ #FocusOnSafety (ᑐᕌᒐᖃᕐᓂᕐᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ). ᓵᓚᖃᖅᑐᖅ ᑕᕐᕆᔮᒃᓴᖅ ᑮᓇᐅᔭᖅᑖᕋᔭᖅᑐᖅ $1,000−ᓂᒃ ᓵᓚᖃᐅᓯᐊᕐᓗᓂ, ᐊᒻᒪ ᖄᒃᑲᓐᓂᐊᒍᑦ $1,000 ᑐᓂᔭᐅᓛᖅᑐᖅ ᑐᓂᓯᔪᕕᓂᐅᔫᑉ ᐊᑎᓕᐅᕐᕕᒋᔭᖓᓄᑦ ᐃᓕᓐᓂᐊᕐᕕᖓᓄᑦ/ᒪᒃᑯᒃᑐᑦ ᑲᑐᔾᔨᖃᑎᒌᒃᑯᖏᓐᓄᑦ. ᐊᑐᓂ ᑕᐱᕇᖑᔪᑦ ᐊᑎᓕᐅᕈᔾᔭᐅᓯᒪᔭᕆᐊᓖᑦ ᐃᓕᓐᓂᐊᕐᕕᐊᓗᖓᓂ/ᑲᑐᔾᔨᖃᑎᒌᖑᔪᒥ ᐅᐊᑦᑎᕙᒃᑐᓂ ᐊᒻᒪ ᐃᑲᔪᖅᓱᖅᑐᒥ ᑕᐱᕇᖑᔪᓂ.
 
ᑕᕐᕆᔮᒃᓴᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᕌᒐᖃᕆᐊᖃᖅᖢᑎ, ᐃᓗᓕᖏᑦ ᐊᒻᒪ ᑐᓴᖅᑕᐅᔭᕆᐊᓕᒃ ᒪᒃᐱᖓᑦᑎᐊᖅᑐᖅ ᐃᒡᕕᑦ ᐃᓱᒪᒋᔭᖓᓄᑦ ᐊᒻᒪ ᓴᓇᔪᒪᔭᕐᓄᑦ. ᐱᙳᐊᖅᑎᓪᓗᒋᑦ, ᑎᑎᕋᐅᔭᖅᓯᒪᑎᓪᓗᒋᑦ, ᓄᖅᑲᖅᑕᖅᑐᑦ−ᐊᐅᓚᔾᔭᕙᒃᖢᑎ ᑕᕐᕆᔮᒃᓴᐅᒃᐸᑦ, ᐅᕝᕙᓘᓐᓃᑦ ᓂᔾᔭᐅᓯᔭᙳᐊᖅᐸᑕ ᑕᕐᕆᔮᒃᓴᒥᑦ, ᐃᓱᒪᒋᔭᐅᔪᓕᒫᑦ ᐊᒻᒪ ᑐᓂᔭᐅᔪᓕᒫᑦ ᑐᙵᓱᒃᑎᑕᐅᔪᑦ. ᐃᓕᖕᓂ ᐊᐱᕆᓗᑎᑦ ᖃᓄᕐᓕ ᓴᓇᔩᑦ ᐊᒻᒪ ᐃᖅᑲᓇᐃᔭᖅᑎᖁᑎᓖᑦ ᐃᑲᔪᕈᓐᓇᖅᐸᑦ ᓴᖅᑮᓂᕐᒥᑦ ᐊᑦᑕᕐᓇᙱᓐᓂᖅᓴᐅᔪᒥ ᐃᖅᑲᓇᐃᔭᕐᕕᖕᒥ ᑕᒪᐃᓐᓄᑦ.

ᑐᓂᓯᓂᕐᒧᑦ ᑭᖑᓪᓕᖅᐹᖑᔪᖅ ᑖᔅᓱᒧᖓ 2018-ᒥ #FocusOnSafety (ᑐᕌᒐᖃᕐᓂᕐᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ) ᓵᓚᖃᕋᓱᐊᕐᓂᐅᔪᒧᑦ ᑖᓐᓇᐅᕗᖅ ᐃᐳᕈ 1, ᐅᕙᓂ 11:59 ᐅᓐᓄᒃᑯᑦ ᐅᐊᓕᓂᕐᒥᐅᑦ ᓯᕿᙳᔭᖓ ᒪᓕᒡᓗᒍ (MST).

ᑐᑭᓯᒋᐊᕈᑎᒃᓴᒃᑲᓐᓂᕐᓄᑦ ᒪᓕᒐᕐᓄᑦ ᐊᒻᒪ ᒪᓕᒋᐊᓕᖕᓄᑦ, ᖃᓄᖅ ᑐᓯᓂᒋᐊᖃᕐᒪᖔᔅᓯ, ᐊᓯᖏᓐᓄᓪᓗ, ᐅᕗᖓᕐᓗᑎ   ᑕᕐᕆᔮᒃᓴᒧᑦ ᓵᓚᖃᕋᓱᐊᕐᓂᕐᒧᑦ ᒪᒃᐱᖅᑐᒐᖅ.
ᑐᓴᖅᑎᑦᑎᒋᐊᕈᑎ: ᐃᓅᕕᒻᒥ ᐊᓪᓚᕝᕕᖓᑕ ᐅᖄᓚᐅᑎᖓ

ᐱᒋᐊᕐᓗᒍ ᐃᐳᕈ 1, 2018, ᐅᖄᓚᐅᑎᓪᓗᐊᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓅᕕᒻᒥ ᐊᓪᓚᕝᕕᐊᑕ ᐅᓇᐅᓛᓕᕐᒥᔪᖅ 867-678-2311.

ᐅᖃᐅᓯᖃᖁᓪᓗᑎᑦ ᐃᖅᑲᓇᐃᔭᕐᕕᒻᒥ ᐋᓐᓂᑐᒻᒪᕆᖕᓂᒃ ᐱᓂᕐᓗᐊᕿᔪᓂᓪᓘᓐᓃᑦ, ᐅᖄᓚᖃᑦᑕᕐᓗᑎᑦ ᑕᕝᕗᖓᒃᓴᐃᓐᓇᖅ ᐊᑭᖃᙱᑦᑐᒧᑦ ᐅᖄᓚᐅᑎᒧᑦ 1-800-661-0792.
ᐊᒡᓚᒡᕕᑦ ᒪᑐᓯᒪᓂᖏᑦ
ᑐᖁᑕᐅᕕᐊᓂ ᒪᑭᕝᕕᐊᓂᓗ ᕿᑲᕐᓇᐅᓂᖓ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᓪᓚᕝᕕᖏᑦ ᒪᑐᓛᖅᑐᑦ 5:00 ᐅᓐᓄᓴᒃᑯᑦ, ᕿᑎᖅᑰᑦ, ᒫᔾᔨ 29 ᑐᖁᑕᐅᕕᐊᓂ ᒪᑭᕝᕕᐊᓂᓗ ᐱᓇᓱᐊᕈᓯᑉ ᓄᙳᖏᓐᓂ ᕿᑲᑲᐃᓐᓇᑯᑖᓛᕐᒪᑕ ᒪᑐᐃᒃᑲᓐᓂᓛᖅᑐᑎᑦ 8:30 ᐅᓪᓛᒃᑯᑦ, ᓇᒡᒐᔾᔭᐅᓕᖅᑭᒃ, ᐃᐳᕈ 3, 2018.
 
ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.


wscc.nt.ca   /  1.800.661.0792   *   wscc.nu.ca  /  1.877.404.4407