Daryeel-bixiyeyaasha carruurta ee qaaliga ahoow,

Waxaan rajaynaynaa inay fariintan ku soo gaartay adigoo caafimaad qabtid. Maaddaama xagaaga uu soo dhowaanayo, waxaan rabnaa inaan sharaxno qorshaheena aan ku daryeelayno caruurtaada aad adiga daryeesho xagaaga 2024. Waxaan dooneynaa inaan hubinno in wax walba ay si habsami leh u socdaan oo aad ogtahay waxa aad filan karto.

Xannaanada la bixiyo xilliga xagaaga waxa ay bilaaban doontaa Juun 13 iyadoona dhammaan doonto Sebtembar 6, 2024, kaas oo daboolaya dhammaan fasaxyada xagaaga ee King County School District.

Waxaa muhiim ah in la ogaado in qoysasku ay dooran karaan inay isbedel ku sameeyaan daryeelkooda, oo ay ku jirto wax ka beddelka cadadka daryeelka loo baahan yahay bilaha xagaaga. Kooxda BSK waxa ay hadda la xidhiidhaysaa qoysaska si ay u soo ururiyaan qorshahooda daryeelka xagaaga iyo wixii isbeddel ah ee la doonayo in lagu sameeyo qorshahooda daryeelka ilmaha. Intaa waxaa dheer, si loo fududeeyo lacag-bixinno sax ah, waxaan si naxariis leh uga codsanaynaa daryeel-bixiyeyaasha caruurta inay nagu soo wargeliyaan qiimahooda daryeelka xagaaga ee la cusboonaysiiyay.

Fadlan ogoow in kaalmadu ay dabooli doonto oo keliya daryeelka la siiyo xilliga xagaaga carruurta sida joogtada ah ugu diiwaangashan barnaamijka kaalmada BSK oona isticmaala daryeelka carruurta sannadka oo dhan. Ma jiro doonto wax kaalmada dhaqaalaha BSK oo ay heli doono dadka raba daryeelka xilliga xagaaga oo kaliya.

Inta lagu jiro xagaaga, qoysasku waxay dooran karaan waqtiga "ka nastashada daryeelka xagaaga". Waxay heli karaan fasax ugu badnaan laga bilaabo Juun 13 ilaa Sebtembar 6. Inta lagu jiro bilaha marka ilmuhu aanu tagin barnaamijka daryeelka ilmaha ee la ansixiyay, ilmuhu waxa uu sii wadi doonaa in kasii diwaangeshanaado barnaamijka Kaalmada BSK, si kastaba ha ahaatee wax lacag kaalmo ah lama siin doono daryeel-bixiyaha. Carruurta aan tagin xannaanada carruurta ee xagaaga, bilaha Luulyo iyo Agoosto ma jiri doonto lacagta kaalmada BSK oo la siin doono ilmahaas ah. Haddii qoysasku doortaan inay hakiyaan daryeelkooda, waxay ka dhaxaysaa adiga iyo qoyska inaad isku duba riddaan qabanqaabada. Xor ayaad u tahay inaad ilaalashato siyaasadahaaga ku saabsan hakad-galinta iyo ka maqnaanshaha daryeelka. Qoysasku waxay u baahan yihiin inay kaala hadlaan oo ay go'aan ka gaaraan wakhti kasta oo ay maqnaan karaan, sida xeerarkaaga boos u reebida iyo ka qorista daryeelka. Si loo joogteeyo u-qalmitaanka kaalmada dhaqaalaha BSK, ilmaha (carruurta) waa in dib loo diiwaan geliyaa Sebtembar 6, iyada oo ogaysiis hore iyo qabanqaabo adiga lagula yeesho. Qoysasku waa inay sidoo kale ogeysiiyaan Kooxda BSK laba toddobaad ka hor bilowga hakinta daryeelka iyo laba toddobaad ka hor inta aan aysan dib isku soo diiwaangelinin.

Foomka Qiimayaasha Daryeel-bixiyaha Xagaaga, ee halkan ku lifaaqan, waa in la buuxiyaa Meey 1. Foomkan ayaa qeexaya qiimaha daryeelkaaga la bixiyo xagaaga. Ilaa aan ka helno macluumaadkan, waxaan sii wadi doonaa bixinta qiimaha aad hadda ku bixiso daryeelka.

Waxaanu qiimaynaynaa caawimadaada hubinta in caruurta ku jira daryeelkaaga ay helaan wakhti fiican inta lagu jiro daryeelka xagaaga, iyada oo aan wax dhib ah ama walaac ah lahayn. Haddii aad qabtid wax su’aalo ah ama u baahan tahay kaalmo, fadlan haka waabanin inaad nala soo xidhiido.

Fadlan nagala soo xiriir ciwaankat providers@bskchildcare.org ama lambarka 206-339-5570.

Rajo wanaagsan,

Kooxda BrightSpark BSK