ᕕᕝᕗᐊᕆ 2024


ᕕᕝᕗᐊᕆ 28: ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅᒧᑦ ᐱᐊᓂᒃᑕᐅᕝᕕᒃᓴᖓ

ᐱᐊᓂᒃᑕᐅᕝᕕᒃᓴᖅ ᑐᓂᓯᓂᕐᒥ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᖅᑕᔅᓯᓂ ᐅᕙᓂ ᕕᕝᕗᐊᕆ 28, 2024. 


ᐱᒻᒪᕆᐊᓗᐃᑦ ᐃᖅᑲᐅᒪᔭᕆᐊᖃᖅᑕᑎᑦ:

  • ᑐᓂᓯᓯᒪᔭᕆᐊᖃᖅᑐᑎᑦ ᐆᒥᖓ ᐊᕐᕌᒍᑕᒫᑦ ᐃᖅᑲᓇᐃᔭᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐊᓂᒃ ᐱᑕᖃᙱᒃᑲᓗᐊᖅᐸᑦ ᐊᑭᓕᖅᓱᕆᐊᖃᖅᑕᕐᓂᒃ. 
  • ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ.
  • ᐸᕐᓇᕐᓯᒪᓗᑎᒃ ᑭᐅᔪᓐᓇᕈᑎᒃᓴᓂ ᐃᖅᑲᓇᐃᔮᒥ ᐋᓐᓂᐊᖃᖅᑕᐃᓕᓂᕐᒧᑦ ᐊᒻᒪ ᐱᕐᕈᓗᐊᕿᑦᑕᐃᓕᓂᕐᒨᖓᔪᓂᒃ ᐊᐱᖁᑎᒃᓴᓂᒃ ᐅᕘᓇ ᐱᓕᕆᐊᑎᒍᑦ.


ᑐᓂᓗᒋᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᖃᑦᑕᕐᓂᖏᓐᓄᑦ ᐅᓂᒃᑳᓕᐊᕆᔭᑎᑦ ᐅᕘᓇ WSCC Connect.


ᐃᑲᔪᖅᑕᐅᔭᕆᐊᖃᖅᐱᑦ ᐱᐊᓂᒃᓯᓇᓱᒡᓗᑎᑦ ᐅᑯᓂᖓ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᖃᑦᑕᕐᓂᖏᓐᓄᑦ ᐅᓂᒃᑳᓕᐅᕐᓂᕐᒦ? ᑕᑯᒋᐊᕐᓗᒍ ᐅᓇ WSCC Connect ᐃᑲᔪᖅᑕᐅᔪᒪᓂᕐᒧᑦ ᒪᒃᐱᒐᖅ, ᐅᑯᓄᖓᓘᓐᓃᑦ ᐅᖃᖃᑎᖃᕐᓗᑎᒃ ᐃᖅᑲᓇᐃᔭᖅᑎᓄᑦ ᐱᔨᑦᑎᕋᖅᑎᓄᑦ ᐅᕙᓂ:

ᐃᓱᒪᕕᑦ ᐊᓯᙳᖅᑐᖃᕐᓂᐊᕆᐊᒃᓴᖓᓂ ᐃᖅᑲᓇᐃᔭᖅᑎᓂ ᐊᑭᓕᕐᓱᐃᔾᔪᑎᒋᕙᒃᑕᒃᑯᑦ ᑕᒪᑐᒪᓂ ᐊᕐᕌᒍᒦ?

ᐃᓱᒪᕕᑦ ᐊᔾᔨᒌᙱᓐᓂᖃᕐᓂᐊᕐᒪᖔᑕ ᐃᖅᑲᓇᐃᔭᖅᑎᓂ ᐊᑭᓕᕐᓱᐃᔾᔪᑎᒋᕙᒃᑕᒃᑯᑦ ᐅᓂᒃᑳᓕᐊᕐᓃᑦ ᑕᒪᑐᒧᖓ ᐊᕐᕌᒍᒧ? ᐃᒪᐃᒃᑯᕕᑦ, ᐃᖅᑲᐅᒪᒋᑦ ᓇᓗᓇᐃᕐᓗᒍ ᖃᓄᐃᒻᒪ ᑕᐃᒪᐃᑦᑕᕆᐊᒃᓴᖓᓂᒃ ᐅᕙᓂ “Additional Payroll Comments” (ᐃᓚᒃᑲᓐᓂᖓ ᐊᑭᓕᖅᓱᐃᔾᔪᑎᓄᑦ ᐅᖃᐅᓯᒃᓴᓄᑦ) ᐅᕙᓂ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᖃᑦᑕᕐᓂᖏᓐᓄᑦ ᐅᓂᒃᑳᓕᐊᕐᓂ. ᐅᓇ ᐅᕙᓃᑦᑐᖅ ᐱᓕᕆᐊᒃᓴᖅ 2-ᒥ ᐊᑭᓕᖅᓱᐃᔾᔪᑎᓄᑦ ᐅᓂᒃᑳᓂ ᐅᕙᓂ WSCC Connect. ᑖᔅᓱᒥᖓ ᑐᓴᐅᒪᑎᑦᑎᑦᑎᒍᕕᑦ ᐅᖄᓚᕝᕕᐅᓇᔭᙱᑦᑐᑎ ᐅᑯᓇᙵᑦ ᐃᖅᑲᓇᐃᔭᖅᑎᑦᑎᔨᓄᑦ ᐱᔨᑦᑎᕋᐅᑎᓕᕆᔨᓄᑦ.

ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ: ᒪᑯᓂᖓ ᐱᑕᖃᖅᑎᑦᑎᑦᑕᐃᓕᓂᖅ ᖁᐊᔭᕿᓐᓂᕐᓂ, ᓈᓐᓂᖅ, ᐊᒻᒪᓗ ᐃᔪᒃᑲᕐᓂᕐᓂ

ᒪᑯᐊ ᖁᐊᔭᕿᓐᓃᑦ, ᓈᓐᓃᑦ, ᐊᒻᒪᓗ ᐃᔪᒃᑲᕐᓃᑦ ᐅᑭᐅᒃᑯᑦ ᐊᑐᖅᑕᐅᓂᕐᓴᐅᕙᒃᑐᑦ ᓲᖃᐃᒻᒪ ᓯᓚᐅᑉ ᖃᓄᐃᓕᖓᓂᖓᓄᑦ. ᑭᓯᐊᓂᓕ ᓴᓇᕝᕕᐅᑉ ᐃᓗᓂ ᐱᑕᖃᕐᒥᔪᖅ ᑕᐃᒪᓐᓇᑦᑕᐃᓐᓇᖅ ᐋᓐᓂᕈᑎᐅᔪᓐᓇᖅᑐᓂᒃ. ᓴᓗᒻᒪᕐᓴᐃᖃᑦᑕᕐᓗᓂ ᐊᔪᕐᓇᙱᑦᑐᑯᓘᕙᒃᑐᖅ ᐊᒻᒪᓗ ᐱᒻᒪᕆᐊᓘᓪᓗᓂ ᖃᐅᔭᕿᑦᑕᐃᓕᓂᕐᒧᑦ, ᓈᑎᑦᑎᑦᑕᐃᓕᓂᕐᒧᑦ ᐊᒻᒪᓗ ᐃᔪᑲᖅᑕᐃᓕᓂᕐᒧᑦ ᐃᖅᑲᓇᐃᔭᕐᕕᒃᒥ. 


ᖃᓄᕐᓕ ᐅᓇ “ᓴᓗᒻᒪᕐᓴᐃᖃᑦᑕᕐᓂᖅ” ᑐᑭᖃᖅᐸᑦ ᐃᖅᑲᓇᐃᔭᕐᕕᒃᒥ? ᖃᐅᔨᒪᓇᓱᖃᑦᑕᕆᑦᑎ ᐊᒻᒪ ᐋᖅᑭᒋᐊᖅᐸᒡᓗᒋ ᐅᓗᕆᐊᓇᖅᐸᒃᑐᑦ ᒪᑯᐊ:

  • ᖁᐊᐃᑦᑖᕐᓇᖅᑐᑦ ᐅᕝᕙᓘᓐᓃᑦ ᖃᐅᔨᖅᑐᑦ ᓇᑏᑦ (ᐊᐳᑎ ᑲᒥᖕᓂᙶᖅᑐᓄᑦ, ᑳᕕ ᑯᕕᔭᕕᓂᖅ, ᐊᓯᖏᓪᓗ),
  • ᖃᓱᖓᔪᑦ, ᒪᓂᕋᐅᙱᑦᑐᓪᓗ ᐅᕝᕙᓘᓐᓃᑦ ᐊᑕᓯᒪᑦᑎᐊᙱᑦᑐᑦ ᓇᑎᕋᐃᑦ, ᒪᓂᕋᐅᙱᑦᑐᑦ ᐱᓱᒡᕕᐅᕙᒃᑐᑦ,
  • ᐱᖁᑎᓂ ᑲᑎᓯᒪᐅᖅᑐᖃᕐᓗᓂ, ᐅᐊᔭᕈᔪᐃᑦ ᓇᑎᕐᒦᑦᑐᑦ, ᑎᑎᕋᕐᕕᐅᑉ ᐊᒧᔭᖅᑐᖏ ᒪᑐᐃᖓᑎᑕᐅᕙᒃᑐᑦ, ᐅᕝᕙᓘᓐᓃᑦ
  • ᖃᐅᒪᑦᑎᐊᙱᓗᐊᖅᑐᖅ. 


ᑕᒪᑦᑕ ᐃᑲᔪᖃᑦᑕᕆᐊᖃᕋᑦᑕ ᐃᖅᑲᓇᐃᔭᖅᕕᐅᔪᑦ ᐅᓗᕆᐊᓇᙱᑦᑐᒦᑎᓐᓇᓱᒡᓗᒋᑦ. ᖃᐅᔨᒍᕕᑦ ᐅᓗᕆᐊᓇᖅᑐᒥ ᓇᖕᒥᓂᖅ ᐋᖅᑭᒍᓐᓇᙱᑕᕐᓂ (ᓲᕐᓗ ᓇᑎᖅ ᑭᑭᐊᒃᓯᒪᑦᑎᐊᙱᑦᑐᖅ ᑕᐃᒪᓐᓇᓗ ᒪᓂᕋᐅᔪᓐᓃᕈᑎᐅᓪᓗᓂ), ᑕᐃᒪᓕ ᑖᓐᓇ ᖃᐅᔨᒪᔭᐅᑎᓪᓗᒍ ᐃᓕᓯᕝᕕᒋᓗᒍ ᓇᓗᓇᐃᒃᑯᑎᒥ, ᓂᐱᐅᑎᒧᓪᓘᓐᓃᑦ ᐊᒻᒪᓗ ᑲᒪᔨᔅᓯᓐᓄᑦ ᐅᖃᐅᓯᕆᑲᐅᑎᒋᓗᒍ.


ᖃᐅᔨᒃᑲᓐᓂᕈᒪᒍᕕᑦ ᐱᕐᕈᓗᐊᕿᑦᑕᐃᓕᓂᕐᒥᒃ ᒪᑯᓄᖓ ᖁᐊᔭᕿᓐᓂᕐᓄᑦ, ᓈᓐᓂᕐᓄᑦ ᐊᒻᒪ ᐃᔪᒃᑲᕐᓂᕐᒧᑦ ᑕᑯᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᐃᑭᐊᕿᕕᖓ.

wscc.nt.ca 1.800.661.0792 | wscc.nu.ca 1.877.404.4407