8 Septanm 2025

Resous Pou Fanmi Yo

Kalandriye 2025-2026

Santim Ou Ap Travay

Amelyorasyon Ak Reparasyon Gras A Lajan Taks Ou Yo

Pandan elèv ak fanmi yo te lakay yo pandan ete a, ekip konstriksyon Distri a t ap travay di pou bay anpil nan lekòl nou yo yon ti "ekla!"

Soti nan yon kanpis lekòl modènize, rive nan planche ak twati, pwojè sa yo se egzanp pou montre MWATYE SANTIM OU AN AP TRAVAY.

Mèsi Rejyon Palm Beach pou sipò ou bay ak mwatye santim ou an, ki fè pwojè sa yo posib. Pwomès fèt, pwomès kenbe!

Gade videyo sa a pou wè kèk nan amelyorasyon ak reparasyon yo.

VIDEYO KREYÒL ENFÒME W: Enpòtans Prezans Lekòl

Nan seri videyo enfòmasyon pou kominote a pou mwa sa a, Direktris Doktè Sandra Moreau nan Lekòl Elemantè Pioneer Park nan Belle Glade ap fè paran ak responsab legal timoun yo konnen enpòtans prezans lekòl.

Klike la a pou w gade video a.

Seri ‘Dèyè Badj La’ Avèk Ajan Polis Timothy Dupuis Nan Lekòl Mwayen Christa Mcauliffe

Seri ‘Dèyè Badj La’ retounen. Li ap prezante gason ak fanm enkwayab nan Depatman Polis Distri Lekòl Rejyon Palm Beach la.

Mwa sa a, n ap mennen w nan Lekòl Mwayen Christa McAuliffe pou w rankontre Ajan Tim Dupuis. Li trete elèv yo ak anplwaye yo tankou pwòp fanmi li. Li fè plis pase sa l dwe fè pou l montre swen ak konpasyon sensè li.

Mèsi, Ofisye Dupuis, paske w mete tout kè w nan travay ou chak jou!

Wout Ki Mennen Nan Gradyasyon Kòmanse Kounye A

Ak Konsyantizasyon Sou Prezans

Pakou elèv pou rive gradye ap dewoule chak jou. Prezans lekòl enpòtan. Rate sèlman de jou lekòl nan yon mwa kapab mete potansyèl pou gradye an danje.

Pandan mwa septanm nan ki se Mwa Konsyantizasyon sou Prezans, Distri a ap raple fanmi yo enpòtans prezans regilye nan lekòl.

Gade premye pati nan seri videyo Konsyantizasyon sou Prezans nou yo.

Vizite paj Konsyantizasyon sou Prezans nou an.

Konkou Atizay Ak Redaksyon

Pou Selebre Eritaj Panyòl Nan Eta Florid La

Depatman Edikasyon Eta Florid la ak Volontè Florid ankouraje elèv pou patisipe nan konkou atizay ak redaksyon pou Mwa Eritaj Panyòl 2025 la.

Konkou atizay la ouvè pou tout elèv jadendanfan jiska twazyèm ane nan Florid. Konkou redaksyon an ouvè pou tout elèv ki ale nan nenpòt lekòl Florid nan klas 4-12.

Dat limit pou enskripsyon yo se Mèkredi 24 Septanm 2025.

Aprann plis sou konkou a ak kijan pou w patisipe.