ᔫᓂ 2019                                                                    EnglishFrançais
2019 ᐅᔭᕋᖕᓂᐊᕐᕕᖕᒥᑦ ᐊᓐᓇᐅᒪᖅᓯᓂᕐᒧᑦ ᓵᓚᒃᓴᖃᑦᑕᐅᑎᓂᖅ
ᐊᒻᒪᓗ ᓵᓚᒃᓴᖅᑎᐅᓚᐅᖅᑐᑦ ᐅᑯᐅᖓᕗᑦ...

ᐅᔭᕋᖕᓂᐊᕐᕕᖕᒥᑦ ᐊᓐᓇᐅᒪᖅᓯᓂᕐᒧᑦ 2019 ᖃᓄᐃᓕᖓᓂᐅᔪᓂ ᑎᑭᑉᐳᑦ.

ᐊᕐᕌᒍᑕᒫᑦ ᐅᔭᕋᖕᓂᐊᕐᕕᖕᒥᑦ ᐊᓐᓇᐅᒪᖅᓯᓂᕐᒧᑦ ᓵᓚᖃᕋᓴᐅᕐᓂᐅᔪᒥᑦ ᓇᒃᓴᖅᐳᖅ ᐅᔭᕋᖕᓂᐊᕐᕕᖕᒥᑦ ᐊᓐᓇᐅᒪᖅᓯᓂᕐᒧᑦ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑐᓄᑦ ᑲᑎᑎᕆᔭᐅᕗᑦ ᐱᓕᒻᒪᒃᓴᕈᓐᓇᕐᓂᐊᕐᒪᑕ ᐱᓪᓚᕆᐅᔪᓂ ᐊᔪᙱᓐᓂᐅᔪᓄᑦ ᐊᒻᒪᓗ ᐃᓕᑦᑎᓗᑎᒃ ᐃᒻᒥᖕᓂᑦ. ᐊᒃᓱᕈᕐᓂᐅᔪᑦ ᐃᔾᔪᐊᖅᓯᕗᑦ ᐃᓅᓯᓪᓚᕆᐅᔪᒥᒃ ᐱᓂᕐᓗᕐᔪᐊᕐᓂᐅᔪᓂ ᐆᒃᑐᕋᙳᐊᖅᑐᓂᑦ, ᖃᐅᔨᓴᖅᖢᓂ ᑲᑎᙵᔪᐃᑦ ᐱᔪᓐᓇᕐᓂᖏᓐᓂ ᑲᒪᒋᔭᖃᕐᓂᕐᒧᑦ ᑕᐃᒃᑯᓂᖓ ᐃᓱᒪᒋᔭᒃᓴᐅᙱᑦᑐᓄᑦ ᐱᓂᐅᔪᓄᑦ ᑐᐊᕕᕐᓇᖅᑐᖃᖅᑎᓪᓗᒍ.

6 ᐅᔭᕋᖕᓂᐊᕐᕖᑦ ᓵᓚᖃᕋᓱᐊᓂᖃᓚᐅᖅᐳᑦ ᑲᑎᓪᓗᒍ 14−ᓂ ᐊᕕᒃᑐᖅᓯᒪᓂᐅᔪᓂ ᑕᐃᒎᓯᖓᓄᑦ ᐊᑕᖐᔪᒥᑦ ᓄᓇᐅᑉ ᖄᖓᓂ/ᓄᓇᐅᑉ ᐃᑭᖓᓂ ᓵᓚᖃᖅᑎᐅᓂᕐᒧᑦ.

2019 ᓵᓚᖃᖅᑎᐅᔪᑦ ᐅᑯᐊᖑᕗᑦ.. .

ᓵᓕᓐᓂᑦ ᐱᓕᕆᔨ
ᑯᕋᐃᒡ ᐋᑦᓯᐹᓪᑦ, ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ (Rio Tinto Ltd. [ᕇᐅ ᑎᓐᑐ ᑎᒥᖓᑦ])
ᓄᓇᐅᑉ ᖄᖓᓂ ᑐᐊᕕᕐᓇᖅᑐᓕᕆᔾᔪᑎ
ᐹᕕᓐᓛᓐ ᐅᔭᕋᓐᓂᐊᕐᕕᒃ (ᐹᕙᓐᓛᓐ ᓴᕕᒃᓴᕐᓯᐅᕐᑎᑦ ᑯᐊᐸᕇᓴᖓ)
ᓄᓇᐅᑉ ᐃᑭᖓᓂ ᑐᐊᕕᕐᓇᖅᑐᓕᕆᔾᔪᑎ
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ (Rio Tinto Ltd. [ᕇᐅ ᑎᓐᑐ ᑎᒥᖓᑦ])
ᓄᓇᐅᑉ ᖄᖓᓂ ᐊᑲᐅᔪᒥ ᐃᒃᓯᕙᐅᑕᑦ
ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ (De Beers Canada Inc. [ᑎ ᑕᐱᐅᔅᑯᓐᓂ ᑲᓇᑕᒥ ᑎᒥᖁᑎᖓ])
ᖃᑦᑎᕆᓂᖅ
ᐹᕕᓐᓛᓐ ᐅᔭᕋᓐᓂᐊᕐᕕᒃ (ᐹᕙᓐᓛᓐ ᓴᕕᒃᓴᕐᓯᐅᕐᑎᑦ ᑯᐊᐸᕇᓴᖓ)
ᓄᓇᐅᑉ ᖄᖓᓂ ᐊᑦᑐᓈᒧᑦ ᐃᓅᓕᒃᓯᒍᑏᑦ
ᐊᐳᖅᑎᓐᓈᖅᑐᒥᑦ ᒎᓗᒧᑦ ᐅᔭᕋᓐᓂᐊᕐᕕᒃ (Agnico Eagle Mines Ltd. [ᐋᒡᓃᑯ ᐄᒍ ᐅᔭᕋᓐᓂᐊᕐᕕᒃ ᑎᒥᖓᑦ])
ᓄᓇᐅᑉ ᐃᑭᖓᓂ ᐊᑦᑐᓈᒧᑦ ᐃᓅᓕᒃᓯᒍᑏᑦ-
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ (Rio Tinto Ltd. [ᕇᐅ ᑎᓐᑐ ᑎᒥᖓᑦ])
ᓄᓇᐅᑉ ᖄᖓᓂ ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᖅ
ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ (De Beers Canada Inc. [ᑎ ᑕᐱᐅᔅᑯᓐᓂ ᑲᓇᑕᒥ ᑎᒥᖁᑎᖓ])
ᓄᓇᐅᑉ ᐃᑭᖓᓂ ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᖅ ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ (Rio Tinto Ltd. [ᕇᐅ ᑎᓐᑐ ᑎᒥᖓᑦ])
ᓄᓇᐅᑉ ᖄᖓᓂ ᐳᔪᒧᑦ
ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ (De Beers Canada Inc. [ᑎ ᑕᐱᐅᔅᑯᓐᓂ ᑲᓇᑕᒥ ᑎᒥᖁᑎᖓ])
ᓄᓇᐅᑉ ᐃᑭᖓᓂ ᐳᔪᒧᑦ-
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ (Rio Tinto Ltd. [ᕇᐅ ᑎᓐᑐ ᑎᒥᖓᑦ])
ᓄᓇᐅᑉ ᐃᑭᖓᓂ ᓵᓕᓐᓂᑦ/ᐱᓕᕆᕝᕕᖕᒥ ᖃᐅᔨᓴᖅᑕᐅᓂᖅ-
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ (Rio Tinto Ltd. [ᕇᐅ ᑎᓐᑐ ᑎᒥᖓᑦ])
ᓄᓇᐅᑉ ᖄᖓᓂ ᐊᕝᕕᐊᕈᑕᐅᔪᑦ/ᒪᑐᓯᒪᔪᑦ
ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ (De Beers Canada Inc. [ᑎ ᑕᐱᐅᔅᑯᓐᓂ ᑲᓇᑕᒥ ᑎᒥᖁᑎᖓ])
ᓄᓇᐅᑉ ᐃᑭᖓᓂ ᐊᕝᕕᐊᕈᑕᐅᔪᑦ-
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ (Rio Tinto Ltd. [ᕇᐅ ᑎᓐᑐ ᑎᒥᖓᑦ])
ᐊᑕᖐᔪᒥᑦ ᓄᓇᐅᑉ ᖄᖓᓂ 
ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ (De Beers Canada Inc. [ᑎ ᑕᐱᐅᔅᑯᓐᓂ ᑲᓇᑕᒥ ᑎᒥᖁᑎᖓ])
ᐊᑕᖐᔪᖅ ᓄᓇᐅᑉ ᐃᑭᖓᓂ
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ (Rio Tinto Ltd. [ᕇᐅ ᑎᓐᑐ ᑎᒥᖓᑦ])

ᐊᖏᔪᐊᓗᖕᒥ ᐅᐱᓐᓇᖅᐳᓯ ᑕᒪᒃᑭᓄᑦ ᑲᑎᙵᓂᐅᔪᓄᑦ ᓵᓚᖃᕋᓱᐊᓚᐅᖅᑐᓄᑦ. ᐱᓕᕆᓂᕆᕙᒃᑕᓯ ᐱᒻᒪᕆᐅᕗᖅ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᔭᕋᖕᓂᐊᕐᓂᕐᒧᑦ ᓴᓇᔨᕐᔪᐊᓄᑦ, ᐊᒻᒪ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓇᓗᓇᐃᖅᓯᔪᒪᕗᑦ ᑕᒪᔅᓯᓐᓂᒃ ᐊᒃᓱᕈᖅᖢᓯ ᐱᓕᕆᓂᕆᕙᒃᑕᔅᓯᓐᓂ ᐊᒻᒪ ᑐᕌᖓᓂᖃᕐᓂᕐᒧᑦ ᐊᑦᑕᓇᔾᔭᐃᖅᓯᓯᒪᑦᑎᓂᕐᒧᑦ ᑕᐃᒃᑯᓄᖓ ᖃᓂᒋᔭᔅᓯᓐᓂ.

ᓂᕆᐅᒃᐳᒍ ᐃᓕᔅᓯᓐᓂ ᑕᑯᓂᐊᕐᓂᑦᑎᓐᓂᒃ ᐅᔭᕋᖕᓂᐊᕐᕕᖕᒥᑦ ᐊᓐᓇᐅᒪᖅᓯᓂᕐᒧᑦ 2020−ᒥ ᔫᓂ 6, 2020−ᒥ.

ᓴᓇᕐᕈᑎᒃᑯᕕᖕᒥ ᐅᖃᖃᑎᒌᓐᓃᑦ
ᓄᓇᕗᒻᒥ ᒐᕙᒪᒃᑯᖏᓐᓄᑦ ᐱᓇᓱᐊᕈᓯᖅ ᐊᒻᒪᓗ ᐃᖏᕐᕋᐃᓐᓇᖅᑐᒥ ᐊᑐᐃᓐᓇᐅᑎᑦᑎᔪᒥᒃ



ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᕐᒥ ᖁᕕᐊᓱᒍᑕᐅᓂᐅᔪᑦ ᐱᔭᕇᓪᓚᕆᒃᐳᑦ ᑭᓯᐊᓂ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ ᐃᖏᕐᕋᐃᓐᓇᕐᓂᐊᖅᐳᖅ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᒋᐊᓚᐅᖅᐳᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ ᐱᓇᓱᐊᕈᓯᖓᓂ 2019−ᒥ ᐱᒋᐊᖅᓯᓪᓗᑎᒃ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ 101−ᒥ ᑐᓂᓯᓂᕐᒧᑦ ᐃᖅᑲᓇᐃᔭᖅᑎᖁᑎᓕᖕᓂ ᐱᕕᒃᓴᖃᕐᓂᖏᓐᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᖃᐅᔨᓴᖅᑎᒥᒃ ᐳᓚᕋᕐᓂᖏᓐᓂ ᐃᑲᔪᕐᓂᕐᒧᑦ ᐸᕐᓇᐃᓂᕐᒧᑦ ᐊᒻᒪ ᑐᓂᓯᓂᕐᒧᑦ ᐋᖅᑭᒋᐊᖅᑕᐅᓯᒪᔪᒥ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᕐᒥ. ᐱᒋᐊᕐᓗᓂ ᒪᐃᒥ, ᐳᓚᕋᓚᐅᖅᐳᒍᑦ 30 ᐅᖓᑖᓂ ᐃᖅᑲᓇᐃᔭᖅᑎᖁᑎᓕᖕᓂ 6−ᓂ ᓄᓇᓕᐅᔪᓂ ᓄᓇᑦᓯᐊᕐᒥ ᐊᒻᒪ ᓄᓇᕗᒻᒥ ᐊᒻᒪ ᐱᔭᕇᓚᐅᖅᐳᑦ ᐱᓇᓱᐊᕈᓯᐅᓚᐅᖅᑐᒥ ᒐᕙᒪᐅᑉ ᐱᓇᓱᐊᕈᓯᖓᓐᓂ ᐱᓕᕆᖃᑎᖃᖅᖢᑎᒃ ᐊᔾᔨᒌᙱᕈᓘᔭᖅᑐᓂ ᐱᓕᕆᕝᕕᐅᔪᓂᑦ ᐃᓅᕕᖕᒥ, ᐃᖃᓗᐃᑦ, ᐊᒻᒪ ᔭᓗᓇᐃᕝᒥ.

ᖃᓄᕐᓕ ᑭᖑᓪᓕᕐᒥᑦ? ᐊᑐᐃᓐᓇᖃᖅᑎᑦᑎᓪᓚᕆᓕᖅᐳᒍᑦ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᕐᓂ ᐊᕐᕌᒍᓕᒫᒥ. ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᓴᖅᑎᒥᒃ ᐅᐸᖁᔨᒍᕕᑦ ᐃᖅᑲᓇᐃᔭᕐᕕᖕᓄᑦ ᐊᒻᒪ ᐅᖃᓪᓚᖕᓂᕐᒥ ᐊᑦᑕᓇᔾᔭᐃᖅᓯᒪᓂᕐᒧᑦ, ᖃᐅᔨᑎᑎᑕᐅᓗᑕ. ᑕᑯᒋᑦ ᖃᓄᐃᑦᑐᓂ ᐅᖃᐅᓯᒃᓴᓄᑦ ᓱᓇᒃᑯᑖᖃᕐᓂᑦᑎᓐᓂ , ᐊᒻᒪ ᖃᕋᓴᐅᔭᑎᒍᑦ ᑎᑎᕋᕐᕕᒋᑎᒍᑦ ᐃᓚᐅᖃᑕᐅᓂᕐᒧᑦ . ᐅᖃᓪᓚᖕᓂᖃᐃᓐᓇᕐᓂᖅ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖏᕐᕋᑏᓐᓇᓚᐅᕐᓚᕗᑦ − ᐃᑲᔫᑎᖃᑦᑎᐊᖅᑐᖅ!

2019 ᑲᑐᔾᔨᖃᑎᒌᖑᔪᑦ ᐃᖅᑲᓇᐃᔭᖅᑎᓄᑦ ᐊᑭᓕᖅᑕᐅᔾᔪᑎᑦ ᑲᑎᒪᔨᐅᔪᓄᑦ ᑲᓇᑕᒥ (AWCBC) ᐊᐅᓚᑕᐅᓂᖓᓄᑦ ᑲᑎᒪᕕᒡᔪᐊᓂᖅ
ᐃᓚᐃᓐᓈᖅᓯᙱᓐᓂᖅ: ᑭᐅᔾᔪᑎᖃᕐᓂᖅ ᑲᓇᑕᒥᐅᑕᓄᑦ ᓇᖕᒥᓂᖃᖃᑕᐅᔪᓄᑦ
 

ᐃᓚᐃᓐᓈᖅᓯᙱᓐᓂᖅ − ᒪᐃᑯᓪ ᐹᒃ − ᓂᐱᓕᐅᕆᓂᐅᔪᒧᑦ ᐱᓕᕆᐊᖑᔪᖅ ᐋᓕᓴᓐ ᒥᒃᕇᔅᒧᑦ ©

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐅᐱᒍᓱᓚᐅᖅᐳᑦ ᑲᒪᒋᔭᖃᕐᓂᕐᒥ 2019 ᑲᑐᔾᔨᖃᑎᒌᖑᔪᑦ ᐃᖅᑲᓇᐃᔭᖅᑎᓄᑦ ᐊᑭᓕᖅᑕᐅᔾᔪᑎᑦ ᑲᑎᒪᔨᐅᔪᓄᑦ ᑲᓇᑕᒥ (AWCBC) ᐊᐅᓚᑕᐅᓂᖓᓄᑦ ᑲᑎᒪᕕᒡᔪᐊᕐᓂᖓᓂ, 100−ᖓᓂ ᐊᕐᕌᒍᖓᓂ ᓇᓪᓕᐅᓐᓂᖅᓯᐅᕐᕕᖓᓐᓂ ᑲᑐᔾᔨᖃᑎᒌᖑᔪᑦ ᐃᖅᑲᓇᐃᔭᖅᑎᓄᑦ ᐊᑭᓕᖅᑕᐅᔾᔪᑎᑦ ᑲᑎᒪᔨᐅᔪᓄᑦ ᑲᓇᑕᒥ.

ᐅᓇ ᑲᑎᒪᓂᐅᔪᖅ ᑲᑎᑎᕆᕗᖅ ᑭᒡᒐᖅᑐᐃᔨᐅᔪᓂᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᑦ ᑲᑎᒪᔨᐅᔪᓂ ᑲᓇᑕᓕᒫᒥ ᐅᖃᐅᓯᖃᕐᓂᕐᒧᑦ ᐊᑐᖅᑕᐅᓂᐅᕙᒃᑐᓂ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ, ᐅᖃᐅᓯᖃᕐᓗᑎᒃ ᐊᒃᓱᕈᕈᑕᐅᔪᓂ ᐊᒻᒪ ᐃᓕᑦᑎᖃᑎᒌᒡᓗᑎᒃ ᖃᓄᖅ ᐱᐅᓂᖅᐹᒥᒃ ᑭᐅᓂᕐᒧᑦ ᐱᔭᕆᐊᖃᕐᓂᐅᔪᓂ ᑲᓇᑕᒥ ᐃᖅᑲᓇᐃᔭᖅᑎᓄᑦ ᐊᒻᒪ ᐃᖅᑲᓇᐃᔭᖅᑎᖁᑎᓕᖕᓄᑦ. 
ᐱᓕᕆᔾᔪᑎᒃᓴᑦ ᓯᕗᓂᒃᓴᒥ: ᒪᓕᒃᑕᐅᔭᕆᐊᓖᑦ ᐱᓕᕆᔾᔪᓰᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᕋᓴᐅᔭᑎᒍᑦ ᐃᑭᐊᕿᕕᖓ ᐅᖃᐅᓯᒃᓴᖃᕐᔪᐊᖅᐳᖅ ᐃᖅᑲᓇᐃᔭᖅᑎᓄᑦ, ᐃᖅᑲᓇᐃᔭᖅᑎᖁᑎᓕᖕᓄᑦ ᐊᒻᒪᓗ ᐃᓄᓕᒫᓄᑦ. ᐃᓕᖕᓂ ᐃᑲᔪᕐᓂᕐᒧᑦ ᕿᓂᖅᓴᕐᓂᕐᒧᑦ ᐅᑯᓂᖓ ᐃᑲᔪᕈᑎᒃᓴᐅᔪᓄᑦ, ᓇᓂᓯᓂᐊᖅᐳᑎᑦ ᑕᑯᒃᓴᐅᑎᑕᐅᓂᐅᔪᒥᒃ SafetyNet−ᒥ ᓇᓗᓇᐃᖅᓯᔪᒥᒃ ᐊᑕᐅᓯᕐᒥ ᐃᑲᔪᕈᑎᒃᓴᒥ ᑕᖅᑎᑕᒫᒥᒃ. ᑕᒪᑐᒪᓂ ᑕᖅᑭᐅᔪᒥ, ᑕᐅᑐᒃᑕᑐᐊᖃᑲᐃᓐᓇᕐᓂᖅ ᒪᓕᒋᐊᖃᖅᑐᑦ ᐱᓕᕆᔾᔪᓯᐅᔪᑦ.

ᖃᓄᐃᒻᒪᑦ ᕿᒥᕐᕈᓪᓗᐊᖅᐳᖓ ᒪᓕᒋᐊᖃᖅᑐᖅ ᐱᓕᕆᔾᔪᓯᐅᔪᓂᑦ? 

ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᑦ ᐊᐅᓚᑦᑎᔭᕆᐊᖃᖅᑎᓪᓗᒋᑦ ᐊᑦᑕᓇᔾᔭᐃᖅᓯᒪᓂᕐᒥ, ᓇᓗᓇᐃᒃᑯᑕᑦ ᐊᔪᕆᖅᓱᐃᓲᖑᕗᖅ ᖃᓄᖅ ᐱᓕᕆᔪᓐᓇᕐᓂᕐᓂ ᖃᓄᐃᑦᑑᓂᖓᓂ ᐅᖃᐅᓯᐅᓂᐅᔪᓂᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓇᓗᓇᐃᒃᑯᑦᑎᖅᑐᐃᓯᒪᕙᒃᑐᑦ ᒪᓕᒋᐊᖃᖅᑐᖅ ᐱᓕᕆᔾᔪᓯᐅᔪᓂᑦ ᓴᓇᔨᓄᑦ ᓇᓗᓇᐃᔭᑦᑎᐊᖅᓯᒪᔪᓂᒃ ᒪᓕᒃᑕᒃᓴᓂᒃ ᖃᓄᖅ ᐊᑐᓕᖅᑎᑦᑎᓇᔭᕐᒪᖔᑕ ᐱᐅᓂᖅᐹᒃᑯᑦ ᖃᓄᐃᓕᐅᕈᑎᒃᓴᓂᒃ ᒪᓕᒍᓐᓇᖁᓪᓗᒋᑦ ᒪᓕᒐᑎᒍᑦ ᖃᓄᐃᓕᐅᕈᑕᐅᔭᕆᐊᓕᖕᓂᒃ ᐅᑯᑎᒎᓇᖅ ᐊᑐᐃᓐᓇᐅᔪᓂᒃ ᐅᑯᓇᓂ. ᒪᓕᒋᐊᖃᖅᑐᑦ ᐱᓕᕆᔾᔪᓯᐅᔪᑦ ᐱᒻᒪᕆᐅᓪᓗᑎᒃ ᑎᑎᖅᑲᖁᑕᐅᕗᑦ ᓴᓇᓂᕐᒧᑦ ᐅᕝᕙᓘᓐᓃᑦ ᖃᐅᔨᓴᕐᓂᕐᒧᑦ ᓇᖕᒥᓂᕐᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᑐᐊᒐᕐᒥ ᓇᓗᓇᐃᖅᑕᐅᓯᒪᔪᓂ ᐅᖃᐅᓯᐅᓂᐅᔪᓄᑦ, ᑐᑭᓯᐅᒪᓂᕐᒧᑦ ᐱᓕᕆᐊᖕᓂᑦ ᐊᒻᒪᓗ ᑲᒪᒋᔭᕆᓗᓂᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ, ᐊᒻᒪᓗ ᓇᓗᓇᐃᖅᓯᓂᕐᒧᑦ ᑲᒪᔨᐅᔪᑦ ᐊᒻᒪᓗ ᐃᖅᑲᓇᐃᔭᖅᑎ, ᑭᐅᒪᓂᖏᓐᓂ ᐅᕝᕙᓘᓐᓃᑦ ᖄᖏᐅᔾᔨᓗᑎᒃ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᓂᑦ, ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓖᑦ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᓂᕆᐅᒋᔭᐅᓂᐅᔪᓂᑦ. ᐊᑐᓂ ᓇᓗᓇᐃᒃᑯᑕᖅ ᓇᓗᓇᐃᖅᓯᕗᖅ ᐱᒻᒪᕆᐅᔪᓂ ᐅᖃᐅᓯᒃᓴᓂ, ᐃᓚᖃᖅᑐᒥ:

  • ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᖅ ᐊᒻᒪᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓖᑦ, ᑐᕌᖓᖃᓯᐅᑎᔪᑦ ᒪᓕᒐᓕᐊᖑᔪᑦ ᐅᖃᐅᓯᐅᔪᓄᑦ;
  • ᐅᓗᕆᐊᓇᖅᑐᑦ ᐅᔾᔨᕈᓱᒋᐊᖃᖅᑐᓂ ᐱᔾᔪᑎᖃᖅᑐᒥ ᐅᖃᐅᓯᐅᓂᐅᔪᒥ ᓇᓗᓇᐃᒃᑯᑕᐅᔪᒥ;
  • ᐃᑲᔪᕈᑎᒃᓴᑦ ᐊᒻᒪ ᐊᑐᖅᑕᐅᔪᓐᓇᖅᑐᓂᒃ ᐃᑲᔪᖅᑐᐃᔾᔪᑎᓂᒃ ᐊᑐᓕᖅᑎᑦᑎᓂᕐᒧᑦ ᐊᑐᐊᒐᓂᑦ ᐊᒻᒪ ᐊᑐᖅᑕᐅᕙᒃᑐᓂ ᓇᖕᒥᓂᖅ ᐃᖅᑲᓇᐃᔭᕐᕕᖕᓂᑦ; ᐊᒻᒪᓗ,
     
  • ᐃᑲᔪᕈᑎᒃᓴᒃᑲᓐᓂᕐᓂ ᐊᒻᒪ ᖃᐅᔨᒋᐊᕐᕕᒃᓴᓄᑦ ᐅᖃᐅᓯᒃᓴᓂ ᖄᒃᑲᓐᓂᐊᒍᑦ ᐊᐱᖅᑯᑕᐅᑐᐃᓐᓇᕆᐊᓕᖕᓂ.
ᑕᒪᒃᑭᐅᒪᔪᒥᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓇᓗᓇᐃᒃᑯᑕᖏᓐᓂ ᓇᓂᓯᔪᓐᓇᖅᐳᑎᑦ ᖃᕋᓴᐅᔭᑎᒍᑦ ᒪᒃᐱᖅᑐᒐᑦᑎᓐᓂ. ᐅᓇ ᒪᒃᐱᖅᑐᒐᖅ ᓄᑖᙳᕆᐊᖅᑎᑕᐅᒐᔪᒃᐳᖅ ᓄᑖᓂᒃ ᒪᓕᒋᐊᖃᖅᑐᑦ ᐱᓕᕆᔾᔪᓯᐅᔪᓄᑦ, ᐊᒻᒪ ᖁᕝᕙᖅᓴᐃᓲᖑᕗᒍᑦ ᑕᒪᒃᑭᓂ ᓄᑖᓂᒃ ᓇᓗᓇᐃᒃᑯᑕᐅᔪᓂ ᕙᐃᔅᐳᒃᑯᑦ
ᐊᒻᒪᓗ ᑐᕕᑐᒃᑯᑦ ᒪᒃᐱᖅᑐᒐᓂ ᑎᑎᕋᖅᑕᐅᕙᓪᓕᐊᑎᓪᓗᒋᑦ. ᐊᐱᖅᑐᑎᒃᓴᖃᒃᑲᓐᓂᕈᕕᑦ, ᐅᕝᕙᓘᓐᓃᑦ ᐃᓕᑦᑎᒃᑲᓐᓂᕈᒪᒍᕕᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑲᔪᕈᑎᒃᓴᖏᓐᓂ, ᖃᐅᔨᒋᐊᕐᕕᒋᑎᒍᑦ .

















ᒪᒃᑯᒃᑐᑦ ᓴᓇᔨ ᐊᑦᑕᓇᔾᔭᐃᖅᓯᒪᓂᕐᒧᑦ ᓄᑖᙳᖅᑎᑕᐅᓯᒪᔪᖅ
ᐊᔪᙱᓐᓂᐅᔪᓄᑦ ᑲᓇᑕᒥ − ᒪᒃᑯᒃᑐᓄᑦ ᑕᕐᕆᔮᒃᓴᓕᐅᕐᓂᕐᒧᑦ ᓵᓚᖃᕋᓱᐊᕐᓂᖅ

ᐅᐱᕐᙶᖅ ᐱᓕᕆᐊᒃᓴᖃᕐᓂᐅᕗᖅ ᑕᒪᒃᑭᓄᑦ ᐊᔪᙱᓐᓂᐅᔪᓄᑦ ᑲᓇᑕᒥ ᑲᑎᙵᓂᐅᔪᓄᑦ ᓵᓚᖃᕋᓱᐊᖅᑎᓪᓗᒋᑦ ᑲᓇᑕᓕᒫᒥ ᐸᕐᓇᒃᑎᓪᓗᒋᑦ ᓵᓚᖃᕋᓱᐊᕐᓂᕐᒧᑦ ᑲᓇᑕᒥ ᐊᔪᙱᓐᓂᐅᔪᓄᑦ ᑲᓇᑕᒥ ᓵᓚᖃᕋᓴᐅᕐᓂᐅᔪᒥᑦ. ᑕᒪᑐᒪᓂ ᐊᕐᕌᒎᔪᒥ ᐅᓄᕐᓂᖅᓴᐅᔪᓂ 650−ᓂ ᐱᐅᓛᖑᔪᓂ ᐊᒻᒪ ᖃᐅᔨᒪᓛᖑᔪᓂ ᒪᒃᑯᒃᑐᓂ, ᑕᒪᒃᑭᑦ ᖁᑦᑎᒃᑐᒥ ᐃᓕᓐᓂᐊᕐᕕᓂ ᐊᒻᒪ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᐅᔪᓂ ᑭᒡᓕᐅᔪᓄᑦ, ᑲᑎᓚᐅᖅᐳᑦ ᕼᐋᓕᕚᒃᔅ ᓅᕙ ᔅᑰᓯᐊᒥ ᒪᐃ 28 ᐊᒻᒪ 29-ᒥ, 2019 ᑕᑯᒃᓴᐅᑎᑦᑎᓂᕐᒧᑦ ᐊᔪᙱᓐᓂᐅᔪᓄᑦ 44−ᓂ ᐊᔾᔨᒌᙱᑦᑐᓂ ᐃᖅᑲᓇᐃᔮᕆᔭᐅᔪᓄᑦ ᐊᒻᒪ ᓄᑖᙳᖅᐸᓪᓕᐊᓂᐅᔪᓂ ᓵᓚᖃᕋᓴᐅᕐᓂᐅᔪᓂᑦ, ᐃᓚᖃᖅᑐᒥ ᐊᔪᙱᓐᓂᖅ 92 - ᐃᖅᑲᓇᐃᔭᕐᕕᖕᒥ ᐊᑦᑕᓇᔾᔭᐃᖅᓯᒪᓂᖅ. ᑕᒪᒃᑭᑦ ᐱᖓᓱᓂ ᐅᑭᐅᖅᑕᖅᑐᒥ ᓵᓚᖃᕋᓱᐊᖅᑎᐅᔪᑦ ᑲᒪᓇᖅᑐᒥ ᐱᓕᕆᓂᖃᓚᐅᖅᐳᑦ ᔫᑳᓐ ᐱᓪᓗᓂ ᖃᑯᓪᓕᕐᒥ ᓴᕕᕋᔭᖕᒥ ᐊᒻᒪ ᓄᓇᑦᓯᐊᖅ ᖃᒻᒪ ᓄᓇᕗᑦ ᓇᖕᒥᓂᖅ ᐱᓕᕆᑦᑎᐊᕐᓂᖃᖅᖢᑎᒃ ᓴᙱᔪᒥᒃ ᓴᖅᑭᔮᕐᓂᐅᔪᒥᒃ. ᐊᐃᕙ ᕗᐊᑦ ᓯᒻᓯᓐ, ᓄᓇᑦᓯᐊᕐᒥ ᐊᒻᒪ ᑮᓂᐊ ᑎᑭᕋᕐᔪᐊᕐᒥᐅᑕᖅ, ᓄᓇᕗᒻᒥ ᐅᐱᐅᖅᑲᓪᓗᑎᒃ ᑭᒡᒐᖅᑐᐃᓚᐅᖅᐳᑦ ᒪᓕᒃᐸᓪᓕᐊᔪᓄᑦ ᐃᓄᖕᓄᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔨᒻᒪᕆᐅᔪᓄᑦ ᓄᓇᑦᓯᐊᕐᒥ ᐊᒻᒪ ᓄᓇᕗᒻᒥ ᐊᒻᒪ ᐅᐱᒃᑲᓐᓂᕈᓐᓇᙱᓚᒍᑦ.

ᖄᒃᑲᓐᓂᐊᒍᑦ ᐱᓕᕆᑦᑎᐊᕈᓐᓇᕐᓂᐅᔪᒥ ᐊᔪᙱᓐᓂᐅᔪᓄᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᐱᑉᐳᑦ ᐅᖃᕐᓂᕐᒧᑦ ᐱᖓᓱᓂ ᐃᓕᓐᓂᐊᖅᑎᓂᑦ ᓲᕐ ᔮᓐ ᕗᕌᒃᓚᓐ ᖁᑦᑎᖕᓂᖅᓴᒥᒃ ᐃᓕᓐᓂᐊᕐᕕᖕᒥ ᔭᓗᓇᐃᕝᒥ ᓵᓚᒃᓴᓚᐅᖅᐳᑦ ᓯᕗᓪᓕᖅᐸᐅᓪᓗᑎᒃ ᑲᓇᑕᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS) ᑲᓇᑐᓕᒫᒥᑦ ᒪᒃᑯᒃᑐᓄᑦ ᑕᕐᕆᔮᒃᓴᓕᐅᕐᓂᕐᒥ ᓵᓚᒃᓴᕋᓲᑎᒥᒃ ᑕᕐᕆᔭᓕᐊᒥᓄᑦ ᐃᖅᑲᓇᐃᔭᕐᕕᖕᒧᑦ ᐊᓕᐊᓇᖅᑐᒥ, ᑲᔪᖏᖅᓴᐃᓪᓗᑎᒃ ᒪᒃᑯᒃᑐᓂ ᐅᔾᔨᕈᓱᖕᓂᖏᓐᓂ ᐱᔪᓐᓇᐅᑎᖏᓐᓂ ᐃᖅᑲᓇᐃᔭᕐᕕᖕᒥ. ᐅᐱᓐᓇᕐᔪᐊᖅᐳᓯ ᐅᑯᐊ ᑲᑎᙵᓂᐅᔪᓄᑦ ᓯᕗᓂᒃᓴᒧᑦ ᐃᖅᑲᓇᐃᔭᖅᑎᐅᓛᖅᑐᓄᑦ, ᑕᑯᒃᓴᐅᑎᑦᑎᓯᒪᔪᓂ ᑐᑭᓯᓇᑦᑎᐊᖅᑐᒥ ᑐᑭᓯᐅᒪᓂᖏᓐᓂ ᐱᒻᒪᕆᐅᓂᖓᓂ ᖃᐅᔨᒪᓂᖏᓐᓂ ᐱᔪᓐᓇᐅᑎᖏᓐᓂ ᐃᖅᑲᓇᐃᔭᖅᑎᐅᓗᓂ! ᑕᑯᒋᐊᕈᒃ ᑕᕐᐱᔭᓕᐊᖓ ᐅᕙᓂ .


















ᐊᑐᐊᒐᐃᑦ ᐊᓯᔾᔨᕐᓂᖏᑦ

ᐊᐅᓚᑦᑎᓂᕐᒧᑦ ᑲᑎᒪᔩᑦ ᕿᒥᕐᕈᓚᐅᖅᑐᑦ ᐊᒻᒪ ᐊᖏᖅᓯᓪᓗᑎ ᐅᑯᓂᖓ ᐊᑐᐊᒐᕐᓂᑦ ᐊᒻᒪ ᐊᐅᓚᑦᑎᓂᕐᒧᑦ ᑲᑎᒪᔩᑦ ᑐᑭᒧᐊᕈᑎᖏᑦ ᔫᓂ 2019 ᑲᑎᒪᓂᖃᖅᑎᓪᓗᒋᑦ:
  • ᐊᑐᐊᒐᖅ 04.02, ᐃᓅᓕᓴᖅᑕᐅᓂᕐᒧᑦ ᐊᒻᒪᓗ ᑐᕌᖓᖃᓯᐅᑎᔪᑦ ᐊᑭᖏᑦ
  • ᐊᑐᐊᒐᖅ 04.04, ᐊᑐᐃᓐᓇᐅᑎᑕᐅᔪᑦ ᐊᒻᒪᓗ ᐊᓯᐊᒍᖔᖅ ᒪᒥᓴᐅᑏᑦ
  • ᐊᑐᐊᒐᖅ 04.07, ᐋᓐᓂᐊᖅᑐᓕᕆᔨᓄᑦ ᖃᐅᔨᓴᖅᑕᐅᓂᖅ
  • ᐊᑐᐊᒐᖅ 06.03, ᐋᖅᑭᑦᑕᐅᓂᖏᑦ ᐃᓕᓯᒪᐃᓐᓇᕐᓂᐊᖅᑐᓄᑦ ᐊᑭᓕᖅᑕᐅᔾᔪᑎᓄᑦ 
ᑕᑯᒋᐊᕐᓗᒍ ᑖᓐᓇ WSCC Policy Manual (ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᑐᐊᒐᖅᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ) ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᖁᑎᖏᓐᓂᒃ ᐅᕝᕙᓘᓐᓃᑦ ᑖᓐᓇ Governance Council Directives (ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ) ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦ ᑐᑭᒧᐊᕈᑎᓂ.
ᐊᒡᓚᒡᕕᑦ ᒪᑐᓯᒪᓂᖏᑦ

ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᒡᓚᒡᒐᖏᑦ ᒪᑐᓯᒪᓛᖅᑐᑦ ᑲᓇᑕᐅᑉ ᐅᓪᓗᖓᓂ ᓇᒡᒐᔾᔭᐅ ᔪᓚᐃ 1-ᒥ. ᐊᒡᓚᒡᐊᕕᒃ ᒪᑐᐃᒃᑲᓐᓂᓛᖅᑐᖅ ᐊᐃᑉᐹ, ᔪᓚᐃ 2-ᒥ 8:30 ᐅᓪᓛᒃᑯᑦ. ᓄᓇᕗᒻᒥ ᐊᒡᓚᒡᕕᕗᑦ ᒪᑐᓯᒪᓛᕐᒥᔪᖅ ᓄᓇᕗᑦ ᐅᓪᓗᖓᓂ ᐊᐃᑉᐹ ᔪᓚᐃ 9-ᒥ. ᐊᒡᓚᒡᕕᒃ ᒪᑐᐃᒃᑲᓐᓂᓛᖅᑐᖅ ᐱᖓᔪᐊᓂ ᔪᓚᐃ 10. 

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.
wscc.nt.ca   /  1.800.661.0792   *   wscc.nu.ca  /  1.877.404.4407