Taaqhivalirvia 2018
Akiqanngittuq AANNIQTAILINIRNUT ILIHAUTIYUT UTIRMIYUQ
NUTAANGUYUQ UBLUKHAIT, NUTAANGUYUQ NUNALIIT



Uvangit WSCC mi, hivunigiyakhaat qayangnairutigut pitquhiq uuminngaunngittuni QayangnairutigutIlitturvikhaq naunaiyainiq - piutigiyavut haffuminngat parnaiyainikkut hivulliutigiyakhavutAkhuuqhimayaqqut hivumuurutigiyumayaqqut qayangnairutigut pitquhiq, ikayuqhugit havaktunut ukuninngat ingilrutikhait iliharutikhangillu piyumagaangat havagiami qayangnaqtumik, unalu ilittuqhiinahuarlugit hivunikhautikhavut uvunga pittailinahuarlugit havagvipta aanniarunmit aanniqhimayunullu, quyagiyaqqut ilittupkarahuarlugit niplautiginahuarlugit hamna Aanniqtailinahuarnikkut ilihaqtunut iliharutikhat uqariiqhimayauyut .

Ilitariyauhimayut Aanniqtailinahuarnikkut ilihautiyut ilihaiyit taimaa aullaqhimaniarmiyut tamainnut qulvahiktumut ikayurahuarlugit ukiuqtaqtumiunut ukuninngat Malikhimayakhaat Aanniqtailinahuarnikkut Ilihautikhat (uuminngallu Aniqhaaqtittinahuarniq [CPR] unalu Uummanmut Alruyaqtuliqinirnut Ayuiqhaiyut [AED]) - akiqanngittunik havaktunut havaktittiyinullu.

Tahapkuat malruk-ublunganit ilihaqhimayut katimapkaiyukhat nunaliit ukiakhami. Naqittarlugu ublukhautait ataaniittut pilihaaqtakhait atiliurvikhaanit piliriakhat:
 
Nayugaat/Nunaliit Ilihautikhaq 1 Ilihautikhaq 2
Qausuittuq, NU Niqiliqivik 3-4 Niqiliqivik 5-6
Ausuittuq, NU Niqiliqivik 8-9 Niqiliqivik 10-11
Iqaluit, NU Niqiliqivik 20-21 Niqiliqivik 23-24
Ikpiarjuk, NU Niqiliqivik 27-28 Niqiliqivik 29-30
Yellowknife, NT Apitilirvik 4-5 Apitilirvik 6-7
Fort Providence, NT Apitilirvik 4-5 Apitilirvik 6-7
Deline, NT Apitilirvik 10-11 Apitilirvik 12-13
Kimmirut, NU Tattiarnaqtuq 3-4 Tattiarnaqtuq 6-7
Iqaluit, NU Tattiarnaqtuq 15-16 Tattiarnaqtuq 18-19

Akiqanngittuq  ilauqatauyumayunut iliharumayunut. Ilauqatauyumayut munariyakhaat akikhaanit aullarumayunut uvunga tahamanngat ilihautikhanut. Ilitturvikhaat:
  • Kiugiaqaqtaqqut naittumik qaffiuningit 12 nit atiliuqhimayut iliharumayunut. Ilihaiyi tuhaqtittiniaqtangit tamaita atiliuqhimayunut ilihautikhanut umiktauniarumi kinguvaqhimagumigluuniit.
     
  • Ilihaqtakhat inugiakhimakpat, malikhimalugit atiliurvikhaq iliharutikhait ilauyumayunut utaqqiyaamingnit. Nalunaiqhimaniaqtugut ilingnut angmaumaqarniqqat.
     
  • Ilauqatauyumayunut utaqqihimayut, ilaaqhimaniaqtaqqut ilihautikhainit nunaffingni qakugunnguqtumi.
Titirariiqhimayumik nunaliit, pulaaqhimalutit uvaptingni qaritauyakkut makpiraunmiTakunngitkungni nunaffingni titiraqhimayut, tahaqtittilutit uvaptingnut ! Upalungaiqhimaniaqtaqqut nakhaqhimalugit Aanniqtailinikhainnut ilingnut.

Naunaittiarumaguvit, atiliurumaguvilluuniit hivayautikkut, hivayainnarialik uvaptingnut uvani 1-800-661-0792 apirilugillu haffuminngat Aanniqtailinikhainnut Iliharutikhaq.
Havakvingnit Amirnaqtut Hunaqutiit Naunaitkutait Havauhiit (WHMIS) 2015-mi
ANGIQHIMANIRNUT UMIGUTAA ILITTURVIKHAQ: UBLUIRVIA 1, 2018

Havaktittiyunut, uvvauyuq qiglikhaanut-ukiunganit naunaiqhiivikhaq: tamaita havaktit - nutaanguyut, inulrammiuyut, ahinirmiuttat, utiffaarmiyut - ilihaqhimavat atuqhimayauyut Havakvingnit Amirnaqtut Hunaqutiit Naunaitkutait Havauhiit (WHMIS 2015)?

Pinngitkumik, ilihimayakhatit atiliulaaqtatit haffuminngat WSCC'p akiittuq qaritauyakkut WHMIS 2015 e-ilihautikhaq. Pidjarikhigiami WHMIS 2015 inikhaliuyuq ayurnaittumik havaktivut iluani Nunatsiarmi Nunavunmilu, una qaritauyakkut e-ilihautikhaq angmaumayuq Inuktitut, Uiviititut, unalu Qablunaatut .

Ilihimayakhatit, Aanniaqtailinirnut Kanata havakhimmaaqpaktut hivituyumik pilimmakharahuaqhutik WHMIS 2015 tamainnut nunallaami, tukiqaqhuni uvaniguuq Ubluirvia 1, 2018 mi, tamaat ikayuqtut, havaktittiyut, havaktunullu malikhimayakhaat hivituyumik malikhimayakhaat ilihaqhimayukhallu.
 
Una WHMIS ilihautikhaq ilaliutigiyangit ilitturvikhangit nutaamik nalunaitkutikhaat aallatqiinguyut hivuuranaqtumik, qanuq munariyakhaallu tutquumayakhaillu hunavaluit, Aanniqtailinikhainnut maligautaanit, unalu aallatqiit qayangnaqtunik. Havaktunut ilihaqtakhait naunaiqtakhaat tahapkuat hivuuranaqtunit ilihimayakhaallu munariyakhaat qayangnaqtumik.

Takugumagungni hamna WSCC'p akiqanngittuq WHMIS 2015 e-ilihautikhaq, pulaarlugu atiliurvikhavut makpirautaa tiliurlugulu qaffiuningit ilauyukhat piyumayatit uqauhikkut pukukhimayatit:


Nalunaitkutaq: Naqitkungni "Register" (atiliurvik), tautungniaqtatit tamatkiumahimayut ilvit akiliqhimayakhatit Nunatsiaq Nunavunmiutaunngitkuvit. Uvanngat "Check-out" (ahivaqtukhaq) piliriakhaq, ilvit angiqtaaqhimagungni nunamiutauguvit Nunatsiaq Nunavunmiluuniit, qaffiuningit takuhimayatit nailiniaqhimayuq uvunga $0.

Naunaittiarumaguvit ukunanngat WHMIS 2015, pulaarluta piutigiyavut WHMIS makpiraun tautuglugulu uvani avatikhat katilviuhimayuq ataaniittuq Inuktitut, Inuinnaqtun, Uiviititut, Qablunaatitullu:
        
AUYAMI QAYAQTUQTUT QAYANGNAUTIGUT QAUYIMAYAKHAAT
HAVAKTAKHAAT

Nunguaniittuugaluaq Taaqhivalirvia, kihimi niklaumaninga tamainnut qulvahiktumi uunnakpalliayuq auyami. Taimaaraaluk, akhuuqhimayugut aanniarnaittumik qayangnautigut piyukhaq auyakhamut aliahulukaarniq, imarmunngautinnatit, atuqhimalugit ihuaqtumik havaktakhaat pidjarikhigiangani qayaqtuqtunut qayangnautigut:

  1. Kinaliqaak aimavingnit nunaptingniluuniit ilihimavat humunngauniaqqit? Ilihimavat humiliqaak utirniaqqit?
     
  2. Ilihimavit humunngauniaqqit? Ilihimattiaqqiuk maniraa? Nunam naunaitkutiqaqqa qanilruani hivuuranarningit qauyimayakhatit?
     
  3. Ihivriuqhimayatit hilaup nalunairninga - ilaliutigiyangit niklaumaninga, anuri, tagyaarninga puqtuhinia?
     
  4. Hanaqhuqtutit aannuraaqhimavlutit haffumani hilaup nalunairningagut?
     
  5. Qanuq aullaaqhimaniaqqit? Hanaqhuqhimavit parnautikhatit aullaqhimaguvit? Hannaiyaqhimavigik qilamiurutikhaqarniqqat parnautikhat, upalungaiyariiqhimayaami?
     
  6. Qaffit inuit ilauqatiginiaqtaatit? Naluuyarnikkut ilihimavat?
     
  7. Nanminiriyatit puptaumilaaqtumik parnautiqaqqit (PFDt/puptaumilaaqtut jaakiit) tamainnut qayaqtuqtukhat? Naammanaaqqat atiniarumiuk?
     
  8. Tamaat inuit qayaqtuqtukhat atuqhimayut PFD qautamaat? Qilanaaqtukhaugumik, atinahuaqtatit tuulliiqhunnguyutit.
     
  9. Ilihimayatit amiakkungit PFDt tutquumayauyut qayarmi? Aallanit qayangnautigut ingilrutikhat, haffuminngat paut, nivyaarun/nivyalaaqtuq, qivyaq, unalu qalurautikhaq? Ilihimaviuk aturiami qayangnautigut ingilrutikhatit?
     
  10. Aulapkailaaqqiuk qayatit? Ihivriudjarikhihimayatit naammakpiaqtumik ingilrattialaaqqa?
     
  11. Kaasiliiqquqtuyumik, huangaiyautikhaq, ingniqutilgiaqhimavit qayakhat?
     
  12. Tuhagakhautiqaqqit (alruyaqtuittut hivayaut imarmiulaaqtut naalaut)? Naammatqiyauyuq alruyaqtuittuq hivayaut inungmiuyukhauyuq qautamaat. Qilanaarnirumik, nanilainniarangni.
HAVAKVIIT UMIGHIMAVIIT

WSCC havagvit umikhimayut Haalatiiramik uvani Havagiarvik, Niqiliqivik 6 angmaffaarmiluni Aippiut, Niqiliqivik 7 ublaami 8:30 qaangiqtumi.

Naunaiqhitiyaami aanniqtuqarluaqtumik havakvingnit huliyuqaqqalluuniit, hivayaqlugu 1-800-661-0792.

Naunaiqhitiyaami hivuuranaqtumik havaktunut, aturlugu Uqaqhimalugit Hivuuranaqtumik Havaktunut ikayuutit uvani  WSCC Connect .
wscc.nt.ca   /  1.800.661.0792   *   wscc.nu.ca  /  1.877.404.4407