ᕕᕝᕗᐊᕆ 2019                                                                  English français
ᑕᕐᕆᔮᒃᓴᓕᐅᕐᓂᕐᒧᑦ ᓵᓚᖃᕋᓱᐊᕐᓂᖅ 2019  
#focusonsafety (ᑐᕌᖓᓂᒃ  ᐊᑦᑕᓇᖅᑕᐃᓕᓂᕐᒧᑦ)

ᐱᓕᕆᖃᑎᖃᖅᑐᑎᑦ ᑲᓇᑕᒥ ᐱᓕᕆᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS), ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᓕᕆᑎᑦᑎᑲᓐᓂᖅᑐᑦ ᐊᕐᕌᒍᑕᒫᑦ ᑕᕐᕆᔭᓕᐅᓂᕐᒧᑦ ᐊᑭᑦᑐᕋᐅᑎᓂᕐᒧᑦ ᐃᓕᓐᓂᐊᕐᕕᐊᓗᓐᓂᑦ ᐃᓕᓐᓂᐊᖅᑎᓄᑦ ᐊᒻᒪ ᒪᒃᑯᑦᑐᓄᑦ ᑲᑐᔾᔨᖃᑎᒌᓄᑦ ᓄᓇᑦᓯᐊᒥ ᐊᒻᒪ ᓄᓇᕗᒻᒥ.

ᑕᒪᑐᒪᓂ ᐊᕐᕌᒍᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔪᒥᖅᓴᐃᔪᓐᓇᖅᑐᓂᑦ ᒪᒃᑯᑦᑐᑎᓐᓂᑦ ᐊᒻᒪ ᓯᕗᓂᔅᓴᒥ ᐃᖅᑲᓇᐃᔭᖅᑎᐅᓂᐊᖅᑐᑦ ᐊᑐᕐᓗᑎ ᐃᓱᒪᖅᓴᖅᓯᐅᕈᓘᔭᖅᑕᖏᓐᓂᑦ ᐊᒻᒪ ᖃᓄᖅᑑᕈᓐᓇᕐᓂᖏᑦ ᓴᖅᑭᑎᑦᑎᓗᑎ ᑕᕝᕙᑦᑕᐅᑎᒋᒥ, ᑎᑎᖅᑐᒐᖅᑕᐅᓯᒪᔪᓂᑦ ᑕᕐᕆᔭᒥᑦ, ᓄᖅᑲᖅᑎᑕᐅᓚᐅᖅᑐᑎᑦ ᐊᔾᔨᓕᐅᖅᑕᐅᖃᑦᑕᖅᑐᑦ ᐅᕝᕙᓘᓐᓃᑦ ᓂᕝᔭᐅᓯᔭᓂᕐᒧᑦ ᑕᕐᕆᔭᖅ ᖃᐅᔨᑎᑦᑎᒍᓐᓇᖅᑐᓂᑦ ᐊᒻᒪ ᐱᔪᒥᖅᓴᐃᓗᑎ ᐊᓯᖏᓐᓂᑦ ᒪᒃᑯᑦᑐᓂᑦ ᐅᑭᐅᑕᖅᑐᒥᐅᓂᑦ ᐃᓱᒪᒋᔭᖃᖁᓗᒋᑦ ᖃᓄᖅ ᐊᑦᑕᓇᐃᖅᓯᒪᔪᓐᓇᓂᕐᒧᑦ ᐃᖅᑲᓇᐃᔭᕐᕕᒻᒥᑦ. ᐊᑐᓂ ᐱᓕᕆᖃᑎᒌᑦᑐᑦ ᐱᖠᕆᑎᑦᑎᔨᖃᕆᐊᓖᑦ ᐃᓐᓇᕐᒥᑦ ᐃᓕᓐᓂᐊᕐᕕᐊᓗᒻᒥᑦ ᐅᕝᕙᓘᓐᓃᑦ ᒪᒃᑯᑦᑐᓄᑦ ᑲᑐᔾᔨᖃᑎᒌᒧᑦ ᑲᒪᔨᐅᓗᓂ ᐊᒻᒪ ᐃᑲᔪᕐᓗᓂ ᐱᓕᕆᖃᑎᒌᑦᑐᑦ. ᑐᓂᓯᔭᐅᒍᓐᓃᕐᕕᒋᓛᖅᑕᖓ ᓵᓚᒃᑲᕋᓱᐊᓂᕐᒧᑦ ᐃᐳᕈ 1, 2019.

ᓵᓚᒃᓴᖅᑐᖅ ᑕᕐᕆᔭᖅ ᐅᕙᒍᑦ ᒐᕙᒪᖃᕐᕕᒋᔭᖏᓐᓄᑦ ᐱᑎᑕᐅᓂᐊᖅᑐᖅ $1,000 ᐱᔾᔪᓯᐊᒥᑦ, ᐊᒻᒪ ᐃᓕᓐᓂᐊᕐᕕᖏᑦ/ᒪᒃᑯᑦᑐᑦ ᑲᑐᔾᔨᖃᑎᒌᖓ ᐱᑎᑕᐅᒃᑲᓂᕐᓂᐊᖅᑐᑦ $1,000! ᓵᓚᒃᓴᖅᑐᖅ ᐊᑭᑦᑐᕋᐅᑎᔪᓂᑦ ᐃᓚᒋᔭᐅᓕᓂᐊᖅᑐᖅ ᑲᓇᑕᒥ ᑕᕐᕆᔭᓕᐊᓄᑦ ᑭᖑᓪᓕᖅᐹᖏᓐᓄᑦ ᓵᓚᖃᖃᑕᐅᓇᓱᐊᕈᓐᓇᖅᑐᓂ ᓯᕗᓪᓕᖅᐹᖓᓄᑦ ᐱᔾᔪᓯᐊᖅ $2,000 ᐊᒻᒪ ᐊᔾᔨᓪᓗᐊᖓ ᐱᔾᔪᓯᐊᖅ ᐃᓕᓐᓂᐊᕐᕕᖏᓐᓄᑦ/ᒪᒃᑯᑦᑐᑦ ᖃᑐᔾᔨᖃᑎᒌᖓᓄᑦ! ᑐᑭᓯᒋᐊᒃᑲᓐᓂᕈᒪᒍᕕᑦ ᒪᓕᒐᖏᓐᓂ, ᒪᓕᑦᑕᐅᔭᕆᐊᓖᑦ, ᐊᒻᒪ ᖃᓄᖅ ᑐᓂᓯᕕᔅᓴᐅᓂᖓᓄᑦ ᓵᓚᒃᓴᕋᓱᐊᓂᕐᒧᑦ, ᖃᐅᔨᒋᐊᕐᕕᒋᒍᒃ   ᑕᕐᕆᔭᓄᑦ ᐊᑭᑦᑐᕋᐅᑎᓂᕐᒧᑦ ᒪᑉᐱᒐᖓ ᐅᓪᓗᒥ   .

ᑲᔪᖏᖅᓴᐃᒋᑦ! ᖃᐅᔨᒋᐊᒃᑭᑦ ᐃᓚᖏᑦ ᓵᓚᒃᓴᖅᓯᒪᔪᑦ ᑕᕐᕆᔭᐃᑦ ᐊᕐᕌᓂᓴᐃᑦ . 
ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ 2015 - ᓈᒻᒪᔅᓯᔪᖅ!
ᒪᓕᓐᓂᖃᕋᓗᐊᖅᑮᑦ?

ᑎᓯᐱᕆ 1, 2018 ᐅᓪᓘᓚᐅᖅᑐᖅ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑲᓇᑕᒥ ᑐᕌᒐᖃᖅᑎᑦᑎᓚᐅᖅᑐᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ 2015 ᒪᓕᓐᓂᕐᒧᑦ. ᑕᒪᓐᓇ ᑐᑭᖃᖅᑐᖅ ᓇᓗᓇᐃᕆᐊᖃᖅᑕᑎᑦ ᐊᑦᑕᓇᖅᑐᓕᒫᑦ ᓱᓇᒃᑯᑖᑦ ᒫᓐᓇ ᐊᒻᒪ ᐱᑦᑎᐊᖅᓯᒪᔪᓂᑦ ᑎᑎᕋᖅᓯᒪᔪᖃᕐᓗᒋᑦ ᐊᒻᒪ ᓱᓇᑯᑖᑦ ᐊᑦᑕᓇᐃᖅᓯᒪᓂᕐᒧᑦ ᑎᑎᕋᖅᓯᒪᔪᑦ. ᐊᒻᒪᓗᑦᑕᐅᖅ, ᐃᖅᑲᓇᐃᔭᖅᑎᓕᒫᑎᑦ ᐊᑕᖐᔪᒥᑦ ᒪᓕᓐᓂᖃᕐᓗᑎ ᐊᒻᒪ ᐃᓕᓐᓂᐊᖅᓯᒪᓗᑎ . ᐃᖅᑲᐅᒪᒋᑦ ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᑕᖃᖅᑎᑦᑎᔪᑦ ᐊᑭᖃᖏᑦᑐᒥ ᖃᕋᓴᐅᔭᒃᑯᑦ ᐃᕐᖏᓐᓈᕈᑎᒃᑯᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ 2015 ᖃᕋᓴᐅᔭᒃᑯᑦ ᐃᓕᓐᓂᐊᕕᕋᔅᓴᐃᑦ, ᐊᑐᐃᓐᓇᐅᔪᑦ  ᐃᓄᒃᑎᑐᑦ ,  ᐅᐃᕖᑎᑐᑦ ᐊᒻᒪ ᖃᓪᓗᓈᑎᑐᑦ.

ᑖᓐᓇ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ ᐃᓕᓐᓂᐊᑎᑦᑎᓂᖅ ᐱᖃᓯᐅᔾᔨᕗᖅ ᑐᑭᓯᒋᖃᕈᑎᔅᓴᓂᑦ ᓄᑖᓂ ᓇᓗᐃᒃᑯᑕᐅᔪᓂᑦ ᐊᔾᔨᒌᙱᑦᑐᓄᑦ ᐊᑦᑕᓇᖅᑐᓄᑦ, ᖃᓄᖅ ᑲᒪᒋᔭᕆᐊᖃᕐᓂᖏᓐᓂᒃ ᐊᒻᒪᓗ ᑐᖅᑯᖅᑕᐅᔭᕆᐊᖃᕐᓂᖏᑦ ᓱᓇᒃᑯᑖᑦ, ᑐᐊᕕᕐᓇᖅᑐᓕᕆᓂᕐᒧᑦ ᖃᓄᐃᓕᖓᓂᖏᑦ, ᐊᒻᒪᓗ ᓇᒦᓐᓂᖏᓐᓂᑦ ᐊᑦᑕᕐᓇᕐᓂᕆᔭᖏᑦ. ᐃᖅᑲᓇᐃᔭᖅᑎᐅᔪᑦ ᐃᓕᓐᓂᐊᖅᑎᑕᐅᔭᕆᐊᖃᖅᑯᑦ ᓇᓗᓇᐃᖅᓯᒍᓐᓇᓂᕐᒥᑦ ᑖᒃᑯᓂᖓ ᐊᑦᑕᕐᓇᖅᑐᓂᑦ ᐊᒻᒪᓗ ᖃᓄᖅ ᑲᒪᒋᔭᕆᐊᖃᕐᒪᖔᑕ ᐊᑦᑕᓇᙱᑐᒃᑯᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ 2015, ᖃᐅᔨᒋᐊᕐᕕᒋᓗᒍ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ ᒪᑉᐱᖅᑐᒐᖓ ᐊᒻᒪᓗ ᑕᑯᒋᐊᕐᓗᒋᑦ ᐃᑲᔪᕈᑎᔅᓴᐃᑦ ᓇᓗᓇᐃᖅᑕᐅᓯᒪᔪᑦ ᐊᑖᓂ, ᐊᑐᐃᓐᓇᐅᔪᑦ ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᐅᐃᕖᑎᑐᑦ, ᐊᒻᒪᓗ ᖃᓪᓗᓈᑎᑐᑦ :ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᐅᐃᕖᑎᑐᑦ, ᐊᒻᒪᓗ ᖃᓪᓗᓈᑎᑐᑦ
  • Guide for Employers and Workers (ᐊᑐᐊᒐᐃᑦ  ᐃᖅᑲᓇᐃᔭᖅᑎᑦᑎᔨᐅᔪᓄᑦ ᐊᒻᒪᓗ ᐃᖅᑲᓇᐃᔭᖅᑎᓄᑦ)
  • WHMIS Pictograms (ᐃᖅᑲᓇᐃᔭᕐᕕᖕᒧᑦ  ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ ᐊᔾᔨᙳᐊᖏᑦ)
  • Guide for Suppliers (ᐊᑐᐊᒐᐃᑦ  ᓱᓇᒃᑯᑖᖃᖅᑎᑦᑎᔨᓄᑦ)
  • Workplace Labels (ᐃᖅᑲᓇᐃᔭᕐᕕᐅᔪᓂᑦ  ᓇᓗᓇᐃᒃᑯᑕᐃᑦ)
  • Supplier Labels (ᓱᓇᒃᑯᑖᖃᖅᑎᑦᑎᔨᓄᑦ  ᓇᓗᓇᐃᒃᑯᑕᐃᑦ)
*ᖃᐅᔨᒪᔭᐅᔭᕆᐊᓕᒃ ᐊᑭᖃᖏᑦᑐᖅ ᐃᓕᓐᓂᐊᕐᓂᐅᔪᖅ ᐊᑐᐃᓐᓇᑐᐊᖑᔪᖅ ᓄᓇᑦᓯᐊᕐᒥᐅᑕᓄᑦ ᐊᒻᒪ ᓄᓇᕗᒻᒥᐅᑕᓄᑦ.
ᐅᔭᕋᓐᓂᐊᕕᒻᒥ ᑲᒪᔨᐅᓂᕐᒧᑦ ᓇᓗᓇᐃᒃᑯᑕᖅ 
ᐃᓕᓐᓂᐊᕋᔅᓴᖅ ᐊᒻᒪ ᖃᐅᔨᓴᖅᑕᐅᓂᐅᔪᑦ ᖃᕋᓴᐅᔭᒃᑯᑦ!

ᐃᖅᑲᓇᐃᔭᖃᑦᑕᖅᑮᑦ ᑲᒪᔨᐅᓪᓗᑎᑦ ᐅᔭᕋᓐᓂᐊᓂᕐᒥᑦ ᐱᓕᕆᓂᕐᒥᑦ? ᒪᓕᒐᐃᑦ ᐅᖃᖅᑐᑦ ᑲᒪᔨᓕᒫᑦ ᓇᓗᓇᐃᒃᑯᑎᖃᕐᓗᑎ, ᑕᐃᒪᓕ ᖃᓄᖅ ᐃᓕᓐᓂᐊᖅᑎᑕᐅᒍ_ᓇᖅᑭᑦ ᐊᒻᒪ ᑎᑎᕋᕐᓗᒋᑦ ᖃᐅᔨᓴᖅᑕᐅᔾᔪᑎᑎᑦ ᓇᓗᓇᐃᒃᑯᑎᑖᓂᐊᕐᓗᑎᑦ?

ᐱᒋᐊᕐᓂᖃᕐᓗᓂ ᒫᑦᓯ ᐱᒋᐊᕐᓂᖏᓐᓄᑦ, ᐅᔭᕋᓐᓂᐊᓂᕐᒧᑦ ᖃᐅᔨᓴᖅᑕᐅᔾᔪᑎᑎᑦ ᖃᕋᓴᐅᔭᒃᑯᑦ, ᐊᑲᕆᔭᕐᓂᑦ ᐊᖏᕋᓐᓂᑦ, ᐊᓪᓚᕕᒋᔭᕐᓂᑦ ᐅᕝᕙᓘᓐᓃᑦ ᐃᓕᓐᓂᐊᑎᑦᑎᕕᐅᔪᒥᑦ ᓇᒥᑐᐃᓐᓇᖅ ᓄᓇᓕᕐᔪᐊᑎᓐᓂᑦ. ᑖᔅᓱᒥᖓ ᐃᓕᓐᓂᐊᖃᑕᐅᓪᓗᑎᑦ ᑕᑯᔅᓴᐅᑎᑦᑎᔪᑎᑦ ᑲᔪᖏᖅᓯᒪᓂᕆᔭᐃᑦ ᐊᑦᑕᓇᐃᖅᓯᒪᓂᕐᒧᑦ ᐊᒻᒪ ᐱᐅᓯᑎᑦᑎᒋᐊᕈᓐᓇᖅᑐᖅ ᐃᕝᕕᑦ ᐃᖅᑲᓇᐃᔮᖓᓂᑦ ᑕᑯᔅᓴᐅᑎᑦᑎᓗᓂ ᑐᑭᓯᓯᒪᓂᕐᒧᑦ ᐱᑕᖃᕆᐊᖃᖅᑐᓂᑦ ᒪᓕᒐᖅᑎᒍ.

ᑐᑭᓯᐅᒪᑎᑕᐅᖏᓐᓇᕈᒪᕖᑦ ᑕᒪᑐᒪ ᒥᔅᓵᓄᑦ?  ᐅᕙᑦᑎᓐᓄᑦ ᖃᕈᓴᐅᔭᒃᑯᑦ ᑎᑎᕋᕆᑦ ᖃᐅᔨᑎᑎᒍᑦ ᐱᔪᒪᓂᕆᔭᕐᓂᑦ; ᐃᓕᓐᓂᑦ ᖃᐅᔨᒃᑲᐃᓂᐊᖅᑐᒍᑦ ᐱᔨᑦᑎᕈᑎᐅᔪᖅ ᑕᕝᕙᑦᑕᐅᑎᒋᐅᓕᕈᓂ.
ᓱᓐᓂᐅᒪᓂᖅ
ᐊᑐᐃᓐᓇᐅᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑭᓱᓕᕆᔾᔪᑏᑦ

         
ᐋᖓᔮᓇᖅᑐᖅ ᐊᑐᖅᑕᐅᑐᐃᓐᓇᖅᑐᓂ ᒪᓕᒐᕐᒥᑦ ᓯᖁᒥᑦᑎᓂᐅᒍᓐᓃᖅᑐᖅ ᑲᓇᑕᒥ ᑎᓴᒪᐅᓗᐊᕌᕐᔪᑦᑐᓂᑦ ᑕᖅᑭᓂᑦ. ᐱᕙᓪᓕᐊᔪᓕᕆᔨᐅᔪᑦ ᑕᑯᔅᓴᐅᑎᑦᑎᓗᐊᕈᓐᓃᕋᓗᐊᖅᑎᓪᓗᒋᑦ, ᓱᓐᓂᐅᒪᓂᖅ ᐊᖁᓐᓂᕐᒧᑦ, ᐃᖅᑲᓇᐃᔭᕐᕕᐅᔪᒥᑦ ᐊᑦᑕᓇᐃᖅᓯᒪᓂᖅ ᓯᕗᓪᓕᖅᐸᐅᔭᕆᐊᓕᒃ ᐃᓱᒪᒋᔭᐅᓗᓂ! ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᐃᑎᑦᑎᔪᒪᔪᑦ ᐃᓕᓐᓂᑦ ᑭᖑᓪᓕᖅᐹᖓᓂ ᐱᒡᒐᓇᖐᓇᖅᑐᖅ: ᖃᓄᐃᖏᓚᑏᑦ ᐃᖅᑲᓇᐃᔭᕐᓗᑎᑦ?

ᐊᑦᑕᓇᔾᔭᐃᕐᓯᒪᓂᖅ ᑭᒃᑯᑐᐃᓐᓇᑦᓯᐊᓄᑦ ᐃᑉᐱᒋᔭᒐᐅᕗᖅ: ᐃᖅᑲᓇᐃᔭᖅᑎᑦᑎᔪᑦ ᐱᓕᕆᐊᖃᕆᐊᓖᑦ ᐃᖅᑲᓇᐃᔭᖅᑎᐅᔪᖅ ᐱᓕᕆᐊᖃᖏᓪᓗᑎᑦ ᐱᓕᕆᐊᕆᔪᓐᓇᖏᑕᖏᓐᓂ ᐊᑦᑕᓇᖏᑦᑐᒥᑦ; ᐊᒻᒪ, ᐃᖅᑲᓇᐃᔭᖅᑐᑦ ᐱᓕᕆᐊᖃᕆᐊᖃᖅᑐᑎᑦ ᖃᐅᔨᑎᑦᑎᓗᑎ ᐃᖅᒻᑲᓴᐃᔭᖅᑎᑦᑎᔪᓂᑦ ᖃᐅᔨᒪᔭᐅᔪᓂᑦ ᑎᒥᒃᑯᑦ ᐊᒻᒪ ᓂᐊᖁᒃᑯᑦ ᓱᓐᓂᐅᒪᓂᖃᕐᓂᕐᒧᑦ ᐊᑦᑐᐃᓂᖃᕈᓐᓇᖅᑐᓂᑦ ᐱᓕᕆᐊᖃᕈᓐᓇᕐᓂᖏᓐᓄᑦ ᐊᑦᑕᓇᖏᑦᑐᒥᑦ.

ᐃᖅᑲᐃᑎᑦᑎᔾᔪᑎᑐᐃᓐᓇᖅ, ᓯᕗᓪᓕᖅᐹᖑᔪᖅ ᐃᖅᑲᓇᐃᔭᕐᓗᓂ ᐊᑦᑕᓇᖏᑦᑐᒥᑦ ᖃᐅᔨᒪᑎᑕᐅᓗᓂ

ᐊᑦᑕᓇᐃᖅᓯᒪᓂᕐᒧᑦ ᐅᖃᓕᒫᕐᕖᑦ ᐱᔾᔪᑎᖃᓗᐊᖅᑐᑦ ᐊᔾᔨᒌᖏᑦᑐᑦ ᓇᑭᓐᖔᖅᕕᖏᑦ ᓱᓐᓂᐅᒪᓂᕐᒧᑦ ᐊᑐᐃᓐᓇᐅᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᖓᒍᑦ, ᐱᖃᓯᐅᑎᓪᓗᑎᑦ ᒪᓕᒐᐃᑦ ᐊᑐᖅᑕᐅᓂᖏᓐᓄᑦ ᐋᖓᔮᓇᖅᑐᖅ.

ᑭᓱᑐᐃᓐᓇᕐᒥᑦ ᐊᐱᖅᑯᑎᔅᓴᖃᕈᕕᑦ ᐱᔾᔪᑎᖃᕐᑐᓂ ᐃᕝᕕᑦ ᐃᖅᑲᓇᐃᔭᕐᕕᖓᓂ ᑲᒪᒋᔭᐅᔭᕆᐊᓕᓐᓂᑦ ᐊᑖᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᑦᑕᐅᔭᕆᐊᓖᑦ, ᐅᕙᑦᑎᓐᓄᓂᑦ ᖃᐅᔨᒋᐊᕆᑦ ᐅᕙᓂ 1-800-661-0792.
ᐊᐅᐸᔮᖅᑐᖅ ᐅᕕᓂᕈᖅ ᐅᓪᓗᖓ

ᕕᕝᕗᐊᕆ 27 ᐊᐅᐸᔮᖅᑐᖅ ᐅᓪᓗᖓ, ᐅᓪᓘᔪᖅ ᐃᓕᓴᕆᔭᐅᓯᒪᑦᑎᐊᖅᑐᖅ ᐃᓄᓐᓄᑦ ᓈᒪᓴᖏᑦᑐᑎᑦ ᓲᖑᓴᖃᑦᑕᕐᓂᖅ! ᖃᐅᔨᒪᓐᓂᖅᑮᑦ  40% ᒪᒃᑯᑦᑐᐃᑦ ᖃᕋᓴᐅᔭᒃᑯᑦ ᓲᖑᓴᖅᑕᐅᖃᑦᑕᖅᓯᒪᔪᑦ , ᐊᒻᒪ ᑕᐃᒃᑯᐊ ᓲᖑᓴᖅᑕᐅᕙᑦᑐᑦ ᖃᕋᓴᐅᔭᒃᑯᑦ ᒪᕐᕈᐊᖅᑎᓗᐊᖅᑐᓂᑦ ᐃᓅᓯᕐᒥᓂᑦ ᑭᐱᓯᓇᓱᐊᕈᓐᓇᖅᑐᑦ? ᐱᐅᔪᓂᑦ ᐱᔾᔪᑎᑕᖃᖏᑦᑐᖅ ᓲᖑᓴᖃᑦᑕᓂᕐᒧᑦ. 

ᖃᕋᓴᐅᔭᒃᑯᑦ ᓲᖑᓴᖃᑦᑕᖅᑐᑦ ᖃᕋᓴᐅᔭᒃᑯᑦ, ᑭᓯᐊᓂ ᐊᒥᓱᓂᑦ ᓇᑭᓐᖔᕐᕕᖃᕈᓐᓇᖅᑐᖅ: ᐃᖅᑲᓇᐃᔭᕐᕕᐅᔪᒥᑦ, ᐱᓐᖑᐊᕐᕕᒃ, ᐅᕝᕙᓘᓐᓃᑦ ᐃᓄᐃᑦ ᖃᐅᔨᒪᖏᑕᑎᑦ. 

ᖃᐅᔨᒋᐊᒃᑲᓐᓂᕈᒪᒍᑯᑦ, ᐅᕝᕙᓘᓐᓃᑦ ᕿᓂᖅᑐᑎᑦ ᑭᓱᓕᕆᔾᔪᑎᓂᑦ ᐊᒻᒪ ᑐᑭᓯᒋᐊᕈᑎᓂᑦ ᐃᖅᑲᓇᐃᔭᕐᕕᒻᒥ ᓲᖑᓴᓂᕐᒧᑦ ᐅᕗᓐᖓᕆᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒃ ᐅᓪᓗᒥ.
wscc.nt.ca   /  1.800.661.0792   *   wscc.nu.ca  /  1.877.404.4407