E like me kā HTA Papahana Hoʻokele me ka Papahana Mālama ʻĀina Hoʻokipa no Oʻahu, ʻo ka hoʻēmi ʻana i nā hopena hoʻokipa ma nā wahi kipa nui ʻia a puni o ka mokupuni he koʻikoʻi i ka mālama ʻana i nā kumuwaiwai kūlohelohe o Oʻahu me ka hoʻokāʻoi ʻana i ka nohona o nā kamaʻāina me nā malihini. I kēia manawa, hiki i nā malihini kūwaho ke hoʻopaʻa wā kipa i ke Kia Manaʻo Mokuʻāina o Lēʻahi a i 30 lā ma mua. He koina nā hoʻopaʻa wā pūnaewele no ke kipa ʻana i Lēʻahi no nā kanaka a pau i nele ka laikini kalaiwa kaʻa ma Hawaiʻi a i ʻole ka laikini mokuʻāina. ʻAe manuahi ʻia nā kamaʻāina i ka pāka i koe o ka wā paʻa. He noi kōkua i ke kaʻana ʻana aku i kēia nū hou me nā malihini kūwaho e kōkua i kā lākou hoʻolālā ʻana.

Ua kono ʻia ʻo Meet Hawaiʻi, kā HTA Pelekikena a Luna Hoʻokō Nui ʻo John De Fries a me nā alakaʻi ʻoihana e Sandra lāua ʻo Jerry Gibson, he mau kanaka hoʻokipa me ʻona o Sea Salts of Hawaiʻi, e aʻo hou aku e pili ana i kā lāua papahana hoʻihoʻi a me alu like me ka Papahana ʻŌpala Malina ʻo Papahānaumokuākea (PMDP). ʻO ka nuʻukia ʻo PMDP ka hoʻopalekana ʻana i nā holoholona lōhiu pīlahi me nā kaianoho koʻikoʻi o nā mokupuni Hawaiʻi Komohana ʻĀkau mai nā luahi o ka ʻōpala malina. Hana ʻo PMDP i nā keʻehina hana no ka hoʻohana hou ʻana i nā ʻōpala.

Ua mahalo pū ka hui e kipa aku me mau kanaka hana noʻeau i hoʻokiʻekiʻe i kā lākou mau hana loea i mālama ʻia ma nā mea hoʻohana hou ʻia. “He kuanaʻike kūpaianaha i ka nui ʻino o ka ʻōpala i ʻohi ʻia e hoʻopalekana i nā holoholona lōhiu me nā manu i nā mokupuni Hawaiʻi,” wahi a Adele Tasaka o Meet Hawaiʻi. Wahi a Debbie Hogan o ka Pulo Malihini o Hawaiʻi mokupuni, “ʻIke wau ʻo ka ʻikepili i hāpai ʻia he kōkua no kaʻu kaʻana ʻana i ka lehulehu i ke koʻikoʻi o ka maopopo pehea kākou e mālama mau i nā mokupuni.”

Ua kākoʻo ʻo Meet Hawaiʻi i hui kia ma ka EduCon a ka ʻAhahui Hoʻokele Hālāwai ʻOihana (PCMA) ma Nū ʻOlina i ka lā 7 o Iune. Ua hoʻokipa ke kime i 11 kanaka hoʻolālā hālāwai hui ʻia me ʻahahui nui. Ua kia ke alakaʻi i ke kūkā kamaʻilio ma ka papaha o Hawaiʻi kahi e mālama ʻia ana kā lākou mau hālāwai me hālāwai nui i ka wā e hiki mai ana. ʻO ia mau hālāwai kilo ʻia he mau hālāwai papa alakaʻi me 10 a i 20 kanaka hōʻea a i nā hālāwai nui me 7,000 kanaka hōʻea. ʻO ka mea nui, ua hōʻoia nā hoʻolālā i ke kia nui hou aku ma nā hana Kūpono Launa Hui ʻIa (CSR) ma kā lākou hālāwai hōʻea wahi. I ka hāpai ʻana i ka papahana ʻo Mālama Hawaiʻi, ua koʻikoʻi koke ia poʻomanaʻo no ke kūkā kamaʻilio ʻana. E kōkua ana ka ʻike mai ia kūkaʻi ʻana iā Meet Hawaiʻi me nā pakanā e hōʻaeʻae i kā lākou papahana ʻo Mālama Hawaiʻi ke koho ʻana i nā pāʻoihana wahi-hoʻokahi me puni kūlanakauhale.

Ua piha kēia makahiki he 50 o ka ʻAha Kūkā Hoʻonaʻauao Honua o Nā Hoʻolālā Hālāwai Kūwaho (MPI) i hoʻokipa ʻia e ke kūlanakauhale o Kapalakiko i nā lā 21 a i 23 o Iune. Ua komo pū ʻo Meet Hawaiʻi me ka hui pakanā ʻoihana ikaika i ka pule hoʻonaʻauao no nā hālāwai e hiki mai ana. Ua hoʻolako ke kime i nā hoʻolālā me nā nū hou no nā mokupuni Hawaiʻi a ua launa ma o ke kūlanakauhale, pani ʻia e ka loaʻa ʻana i ka ʻOlekona/Mokuna Aloha i ka Makana MPI RISE no nā hoʻokō lālā. Hoʻokiʻekiʻe ka Makana MPI RISE i nā lālā kaiāulu a puni o ka honua, e hoʻolauleʻa ʻana i ke ʻano alakaʻi, hopena a me hoʻokumu.

Ua hoʻohanohano ʻia ka ʻOihana Hoʻokipa Hawaiʻi USA (HTUSA) he Papa Alakaʻi ʻOihana Hoʻokipa U.S. kiʻekiʻe e hoʻolako ana i ke Kākoʻo Aʻoaʻo Huakaʻi ʻOi ʻoiai ua hoʻohanohano ʻia ʻo Hawaiʻi he wahi kipa me ka ʻoluʻolu kiʻekiʻe loa o nā mea kemu, USA/Kanaka, ma kā kēia makahiki mau makana Travel Age Komohana WAVE (ke Koho Kākāʻōlelo Komohana o ka Maikaʻi Loa).

Ua ʻoi aʻe kā HTAUSA hanohano i nā ʻoihana hokona wahi kipa me hoʻokipa, e like me ke Keʻena ʻOihana Hoʻokipa o ʻAlikona, ke Keʻena Kuleana Malihini me Hālāwai Nui o Las Vegas, Kipa Kaleponi a me Kipa Pololika. Ma ka mahele Wahi Kipa o ka hoʻokūkū, ua lanakila ʻo Hawaiʻi ma mua o Kaleponi, Pololika, Las Vegas a me Nūioka.

Ua mālama ʻia ka ʻaha makana i ka lā 9 o Iune ma Malina del Rey i Kaleponi.

Wahi a kā U.S. Travel Hōʻuluʻulu Lauana Kauwela, hoʻolālā ma ʻō aku o hapahā o ko ʻAmelika e hoʻolilo hou aku ma kā lākou mau pūʻulu kālā huakaʻi i kēia kauwela ke hoʻohālikelike ʻia me 2019 ma muli o ka piʻina kumukūʻai a me ke kālā i mālama ʻia. No ʻeono o 10 kānaka ʻAmelika, ua hoʻolālā lākou e huakaʻi aku i kēia kauwela - he piʻina mai ʻelima o 10 i ka makahiki aku nei – i loko nō o nā kumukūʻai kakalina kūhoʻe kiʻekiʻe. Nīnau ʻia kokoke ma Iune, he ʻeono o 10 (62%) malihini ʻAmelika i hōʻoia he makakoho hoʻolilo kālā he nui a lākou mai Iune a i ʻAukake.

Ma ke alu like me ka hui pāpaho ʻoihana ʻo Wing Travel, ua hoʻokele ka ʻOihana Hoʻokipa Hawaiʻi O Iāpana (HTJ) i ʻelua hālāwai pūnaewele i Iune i hoʻokahua ʻia ma ka manaʻo o ka hoʻokipa hoʻoulu hou. Ua kono pū ʻo HTJ i mau ʻelele mai ke Komikina Hoʻokipa Kanaka me ke Keʻena Kuleana Malihini o Palau – ke hana nei nā ʻoihana ʻelua i ke kūkohu hoʻokipa hoʻoulu hou e hoʻokāʻoi ana i ka ʻoluʻolu o ke kaiāulu - e kaʻana aku i i kā lākou mau hana ma ke kūkā kamaʻilio pānela hālāwai. Ua hoʻolako ʻikepili ʻo HTJ lāua ʻo HTA i nā mea komo hālāwai no nā Papahana Mālama ʻĀina Hoʻokipa e hoʻoholo ʻia nei ma nā mokupuni Hawaiʻi pākahi a pehea e hiki ai nā keʻena huakaʻi ke komo pū i Mālama Kuʻu Home. Ua komo ma kahi o 250 ʻākena huakaʻi me nā ʻoihana mālama ʻāina hoʻokipa i nā hālāwai.

ʻO ka makamua i ʻekolu makahiki, ua hoʻopuka aku nei ʻo Wing Travel i Pukana Hawaiʻi kūikawā o Wing Travel Weekly. Ua hoʻolaha ʻia ka pūkana Mālama Hawaiʻi ma o ka paʻi ʻia me ka pūnaewele, a me nā lālā Wing Travel, e ʻike ʻia ana ka mea paʻi ʻia e 40,000 i kēlā me kēia mahina. Ua kia nā ʻatikala ma ka hālāwai Iāpana, ma kā Hawaiʻi ʻūniu ʻana i ka hoʻokipa hoʻoulu hou, a me nā hana a HTA i ka wā e hiki mai ana.

Ua ʻāpono ʻo HTJ i kā 7-Eleven Pea Hawaiʻi, i mālama ʻia ma 22,000 o ko ka pāʻoihana mau hale kūʻai ma Iāpana i nā lā 5 a i 21 o Iune. Ua hoʻolako ka pea i hoʻāʻo maikaʻi e hoʻonui i ko Hawaiʻi ʻike ʻia ʻoiai e hoʻomaka mālie hou ana nā huakaʻi kūwaho. Ma ka pea, ua hoʻokiʻekiʻe ʻia he 13 papa kuhikuhi meaʻai ʻāpono ʻia me ke ʻano Hawaiʻi i mau hoʻolaha kīwī (he ma ʻō aku o 125,731,400 ka nui o ke anaina), ma o ka pūnaewele me kā 7-Eleven mau moʻokāki kūlelepaho me ka huina he ma ʻō aku o 5.3 miliona kānaka hāhai. Ua hoʻokelakela pū ʻia nā hōʻike pili i Hawaiʻi i loko a i waho o nā hale kūʻai 7-Eleven.

ʻO Baskin-Robbins, kapa maʻamau ʻia ma Iāpana ʻo “31” no nā ʻono ʻaikalima he 31, e hoʻopuka ana i mau mea me ʻono hou i nā mahina pākahi. I Iune, ua kākoʻo ʻo HTJ i ʻehā ʻono Hawaiʻi ma ka pea Baskin-Robbins kūikawā ma 1,800 hale kūʻai ma o Iāpana. Ua hoʻolauna ʻia nā ʻono hou i paipai ʻia e Hawaiʻi ma kā Baskin-Robbins lawelawe kūlelepaho me kahuapaʻa. Ua hana pū ʻo HTJ i hanana haʻawina makana i loaʻa mai ma ʻō aku o 6,000 mea komo.

Ua mālama ʻo HTJ i kāna Hālāwai Nuʻu Iāpana he makamua i ʻekolu makahiki, i nā lā 6 a i 8 o Iune, ma Oʻahu. Ua hōʻea he 58 ʻākena huakaʻi mai 20 ʻoihana Iāpana, he 60 ʻākena mai nā keʻena huakaʻi ma Hawaiʻi, ma kahi o 100 ʻelele no 50 ʻoihana pakanā ma Hawaiʻi, a me ʻehā ʻelele pāpaho ʻoihana. ʻO ke kumu o ka hālāwai nuʻu ka hoʻolako i nā nū hou ma ke kūlana o ka mākeke Iāpana nei, e hoʻonaʻauao i nā mea komo no nā hana Mālama Hawaiʻi, a e mālama i nā hoʻāʻo hālāwai ma waena o nā pakanā me nā ʻākena huakaʻi. Ma ka huina, ua mālama ʻia he 379 B2B hālāwai a ma kahi o 60 ʻākena huakaʻi i komo ma nā aʻoaʻo ʻōlelo Hawaiʻi, nā hālāwai hoʻonaʻauao moʻomeheu Hawaiʻi a me nā ʻikena Mālama Hawaiʻi. Ua maikaʻi loa ia Hālāwai Nuʻu Iāpana wahi a nā ʻākena i hōʻea a wahi a lākou ua kupu mai he mau manaʻo no nā huakaʻi hoʻonaʻauao i ka wā e hiki mai ana me ka hoʻomōhala huahana ʻana.

Ua hōʻea ka ʻOihana Hoʻokipa Hawaiʻi O Kanaka (HTCAN) i ka ʻaha kūkā ʻAhahui Pāpaho Huakaʻi o Kanaka (TMAC) ma Yarmouth, Nova Scotia, mai nā lā 22 a i 26 o Iune. Na Samantha Carreira, he Manakia ʻOialaulaha no HTCAN, i mālama he 24 hālāwai hoʻokahi a i hoʻokahi ma ka ʻaha kūkā me nā kanaka kākau hoʻokaʻawale, nā kanaka kākau pūnaewele a me nā kanaka hoʻopaipai mai ʻō a ʻō ma Kanaka. Ua hoʻokō kā HTCAN hōʻea ʻana i ka ʻaha kūkā i ke kupu ʻana i mau alakaʻi no nā huakaʻi pāpaho Hawaiʻi hoʻokahi me ka hoʻokamaʻāina ʻana i nā mea komo kaʻapuni. Ua hōʻike nā pāpaho huakaʻi Kanaka ma ka ʻaha kūkā i kā lākou kūpaʻa ma hope o nā mokupuni Hawaiʻi me ka ʻiʻini e hana mau me HTCAN e kaʻana i nā manaʻo kūpono e kia ana ma ka huakaʻi hōʻihi me makaʻala.

Ua hoʻohanohano ʻia ʻo HTCAN ka Papa Alakaʻi ʻOihana Hoʻokipa ʻĀsia-Pākīpika Punahele ma ka ʻAha Makana ʻo Baxter Travel Agents i 2022. Ua hōʻikeʻike ʻia nā makana kelakela ma Ka Hale Keaka Nui ʻo Eglinton ma Toronto i ka lā 23 o Iune, e ʻākoakoa ana i nā lālā o kā Kanaka ʻoihana hoʻokipa e hoʻokiʻekiʻe ai i nā ʻoihana ʻoi i ma ʻō aku o 40 ʻāpana i koho ʻia e nā ʻākena huakaʻi Kanaka.

ʻO Hoʻokipa ʻAukekulelia ka lua ma ka Papa Alakaʻi ʻOihana Hoʻokipa ʻĀsia-Pākīpika Punahele, me Hoʻokipa Kahiki ke kolu. ʻO Ka ʻOihana Hoʻokipa Lāhui Iāpana lāua ʻo Hoʻokipa Aotearoa nā ʻehā me ʻelima.

Aia ʻo Anna Riedel, he Hoʻokō ʻOialaulaha no ʻOihana Hoʻokipa Hawaiʻi O Ka Moana, ma Oʻahu i nā lā 17 a i 24 o Iune me ka hui mai “Getaway,” he hōʻike kīwī ʻAukekulelia kaulana. Ua paʻi wikio ka hui i mau wahi, ma ka Hōkele Aliʻi Hawaiʻi, ka Wahi Hoʻonanea Waikīkī Kahakai ʻo Hilton Kaiāulu Hawaiʻi, Kahi Hānai Holoholona ʻo Gunstock, Kahi Mahiʻai Keana ʻo CLIMB Works, kā Helena Meaʻai Hawaiʻia me ka Lama ʻAkikola Hawaiʻi ʻo Kō Hana. E hoʻopuka ʻia ana nā līpine Oʻahu ma “Getaway” ma hope ma kēia makahiki me nā mahele e laha ʻia ana ma o mau mokuna.

Ua hōʻike ʻo HTO i nā mokupuni Hawaiʻi ma ka Hōʻikeʻike Lā Nui a Holoholo 42 ma Newcastle, ʻAukekulelia, i ka lā 19 o Iune. Ua mālama ʻia e ka Hui Huakaʻi ʻo Hunter, he mahele o ke keʻena huakaʻi ʻo Helloworld, ua hoʻākoakoa ka hōʻikeʻike i ma ʻō aku o 3,500 kanaka, hoʻolilo ʻia he $2 miliona ma hoʻokahi lā, a ua hoʻokiʻekiʻe ʻia he 44 kanaka hōʻike, e laʻa me nā wahi hoʻokipa, nā lawelawe lewa, nā lawelawe holo moana a me nā pāʻoihana mākaʻikaʻi.

Ma ka lā 28 o Iune, ua hōʻea ʻo HTO i ka Hōʻike Huakaʻi ʻo Spencer ma Syndney, he hanana e kia ana ma ka mākeke huakaʻi hoʻohiwahiwa. Ua kono ʻia ma ʻō aku o 150 mea kemu i ka hōʻike e hui me nā kanaka hoʻolako huakaʻi mai ʻō a ʻō ma kahi. Aia ʻo Spencer Huakaʻi ma lalo o ka hui huakaʻi hoʻohiwahiwa ʻo Virtuoso, a ua hana kokoke pū ʻo HTO me lākou mai ka hoʻomaka o 2022.

Ma muli o ka huakaʻi hoʻokamaʻāina pāpaho i mālama ʻia i kēia Malaki aku nei, ua hoʻopaʻa ʻo HTO i hōʻike he ʻehā-ʻaoʻao no Mālama Hawaiʻi i ka makakina Wā Hoʻomaha me Huakaʻi ma ʻAukekulelia, na Julie Miller he kākau huakaʻi.

Me ka pahu hopu o ka hoʻolauna ʻana i nā hua hana i mālama ʻia ma Hawaiʻi i nā malihini papaha mai Kōlea a me ka hoʻonui makakau ʻana i nā mokupuni Hawaiʻi ma kahi, ua hoʻolālā a hoʻoholo ka ʻOihana Hoʻokipa Hawaiʻi O Kōlea (HTK) i paipai mea kemu me Baskin-Robbins lāua ʻo Interpark he pāʻoihana kālepa pūnaewele i Iulai. Ua koho ʻo Baskin-Robbins Kōlea i makakema no ka ʻono o ka mahina no Iulai a ua hoʻolauna i ʻekolu meaʻai me nā hua maiā Mauna Loa Hua Makakema. ʻO nā mea kemu i kūʻai i mea mai ka paipai makakema i hāʻawi ʻia ka hoʻāʻo e komo i ka hoʻokūkū makana, na ka mea lanakila mua i loaʻa he pila ʻaiʻē huakaʻi Hawaiʻi me na nā mea komo ʻē aʻe i loaʻa he kūpona kūʻai emi mākaʻikaʻi Hawaiʻi maiā Interpark.

Eia hou aku, ua alu like ʻo HTK lāua ʻo ka Lawelawe Lewa Kōlea ma ka hanana mea kemu Iulai e hoʻokiʻekiʻe ana i nā hua hana mālama ʻia ma Hawaiʻi. Ua unuhi ʻo HTK i ka ʻikepili kūʻai Hawaiʻi ma ke kahuapaʻa GoHawaii a ua hoʻolauna i loulou no ka ʻikepili ma kā ka Lawelawe Lewa Kōlea kahuapaʻa e kia ana ma ka hoʻolauna ʻana i nā mea kemu i nā hua hana i mālama ʻia ma Hawaiʻi. Ua paipai ka ʻaoʻao hanana i nā mea kipa kahuapaʻa e ʻimi i mau mea ʻai i ulu o mālama ʻia ma Hawaiʻi, e laʻa me ke kokoleka, ke kope, ka wai meli, a me nā mea ʻē aʻe i hana lima ʻia, a ua hoʻolako ʻia ka ʻikepili ma nā wahi mahiʻai kope me kakao ma Hawaiʻi. Ua loaʻa nā lanakila o ka hanana pūnaewele he pūʻolo kope no Kona.

Ua alu like ʻo HTK me ka Lawelawe Lewa ʻo Hawaiʻi e hoʻokele i huakaʻi hoʻokamaʻāina (FAM) ma mau mokupuni no ka pāpaho Kōlea i nā lā 25 a i 30 o Iune. ʻO ka pahuhopu nui o ia huakaʻi pāpaho ka hāpai ʻana i Hawaiʻi he wahi pono e kipa ai no ka hoʻokuʻu ʻaloʻahia pili i ka maʻi ahulau COVID-19 me ka paipai ʻana i ka ʻoluʻolu me ka mauō. Ua kipa nā mea komo i Oʻahu me Maui ma muli o ke alu like me ka Lawelawe Lewa ʻo Hawaiʻi, nāna e hoʻoholo ana i kāna hana huakaʻi-kūpono iho i kēia makahiki, ʻo ka Paipai Huakaʻi-Pono hoʻi. ʻO ka hui FAM e kipa ana he mau luna hoʻoponopono paʻi me kikohoʻe mai nā pukana makakina ma Kōlea ʻo Elle, Vogue a me Cosmopolitan.

Ma Oʻahu, ua helu kā ka hui papa manawa i ka ʻoluʻolu, Mālama Hawaiʻi me nā papahana moʻomeheu ma ka Hōkele me Wahi Hoʻonanea ʻo Kahala; nā hana moʻomeheu i waho ma ka Wahi Hoʻonanea ʻo ʻEhā Kau o O‘ahu ma Ko Olina; Mālama ʻĀina me ka holo lio ʻana ma Kahi Hānai Holoholona o Kualoa; a laila ua kipa i ka Hale Hōʻikeʻike ʻo Bishop. Ma Maui, ua komo nā lālā i papahana ʻoluʻolu ma Montage Kapalua Kūʻono, ka Lūʻau ʻo Nā Pahu o ka Pākīpika ma ka Hōkele me Kapu Wela ʻo Hyatt Regency ma Maui, ka Pāka Aupuni o Haleakalā, a ua nanea i ka ʻai ʻana i kokoleka i mālama ʻia ma Hawaiʻi ma ke Kuleana Kuʻia ma Maui.

Ua welina mai ʻo HTK iā Pitch na Makakina i Hawaiʻi no ka huakaʻi pāpaho i nā lā 13 a i 18 o Iune, a ʻo ka hopena he pukana Hawaiʻi kūikawā ʻo ka hoʻopuka no ka panina o Kepakemapa. E kia ana ia mokuna ma ko Mālama Hawaiʻi hoʻolauna i nā ʻano huakaʻi hoʻoulu i nā mokupuni a e hoʻokiʻekiʻe ana i moʻolelo ma Oʻahu me Hawaiʻi mokupuni. E hoʻohana ʻia ana ka maʻiʻo mai nā moʻolelo o ka makakina i kā HTK mau polokalamu hokona i ka wā e hiki mai ana, nā seminā pūnaewele, nā hoʻolaha a he mau hou aku.

Ma ke kia ʻana ma nā malihini papaha me nā mea kemu laulā ma Kōlea me ka hoihoi i nā mokupuni Hawaiʻi, ke hoʻomōhala nei ʻo HTK i alu like alowelo meaʻai e hoʻokiʻekiʻe i nā hua hana i mālama ʻia ma Hawaiʻi me ka pakanā ʻo SSG, he kikowaena kūʻai pūnaewele hoʻoholo ʻia ʻoi aʻe na ka Hui Shinsegae. E hoʻomōhala ana ʻo HTK i hanana mea kemu me ʻelua-kahua me ka paipai mea kemu pūnaewele SSG a me ka papa kuke me ka mea kuke ʻoi kelakela e hoʻākea kikohoʻe ai. E hoʻolauna ana ka papahana i nā lekapī meaʻai pili i Hawaiʻi a e hoʻokiʻekiʻe ana i nā hua meaʻai Hawaiʻi e laʻa me ke kope no Kaʻū, nā ʻōmole wai a me ke alowelo ʻo Hawaiian Host.

I ka lā 23 o Iune, ua hoʻokele ka ʻOihana Hoʻokipa Hawaiʻi O Kina (HTC) i aʻoaʻo seminā pūnaewele ʻānō no ka Hui Huakaʻi o Kina (CTG). Ua loaʻa maikaʻi ke aʻoaʻo hoʻonaʻauao i nā 86 a ʻoi mea komo i hōʻea mai nā keʻena CTG ma Beijing, Shenzhen, Guangzhou, Jiangxi Panalāʻau a me Hubei Panalāʻau. Ma ka seminā, ua kaʻana pū ʻo HTC i nā nū hou no nā koina huakaʻi hou pili i COVID-19, ka ʻikepili wahi hoʻokipa laulā o Hawaiʻi, ka paipai ʻo Mālama Hawaiʻi, ka hoʻokipa hoʻihoʻi, nā Papahana hoʻolakolako kaiāulu e kākoʻo ana i nā hanana me nā hoʻolauleʻa kaiāulu, a he mau hou aku. ʻO CTG ka hui huakaʻi nui loa na ka mokuʻāina ma Kina, me ma kahi o 3,000 lālā ma o ke kuaʻāina a he 60 lālā ma 28 kuaʻāina me wahi ʻē aʻe a puni o ka honua.

Ua alu like ʻo HTC me ka Lawelawe Kālepa o ka ʻEmepake ʻAmelika ma Kina e hoʻokiʻekiʻe i Hawaiʻi he wahi hoʻokipa lauʻokoʻa a lua ʻole i nā haumāna e lele ana i ʻAmelika me ko lākou mau mākua a me nā pakanā hoʻokipa me huakaʻi Pākē. He māhele ka paipai o kekahi hōʻike kaʻahele i hoʻopaneʻe mua ʻia ma muli o ka maʻi ahulau COVID-19. Ua hoʻopaʻa hou ʻia nā hanana hōʻike kaʻahele no Beijing i ka lā 16 o Iune me Chengdu i ka lā 23 o Iulai. Ua komo pū ʻo HTC i ka hōʻike kaʻahele me nā hapaina lewa me wahi hoʻokipa ʻAmelika ʻē aʻe, ka Lawelawe Lewa ʻo Delta, United a me American hoʻi.

E alu like ana ʻo HTC me ko Shanghai Hui Haʻuki ʻo Tianma i mea e kākoʻo i ka Hoʻokūkū Kīʻaha Lālā a Tianma i ka hapahā ʻekolu o 2022. He ma ʻō aku o 1,000 lālā ʻoi ko ka hui haʻuki ma Kina Hikina – he mākeke kūʻonoʻono a Hawaiʻi e kia ana. ʻOiai mau nō nā lula COVID-19, he kahua kūpono ka hoʻokūkū i waho i hiki ke launa me nā malihini papaha i Hawaiʻi. E hōʻikeʻike ana ʻo HTC i Hawaiʻi he wahi hoʻokipa ʻoi kelakela – a me ko ka mokuʻāina mau kahua kolepa lua ʻole me nā kumuwaiwai huakaʻi – i nā lālā kolepa a Tianma. E kono pū ana ʻo HTC i ka hui hula me hana noʻeau a Shanghai a me nā loea me kanaka hoihoi i nā ʻukulele Kamaka e hōʻike ma kā ka hoʻokūkū ʻaha hoʻohanohano.