10 Out 2026

Resous Pou Fanmi Yo

Kalandriye 2025-2026

Santim Ou Ap Travay

Bon Premye Jou Lekòl, Rejyon Palm Beach!

Jodi a se kòmansman yon nouvo avanti pou elèv, pwofesè, ak anplwaye nou yo nan Distri Lekòl Rejyon Palm Beach la ki gen yon nòt "A". Nou pral selebre nouvo amitye, nouvo lide, ak yon ane ki chaje ak dekouvèt ak siksè.

Gade konsèy nou pote pou nou kapab pase yon pi bon ane lekòl posib, epi asire oumenm ak pitit ou pare pou yon lòt ane akademik ki gen siksè.

Konnen Egzakteman Kilè Bis Lekòl La Ap Rive

Apati Telefòn Ou

"Here Comes The Bus" (Men Bis La Ap Vini) se yon paj entènèt ak yon aplikasyon ki fasil pou itilize.

Li pèmèt ou wè kote bis lekòl pitit ou a ye sou yon telefòn entelijan, yon tablèt, oswa yon òdinatè pèsonèl.

Aplikasyon an disponib gratis pou fanmi yo. Patisipasyon konplètman volontè.

Li plis enfòmasyon sou "Here Comes the Bus".

Prezantasyon Espesyal Lekòl:

Lekòl Mwayen Christa McAuliffe

Pandan plis pase 40 an, lekòl sa a bay kominote a edikasyon epi sèvi l avèk fyète. Lekòl la baze sou yon lespri kiryozite, kouraj ak detèminasyon.

Rankontre elèv ak anplwaye Lekòl Mwayen Christa McAuliffe.

• Klas: 6-8

• Maskòt: Navèt Espasyal

• Koulè: Ble, Vèt, Ajante

6500 Le Chalet Blvd.

Boynton Beach, FL

33472. 561-374-6600

Rete Angaje Ak Pòtal Paran Distri A

Gen yon Pòtal pou Paran ki disponib nan sistèm Sistèm Enfòmasyon sou Elèv ("Student Information System (SIS Gateway"). Li pèmèt paran ak moun ki responsab elèv yo jwenn aksè ak plizyè aplikasyon ak fòm Distri a.

Sistèm Enfòmasyon sou Elèv ki rele SIS Gateway an anglè se yon zouti enpòtan pou fanmi yo kapab rete konekte epi patisipe nan edikasyon pitit yo.

Ou kapab jwenn aksè nan SIS Gateway sou sit palmbeachschools.org/gateway, oswa lè w chèche "Palm Beach County SIS Gateway" nan Apple App Store oswa Google Play Store.

Ekonomize Nan Achte Founiti Klasik

Peryòd espesyal pou pa peye taks pou founiti klasik pou ane 2026 la kòmanse lendi 20 jiyè 2026 epi l ap fini jedi 20 out 2026.

Pandan peryòd espesyal sa a, ou pa p peye taks lè w ap achte rad ak soulye, sèten founiti klasik, materyèl ak jwèt edikatif, òdinatè pèsonèl, ak sèten akseswa ki gen rapò ak òdinatè.

Jwenn detay sou atik ki gen ekzansyon taks pou peryòd sa a.

Felisitasyon Pou Sèvis Kliyantèl: Karina Hernandez

Asistan nan Biwo Lekòl la

"Madam Karina akeyi chak vizitè avèk anpil chalè, jantiyès, ak pasyans.

Fason li akeyi vizitè yo avèk konpasyon montre jan li fè plis pase sa yo mande l pou l ede reyalize vizyon lekòl la."

Pataje yon eksperyans pozitif oswa yon sitiyasyon kote yon anplwaye te fè yon efò espesyal pou ou oswa pou yon lòt moun.

Pwopoze non yon moun ki merite felisitasyon pou jan li bay bon sèvis kliyantèl.

Lekòl Yo Pral Sèvi Kòm Biwo Vòt Nan Jou Eleksyon Primè A

Madi 18 out 2026 se jou eleksyon primè nan Rejyon Palm Beach la. Anplis lòt biwo vòt ki genyen nan tout rejyon an, prèske 100 etablisman lekòl distri a jere pral sèvi tou kòm biwo vòt jou sa a.

Li plis pou w konnen ki lekòl ki pral sèvi kòm biwo vòt.