ᒫᔾᔨ 2018−ᒥ                                                                             
ᑐᔅᓯᕌᖑᔪᖅ ᐊᑦᑕᓇᐃᖅᓯᒪᓂᕐᒧᑦ ᑎᑲᔅᓰᑦ ᐊᒻᒪ ᐊᑭᓖᑎᑕᐅᓃᑦ
ᒪᓕᓐᓂᖃᖏᑦᑐᓄᑦ ᐅᑯᓂᖓ ᐃᖅᑲᓇᐃᔭᖅᑐᓕᕆᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᒪᓕᑦᑕᐅᔭᕆᐊᓖᑦ


ᑐᓐᖓᕕᒋᓪᓗᒋᑦ ᑐᓴᖅᑎᑦᑎᒍᑎᐅᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᒍᒥᐊᖅᑎᐅᖃᑕᐅᔪᑦ 2016−ᒥᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᕿᒥᕐᕈᓚᐅᖅᑐᑦ ᐊᒻᒪ ᐋᖅᑭᒋᐊᖅᓯᓪᓗᑎ ᑐᔅᓯᕌᖑᔪᒥᑦ ᐊᑐᖅᑕᐅᓂᐊᖅᑐᒥᑦ ᑎᑲᔅᓯᑖᖅᑎᑦᑎᖃᑦᑕᓂᕐᒧᑦ ᓇᓗᓇᐃᖅᓯᒪᔪᓄᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᓯᖁᒥᑦᑎᔪᓂᑦ. ᓱᓕᒃᑲᓐᓂᖏᓛᖅ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐱᕆᔪᑦ ᑎᒍᒥᐊᖅᑎᐅᖃᑕᐅᔪᓂᑦ ᑐᓴᖅᑎᑦᑎᓗᑎ ᑎᑎᕋᖅᓯᒪᔪᓂᑦ ᓯᖁᒥᑦᑕᐅᔪᓂᑦ, ᐊᖏᓂᖓ ᐊᑭᓖᑎᑕᐅᓂᐅᔪᑦ, ᐊᒻᒪ ᐊᑐᖅᑕᐅᓂᐊᖅᑐᖅ.

ᐃᓄᓐᓂᑦ ᑲᑎᒪᑎᑦᑎᖃᑦᑕᓛᖅᑐᑦ ᐅᑯᓂᖓ ᐅᓪᓗᖏᓐᓂᑦ ᐊᒻᒪ ᓇᒦᓐᓂᕆᓂᐊᖅᑕᖏᑦ:

Hay River April 4, 7:00-9:00pm Ptarmigan Inn - Alexandra Falls Room
Cambridge Bay
April 9, 7:00-9:00pm Arctic Island Lodge
Yellowknife April 16, 6:30-8:30pm WSCC Offices - Centre Square Tower, 5th Floor
Inuvik April 19, 7:00-9:00pm Mackenzie Hotel - Permafrost Room
Iqaluit April 24, 7:00-9:00pm WSCC Offices - Qamutiq Building,
2nd Floor

ᐅᖃᐅᓯᕆᔭᐅᔪ ᐊᑐᐃᓐᓇᐅᓂᐊᖅᑐᖅ ᐅᕙᓂ wscc.nt.ca or wscc.nu.ca . ᐱᔪᒪᓂᖃᖅᑐᑦ ᑎᒥᐅᔪᑦ ᑐᓴᖅᑎᑦᑎᔪᓐᓇᖅᑐᑦ ᐃᓄᓐᓂᑦ ᑲᑎᒪᑎᑦᑎᓪᓗᒋᑦ, ᐅᕝᕙᓘᓐᓃᑦ ᑎᑎᕋᕐᓗᑎ ᖃᕋᓴᐅᔭᒃᑯᑦ lawfeedback@wscc.nt.ca ᐅᕝᕙᓘᓐᓃᑦ  lawfeedback@wscc.nu.ca .

ᖃᐅᔨᒃᑲᓐᓂᕈᒪᕖᑦ ᐅᕙᒍᑦ ᑐᔅᓯᕌᖓᓂ ᑎᑲᔅᓯᑖᖅᑎᑦᑎᖃᑦᑕᓂᕐᒧᑦ ᐊᒻᒪ ᐊᑭᓖᑎᑦᑎᖃᑦᑕᓂᕐᒧᑦ, ᐅᕝᕙᓘᓐᓃᑦ ᐊᐱᖅᑯᑎᔅᓴᖃᕈᕕᑦ? ᖃᐅᔨᒋᐊᕐᕕᒋᒍᒃ ᒪᓕᒐᓕᕆᔨᕗᑦ, ᓲᕐᓕ ᕗᐊᔅ ᐅᕙᓂ (867) 920-3895.

ᑭᐅᔾᔪᑎᓕᒫᑦ ᖃᓐᖑᓇᑦᑎᑕᐅᓂᐊᖅᑐᑦ. ᑐᓂᓗᒋᑦ ᑐᓴᖅᑎᑦᑎᒍᑎᑎᑦ ᒪᐃ 31, 2018.
ᐅᓪᓗᖓ ᕿᔅᓵᓂᕐᒧᑦ: ᐃᐳᕈ 28
ᐃᖅᑲᐅᒪᓗᒋᑦ ᑕᐃᒃᑯᐊ ᐃᓅᒍᓐᓃᓚᐅᖅᑐᑦ

Day of Mourning
ᐊᕐᕌᒍᑕᒫᑦ, ᖃᓂᒋᔭᖓᓃᑦᑐᑦ 1,000 ᑲᓇᑕᒥᐅᑕᐃᑦ ᐃᖅᑲᓇᐃᔭᖅᑏᑦ ᐃᓅᒍᓐᓃᖃᑦᑕᖅᑐᑦ ᐃᖅᑲᓇᐃᔭᕐᕕᖓᓂ ᐱᓂᕐᓗᓂᒃᑯᑦ, ᐋᓐᓂᐊᓄᑦ, ᐅᕝᕙᓘᓐᓃᑦ ᐋᓐᓂᓂᒃᑯᑦ.

ᐃᐳᕈ 28 ᑲᓇᑕᒥ ᐅᓪᓗᕆᔭᖓ ᕿᔅᓵᓂᕐᒧᑦ. ᐅᓪᓗᕆᔭᐅᔪᖅ ᑐᕌᖓᑎᑕᐅᔪᖅ ᐃᖅᑲᐅᒪᔭᐅᓪᓗᑎ ᐃᓅᔪᓐᓃᖅᓯᒪᔪᑦ ᐅᕝᕙᓘᓐᓃᑦ ᐋᓐᓂᖅᓯᒪᔪᑦ ᐃᖅᑲᓇᐃᔭᕐᕕᒻᒥᑦ. ᐅᓪᓗᕆᔭᐅᒻᒥᔪᖅ ᓄᑕᐅᓐᖑᖅᑕᐅᓗᓂ ᑲᔪᖏᖅᓯᒪᓂᕆᔭᕗᑦ ᐱᐅᓯᑎᑦᑎᒋᐊᓂᕐᒥᑦ ᐋᓐᓂᐊᖅᑐᓕᕆᓂᕐᒥᑦ ᐊᒻᒪ ᐊᑦᑕᓇᖅᑕᐃᓕᓂᕐᒥᑦ ᐃᖅᑲᓇᐃᔭᕐᕕᒻᒥ ᐱᓂᕐᓗᑦᑐᖃᒃᑲᓐᓂᖁᓇᒍ.

ᓄᓇᑦᓯᐊᕐᒥ ᑲᑐᔾᔨᖃᑎᒌᖏᓐᓂᑦ ᐱᓕᕆᔨᓄᑦ (NTFL) ᐃᓄᓐᓂᑦ ᐃᖅᑲᐅᒪᓂᖃᖅᑎᑦᑎᔪᑦ ᐊᒻᒪ ᐅᐱᔭᐅᓗᑎ ᐋᓐᓂᖅᓯᒪᔪᑦ ᐃᖅᑲᓇᐃᔭᖅᑏᑦ. ᐃᖅᑲᐅᒪᓂᖃᖅᑎᑦᑎᓂᐊᖅᑐᑦ ᒪᓕᒐᓕᐅᕐᕕᓐᓂᑦ ᔨᐊᓗᓇᐃᕝ ᐊᒻᒪ   ᐃᖃᓗᐃᑦ ᓯᕙᑖᕐᕕᒻᒥ, ᐃᐳᕈ 28, ᖁᓛᓂ. ᑭᒃᑯᓕᒫᑦ ᑐᓐᖓᓱᑦᑎᑕᐅᔪᑦ ᐅᐸᖃᑕᐅᓗᑎ.

ᐅᓪᓗᕆᑎᓪᓗᓂᐅᒃ ᕿᔅᓵᓂᕐᒧᑦ ᓯᕙᑖᕐᕕᒻᒥ ᑕᒪᑐᒪᓂ ᐊᕐᕌᒍᒥ, ᐃᓕᓐᓂᑦ ᖃᐃᖅᑯᔨᔪᒍᑦ ᐃᓕᓴᕆᔭᐅᓗᓂ ᐅᓪᓗᖓ ᕿᔅᓵᓂᕐᒧᑦ ᐃᖅᑲᓇᐃᔭᕐᕕᒋᔭᕐᓂᑦ ᐅᓪᓗᑐᐃᓐᓇᕐᒥᑦ, ᐃᐳᕈ 27, ᐅᓪᓗᕆᓚᐅᖅᑎᓐᓇᒍ ᐃᖅᑲᐅᒪᔭᐅᓂᖏᓐᓄᑦ ᓯᕙᑖᕐᕕᒃ, ᐃᐳᕈ 28. ᑕᑯᔅᓴᐅᑎᑦᑎᓗᑎᑦ ᐅᓪᓗᖓᓂ ᕿᔅᓵᓂᕐᒧᑦ ᐊᕙᓗᒥᐅᑕᒥᑦ , ᐊᑐᕐᓗᑎ ᕿᓐᓂᖅᑕᓂᑦ ᑕᑯᔅᓴᐅᑎᑦᑎᓗᑎ ᐃᑲᔪᖅᓯᓂᕐᒧᑦ, ᐊᒻᒪ ᐃᖅᑲᐅᒪᓂᕐᒧᑦ: ᐃᖅᑲᓇᐃᔭᕐᕕᐅᔪᓂᑦ ᐊᑦᑕᓇᐃᖅᓯᒪᓂᕐᒧᑦ ᐅᔾᔨᕈᓱᑦᑎᑦᑎᓂᕐᒥᑦ ᐃᓅᓯᕐᓂᑦ ᐱᐅᓕᔅᓯᒍᓐᓇᖅᑐᑦ.
ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ
ᐅᐱᕐᖓᓵᒃᑯᑦ ᓯᕿᓐᓂᖃᑦᑕᕐᓂᖅ ᐊᑐᕆᐊᓂᑦ ᖁᐊᓴᐅᑎᑦᑎᔪᖅ ᐊᒻᒪ ᐱᓱᕝᕕᐅᔪᓂᑦ


ᐅᑭᐅᑕᖅᑐᒥᐅᑕᓪᓗᑕ, ᐃᓕᓐᖓᒐᑦᑎᒍ ᓄᓇᖃᖅᑐᑕ ᓂᓚᓂᑦ ᐊᒻᒪ ᐊᐳᑎᓂᑦ, ᐊᒻᒪ ᖃᐅᔨᒪᔪᐃᓐᓇᐅᔪᒍᑦ ᖁᐊᔭᕿᓐᓇᕐᒪᑦ, ᐹᓪᓚᓇᖅᑐᓂ, ᐊᒻᒪ ᐅᕐᕈᓇᖅᑐᓂ ᓂᕆᐅᓇᖏᑎᐊᖅᑎᓪᓗᒍ. ᐊᐳᑏᑦ ᐊᒻᒪ ᓂᓚᐃᑦ ᐅᑭᐅᒃᑯᑦ ᐊᑐᕆᐊᓂᑦ ᐊᒻᒪ ᐱᓱᕝᕕᓂᑦ ᖃᐅᔨᒪᔭᐅᔪᑦ ᖁᐊᓴᐅᓪᓗᑎ ᐊᒻᒪ ᐋᓐᓂᕈᑕᐅᒍᓐᓇᖅᑐᑎ; ᑭᓯᐊᓂᓕ, ᐅᐱᕐᖓᓵᒃᑯᑦ ᐅᖅᑰᓕᖅᑎᓪᓗᒍ ᓯᓚᖓ ᑕᐃᒫᔅᓴᐃᓐᓇᖅ ᐊᑦᑕᓇᕈᑎᖃᖅᑐᖅ ᐱᓱᕝᕕᒋᓪᓗᒋᑦ. ᐅᓪᓗᒃᑯᑦ ᐅᖅᑰᓂᖅᓴᐅᖃᑦᑕᑎᓪᓗᒍ ᓂᓪᓚᓂᖅᓴᐅᕙᑦᑐᓂ ᐅᓐᓄᒃᑯᑦ ᓂᓚᓂᑦ ᐊᒻᒪ ᐊᐳᑎᓂᑦ ᐊᐅᑦᑎᑦᑎᕙᑦᑐᑦ ᐊᒻᒪ ᖁᐊᒃᑲᓂᖅᑐᑎ, ᖁᐊᓴᐅᓕᖅᑎᑎᓪᓗᓂ ᐊᒻᒪ ᐊᑦᑕᓇᕈᓐᓇᖅᑐᓂ ᐱᓱᔾᕕᒋᓪᓗᒍ.

ᒪᕐᕉᓐᓂᒃ ᑕᖅᑭᖏᓐᓂᑦ ᓯᕗᓪᓕᖅᐹᖏᓐᓂ 2018−ᒥ, ᖁᐊᔭᕿᓐᓂᐅᔪᑦ, ᐹᓪᓚᓐᓂᐅᔪᑦ, ᐊᒻᒪ ᐅᕐᕈᓂᐅᔪᑦ ᐋᓐᓂᕈᑕᐅᒐᔪᑦᑐᑦ ᐃᖅᑲᓇᐃᔭᖅᑎᓄᑦ ᓄᓇᑦᓯᐊᒥ ᐊᒻᒪ ᓄᓇᕗᒻᒥ. ᐅᔾᔨᕈᓱᒋᑦ ᐊᒻᒪ ᖃᐅᔨᒪᓗᒋᑦ ᑭᓪᓕᓯᓂᐊᖅᑕᐅᓯᒪᔪᑦ; ᒪᓕᓪᓗᒋᑦ ᐅᑯᐊ ᐃᑲᔫᑏᑦ  ᐋᓐᓂᖅᑕᐃᓕᒪᓂᕐᒧᑦ ᐅᓪᓗᐃᑦ ᐅᖅᑰᓯᕙᓪᓕᐊᓕᖅᑎᓪᓗᒋᑦ:

    • ᑲᒫᓗᐃᑦ ᐊᓯᔾᔨᕋᓱᓕᖅᑐᒋᑦ ᐅᐱᕐᖔᖅᓯᐅᑎᓄᑦ, ᐊᑐᕈᒪᓗᐊᖅᑕᐃᓕᒃᑭᑦ, ᐱᒻᒪᕆᐅᔪᖅ ᐊᑐᐃᓐᓇᕐᓗᒋᑦ ᓈᒻᒪᑦᑐᓂᑦ ᑲᒫᓗᒃᓯᒪᓗᓂ ᑭᓯᐊᓂ ᐊᐳᑎᖃᕈᓐᓃᕈᓂ ᐊᒻᒪ ᓂᓚᑦᑕᖃᕈᓐᓃᕈᓂ!
    • ᖃᐅᔨᒪᑦᑎᐊᕋᓱᐊᕐᓗᑎ ᐊᑐᕆᐊᒃᑯᑦ ᐃᑳᓕᕋᐃᒍᕕᑦ. ᐃᒪᒐᓛᑦ ᓂᓚᕈᖃᑦᑕᕐᒪᑕ, ᓂᕆᐅᓇᖏᑦᑑᒍᓐᓇᖅᑐᑦ, ᐃᓕᓐᓂᑦ ᖁᐊᔭᕿᑦᑎᑦᑎᒍᓐᓇᖅᑐᑦ ᐊᒻᒪ ᐅᕐᕈᓗᑎᑦ.
    • ᑐᐊᕕᖅᑕᐃᓕᓗᑎᑦ! ᐃᖅᑲᐅᒪᓂᐊᖅᑯᑎᑦ ᑐᐊᕕᖅᑕᐃᓕᓗᑎᑦ ᐱᓱᓕᕋᐃᒍᕕᑦ ᐃᕝᕕᑦ ᐅᐸᑦᑕᖓᓄᑦ ᐊᒻᒪ ᐅᐸᑦᑕᖓᓃᖔᑕᕐᓄᑦ.
    • ᓇᐃᑦᑐᓂᑦ ᐊᓪᓗᖃᑦᑕᕐᓗᑎᑦ; ᐃᓯᒐᑎᑦ ᓴᖅᐱᖓᔮᕐᓗᒋᑦ ᒪᑭᑕᑦᑎᐊᓂᖅᓴᐅᓂᐊᕋᕕᑦ.
    • ᐊᑐᐃᓐᓇᐅᖏᓐᓇᕐᓗᒍ ᐊᐃᑉᐸᒐ ᐊᒡᒐᐃᑦ ᒪᑭᑕᑦᑎᐊᕐᓂᐊᕋᕕᑦ ᐅᕝᕙᓘᓐᓃᑦ ᐊᑐᕐᓂᐊᕋᕕᐅᒃ ᐅᕐᕈᓐᓂᕈᕕᑦ.
    • ᐃᖅᑲᐅᒪᓂᐊᖅᑯᑎᑦ ᐊᐅᑉᐸᓪᓕᐊᔪᑦ ᐊᐳᑏᑦ ᓇᑎᕐᒥᑦ ᖃᐅᓯᐅᑎᑦᑎᔪᑦ. ᐊᐳᑎᒦᖔᓚᐅᖅᑐᓂ ᐊᑐᕆᐊᓂᑦ ᐃᓯᖅᑐᓂ ᖁᐊᔭᕿᒍᓂᖃᕐᓂᖅᓴᐅᔪᖅ! ᖃᐅᔨᒪᑦᑎᐊᖏᓐᓇᕐᓗᑎᑦ ᑎᑎᕋᖅᓯᒪᔪᓂᑦ ᖁᐊᓴᐅᓂᕋᐃᔪᓂᑦ ᓇᑎᕐᓂᑦ, ᐊᒻᒪ ᐊᓯᔾᔨᖅᑐᓂᑦ ᐱᓱᕝᕕᒋᔭᕐᓂᑦ.

    ᐅᖅᑰᔪᒨᖅᑐᖃᕈᒪᖏᑦᑐᖅ ᑕᖅᕿᖏᓐᓂᑦ ᐋᓐᓂᖅᓯᒪᓗᓂ ᐊᒻᒪ ᖁᕕᐊᒋᔪᓐᓇᖏᓪᓗᒍ ᓯᕿᓂᖅ. ᑐᐊᕕᖅᑕᐃᓕᓗᑎᑦ ᐊᒻᒪ ᖃᐅᔨᒪᓇᓱᑦᑎᐊᕐᓗᑎᑦ ᓯᓚᖓᓂᑦ ᖃᓄᐃᓐᓂᕆᔭᖓᓂᑦ. ᖁᕕᐊᒋᓗᒍ ᐅᖅᑰᓂᖅᓴᐅᓕᖅᑎᓪᓗᒍ ᓯᓚᖓ ᐋᓐᓂᖅᓯᒪᖏᓪᓗᑎᑦ!
ᐊᑐᐊᒐᐃᑦ ᐊᓯᔾᔨᕐᓂᖏᑦ

ᐊᐅᓚᑦᑎᔩᑦ ᑲᑎᒪᔩᑦ ᕿᒥᕐᕈᓚᐅᖅᑐᑦ ᐊᒻᒪ ᐊᖏᖅᓯᓪᓗᑎ ᐅᑯᓂᖓ ᐊᑐᐊᒐᕐᓂᑦ ᒫᔾᔨ 2018−ᒥ ᑲᑎᒪᓂᖃᖅᑎᓪᓗᒋᑦ:
    • ᐊᑐᐊᒐᖅ 03.02, ᐱᔪᓐᓇᖅᑎᑕᐅᓂᖅ
    • ᐊᑐᐊᒐᖅ 03.03, ᓴᖅᑭᐸᓪᓕᐊᔪᑦ ᐃᖅᑲᓇᐃᔭᕐᓂᐅᔪᒥᑦ ᐊᒻᒪ ᐃᖅᑲᓇᐃᔭᖅᑎᓪᓗᒋᑦ
    • ᐊᑐᐊᒐᖅ 03.07, ᐋᖅᑭᑦᑕᐅᓂᖏᑦ ᐊᑭᓕᐅᑎᐅᑲᐃᓐᓇᖅᑐᑦ 
ᑕᑯᒋᐊᕐᓗᒍ ᑖᓐᓇ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᖁᑎᖏᓐᓂᒃ ᐅᕝᕙᓘᓐᓃᑦ ᑖᓐᓇ ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦᑐᑭᒧᐊᕈᑎᓂ.

ᐃᖅᑲᐃᑎᑦᑎᔾᔪᑦ: ᐃᓅᕕᒃ ᐊᓪᓚᕕᖓ ᓈᓴᐅᑎᖓ

ᐱᒋᐊᕐᓂᖃᖅᑐᓂ ᐃᐳᕈ 1, 2018, ᐅᖄᓚᐅᑎᓪᓗᐊᑕᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓅᕕᒃ ᐊᓪᓚᕕᖓ ᐅᓇᐅᓂᐊᖅᑐᖅ 867-678-2311.

ᑐᓴᖅᑎᑦᑎᓗᓂ ᐱᒻᒪᕆᐅᔪᒥᑦ ᐃᖅᑲᓇᐃᔭᕐᕕᒻᒥ ᐋᓐᓂᖅᑐᓄᑦ ᐅᕝᕙᓘᓃᑦ ᖃᓄᐃᓕᓂᐅᔪᓄᑦ, ᐅᖄᓚᕕᒌᓐᓇᕐᓗᒍ ᐊᑭᖃᖏᑐᒃᑯᑦ ᐅᕙᓂ 1-800-661-0792.

ᐊᒡᓚᒡᕕᑦ ᒪᑐᓯᒪᓂᖏᑦ
ᑐᖁᑕᐅᕕᐊᓂ ᒪᑭᕝᕕᐊᓂᓗ ᐱᓇᓱᐊᕈᓯᐅᑉ ᓄᓐᖑᐊᓂ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᓪᓚᕕᖏᑦ ᒪᑐᓛᖅᑐᑦ 5:00 ᐅᓐᓄᒃᑯᑦ, ᕿᑎᖅᑰᖅ, ᒫᔾᔨ 29 ᑐᖁᑕᐅᕕᐊᓂ ᒪᑭᕝᕕᐊᓂᓗ ᐱᓇᓱᐊᕈᓯᐅᑉ ᓄᓐᖑᐊᓂ, ᒪᑐᐃᒃᑲᓂᕐᓗᓂ 8:30 ᐅᓪᓛᒃᑯᑦ, ᐊᐃᑉᐱᖅ,
ᐃᐳᕈ 3, 2018.

ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.


wscc.nt.ca   /  1.800.661.0792   *   wscc.nu.ca  /  1.877.404.4407