Ua puka ikaika ʻo Meet Hawaiʻi me nā pakanā ʻoihana o Hawaiʻi i Mei e hōʻike ana iā Hawaiʻi he wahi kipa ʻoi kelakela no nā hālāwai huina, nā ʻahahui a me nā hana kumu hoʻolalelale (MCI). Na ke Kime Kūʻai Aku MCI Kapakai Hikina me Nā Hōkele Marriott o Hawaiʻi i aloha aku ma Wakinekona, D.C., ma nā kāhea kūʻai aku i ʻelima mau pakanā koʻikoʻi ma o ʻelua lā. Ua kālele ʻia nā hālāwai me Optica (he ʻahahui alakaʻi i nā mea ʻike ʻia), ka hoʻokele ʻia o nā hālāwai (nā hoʻolālā hālāwai mākaukau) a me HelmsBriscoe (he alakaʻi i ke kiʻi hālāwai me ke koho ʻana i wahi) a me ka hui ʻana me mau mea kemu me ʻoi aku o ʻelua kākini hoʻolālā hālāwai i hōʻea. Aia nā ʻelele no ka Hōkele Hyatt Regency o Maui ma D.C. kekahi e kāhea ana i nā mea kūʻai mai koʻikoʻi e hāpai i ka hōkele me Maui mokupuni.

Ua kūkulu ke kime Meet Hawaiʻi i ka pule no nā kāhea kūʻai aku ma Houston, Austin a me Dallas no kāna Blitz Kūʻai Aku Kūmakahiki ma Kekeka. Ua hāʻawi ʻia nā hōʻike me nā nū hou wahi kipa i Toyota-Lexus, Keurig/Dr. Pepper me nā mea kūʻai mai huina koʻikoʻi ʻē aʻe, a me nā hale kumu hoʻolalelale nui me nā pakanā mea ʻekolu, e hoʻokumu ana i nā hoʻāʻo pāʻoihana hou no Hawaiʻi. Ua komo pū ka Hōkele ʻAlohilani Kahakai Waikīkī, ʻOhina Marriott Waikīkī, Ka Hōkele Kāhala, a me Ka Hōkele Kahakai ʻo Wailea ma ka blitz o kēia makahiki.

Ma ka lā 29 o Iune, ua hoʻolaha ʻo Mike McCartney, ka luna o ka ʻOihana Ho‘okele Pāʻoihana, Waiwai, a Hoʻokipa, i kēia nūhou no ka Noi Palapala 22-01, pili i ka mālama alowelo a hoʻonaʻauao malihini ʻAmelika a me nā lawelawe kākoʻo no nā kime mālama alowelo a puni ka honua.

“Ma koʻu kuleana ka Luna Keʻena Kūʻai o ka ʻOihana Hoʻokele Pāʻoihana, Waiwai, a Hoʻokipa ka hoʻomalu ʻana i ke Noi Palapala 22-01 na ke Keʻena Kuleana Hoʻokipa o Hawaiʻi. He kau paʻahana ke kauwela no ka paeʻāina, a he pono ka hoʻolālā pono no ke kau hāʻulelau e hiki koke mai ana. No laila koʻu hoʻoholo ʻana, me ke kākoʻo pū o ka Luna Kūʻai o ka Mokuʻāina, he waiwai no ka Mokuʻāina ka hoʻolōʻihi ʻana i ka ʻaelike e kū nei me ka Hawaiʻi Visitors and Convention Bureau no 90 lā, a i ka lā 28 o Kepakemapa, i lawa kūpono ka manawa no ka hoʻoponopono i ke kūʻē e kū nei.

ʻO ka hoʻolōʻihi ʻekolu mahina i kēia mau ʻaelike ʻelua, no ka mālama alowelo ma ʻAmelika ($4,250,000) a me nā lawelawe kākoʻo ($375,000), he mālama ia i ka hana e holo nei. Ma ke kūkākūkā ʻana me John De Fries, ka Pelekikena a Luna Hoʻokele o HTA, ua hoʻoholo like māua i ka waiwai o kēia hoʻolōʻihi ʻana no ka Mokuʻāina a no ka hoʻoponopono ʻana i ia kūʻē."

Ua mālama ʻo Hoʻokipa Hawaiʻi no ʻAmelika (HTUSA) i ʻehā hanana hoʻonaʻauao no 156 kānaka aʻo huakaʻi ma Bellevue, Wakinekona, a me nā kūlanakauhale Kaleponi ʻo Sacramento, Fremont a me Kahakai Newport, ma nā lā 16-19 o Mei. Ua komo pihaʻeu pū nā kānaka aʻo huakaʻi mākaukau ma nā hālāwai hoʻonaʻauao moʻomeheu Hawaiʻi hohonu me Hiʻilani Shibata, he loea moʻomeheu, hāhai ʻia e ka hōʻike kālepa me 18 kānaka hōʻike hoʻolako o Hawaiʻi. Ua hāpai ka wā ahiahi i nā nū hou wahi hoʻokipa ma ka paeʻāina o Hawaiʻi maiā HTUSA me nā ʻelele Mokuna Mokupuni, nā hōʻike huahana hoʻolako, a me ka nīnauele me ka waha ʻōlelo kūikawā me ʻelele no Mālama Hawaiʻi, ʻo Rick Barboza hoʻi no Hui Kū Maoli Ola. Ua kūkā ʻo Rick i ka mahi ʻai mauō a me ke kia a kāna ʻoihana e mālama ai i ko Hawaiʻi mōʻaukala a moʻomeheu kūlohelohe ma o ka hoʻoulu ʻia o nā mea kanu Hawaiʻi ʻōiwi. Ua mālama ʻia he mau hōʻike hula me mele a me ko ke kime HTUSA aloha ʻana aku mai Hawaiʻi. Ua paʻi wikiō ʻia ia hanana a e hoʻolaha ʻia ana i nā ʻākena huakaʻi a e kau ʻia ana ma agents.gohawaii.com no ka nānā ʻia ke makemake.

Me ka hoʻomaka o ka hū huakaʻi kauwela e aneane mai nei, ʻaelike nā kānaka ʻAmelika hou aku (33.4%) he wā maikaʻi ia e hoʻolilo kālā ma ka huakaʻi ʻana, wahi a ke anamanaʻo Mei mai ka poʻe Kālailai Wahi Hoʻokipa. Eia hou aku, wahi a 61.7%, he makakoho-hoʻolilo kālā nui ka huakaʻi luana no lākou – ka pae kiʻekiʻe loa no kēlā pākēneka mai Iulai 2021. Akā naʻe, ua hōʻike pū ke anamanaʻo i ka pā nō i nā piʻina kumu kūʻai ma o ka ʻoihana.

Ua alakaʻi ke Kiaʻāina ʻo David Ige i ka huakaʻi hui ʻelele i Iāpana i nā lā 8-13 o Mei e hui pū me nā kūhelu aupuni kiʻekiʻe o Iāpana, nā ʻoihana hoʻāla ikehu, nā pakanā pāʻoihana me hoʻokipa he alo a he alo. ʻO ka huakaʻi ʻana a ka hui he huakaʻi kūwaho mua no kekahi hui ʻelele Hawaiʻi mai ka hoʻomaka o ka maʻi ahulau COVID-19. ʻO ke kumu o ke kipa ʻana, ka hoʻokaʻaʻike ponoʻī ʻana i ke koʻikoʻi o ka pilina hikiāloa ma waena o Hawaiʻi me Iāpana i nā kūhelu aupuni ma Iāpana, e launa me nā alakaʻi pāʻoihana Iāpana a e kūkā ai i nā hoʻopuka me nā kumupaʻa hou aku i Hawaiʻi. No ka hoʻokele ʻana i mau kūkā me nā pakanā hoʻokipa e hoʻōla hou mai ka ʻoihana hoʻokipa maiā Iāpana a e paipai pū i nā hana Mālama Hawaiʻi. Ua hālāwai ka hui ʻelele Hawaiʻi me nā pakanā hoʻokipa mai ka ʻAhahui ʻĀkena Huakaʻi o Iāpana (JATA), Nā Alakau Lewa Nippon A Pau (ANA), JTB, Nā Alakau Lewa Iāpana, JCB a me H.I.S. ʻO nā pakanā a pau i kipa ʻia, ua hoʻoholo lākou i Mālama Hawaiʻi ma loko o kā lākou mau pāpaho me ʻaoʻao hoʻokaʻaʻike e hoʻonaʻauao i nā malihini Kepanī ma mua o kā lākou kipa ʻana i Hawaiʻi.

Ua kākoʻo ʻo Hoʻokipa Hawaiʻi No Iāpana (HTJ) i 10 hanana Hawaiʻi ma Iāpana i Mei, me ke alu pū i ʻelua hanana nunui: ʻo Aloha Tokyo a me ka Hoʻolauleʻa Hawaiʻi ʻo JST Nagoya. ʻO ka poʻomanaʻo no nā pākaukau HTK ma nā hanana ʻelua, ʻo “Mālama Hawaiʻi”, me ke kia e hoʻonaʻauao i nā mea puni Hawaiʻi e lilo i mau malihini pono, mākaukau a me makaʻala. Ua haku ʻo HTK i mau kīlepalepa, pēlaha a me wikiō hoʻonaʻauao Mālama Hawaiʻi no ka paipai ʻo Aloha Aku Aloha Mai a me Nā Pilina Hawaiʻi. Ua komo ma ʻō aku o 189,000 mau kānaka hōʻea i Aloha Tokyo a ma ʻō aku o 85,000 i hōʻea i ka Hoʻolauleʻa Hawaiʻi ʻo JST Nagoya.

I Mei, ua hoʻolaha ʻo HTJ i kāna Polokalamu Aloha ma Instagram a ua mālama i hanana Instagram ʻĀnō e hoʻolele ana i kā Oʻahu Hoʻolauleʻa Lā Lei ma ia manawa nō mai ka Pāka ʻo Kapiʻolani. Me ke kaʻana ana i nā hana o ua hanana lā a me ka ʻikepili Hawaiʻi, ua hāʻawi ʻo HTJ i ke anaina Instagram Iāpana he hoʻāʻo e komo pū ma o ke kelekaʻaʻike i kekahi o kā Hawaiʻi hanana kūmakahiki nunui a e komo mai i ka hoʻolauleʻa moʻomeheu. I ka lā 7 o Mei, ua hoʻolaha ʻo HTJ i ka polokalamu Lā Mei kūikawā i paʻi mua ʻia ma Puke Alo, e hoʻākea ana i ka hanana i nā malihini papaha.

Eia hou aku, ua hoʻokele ʻo HTJ i ka hoʻolele Instagram ʻĀnō mai ka Hale Hōʻikeʻike ʻo Bishop ma ka lā 1 o Mei i ʻume mai ma ʻō aku o 28,0000 mau kānaka nānā me ka huina kānanka ma ʻō aku o 60,000.

E hoʻomau ʻia ana kā Kanakā mau kānāwai COVID-19 ma ka palena ʻāina ʻAmelika a i ka lā 30 o Iune. Ma ia wā, e hoʻomau ana ke aupuni pekelala e hoʻokō i ke koina hōʻike hōʻoiaʻiʻo ʻō lima piha no nā malihini kūwaho. ʻO nā kamaʻāina o Kanakā i ʻō lima ʻole me nā kamaʻāina paʻa, pono pū e hōʻike hōʻoiaʻiʻo i ka hōʻike lātoma COVID-19 ma mua o ke komo ʻana ma Kanakā a e hoʻomalu maʻi no 14 lā. Eia hou, pono nā malihini a pau i Kanakā e hoʻouka i ko lākou ʻikepili olakino ma o ka polokalamu ArriveCAN ma mua o ke komo ʻana, i loko nō o ke kūlana kipa. Mau nō kā Ottawa koi ʻō lima no nā ala kau lewa me kaʻa ahi.

ʻO Justin Trudeau, ko Kanakā Kuhina Nui, e kūpale ana i ka hoʻomau ʻia o nā koina palena ʻāina COVID-19 me ka ʻōlelo ʻo ke koho, “kū i ka ʻepekema”. ʻO ia mau mea a pau ʻoiai e hui ana nā ʻelele mai nā ʻāpana hoʻokipa me huakaʻi ma Ottawa e kauoha i ka “hoʻomalu koʻikoʻi” ma nā palena ʻāina ma o ka hoʻēmi ʻia o nā hoʻokali no nā malihini ma nā kahua mokulele Kanakā.

Ua haʻakoi nā alakaʻi mai ka ʻoihana hoʻokipa me huakaʻi iā Ottawa e hana i nā mea hikiāpono penei:

Hoʻokiʻekiʻe ʻIa ʻO Kauaʻi Ma Ka Makakina ʻO Travel Courier

Ua hoʻokiʻekiʻe ka pukana Mei o Kā Baxter Pāpaho makakina ʻo Travel Courier ma Kanakā i kekahi ʻatikala ma ka mokupuni o Kauaʻi. Ua kūkā ʻo Maile Brown, he Poʻo Hokona no Ka Pulo Malihini o Kauaʻi, me nā Luna Hoʻoponopono o Travel Courier e pili ana i nā ʻikena malihini hou ma ka mokupuni a ua hāpai aʻoaʻo no ka mālama ʻana ke kipa i Hawaiʻi. Ua kūkā pū ʻo ia no ko kākou kuleana e mālama aku ai i ko kākou mau mokupuni a pau a no ka hoihoi hou a nā malihini ma Hawaiʻi i nā hana pili i nā waiwai ʻo mālama me kuleana. Ma ka ʻatikala, hāpai ʻo Maile i mau hana no nā malihini e noʻonoʻo ai no kā lākou kipa ʻana i Kauaʻi, ʻo ke kūʻai kūloko ʻana me ka ʻike ʻana i ka lua ʻole o ka meaʻai me ka moʻomeheu o ka mokupuni.

I ka lā 26 o Mei, ua hoʻonaʻauao aku ʻo Hoʻokipa Hawaiʻi Moana (HTO) i nā mea komo ma nā mea Hawaiʻi like ʻole ma ka hōʻikeʻike huakaʻi ʻo BEYOND ma Parramatta, ka ʻāpana pāʻoihana nui o Komohana ʻOi Kikinē, ʻAukekulelia. Ua kākoʻo ʻia ka hanana e ACON kū i ka ʻauhau ʻole a ua mālama ʻia e Planetdwellers Travel ma loko o ko HTO hana mau e kaʻana aku i ka ʻikepili Hawaiʻi paeʻāina i ke kaiāulu LGBTQIA+.

Ua hoʻokele ʻo HTO i ka hui hoʻopuka no ke kakaʻina kīwī o ʻAukekulelia ʻo “Luxury Escapes” ma Oʻahu i Iune koke. Ua paʻi wikiō ka hui i mau wahi ma o ka pule ma ka mokupuni, helu ʻia ka Outrigger Papaioa Waikīkī Kahakai a me ka Hōkele Kūʻono Honu. Ua komo pū ka hui ma nā hana mālama me nā Kaʻapuni Eco Kapa Kai ʻĀkau a me Kahi Hānai Holoholona ʻo Kualoa. ʻO ka mokuna “Luxury Escapes” e hoʻokiʻekiʻe ana iā Oʻahu, e hoʻopuka ʻia ana ma ʻAukake o Kepakemapa.

Ua mālama iho nei ʻo Hoʻokipa Hawaiʻi No Kōlea (HTK) i kāna hōʻike kaʻahele mua i ʻelua makahiki, e hoʻopili ana me nā pakanā kālepa huakaʻi a e hoʻokūlana ana iā Hawaiʻi he wahi kipa makakoho ma hope o ka maʻi ahulau. Ua hoʻolauna ʻo HTK i nā paipai nui no 2022 – helu ʻia ʻo Mālama Hawaiʻi lāua ʻo Kuleana – a ua kono ʻia ka haʻi aʻo mākaukau ʻo Dayoung Kim e hoʻolauna aku ai i nā lauana kūlohelohe, launa, a me aupuni (ESG) a e hāpai i ka ʻike kūhohonu ma ka hoʻomōhala huahana huakaʻi mauō ʻana a me ke kūʻai aku ʻana i nā keʻena huakaʻi. ʻO nā kānaka hōʻea i ka hanana, he 45 pakanā no ka ʻoihana huakaʻi o Busan. Ua loaʻa kekahi kānaka lanakila mai ka huki-laki ʻia i nā pono huakaʻi ma muli o ka hōkele Kāhala me nā hōkele Prince Hawaiʻi.

Ua hōʻea ke kime HTK i Busan i ka lā ma mua o ka hōʻike kaʻahele e hui me Lewa Kōlea Busan, Nā Alakau Asiana Busan, Hanatour Busan a me Modetour Busan e aʻo hou mai i nā loli mākeke ma o nā makahiki ʻelua i hala iho nei a e hoʻokumu i hui me nā pakanā kālepa huakaʻi ma Busan.

Ua hoʻopuka aku nei ʻo HTK i ka pāhana wikiō ʻo Hawaiʻi I Loko, e hoʻohoihoi ana i ke kākau leka ma Hawaiʻi e hāʻawi i mau maʻiʻo hou pihaʻeu ma kā HTK ʻaoʻao Instagram. He hana pili pū me ka paipai i hoʻoholo ʻia ma o ka makahiki ʻo Mālama Hawaiʻi i like ka wā me ka wehe hou ʻia o ka mākeke huakaʻi aku ma Kōlea. Kia ka pāhana ʻo Hawaiʻi I Loko ma ka hoʻonui ʻana i ka heluna kānaka hoihoi me nā manaʻo ma kā HTK ʻaoʻao Instagram ma o ke kaʻana ʻana i mau ʻikepili hou aku no nā haʻawina Hawaiʻi, ka hoʻolako ʻana i nā aʻoaʻo huakaʻi e hoʻolaha ana i ka manaʻo o Mālama Hawaiʻi, a me ka hoʻokiʻekiʻe ʻia o nā huahana i hana ʻia nō ma Hawaiʻi nei a me nā hoʻolauleʻa me hanana kaiāulu. Ua hoʻolaha ʻo Hawaiʻi I Loko i ʻelima wikiō a i kēia, e hāpai ana i Nā Aʻoaʻo Huakaʻi Kuleana, nā hana Mālama Hawaiʻi ma Kahi Hānai Holoholona ʻo Kualoa, nā kahakai ʻohana me nā lūʻau.

I Mei, ua hoʻomaka ʻo HTK e kaʻana aku i nā wikiō ʻo Kuleana me Mālama Hawaiʻi me ke kia o ka hoʻonaʻauao ʻana i nā malihini Kōlea a me ka paipai ʻana iā lākou e akahele ʻoiai ma Hawaiʻi. ʻO nā wikiō, he ʻelima Aʻoaʻo Huakaʻi ʻoiai ma Hawaiʻi no ka moʻomeheu, ka palekana kai, nā mea ola kai, ka maluō kai a me ka palekana ʻāina a laila kekahi wikiō “ʻO Hawaiʻi Ko Kākou Home”. Me ke kia o ke kīkoʻo me ka paipai ʻana aku i nā ʻāpana Kōlea kikoʻī me ka papaha nui o ka huakaʻi ʻana i nā ʻāina ʻē i kēia makahiki, ua hoʻokupu mai ka paipai ma ʻō aku o 2 miliona manaʻo a i kēia. E mau ana ka paipai ma o ʻAukake, ka wā like o ka hoʻolaha ʻia ʻana i ka wikiō i unuhi a paʻi ʻia nei ʻo “No Kākou A Pau Ke Aloha”.

No ka hoʻokaʻaʻike ma mua o ka huakaʻi, ke alu like nei ʻo HTK me nā hāpaina Korea Air a me nā Keʻena Huakaʻi e hōʻoia i nā ala maikaʻi e hoʻolaha ai i ko Hawaiʻi mau aʻoaʻo huakaʻi no ka poʻe e hoʻopaʻa nei i nā huakaʻi i Hawaiʻi. Ma o ia mau ala, e hoʻolaha ʻia ana nā wikiō mai ke kakaʻina aʻoaʻo huakaʻi ʻo Kuleana, me nā lepe unuhi ʻia, i ka poʻe huakaʻi no Kōlea i Hawaiʻi mai Iulai a i ʻOkakopa.

I Mei, ua alu like ʻo Hoʻokipa Hawaiʻi No Kina (HTC) me ka ʻEmepake ʻAmelika ma Beijing no ka maʻiʻo kūlelepaho e hoʻolauleʻa ana i ka mahina welo ʻAmelika ʻĀkia, ʻŌiwi Hawaiʻi a me ka poʻe mokupuni Pākīpika (AANHPI). Mai ka lā 9 a i 19 o Mei, ua hoʻokiʻekiʻe ʻia ka paeʻāina o Hawaiʻi a ua hoʻolaha ʻia ka maʻiʻo kūlelepaho ma kā ka ʻEmepake ʻAmelika ʻaoʻao Weibo. Me ka hoʻolaha hou ʻia e nā Kanikela ʻAmelika ma o Kina (Shanghai, Guangzhou, Shenyang and Wuhan), ua nānā he 3.7 miliona kānaka i ka maʻiʻo Hawaiʻi me 15,000 mau hana (hoʻolaha hou, hāpai manaʻo, makemake). ʻO ka ʻaoʻao Weibo a ka Hoʻokipa Hawaiʻi No Kina (@夏威夷旅游局), ua kuhikuhi ʻia i ka maʻiʻo a me nā hāpili kikoʻī: #夏威夷 #Malama #关爱夏威夷 #MalamaHawai‘i.

Ua hoʻokele ʻo HTC i nā aʻoaʻo hoʻokō me alakaʻi mākaʻikaʻi Pākē kūloko mua loa ma Oʻahu i ka lā 19 o Mei. Ua kaʻana pū ke kime HTC me nā hoʻokō mākaʻikaʻi i nā kaʻakālai hokona kūlelepaho, ka Paipai ʻo Mālama Hawaiʻi a me nā wikiō Kuleana/Kaʻana Aloha/Aʻoaʻo Huakaʻi. ʻO nā mea i hōʻea, he 20 kānaka no Lā Nui Puni Honua Hawaiʻi, Nā Kaʻapuni Moʻo, Huakaʻi Tengda Hawaiʻi, Nā Lā Nui Kau ʻEhā, Nā ʻAha Male me Hanana Lā-Hawaiʻi, a me ka Hui Kaʻapuni Kauwela Hawaiʻi.