Ma ka lā 26 o Kepakemapa, ua hoʻopuka ʻia na ke Keʻena Kuleana Hoʻokipa o Hawaiʻi he Hoʻokūkū Noi Kālā e ʻimi ana i ka hoʻonaʻauao malihini a lawelawe mālama alowelo no Iāpana. Ma hope o ka loaʻa ʻana o ke kālā, e hoʻomaka ka ʻaelike hou ma ka lā 1 o Ianuali, 2023, a lilo hoʻi he pani no ka ʻaelike e holo nei e pau ana ma ka lā 31 o Kekemapa 31, 2022.

Ua hoʻolaha ʻia ua hoʻokūkū noi kālā nei ma ko ke Keʻena Kuleana Hoʻokipa o Hawaiʻi kahuapaʻa: www.hawaiitourismauthority.org/rfps/.

Ua hōʻoia ʻia na Meet Hawaiʻi ke kau o ka manaʻo ma luna o Hawaiʻi ma ka ʻaha Corporate Event Marketing Association kūmakahiki, ʻo ka ʻaha CEMA Summit 2022, i mālama ʻia mai ka lā 31 o Iulai i ka lā 3 o ʻAukake, ma Nasawila, Kenekī. Ma ka hoʻolako ʻana i nā wā hoʻomalolo kakahiaka a ʻauinalā a ma ka hōʻike ʻana i ka wikiō Kikowaena Hālāwai o Hawaiʻi, ʻo “Site Inspection Experience,” ma ka hālāwai nui, ua nui ko Meet Hawaiʻi nānā ʻia e ka 400 a ʻoi alakaʻi limahana hokona hanana a mea hoʻolako i ʻākoakoa no ke kālele ma luna o nā hana a ʻike kohu e pono ai.

Ma ka hoʻomaopopo i ka piʻi ʻana aʻe o nā hana Corporate Social Responsibility (CSR), ua lele ʻo Meet Hawaiʻi ma ke kaʻana like no nā hana kuleana hoʻokipa hana manawaleʻa kūikawā o ka papa hana Mālama Hawaiʻi ma kekahi o nā papa hoʻonui ʻike.

Ma hope o ka hui kelekaʻaʻike ʻana no nā makahiki ʻekolu i hala akula, ua komo kino he 5,000 a ʻoi kānaka i ko ka American Society of Association Executives (ASAE) 2022 ASAE Annual Meeting & Exposition i mālama ʻia mai ka lā 20-23 o ʻAukake i Nasawila, Kenekī. Ua hui pū nā limahana a hoa kākoʻo o ka ʻoihana o ua ʻahahui nei no ke kaʻana ʻike, kumuwaiwai, kaʻakālai, a ala lapaʻau ma ua ʻaha nei.

Ua hoʻolaha ʻia iho nei ko ASAE papa hana “Meeting Community Needs” kahi hoʻi e hana pū ai ka ʻahahui me ka hoʻolaukaʻi o kahi e mālama ʻia ana ka hana e ʻike ai i nā nele koʻikoʻi o ke kaiaulu. Ua lilo ua hana nei ma Nasawila he wā i hiki ai i ko ASAE ke makana aku iā Hands On Nashville he $20,000 kālā e pōmaikaʻi ai. He mea maʻamau no nā ʻahahui ka ʻāwili ʻana i kēia ʻano hana CSR e kākoʻo ʻia ai ke kaiaulu ma kona mau papa hana, a no laila hoʻi e kālele ʻia ai ua ʻano hana mākeke nei na Meet Hawaiʻi.

Ua lilo nā hoa kākoʻo hōkele ʻo ka Hilton Hawaiian Village Waikīkī Beach Resort a me ka Outrigger Kona Resort and Spa ʻo ia nā hoa hele o Meet Hawaiʻi. Ua hoʻolei ʻia akula he 100 a ʻoi lālā hōʻea i ka lei ʻaʻala i kipa i ke pākaukau Hawaiʻi e aʻo hou ai. Ua hua mai he 17 paha ala holomua me ka paʻa o kekahi mau hana e hoʻomohala ʻia i ka wā e hiki mai ana.

Ua kākoʻo ʻia na Meet Hawaiʻi ka hālāwai Insurance & Financial Services Forum i mālama ʻia na Marriott International ma ka Wailea Beach Resort – Marriott, Maui mai ka lā 21-25 o ʻAukake. Ua hoʻokipa ʻia na ua hōkele nei he 38 alakaʻi limahana lawelawe ʻinikua a kālā.

Ma ua hālāwai nei, ua kākoʻo ʻia na Meet Hawaiʻi he pāhana mālama no ke 60 kānaka ma ka mālama i ka Loko Iʻa ʻo Kōʻieʻie. Ua kū pū nō hoʻi ua pāhana nei i ko Marriott hoʻohiki Serve360 ma ka lawelawe kaiaulu e pā laulaha ai nā wahi e holo ai ko lākou mau hana. Ua nui ka hōʻike ʻana mai o nā ʻōhua i ka mahalo i ka hana pū me Kimokeo Kapahulehua, he Kumu a Aʻoaʻo Moʻomeheu Hawaiʻi, a me Joylynn Paman, ka Luna Hoʻokele o ʻAoʻao O Nā Loko Iʻa.

Ua hiki i ua mau ʻōhua nei ke aʻo i nā kiʻina kuʻuna o ka halihali pōhaku mai uka i kai, nā māhele o ke ahupuaʻa, ke koʻikoʻi o ke kapu, a pēlā pū ka lōkahi, laulima, a mālama. Ma o kēia mau hana lima manawaleʻa, ua hiki i nā mea komo ke aʻo i ka moʻolelo o kahi kīpuka. Ua hōʻike mai ua mau ʻōhua nei i ka pā o ka naʻau i kēia hana a me ke koʻikoʻi o ka hoʻomau ʻia o kēia ʻano hana ma nā hanana i ka wā e hiki mai ana.

Kuleana Kiʻi: Pacific Dream Photography and Blinnk Photography

Ua hana pū ko Hawaiʻi Tourism USA (HTUSA) me nā kahua hoʻolele kīwī o Hawaiʻi ʻo KHON2 a me Hawaiʻi News Now, he lālā o ka HTA, e hoʻopuka ʻia ai he mau papa hana kīwī uku ʻia e pā ai nā kaiaulu me ke kaʻana like pū ʻana i ko ke Keʻena Kuleana Hoʻokipa o Hawaiʻi Mālama Kuʻu Home, he ʻoni ʻana i ke kuleana hoʻokipa hoʻolaupaʻi a me nā ala e pōmaikaʻi ai ko Hawaiʻi mau kaiaulu i ke kālā e loaʻa mai ana mai ka ʻoihana kuleana hoʻokipa. Ua kaʻana pū ʻia ma ua mau papa hana nei nā laʻana o nā hana hoʻokele wahi huakaʻi e alakaʻi ʻia nei na ke Keʻena Kuleana Hoʻokipa o Hawaiʻi a me kona mau hoa kākoʻo.

Ua hoʻolele ʻia ua mau papa hana nei ma Kepakemapa ma nā papa hana kūloko ʻo “Talk Story,” “HI Now,” “Take2,” a me “Living808,” kahi i hōʻike ʻia ai nā alakaʻi kaiaulu a hui kū i ka ʻauhau ʻole o ka mokuʻāina e paʻu ana i ka hana maikaʻi o kēlā lā kēia lā. Ke kaʻana pū ʻia nei ma ko ke Keʻena Kuleana Hoʻokipa o Hawaiʻi mau kahua uila a kūlelepaho ʻo Mālama Hawaiʻi a me Kuleana Hawaiʻi Travel Tips i nā mea noho e kālele ana ma luna o nā malihini e kipa ana iā Hawaiʻi.

Ma kēia wikiō pōkole, kaʻana ʻo Mikiʻala Lidstone o Ulu Aʻe Learning Center i ke koʻikoʻi o ka mālama moʻomeheu me ka waha ʻōlelo HI Now ʻo Lacy Deniz.

Ua hoʻohanohano ʻia ka Hawaiʻi Visitors and Convention Bureau, e kū ʻelele ana no HTUSA, ʻo ia ka 2022 North American Destination Partner of the Year na ka American Society of Travel Advisors (ASTA) ma kona ʻaha kūmakahiki ASTA Global Convention i mālama ʻia ma ʻAukake ma Kapalakiko.

Ma ke koho pāloka ʻia e nā lālā o ASTA, hoʻohanohano ʻia nā aʻoaʻo huakaʻi a mea nāna nā hui aʻoaʻo huakaʻi poʻokela ma ka mālama i nā ʻōhua, a pēlā pū nā hoa kākoʻo huakaʻi kākoʻo i ka ʻoihana huakaʻi a kaiaulu hui aʻoaʻo huakaʻi. Ma kahi o ka 1,000 lālā hōʻea o ka ʻaha o kēia makahiki – he mau aʻoaʻo huakaʻi, hoa kākoʻo huakaʻi, a limahana o ka ʻoihana huakaʻi.

"As travel trade’s premier organization, ASTA strives to promote excellence within the industry,” said ASTA President and CEO Zane Kerby. “We’re pleased to use the occasion of our annual convention to lift up those professionals and companies who make lasting and meaningful contributions to the travel industry."

Ma ka lā 24 o Iulai, ua mālama ʻia na Hawaiʻi Tourism Japan (HTJ) he hoʻolele ʻīwā Instagram Live me ka mea hoʻopaipai Mālama Hawaiʻi ʻo Rola (@rolaofficial), nona nā mea uhaiāholo he 8.2 miliona a puni ka poepoe honua, a me kahi mea hoʻopaipai manaʻo kūlelepaho ʻo Maki Konikson (@makikonikson), nona nā mea uhaiāholo he 450,000. ʻAʻole nui ka hoihoi o Rola i nā hoʻolele ʻīwā Instagram Live. Eia nō naʻe, ʻo kona pili pū ʻana me HTJ kekahi mea i nānā ai he 7,300 kānaka i ua hoʻolele ʻīwā HTJ nei. I ka wā e holo ana, ua hōʻike ʻo Rola i kāna mau lawena ʻai maʻamau, ke kūpaʻa i ka pono o nā holoholona, a me nā hana Mālama Hawaiʻi e kau nei kona manaʻo ma kekahi huakaʻi i Hawaiʻi.

Ua komo ko HTJ i ka hoʻolauleʻa piha makahiki 25 Hawaiʻi-Hiroshima Sister-City ma ka lā 31 o ʻAukake a me ka Hanana Hiroshima City and Prefecture Friendship Alliance ma ko ke kūlanakauhale Hiroshima Station ma ka lā 1 o Kepakemapa, a pēlā pū kekahi hui no Hawaiʻi. Ua lawe ʻia na ko HTJ nā mea mākaukau i ka hoʻokani ʻukulele ʻo Jake Shimabukuro a me Herb Ohta ʻŌpio e hōʻike ai i ke mele Hawaiʻi ma ua mau hanana nei a ʻelua i nanea maoli ai ka lehulehu. Ua komo he 150 limahana aupuni Hiroshima i ka hoʻolauleʻa Sister-City, a he 300 a ʻoi mea i hōʻea aʻe i ka hanana Friendship Alliance, a ua hōʻike pū ʻia ma nā papa hana kakahiaka a ahiahi o ka ʻekolu mau kahua hoʻolele kīwī.

Ma ka lā 1 o Kepakemapa, ua komo pū ko HTJ me ko ka Mokuʻāina ʻo Hawaiʻi Keʻena Economic Development and Tourism (DBEDT) i ka Hawaiʻi Global Education Seminar a pēlā pū ka Wahine a ke Kiaʻāina o Hawaiʻi ʻo Dawn Amano-Ige. ʻAneʻane he 90 hui hoʻonaʻauao i komo i ua hanana nei, a ʻo ia pū ka wā a ko HTJ i hoʻolele aʻe ai he wikiō Mālama Hawaiʻi me ka mālama pū he hōʻikeʻike e kālele ana ma luna o Hawaiʻi he wahi e naʻauao ai. A pau ua hōʻikeʻike nei, ua launa nā lālā o ke kime HTJ me kekahi o nā lālā hōʻea i ka hanana, ʻo ia hoʻi nā haumāna no ka Yasuda Womenʻs University a no ka Hiroshim Prefectural Aki Fuchu High School.

Ua mālama ʻia ka hanana hoʻolele kiʻiʻoniʻoni ʻeono no ke kiʻiʻoniʻoni no Hōkūleʻa ʻo “Moananuiākea” ma Fukuoka i ka lā 27 o ʻAukake. Ua hoʻolele pū ʻia ke kiʻiʻoniʻoni ʻo “Aloha! Mirai,” e kālele ana i ka holo ʻana o ka waʻa i Iāpana i ka MH 2007 i mea e wehe ai i ua hanana nei, a ua mālama pū ʻia he hōʻikeʻike no ke pānānā hoʻokele na nā lālā o Hōkūleʻa. Ua pani ʻia ka hoʻolele ʻia ʻana o “Moananuiākea” ma ke kūkā kamaʻilio ʻana o nā lālā o Hōkūleʻa. Ua lilo kēia hanana he wā i hiki ai i ka 127 mau kānaka i hōʻea ke aʻo no nā kiʻina holo waʻa kuʻuna a me nā pilina ma waena o Iāpana a me Hawaiʻi i kahukahu ʻia na Hōkūleʻa i ka wā e launa ana me nā lālā o Hōkūleʻa ma ke ʻano he papa hoʻonui ʻike.

Ua mālama ʻia na ko Hawaiʻi Tourism Canada (HTCAN) he papa hoʻonui ʻike kūikawā no nā aʻoaʻo huakaʻi ma ka lā 30 o ʻAukake na ka Luna Waihona HTCAN ʻo Lorenzo Campos lāua me Sabrina Filatow, ka hope pelekikena o ke kūʻai a hokona no Spoiled Agent. Ua kaʻana nā mea haʻiʻōlelo kūikawā mai ka Native Hawaiian Hospitality Association (NaHHA), ʻo ka Luna Hoʻokele ʻo Malia Sanders a me ke Alakaʻi Aʻoaʻo Moʻomeheu ʻo Hiʻilani Shibata, no ko Hawaiʻi mau lāhulu kai ma ua papa hoʻonui ʻike nei i komo ai he 54 aʻoaʻo huakaʻi. Ua ʻoki wikiō ʻia ka hōʻikeʻike piha a hoʻolaha ʻia ma ke kahuapaʻa Spoiled Agent i kūkulu kūikawā ʻia no nā aʻoaʻo huakaʻi a limahana i hiki ʻole ke hōʻea i ka papa hoʻonui ʻike ʻīwā.

Ma muli o ka piʻi hou ʻana o ka poʻe e loaʻa ana i ka maʻi COVID-19 ma Kanakā, ua hoʻomaka ke aupuni pekelala Kanakā e mālama hōʻike COVID-19 no nā ʻōhua e hōʻea ana. No ka hiki ʻana mai o ka Hāʻulelau paʻahana a me ka Hoʻoilo e huakaʻi nui ai kānaka, ke ʻimi nei nā aʻoaʻo huakaʻi i nā ala lapaʻau no ka huakaʻi ʻana i Kanakā ma ka hoʻolale ʻana i ua aupuni pekelala nei e ʻimi i nā ala akamai no nā wā paʻahana e hiki mai ana. Ke hōʻike nei nā ʻōhua a ua mau aʻoaʻo huakaʻi nei i ka uluhua i nā kiʻina huakaʻi ma kekahi mau kahua mokulele o laila i kuʻia ai kā lākou mau huakaʻi. Ke koikoi aku nei ko Kanakā ʻoihana hoʻokipa malihini a me ke aupuni o ʻAmelika Hui Pū ʻIa i nā alakaʻi o Ottawa e hoʻōki i ka hoʻohana ʻia o ka polokolamu kelepona ArriveCAN no nā ʻōhua huakaʻi, e hāpai ana hoʻi no ka pā hewa o ka ʻoihana i ua polokolamu kelepona nei e kuʻia neik a huakaʻi a kekahi poʻe no ka huikau.

Ma mua aku nei o ʻAukake, ua komo ko Hawaiʻi Tourism Oceania (HTO) i ka Visit USA Roadshow i mālama ʻia i Brisbane, Melbourne a me Sydney kahi i hōʻea nui ai nā limahana he 120 ma kēlā me kēia kūlanakauhale. Ua mālama ʻia na ko HTO nā hōʻikeʻike no ka papa hana Mālama Hawaiʻi me ka hoʻonaʻauao pū aku i nā limahana ʻoihana huakaʻi a hoʻokipa no nā hua hou o ka pae ʻāina ʻo Hawaiʻi.

Ua kī wikiō ʻia ua hanana nei ma ke 40 ʻatikala ʻokoʻa, ma mua a ma hope o ka hanana. No ka lanakila, e komo hou ana ko HTO i ka Visit USA Roadshow i ka MH 2023 e mau ai ka ʻike o nā aʻoaʻo huakaʻi o ka mākeke Pākīpika no ka pae ʻāina ʻo Hawaiʻi a me ka papa hana Mālama Hawaiʻi.

No ka manawa mua loa mai ka MH 2019 mai, ua mālama ʻia na ko HTO ka hanana Aloha Down Under me ka mālama ʻia o nā hanana ma Sydney, Brisbane, a me Melbourne, Nūhōlani, a pēlā pū i Auckland, Aotearoa. Ma ka holo o nā lā he ʻeono mai ka lā 22 i ka lā 29 o ʻAukake, ua mālama ʻia no ko HTO he ʻeiwa hanana e laʻa nā papa hoʻonui ʻike aʻoaʻo huakaʻi, nā ʻākoakoa pāpaho, a pēlā pū nā hālāwai kelepona e pili ai me ka 600 a ʻoi aʻoaʻo huakaʻi, ʻōhua, a limahana pāpaho.

Ua kākoʻo ʻia ua hanana nei na ka 16 hui kākoʻo o Hawaiʻi: Marriott Hawai‘i, Prince Waikīkī, Highgate Hawai‘i, Courtyard by Marriott O‘ahu North Shore, Surfjack Swim Club & Hotel, Waikīkī Beach Marriott Resort & Spa, Castle Hospitality, Aqua-Aston Hospitality, Kailani Tours, Go City O‘ahu, The Kāhala Hotel & Resort, Outrigger Hotels & Resorts, Kā‘anapali Beach Hotel, Disney Destinations, Norwegian Cruise Line, a me Hawaiian Airlines. Ua hana pū ko HTO me ke Kumuola Foundation e hōʻike ʻia ai ka mākia ʻo ka hoʻomau ʻia ʻana o nā hana pāheona a moʻomeheu, a me ka mālama ʻia o nā hana hoʻonanea ma ka wā o ka hanana.

Ua kipa pū ka hui no Hawaiʻi i nā ʻōhua nui e laʻa ʻo Flight Centre, Helloworld, a me House of Travel e ʻoi aʻe ai ka ʻike ʻia ʻana o Hawaiʻi ma ka mākeke.

Ua mālama pū ko HTO he anamanaʻo ma hope o ka hanana me ka ʻike ʻana i nā manaʻo maikaʻi me ka hōʻike ʻana o ke 94% o nā lālā hōʻea no ka Pākīpika no ke kō o ka pahuhopu ʻo ke aʻo hou ʻana no nā hua o Hawaiʻi ma ua hanana nei.

Ma ka pili iā Aloha Down Under, ua mālama ka hui no Hawaiʻi ma Auckland. Ma ka hana pū ʻana o ko HTO me ka hui kū i ka ʻauhau ʻole kālele ao kūlohelohe ʻo Sea Cleaners, ua holo aku ua hui nei i ko Auckland uapo ʻo Waitematā e kōkua ai ma ka ʻohiʻohi ʻōpala mai ke kapa kai o ka Mokupuni ʻo Rangitoto.

Ua komo pū ma ua hui The Sea Cleaners nei he ʻehā ʻelele ʻōpio ma ka māhina ʻo Kepakemapa he māhele o ko HTO papa hana e kālele ana ma ka pā o ke Kai Pākīpika i ka ʻea.

Ma ka lā 22 o ʻAukake, ua mālama ko HTO he ʻaina awakea pāpaho ma ka Botanical House nani ma ko Sydney Botanical Garden. ʻAneʻane a he 30 ʻelele kālepa a pāpaho a pēlā pū kekahi mau mea kākau huakaʻi i hōʻea aʻe i ua hanana nei, i ke kime e hōʻike ana no ka Pae ʻĀina a me nā hoa kākoʻo o Aloha Down Under.

Hui pau loa ʻia, ua nui ke kī wikiō ʻia o Aloha Down Under, ʻo ia hoʻi he nīnauele lēkiō a me ka 22 ʻatikala kālepa i pā ai ka 400,000 mea hoʻolohe a heluhelu.

Eia kekahi mau mea kūikawā o ia hanana nei ma LatteLuxuryNews.com and Karryon.com.au.

Ma ke ʻano he hopena o ko HTO hoʻokamaʻāina pāpaho (FAM) i Malaki, ua paʻa i ke kime he mau moʻolelo ma Escape Magazine a ma kona kahuapaʻa. Hōʻike ua mau moʻolelo nei no ko ka waha ʻōlelo Amanda Woods hele ʻana i Turtle Bay Resort ma Oʻahu, a he $100,000 ka waiwai hoʻolaha.

Ua mālama ʻia na ko Hawaiʻi Tourism Korea (HTK) he hanana mea kemu kālele ʻai i ʻAukake ma ka hana pū ʻana me SSG, he kikowaena kūʻai uila alakaʻi na ka pāʻoihana kūʻai nui ʻo Shinsegae Group. Ua hoʻomohala ʻia na ko HTK ua hanana mea kemu nei ma ʻekolu ʻano ʻo “ʻOno Hawaiʻi” nona ka pahuhopu ʻo ka hoʻonui ʻana aʻe i ka hoihoi ma ke ao uila a laha o nā hua made-in-Hawaiʻi e laʻa ke kope Kona, a pēlā pū ka meaʻai a meainu. Ma ka ʻāwai mua, ua mālama ʻia na ko SSG he hanana hoʻopaipai uila Hawaiʻi Culinary Festival e kono ana i ka lehulehu e kele i ko ka hanana kahuapaʻa kūhelu mai ka lā 15-21 o ʻAukake e eo ai ke kūpona SSG, ka papa hoʻonui ʻike i alakaʻi ʻia na ka mea kuke kaulana, a he kikiki huakaʻi paha i Hawaiʻi.

He 246,134 kele paena pūnaewele ʻana, a he 111,160 mea kele kūikawā i hua mai ma ia hoʻopaipai ʻana, me ke komo ʻana o ke 73,000 mea, e hele ana a ma ʻō aku o ka mea i manaʻolana ʻia. He $200,000 ka waiwai o ka pā uila o ia hoʻopaipai ʻana. Ua hoʻolauna pū ʻia ke ʻano ʻai kūikawā o Hawaiʻi i nā lālā komo o ua hanana nei.

Ua kono ʻia na ko HTK he ʻehā luna hoʻoponopono a mea paʻi kiʻi o Magazine B, he makasina puke kaulana ke ʻano e holo ana i ka 20 paha kaumokuʻāina, i kipa hoʻi iā Oʻahu mai ka lā 10-18 o Oʻahu a ʻike hoʻi no ka papa hana Mālama Hawaiʻi. Ua mālama ʻia na ua hui nei nā nīnauele a noiʻi no kahi pukana kūikawā no Kepakemapa e kālele ana ma luna o Hawaiʻi a me ka huakaʻi a moʻomeheu hoʻomauō.

Ua hōʻike nā mea i nīnauele ʻia e ke kime Magazine B, ʻo ko ke Keʻena Kuleana Hoʻokipa o Hawaiʻi Luna Alowelo ʻo Kalani Kaʻanāʻanā, no Mālama Hawaiʻi a me ko ke Keʻena Kuleana Hoʻokipa o Hawaiʻi mākia a kuleana ʻoihana, a pēlā pū ʻo Peter Merriman, ka mea nāna ʻo Merriman’s, John Reyno, ka mea nāna ‘o Hawai’i Modern, a me Akiko Slayton, ka manakia hoʻokaʻaʻike o Moana Surfrider Resort and Spa, no nā moʻolelo no Mālama Hawaiʻi ma ka ʻoihana hoʻokipa kūloko. Ua kipa ʻia nā hōkele a mea mākaʻikaʻi nui, a ua walaʻau pū me nā kahu moʻomeheu a mea hoʻopuka a nā hua made-in-Hawaiʻi. E mākaukau ka pukana Hawaiʻi o Magazine B no ke kūʻai ʻia ma Bās Workshop ma Oʻahu.

Ke kōkua nei ko HTK iā Yellow Ballon Tour ma ka hoʻomohala ʻana he hua mākaʻikaʻi hoʻolaupaʻi, e hoʻolauna ana i ke Kuleana Travel Tips ma ko ka hui hoʻolālā huakaʻi kahuapaʻa e kōkua ʻia ai nā ʻōhua ma ka hoʻoholo kūpono ʻana a me ke koho ʻana i nā hōkele a pūʻolo noho hōkele e pili pū ana. He papa hana Mālama ko loko o ka hua o ua hui hoʻolālā huakaʻi nei he koho me ka hoʻolako pū ʻia o ke ʻeke mauō a kīʻaha he pono keu ʻōhua.

Ke hoʻolālā ʻia nei na ko HTK he mākaʻikaʻi Honeymoon Travel Agents Familiarization (FAM) ma ʻOkakopa me Asiana Airlines. Ke hoʻolālā pū nei e mālama he mau mākaʻikaʻi mea hoʻopaipai FAM ma Nowemapa a Kekemapa e kālele ana i ka meaʻai o Hawaiʻi, nā koho meaʻai, a me ka Malakona Honolulu.

Ua komo pū ko HTC i ka hoʻolauleʻa U.S. Embassy Independence Day ma Beijing ma ka lā 15 o Kepakemapa me nā hui wahi huakaʻi hou aku o ʻAmelika Hui Pū ʻIa, e laʻa ʻo Arizona Office of Tourism, Visit California, Destination DC, Los Angeles Tourism, Louisian Office of Tourism, a me Utah Tourism. Ua kālele ʻia ua hoʻolauleʻa 2022 nei na ka ʻemepake ma luna o “Equality: Toward a More Perfevct Union,” e hāpai aʻe ana i nā holomua nui ma ko ʻAmelika hoʻopaipai ʻana i ka pono kaulike. He 1,000 mea hōʻea i wānana ʻia ma ua hanana nei e like nā ʻelele no kekahi mau kaumokuʻāina, nā ʻelele mai nā hui o ʻAmelika Hui Pū ʻIa, a me nā ʻelele Chinese Ministry of Foreign Affairs.

Ua komo ko HTC ma ka 2022 ITB China Industry Meetup ma Shanghai ma ka lā 21 o Kepakemapa me nā ʻelele o ka 20 a ʻoi wahi huakaʻi. Ua mālama ʻia na ko HTC he wahi ma ka hanana e hui ai nā mea kiʻi maka nui o ka ʻoihana. Ua hōʻike pū ko HTC a me kona pau hoa kākoʻo ʻoihana i nā hua kūlelepaho hope iho nei o Hawaiʻi, ka ʻike no ka papa hana Mālama Hawaiʻi, ke Kuleana Travel Tips, a me nā hua like ʻole me nā limahana ʻoihana. Ua kūkā pū ʻia nā ʻāʻumeʻume, loli, a lauana i ʻike ʻia ma ka ʻoihana huakaʻi poepoe honua Pākē, he hōʻea alo a he alo, a he hoʻolele ʻīwā pū ʻia.