ᐅᑐᐱᕆ 2026

ᐱᒋᐊᕐᕕᒋᓗᒋᑦ ᐃᖅᑲᓇᐃᔭᖅᑎᑦᑎᔨᓂᒃ ᐃᑲᔪᖅᓱᖅᑐᓕᕆᕗᑦ

WSCC ᓄᑖᓂᒃ ᐃᖅᑲᓇᐃᔭᖅᑎᑦᑎᔨᓂᒃ ᐃᑲᔪᖅᓱᖅᑐᓕᕆᖃᖅᑐᑦ ᐃᑲᔪᕋᓱᖃᑦᑕᐃᓐᓇᐅᔭᖅᑐᓂᒃ ᐃᖅᑲᓇᐃᔭᖅᑎᓂᒃ, ᑎᑎᕋᕐᕕᓕᕆᔨᒻᒪᕆᖕᓂᒡᓗ ᐊᐱᖅᑯᑎᖏᓐᓄᑦ ᐱᔨᑦᑎᖅᑕᐅᔭᕆᐊᖃᕐᓂᕆᔭᖏᓐᓄᓪᓗ. ᐃᑲᔪᖅᓱᖅᑎᒃᑯᑦ ᐃᑲᔪᕈᓐᓇᖅᑐᑦ WSCC Connect-ᒧᑦ ᖃᕆᓴᐅᔭᓕᕆᔾᔪᑎᒧᑦ ᐱᑐᖕᓂᕐᒧᑦ ᐊᒻᒪᓗ ᑕᒪᐃᑎᒎᖓᔪᓄᑦ ᐃᑭᐊᖅᑭᕕᒃᑯᑦ ᖃᕆᓴᐅᔭᓕᕆᔾᔪᑎᒥᒃ ᐊᐅᓚᑦᑎᓂᕐᒥᒃ, ᓲᕐᓗ ᐊᑎᓕᐅᕐᓂᖅ, ᐊᑭᓖᓂᖅ, ᑮᓇᐅᔾᔭᒃᓵᓄᑦ ᐅᓂᒃᑳᓕᐊᕐᓂᖅ, ᐊᒻᒪᓗ ᐊᑭᓕᕇᕈᑏᑦ. ᐃᑲᔪᖅᓱᖅᑎᒃᑯᑦ ᑐᓴᐅᒪᑎᑦᑎᔪᓐᓇᕐᒥᔪᑦ WSCC-ᒃᑯᓐᓂ ᖃᕆᓴᐅᔭᓕᕆᔾᔪᑎᕕᑦ, ᐊᒻᒪᓗ ᐃᖅᑲᓇᐃᔭᖅᑎᑦᑎᔨᐅᓪᓗᑎᑦ ᑲᒪᒋᔭᕆᐊᖃᖅᑕᕕᑦ ᒥᒃᓵᓄᑦ. 

ᖃᐅᔨᒋᐊᕐᕕᒋᓗᒋᑦ WSCC-ᑯᑦ ᐃᖅᑲᓇᐃᔭᖅᑎᑦᑎᔨᓂᒃ ᐃᑲᔪᖅᓱᖅᑐᓕᔨᖏᑦ ᐃᑲᔪᖅᑕᐅᔭᕆᐊᖃᕈᕕᑦ: 

• ᓄᓇᑦᓯᐊᖅ: 1-800-661-0792 (ᓇᕿᑦᑕᓗᒍᓗ2) | employer@wscc.nt.ca
• ᓄᓇᕗᑦ: 1-877-404-4407 (ᓇᕿᑦᑕᓗᒍᓗ2) | employer@wscc.nu.ca

ᐅᓪᓗᖅ ᐃᓱᓕᕝᕕᖓ ᓄᕕᐱᕆ 30

ᐃᖅᑲᓇᐃᔭᖅᑎᑦᑎᔩᑦ ᓄᕕᐱᕆ 30-ᒧᑦ ᑎᑭᓪᓗᒍ ᓄᑖᙳᕆᐊᖅᑎᑦᑎᔪᓐᓇᖅᐳᑦ ᑮᓇᐅᔾᔭᒃᓵᓄᑦ ᓇᓚᐅᑦᑖᖅᑕᐅᓯᒪᔪᓂᒃ ᑕᒪᑐᒪᓂ ᐊᕐᕌᒍᒥ ᑕᒻᒪᖅᓯᒪᙱᒃᑲᓗᐊᕐᒪᖔᑦ. ᓇᓚᐅᑦᑖᕈᕕᑦ ᐊᑦᑎᓗᐊᖅᑐᒥᒃ 25%-ᑎᒋ ᐅᖓᑖᓂᓘᓐᓃᑦ ᑭᖑᓂᐊᒍᑦ ᐊᕐᕌᒎᑉ ᓄᙳᐊᓂᑦ ᐊᑭᖓᓂᑦ, ᐊᑭᓖᑎᑕᐅᓇᔭᖅᐳᑎᑦ. 


ᐃᖅᑲᐃᑎᑦᑎᔾᔪᑦ: ᓄᓇᑦᓯᐊᖅ ᐊᒻᒪᓗ ᓄᓇᕗᑦ ᐊᔾᔨᒌᙱᑦᑑᖕᓂᒃ ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ (YMIR*) ᓈᓴᐅᑎᖃᖅᑑᒃ. ᐊᒥᓲᓐᖏᑦᑐᑦ ᐳᓴᑎᒍᑦ ᐃᖅᑲᓇᐃᔭᖅᑎᑦᑎᓲᑦ ᐃᖅᑲᓇᐃᔭᖅᓯᒪᕗᑦ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᖃᖅᑐᑦ ᑕᒪᐃᓐᓂ ᒪᕐᕉᖕᓂ ᑎᐅᓕᑐᐊᓕᔅ. ᐅᓂᒃᑳᑦ ᐊᓯᖑᖅᑐᑦ ᒪᓕᑦᑎᐊᖅᖢᑎᒃ ᑎᐊᓕᑐᐊᓕᖓᓄᑦ ᐅᕝᕙᓘᓐᓃᑦ ᑕᒪᕐᒥᒃ, ᓇᓕᐊᑐᐃᓐᓇᕐᒧᑦ ᐊᑑᑎᖃᖅᖢᑎᒃ. ᐅᓂᒃᑳᓕᐅᕈᕕᑦ ᑕᒪᐃᓐᓄᑦ ᑎᐅᓕᑐᐊᓕᔅ, ᕿᒥᕐᕈᐊᕐᓗᒍ ᐅᖃᓕᒫᕐᓗᒍ ᐅᓇ ᑎᑎᕋᖅ ᑕᒪᓐᓇ ᐳᐃᒎᔮᓐᖏᓐᓇᖕᓂ.

ᓄᑖᙳᕆᐊᕐᓗᒋᑦ ᑮᓇᐅᔾᔭᒃᓵᑦ ᑕᒪᑐᒪᓂ ᐊᕐᕌᒍᒧᑦ ᐅᓇ ᓇᕿᓪᓗᒍ ᑲᓱᒡᕕᒃ: WSCC Connect.

ᖃᐅᔨᒋᐊᒃᑲᓐᓂᕐᕕᒃᓴᖅ ᑮᓇᐅᔭᓕᐊᓄᑦ ᐊᑭᓖᔾᔪᑎᓂᑦ ᐋᖅᑭᒋᐊᖅᑕᐅᓂᖓᓄᑦ WSCC Connect. ᐊᐱᖅᑯᓯᒃᓴᖃᕈᕕᑦ ᓄᑖᕈᕆᐊᖅᑎᑦᑎᓂᕐᒧᑦ ᑮᓇᐅᔾᔭᒃᓵᕐᓂᒃ, ᖃᐅᔨᒋᐊᒃᕕᒋᓗᒋᑦ WSCC-ᑯᑦ ᐃᖅᑲᓇᐃᔭᖅᑎᑦᑎᔨᓂᒃ ᐃᑲᔪᖅᓱᖅᑐᓕᕆᔨᖏᑦ:  

• ᓄᓇᑦᓯᐊᖅ: 1-800-661-0792 (ᓇᕿᑦᑕᓗᒍᓗ 2) | employer@wscc.nt.ca
• ᓄᓇᕗᑦ: 1-877-404-4407 (ᓇᕿᑦᑕᓗᒍᓗ 2) | employer@wscc.nu.ca

*ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ (YMIR) ᑮᓇᐅᔭᑎᒍᑦ ᐊᒥᓲᓂᖓ ᐊᑐᖅᑕᐅᔪᖅ ᐋᖅᑭᔅᓯᔾᔪᑕᐅᓪᓗᓂ ᐊᑭᓕᖅᑕᐅᓂᕐᒧᑦ ᐃᑲᔫᓯᐊᓂᑦ ᐋᓐᓂᖅᓯᒪᔪᓄᑦ ᐃᖅᑲᓇᐃᔭᖅᑎᓄᑦ ᐊᒻᒪ ᐋᖅᑭᓯᓪᓗᑎ ᑭᓪᓕᖏᓐᓂ ᐊᒥᓲᓂᖏᓐᓄᑦ ᑮᓇᐅᔭᖅᑖᓄᑦ ᑖᒃᑯᐊ ᐃᖅᑲᓇᐃᔭᖅᑎᑦᑎᔪᑦ ᑐᓴᖅᑎᑦᑎᒍᑎᒋᔭᖏᑦ ᐊᑕᐅᓯᕐᒧᑦ ᐃᖅᑲᓇᐃᔭᖅᑎᒧᑦ.

ᑭᕕᒃᓯᓗᓂ ᐊᐅᓚᔾᔭᒡᓗᕐᓗᓂᓗ ᐱᕐᕈᓗᐊᕿᔪᖃᕈᓐᓇᖅᐳᖅ ᐃᖅᑲᓇᐃᔭᖅᑎ ᑎᒍᓯᒃᐸᑦ ᐊᔾᔭᖅᓯᓗᓂᓘᓐᓃᑦ ᐅᕿᙱᑦᑐᒥᒃ ᐊᐅᓚᔾᔭᒡᓗᕐᓗᑎᒡᓗ ᑎᒥᒥᓂᒡᓗ ᐊᐅᓚᑎᑦᑎᓗᓂ ᐃᓯᒐᖏᑦ ᐊᐅᓚᑎᙱᓪᓗᒋᑦ.

ᐆᒃᑑᑎᒋᓪᓗᒋᑦ ᐱᔭᒃᓴᐃᑦ ᐅᑯᐊᓗ ᑭᕕᒃᓯᔭᕆᐊᖃᖅᑎᑦᑎᔪᑦ ᐊᒻᒪᓗ ᐱᓪᓗᐃᔪᖅ ᐋᓐᓂᖅᖢᓂ ᓲᕐᓗ ᐳᐊᕆᔭᖅᖢᓂ ᐅᖁᒪᐃᑦᑐᓂᒃ ᓲᕐᓗ ᑐᐊᐸᖕᒥᒃ ᐅᕝᕙᓘᓐᓃᑦ ᐊᐳᒻᒥᒃ, ᐅᕝᕙᓘᓐᓃᑦ ᐅᖁᒪᐃᑦᑐᓂᒃ ᐊᒻᒪᓗ ᓯᐊᕆᑦᑐᑦ, ᐅᑯᐊᓗ ᑎᒥᖓᓂᒃ ᖃᓄᐃᓕᑳᓪᓚᒃᑎᑦᑎᔪᑦ ᑎᓪᓕᓇᓐᖏᑦᑐᒥᒃ ᓯᐊᕆᓪᖢᓂ. 

ᐅᑯᐊ ᐱᖓᓱᑦ ᐃᖅᑲᓇᐃᔮᑦ ᐅᓗᕆᐊᓇᖅᑐᒦᑎᑦᑎᒍᓐᓇᖅᑐᑦ ᐱᓪᓗᐃᓂᕐᒧᑦ ᐊᒻᒪᓗ ᑭᕕᒃᓯᓂᕐᒧᑦ ᐅᑭᐅᖅᑕᖅᑐᒥ ᐅᑯᐊ:


• ᓴᓗᒻᒪᖅᓴᐃᔨᑦ, ᐃᒡᓗᕐᔪᐊᓂ ᐸᖅᑭᔨᐅᔪᑦ ᐊᒻᒪᓗ ᐃᒡᓗᕐᔪᐊᓂᑦ ᑲᒪᔨᐅᔪᑦ
• ᖃᖓᑕᓲᒃᑯᑦ ᐅᓯᑲᑦᑕᖕᓂᕐᒧᑦ ᐃᓯᖐᔭᐃᔨᐅᔪᑦ
• ᐃᒡᓗᓕᐅᖅᑎᑦ ᓴᓇᔨᓪᓚᕆᖕᓂᒃ ᐃᑲᔪᖅᑎᐅᔪᑦ ᐊᒻᒪᓗ ᐱᓕᕆᔨᑐᐃᓐᓇᐅᔪᑦ

ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ ᑕᒪᒃᑯᓂᖓ ᑭᕕᒃᓯᓂᖅ ᐊᒻᒪᓗ ᐱᓪᓗᐃᓂᖅ ᖃᓄᐃᓕᔾᔪᑕᐅᔪᓐᓇᖅᑐᑦ, ᑎᑎᕋᖅᓯᒪᖕᒥᔪᑦ ᖃᓄᖅ ᐋᓐᓂᖅᑕᐃᓕᒪᔾᔪᑎᒃᓴᑦ ᑕᒃᑯᓄᖓ ᐃᕝᕕᑦ ᐃᖅᑲᓇᐃᔭᕐᕕᖓᓂ, ᑕᑯᓗᒍ ᒫᓐᓇᓵᖅ ᑐᓴᒐᒃᓴᕗᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ.

ᐊᑐᐊᒐᕐᓄᑦ ᑐᓴᒐᒃᓴᑦ

ᐊᐅᓚᑦᑎᔨᑦ ᑲᑎᒪᔨᖏᑦ ᕿᒥᕐᕈᐊᓚᐅᖅᑖ ᐊᖏᓚᐅᖅᖢᓂᐅᒡᓗ ᐅᓇ ᐊᑐᐊᒐᖅ ᓯᑎᐱᕆ 2026-ᒥ ᑲᑎᒪᑎᓪᓗᒋᑦ.

ᓄᑖᕈᕆᐊᖅᑎᑕᐅᓯᒪᔪᖅ ᐊᑐᐊᒐᖅ:

• 04.00, ᐃᑲᔫᓯᐊᓄᑦ ᐊᑭᖏᑦ

ᑕᑯᒋᐊᕐᓗᒍ ᑖᓐᓇ WSCC ᐊᑐᐊᒐᕐᓄᑦ ᐅᖃᓕᒫᒐᖅ ᕿᒥᕐᕈᐊᓂᕐᒧᑦ ᑕᒪᐃᓐᓂ WSCC ᐊᑐᐊᒐᖁᑎᖏᓐᓂᒃ ᐊᒻᒪᓗ ᑖᓐᓇ ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦᑐᑭᒧᐊᕈᑎᓂ.

ᐊᒡᓚᒡᕕᑦ ᒪᑐᓯᒪᓂᖏᑦ

ᑕᒪᒃᑮᒃ WSCC-ᑯᑦ ᑎᑎᕋᕐᕕᖓ ᒪᑐᑎᒪᓂᐊᖅᑐᖅ ᖁᓚᓕᓐᓇᐅᑉ ᐅᓪᓗᐊᓂ ᓇᒡᒐᔭᒥ, ᐅᑐᐱᕆ 12 ᐊᒻᒪᓗ ᒪᑐᐃᒃᑲᓐᓂᕐᓗᑎᒃ ᐊᐃᑉᐹᒥ, ᐅᑐᐱᕆ 13, 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792−ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca 1.800.661.0792 | wscc.nu.ca 1.877.404.4407