|
ᐋᓐᓂᑦᑕᐅᔪᖃᓐᓂᖃᑦ ᓇᓗᓇᐃᑦᑕᐅᓲᖑᒻᒪᑕ ᐃᒪᓐᓇᐅᓪᓗᒋᑦ “ᖃᓄᑐᐃᓐᓇᖅ ᐱᓂᓪᓗᑕᐅᔪᖃᑦᑎᓪᓗᒍ ᐃᖅᑲᓇᐃᔭᑦᑎ ᐱᔭᐅᑎᓪᓗᒍ ᐃᖏᕐᕋᔪᒧᑦ ᑭᓱᒧᑦ, ᓴᓇᕐᕈᑎᒧᑦ, ᐅᕝᕙᓗᓂᑦ ᐃᓚᖓᓄᑦ ᐱᓕᕆᒍᑎᐅᑉ”, ᐱᒻᒪᕆᐋᓗᕗᖅ ᐃᖅᑲᐅᒪᓗᓂ ᐋᓐᓂᑦᑕᐅᓗᓂ ᐅᓗᕆᐊᓇᑦᑐᓄᑦ ᐱᑕᖃᐃᓐᓇᒻᒪᑦ ᓇᒥᑐᐃᓐᓇᖅ ᐃᖅᑲᓇᐃᔭᕐᕕᐅᔪᓕᒫᓂ.
ᐊᖓᔪᖄᕆᔭᐅᔪᑦ ᐊᒻᒪᓗ ᐃᖅᑲᓇᐃᔭᑦᑎᑦ ᐃᑲᔪᕈᓐᓇᒻᒪᑕ ᐱᓂᓪᓗᑐᖃᑦᑕᐃᓕᒪᑎᑦᑎᓗᑎᒃ ᐊᒻᒪᓗ ᖁᒃᓴᓚᓗᐊᕈᓐᓃᑦᑎᑦᑎᓗᑎᒃ ᐃᖅᑲᓇᐃᔭᑦᑎᓄᑦ ᐃᖅᑲᓇᐃᔭᖃᑎᒌᓪᓗᑎᒃ ᓇᓗᓇᐃᑕᐅᓗᑎᒃ ᐋᓐᓂᑦᑕᐅᒍᑎᒋᔭᐅᒍᓐᓇᑦᑐᑦ ᐅᓗᕆᐊᓇᑦᑐᑦ ᐊᒻᒪᓗ ᐃᓱᒪᓕᐅᕈᑎᒋᔭᐅᓗᑎᒃ ᖃᓄᖅ ᐊᐅᓚᒐᔅᓴᐅᒪᖔᑕ ᐊᑐᓂ ᐅᓗᕆᐋᓇᑦᑐᑦ. ᑐᑭᓕᐅᑎᓗᒋᑦ ᐅᓗᕆᐋᓇᑦᑐᓂᒃ ᐊᐅᓚᑦᑎᓃᑦ ᐃᓚᖃᒻᒪᑕ:
- ᐊᑐᑦᑕᐅᓗᑎᒃ ᓱᕉᓗᐊᑦᑕᐃᓕᒪᓂᒻᒧᑦ ᐱᓕᕆᒍᓯᑦ ᐋᓐᓂᑦᑕᐅᔪᖃᖁᓇᒍ ᐅᓗᕆᐊᓇᑦᑐᓄᑦ, ᓲᕐᓗ ᒪᑯᓄᖓ ᑐᖅᑯᐃᔪᖃᑉᐸᖏᓪᓗᓂ ᐅᖁᒪᐃᑦᑐᓂᒃ ᐱᖁᑎᓂᒃ ᐊᒻᒪᓗ ᐱᓕᕆᔾᔪᑎᓂᒃ ᖁᕝᕙᓯᑦᑐᓂ.
- ᐊᑐᖔᓕᓪᓗᒋᑦ ᐱᓕᕆᒍᑎᑦ ᐅᕝᕙᓗᓂᑦ ᐱᓕᕆᐊᕆᒋᐊᓕᓐᓄᑦ ᑕᐃᒃᑯᐊ ᖁᔅᓴᓇᑦᑎᑦᑎᓗᐊᖏᓐᓂᔅᓴᐃᑦ, ᓲᓪᓗ ᒪᑯᐊ ᐊᑐᖔᓕᓪᓗᒋᑦ ᖃᕝᕙᑦᑎᑦᑎᒍᑎᑦ ᐊᑐᕉᓐᓃᖓᓪᓗᒋᑦ ᒪᔪᕋᐅᑦ ᐅᕐᕈᑎᑕᐅᑐᓐᓇᕆᐊᖃᓂᔅᓴᐃᑦ.
- ᐊᑐᓪᓗᑎᑦ ᓴᓇᓯᒪᔪᓕᐅᓐᓂᒻᒧᑦ ᐊᐅᓚᑦᑎᒍᑎᓂᒃ ᓲᓪᓗ ᒪᑯᓂᖓ ᐊᓯᔾᔨᑦᑕᖏᑦᑐᓂ ᐃᓱᒫᓗᓇᖁᓇᒋᑦ ᓴᓇᕐᕈᑏᑦ ᐃᖅᑲᓇᐃᔭᑦᑐᖃᑦᑎᓪᓗᒍ ᖁᕝᕙᓯᑦᑐᓂ.
- ᐊᑐᓕᑦᑎᑦᑎᓗᑎᑦ ᐊᐅᓚᑦᑎᓂᒻᒧᑦ ᐊᐅᓚᑦᑎᒍᑎᓂᒃ ᓲᕐᓗ ᒪᑯᓂᖓ ᐊᔪᕈᓐᓃᔅᓴᑎᑦᑎᓂᒻᒧᑦ ᐊᑐᐊᒐᒻᒥᒃ ᐃᖅᑲᓇᐃᔭᑦᑏᑦ ᖃᐅᔨᒪᓂᔅᓴᐅᖁᓪᓗᒋᑦ ᖃᓄᖅ ᖃᐅᔨᓴᔅᓯᒋᐊᖃᒻᒪᖔᑕ ᐊᒻᒪᓗ ᐋᖅᑭᐅᒪᑎᑦᑎᒋᐊᖃᒻᒪᖔᑕ ᓴᓇᕐᕈᑎᓂᒃ ᐊᒻᒪᓗ ᐱᓕᕆᒍᑎᓂᒃ ᐃᖅᑲᓇᐃᔭᕕᒋᔭᐅᔪᓂ.
- ᐱᔭᐅᑎᑦᑎᓯᒪᓗᑎᑦ ᐃᒻᒥᓂᒃ ᓴᐳᒻᒥᒍᑎᓂᒃ (PPE) ᐃᖅᑲᓇᐃᔭᑦᑎᓄᑦ ᑕᐃᒃᑯᓄᖓ ᖁᒃᓴᓇᑦᑐᒦᑦᑐᓄᑦ ᐋᓐᓂᑦᑕᐅᔪᖃᕆᐊᖓ, ᓲᕐᓗ ᒪᑯᓂᖓ ᑕᑯᔅᓴᐅᑦᑎᐊᑦᑎᑦᑎᔪᓂᒃ ᔭᐃᑲᔅᓯᒪᓗᑎᒃ ᐃᖅᑲᓇᐃᔭᕆᐋᓪᓚᔅᓯᒪᔪᓂ ᐃᖅᑲᓇᐃᔭᕕᒋᔭᐅᔪᒥ ᐃᖏᕐᕋᔪᖃᐃᓐᓇᑦᑐᓂᒃ ᓄᓇᓯᐅᑎᓂᒃ ᐅᕝᕙᓗᓂᑦ ᐱᓕᕆᒍᑎᓂᒃ.
ᑐᓴᕆᐊᒃᑲᓂᕈᒪᒍᕕᑦ ᐋᓐᓂᑦᑕᐅᑦᑕᐃᓕᒪᑎᑦᑎᓂᒻᒥᒃ ᐱᓂᓪᓗᑦᑐᖃᓪᓗᓂ ᐃᖅᑲᓇᐃᔭᕕᔅᓯᓐᓂ, ᑕᑯᒋᐊᓚᔅᓯᐅᒃ ᐃᑭᐊᕿᕕᒃ Struck-By Safety Spotlight (ᖃᐅᒻᒥᑕᐅᓂᖅ ᐊᑦᑕᓇᖅᑕᐃᓕᒪᓂᕐᒧᑦ ᖃᐅᒻᒥᑦᑎᔾᔪᑎᒧᑦ) ᒪᒃᐱᒐᖅ.
| 
