ᔫᓂ 2026


ᓇᑉᐸᖅᑎᕆᓂᖅ ᐊᕐᕌᒍᒥ ᐃᓗᐊᓂ ᖃᖓᐅᓂᖓᓂ ᐃᖅᑲᐃᔾᔪᑎ

ᐃᒡᓗᓕᐅᕐᓇᕐᓯᓕᕐᑎᓪᓗᒍ ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓕᕆᐊᖃᕐᑐᓂᒃ ᐸᕐᓇᒃᓯᒪᖁᔨᓪᓗᑎᒃ ᐊᐅᔭᕐᒧᑦ – ᒪᑯᓇᙵᑦ ᐊᓂᒍᖅᑎᑕᐅᑎᑦᑎᓂᕐᒥ ᒪᐅᖓ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐅᖃᑲᑕᒍᓐᓇᕐᓂᕐᒧᑦ. ᐊᑖᓃᑦᑐᑦ ᑕᑯᓗᒋᑦ ᖃᖓᒃᑯᑦ ᐊᑐᖃᑦᑕᕆᐊᓖ ᐊᒻᒪ ᐃᑲᔫᑎᒃᓴᑦ ᐊᑦᑕᓇᖅᑐᓂ ᐃᓱᒪᒋᔭᖃᕆᐊᖃᕐᓂᕐᒧᑦ ᐃᖅᑲᓇᐃᔭᕐᕕᒋᔭᕐᓂ!



  • ᐃᖅᑲᓇᐃᔭᖅᑎᑖᕐᓂᕐᒧᑦ ᑳᓐᑐᕌᒃᑎᓄᑦ? ᐃᖅᑲᓇᐃᔭᖅᑎᓂ ᓴᓇᓕᖅᑎᑦᑎᓂᐊᕈᕕ ᑕᒪᑐᒧᖓ ᐊᓂᒍᐃᑎᑦᑎᔪᓐᓇᕐᓂᕐᒧᑦ ᑎᑎᖃᓂ ᐱᔭᕆᐊᖃᖅᑐᑎᑦ ᐱᒋᐊᓚᐅᙱᓐᓂᕐᓂ ᐊᒻᒪᓗ ᐱᐊᓂᒃᑕᐅᓚᐅᙱᓐᓂᖓᓂ ᐱᓕᕆᐊᕆᔭᐅᑎᑕᐅᔪᖅ. ᐱᔪᓐᓇᖅᑐᓯ ᐊᓂᒍᐃᑎᑕᐅᔾᔪᑎᓂ ᖃᕋᓴᐅᔭᒃᑯᑦ ᐱᔨᑦᑎᕋᐅᑎᑎᒍᑦ, WSCC Connect. 


  • ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐅᖃᖃᑎᒌᖕᓃᑦ: ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐅᖃᐅᓯᖃᑲᑕᖃᑦᑕᖅᑐᑦ ᐊᒃᑐᐊᔪᓂ ᐃᒡᓗᓕᐅᕐᓂᕐᒧᑦ ᐊᑦᑕᓇᖅᑐᒦᔾᔪᑎᐅᔭᑦᑐᓂᒃ, ᐊᒻᒪᓗ ᖃᓄᖅ ᐋᓐᓂᖅᑕᐃᓕᓇᓱᒍᑎᓂᒃ ᖃᓄᐃᑦᑕᐃᓕᒍᑎᒃᓴᓂᒡᓗ. 


ᐅᖃᖃᑎᒋᓗᒍ Safety.outreach@wscc.nt.ca ᐅᕝᕙᓘᓐᓃᑦ Safety.outreach@wscc.nu.ca ᓈᒻᒪᙱᓕᐅᕈᑎᓄ ᐊᐱᖅᑯᑎᒃᖃᕈᕕᑦ ᐃᒡᓗᓕᐅᕐᓂᒃᑯᑦ ᐊᐅᔭᐅᔪᖅ! ᑕᒪᒃᑭᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔾᔪᑎᓕᖕᓂ ᒪᓕᒐᐃᑦ ᓇᓂᔭᐅᔪᓐᓇᖅᐳᑦ ᐃᑭᐊᖅᑭᕕᑦᑎᓐᓂ. 

 
 

ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᒃᓴᖅ: ᒪᑐᐃᖓᔪᖅ ᐱᓇᓱᒍᒪᒍᔅᓯ ᔫᓂ 22 ᒥ 

ᖃᐅᔨᒪᒋᑦᑎ ᐃᖅᑲᓇᐃᔭᕐᕕᒃᒥ ᐋᓐᓂᐊᖃᖅᑕᐃᓕᓂᕐᒥ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔨᑦᑎᕋᐅᑎᖃᕐᑐᑦ, ᐃᓕᓐᓂᐊᖅᑎᑦᑎᔩᑦ, ᐊᒻᒪ ᐊᔪᕈᓐᓃᖅᓴᖅᑎᑦᑎᔩᑦ! 


ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᒃᓴᒧᑦ ᐱᓇᓱᒍᒪᔪᑦ ᑕᒪᑐᒪᓂ ᑕᖅᕿᒃᒥ ᒪᑐᐃᕐᓂᐊᕐᒪᓐ ᑕᒪᐃᓐᓂ ᐄᓇᐅᔭᓕᐅᕋᓱᖕᓂᕐᒧᑦ ᐅᕝᕙᓘᓐᓃᑦ ᑮᓇᐅᔭᓕᐅᕋᓱᖕᓂᕐᒨᙱᑦᑐᖅ ᑲᑐᔾᔨᖃᑎᒌᓄᑦ ᐃᖅᑲᓇᐃᔭᕐᕕᒃᒥ ᐋᓐᓂᐊᖃᖅᑕᐃᓕᓂᕐᒥ ᐊᒻᒪ ᐊᑦᑕᓇᖅᑐᒦᑦᑕᐃᓕᓂᕐᒥ ᐱᓕᕆᐊᖃᖅᑐᓄᑦ, ᐃᓕᓐᓂᐊᖅᑎᑦᑎᓂᕐᒧᑦ ᐅᕝᕙᓘᓐᓃᑦ ᐊᔪᕈᓐᓃᖅᓴᕐᓂᕐᒥ ᓄᓇᓕᖕᓂ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ.


ᐊᕐᕌᒍ 2027-ᒥ ᐱᓕᕆᐊᓄᑦ ᐅᓇ ᐱᓇᓱᒃᑕᐅᔪᓐᓇᖅᑐᖅ ᔫᓂ 22-ᒥ ᐋᒐᓯ 10, 2026-ᒧᑦ. 


ᖃᐅᔨᒃᑲᓐᓂᕈᒪᒍᕕᑦ ᐱᓕᕆᐊᒃᓴᐅᑉ ᒥᒃᓵᓄᑦ, ᐊᒻᒪᓗ ᖃᓄᐃᓕᐅᕈᑎᒃᓴᑦ ᐃᑲᔫᑎᑖᕈᑎᐅᔪᓐᓇᖅᑐᓂ 2026-ᒥ, ᑕᑯᒋᐊᕐᓗᒍ ᖃᕋᓴᐅᔭᒃᑯᑦ ᓴᖅᑭᔮᒐᕗᑦ. 

 
 

ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ – ᐊᑐᖅᑕᐅᑎᑦᑕᐃᓕᒪᑎᑦᑎᓂᖅ ᑎᒥᒃᑯᑦ ᓄᑭᖏᓐᓂ ᐋᓐᓂᖅᑐᓂᑦ

ᐃᕝᕕᓪᓘᓐᓃᑦ ᐃᖅᑲᓇᐃᔭᖅᑐᓪᓘᓐᓃᑦ ᓇᓗᓇᐃᖅᓯᓯᒪᕙᑦ ᐃᖅᑲᓇᐃᔭᕐᕕᒃᒧᑦ ᐋᖅᑭᒃᑕᐅᓯᒪᔪᑦ ᐅᓗᕆᐊᓇᕆᐊᒃᓴᖏᓐᓂ ᐃᖅᑲᓇᐃᔭᕐᕕᒋᔭᔅᓯᓐᓃ? ᑕᐃᒪᐃᓯᒪᒍᔅᓯ, ᐱᓕᕆᐊᖃᒃᑲᓐᓂᓕᕋᔭᕐᑐᓯ ᖁᑦᑎᖕᓂᕐᓴᒦᑦᑐᓂ ᐊᐅᓚᑦᑎᔨᓂ (ᐅᕙᓂ ᐃᓚᒋᔭᐅᑎᑕᐅᔪᖅ ᐅᓗᕆᐊᓇᖅᑐᓂ ᖃᐅᔨᓴᕐᓂᕐᒧᑦ ᑎᑎᕋᕐᕕᒃᓴᓂ) ᐱᑕᖃᕈᓐᓃᖅᑎᑦᑎᓇᓱᖕᓂᕐᒥ ᐅᕝᕙᓘᓐᓃᑦ ᒥᒃᖠᕚᓪᓕᖅᑎᑦᑎᓂᕐᒥ ᐅᓗᕆᐊᓇᖅᑐᓂ ᖃᐅᔨᔭᔅᓯᓐᓂ. 


ᐅᕙ ᐃᓚᖏᑦ ᐆᒃᑑᑎᑦ ᖃᓄᖅ ᐊᑐᕈᓐᓇᕐᒪᖔᑕ ᐳᖅᑐᓕᕇᑦ ᓴᐳᓐᓂᐊᕈᑎᑦ ᐃᖅᑲᓇᐃᔭᕈᑎᒋᔭᕐᓄᑦ ᐊᑦᑕᕐᓇᕈᓐᓇᖅᑐᓄᑦ:


  • ᑕᐃᒪᓗ ᐲᕈᓐᓇᖅᑕᑎᑦ ᐃᖅᑲᓇᐃᔭᕈᑎᒋᔭᕐᓄᑦ ᐊᑦᑕᕐᓇᕈᓐᓇᖅᑐᑦ ᐋᕿᑦᑎᐊᒃᑲᓐᓂᕈᖕᓂ ᐃᖅᑲᓇᐃᔭᕐᕕᒃᐱᑦ ᐃᓗᐊᓂ ᑕᐃᒪᓗ ᓴᓇᔩᑦ ᑭᕕᒃᓯᖃᑦᑕᕐᓂᐊᓐᖏᒻᒪᑕ ᓇᖕᒥᓂ ᐅᖁᒪᐃᑦᑐᓂᒃ ᐅᓯᓕᖅᓱᐃᓗᑎᒃ?


  • ᐋᖅᑭᒋᐊᖅᑎᑦᑎᔾᔪᑎᓂ ᐋᖅᑭᒃᓯᔪᓐᓇᖅᐱ ᐱᓕᕆᐊᒧᑦ ᐋᖅᑭᒋᐊᖅᑎᒪᔪᓂ ᒪᑯᓂᖓ ᐃᒃᓯᕙᐅᑕᕐᓂ ᐊᒻᒪ ᐱᓕᕆᕝᕕᖕᓂ ᖁᕝᕙᕆᐊᕈᓐᓇᖅᑐᓂ ᑎᑎᕋᕐᕕᒃᒥ ᐱᖅᑲᓇᐃᔭᖅᑎᓅ?


  • ᐃᒪᐃᑦᑐᓂ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂ ᐱᖁᑎᓂ ᐱᖃᖅᑎᑦᑎᔪᓐᓇᕋᔭᖅᐱ ᒪᑯᑎᑐᓇᖅ ᓰᖁᕐᒧᑦ ᐋᓐᓂᖅᑕᐃᓕᔾᔪᑎᓂ ᓰᖅᑯᒥᐊᕆᐊᖃᖅᐸᒃᑐᓂ ᐃᖅᑲᓇᐃᔭᖅᑎᓄᑦ?


ᖃᐅᔨᒋᐊᒃᑲᓐᓂᕈᒪᒍᕕᑦ ᓇᓗᓇᐃᕐᓯᔪᓐᓇᕐᓂᕐᒥᒃ ᐊᒻᒪ ᖃᓄᐃᑎᑦᑎᑦᑕᐃᓕᓂᕐᒥ ᐱᓕᕆᔾᔪᑎᑎᒍ ᐃᖅᑲᓇᐃᔭᕐᕕᖕᓂ ᑕᑯᒋᐊᕐᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᓄᐃᓕᐅᕐᓂᕐᒧᑦ ᐊᑦᑕᓇᖅᑐᒦᑦᑕᐃᓕᓂᕐᒥ ᑎᑎᕋᕐᕕᐅᕙᒃᑐᑦ ᒪᒃᐱᒐᖓ.

 
 

ᐸᕐᓇᒃᐸᒌᕐᓗᒍ ᐊᐅᔭᕐᒧ ᐊᑦᑕᓇᙱᑦᑐᒥ ᐃᖅᑲᓇᐃᔭᕐᕕᖃᕐᓂᕐᒧᑦ!

ᐸᕐᓇᒃᐸᓪᓕᐊᒐᕕᑦ ᐊᐅᔭᕐᒧᑦ ᐊᒻᒪᓗ ᐃᖅᑲᓇᐃᔭᖅᑎᑖᓵᖅᖢᑎᒃ ᐃᓅᓱᒃᑐᒥ ᐅᕝᕙᓘᓐᓃᑦ ᐃᖅᑲᓇᐃᔭᓕᓵᖅᑐᒥᓐ. ᑕᐃᒪᓕ ᐃᖅᑲᓇᐃᔭᓕᓚᐅᙱᓐᓂᖏᓐᓂᒃ ᐊᔪᕈᓐᓃᖅᓴᖅᑎᓪᓗᒋᑦ ᐃᖅᑲᓇᐃᔮᖏᓐᓂᒃ ᐊᒻᒪ ᐊᑦᑕᓇᖅᑐᒦᑦᑕᐃᓕᓂᕐᒥᒃ ᐃᖅᑲᓇᐃᔮᖏᓐᓂ. ᐅᓇ ᐃᖅᑲᓇᐃᔭᖅᑎᑦᑎᔨᓄᑦ ᑲᒪᒋᔭᐅᔭᕆᐊᖃᒻᒪᕆᒃᑐᖅ.


ᐊᑦᑕᓇᖅᑐᒦᑦᑕᐃᓕᓂᕐᒥ ᐅᔾᔨᕈᓱᑲᐅᑎᒋᑎᑦᑎᓂᖅ ᐱᒻᒪᕆᐊᓘᖕᒪ ᐱᒋᐊᓕᓵᕐᓗᓂ. ᖃᐅᔨᒪᑐᓪᓗᒋ ᐃᖅᑲᓇᐃᔭᕐᕕᖃᕐᓂᖅ ᐊᑦᑕᓇᖅᑐᒦᓐᓇᙱᑦᑐᒥ ᑭᒃᑯᑐᐃᓐᓇᕐᓄᑦ ᑲᒪᒋᔭᐅᔭᕆᐊᓕᒃ, ᐊᒻᒪᓗ ᐅᖃᐅᓯᕆᓗᒋᑦ ᐱᖓᓱᑦ ᐃᖅᑲᓇᐃᔭᖅᑐᓄᑦ ᐱᔪᓐᓇᐅᑎᒋᔭᐅᔪᑦ:


  • ᐱᔪᓐᓇᐅᑎᖃᕐᓂᖅ ᖃᐅᔨᒪᓂᕐᒧᑦ ᐃᖅᑲᓇᐃᔮᖏᓐᓂᑦ ᐊᑦᑕᓇᖅᑐᒦᑦᑕᐃᓕᓂᕐᒥᒃ.
  • ᐱᔪᓐᓇᐅᑎᖃᕐᓂᖅ ᐃᓚᐅᓂᕐᒧᑦ ᐃᖅᑲᓇᐃᔭᕐᕕᒃᒥ ᐃᑲᔪᖃᑕᐅᕙᒡᓗᓂ ᐃᖅᑲᓇᐃᔭᕐᕕᖓ ᐊᑦᑕᓇᖅᑐᒦᙱᒃᑲᓗᐊᕐᒪᖔᑦ.
  • ᐱᔪᓐᓇᐅᑎᖃᕐᓂᖅ ᐋᒃᑳᕈᓐᓇᓂᕐᒧᑦ ᐊᒻᒪ ᐋᒃᑳᕐᐸᒡᓗᓯ ᐃᖅᑲᓇᐃᔮᕆᖁᔭᐅᔪᖅ ᐅᓗᕆᐊᓇᓗᐊᖅᐸᑦ ᑖᒃᑯᓄᖓ ᐃᖅᑲᓇᐃᔭᖃᑎᖏᓐᓄᓪᓗ.


ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑭᓐᓇᕐᒥᐅᑕᓂ ᐊᒻᒪ ᐅᖃᓕᒫᒐᕋᓛᓂᒡᓗ ᐱᖃᕐᑐᑦ ᐃᖅᑲᓇᐃᔭᖅᑎᑦ ᐱᔪᓐᓇᐅᑎᖏᓐᓅᖓᔪᓂᒃ ᑕᒪᐃᓐᓂ ᐅᖃᐅᓯᕐᓂ ᐊᑐᖅᑕᐅᔪᑎᒍ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥ. ᑎᑎᕋᕐᓯᒪᔪᓂ ᐱᔪᒪᒍᔅᓯ ᖃᕋᓴᐅᔭᒃᑯᑦ ᑎᑎᕋᕐᓗᓯ ᐅᕗᖓ naosh@wscc.nt.ca ᐅᕝᕙᓘᓐᓃᖅᑦ naosh@wscc.nu.ca. 


ᐊᑦᑕᓇᖅᑐᒦᑦᑕᐃᓕᓂᕐᒥ ᐅᖃᐅᓯᖃᓕᕈᕕᑦ ᑐᑭᒧᐊᖅᑕᐅᔪᓐᓇᖅᑐᑎᑦ ᐅᓇ ᑕᑯᒋᐊᕐᓗᒍ ᐃᖅᑲᓇᐃᔭᕆᐊᑐᐃᓐᓇᕆᐊᖃᓕᖅᐲᑦ? ᐱᓕᕆᐊᖑᔪᓄᑦ ᑎᑎᖅᑕᐅᕙᓪᓕᐊᓂᐅᔪᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ. 

 
 
 

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖓ ᔭᓗᓇᐃᕝᒥ ᒪᑐᓯᒪᓂᐊᖅᑐᖅ ᑲᓇᑕᒥ ᓄᓇᖅᑲᖅᑳᖅᓯᒪᔪᑦ ᐅᓪᓗᐊᓂ ᓇᒡᒐᔾᔭᐅ, ᔫᓂ 22, ᐊᒻᒪᓗ ᒪᑐᐃᒃᑲᓐᓂᕐᓗᑎᒃ ᐊᐃᑉᐱᖅ, ᔫᓂ 23, 8:30 ᐅᓪᓛᒃᑯᑦ.


ᑕᒪᕐᒥᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓯᒪᓂᐊᖅᑐᑦ ᑲᓇᑕᐅᑉ ᐅᓪᓗᐊᓂ ᐱᖓᑦᓯᖅ, ᔪᓚᐃ 1, ᐊᒻᒪᓗ ᒪᑐᐃᒃᑲᓐᓂᕐᓗᑎᒃ ᓯᑕᒻᒥᖅ, ᔪᓚᐃ 2, 8:30 ᐅᓪᓛᒃᑯᑦ.


ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.


ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ Report Unsafe Work (ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ) ᐱᔨᑦᑎᕈᑎᓂ ᑕᐃᑲᓂ WSCC Connect.


 
 
 

wscc.nt.ca 1.800.661.0792 | wscc.nu.ca 1.877.404.4407