Ebrill 2022 CROESO I'R GIG CYMRU CYLCHLYTHYR NYRSIO DIGIDOL Bydd y cylchlythyr hwn yn helpu i roi'r wybodaeth ddiweddaraf i randdeiliaid am safoni a digideiddio dogfennau nyrsio yng Nghymru, yn ogystal â diweddariadau ynghylch y cymwysiadau digidol y bydd nyrsio'n eu defnyddio. Dathlu blwyddyn o Gofnod Gofal Nyrsio Cymru

Dathlu blwyddyn o Gofnod Gofal Nyrsio Cymru  Myfyriodd Claire Bevan, Uwch Berchennog Cyfrifol ar y flwyddyn,   “Yn ystod y 12 mis diwethaf rydym wedi gwella ansawdd, diogelwch a phrofiad y cleifion sy’n cael eu derbyn i’n wardiau cleifion mewnol ar draws pum bwrdd iechyd ac Ymddiriedolaeth Felindre trwy weithredu WNCR. Mae hwn yn bwynt arwyddocaol yn hanes nyrsio wrth symud o gofnodi ar bapur i gofnodi’n ddigidol, gan wella cydymffurfiad a chyflawnrwydd ein hasesiadau o gleifion mewnol a dogfennaeth nyrsio trwy safoni a digideiddio gwybodaeth nyrsio. Mae gennym lawer mwy i'w wneud ac edrychwn ymlaen at y camau nesaf wrth i ni barhau i ddatblygu WNCR. Diolch i holl dîm y prosiect ac i bob aelod o staff sydd wedi cyfrannu at wneud hyn yn bosibl.”  Ychwanegodd Fran Beadle, Prif Swyddog Gwybodaeth Nyrsio Iechyd Digidol a Gofal Cymru,  “Mae’r flwyddyn ddiwethaf wedi mynd y tu hwnt i’n disgwyliadau gan ddangos sut mae nyrsys nid yn unig wedi addasu’n llwyddiannus i ffyrdd newydd o weithio ond hefyd wedi defnyddio’r data i gefnogi a gwella gofal cleifion a dinasyddion ledled Cymru. Rydym yn falch iawn.”

Mae Helen Thomas, Prif Swyddog Gweithredol Iechyd a Gofal Digidol Cymru, hefyd wrth ei bodd gyda'r gwaith o weithredu’r WNRC sydd wedi creu argraff a siaradodd â nyrsys tua diwedd 2021 ynglŷn â defnyddio'r system.     Calonogwyd Helen yn fawr i glywed adborth mor gadarnhaol a chyfeiriodd ato yn fideo diweddar dathlu blwyddyn Iechyd a Gofal Digidol Cymru. Gallwch ei gwylio isod yn trafod ennill gwobr WNCR a mwy.

Dathlu blwyddyn o Gofnod Gofal Nyrsio Cymru

Mae WNCR wedi cael effaith gadarnhaol ar draws GIG Cymru ac mae staff wedi bod yn barod i amlygu buddion a diolch yn eu hadborth:

Mandy Rayani BIP Hywel Dda - Cyfarwyddwr Nyrsio, Ansawdd a Phrofiad y Claf “Mae gweithredu a chyflwyno WNCR ar draws ein holl safleoedd o fewn y Bwrdd Iechyd yn gwneud gwahaniaeth gwirioneddol i staff a chleifion. Mae hon yn system sydd wir yn canolbwyntio ar y claf, sy'n galluogi nyrsys ac aelodau eraill o'r tîm amlddisgyblaethol sy'n gofalu am bobl i allu ymateb i anghenion gofal tra’n dangos tystiolaeth o'r gofal a ddarperir yn glir. Bellach mae’n dechnoleg ddigidol sydd wedi’i gwreiddio mewn ymarfer ac rydym bellach yn gofyn i’n hunain sut y gwnaethom ymdopi hebddi. Mae’r holl staff yn edrych ymlaen at ddatblygiad parhaus y system.”  Nicola Williams, Cyfarwyddwr Nyrsio, Gweithwyr Proffesiynol Perthynol i Iechyd (AHPs) a Gwyddonwyr Meddygol, Pencadlys Ymddiriedolaeth Gorfforaethol Felindre   Mae’r gwaith o ddigideiddio dogfennaeth nyrsio yn Felindre wedi’i groesawu gan yr holl staff, a chaniataodd y brwdfrydedd hwn i symud yn llwyddiannus o ddefnyddio papur i ddefnyddio technoleg ddigidol y gwanwyn diwethaf. Mae hyn yn bendant wedi rhyddhau amser nyrsio ac wedi gwneud eglurder, archwilio a sicrwydd yn llawer haws. Mae archwiliadau diweddar wedi amlygu gwelliant sylweddol yn ansawdd mewnbynnu data ers digideiddio asesiadau nyrsio. Mae tystiolaeth glir bellach bod yr asesiadau nyrsio cychwynnol yn cael eu cwblhau o fewn y 4 awr a dargedwyd ar ôl derbyn claf. Mae'r tîm yn Felindre yn awyddus i'r holl ddogfennaeth gael ei digideiddio cyn gynted â phosibl. Bydd hyn hefyd yn gwneud trosglwyddo gofal yn llawer mwy diogel a chyflymach.  Yn ogystal, mae rôl y Nyrs Glinigol Arbenigol wedi caniatáu i arsylwadau o’r system gael eu bwydo’n ôl yn hawdd i dîm Iechyd a Gofal Digidol Cymru, sydd wedi cynyddu hyder ein staff clinigol wrth drosglwyddo i system ddigidol ac mae wedi sicrhau bod eu lleisiau’n cael eu clywed.”  Greg Dix, Cyfarwyddwr Nyrsio Gweithredol Cwm Taf Morgannwg  “Treuliais gyfnod yn Ysbyty Cwm Cynon ac Ysbyty Cwm Rhondda rai wythnosau’n ôl ac yn ddieithriad, dywedodd pob Rheolwr Ward wrthyf fod y system ddigidol newydd wedi trawsnewid pethau iddyn nhw a’u timau gan ryddhau amser i ofalu, ond hefyd lefel y sicrwydd y mae'r system yn ei roi o safbwynt archwilio.   Rhaid i mi ychwanegu hefyd fy mod wedi treulio peth amser yn sgwrsio â gweithiwr cymorth gofal iechyd yn ei 40fed blwyddyn o wasanaeth ac yn ei geiriau ei hun, dywedodd ei bod “yn gwybod dim am gyfrifiaduron” ac roedd hi’n bryderus iawn cyn y dyddiad gweithredu. Daeth i'r amlwg bod yr hyfforddiant ardderchog a gafodd gan y tîm a'r gefnogaeth 1-1 wedi lleddfu ei phryderon yn llwyr ac mae hi wrth ei bodd â'r system ddigidol newydd!  Mae’n llwyddiant ysgubol i ni ac mae rhoi’r system ar waith yn Ysbyty Brenhinol Morgannwg yn mynd yn dda ac unwaith eto, mae’r adborth mor gadarnhaol gan staff.”  Gellir dod o hyd i ragor o adborth cadarnhaol gan nyrsys ar draws GIG Cymru yn y fideo isod.

Digwyddiadau Nyrsio Digidol yn arddangos cydweithio ar draws GIG Cymru  Mae Iechyd a Gofal Digidol Cymru wedi cynnal pedwar digwyddiad ymgysylltu nyrsio digidol llwyddiannus yn adrodd hanes Cofnod Gofal Nyrsio Cymru (WNCR).   Trefnwyd y digwyddiadau i ymgysylltu ag ystod o randdeiliaid i arddangos y swmp enfawr o waith a gyflawnwyd hyd yn hyn, ynghyd â datblygiadau a mewnwelediadau technegol yn y dyfodol i ddyluniad y system. Daeth nifer dda i’r digwyddiadau a chafwyd trafodaeth gyfoethog yn y sesiynau Holi ac Ateb byw a chyfraniad gan staff GIG Cymru o nifer o fyrddau iechyd ledled y wlad.  Roedd y digwyddiad cyntaf yn gyflwyniad i WNCR wedi'i gyfeirio at fyfyrwyr nyrsio a phrifysgolion ledled Cymru. Ffocws yr ail ddigwyddiad oedd uwch swyddogion gweithredol byrddau iechyd. Cwblhawyd y gyfres â sesiwn am ddatblygiad technegol ac arloesi, safoni dogfennaeth nyrsio a gweithredu WNCR.  Gellir dod o hyd i atebion i'r cwestiynau a ofynnwyd yn y digwyddiadau yma a gallwch wylio'r pedwar digwyddiad nyrsio ar ein sianel Youtube trwy ddilyn y dolenni isod 👇    Digwyddiadau ymgysylltu WNCR: Cyflwyniad i Gofnod Gofal Nyrsio Cymru ar gyfer myfyrwyr nyrsio- 03/04/2022    Digwyddiad Gweithredol Ymgysylltu WNCR: ysgogi ansawdd, sicrwydd, gwelliant a dysgu 10/03/2022    Digwyddiadau ymgysylltu WNCR: Datblygiad Technegol ac Arloesi 17/04/2022    Digwyddiadau ymgysylltu WNCR: Gweithredu a Safoni Dogfennaeth Nyrsio 24/03/2022

**Mynd yn fyw yr wythnos sy’n cychwyn 31/03/2022**

Beth sydd nesaf i WNCR?  Rydym yn gobeithio cyflwyno’r WNCR i bob bwrdd iechyd erbyn diwedd y flwyddyn hon.    Rhai camau nesaf yn y datblygiad:  Cyflwyno'r map technegol, wedi'i alinio â phensaernïaeth agored  Gweithredu’r WNCR yng Nghaerdydd a'r Fro a Bwrdd Iechyd Prifysgol Aneurin Bevan  Arweinyddiaeth Broffesiynol NMDCIAG, GWELLA AaGIC, FNF, Prif Swyddog Gwybodeg Nyrsio (CNIO), Nyrs Glinigol Arbenigol (CNS) - Fframwaith Sgiliau Digidol, MSc Sgiliau Digidol ar gyfer Gweithwyr Proffesiynol Iechyd a Gofal  Defnyddio data a gwybodaeth WNCR: llywio ymchwil a datblygu, ysgogi sicrwydd ansawdd, gwelliant a dysgu  Pontio Busnes Fel Arfer: Llywodraethu, ariannu a gweithrediadau  Safoni dogfennau nyrsio cyfran 4 Cam dau  Siart Cydbwysedd Bwyd a Hylif  Offeryn Cefnogi Penderfyniadau (DST)  Siart Ailosod  Siart Ysgarthion Bryste  Asesiad Estynedig Rheoli Heintiau  Cynlluniau Gofal  Bwndeli Mewnwythiennol a Chathetr  Cynllunio ar gyfer Rhyddhau  Asesiad Gofal y Geg  Dogfennaeth Diwedd Oes  Asesiad Eiddilwch  Gofal briwiau  Monitro Glwcos Gwaed

Mae timau Newid Busnes Iechyd a Gofal Digidol Cymru wedi bod yn allweddol i’r gwaith o weithredu’r system a byddant yn parhau i gefnogi wardiau GIG Cymru wrth iddynt droi’n ddigidol. Byddwn yn rhoi'r wybodaeth ddiweddaraf i chi am ba ddogfennaeth bellach fydd yn cael ei digideiddio nesaf ac fel arfer croesewir eich adborth.   Diolch i chi unwaith eto am fod mor hyblyg ac ystwyth yn y newid digidol hollbwysig hwn sydd ei angen ar gyfer GIG Cymru.

Awgrymiadau defnyddiol Cadwch lygad ar agor am eicon ar y chwith. Bydd hyn yn ymddangos ar eich bwrdd gwaith ac yn mynd â chi'n uniongyrchol i gymhwysiad Cofnod Gofal Nyrsio Cymru.

Mae Canolfan Hyfforddi Ar Alw bellach ar gael ar gyfer Cofnod Gofal Nyrsio Cymru lle gallwch ddod o hyd i fwy o arweiniad ac awgrymiadau defnyddiol.