ᐋᒡᒌᓯ 2024

ᐊᓇᐅᔭᐅᔪᖅ ᐋᓐᓂᕐᔪᑎᒋᔭᐅᔪᖅ ᖃᓄᐃᓕᔪᖃᕈᓐᓇᖅᑐᖅ ᑭᓇᑐᐃᓐᓇᒥᒃ ᖃᓄᑐᐃᓐᓇᖅ ᐱᓕᕆᓗᓂ. ᑖᒃᑯᐊ ᑎᓪᓕᕐᓇᓐᖏᑦᑐᑦ ᓲᕐᓗ ᑲᐅᑕᐅᔭᕐᓗᒍ ᑎᑮᑦ ᑕᒪᒃᑯᐊᓗ ᓄᓇᓯᐅᑎᓄᑦ ᑐᓗᖅᑕᐅᔪᑦ. ᑎᑎᕋᖅᓯᒪᔪᓂᑦ ᑖᒃᑯᓇᖓᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑮᓇᐅᔭᖅᑖᕋᓲᑕᐅᔪᓂᑦ ᓇᓗᓇᕈᓐᓃᖅᓯᒪᔪᖅ.

ᑕᐃᑲᓂ 2023, ᐃᖅᑲᓇᐃᔮᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐅᑯᐊᓗ ᑎᓪᓕᕐᓇᓐᖏᑦᑐᒥᒃ ᐋᓐᓂᓲᑦ:

• ᓴᓇᓂᕐᒧᑦ ᐃᖅᑲᓇᐃᔭᖅᑏᑦrs
•  ᕿᔪᓕᕆᔨᑦ
• ᐅᔭᕋᓐᓂᐊᕕᒻᒥ ᐃᖅᑲᓇᐃᔭᖅᑏᑦ

ᓴᓇᔨᑦ ᑖᒃᑯᓄᖓ ᐃᖅᑲᓇᐃᔮᖃᖅᑐᑦ ᓴᓇᖃᑦᑕᕐᒪᑕ ᐊᑐᖅᖢᒋᑦ ᐊᒡᒐᑎᒃ ᐊᒻᒪᓗ ᓴᓇᖃᑦᑕᖅᑐᑦ ᐊᑐᖅᖢᑎᒃ ᐊᔾᔨᒌᓐᖏᑦᑐᓂᒃ ᓴᓇᕐᕈᑎᓂᒃ, ᑕᐃᒪᓗ ᑲᒪᓇᓐᖏᑦᑐᖅ ᑖᒃᑯᐊ ᐋᓐᓂᓲᑦ ᓴᓇᔨᑦ ᑎᑭᕐᒥᖕᓂᒃ, ᐊᒡᒐᒥᖕᓂᒃ, ᐊᒻᒪᓗ ᑕᓕᕐᒥᖕᓂᒃ.

ᐃᓕᑦᑎᒃᑲᓐᓂᕈᓐᓇᖅᑐᑎᑦ ᖃᓄᖅ ᐋᓐᓂᓐᖏᔾᔪᑎᒃᓴᓂᒃ ᐊᒻᒪᓗ ᐊᑦᑕᕐᓇᖅᑐᑦ ᑕᐃᒪᐃᑎᑦᑎᓲᑦ, ᒪᑐᐃᕐᓗᒍ ᖃᕆᓴᐅᔭᖃᕐᕕᒃᐳᑦ ᐋᓐᓂᕐᔪᑎᒋᔭᐅᔪᖅ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᒪᑉᐱᒐᖓ.

ᐱᒋᐊᖅᖢᓂ ᔮᓐᓄᐊᕆ 1, 2025, ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐊᑐᓂ ᐱᖃᕐᓂᐊᖅᑐᑦ ᐊᔾᔨᒌᓐᖏᑦᑐᓂᒃ YMIR (ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ) ᐊᑭᓕᖅᓱᖅᑕᐅᓲᑦ.

ᐃᓱᒪᓕᐅᕆᓪᓗᑎᒃ ᐋᕿᒃᓯᖃᑦᑕᖅᑐᑦ ᐊᕕᒃᖢᒋᑦ ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ ᐊᑭᓕᖅᓲᑎᒃᓴᑦ ᒥᑭᓛᖑᓇᔭᖅᑐᖅ 70% ᓄᓇᑦᓯᐊᖅ ᐊᒻᒪᓗ ᓄᓇᕗᑦ ᓴᓇᕕᖏᑦ ᐅᑯᐊᓗ ᑮᓇᐅᔭᓕᐊᖏᑦᑎᒍᑦ ᐊᑭᓕᖅᓲᑎᑦ ᑕᐃᑲᓂ

ᐋᓐᓂᖅᑐᕕᓂᐅᓐᓂᕈᑎᒃ. ᐊᑐᓂ ᐊᑭᖏᑦ ᐱᓯᒪᔪᑦ ᑮᓇᐅᔭᓕᐊᓂᑦ ᐱᕈᖅᑐᓂᑦ ᑎᑎᕋᖅᓯᒪᔪᓂᑦ ᖃᐅᔨᓴᕈᑎᓂᑦ ᓈᓴᐃᔨᒃᑯᑦ ᑲᓇᑕ ᐱᓇᓱᐊᕈᓯᑕᒫᑦ ᑮᓇᐅᔭᒃᓴᑦᑖᕆᔭᐅᔪᑦ ᒪᓕᒃᖢᒋᑦ ᓄᓇᑦᓯᐊᕐᒧᑦ ᐊᒻᒪᓗ ᓄᓇᕗᒻᒧᑦ.

ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ ᐋᕿᒃᓯᒪᓲᖅ ᓈᓴᐅᑎᖏᑦᑎᒍᑦ ᐊᕐᕌᒍᑕᒫᑦ ᐊᒻᒪᓗ ᐊᑭᑐᓛᖅᑎᒍᑦ ᖃᑦᓯᑖᓚᒧᑦ ᐋᕿᒃᑕᐅᓯᒪᔪᒧᑦ ᐊᑭᑐᓛᖅ ᐊᑭᓕᖅᓱᖅᑕᐅᓂᖓ ᓈᓴᐅᑎᖏᑦ ᓴᓇᔨᑦ ᐊᑭᓕᖅᑕᐅᓲᑦ ᐃᑲᔫᓯᐊᕆᓪᓗᒋ

ᐊᒻᒪᓗ ᖃᑦᓯᑖᓚᑐᐃᓐᓇᒧᑦ ᑎᑭᐅᒪᔪᓐᓇᖅᑐᑦ ᐋᕿᒃᑕᐅᓯᒪᓪᓗᑎᒃ ᐃᖅᑲᓇᐃᔭᖅᑎᑦᑎᔪᒥᑦ ᐊᑭᓕᖅᓱᖅᑕᒥᓄᑦ ᐃᖅᑲᓇᐃᔭᖅᑎᓄᑦ

ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ ᐊᑭᑐᑎᒋᓂᖓ ᐊᒻᒪᓗ ᐃᖅᑲᓇᐃᔭᖅᑎᑦᑎᔪᖅ ᐊᑭᖃᖅᑎᑦᑎᓂᖓ ᐊᕐᕌᒍ ᓯᕗᓂᐊᓂ ᐅᖃᐅᓯᐅᓲᑦ ᐊᕐᕌᒍᑕᒫᑦ ᓄᕕᐱᕆᒥ.

ᐊᐅᔭᒃᑯᑦ ᐅᑭᐅᖅᑕᖅᑐᖅ ᖃᐅᒪᐃᓐᓇᓲᖑᖕᒪᑦ ᐊᒻᒪᓗ ᓯᕿᓂᖅᐸᒃᖢᓂ, ᑭᓯᐊᓂ ᐅᖂᓗᐊᖅᑐᑦ ᐊᒻᒪᓗ ᓄᓇᒥ ᐃᖁᐊᓚᔪᑦ ᐳᔪᐊᕿᓲᖏᓪᓗᑎᒃ. ᐅᑯᐊ ᑕᐃᒪᐃᓕᖓᔪᑦ ᐋᓐᓂᐊᓕᕈᑕᐅᔪᓐᓇᖅᑐᑦ ᑖᒃᑯᓄᖓ ᓯᓚᒥ ᓴᓇᔪᓄᑦ.

ᐃᖅᑲᓇᐃᔭᖅᑎᑦᑎᔪᑦ ᐃᑲᔪᕈᓐᓇᖅᑐᑦ ᐊᑦᑕᕐᓇᓗᐊᖅᑕᐃᓕᑎᑦᑎᓗᑎᒃ ᓴᓇᔨᒥᖕᓄᑦ ᑐᓴᐅᒪᑎᑦᑎᐊᕐᓗᒋᑦ, ᐱᔭᕆᐅᖅᓴᑎᓪᓗᒋᑦ, ᐊᒻᒪᓗ ᐃᑲᔫᓯᐊᖅᑎᓪᓗᒋᑦ ᐱᔭᕆᐊᖃᖅᑕᖏᓐᓂᒃ ᐊᑦᑕᕐᓇᖅᑐᒦᑕᐃᓕᑎᑦᑎᔾᔪᑎᑦ ᐅᖂᓗᐊᖅᑐᒥ ᐊᒻᒪᓗ ᐳᔫᓗᐊᖅᑎᓪᓗᒍ. ᖃᐅᔨᒋᐊᕐᓗᒋᑦ ᖃᓄᐃᓕᖓᖕᒪᖔᑕ ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑲᔫᓯᐊᒃᓴᖏᑦ ᐃᖅᑲᓇᐃᔭᕐᓂᖅ ᐅᖅᑰᔪᒥ ᐊᒻᒪᓗ ᐃᑯᐊᓚᕐᔪᐊᖅᑐᓂᑦ ᐳᔪᖏᑦ.

ᐊᒡᓚᒡᕕᑦ ᒪᑐᓯᒪᓂᖏᑦ

ᑕᒪᕐᒥᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓯᒪᓂᐊᖅᑐᑦ ᓄᓇᖓᓐᓄᑦ ᕼᐋᓚᑏᓕᖅᐸᑕ ᓇᒡᒐᔾᔭᐅ, ᐋᒡᒌᓯ 5, ᐊᒻᒪᓗ ᒪᑐᐃᒃᑲᓐᓂᕐᓂᐊᖅᑐᑦ ᐊᐃᑉᐱᖅ, ᐋᒡᒌᓯ 6, 8:30‑ᒥ ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca 1.800.661.0792 | wscc.nu.ca 1.877.404.4407