Ubluqtuhivia 2018                                                               FRANÇAIS

UKIUQ NUNNGUTAANIT AKILIQHIYANUT NAUNAITKUTAT UMIGUTAA Iidjirurvia 28: QAANGIUTIHIMAITTUMIK!
Iliqahiutilugit OHS-nut Nutaannguqtiqtat

Ilvit Ukiuq Nunngutaanit Akiliqhiyanut Naunaitkutat (APR) iniqhimayukhaq Iidjirurvia 28, 2018 nnguqtinnagu akiliffaarnaittumik. Qauyimayakhatit titiraqhimalugu nalunaiqhiiguvit piittumik akiliqhiyakhalluuniit. Akiliqhiyariaqaqtut kinguvaqtittigumik 15%-mik ukium aippaanganiqnitat akiliqtuqtait qauyihautigiplugit. Tamaat nanminiit uvaniittukhauyut   WSCC Connect   turaaqhimagiangani haffumani Ukiuq Nunngutaanit Akiliqhiyanut Naunaitkutat (APR).
 
Itqaumayakhat: una nutaanguyuq kiuvikhaat haffumani Ukiuq Nunngutaanit Akiliqhiyanut Naunaitkutat (APR) piliriakhaq uvani ukiungani ilaliutauyukhaq kiugiaqaqtuq amihuunngittuq Havakvingnit Aanniaqtailiniqmut Aanniqtailiniqmullu (OHS) apiqquutingit. Titiralihaarniarungnit Ukiuq Nunngutaanit Akiliqhiyanut Naunaitkutat (APR) titiqqainit,  WSCC Connect   atuqtut uqaqhimayakhaat inungnut munarivagaat Havakvingnit Aanniaqtailiniqmut Aanniqtailiniqmullu (OHS) kampaningit (aahiilluuniit kampaningit titiraqhimayaat), ilagiyakhaat Angiqhimayuq/Qinngihimayuq kiuvikhaat uvunga OHS apiqquutingit. Ihivriuqlugit tamangnik OHS-nut Angiqhimayut/Imannaqmiklu apiqhuutit ilittuqhitillu titiraqhimayut Ilanga 4-mi talvani  Guide to Completing Annual Payroll Reporting (Maliktaghat Titiraliqiyunut Ukiuq Nunngutaanit Akiliqhiyanut Naunaitkutanik).
 
Ilitturvikhangit hanaugami hamna titiraqtaaqhimayut OHS Piliriakhaq imaatut takunnaqtukhaq piutigiyavut  Safety Program Tools  (Aanniqtailinirmut Piliriakhaq Ingilrutaat)qaritauyakkut turaarutaata.
 
Hamaniittugut ikayurumapluta!  Ikayuqtauyumaguvit, turaarvigiinnarialik  Havaaqaqtum Ikayuutikhait   hivayainnarialik akiittumik uvani 1-800-661-0792.
IHUMAGIYAT ATURTUQ
UUKTUTAUYUT NUTAGUQTIQNI TAPKUAT HAVAKVINGNIT AANNIAQTAILINIQMUT AANNIQTAILINIQMULLU MALIGAIT

Tamna nutaq Havakvingnit Aanniaqtailiniqmut Aanniqtailiniqmullu Maligait ("Maligait")atuliqhimayuq tahamani Nunatsiaq talvani Juni 2015, tahamanilu Nunavut talvani Matyi 2016. Atuqniani pivigiyani taimanga hivulliqmik maliganguqtaukmat, havaktitiyut havaktitlu ilihimaliqpalliqtai tapkuat Maligait. Piplugu tamna WSCC-kut Hivuganaitniqmun Havaktit ikayuqtigiktut uqaqatigiyailu havaktitiyut havaktitluand atuqpiagiangi ilittugini tapkuat Maligait, ilai hunat titiqtauyut uingaiqpalliqtakhat. Ilai piilgut tapkunani Maligait tiliugutaini hivuligutitlu naunaiqtaukmiyutauq.
 
Tapkuat WSCC-kut naunaiyainnaqtai tapkuat piquyat aulataqtik atuqpiagiangi tapkuat piquyat nutanguqhimayangi ihuaqhiyangilu pityutainik pingugutauhimanianut. Ihumaalutit tapkunanga piqatauyunit naunaiqtauyut naunaiyaqhugitlu naunaigiangi ihuaqhigiqani tapkuat piquyat piyaqagiangi. Pityutit hatqiqtut piyagangata tapkuat WSCC-kut havaqatigiyai piqatauyut, piyagangataluniit tapkuat WSCC-kut atugiaqaqtitni piquyat, naunaiyaqtaukmiyut.

Tapkuat WSCC-kut pihimayai titiqat ihuaqhigiagutit parnaktauyut tapununga Maligait hugiaqninut tapkuat qaphitnuit naunaiqtauyut pityutit. Naunaiyaiquyauyutit taphuminga uuktugut ihuaqhigiaqninik piqaqtitnilu uqauhit tapkununga WSCC-kut. Atuqhimayaat tadja Maliguarutit nanilaaqtatit uvani katilviuyut ataaniittut:
Turaarinnarialik niplautigiyatit umiktinnagu Iidjirurvia 23, 2018 uvunga lawfeedback@wscc.nt.ca .

Piyaqaguvit ilagiaqnianik pivikhaq piqaqtitiniq uqauhiqnik, tuhaqhitluta qagitauyakkut talvunga tugagutanut qulaani.

Aullaqtilihaariami, uvunngaulutit tukhirautauyut nutaannguqtiqhimayut.

NUTAANGUYUQ UKIUNGAT, NUTAANGUYUQ UUKTUUTIKHAIT PARNAUTIKHAAT 


Una uuktuutikhaat parnautikhaq apqutauyuq haffumani timiuyunut. Una uuktuutigiyangit parnautikhaat piliriakhaq akiharnaqtuq timiuyunut hivuliqhiinahuarlugit akihautainit inikhamaat, pukukhimagiami huliniarmangaat huliyukhaunngittulluuniit, pidjarikhivlugulu tamaat upautiyakhaat naammanaaqtakhaat timiuyunut Vision, Mission, and Values (Hinnaktuumaningit, Hivunikhautikhangit, Ukpiruhuutait).
 
Uvani WSCC mi, uuktuutigihimayavut parnautivut aulavikhaat uumani tallimanit-ukiukhamut aturvikhaat (pingahunit-ukiukhamut aturvikharaluanguuvluni), taimaa hivunigiyaamingnit hivituyumik atuqtakhainit hulidjuhingit upautivikhangillu titiqqangit. Uvani 2018 mi, aullaqtilihaaqhimayavut hivulipta tallimanit-ukiungat parnautikhaq. Pivallianikhait angikliktiqpaktangit kinguanit pingahut-ukiunganit atuqpagaanit ilitarivluniuk akiharnaqtumik ikayuutauvakhuni uumani WSCC'p iniqpiaqhimayainnit, takunnaqhunilu humiliqaak ihuaqhigialik. Atauttimut, ukunanngat ukiunganit unipkaangit Nanminiqutaanit Parnautikhaq, uuktuutikhamaat upalungaiyautaanit tiliuqhimayaat timingat'ip hivulliriyakhaat malikhimayangillu ilauqatauhimayunut. Iluaniittuq, ilaliutihimayangit tunngavinga amihunit tiliuqhimayumik avvautihimaningit aulavilingnit upalungaiyaut pinahuariami tamaat timinganit hulidjuhiit katilviuhimayuq Hivumuarutinut Nailinahuariangani Havagvingnut Aanniarutit Aanniqhimayunullu.

 
Malruk hivulliriyangit aulapkainiaqtangit haffumani WSCC'p havaangit hivuani tallimanit ukiunganit: Hivumuuqtittuq Aaniqtailiniqmut Pitquhiq, unalu Tuniyuq Nakuuqpiaqtumik Havaanik Qanuriliurutauyullu. Una 2018-2022 mit Uuktuutigiyangit Parnautaanit unalu 2018 Nanminiqutingit Parnautaat angiqtauhimavlutik ukunanngat Kavamaliqiryuangat Katimayit, hivumuuqhutiktauq tunihimanahuarlugu ilauqatauhimayunut. Pulaarlutit haffumani qaritauyakkut turaarutaat takugiami uuktuutigiyangit parnautaa, takunnaqtuq uvani Inuktitut , Inuinnaqtun , Uiviititut , unalu Qaublunaatut .

             
QUNNIAQTAKHAT AKIMANAHUAQTUQ 2018: HIVUNIGILUGU AANNIQTAILINIKKUT 



Uumani ilanganit Kaniitian Katimavia haffumani Havakvingnit Aanniaqtailiniqmut Aanniqtailiniqmullu (CCOHS),una WSCC taimaattauq katimapkainahuarmiyut   ukiunganit alraarunmi qunniaqtakhat akimanahuaqtuq   inuuhuktut iliharviannit ilihaqtut inulrammiit timinganit tamainnut Nunatsiaq Nunavunmilu. Una WSCC munaqhiivaktut nunallaap akihautinahuaqtut turaaqtinnagu akimayunut qunniarunmik uvunga CCOHS haffumani nunaryualimaat abluani akimanahuarnikkut.
 
Tadja 6 nit ukiunganit havaarivagaat, una akihamiq angmaumayuq tamainnut inuuhuktut iliharvianut inulrammiit timinganut ilihaqtut puqtuhiyumik 9 mit 12 mut, ukiunganilu hivumuurutigiyangit uumani #FocusOnSafety (Hivunigilugu Aanniqtailinikkut). Una akimayuq qunniaqtakhainit aittuqtauniaqtuq $1,000 aitturvikhaat, aahiillu $1,000 ilitariyauniaqtuq akinahuaqhimalugit taktakhainit ikayuqhimayuq iliharvianit/inulrammiit timinganit. Tamaat havaqatigiyut ikayuqtaugiaqaqtut hamanngit inuuhuktup iliharvianit/timinganit munarivagaat ikayuqpagaallu havaqatigiiktut.
 
Una qunniarut havagvianut aanniqtailinianut hivunigiyakhaat, una akimaniq unipkaangilu angmaumayuq qanuq ihumaffingnit huliyumayangillu. Qanuq itqurnaqpiarumik, mitaaqtunilluuniit, nutqaqattaqtut qunnialiuqtuq, huqulaaqtunit qunniarut, tamaat ihumaliuqhimayangit turaarniarumiuk quyagiyauyuq. Apirilutit ilingnit qanuq havaktit havaaqaqtunullu ikayulaaqtaatit aannirnaittumik havagviqarnaqtuq tamainnut.
 
Una turaarutivit umigutaa haffumani 2018 mi #FocusOnSafety (Hivunigilugu Aanniqtailinikkut) akimaniq Qitiqqautiyuq 1, ubluqhiutaat 11:59 Unnuktumi Qitirmiunmi Ubluqhiutaanut (MST).

Ilitturvikhatit ilaliutilaaqtatit maliktakhainit maliruarutaanit, qanuq turaaqhiilaaqtatit itiutaanit, naunairumaguvit, pulaanginnarialik uvunga   qunniarut akimanahuarniq makpiraq.
HUNA NUTAANGUYUQ 
WSCC MAKPIRAALIUQHIMAYUT UNIPKAANGIT 

WSCC 2018 Tatqiqhiut

Ukiunganit, una WSCC tatqiqhiutiliuqpaktut ihumagivluniuk tautukpakhutik halitiirnaqhigaangat humiglu atuliqtakhainit hamna WSCC ublunganit hulidjuhiit tamarmik Nunatsiaq Nunavunmilu. Tukiutigiinnarialik aadjiliugainit tatqiqhiunmik havagvikpit, qaritauyakkut .

                 

ikulahimayunut hapummivikhaq
Qaniq ikayuut Ikulattailinahuarnikkut 

Ikulahimayut pinahuaqhimaittumik humiliqaak havagviannit. Qanuq ihumahimaittumik ilanganit ubluq tamaat hivuuranarnikkut, amirittiaqhimaittumik, ikulalaaqtut. Ilait ikayuutaulaaqtut ikulapkainahuaqtailiniq havagvingmi, aimavingmiluuniit:
    • Qamipkarnahuarlugit ikihimayut kuvilaaqtut ikihimayumi, ikulahimayumi aahiittauq ikinnaqtumi.

    • Tamaat qattait ikulannaqtut kuviyaaqtmik umikhimalugit pulahimalugilluuniit atuqhimaitpat. Utirmilugu qattat tutquumaviannit aturuiqhimagungni.

    • Imaiyarahuarungni ikulalaaqtut kuviyaaqtumik, atauttimut katihimalugit qattak aippaa natirmunngarlugu. Taimaa ikulannaittuq, ikiqarnirumik ikulannaittumiglu ilaurutaanit.

    • Tamaat alilayuit, puungillu, ikulannaqtut hiamittailihimalugu tutquumattiaqhimalugillu. Kititiraangat natirmi aahiillu havavgingmi taimaa ikipkainnaramik.

    • Atuinnaqhimalugit ikinnaqtut ingilrutit, uuminngat ikuugut, ikilaaqtut, hiquvluiyit, tutquumattiaqhimayukhat.

    • Katihimaittut ikulalaaqtut uvani imaqarviit ikulalaarnirumik, taimaa imaraaluit kuvihunnguyuq; taimaa haliqhimayukhat uumani 18 nit nailukkaannuaq haliqhimayukhaq ataanit imarviannit nuvuanganit.

    • Pidjarikhihimalugit qaptirutiit ihivriuqtauhimainnaqtukhat, parnaiyariiqhimayukhat, qahakhimayukhauyuqtauq qautamaat.

    • Pidjarikhihimalugit uunaqutit haliqhimattiaqtukhat halummaqhimayukhallu, alruyaqarvia unguvaqhimayukhaq atungitkumi.


wscc.nt.ca   /  1.800.661.0792   *   wscc.nu.ca  /  1.877.404.4407