Amdanom ni

Cofrestrwch

Swyddi gwag

CYLCHLYTHYR TACHWEDD 2024

Iechyd a Gofal Digidol Cymru a Hwb Gwyddorau Bywyd Cymru yn cydweithio i ddatblygu datrysiadau iechyd digidol

Mae Iechyd a Gofal Digidol Cymru a Hwb Gwyddorau Bywyd Cymru yn dod ynghyd i hybu datblygiadau gofal iechyd yng Nghymru trwy arloesi digidol. Trwy gydweithio i ddatblygu a defnyddio datrysiadau iechyd digidol, nod y bartneriaeth yw gwneud Cymru yn arweinydd yn y maes hwn, gan wella canlyniadau gofal iechyd a chefnogi twf yr economi ddigidol.

Gyda’n gilydd, rydym yn adeiladu rhaglen ddeinamig sy’n meithrin cydweithredu rhwng y byd academaidd, diwydiant, darparwyr gofal iechyd, a llunwyr polisi, tra’n tynnu sylw at werth arweinyddiaeth meddwl, rhannu arferion gorau, cydnabod rhagoriaeth, a dangos buddion mesuradwy.

Dangosfwrdd digidol newydd yn rhoi mewnwelediadau allweddol ar weithdrefnau asgwrn cefn ar draws GIG Cymru

Mae dangosfwrdd digidol newydd yn ei gwneud hi’n haws i glinigwyr gael mewnwelediadau allweddol ar driniaethau asgwrn cefn ar draws GIG Cymru.

Gellir defnyddio’r wybodaeth i helpu i leihau amseroedd aros am lawdriniaethau asgwrn cefn yng Nghymru a chanfod meysydd i’w gwella.



Datblygodd Iechyd a Gofal Digidol Cymru (IGDC) y dangosfwrdd mewn partneriaeth â Chanolfan Gwerth mewn Iechyd Cymru i’w gwneud yn gyflymach ac yn haws i dimau gweithredol a chlinigol weld gwybodaeth am ddefnydd presennol y gwasanaeth.

System Rheoli Stoc Fferylliaeth Ysbytai wedi'i huwchraddio'n llwyddiannus

Mae’r uwchraddiad ‘Cymru gyfan’ sylweddol cyntaf i System Rheoli Stoc Fferylliaeth Ysbytai Cymru wedi’i gwblhau’n llwyddiannus, gan sicrhau y parheir i ddosbarthu 4 miliwn o eitemau a gwerth hanner biliwn o bunnoedd o feddyginiaethau yn ystod 2024.

Bu timau IGDC yn gweithio gyda thimau’r byrddau iechyd, a’r cyflenwr, i gwblhau’r gwaith uwchraddio heb unrhyw darfu ar y gwasanaeth.



Dywedodd Sam Lloyd, Cyfarwyddwr Gweithredol Gweithrediadau IGDC, “Mae hwn yn gyflawniad gwych. Gyda system mor bwysig sy’n cael ei defnyddio mewn 75 o leoliadau ledled Cymru, roedd llawer yn y fantol. Bu ein timau’n cydweithio’n wych â’r byrddau iechyd a’r cyflenwr, ac mae’n glod i bawb a gymerodd ran yn y prosiect iddo fynd mor llyfn ag y gwnaeth.”

Y Gwasanaeth Presgripsiynau Electronig yn dathlu blwyddyn yng Nghymru

Mae gwasanaeth sy’n gwneud y broses ragnodi yn haws, yn fwy diogel ac yn fwy effeithlon i gleifion a staff gofal iechyd yn dathlu ei flwyddyn gyntaf yng Nghymru.

Lansiwyd y Gwasanaeth Presgripsiynau Electronig (EPS) yn y Rhyl, Sir Ddinbych, ar 17 Tachwedd 2023. Ers hynny, mae’r gwasanaeth wedi’i gyflwyno i rai cleifion ym mhob bwrdd iechyd yng Nghymru, gyda channoedd o filoedd o bresgripsiynau’n cael eu dosbarthu heb y ffurflen bapur draddodiadol. 



Anfonwyd y presgripsiwn electronig cyntaf yng Nghymru o Ganolfan Feddygol Lakeside i Fferyllfa Wellington Road, carreg filltir a nodwyd gan ddigwyddiad lansio gyda’r Gweinidog Iechyd a Gwasanaethau Cymdeithasol ar y pryd, Eluned Morgan AS. 

Contractwyr cyfarpar dosbarthu cyntaf bellach yn defnyddio'r Gwasanaeth Presgripsiynau Electronig yng Nghymru

Mae rhai cleifion sy’n defnyddio dyfeisiau meddygol ac offer a roddir ar bresgripsiwn bellach yn gallu cofrestru ar gyfer gwasanaeth cyfleus, yn dilyn profion llwyddiannus gan nifer o gontractwyr cyfarpar yng Nghymru. 

Gall cleifion y mae eu meddygfeydd yn defnyddio’r Gwasanaeth Presgripsiynau Electronig (EPS) enwebu, neu ddewis, contractwr cyfarpar dosbarthu (DAC) i dderbyn eu presgripsiwn yn electronig gan y feddygfa. Mae hyn yn golygu nad oes angen postio'r ffurflen bresgripsiwn bapur bellach, gan arwain at wasanaeth mwy effeithlon.



Mae Nightingale, Respond a Fittleworth wedi profi meddalwedd a ddatblygwyd gan Clanwilliam yn llwyddiannus i'w galluogi i dderbyn presgripsiynau electronig. Cymeradwywyd cyflenwr y system i gefnogi’r gwaith o gyflwyno EPS mewn fferyllfeydd cymunedol yng Nghymru ym mis Awst a chafodd gyfnod ychwanegol o brofi i gefnogi contractwyr cyfarpar dosbarthu hefyd.

Iechyd a Gofal Digidol Cymru (IGDC) yn y rownd derfynol ar gyfer dwy Wobr Diwydiant TG y DU

Roedd Iechyd a Gofal Digidol Cymru yn falch o gyrraedd y rownd derfynol ar gyfer dwy wobr (13 Tachwedd) yn nigwyddiad blynyddol mawreddog Gwobrau Diwydiant TG y DU.

Mae’r gwobrau yn dathlu ac yn hyrwyddo’r sefydliadau, timau, prosiectau, technolegau ac unigolion sy’n llywio dyfodol TG.

Cyrhaeddodd IGDC y rhestr fer am y ‘Lle Gorau i Weithio ym Maes TG’ ac fe gyrhaeddodd y tîm Gwasanaeth Presgripsiynau Electronig y rhestr fer ar gyfer gwobr ‘Tîm y Flwyddyn’ am eu gwaith ar y newid mwyaf i ragnodi yn GIG Cymru ers degawdau.

Dywedodd Helen Thomas, Prif Swyddog Gweithredol: “Mae cyrraedd rownd derfynol gwobr mor fawreddog yn gamp anhygoel i bob un ohonom a byddwn yn parhau i weithio’n galed i wneud IGDC yn lle gwych i weithio.”

Sesiynau hyfforddi staff asiantaeth a dros dro ar gyfer Cofnod Gofal Nyrsio Cymru.

Mae tîm Newid Busnes IGDC yn cynnig sesiynau hyfforddi a holi ac ateb ar-lein ar Gofnod Gofal Nyrsio Cymru (WNCR). Bydd pob sesiwn yn para awr, gan gynnwys arddangosiad ac yna sesiwn holi ac ateb. Dyma’r dyddiadau ar gyfer y sesiynau:

• 16 Rhagfyr              14.00 – 15.00
• 27 Ionawr              14.00 – 15.00
• 24 Chwefror           14.00 – 15.00
• 14 Mawrth               14.00 – 15.00

Os hoffech archebu lle a mynychu’r sesiynau hyn, archebwch trwy dudalen cwrs WNCR ar Dysgu@Cymru. Byddwch yn derbyn cadarnhad o’ch archeb ac e-bost i’ch atgoffa cyn y sesiwn.

Y Cofnod Gofal Iechyd Meddwl Cenedlaethol – Golwg i Gynllun Peilot

“Ein nod yw sicrhau bod y data cywir ar gael ar yr amser cywir fel y gellir gwneud y penderfyniad cywir.”



Mae Bethany Paines-Chumbley yn Ddadansoddwr Busnes yn Iechyd a Gofal Digidol Cymru (IGDC). Yn y blog hwn, mae Bethany yn sôn am y gwaith i ddatblygu Cofnod Gofal Iechyd Meddwl Cenedlaethol (NMHCR).

Canmoliaeth i dîm cyfathrebu Moddion Digidol mewn digwyddiad gwobrwyo cenedlaethol

Mae’r tîm y tu ôl i ymgyrch i godi ymwybyddiaeth ymhlith cleifion a staff gofal iechyd am y Gwasanaeth Presgripsiynau Electronig (EPS) yng Nghymru wedi’i ganmol mewn seremoni wobrwyo genedlaethol fawreddog.



Cyrhaeddodd y tîm cyfathrebu Moddion Digidol rownd derfynol Gwobr Ymgyrch Sector Cyhoeddus Orau yng Ngwobrau 2024 Sefydliad Siartredig Cysylltiadau Cyhoeddus (CIPR) Cymru yng Nghaerdydd nos Wener.

Fel rhan o Ddiwrnod Rhyngwladol y Dynion ar 19 Tachwedd, Gadewch i ni gymryd eiliad i ddathlu’r dynion sy’n ein hysbrydoli, yn ein cefnogi, ac yn gwneud gwahaniaeth yn ein bywydau.

I nodi’r achlysur, fe ofynnon ni i rai o’n cydweithwyr pwy yw eu modelau rôl gwrywaidd cadarnhaol.