Iidjirurvia 2019                                                    English |   fran├žais
QUNNIAQTAKHAT AKIMANAHUAQTUQ 2019 
#FOCUSONSAFETY (HIVUNIGILUGU AANNIQTAILINIKKUT)

Parnautigiyangit ukunanngat Kaniitian Havagviannit Aanniaqtailinirnut Attarnaqtailinianut (CCOHS), una WSCC taimaa qunnialiurahuaqtunut takhipkarahuarmiyut angayukhiit iliharvianit ilihaqtunut inulrammiinullu timiuyunut Nunatsiaq Nunavunmilu.  

Uvani ukiungani, una WSCC arliruhuktittiyumayut inulrammiit hivunngani havaktit qanuq ihumaliuriangani ayurnannginningit aturnaqtut, ingutaarnaqtut, nutqarnaqtut uuminngaluuniit ingiuqtunut ilitturnaqtut arliruhuktittiyut aallat inulrammiinut Ukiuqtaqtumiuttat ihumaginahuarlugit attarnaqtailivikhangit havagvingmi. Ikayuqatigiiktut munaqtiuqarialik inirnirnit angayukhiit iliharvingnit inulrammiit timinganit maniqhiyakhaat ikayuqhimalugillu ikayuqatigiit. Una nunguangani ublukhaat Qitiqqautiyuq 1, 2019 mi umiktukhaq.

Una takhihimayuq qunnialiuqtuq atanniqtuivingnit aittuqtauniaqtuq $1,000 taktakharnit, unalu iliharvingit/inulrammiit timingat aittuqtauniaqtut ilahimalugit $1,000! Una takhihimayuq itiutaa uuktuutiginiaqhimayangit uvunga Kaniitian Hilaryuatigut Inirutaat takhinahuarlutik ilaginahuarlugit hivulliqpaarmit takhihimayangit haffumani $2,000 unalu ilagihimayangit takhihimayangit iliharvikhanut/inulrammiit timinganillu! Naunaittiariangani nalunaitkutnut maliktakhait, maliguarutit, qanurlu turaarvigiyakhaat itiutaanit, pulaaqhimaluta   qunniarnaqtuq akiharnahuaqtut makpiraut ublumi.   .

Arliruhukhimalutit! Ihivriurlugit ilangit takhihimayunut  qunniarnaqtut aippaanganit t .
 
HAVAGVINGMI HIVUURANAQTAILINIANUT ILITTURVIKHAT (WHMIS) 2015 - PIGIAQALIQTUQ!
MALITTIARUNGNAQQIUK?

Ubluirvia 1, 2018 mi ublugaluangit Munaqhiliqiyit Kanata auladjutihimayangit haffumani WHIMIS 2015 malikhimayakhaat. Una tukiqaqhuni angiqhimayakhatit tamaita qayangnaqtuutigut tadja nalaumattiaqtumik nalunaitkutiqaliqtut attarnaiqtailinirnut naunaiyainikhanut titiqqangit. Uuminngattauq, havaktivut pigiaqaqhutik maliinnariaqaqhutik havakhutik ilihaqhimattiaqtukhat Qauyimayakhatit WSCC AKIITTUMIK ilihautivaktut qaritauyakkut WHMIS 2015, angmaumayut   Inuktitut,  Uiviititut unalu  Qablunaatitut


Una WHMIS ilihautikhaq ilaliutigiyangit ilitturvikhangit nutaamik nalunaitkutikhaat aallatqiinguyut hivuuranaqtumik, qanuq munariyakhaallu tutquumayakhaillu hunavaluit, Aanniqtailinikhainnut maligautaanit, unalu aallatqiit qayangnaqtunik. Havaktunut ilihaqtakhait naunaiqtakhaat tahapkuat hivuuranaqtunit ilihimayakhaallu munariyakhaat qayangnaqtumik.

Naunaittiarumaguvit ukunanngat WHMIS 2015, pulaarluta piutigiyavut WHMIS makpiraun tautuglugulu uvani avatikhat katilviuhimayuq ataaniittuq Inuktitut, Inuinnaqtun, Uiviititut, Qablunaatitullu :
*Ilihimayakhatit hamna akiittut ilihautikhangit angmaumainnaqhimayuq nunaqatigiiktunut Nunatsiaq Nunavunmilu.
UYARAQTARVIK KAMAYI ILITARIDJUTINIQ 
ILIHAUTINIQ UNALU UUKTUUTIGIYAKHAT QARITAUYAKKUQTUT!

Havaaqaqqit kamayinirnut uyaraqtarvik havaanut? Maligautainit kiuhimayangit tamaita kamayit ilitaridjutikhaqarialik, qanuq ilihaqhimalaaqqit unalu titiraqhimalugit uuktuutikhat ilihautiniq ilitaridjutikhaqariangani?

Atulihaaqhimayumi Qiqailruq, hamna titirainnarialik qaritauyakkut uyaraqtarvingmi uuktuutigiyakhaat, aimavingnit, havagvingnit iliharvingnilluuniit humiliqaak hilaryuarnit. Ilihautikhatit ilitturnaqhuni malikhimayatit attarnaqtailinirnut ikayuutaunnaqhunilu havaatigut ilitturyuummiriami kangiqhidjuhiat kiugialik maligautaanit.

Naunaiqtauyumavit? Qaritauyakkut titirarvigiluta qanuq ilittuqhimalugit piyumayangni; nalunaiqhimaniaqtavut ikayuutit angmaqhimagumi.
HIVUURANARNIQ
ANGMAUMAYUT WSCC IKAYUUTIKHAT

         
Angayaarnaqtuq nauhimayuq atuqhimayut maligautiqaraluaqtut ahivaqtauhimayut Kanatami 4 nit tatqiqhiutigut. Tuhagakhautihimagaluaqhuni tuhaqhimanngilruuliqtuq, taimaa hivuuranarniq, havagvingmi attarnaqtailinianut taimaa ihumagiyaulluaqhimayukhaq! Una WSCC ilittuquiyaatit huli ayurnanngittuq: ilvit havakhimalaaqqit?

Aanniqtailiniq inuit tamaita munariyaghaat: Havaktittiyit amiriyakhaqaqtut havaktit havagumanngitkumik qayangnaqarniqqata; unalu, havakatit munarigiaqaqhutik nalunaiqhihimayakhaat timiutigut unalu ihumatigut hivuuranarnit ihuiluutaulaaqtut ihumangit havattiaqhimayukhat ayurnaittumik.

Qauyimayakhatit, hivulliqpaami ablurvikhaat havaqatigiyangit attarnaqtailinirnut ilittiaqhimayukhat. 

Attarnaqtailinikkut titiqqangit hivunigiyangit aadjigiinngittunit hivuuranarniq angmaumayut uvani WSCC'p qaritauyakkut tukunnaqtunik, haniraaniittut maliktakhat uuktuutigiyangit aangayaarnaqtuq nauhimayuq.

Apiqquutiqaruvit haffumani havagvikpit munariyakhaat maligautaanit Havagviannit Aanniaqtailinirnut Attarnaqtailinianut Maliguarutit, hivayarluta uvani 1-800-661-0792.
AUPAYAANGAYUMIK ILUVRUAQTURNAQTUQ UPLUQ

Iidjirurvia 27 mi aupayaangayumik iluvruaqturnaqtuq upluq, hivituyumik ilitariyuummiqhimayut kitunuliqaak akhuurnahuaqpaktut nanguttailinahuaqhutik! Ilihimayatit hamna 40% inulrammiit ilitturviuvaktut qaritauyakkut nanguttiyunut , unalu ilittuqhimayut qaritauyakkut nanguttiyut malruiqtaqhutik inminiirumavaktut? Atanniqtuiviqanngittuq nanguttiyunut. 

Qaritauyakkut nanguttinahuapaktut, ahinit qailaaqhutik: havagvingmi, ulapqivingmi, inungnullu ilihimanngittatit.  

Ilittuffaarumaguvit, qiniqhiaguvit nalunaitkutikhanut ikayuutikhanut havagvingnut nanguttinahuaqtut, pulaaqhimalugu qaritauyakkut takugakhanmi ublumi.
wscc.nt.ca   /  1.800.661.0792   *   wscc.nu.ca  /  1.877.404.4407