Ka Manaʻo A Ko HTA
Pelekikena A Luna Hoʻokele John De Fries
|
|
Hawaiʻi kuauli. (ʻŌlelo Noʻeau #501)
He manaʻo aloha no ka ʻāina uluwehi o Hawaiʻi Mokupuni.
|
|
ʻAkahi a hoʻolaha ka HTA i ka papahana hokona a hoʻonaʻauao ʻo Mālama Hawaiʻi. Kia kēia papahana i ka hoʻokaʻaʻike me nā malihini makaʻala, ka malihini hoʻi nona ka manaʻo hōʻihi i ka ʻāina hoʻokipa me ka ʻimi pū i nā hana hoʻoulu. He hoʻomanaʻo kēia ʻōlelo noʻeau i ke kuleana o kākou pākahi a pau, nā malihini me nā kamaʻāina pū kekahi, e mālama i kēia ʻāina uluwehiwehi.
|
|
Ka Papahana Hoʻokele HTA 2020-2025 |
|
KE KŪKULU WAIWAI KŪLOHELOHE |
|
Hāmama Hou Ke Alahele Wailele O Mānoa
ʻO ke alahele Wailele O Mānoa kekahi o nā alahele holo nui ʻia ma Hawaiʻi, a ua pāpā ʻia ka holo ʻana no ʻelua makahiki no ka hoʻoponopono ʻana i nā pōhaku hāʻule ma ke ala. Ua hāmama hou ia alahele ma ka lā 5 o Iune. Ma luna aʻe o ka hana hoʻopakele i nā pōhaku hāʻule, me ke kākoʻo kālā o HTA me ke Keʻena Alaloa Pekelala, ua hoʻoponopono ka papahana Nā Ala Hele o ka ʻOihana Kumuwaiwai ʻĀina i ke alahele: he hoʻākea, kūkulu alapiʻi, a hoʻoponopono i kahi e holo ai ka wai. Ua kūkulu pū ʻia nā kaunoʻo hoʻomaha me nā noho me nā hōʻailona hoʻonaʻauao. No ka ʻike hou, e kele aku iā: http://dlnr.hawaii.gov/blog/2021/06/01/nr21-105/
|
|
KE KŪKULU MOʻOMEHEU HAWAIʻI |
|
Mālama Kikohoʻe ʻIa Ka ʻAha Ka Huina A NaHHA
Eia Hawaiʻi, ka huina o ke ao – kahi e hui ai ka lani o luna me ka honua o lalo, ka hikina me ke komohana, ke ʻike kuʻuna a me ka nowelo o ke ao nei. He ʻaha ʻo Ka Huina kahi e kūkākūkā ai ka ʻAhahui Hoʻokipa ʻŌiwi Hawaiʻi i kahi e hui ai ke kaiāulu, ka moʻomeheu, ka ʻoihana hoʻokipa, a me ka mālama honua. Ma ka hana alu like pū me HTA, ua pau ʻekolu mokuna o Ka Huina i ka mālama ʻia i kēia makahiki. E mālama ʻia ana ka hope i kēia Poʻalima, pili i ka mālama ʻāina. E kāinoa no ka ʻaha a e nānā i nā mokuna i hala ma NaHHA.com/kahuina. |
|
Nā Papahana Mālama ʻĀina Hoʻokipa
Ua paʻa iho nei nā Papahana Mālama ʻĀina Hoʻokipa no Kauaʻi, Maui Nui, me Hawaiʻi mokupuni. Mau nō ka hoʻopaʻa ʻana i ko Oʻahu.
|
|
Ka Papahana Mālama ʻĀina Hoʻokipa Kauaʻi
Ua hoʻopuka ʻia ka papahana no Kauaʻi ma Pepeluali. Ke ʻimi nei ʻo HTA me ke alu like ʻana me ke kalana, Kauaʻi Visitors Bureau, me nā keʻena mokuʻāina like ʻole e hoʻoholomua i nā pahuhopu o ka papahana. Eia kekahi o nā pāhana e holo nei:
- Ua haku ʻo HTA, ke kalana, me KVB i kekahi pepelu pili i ka palekana. E kaʻakaʻahi ʻia ana ka pepelu i nā malihini hōʻea ma ke Kahua Mokulele o Līhuʻe.
- Ke hoʻolako nei ʻo HTA i ke kālā i ke kalana no kahi hale kūʻai a me nā hanana hoʻoulu pāʻoihana kamaʻāina ma Kauaʻi.
- Ke kākoʻo nei ʻo HTA i ka hana a ke kalana no ka hoʻonui i nā koho alakau no nā malihini ma waho aku o ka hoʻolimalima kaʻa.
|
|
Ka Papahana Mālama ʻĀina Hoʻokipa Maui Nui
Ua hoʻopuka ʻia ka papahana no Maui Nui ma Malaki. Ke hana alu like nei ʻo HTA me ke kalana, Maui Visitors & Convention Bureau, HVCB, a me nā keʻena mokuʻāina a pekelala no ka hoʻoholomua i nā pahuhopu me ka mālama pū i nā wahi pilikia i ke kaulana.
Maui
- E hoʻōla hou ana ʻo HVCB i ka polokalamu kelepona GoHawaii, me ke komo pū o nā manaʻo mai ka papahana.
- Ua hālāwai ʻo HTA me ke kalana, ke keʻena mākaʻi, ka ʻOihana Kumuwaiwai ʻĀina, ka Māhele Alaloa o ka ʻOihana Alakau, ka Pāka Aupuni o Haleakalā, me MVCB no ka hoʻoponopono koke i nā hihia malihini ma Hāna.
Lānaʻi
- Ke hoʻolako kālā nei ʻo HTA i ke kāleka Hoʻohiki Mālama Maui Nui no Lānaʻi.
- Ke kākoʻo nei ʻo HTA i ka hoʻokāʻoi i ka polokalamu kelepona Lānaʻi Guide. Ma ka hana alu like me Lānaʻi Culture and Heritage Center, e ulu ana ka nui o ka ʻike ma ka hōkeo, e like me kahi kūpono ʻole e holo ai ka malihini.
- E mālama ʻia he mīkini ʻikepili ma ke Kahua Mokulele o Lānaʻi, me ka mahalo iā MVCB.
Molokaʻi
- Ke hoʻolako kālā nei ʻo HTA i ke kāleka Hoʻohiki Mālama Maui Nui no Molokaʻi.
|
|
Ka Papahana Mālama ʻĀina Hoʻokipa Hawaiʻi Mokupuni
Ua hoʻopuka ʻia ka papahana no Hawaiʻi Mokupuni ma ʻApelila. I waena o ke kalana me Island of Hawaiʻi Visitors Bureau, ua hoʻoholo ʻia ʻekolu makakoho e mālama koke ʻia:
- E kōkua ke kālā HTA me ka hana ʻaha hoʻoponopono no nā nīnūnē ma Waipiʻo.
- Ma ka hana alu like ʻana me ka papahana Nā Ala Hele a ka ʻOihana Kumuwaiwai ʻĀina me Kupu, ke kākoʻo nei ʻo HTA i ka papahana hoʻokolohua ma Pololū, kahi e komo ai nā ʻelele kaiāulu ma ka haʻi moʻolelo no ka ʻāina, nuku i ka wā e pono ai, a kōkua i ka mālama palekana.
- Ke hālāwai nei ʻo HTA, ke kalana, me IHVB me ka ʻOihana ʻĀina Hoʻopulapula no ka hoʻoponopono i nā pilikia palekana ma Papakōlea me nā ʻāina e pili pū ana.
|
|
Ka Papahana Mālama ʻĀina Hoʻokipa Oʻahu
Kia ka manaʻo i ka ʻāpono ʻia o ka papahana Oʻahu ma ka hālāwai papa alakaʻi HTA ma Iulai.
|
|
Ka Hoʻoulu I Ka Mākaʻikaʻi Mahiʻai Ma Hawaiʻi |
|
|
|
Hawai‘i Farm Trails
Ua kākoʻo ʻo HTA i ke kūkulu ʻia o ka polokalamu kelepona Hawaiʻi Farm Trails i hoʻolaha ʻia ma ʻApelila. He polokalamu ia e hoʻolauna ʻia ke ao mahiʻai: hiki ke kipa i nā mahiʻai, kūʻai i nā hua, a lūlū paha no ke kanu i nā kumulāʻau. No ka ʻike hou a no ka hoʻāʻo i ka polokalamu, e ʻimi iā Hawaiʻi Farm Trails ma ka halekūʻai polokalamu o kāu kelepona.
|
|
|
Ka Mākaʻikaʻi Mahiʻai
Ma Mei, ua mākaʻikaʻi ko HTA a kipa i nā mahiʻai ma Hawaiʻi Mokupuni, Maui, me Oʻahu me ke kau pū mai o nā hoa pili i ka mahiʻai, ka ʻoihana mahiʻai, ke aupuni, a me nā ʻahahui hana ma ke ao hoʻokipa malihini a i ʻole ke ao mahiʻai. He ala ia mau mākaʻikaʻi ʻana e hoʻoulu i nā mākaʻikaʻi mahiʻai ma ia mau mokupuni.
|
|
|
Hawai‘i Visitors and Convention Bureau |
|
Mālama Hawai‘i
Ua hoʻomaka ka papahana Mālama Hawaiʻi ma Mei, ʻāwili pū ʻai me kekahi papahana hokona. Ua komo kokoke 100 pakanā ma ka ʻoihana hoʻokipa me nā ʻahahui kaiāulu kahi e huli ai ka lima malihini i lalo. Ke kia nei kēia papahana hokona i ka malihini makaʻala, ka malihini hoʻi nona ka manaʻo hōʻihi i ka ʻāina hoʻokipa me ka ʻimi pū i nā hana hoʻoulu.
I Mua Hawai‘i
Ua mālama ʻo Meet Hawaiʻi i ka ʻaha kikohoʻe ʻo I Mua Hawaiʻi no ka paipai iā Hawaiʻi i waena o nā mea hoʻolālā hālāwai he 58 i komo. Ua komo pū he 28 ʻoihana ma Hawaiʻi i ka hālāwai.
ʻAha Hoʻonaʻauao Kikohoʻe No Ka ʻOihana Mākaʻikaʻi: Mālama Hawaiʻi
Ua mālama ke kime ʻOihana Mākaʻikaʻi i ka ʻaha kikohoʻe ʻelua, ʻo Mālama Hawaiʻi, ma nā lā 12-13 o Mei me 32 ʻoihana ma Hawaiʻi, 2,200 lālā i kāinoa, me 1,486 mea komo ma nā lā ʻelua.
|
|
Mālama Hawaiʻi
Ua hoʻopuka ʻia ka paena pūnaewele Mālama Hawaiʻi a HTJ ( allhawaii.jp/malamahawaii) ma ka Lā Honua. Hōʻike ʻia ka mākaʻikaʻi mālama kuleana, ke Koi Aloha+, me nā kaiāulu a ʻahahui kamaʻāina. Na HTJ i unuhi i ka ʻikepili a pau i ka ʻŌlelo Kepanī.
Papahana Moʻomeheu
Ua hōʻikeʻike ʻia nā papahana moʻomeheu e like me ka Papahana Aloha ma ka ʻaha Ka Huina a NaHHA. Ke ʻimi mau nei ʻo HTJ i ka hoʻoikaika pilina me nā kaiāulu kamaʻāina.
Hoʻonaʻauao ʻOihana Mākaʻikaʻi
Ua mālama ʻia ʻekolu ʻaha kikohoʻe i waena o Malaki me Mei, me ke komo pū o ka 6,000 a ʻoi ʻākena a pakanā ʻoihana no ka hoʻonui ʻike no Hawaiʻi.
|
|
|
|
Hoʻonaʻauao ʻOihana Mākaʻikaʻi
Ua kaʻakaʻahi ʻo HTC i ka nūleka kūhapahā e hōʻike ana i ka papahana Mālama Hawaiʻi i ka ʻoihana mākaʻikaʻi o Kanakā. Ua paipai pū ia nūleka i nā lālā o ia ʻoihana e ʻimi i ka ʻāpono ʻia he Hawaiʻi Destination Specialist a me ka hoʻomaopopo pū iā HTC i ko lākou kūlana.
|
|
Hoʻonaʻauao ʻOihana Mākaʻikaʻi
Ke hoʻi hou nei ka hana a Visit USA ma Nūhōlani me Aotearoa. He lālā ʻo HTO o ke kōmike ma ia mau ʻāina ʻelua. Aia a hui kino hou nā ʻaha Visit USA ma Iulai, e komo ana ʻo HTO no ka hoʻonui ʻike i nā lālā ʻoihana no ka papahana Mālama Hawaiʻi.
|
|
|
|
Hoʻonaʻauao Malihini a ʻOihana Mākaʻikaʻi
Ua hoʻopuka ʻo HTK i ka nūleka ma Mei a kaʻana i ka ʻike no ka papahana Safe Travels o Hawaiʻi i nā mea heluhelu he 30,000 a ʻoi.
|
|
I loko o ka wā maʻi ahulau, ua hoʻonui ka māhele noiʻi o HTA i ka ʻike e kaʻana ʻia no ke kōkua i ka hoʻolālā no ka hoʻi hou o ka ʻoihana hoʻokipa. ʻO kekahi o nā hua hou a ka māhele noiʻi:
- Ke Au Manaʻo ʻĀina Hoʻokipa Kūpule no ʻAmelika, Iāpana, me Kanakā
- Ke Au Manaʻo ʻĀina Hoʻokipa Kūpule no ka māhele Malihini Makaʻala ma ʻAmelika
- Ke Anamanaʻo Huakaʻi Wā Maʻi Ahulau no ʻAmelika
- Nā Hōʻike ʻĀkena Huakaʻi no ʻAmelika, Iāpana, Kanakā, Kōlea, me Nūhōlani
- Nā Papa Kuhikuhi Symphony, me ke komo pū o ka ʻike malihini, kahi noho, me ka ʻike kuhikuhi no ka mokuʻāina a me kēlā me kēia kalana
|
|
Nā Kumuwaiwai Hoʻolālā Huakaʻi
|
|
Me Ka Mahalo A Ka ʻOhana HTA |
|
Keep in touch with HTA via social media: |
|
HTA recognizes the use of the 'okina ['] or glottal stop, one of the eight consonants of the (modern) Hawaiian language; and the kahakō [ō] or macron (e.g., in place names of Hawai'i such as Lāna'i). However, HTA respects the individual use of these markings for names of organizations and businesses. Due to technological limitations, this current communication
may not include all Hawaiian diacritical markings.
|
|
|
|
|
|
|
