12 Me 2025

Resous Pou Fanmi Yo

Kalandriye 2024-2025

Santim Ou Ap Travay

N ap Selebre Pwomosyon 2025 La

Distri a ap selebre plizyè milye elèv ki ap gradye nan pwomosyon 2025 la. Videyo spesyal nou fè pou gradye yo mete aksan sou talan ak reyalizasyon inik ki fè elèv nou yo espesyal.

Klike la a pou w gade seri videyo ki rele Student Spotlight la.

Tout seremoni gradyasyon Distri Lekòl Rejyon Palm Beach ap retransmèt ANDIRÈK sou The Education Network (T.E.N.), Xfinity Kanal 235, AT&T U-verse Kanal 99, ak sou Entènèt sou youtube.com/sdpbc/live.

Klike la a pou w wè orè gradyasyon 2025 la.

Yon Koutje Sou Semèn Apresyasyon Pwofesè

5-9 me se te Semèn Apresyasyon Pwofesè. Pandan semèn nan, Distri a te selebre edikatè nou yo ki gen devouman pou edike, afime, ak enspire elèv nou yo nan klas yo ak pi devan nan lavi yo.

CBS12 News te montre yon pwofesè West Boca Raton High School ki ap fè yon leson pratik nan Syans Maritim.

Klike la a pou w gade videyo a.

Gade Kijan Elèv Klas Tèminal Yo Ap Selebre Jou Chwa Kolèj

Elèv ki ap gradye nan pwogram Take Stock in Children Palm Beach County te selebre desizyon kolèj yo pandan yon seremoni nan West Palm Beach. Prèske 100 elèv te defile ak chapo ki reprezante kolèj yo pral ale. Evènman an onore travay di elèv yo ak konseye devwe yo ki sèvi kòm volontè nan òganizasyon an.

Klike la a pou w gade yon rezime sware espesyal la.

Pwofesè Distri Yo Domine Nan Prim Dwyer 2025 Yo

Edikatè Distri Lekòl Rejyon Palm Beach yo te resevwa Prim William T. Dwyer pou Ekselans nan Edikasyon nan dat 5 me nan Kravis Center. Yo bay rekonpans yo nan sèt kategori, epi tout sèt gayan yo se anplwaye distri a. Se te yon lòt ane kote pwofesè distri yo te pran tout prim yo. Se pa t yon sipriz paske tout finalis yo pou ane 2025 la te reprezante Distri a.

Klike la a pou w li anons a.

Se Te Yon Sware Ki Demontre Talan Elèv Nou Yo

30yèm Prezantasyon Prim Anyèl Fim Elèv Nan Palm Beach se tankou Pri Akademi pou jèn nan zòn nou an. Elèv ki gen talan ak kreyativite nan Distri a te patisipe nan konpetisyon nan plizyè kategori, tankou Bousdetid Burt Reynolds, Videyo Mizik, Tèks Fim, Anons Piblik Vwayaj ak Touris, elatriye. Felisitasyon tout kandida yo ak gayan ki te resevwa plizyè milye dola lajan kach ak bousdetid.

Klike la a pou w gade yon rezime evènman an.

Elèv Yo Selebre Jounen Pou Monte Bisiklèt Pou Ale Lekòl

Jou ki te 7 me a, elèv nan tout Distri a te mete kas yo epi mare soulye yo pou Jounen Nasyonal Pou Ale Lekòl Sou Bisiklèt. Jounen sa a ankouraje elèv pou rete aktif epi konekte kominote yo ak lekòl yo. Se yon okazyon pou konsyantize sekirite sou pakou elèv fè pou ale lekòl epi enspire chanjman ki ap dire.

Klike la a pou w gade yon videyo sou jounen enteresan an.

Aprann Kijan Pou Pi Byen Sipòte Byennèt Mantal Pitit Ou

Enskri pou w patisipe nan trening pou sipòte byennèt mantal pitit ou ki ap fèt Mèkredi 21 Me 2025 a 6:00 PM. Se pwogram Distri a ki rele FACES (Angajman Fanmi ak Moun Ki Ap Pran Swen Moun) ki mete li sou pye. Se yon trening vityèl ki ap bay zouti pou ede w sipòte byennèt pitit ou, siksè pèsonèl li, ak etid akademik li.

Klike la a pou w enskri.