Julai 2019                                                                    
Havaktighaqhiuqqit Ahinik Kaantulaaktimik?
Huuq titiraqaqtughauyutit Piinnarialiutinik

Taimaa, kaantulaaktiulluanguguvit, havaktighaqaruvit ahinit kaantulaaktinik kaantulaaktitauyuniklu, aghuurnaqpiaqtuq ilittuqhihimayaamik taimaa nanminiuyut havaktittiyatit titiraqtauhimayaamik WSCC-kunnit imaalu nakuunginnaqhutik. Piinnarialiutit titiqqat ilittuqhitiuyut taimaa kaantulaaktittiyat titiraqtauhimayaamik WSCC-kunnit imaalu akilihiurutinut naunaiqhitiviit akiliqtaghaillu nutaanguhimayut.

Kaantulaaktimik havaktighaqaruvit maliguanngittumik WSCC-kunnit, ilvit akiliquyauniaqtutit akiliqhimaittunik qauyihautinik havaavit ikayuutivillu mighaagut talvuuna kaantulaaktitauvingnit, kingulliqpaaq akiliqtaghaq akiliqtauhimataarumilu.

Nanminiit amiriyaamik ahinik akiliqtaghanit, piinnarialiutimik titiraqmik pilutit ikayuqtautinnatit ikayuqtautaaruvillu kaantulaaktimit. 

Piinnarialiutinik titiranigiamik - 
Imailiuqtughauyutit:

Havauhiq 1 - Havaktighanikkuvit Kaantulaaktimit
  • Tughiqlutit "Letter of Good Standing" (Titiraqmik Nakuunginnaqturiyumik) (piinnarialiutit) taimaa kaantulaaktit kaantulaaktitauyuqluuniit titiraqhimayaamingnik nakuunginnaqhutik.
  • Kayumitqiyauyuq ayuqnaitqiyaupluni qaritauyanut itiqtiriamik talvunga WSCC Connect naqillugu "Obtain a Clearance" (Piinnarialiutinik Pilutit). 
  • Tughiqtaaqhimaguvit Titiraqmik Nakuunginnaqturiyumik, WSCC Connect-kut atauttikkut tuyuqniaqtaatit titiraqmik qaritauyakkut iliqahiutilugu titiraq kaantulaaktim qanurininganianut.
Havauhiq 2 - Kaantulaaktitauyuq havaaghaq iniqtaugumi
  • Kingulliqpaaq akiliqtaghat tunitinnagu kaantulaaktimut, itiqtirlutit talvunga  WSCC Connect talvunngaulutit "Obtain a Clearance" (Piinnarialiutinik Pilutit) naqittautaanut tughiqlutit "Final Clearance Letter" (Kingulliqpaamik Piinnarialiutinik Titiraqmik).
  • Una titiraq annautigiyaghat akiliqtuqtaghanit qauyihautinillu tuniyauyughat kaantulaaktitauyunit nanminiriyallu imaalu kingulliqpaamik akiliqtaghamik akiliqtuinginnarialiutauyuq kaantulaaghimayumut. 
  • Kingulliqpaaq Piinnarialiutit TItiraq iniqtauniaqtuq pingahut havakviit upluit naatinnatik.
Kaantulaaktittiyara
kaantulaaktitauyuqluuniit
nakuunginnaukpat? 
 

Kaantulaaktitauyuq nakuunnginnaukpat, tuniyaulaaqtutit taapkuninnga "Ineligible Letter" (Ilaulaittaamingnik Titiraqmik) taapkuninngaluuniit "Do Not Release Letter" (Aniguqtittailiniqmut Titiraqhimayumik). Taimaa kaantulaaktitauyuq hivayaqtaghariyait WSCC-kut naunairiamik qanuriliuriaghainik taimaa atugaat naammainnariamik. Naunaiqhimaluhi taimaa Ataagut Havaktit Ikayuutainut Maligaq, nanminiuyuq akiliqhittailiinnarialgit avatquutiqaqqat qauyihautit akighainut. 

Kina hivayaqtaghara naunaittiarumaguma?

Havauhirnik naunaiqhiyaamik tughirainiqmut piinnarialiutinik qaritauyakkut takulugu ikayuutikput Ikayuutinut Makpiraaq.

Apiqhuutighaqaruvit piyaarnik Piinnarialiutinik Titiraqmik, hivayaqlugit Havaktighaliqiyit Ikayuqtiit.
Ingilrayunik Munaqtiuyuq
Aippaagunnguqtaqtumik havaktiuyut amiqhimaniit

Auyam tatqiqhiutait tikihimaliqmiyut, taimaa apqutinik ihuaqhaivaliqmiyut. Havakviit tamangnik puiguqtailihimayaghait havaktiit taimaa amirihimaqulugit aghaluutituqtillugit, ingattauyuq hannaviuyunit. Inuit tamangnik ihumagittiaqtaghaat ingilrayut munaqtiit ikkuaqtiuyullu, imaalu malittiariaghainik aghaluutituqtut maligainik.

Havakviit Atannguyaillu munaqtiuyut aghaluutituqtut munaqtiinik hapkuninnga tunihiyughat:
  • Atia hivayautaalu havakviit munaqtiuyut havakvingnik; 
  • Ilittuqhitinik havaktiinut;
  • Naunaitkutanik havaktiit himiqtuigaangamik;
  • Qanurittumik havaaghaqariaghait havakvingnit;
  • Qanurittunik ingilrutinik atuqtut, qanuqlu aulapkaqtauniariaghaat;
  • Qanurittunik aallanik aturiaqaqqat havakvianik kaantulaaktitauyunit apqutiturniqmullu; imaalu,
  • Qanurittumik PPE-nik (inungni aniktailinikmun atuktauvaktunik) ihariagivat avatiinut havakvighainiklu?
WSCC-kut makpiraangutilgit Maliktaghat Havauhirnut  taapkuninngalu Amiriyaghanut Naunaitkutat ilittuqhitiyunik havakvium, atannguyam, havaktiillu havaaghainik ingilrayut munaqtiit haniani. Ilihimaluhi, tamaffi havaaghaqaqtuhi havakvingnit aanniqtailiniqmut, ilauplunilu havaaghaqnut ilihimayaamik havaagharnik.
Pivighanit Naunaitkutit: Amiriyaghanut Naunaitkutaq

Amiriyaghanut Naunaitkutat atauhiuyuq malruuplutikluuniit titiranngullaaqtut PDF-nguyut naunaitkutalik kitunut aanniqtailiniqmut unipkaanik. Ilittuqhitivaktut amiriyaghanik havakvingnit, aanniqviginahuqquuqtunik, huliyaaghamiklu pittailiyaamik.

   

Malruuyut ihumagiyaghat amiriyaghanik naunaitkutaqariamik:
  1. Amiriyaghanut naunaitkutat pivighattianguyut unipkaaliriamik uplaami taapkuninnga Ingilrutiqarvik Uqaqtut! Havakviit tamangnik qakugunnguraangat unipkaarivaktaghait aanniqtailiniq, amiriyaghanullu naunaitkutat ingilrutauyut unipkaaqtaghanik.
  2. Nivinngainnarialgit hapkua naunaitkutat nanminivit naunaiqhitivianit. Iliuraiguvit naunaitkutanik inungnut takughauyunit ilittuqhitiulaaqtuq havakvingnut havaaghainik aanniqtailiniqmik havakvingnit.  
Takuinnarialgit titiraqhimayut unipkaaghat talvani Amiriyaghanut Naunaitkutat makpiraanit qaritauyakkuurutiptingnit. Titiraqaqtugut WSCC-kut Amiriyaghanut Naunaitkutainik, aajjikkutavyainiklu titiraqhimayunik ahinit. Takulugu makpiraaqqut uplumi takugiami tamangnik unipkaaghat ihuaqutauyut havakvingnut. Unipkaaghamik huittuqaqqat, kihimi ihuaqutauniaqqat havakvingnut, hivayaqluta .

Taapkua amiriyaghanut naunaitkutat pivighatqiuplutik unipkaaqtaghanut, ilitturinnattiaqtunik naunaitkutalgit unipkaaqtanut. Naunaiqhitittiarnik pivighanik unipkaanguyunut, takulugu makpiraangutivut Maliktaghat Havauhirnut makpiraaq.
HAVAKVIIT UMIGHIMAVIIT

WSCC-kut havakviit umighimaniat Niqiliqivingmi Civic Haalitiirvianit Hivulliunmi Niqiliqivik 5-mi. Havakviat angmatqigahuaq Aippiunmi, Niqiliqivik 6-mi, 8:30-mi uplaami.

Naunaiqhitiyaami aanniqtuqarluaqtumik havakvingnit huliyuqaqqalluuniit, hivayaqlugu 1-800-661-0792.

Naunaiqhitiyaami hivuuranaqtumik havaktunut, aturlugu Uqaqhimalugit Hivuuranaqtumik Havaktunut ikayuutit uvani WSCC Connect.
wscc.nt.ca   /  1.800.661.0792   *   wscc.nu.ca  /  1.877.404.4407