E mālama i ka ʻōlelo, i kuleana e kipa mai ai.

Ma ka Hōʻike Holomua Kupulau o ke Keʻena Kuleana Hoʻokipa o Hawaiʻi 2023 i puka i kēia māhina, ua hoʻomaopopo ko ke Keʻena Kuleana Hoʻokipa o Hawaiʻi Pelekikena a Luna Hoʻokō John De Fries i nā mea hōʻea i ke kuleana ma ka hoʻokipa ma Hawaiʻi. Ua pā nō ka manaʻo o ka poʻe i ʻike i kona manaʻo, a ʻo ua kuleana nei ke kumu e mau nei ka poʻe o ke keʻena. He kuleana iā Hawaiʻi, ka home aloha e kūlia nei e ola ko Hawaiʻi me ka moʻomeheu e naʻauao nei no Hawaiʻi. ʻO ke kuleana ka mea e paʻa ai ka ʻohana a me ka poʻe e kākoʻo ana e hāpai ana i ka mākia ma ka hoʻonaʻauao ʻana i ko ke ao no ia mea he pono. ʻO ia ke kumu i paʻa ai nā manaʻo hoʻokele o ke Keʻena Kuleana Hoʻokipa o Hawaiʻi — nā kumuwaiwai ao kūlohelohe, moʻomeheu Hawaiʻi, ke kaiaulu, a me ka mālama alowelo. ʻO ke kuleana ka mea a John i hoʻolale ai. Pēlā nō hoʻi ka mea e ʻauamo ʻia.

Ma ka holo ʻana o ka Moʻolelo Holomua Kupulau, ua aloha ʻia he 270 lālā komo mai ʻō a ʻō o ka mokuʻāina, ʻo ia hoʻi nā mea kuleana o ka ʻoihana, nā ʻelele kau kānāwai, kiʻi maka nui, haumāna, a lālā kaiaulu i kūkā i nā ʻano kumuhana i pili i ka ʻoihana hoʻokipa a me ka ʻimi ʻana he ʻoihana mauō no ko Hawaiʻi i ka wā e hiki mai ana. Nui ko mākou mahalo i ka poʻe i komo a i kākoʻo i ka paʻa pono o ka hanana i ka wā hoʻi e ʻimi ʻia ana ka hoʻoikaika i nā hana Mālama Kuʻu Home. I mea e nānā ai i ka hōʻikeʻike a me ko John mau manaʻo, e kipa iā: www.hawaiitourismauthority.org/what-we-do/tools-resources/2023-spring-tourism-update/

Hāpai ʻia ka Mauō a me ka ʻOihana Hoʻokipa Mauō na nā Lālā Local2030 Islands Network

He hoa kākoʻo ke Keʻena Kuleana Hoʻokipa o Hawaiʻi o ka Local2030 Islands Network, ko ka poepoe honua kuʻikahi i alakaʻi ʻia na nā pae moku ma ka lapaʻau ʻana i ka mehana honua a mauō ma ka hāpai ʻana aʻe i ka United Nations’ Sustainable Development Goals. Ua hōʻike ko ke Keʻena Luna Hoʻokō Kālā Daniel Nāhoʻopiʻi i kona mau manaʻo wehena ma ka ʻoihana hoʻokipa mauō e ʻimi ʻia ana ma Hawaiʻi ma ka ʻaha mua loa o ke Kuʻikahi i mālama ʻia ma ke Kikowaena Hālāwai o Hawaiʻi mai nā lā 2-6 o ʻApelila. Ua ʻākoakoa nā alakaʻi a mea mākaukau mai ʻō a ʻō o ka poepoe honua e kūkā ai i ka mauō, ka hoʻoikaika aniau, a me nā papa hana e ʻimi ana he ʻoihana hoʻokele waiwai paʻa pono no Hawaiʻi a ma ʻō aku. E aʻo hou aku ma ka nānā ʻana i kēia moʻolelo KITV.

He Kālā ma lalo o ka Papa Hana Aloha ʻĀina

He māhele koʻikoʻi ka mālama ʻana i ko Hawaiʻi mau kumuwaiwai ao kūlohelohe o ka Papa Hana Kaʻakālai o ke Keʻena Kuleana Hoʻokipa o Hawaiʻi. Ma ka papa hana Aloha ʻĀina, kākoʻo ʻia ka hana a nā hui kaiaulu e mālama ana i ka ʻāina ma ka mokuʻāina. Hauʻoli mākou i ka hana pū me Hawaiʻi Community Foundation, ka mea nāna e hoʻokele ana i ka papa hana Aloha ʻĀina o kēia makahiki. He kālā no nā papa hana e hoʻokele, mālama, a e kahukahu ana i nā kumuwaiwai ao kūlohelohe o kēia mau pae moku. Ma waena o 1 Iulai, 2023 a me 30 Iune 2024 ka wā o nā papa hana ʻāina, i mea e koho ʻia ai. ʻO ka Poʻakahi, lā 24 o Mei ma ka hola 4 ʻaui. ka palena pau. No ka ʻike hou aku, e kipa iā hawaiicommunityfoundation.org/HTA.

Kipa ke Kime Keʻena Kuleana Hoʻokipa o Hawaiʻi no ka Pule Mele Manaka

I kinohi o kēia māhina, ua kō iho nei ka piha makahiki 60 o ka Mele Manaka e hāpai ana i ka hula ma ka poli aloha o Hilo. ʻO kekahi e komo pū ana ka lālā papa alakaʻi o ke Keʻena a kupa o ka moku o Keawe ʻo Mahina Paishon-Duarte, ko ke Keʻena Luna Alowelo Maka Casson-Fisher, a me nā ʻelele Hawaiʻi Mokupuni ka Manakia Wahi Huakaʻi ʻo Rachel Kaiama a me ka Luna Hoʻokele Hokona o ka Hawaiʻi Visitors Bureau ʻo Donna Kimura.

Ma ke komo ʻana i ka papa hana Pō Hōʻike, ua hōʻike ʻo Mahina no ke kūpaʻa o ke Keʻena i ka Mele Manaka he hua o ka mahalo i ka Pelekikena ʻAnakē Luana Kawelu a me ka hoʻoilina a kona makuahine, ʻAnakē Dottie Thompson, nāna i ʻimi i ke kahua e ola ai ka moʻomeheu Hawaiʻi ma o ka hula a me ka ʻike e pili pū ana. Hoʻomau ke Keʻena i ke kākoʻo i ka hoʻolele ʻia o ka Mele Manaka i kēlā me kēia makahiki e pili a e hoʻonaʻauao pū ʻia ai ke kaiaulu a mea kipa, me ke kahukahu pū i ka haʻaheo ma Hawaiʻi ma o ka hula.

I uka o ko ka Mele Manaka Kahua Hōʻikeʻike ʻo Edith Kanakaʻole, ua pili pū ke kime Keʻena me ke kaiaulu ma ke Kikowaena Kilo Hōkū ʻo ʻImiloa ma ka holo ʻana o ka pule, e kōkua ana ma ka ʻohe kāpala. Ma kona ʻano he hōʻike moʻolelo, pēlā ka hāpai ʻana o ke kime Keʻena no ka pilina i ka wahi a me ke kūpaʻa iā Hawaiʻi no ka wā e hiki mai ana.

“It was so nice to be in the community and see those with whom I’m kamaʻāina and new faces too, and be able to share about the programs we support at HTA that to some was new information and others, diving deeper into the issues that are unique to their island,” i ʻōlelo aku ai ʻo Maka, nāna i hoʻolaukaʻi i ka hanana kaiaulu ma ʻImiloa. “He leo mahalo nui kēia iā ʻImiloa — a huge mahalo to ʻImiloa for allowing us to be a part of their programming and sharing in the celebration of Merrie Monarch and our overall Hawaiian culture with and in Hilo.” 

He 150 a ʻoi mea noho a mea kipa i kū e walaʻau me ke kime.

"I felt participants welcomed the engagement in learning how the ʻohe kāpala activity connects us to the Hawaiian culture, to nature, to caring for our ʻāina and the people who live here, sharing a deeper understanding of mālama,” i ʻōlelo ai ko Hawaiʻi Mokupuni Manakia Wahi Huakaʻi ʻo Rachel Kaiama. “We were able to share about how we work with our partners and communities to address visitor impact on our precious and sacred places, and the sentiments shared by the community were of appreciation for the Hawai‘i Island Destination Management Action Plan progress, HTA, and our work together.”

Ma ka Pōʻaono, ua noho waha ʻōlelo ko ke Keʻena Ilihia Gionson ma ka Paikau Mele Manaka, ʻo ia ka waha ʻōlelo mua e hoʻokō i ia kuleana ma ka ʻōlelo Hawaiʻi a me ka Pelekānia. Ma waho aku o nā hoa nānā paikau ma ke alanui ʻo Kīlauea, ua eʻe pū mai he 12,000 kanaka ma ka pūnaewele.

Kūkala ʻia na ke Keʻena Kuleana Hoʻokipa o Hawaiʻi ka Papa Hana Kūkulu Ola E Kākoʻo Ana i ka Moʻomeheu Hawaiʻi

Ma o ka papa hana Kūkulu Ola, ke kākoʻo nei ke Keʻena i ka poʻe, wahi, a moʻomeheu Hawaiʻi. Ke paipai ʻia nei nā lālā kaiaulu, hui, a hui kū i ka ʻauhau ʻole e noi i kālā e hoʻoikaika a e hoʻomau ʻia ai ka moʻomeheu Hawaiʻi ma o nā papa hana e holo ana mai ka 1 Iulai, 2023 i ke 30 Iune, 2024. Ke hoʻokele ʻia nei ka papa hana Kūkulu Ola o kēia makahiki na ko mākou hoa kākoʻo ʻo Hawaiʻi Community Foundation. no nā mea hoihoi i ka ʻike no ka mākia o ke Keʻena, a pēlā pū ke ʻano e noi ai. ʻO ka Poʻakahi, 24 Mei i ka hola 4 ʻaui. ka palena pau e noi ai. No ka ʻike hou aku, e kipa iā hawaiicommunityfoundation.org/HTA.

E Lawe Pīlahi!

Ma ke ʻano he māhele o kā mākou kaʻakālai haʻuki i ka MH 2020, ua lilo ke Keʻena Kuleana Hoʻokipa o Hawaiʻi he hoa pāʻoihana kūhelu o ka Big West. E holo aku ana ka pilina no ka ʻekolu makahiki, ke kākoʻo aku nei ke Keʻena i ka ʻAha Big West no ka pōpaʻipaʻi kāne a me ka pōhīnaʻi wahine.

Hauʻoli ke Keʻena i ke kākoʻo i ko Ke Kulanui o Hawaiʻi ma Mānoa kime pōpaʻipaʻi kāne a me ka hoʻolako i ka lāʻī he peʻahi e peʻahi aku ai ke anaina nānā ma ka 2023 OUTRIGGER Big West Menʻs Volleyball Championship, i alakaʻi ʻia na ka pae moku ʻo Hawaiʻi, kahi i lei ai i ka lei o ka lanakila Big West Champs. Eia hou, ma kekahi pilina i paʻa me ka UH Alumni Association, ua kākoʻo ke Keʻena i ke Aloha Rally me Outrigger Resorts & Hotels no nā mea puka o Ke Kulanui o Hawaiʻi a me nā hoa Kapa Kai Komohana o Irvine, Kaleponi i ka 20 ʻApelila.

Ke hāpai aʻe nei mākou i ka leo kākoʻo i ke kime i ka holo ʻana i ka 2023 National Collegiate Men’s Volleyball Championship i ke kūpale i ke kūlana ma ka puni ʻelua o ka 4 Mei ma ka 1:30 ʻaui. HST. E hoʻolele ʻīwā ʻia ua puni ʻelua nei ma NCAA.com.

Ke ʻImi ʻIa Nei Nā Noi no ka Papa Hana Hoʻokolohua Hoʻokele ʻOihana Hoʻokipa o Maui Hikina

Ma lalo o kekahi hana pū ʻana a kālā hoʻolako ʻia na ke Keʻena Kuleana Hoʻokipa o Hawaiʻi, ke hana pū nei ka Maui Visitors Convention Bureau (MVCB) me nā mea noho o Maui Hikina ma ka hoʻomohala i ka Papa Hana Hoʻokolohua Hoʻokele ʻOihana Hoʻokipa o Maui Hikina. Ke ʻimi nei ka MVCB i nā noi mai ke kaiaulu o Maui Hikina no nā pāhana hou i kūkulu ʻia ma luna o ke kaiaulu e nānā ana i nā wahi hele nui ʻia e ka poʻe kipa — ke Kahawai ʻo Nāʻiliʻilihale (i kapa pū ʻia ʻo ka Nahele Bamboo), ka Wailele ʻo Waikamoi, Kaihalulu (i kapa pū ʻia ʻo ke Kahakai Red Sand), Waiʻoka (i kapa pū ʻia ʻo nā Loko Wai Venus), a me Honolewa (i kapa pū ʻia ʻo ka Wailele ʻo Wailua Hema). He hopena kēia papa hana hoʻokolohua o ka Papa Hana Hoʻokō Hoʻokele Wahi Huakaʻi Maui. E hoʻoili i ke noi ma http://hvcb.org/east-maui-tourism-management-rfp.

Hoʻolaha ʻia na ke Keʻena Kuleana Hoʻokipa o Hawaiʻi ka Papa Hana Hoʻonaʻauao Moʻomeheu Kaiaulu o Keaukaha

No ka nui ʻana aʻe o nā mea kipa iā Keaukaha, ua hōʻike ʻia na nā mea noho o laila ma kā lākou Papa Hana Hoʻokō Hoʻokele Wahi Huakaʻi o Hawaiʻi Mokupuni ke koʻikoʻi o ka lapaʻau i nā hopena e ili nei ma luna o ke kaiaulu ma o ka hoʻonaʻauao no ka ʻāina, moʻomeheu, moʻolelo, a kanaka. Ma ke kālā i hoʻolako ʻia na ke Keʻena Kuleana Hoʻokipa o Hawaiʻi a ma ka hana pū ʻana me ke Kalana o Hawaiʻi, ke ʻimi nei ka Island of Hawaiʻi Visitors Bureau i nā noi mai nā hui kū i ka ʻauhau ʻole ma ka hoʻomohala a hoʻokele he papa hana hoʻonaʻauao moʻomeheu kaiaulu ma Keaukaha e kōkua ai i ka mālama ʻia o nā kumuwaiwai moʻomeheu a ao kūlohelohe ma ka huakaʻi pono ʻana. ka palena pau. I mea e nānā ai i ke noi, e kipa iā https://www.hvcb.org/island-of-hawaii-dmap-rfp/.

Paipai ʻia nā Hui Kū i ka ʻAuhau ʻOle e Hoʻouna i nā Noi no nā Papa Hana Hoʻoikaika Kaiaulu a Hanana o ke Keʻena Kuleana Hoʻokipa o Hawaiʻi

Kākoʻo ko ke Keʻena Kuleana Hoʻokipa o Hawaiʻi mau papa hana Hoʻoikaika Kaiaulu a Hanana i nā papa hana kaiaulu e hoʻoikaika ana i ke noho ʻana o nā kamaʻāina a me ke kipa ʻana o nā malihini, a me nā hanana e kahukahu ana i ka hoʻomohala ʻoihana hoʻokele waiwai kūpono no ko Hawaiʻi mau kaiaulu. Ke hana pū nei mākou me ka Hawaiʻi Visitors and Convention Bureau, Island of Hawai‘i Visitors Bureau, Maui Visitors and Convention Bureau, O‘ahu Visitors Bureau, a me Kaua‘i Visitors Bureau i mea e hoʻokō ai i kēia mau papa hana ʻelua i kēia makahiki. E mālama ʻia nā hālāwai hoʻolauna no nā mea hoihoi ma ka Zoom ma ka Poʻahā, 4 Mei a me ka Poʻakahi, 8 Mei, ma ka hola 10 kak. ʻO ka palena pau no nā noi ka Poʻakahi, 22 Mei ma ka 4:30 ʻaui. No ka ʻike hou aku, e kipa iā hvcb.org/cep.

Global MCI

Launa Nā Hoʻolaukaʻi Hālāwai Ma Hawaiʻi Mokupuni

Ua komo ʻo Meet Hawaiʻi i ka ʻaha Meetings Today LIVE! i mālama ʻia ma Hilton Waikoloa Resort ma nā lā 19 a i ka 23 o ʻApelila. Ua komo piha he iwakālua a ʻoi hoʻolaukaʻi hālāwai a he ʻumikūmāwalu pakanā ʻoihana ma kēia papahana. Ua hōʻikeʻike ʻo Kainoa Daines no Meet Hawaiʻi no ka mōʻaukala, moʻomeheu, a ʻōlelo Hawaiʻi me ka nānā pū i ka papahana Mālama Hawaiʻi. Ua mahalo ʻia nā hoʻolaukaʻi hālāwai i komo i kēia papahana me ka ʻai hoʻonaʻauao pili i ke kūlana Certified Meeting Planner (CMP). Ma ka holo ʻana o ia ʻaha i hāpai ai ʻo Meet Hawaiʻi i nā kākoʻo like ʻole no nā hālāwai e hoihoi ana i ka hui ma ʻaneʻi. Ua ʻike kino pū ʻia ʻo Hawaiʻi Mokupuni ma ka huakaʻi i Puʻukoholā, i Waimea, i Hilo, a i Kīlauea.

Hawai‘i Tourism USA

He Papa Pūnaewele Ma Ka Hale Aliʻi ʻO ʻIolani

Ua mālama ke kime paikala a Hawaiʻi Tourism United States i papa pūnaewele no nā hoa pāpaho i mea e nui aʻe ai ka ʻike no ka moʻomeheu Hawaiʻi a me ke koʻikoʻi o ka hōʻike pono i ka moʻomeheu ma ka hana pāpaho. He pānela hoʻonaʻauao ia i lele ʻīwā mai ka Hale Aliʻi aku me ka nānā nui i ka hoʻoilina aliʻi, a me ke ʻano e hāpai ai ke mele a me ka hula i nā aliʻi a me nā moʻolelo aliʻi. ʻO Manu Boyd lāua ʻo Paula Akana nā hoa noho pānela i nānā i ke ola o ia hoʻoilina aliʻi i kēia lā, a me nā hanana o kēia au e like me ka hoʻolauleʻa Mele Manaka, a me ka hōʻike ʻia o ke kiʻi o ke aliʻi Liliʻuokalani ma ka National Portrait Gallery ma Washington, D.C. Ua nānā ʻīwā he 80 hoa pāpaho, a ua hoʻomalele ʻia ka wikiō i nā hoa pāpaho hou ma hope mai.

Komo nā ʻElele H.I.S. ma ko ka HTJ Huakaʻi Hoʻokamaʻāina Mālama Hawaiʻi

Ua mālama ko Hawaiʻi Tourism Japan (HTJ) he Huakaʻi Hoʻokamaʻāina Mālama Hawaiʻi (FAM) ma Oʻahu a ma ka mokupuni ʻo Hawaiʻi no ka 11 ʻelele mai ka hui huakaʻi H.I.S. mai ka 11-14 Malaki. Ua mālama ʻia he hana manawaleʻa ma ka loko iʻa ʻo Loko Waka ma Hilo, ka hekehi ʻana ma ka Pāka Aupuni ʻo Hawaiʻi Volcanoes, a me ke kipa ʻana i ke Kikowaena Kilo Hōkū ʻo ʻImiloa ma ka mokupuni ʻo Hawaiʻi. Ma Oʻahu, ua hana manawaleʻa ka poʻe ma nā hana aloha ʻāina ma ka Loko Iʻa ʻo Heʻeia me nā kiaʻi loko o Paepae o Heʻeia hoʻomaʻemaʻe pū i ke Ala Wai. He wā ka Huakaʻi Hoʻokamaʻāina e ʻike hou aku ai nā ʻelele H.I.S. he mea aʻo Mālama Hawaiʻi a me ka hoʻomohala i nā hua hou. 

Hoʻopuka ʻia na ko HTCAN nā Papa Hana Mālama Hawaiʻi me nā Hui Hoʻomākaʻikaʻi Nui

Ua hoʻopuka iho nei ko Hawaiʻi Tourism Canada (HTCAN) i ʻekolu papa hana me nā hui hoʻomākaʻikaʻi nui e hāpai ana iā Hawaiʻi, i mea e hoʻolale ʻia ai ka wā kāinoa hōkele no ka huakaʻi a komo ana i ke kau Kupulau. Kālele nā papa hana me WestJet Vacations, Air Canada Vacations, a me TravelBrands ma luna o ka ʻīkoi o Mālama Hawaiʻi e kia ana hoʻi i ka makakau mea kipa ma ke koʻikoʻi o ka mālama ʻana iā Hawaiʻi ma ka wā e kipa ana. 

Hōʻike ʻia ma ka papa hana WestJet nā wikiō Mālama Hawaiʻi e holo ana mai ʻApelila a me Mei ma ko ka hui mau mokulele a lumi hoʻolulu ma Calgary, Alberta. Hiki pū ke nānā ʻia nā wikiō ma kekahi paena no Hawaiʻi ma ke kahuapaʻa WestJet a ma ke Kānela YouTube o WestJet. Ke kaʻana pū nei ʻo WestJet iā Mālama Hawaiʻi ma nā nūleka a leka uila e loaʻa ai ka 2.9 miliona pā ʻana mai ʻō a ʻō o Kanakā.

Ua ʻāwili ʻo Air Canada Vacations iā Mālama Hawaiʻi ma ka pāpaho Air Canada a Air Canada Vacations a me nā hoʻolaulaha kūlelepaho, a pēlā hoʻi ma nā ʻeleweka a hōʻikeʻike lumi hoʻolulu mai ʻō a ʻō o Toronto, Ontario. Ke wānana ʻia nei ka loaʻa o ka 250,000 pā ʻana ma kēia papa hana nei ma waena o nā anaina ʻōlelo Pelekānia a Palani.

Ke hōʻike nei ʻo TravelBrands iā Mālama Hawaiʻi ma kona mau kahua huakaʻi a mea kūʻai a pēlā pū hoʻi nā kahua pāpaho kākoʻo e kālele ana hoʻi i ka hoʻonaʻauao. Ke wānana ʻia nei ka pā ʻana o ka 22,000 aʻoaʻo huakaʻi a me ka 450,000 lālā RedTag.com ma o ka hokona pololei ʻia ma The Weather Network — ko Kanakā kahua wānana anilā nui loa — i ka holo ʻana o ʻApelila a me Mei.

Kālele ka Hana We Are Explorers ma ka Mālama iā Hawaiʻi Mokupuni

I ka makahiki nei, ua hoʻokipa ʻia na ko Hawaiʻi Tourism Oceania (HTO) he kime paʻi wikiō o We Are Explorers ma Hawaiʻi Mokupuni, ʻo ia ke kahua mua o kekahi papa hana i hoʻopuka ʻia iho i kēia Kupulau. ʻO We Are Explorers ko Nūhōlani mea paʻi huakaʻi uila nui loa i kūkala ʻia ʻo ia ka “Publication of the Year” ma ka Mumbrella Awards 2022.

Ua hana ʻia e We Are Explorers he pūkaʻina wikiō pōkole a ʻatikala kākau e hōʻike ana i ka mokupuni ʻo Hawaiʻi he wahi huakaʻi kohu e kālele ana i ke aloha a hōʻihi i kona poʻe, moʻomeheu, a ao kūlohelohe. Aia nā moʻolelo ma ke kahuapaʻa We Are Explorers ʻo Hawaiʻi – We Are Explorers, a hiki ke kāinoa no nā hana ma o ko HTO hoa kākoʻo Flight Centre. Aia pū ma ka papa hana he huakaʻi i makana ʻia a me ka hana pū ʻana me nā mea hoʻopaipai kūlelepaho me Jackson Groves (@jackson.groves) a me Luke and Jess (@_aswewander).

Ua puka lanakila ka papa hana ma nā kahua We Are Explorers me ka 1.4 miliona pā ʻana a me ka 1 miliona kānaka i pā. Ua loaʻa he 187,000 pā ʻana, a he 17% a ma luna aʻe o ke ana i wānana ʻia.

Hoʻolālā ʻia na ko HTK He Huakaʻi Kolepa Kiʻi Maka Nui no ke Kānela YouTube Kolepa Kaulana

Ua ʻāpono ʻia iho nei na ko Hawaiʻi Tourism Korea (HTK) he papa hana YouTube Kolepa Kiʻi Maka Nui e kono ana i ke kime paʻi wikiō o ke kānela YouTube kaulana ʻo Gura’s Cuckoo Golf TV e hōʻike ai he huakaʻi kolepa i Hawaiʻi a me ka hana Mālama Hawaiʻi. Me ka loaʻa o ka 364,000 a ʻoi mea uhaiāholo, ʻo Gura’s Cuckoo Golf TV ko Kolea kānela YouTube kolepa nui loa. Ma ka huakaʻi kolepa, ua hoʻokūkū nā kiʻi maka nui Kolea ʻo Gura Kim and Nojoon Park me ʻelua mea malihini no Hawaiʻi. ʻOkoʻa kā Kim papa hana i nā papa hana kolepa maʻamau ma kona hōʻike ʻana i ka haʻuki ma kekahi kaila hoʻomākeʻaka e kū ana i ko Gura ʻano he mea hoʻomākeʻaka o Kolea. A pau ka hoʻokūkū kolepa, ua kipa nā kiʻi maka nui i ka ʻĀina Mahi ʻo Kualoa ma Oʻahu no kekahi hana manawaleʻa Mālama Hawaiʻi a hana ma kahakai ma ko ka ʻāina mahi Secret Island.

Mālama ʻia na ko HTC he ʻAina Awakea Kūkā Kamaʻilio e Kālele ana i ka Wehe Hou ʻia ʻAna o Kina

Ua mālama like ko Hawaiʻi Tourism China (HTC), ka Chinese Chamber of Commerce of Hawai‘i, a me ka Hawaiʻi Fujian Business Association i ka a “China Re-opening Industry Talk Story Luncheon” ma ka 8 Malaki ma ka Hale ʻAina ʻo Kapiʻolani Seafood ma Oʻahu. Penei ka poʻe i hōʻea: ko ka ʻAhaʻōlelo o Hawaiʻi Mokuʻāina Luna Hoʻomalu Kōmike ʻOihana Hoʻokipa o ka Hale Sean Quinlan, ʻElele Hale Daniel Holt, a me nā malihini kūikawā ʻo Wang Boming, ka luna hoʻomalu o ka Chinese Stock Exchange Executive Council a Caijing Media Group; Mike. Yue-Sai Kan, wahaʻōlelo a luna hoʻopuka kīwī host; a me nā mea kuleana o ka ʻoihana.