ՀՕՄ-ի Գանատայի Շրջ.Վարչութեան այցելութիւնները

Օթթաուայի եւ Օնթարիոյի Մասնաճիւղերուն

Սիրելի ընկերուհիներ՝

22 Սեպտեմբեր,2024-ին Օթթաուայի «Սեւան» մասնաճիւղի վարչութեան հետ կարճ հանդիպում մը տեղի ունեցաւ Օթթաուայի մէջ: ՀՕՄ-ի Շրջանային Վարչութենէն ներկայ էին՝ ընկհ.Լուսին Փալանճեան եւ Ընկհ.Քրիսթին Աֆարեան:

28-29 Սեպտեմբեր, 2024-ին ՀՕՄ-ի Գանատայի Շրջ.Վարչութիւնը լրիւ կազմով այցելեց եւ հանդիպումներ ունեցաւ Օնթարիոյի շրջանի հետեւեալ մասնաճիւղերու վարչական կազմերուն հետ՝

• Միսիսոկայի «Առագաստ»
• Թորոնթոյի «Ռուբինա»
• Համիլդընի «Արեւ»
• Ուինզըրի «Ռուբինա»
• Գէմպրիճի «Մեղրի»

Սէնթ Գաթրինզի «Արազ» մասնաճիւղի վարչութիւնը կը բացակայէր սոյն հանդիպումներէն։

Իւրաքանչիւր մասնաճիւղ ներկայացուց ընթացիկ տարեշրջանի գործունէութիւնը եւ յառաջիկայի ձեռնարկները, նաեւ ներկայացուցին իրենց դժուարութիւնները միասնաբար լուծումներ գտնելու նպատակով:

Հանդիպումները ընթացան ընկերային եւ մտերմիկ մթնոլորտի մէջ։ Ընթացքին վարչութեանս ատենապետ՝ Ընկհ. Լուսին Փալանճեան բարձր գնահատեց մասնաճիւղերու գործունէութիւնը եւ վարչութիւններուն կատարած յանձնառու աշխատանքը։

Ընկհ․ Լուսին Փալանճեան ներկայացուց ՀՕՄ-ի Գանատայի Շրջանային եւ Կեդրոնական Վարչութեանց յառաջիկայի հետեւեալ ծրագիրները:

-ՀՕՄ-ի Կեդրոնական Վարչութեան հիմնադրութեան 115 ամեակի տօնակատարութիւն։

• ՀՕՄ-ի Գանատայի Շրջանի 35 ամեակի տօնակատարութիւն։
• ՀՕՄ-ի Գանատայի Շրջանի 27-րդ Պատգամաուրական ժողով 28-29 Յունիս, 2025։

Ընկերական Բարեւներով՝

ՀՕՄի Գանատայի Շրջանային Վարչութիւն

Օթթաուայի «Սեւան» մասնաճիւղ

Միսիսոկայի «Առագաստ» Մասնաճիւղ

Թորոնթոյի «Ռուբինա» Մասնաճիւղ

Համիլդընի «Արեւ» Մասնաճիւղ

Ուինզըրի «Ռուբինա» Մասնաճիւղ

Գէմպրիճի «Մեղրի» Մասնաճիւղ