Cecile Besman Sonya Welch se nouvo gayan inisyativ “Remèsye Yon Pwofesè” nan Distri Lekòl Rejyon Palm Beach la. Li jwenn nominasyon kòm Pwofesè Pou Semèn pase a. Li se yon pwofesè nan Lekòl Segondè Palm Beach Central. Li te resevwa vizit sipriz nan klas li pou gwo anons sa a.

Li resevwa yon chèk $500 soti nan men HCA Florida Healthcare ki se esponnsò inisyativ la pou ane sa a. Inisyativ “Remèsye Yon Pwofesè” genyen kòm objektif ankouraje epi rekonèt yon pwofesè paran, elèv ak kanmarad li nonmen pou gwo enpak pozitif li genyen sou elèv li ak devouman li nan travay li. 

Klike la a pou gade videyo a.

Lekòl Elemantè Manatee se youn nan pase 60 lekòl ki te patisipe nan inisyativ mache epi woule pou ale lekòl la. Inisyativ sa a angaje elèv, paran ak manm kominote, pou ankouraje elèv yo pase nan wout ki an sekirite ak chwazi abitid ki ki pwoteje yo nan lari a.

Aprann enpòtans anseye timoun yo fason pou suiv règ sekirite lè yo sou wout pou ale lekòl ak retounen lakay yo.

Elèv ki nan 8yèm ane pou rive 11yèm ane ki rete oswa ki ale lekòl nan Rejyon Palm Beach yo envite pou aplike pou konsèy ak finansman pou pwogram enpak kominotè yo devlope epi vle enplemante.

Finalis yo gen opòtinite resevwa jiska $15.000 pou pwogram yo a.

Dat limit pou aplikasyon an se 26 oktòb 2025.

Aprann plis sou Filantropi Tank.

Nan seri videyo enfòmasyon pou kominote a pou mwa sa a, Direktris Doktè Sandra Moreau nan Lekòl Elemantè Pioneer Park nan Belle Glade ap fè paran ak responsab legal timoun yo konnen enpòtans prezans lekòl.

Klike la a pou w gade video a.