Konpetisyon sa a se yon chanpyona ant elèv pou teste konpreyansyon yo nan 15 liv ki te chwazi pou yo li. Ane sa a, 2.411 elèv te patisipe pami 593 ekip atravè Distri a pou montre konpetans. Final la se rankont ant de ekip ki klase yo nan nivo elemantè, mwayen ak segondè, nan yon konkou kesyon/repons nan yon cho televize.

Klike la a pou w gade yon rezime konpetisyon an!

Jounen Enfòmasyon pou Jadendanfan ap fèt semèn 7 pou rive 11 avril 2025 la. Pandan jounen sa a, paran ap rankontre pwofesè yo, vizite lekòl yo, epi aprann tout sa lekòl la gen pou ofri pitit ou.

Klike la a pou w jwenn orè pou lekòl ki nan zòn ou an.

Paran, li enpòtan pou pitit ou a antre nan jadendanfan ak konpetans tankou konnen kèk lèt, son, ak kijan pou li ekri non l. W ap jwenn yon twous preparasyon pou jadendanfan GRATIS ou lè w enskri pitit ou a pou klas jadendanfan.

Klike la a pou aprann plis.

Kèk nan pi gwo lidè pami elèv Palm Beach County te patisipe nan selebrasyon final 10yèm anivèsè Philanthropy Tank. Elèv sa yo ap dirije òganizasyon ki travay pou fè Konte Palm Beach yon pi bon kote pou moun viv. Nan evènman an, yo te prezante pwojè yo bay yon gwoup envestisè ak espwa pou jwenn plis finansman pou amelyore òganizasyon yo.

Klike la a pou w gade yon rezime evènman an.

Caitlin Sehl se nouvo gayan inisyativ “Remèsye Yon Pwofesè” nan Distri Lekòl Rejyon Palm Beach la. Li jwenn nominasyon kòm Pwofesè Pou Semèn pase a. Li se yon pwofesè nan Lekòl Elemantè Cholee Lake. Li te resevwa vizit sipriz nan klas li pou anons sa a.

Li resevwa yon chèk $350 soti nan men HCA Florida Healthcare ki se esponnsò inisyativ la pou ane sa a. Inisyativ “Remèsye Yon Pwofesè” genyen kòm objektif pou ankouraje epi rekonèt yon pwofesè paran, elèv ak kanmarad li nonmen pou gwo enpak pozitif li genyen sou elèv li ak devouman li nan travay li.

Klike la a pou nonmen yon pwofesè!

Klike la a pou gade videyo a.

Florida Prepaid ap ankouraje fanmi yo pou yo ekonomize pi bonè posib yon fason ki abòdab pou prepare peman pou edikasyon pitit yo apre yo gradye lekòl segondè. Li redwi pri mansyèl Plan Peye Alavans la pou tibebe ki fèk fèt a yon pri ki pi ba nan plis pase yon deseni. Plan Peye Alavans la pèmèt fanmi yo lòk yon pri kolèj ak peman fiks chak mwa. Yon Plan Inivèsite pou yon ane san risk kounye a kòmanse a $29 pa mwa pou peryòd Enskripsyon Plan Peye Alavans la ki ap dire jiska 30 avril 2025.

Klike la a pou w aprann plis.

Felisitasyon Antrenè Jim Howell, direktè atletik John I. Leonard High School ak ansyen antrenè baskètbòl gason! Li vini  kounye a yon eli nan Palm Beach County Sports Hall of Fame. Antrenè Howell te travay nan Distri Lekòl Rejyon Palm Beach la kòm yon pwofesè ak antrenè pandan 31 ane. Pandan tan sa a li pase 15 an kòm antrenè baskètbòl gason Lancers yo. Li fè ekip la rive nan plizyè chanpyona nivo konferans ak rejyonal.

Klike la a pou w gade videyo a.