Distri a ap prepare elèv jodi a pou yo vin lidè biznis demen. Gen yon kantite pwogram Akademi chwa ak karyè ki konsantre sou biznis ki disponib pou elèv nan tout distri a. Kèk nan etidyan sa yo dènyèman te gen opòtinite inik pou eksplore mond franchiz ak antreprenarya nan yon pwomnad nan United Franchise Group nan West Palm Beach.

SONJE! Dat limit pou aplike pou Akademi chwa ak karyè pou pwochen ane eskolè a se 31 janvye 2025.

Klike la a pou w gade videyo a.

Manm fanfa yo pa sèlman jwe mizik ak enèji nan aktivite espòtif nan Distri a, yo patisipe tou nan konpetisyon pou prim ak onè. Dènyèman, fanfa nan tout eta Florid yo te patisipe nan chanpyona 2024 la nan Lekòl Segondè Jupiter. Fanfa lokal nou yo kapab fyè de akonplisman yo nan final eta a.

Klike la a pou w gade yon rezime konpetisyon an.



1ye plas - Lekòl Segondè Palm Beach Lakes nan Klas Tradisyonèl

3yèm Plas - Lekòl Segondè Boca Raton nan Klas 1A

5yèm plas - Lekòl Segondè John I. Leonard nan klas 2A

5yèm plas - Lekòl Segondè Palm Beach Central nan klas 3A

2yèm plas - Lekòl Segondè Jupiter nan klas 4A

3yèm plas - Lekòl Segondè Park Vista nan klas 4A

Cinnamon Oates se nouvo gayan inisyativ “Remèsye Yon Pwofesè” nan Distri Lekòl Rejyon Palm Beach la. Li jwenn nominasyon kòm Pwofesè Pou Semèn pase a. Li se yon pwofesè nan Lekòl Mwayen L.C. Swain. Li te resevwa vizit sipriz nan klas li pou gwo anons sa a.

Li resevwa yon chèk $350 soti nan men HCA Florida Healthcare ki se esponnsò inisyativ la pou ane sa a. Inisyativ “Remèsye Yon Pwofesè” genyen kòm objektif pou ankouraje epi rekonèt yon pwofesè paran, elèv ak kanmarad li nonmen pou gwo enpak pozitif li genyen sou elèv li.

Klike la a pou nonmen yon pwofesè!

Klike la a pou gade videyo a.

Fwa Antrepriz Lekòl Yo se yon opòtinite inik pou elèv ki nan pwogram edikasyon espesyal nan tout Distri a kreye yon biznis, devlope pwodwi, ak vann atik yo nan yon aktivite ki fèt chak ane. Elèv yo travay sou ladrès sosyal, kominikasyon entèpèsonèl, ak lòt ladrès ki ede yo jwenn travay alavni. Ane sa a se te pi gwo fwa a ki te fèt. Genyen gwoup ki reyisi vann tout atik yo.

Klike la a pou w gade yon rezime bèl aktivite sa a.

Chak sezon fèt, Distri Lekòl Rejyon Palm Beach la montre konpetans elèv ki se mizisyen ak chantè ki gen plizyè talan yo. Distri a gen anpil fyète nan pwogram Atizay li yo epi li ap trè byento devwale ‘Chanson Sezon Yo’, yon konpilasyon mizik ak pèfòmans elèv.

Klike la a pou w gade pèfòmans yo sou chanèl YouTube Distri a.