ᓯᑎᐱᕆ 2017
ᒫᓐᓇᕈᓗᒃ ᓴᖅᑭᓛᖅᑐᖅ!
ᓄᑖᖑᔪᑦ ᐊᑐᐃᓐᓇᐅᑎᑕᐅᔪᑦ ᑕᒡᕙᓂ WSCC CONNECT

WSCC Connect ᐱᕈᖅᐸᓪᓕᐊᑐᐃᓐᓇᖅᑐᖅ! ᓴᖅᑮᓛᓕᖅᑐᒍ ᓄᑖᓂ ᖃᕆᓴᐅᔭᒃᑯᑦ−ᐱᔨᑦᑎᕋᐅᑎᓂ ᒫᓐᓇᕈᓗᒃ: ᐊᖏᖅᑕᐅᓯᒪᕙᒌᖅᑐᑦ ᐊᑭᓕᐅᑎᑦ ᐊᒻᒪ ᐱᖃᐅᑎᓐᓂ ᐊᐅᓚᑦᑎᓂᕐᒥᑦ. ᖃᐅᔨᒋᐊᓛᖅᐳᑎᑦ ᐅᑐᐱᕆᒥ ᓴᖅᑭᑕᐅᓛᖅᑐᒥ, ᓴᖅᑮᓛᕋᑦᑕ ᑕᒪᐃᓐᓂᒃ ᐱᕚᓪᓕᕈᑎᓂ ᑖᒃᑯᓇᓂ ᓄᑖᒥ ᖃᕆᓴᐅᔭᒃᑯᑦ−ᐱᔨᑦᑎᕋᐅᑎᓂ.

WSCC Connect−ᒧᑦ ᐊᑐᖅᑐᐊᖅᑎᐅᙱᓚᑎ ᓱᓕ? ᑭᓱᒧᑦ ᓄᖅᑲᖓᑎᑕᐅᒐᕕ? ᖃᕆᓴᐅᔭᒃᑯᑦ ᑐᑭᓯᒋᐊᕐᕕᒃ ᑕᑯᒋᐊᕐᓗᒍ ᐊᒻᒪ ᑐᑯᓂᐊᕐᓗᑎ ᖃᓄᐃᑦᑐᓂ ᖃᕆᓴᐅᔭᒃᑯᑦ−ᐱᔨᑦᑎᕋᐅᑎᓂ ᓇᖕᒥᓂᖅ ᐃᒡᕕᑦ ᐱᓕᕆᔪᓐᓇᖅᑕᖏᓐᓂ.
ᓄᑖᖑᔪᖅ: ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᕆᓴᐅᔭᒃᑰᕈᑎᐊ

ᐅᐱᒍᓱᑦᑐᒍᑦ ᓴᖅᑮᓂᕐᒥᑦ ᓯᕗᓪᓕᖅᐹᒃᑯᑦ ᖃᕆᓴᐅᔭᒃᑰᕈᑎᒃᐳᑦ!

ᐋᖅᑭᒃᓱᖅᑕᐅᓯᒪᔪᖅ ᑲᑐᔾᔨᖃᑎᖃᕐᓂᒃᑯᑦ ᑖᒃᑯᓂᖓ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS), ᑖᓐᓇ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᕆᓴᐅᔭᒃᑰᕈᑎᐊ ᐱᔭᕆᐊᑭᓐᓂᖅᓴᐅᑎᑦᑎᕗᖅ ᓇᓂᓯᓂᕐᒥ ᐃᖅᑲᓇᐃᔭᕐᕕᖕᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᑭᓯᒋᐊᕈᑎᓂ ᐊᑐᐃᓐᓇᐅᓂᖅᓴᐅᖁᓪᓗᒋᑦ ᐅᑭᐅᖅᑕᖅᑐᕐᒥᐅᓄᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐊᒻᒪ ᐃᖅᑲᓇᐃᔭᖅᑎᓄᑦ.

ᐊᕕᒃᑐᖅᓯᒪᐅᖅᖢᑎ ᐅᖃᐅᓯᕆᔭᐅᔪᑦ ᒥᒃᓵᓄᑦ, ᖃᕆᓴᐅᔭᒃᑰᕈᑎ ᐃᓕᖕᓄᑦ ᐊᑐᐃᓐᓇᐅᑎᑦᑎᔪᖅ ᓇᐃᓈᖅᓯᒪᔪᓂ ᑐᑭᓯᒋᐊᕈᑎᓂ, ᑎᑎᕋᖅᓯᒪᔪᖁᑎᓕᒃ ᒪᓕᒐᕐᒥ ᑐᕌᖓᖃᓯᐅᑎᔪᒥ, ᐃᓚᖃᕆᓪᓗᓂ ᐃᑲᔪᕈᑎᒃᓴᓂ. ᑐᑭᓯᒋᐊᕈᑎᑦ ᓇᓂᔭᑎᑦ ᐅᖃᐅᓯᕆᓗᒋᑦ ᐃᒡᕕᑦ ᓴᓇᖃᑎᖏᓐᓄᑦ ᐊᒻᒪ ᐃᖅᑲᓇᐃᔭᖅᑎᖁᑎᖏᓐᓄᑦ.

ᖃᕆᓴᐅᔭᒃᑰᕈᑎ ᐊᑐᐃᓐᓇᐅᕗᖅ ᐊᑭᖃᖏᓪᓗᓂ ᒥᓇᖅᑕᐅᔪᓐᓇᖅᑐᖅ ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ. ᐊᑕᐅᓯᐊᕐᓗᑎ ᒥᓇᕐᓗᒍ, ᐊᑐᕈᓐᓇᖅᑕᐃ ᖃᕆᓴᐅᔭᕐᒧᑦ ᐊᑦᑕᑕᐅᑏᑦ ᖃᓄᐃᑦᑑᒐᓗᐊᕈᓂ.

ᒥᓇᕐᓗᒍ ᑖᓐᓇ WSCC OHS App - Guide to OHS Legislation ( ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᕆᓴᐅᔭᒃᑰᕈᑎᐊ - ᒪᓕᒋᐊᓕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᑦ) ᑕᐃᑲᙵ App Store (ᖃᕆᓴᐅᔭᒃᑰᕈᑎᐅᑉ ᓂᐅᕕᕐᕕᖓᓂ) ᐅᕝᕙᓘᓐᓃᑦ Google Play (ᒎᒍᓪ ᐸᓚᐃ) ᐅᓪᓗᒥᐅᔪᖅ, ᐊᒻᒪ ᐅᖃᐅᔾᔭᐅᔪᒪᔪᒍᑦ ᖃᓄᖅ ᐃᓱᒪᖕᒪᖔᖅᐱᑦ!


ᐃᖅᑲᓇᐃᔭᖅᑎᖁᑎᕕᑦ ᐊᑭᓕᖅᑕᐅᓂᖏᑦ ᖃᐅᔨᒋᐊᒃᑭᑦ
ᐱᕕᖃᖅᑎᑕᐅᓂᕐᒥᑦ ᐊᓯᔾᔩᓂᕐᒧᑦ ᒫᓐᓇᐅᔪᖅ

ᐃᖅᑲᓇᐃᔭᖅᑎᖁᑎᓖᑦ, ᒫᓐᓇ ᐱᐅᔪᖅ ᕿᒥᕐᕈᐊᕐᓂᕐᒥᑦ ᐃᖅᑲᓇᐃᔭᖅᑎᖁᑎᕕᑦ ᐊᑭᓕᖅᑕᐅᓂᖏᓐᓄᑦ ᓇᓚᐅᑦᑖᓚᐅᖅᑕᐃ 2017-ᒧᑦ. ᑕᒪᑐᒪ ᐱᓇᓱᐊᕈᓯᕐᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓇᒃᓯᐅᔾᔨᓚᐅᖅᑐᑦ ᐃᖅᑲᓇᐃᔭᖅᑎᖁᑎᒋᔭᐅᔪᑦ ᐊᑭᓕᖅᑕᐅᔾᔪᑎᖏᓐᓄᑦ ᐊᓯᔾᔨᕈᑕᐅᔪᓂ ᑕᒪᐃᓐᓄᑦ ᐃᖅᑲᓇᐃᔭᖅᑎᖁᑎᓕᖕᓄᑦ, ᓂᕆᐅᒋᓂᐊᖅᐸᑎᑦ ᐃᒡᕕᑦ ᑎᑎᖅᑲᓂᐊᕐᕕᖓᓂ.

ᐅᓂᒃᑳᓕᐅᖃᑦᑕᕐᓂᖅ ᐊᓯᔾᔨᕈᑕᐅᕐᔪᐊᖅᑐᓂ ᐃᖅᑲᓇᐃᔭᖅᑎᖁᑎᕕᑦ ᐊᑭᓕᖅᑕᐅᓂᖏᓐᓄᑦ ᓇᓚᐅᖅᑖᖅᓯᒪᔪᓐᓂ ᐊᕐᕌᒍᓕᒪ ᐃᓗᐊᓂ ᐱᐅᓂᖅᐹᖑᔪᖅ ᐊᑭᓕᒃᓴᖅᑖᕐᓂᐊᖏᓐᓇᕕᑦ ᐊᑦᑎᓗᐊᖅᑐᒥ ᓇᓚᐅᑦᑖᓂᕐᒧᑦ. ᐅᖃᐅᓯᖃᕐᓂᕐᒥᑦ ᐊᓯᔾᔨᕐᓂᐅᔪᓄᑦ, ᑕᑯᒋᐊᕐᓗᒍ Report or Revise Payroll (ᐅᓂᒃᑳᓕᐅᕐᓂᖅ ᐅᓂᒃᑳᓕᐊᖅ ᐋᖅᑭᒋᐊᖅᓯᓂᕐᒥ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂ) ᖃᕆᓴᐅᔭᒃᑯᑦ−ᐱᔨᑦᑎᕋᕐᓂᖅ ᐅᕙᓂ WSCC Connect ᒪᓕᖁᔭᐅᔪᑦ ᒪᓕᒡᓗᒋᑦ.

ᐊᐱᖅᑯᑎᒃᓴᖃᕐᓂᕈᕕᑦ ᐊᓯᔾᔩᓂᕐᒥᑦ ᐃᖅᑲᓇᐃᔭᖅᑎᖁᑎᒃᐱᑦ ᐊᑭᓕᖅᑕᐅᔾᔪᑎᖏᓐᓂ, ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᖅᑎᒃᑯᑦ ᐅᖄᓚᕕᒋᓗᒋᑦ ᓄᓇᑦᓯᐊᕐᒥ ᐅᕙᓂ 1-800-661-0792 ᐊᒻᒪ ᓄᓇᕗᒻᒥ 1-877-404-4407.
ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᐃᖅᑲᐃᑎᑦᑎᒋᐊᕈᑎ
ᐃᓱᓕᒡᕕᒃᓴᐅᑖ: ᐅᑐᐱᕆ 31, 2017

ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᐃᖅᑲᓇᐃᔭᖅᑎᖁᑎᓕᖕᓄᑦ, ᖃᐅᔨᒪᖁᔭᐅᔪᓯ ᐃᓱᓕᒡᕕᒃᓴᐅᑖ ᑐᓂᓯᓂᕐᒥᑦ ᑖᔅᓱᒥᖓ Management Practices Questionnaire  (ᐊᐅᓚᑦᑎᔩᑦ ᐱᓕᕆᔾᔪᓯᐅᔪᓂᑦ ᐊᐱᖅᑯᓯᐅᔪᓂᑦ) ᐊᐃᑉᐱᐅᓕᖅᑲ, ᐅᑐᐱᕆ 31.

ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᒍᒪᓵᕆᓂᕐᒧᑦ ᐱᓕᕆᐊᖑᔪᖅ ᐃᖅᑲᓇᐃᔭᖅᑎᖁᑎᓕᖕᓄᑦ ᐊᑭᓖᕙᒃᑐᓂ $40,000 ᐅᖓᑖᓄᑦ ᖃᐅᔨᓴᕐᓂᐅᔪᓂᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄᑦ. ᑖᓐᓇ ᑮᓇᐅᔭᑎᒍᑦ ᐱᒍᒪᓵᕆᓂᐅᔪᖅ ᐱᓕᕆᐊᖑᔪᖅ ᑐᓂᓯᕙᒃᐳᖅ ᐃᖅᑲᓇᐃᔭᖅᑎᖁᑎᓕᖕᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᐊᑦᑕᓇᔾᔭᐃᖅᓯᒪᓂᕐᒧᑦ, ᐊᒻᒪ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ/ᑮᓇᐅᔭᖅᑖᕋᓱᐊᖅᑐᓄᑦ ᐊᐅᓚᑦᑎᓂᕐᒧᑦ ᐱᓕᕆᔾᔪᓯᓂ, ᐊᒻᒪ ᐊᑦᑎᑦᑐᒥ ᑮᓇᐅᔭᖅᑖᕋᓱᐊᖅᑐᓄᑦ ᐊᑭᓖᑎᑦᑎᕙᒃᑐᓄᑦ.

ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐊᐅᓚᑦᑎᔨᖃᑦᑎᐊᖏᑦᑐᑦ ᐊᒻᒪ ᐅᓄᖅᑐᓂ ᑮᓇᐅᔭᖅᑖᕋᓱᐊᖅᑐᓄᑦ ᐊᑭᓖᑎᑦᑎᕙᒃᑐᓄᑦ ᐊᑭᓖᑎᑕᐅᒃᑲᓂᕋᔭᖅᑐᑦ. ᑕᐃᒃᑯᐊ ᐅᑎᖅᑏᖏᑦᑐᑦ ᐱᔭᕆᖅᓯᒪᔭᒥᓂᒃ ᐊᐱᖅᓲᑎᖏᓐᓂᒃ ᐊᑭᓖᑎᑕᐅᒃᑲᓐᓂᑐᐃᓐᓇᕆᐊᓖᑦ.

ᑐᑭᓯᒋᐊᕈᑎᒃᑲᓐᓂᕐᓄᑦ ᐊᒻᒪ ᐃᑲᔪᕈᑎᒃᓴᓐᓄᑦ ᐃᓕᖕᓂ ᐃᑲᔪᕈᓐᓇᖅᑐᓂ ᐊᐱᖅᓲᑎᓄᑦ, ᑖᓐᓇ ᑕᑯᒋᐊᕐᓗᒍ Safe Advantage Management Practices Questionnaire Guide ( ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᐊᐅᓚᑦᑎᔩᑦ ᐱᓕᕆᔾᔪᓯᐅᔪᓂᑦ ᐊᐱᖅᑯᓯᐅᔪᓂᑦ ᒪᓕᒃᑕᐅᔪᒃᓴᖅ ) . ᑖᓐᓇ ᑎᑎᕋᖅᓯᒪᔪᖅ ᐃᑲᔫᑎᒃᓴᐅᕗᖅ ᐃᖅᑲᓇᐃᔭᖅᑎᖁᑎᖃᖅᑐᓕᒫᓄᑦ ᐱᒋᐊᖅᑎᑦᑎᓂᕐᒥᑦ ᐊᒻᒪ ᑲᔪᓰᓐᓇᖅᑎᑦᑎᓂᕐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐊᒻᒪ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ (RTW) ᐱᓕᕆᐊᖑᔪᓄᑦ.

ᑐᑭᓯᒋᐊᒃᑲᓐᓂᕈᒪᕖ ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᐱᓕᕆᐊᖑᔪᒧᑦ, ᐅᕝᕙᓘᓐᓃᑦ ᐊᐱᖅᑯᑎᒃᓴᖃᖅᐲ? ᖃᐅᔨᒋᐊᕐᕕᐅᔪᓐᓇᖅᑐᑦ ᐃᓚᐃᓐ ᐅᐊᓪᔅ, ᐊᑦᑕᓇᙱᑦᑐᒥ ᐊᑑᑎᖃᕈᓐᓇᕐᓂᖓᓂ ᖃᐅᔨᒪᔨᑕᖅ ᐅᕙᓂ safeadvantage@wscc.nt.ca  ᐅᕝᕙᓘᓐᓃᑦ ᐅᕙᓂ 1-800-661-0792.
ᐊᒡᓚᒡᕕᑦ ᒪᑐᓯᒪᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᒡᓚᒡᕕᖏᑦ ᒪᑐᓯᒪᓛᖅᑐᑦ ᖁᔭᓕᓐᓇᐅᑉ ᐅᓪᓗᖓᓂ ᓇᒡᒐᔾᔭᐅ, ᐅᑐᐱᕆ 9-ᒥ, ᐊᒻᒪ ᒪᑐᐃᒃᑲᓐᓂᕐᓗᑎ ᐊᐃᑉᐱᐅᓕᖅᑲᑦ, ᐅᑎᐱᕆ 10-ᒥ 8:30 ᐅᓪᓗᓛᒃᑯᑦ.

ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.
wscc.nt.ca   /  1.800.661.0792   *   wscc.nu.ca  /  1.877.404.4407