ᑎᓯᐱᕆ 2020                                                         
ᐃᖅᑲᓇᐃᔭᖅᑎᖁᑎᓕᖕᓄᑦ ᐊᑭᖏᑦ 2021 
2021 ᐊᑭᒋᑎᑕᐅᔪᖅ ᓱᕈᓯᕐᓯᒪᙱᓚᑦ 2020-ᒥ ᐊᑭᒋᑎᑕᐅᓚᐅᕐᑐᓂᒃ

ᑕᒪᑐᒪᓂ ᐊᕐᕌᒍᒥ, ᐊᑐᖅᑕᐅᓂᕐᓴᐅᕙᒃᑐᑦ ᖃᐅᔨᓴᕐᓂᕐᒧᑦ ᐊᑭᖏ ᓱᖁᓯᔾᔮᙱᑦᑐᑦ ᐅᕙᓃᓪᓗᑎᒃ $2.40 ᐅᕙᙵᑦ $100-ᓂ ᐊᑭᓕᕐᓱᖅᑕᐅᔾᔪᑎᓂᒃ ᖃᐅᔨᓴᖅᑕᐅᓂᑯᓂᒃ.

ᐊᑐᖅᑕᐅᓂᕐᓴᐅᕙᒃᑐᑦ ᐊᑭᓕᐅᑎᒃᓴᑦ ᓱᖁᓯᙱᑎᓪᓗᒋᑦ, ᐃᓚᖏᑦ ᐃᖅᑲᓇᐃᔭᖅᑎᑦᑎᔨᐅᔪᑦ ᑕᑯᓂᐊᕐᑐᑦ ᐊᑭᓕᐅᑎᖏᓐᓂᒃ ᖁᕝᕙᖅᐹᓪᓕᕐᓂᖏᓐᓂᒃ ᐅᕝᕙᓘᓐᓃᑦ ᐊᑦᑎᒃᓯᕚᓕᕐᓂᖏᓐᓂᒃ, ᒪᓕᒡᓗᓂ ᐱᓕᕆᐊᖏᓐᓄᑦ ᑮᓇᐅᔭᖅᑖᕋᓱᖕᓯᒪᓂᖏᓐᓄᑦ.

ᐋᖅᑭᒃᓯᓇᓱᒃᖢᑎᒃ ᖃᐅᔨᓴᕐᓂᕐᒧᑦ ᐊᑭᖏᓐᓂᒃ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᓱᒪᒋᔭᖃᖃᑦᑕᖅᑐᑦ ᒪᑯᓂᖓ ᑭᓱ ᐊᑐᒃᑲᓐᓂᕈᓐᓇᕋᔭᕐᒪᖔᑦ ᑮᓇᐅᔭᖅᑖᕋᓱᖕᓂᕐᒧᑦ ᐊᑭᓕᐅᑎᓂᒃ, ᑕᐅᑐᙳᐊᖅᖢᒍ ᐱᓕᕆᕝᕕᖕᒥ ᖃᓄᐃᓕᐅᕈᓯᖅ, ᑮᓇᐅᔭᖅᑖᕋᓱᖃᑦᑕᖅᑐᑦ ᖃᓄᐃᓕᖓᓂᖏᓐᓄᑦ ᐊᒻᒪᓗ ᓈᒻᒪᓈᕐᒃᓯᒪᓇᓱᒃᑐᓂᒃ ᐃᖅᑲᓇᐃᔭᖅᑎᑦᑎᔨᓄᑦ.

ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓕᕆᓇᓱᒃᑐᑦ ᐃᑲᔪᕋᓱᒃᖢᑎᒃ ᐃᖅᑲᓇᐃᔭᖅᑎᑦᑎᔨᓂᒃ ᐋᖅᑭᒃᓱᐃᕙᓪᓕᐊᓂᕐᒥ ᐊᒻᒪ ᑲᒪᒋᔭᖃᐃᓐᓇᕐᓂᕐᒥᒃ ᐅᓗᕆᐊᓇᙱᑦᑐᒦᑎᑦᑎᓂᕐᒧᑦ ᖃᓄᐃᓕᐅᕈᑎᒃᓴᓂᒃ ᐊᒻᒪ ᐃᖅᑲᓇᐃᔮᒧᑦ ᐅᑎᕈᓐᓇᕐᓯᒍᑎᒃᓴᓂᒃ. ᐋᓐᓂᖅᑎᑦᑎᑦᑕᐃᓕᓂᖅ ᐊᒻᒪ ᐱᐅᓯᕙᓪᓕᖅᑎᑦᑎᓂᖅ ᐃᖅᑲᓇᐃᔮᒧᑦ ᐅᑎᕈᓐᓇᓯᒍᑎᓂᒃ ᑮᓇᐅᔭᖅᑖᕈᑎᒃᓴᓂᒃ ᐊᑐᙱᓐᓂᕐᓴᐅᒍᑎᐅᓇᔭᕐᑐᓂᒃ ᑕᐃᒪᓐᓇᓗ ᐊᖏᓂᖅᐹᒥ ᐊᔾᔨᐅᙱᔾᔪᑎᐅᓇᔭᖅᖢᓂ ᐃᖅᑲᓇᐃᔭᖅᑎᑦᑎᔨᐅᔪᑦ ᐊᑭᓕᐅᑎᒋᕙᒃᑕᖏᓐᓄᑦ.

ᐃᖅᑲᓇᐃᔭᖅᑎᑦᑎᔨᐅᔪᑦ ᑕᑯᔪᓐᓇᕐᑐᑦ ᐱᓕᕆᐊᖏᓐᓅᖓᔪᓄᑦ ᐃᓄᒋᐊᓄᓪᓘᓐᓃᑦ ᐊᑭᓕᐅᑎᒃᓴᐅᑎᑕᐅᔪᓂᒃ ᐊᕐᕌᒍᒧᑦ ᐊᒡᒋᖅᑐᒧᑦ ᐅᕙᓂ WSCC Connect. ᑕᑯᔪᓐᓇᖅᑕᐃᑦ ᒫᓐᓇᐅᔪᖅ ᐅᐊᑦᑎᐊᕈᓪᓗ ᐊᑭᖏᓐᓂᒃ ᐃᒪᐃᓕᖓᓗᑎ Class & Subclass (ᐊᕕᒃᓯᒪᔪ ᐊᕕᒃᓯᒪᒃᑲᓐᓂᖅᑐᓂ) ᐊᒻᒪᓗ Specific Industry (ᓴᓇᔨᕐᔪᐊᓄᑦ ᑐᕌᖓᓪᓚᕆᒃᑐᓂ).


ᓄᕙᒡᔪᐊᕐᓇᖅ-19-ᒧᑦ ᐃᑲᔫᑎᐅᔪᓐᓇᖅᑐᑦ
ᐃᖅᑲᓇᐃᔭᕐᓂᖅ ᐅᓗᕆᐊᓇᙱᑦᑐᒥᓐ ᐋᓐᓂᐊᕕᒡᔪᐊᕐᓇᖅᑕᖃᖅᑎᓪᓗᒍ



ᖃᓄᐃᓕᕈᑎᐅᔪᑦ ᐅᓄᕐᓯᕙᓪᓕᐊᑎᓪᓗᒋᑦ ᑲᓇᑕᓕᒫᒥᑦ ᐊᒻᒪ ᓄᓇᕐᔪᐊᓕᒫᒥᑦ, ᐃᖅᑲᓇᐃᔭᖅᑎᑦᑎᔨᐅᔪᑦ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥᑦ ᑲᔪᓯᔪᑦ ᐃᑲᔪᖅᑕᐅᔪᒪᕙᒃᖢᑎᒃ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᑐᑭᒧᐊᕈᑎᒃᓴᓂᒃ ᐊᒻᒪᓗ ᖃᓄᖅ ᐃᖅᑲᓇᐃᔭᖅᑎᖏᓐᓂᒃ, ᐱᔨᑦᑎᕋᖅᑕᖏᓐᓂᒡᓗ ᐅᓗᕆᐊᓇᙱᑦᑐᒦᑎᑦᑎᓂᕐᒥᒃ ᖃᐅᔨᓇᓱᒃᑎᓪᓗᒋ ᖃᓄᖅ ᐋᓐᓂᐊᕕᒡᔪᐊᕐᓇᖅ ᑲᒪᒋᔭᐅᔪᓐᓇᕆᐊᒃᓴᖓᓂᒃ.

ᑕᐃᒪᙵᑦ ᐱᒋᐊᓚᐅᕐᑎᓪᓗᒍ ᓄᕙᒡᔪᐊᕐᓇᖅ-19 ᐋᓐᓂᐊᕕᒡᔪᐊᕐᓇ, ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓕᕆᖃᑎᖃᐃᓐᓇᖅᐳᑦ ᐅᑯᓂᖓ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑎᑎᕋᕐᕕᖏᓐᓂᒃ ᐊᒻᒪᓗ ᐃᖅᑲᓇᐃᔭᖅᑎᑦᑎᔨᓂᒃ ᐃᑲᔪᖅᑐᐃᓪᓗᑎ ᐋᖅᑭᒃᓱᐃᕙᓪᓕᐊᓂᖏᓐᓂᒃ ᓴᖅᑭᕝᕕᐅᓂᕐᒧᑦ ᐊᐅᓚᑦᑎᓂᕐᒥᒃ ᐸᕐᓇᐅᑎᖏᓐᓂᒃ ᐊᒻᒪ ᕿᒥᕐᕈᐊᖅᑕᐅᓂᖏᑦᑎᒍᑦ.

ᖃᕋᓴᐅᔭᒃᑯᑦ ᓴᖅᑭᔮᒐᑦᑎᓐᓂᒃ ᑕᑯᔪᓐᓇᖅᑐᑎᑦ ᑐᓴᒐᒃᓴᓂᒃ ᐃᖅᑲᓇᐃᔭᕐᕕᒋᔭᕕᑦ ᒥᒃᓵᓅᖓᔪᓂᒃ, ᐃᓚᖃᖅᖢᓂ ᐅᓗᕆᐊᓇᙱᑦᑐᒦᒍᑎᓂᒃ, ᐸᕐᓇᐅᓯᐅᕐᓂᕐᒧᑦ ᐃᑲᔪᕈᑎᒃᓴᓂᒃ ᐊᒻᒪᓗ ᐅᓗᕆᐊᓇᙱᑦᑐᒦᓐᓂᕐᒥ ᖃᐅᔨᓴᕐᓂᕐᒧᑦ ᑎᑎᕋᕐᕕᒃᓴᓂᒃ ᐃᑲᔪᕈᑎᐅᓂᐊᕐᑐᓂᒃ ᓄᕙᒡᔪᐊᕐᓇᖅ-19 ᒦᒃᓵᓄᑦ ᐸᕐᓇᐅᓯᐅᕐᓂᕐᒧᑦ. ᐊᑐᕐᓗᒍ ᐃᖅᑲᓇᐃᔭᕐᕕᒻᒥ ᐊᑦᑕᓇᐃᖅᓯᒪᓂᕐᒧᑦ ᐸᕐᓇᐃᓂᖅ ᑎᑎᕋᖅᓯᒪᔪᑦ ᖃᐅᒋᐊᕐᕖᑦ ᐃᑲᔪᕐᓗᑎᒃ ᐊᑐᕐᓗᒋᑦ ᐱᑕᖃᕆᐊᖃᖅᑐᑦ ᐊᐅᓚᑦᑎᓂᕐᒧᑦ ᐊᑐᖅᑕᐅᒋᐊᓖᑦ. ᐊᑭᓐᓇᒥᐅᑕᒃᓴᓂ ᓴᖅᑭᑎᑦᑎᕕᒃ ᑎᑎᖃᓂᒃ ᓇᓗᓇᐃᒃᑯᑎᖃᕈᒪᒍᕕᑦ. ᐊᑕᐅᑦᑎᒃᑯᑦ ᑲᔪᓯᔪᓐᓇᕋᑦᑕ ᐱᓕᕆᐊᖃᐃᓐᓇᕐᓂᕐᒥᒃ ᐅᓗᕆᐊᓇᙱᑦᑐᒦᓪᓗᓂ.




ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ
ᖁᕕᐊᓱᒡᕕᒃᓯᐅᕐᓇᐅᓂᖓᓂᒃ ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ ᐊᑐᖅᑕᐅᑎᑦᑕᐃᓕᓗᒋᑦ


ᓴᓇᕝᕕᖕᒥ ᐱᖁᑎᕈᓘᔭᐃᑦ ᐊᒻᒪ ᓂᓚᒐᓚᐅᕙᒃᑐᑦ ᖁᐊᐃᔭᕿᓐᓇᖅᐸᒃᑐᑦ, ᐹᓪᓚᖕᓇᖅᖢᑎᒃ ᐊᒻᒪ ᑲᑕᖕᓇᖅᖢᑎᒃ. ᐅᑯᓂᖓ ᐊᑐᕈᓐᓇᖅᑐᓯ ᑕᐃᒪᐃᑎᑦᑎᑦᑕᐃᓕᓂᕐᒧᑦ: 

ᑎᓯᐱᕆᒥ ᖁᕕᐊᓱᒡᕕᒃᓯᐅᑎᓂᒃ ᐋᖅᑭᒃᓱᐃᓗᓯ ᐅᓗᕆᐊᓇᙱᑦᑐᒃᑯᑦ

ᖁᕕᐊᓱᒡᕕᒃᓯᐅᑏᑦ ᖁᕕᐊᓇᖅᐹᓪᓕᕈᑎᐅᔪᓐᓇᕐᒪᑕ ᓴᓇᕝᕕᖕᓂ ᑭᓯᐊᓂᓕ ᐱᒻᒪᕆᐅᕗᖅ ᐃᖅᑲᓇᐃᒪᓗᓯ ᖁᕕᐊᓱᒡᕕᒃᓯᐅᑎᓂᒃ ᐋᖅᑭᒃᓱᐃᓂᐊᕈᔅᓯ ᐅᓗᕆᐊᓇᙱᓪᓗᓂ, ᑕᒪᐃᓐᓂ ᐃᖅᑲᓇᐃᔭᕐᕕᖕᒥᑦ ᐊᒻᒪ ᐊᖏᕐᕋᔅᓯᓐᓂ.
  • ᐅᐊᔭᐃᑦ ᑕᒃᖠᒋᐊᕈᑎᐅᔪᑦ ᐊᒻᒪ ᐊᒃᖢᓈᑦ ᖃᐅᒪᐃᑦ ᐹᓪᓚᓕᕈᑎᐅᔭᒻᒪᑕ ᑎᑎᕋᕐᕕᖕᒥᓐ. ᐊᑭᓐᓇᐅᑉ ᓴᓂᑦᑎᐊᖓᒍ ᐃᓕᐅᖃᖅᐸᒡᓗᒋᑦ, ᐃᓄᒋᐊᓗᐊᕐᓂᕐᒥᐅᙱᑦᑐᖅ ᐊᒻᒪᓗ ᐃᓂᖏᓐᓂᒃ ᓅᑦᑕᐃᓕᒪᑎᑉᐸᒡᓗᒋᑦ.
  • ᓇᑎᖅ ᑭᓱᕈᓘᔭᖃᖅᑎᑦᑕᐃᓕᓗᒍ. ᖁᕕᐊᓱᒡᕕᒃᓯᐅᑎᒋᔭᓯ ᐊᑭᓐᓇᕐᒦᑎᔾᔫᒥᓗᒋᑦ ᐅᕝᕙᓘᓐᓃᑦ ᐃᓄᖕᓄᑦ ᐊᖅᑯᑎᐅᙱᓐᓂᕐᒥᓐ. ᓇᐹᖅᑐᐃᑦ, ᐊᖏᔪᑦ ᖁᕕᐊᓱᒡᕕᒃᓯᐅᑏᑦ ᐊᒻᒪ ᐊᒃᖢᓈᙳᕐᓯᒪᔪᑦ ᐹᓪᓚᒍᑎᐅᔪᓐᓇᖅᑐᑦ, ᓲᖃᐃᒻᒪ ᐃᖅᑲᓇᐃᔭᖅᑎᐅᔪᑦ ᓱᖏᐅᑎᓯᒪᙱᓗᐊᕐᒪᑕ ᐋᖅᑭᒃᑕᐅᓵᕐᓯᒪᔪᓂᒃ.
ᐃᖅᑲᐅᒪᓂᐊᖅᐳᑎᑦ: ᖁᕕᐊᓱᒡᕕᒃᓯᐅᑎᑦ ᐅᓗᕆᐊᓇᑐᐃᓐᓇᕆᐊᓖᑦ ᒪᑯᓄᖓ ᖁᐊᐃᔭᕿᓂᕐᒧᑦ, ᐹᓪᓚᖕᓂᕐᒧᑦ, ᐊᒻᒪ ᑲᑕᖕᓂᕐᒧᑦ. ᖁᕕᐊᓱᒡᕕᒃᓯᐅᑎᒋᔭᓯ ᐃᑭᑐᐃᓐᓇᕆᐊᖃᙱᒃᑲᓗᐊᕆᐊᒃᓴᖏᓐᓂᒃ ᖃᐅᔨᒪᓗᒋᑦ, ᐆᓇᖅᑐᒧᑦ ᐅᖓᓯᒃᓴᖅᑎᓪᓗᒋᑦ ᐊᒻᒪᓗ ᐊᑐᕈᓐᓃᕌᖓᑕ ᕿᐅᒃᑲᖓᓐᓇᖅᑐᒦᑎᙱᓪᓗᒋᑦ ᐅᖁᑐᐃᓐᓇᕆᐊᖃᕐᓂᖏᓐᓄᑦ. ᖁᕕᐊᓱᒡᕕᒃᓯᐅᑎᑦ ᐱᐅᙱᑐᐊᖅᐸᑦ ᐊᓯᐊᓂᖔᖅ ᐱᑖᖃᑦᑕᕐᓗᓯ.

ᑐᑭᓯᓯᒪᓗᓯ ᐅᓗᕆᐊᓇᔭᓐᓂᖓᓂᒃ ᖁᑦᑎᒃᑐᒥ ᐱᓕᕆᓗᓂ

ᓴᓇᕝᕕᖕᓂ ᖃᐅᒻᒪᖁᑎᓂᒃ ᐋᖅᑭᒃᓱᐃᓂᐊᕈᒪᕖ? ᓴᓇᔨᐅᔪᑦ ᖁᑦᑎᒃᑐᒥ ᐱᓕᕆᔪᓐᓇᕐᓯᓯᒪᔭᕆᐊᓖᑦ.
  • ᒪᔪᕋᐅᑎᒥ ᐊᑐᕆᐊᖃᑐᐃᓐᓇᕆᐊᓖᑦ ᖃᐅᒻᒪᖁᑎᓂᒃ ᐋᖅᑭᒃᓱᐃᓂᐊᕈᑎᒃ ᓴᓇᕝᕕᐅᑉ ᐃᓗᐊᓂ. ᑕᐃᒪᐃᑉᐸᑦ, ᓴᓇᔨᐅᔪᑦ ᓈᒻᒪᒃᑐᓂ ᒪᔪᕋᐅᑎᓂ ᐊᑐᕐᑎᓪᓗᒋᑦ, ᒪᔪᕋᐅᑏᑦ ᐹᒦᑎᙱᓪᓗᒋᑦ, ᐊᒻᒪ ᑐᐊᕕᐊᓗᙱᓪᓗᑎᑦ ᐱᓕᕆᐊᖃᕐᓗᑎ ᐊᒻᒪᓗ ᐃᑲᔪᖅᑎᖃᕈᓐᓇᕐᓗᑎᑦ. ᖃᐅᔨᒃᑲᓐᓂᕈᒪᒍᕕᑦ, ᕿᒥᕐᕈᐊᕈᓐᓇᖅᑕᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᓕᒫᒐᖅ ᐆᒧᖓ  ᒪᔪᕋᐅᑎᓂ ᐅᓗᕆᐊᓇᙱᑦᑐᒦᓐᓂᖅ.
  • ᖃᐅᒻᒪᖁᑎᓂ ᐃᒡᓘ ᖄᖓᓂ ᓂᕕᖓᑎᑦᑎᓂᐊᕈᔅᓯ, ᑲᑕᔾᔭᐃᕐᓯᒪᔭᕆᐊᖃᖅᑐᑦ ᐃᖅᑲᓇᐃᔭᖅᑎᐅᔪᑦ, ᐊᒻᒪᓗ ᐊᔪᕈᓐᓃᕐᓴᕐᓯᒪᓗᑎᒃ ᖁᑦᑎᒃᑐᒥ ᐱᓕᕆᐊᖃᕈᓐᓇᕐᓂᕐᒥᒃ. ᐃᒡᓘ ᖄᖓᓂ ᑲᑕᒡᓗᓂ ᖁᕕᐊᓱᒡᕕᖕᒥ ᓱᕋᐃᑐᐃᓐᓇᕋᔭᙱᓚᖅ ᑭᓯᐊᓂᓕ ᐃᖅᑲᓇᐃᔭᖅᑎᐅᑉ ᐃᓅᓯᖓᓄᑦ ᐊᓯᙳᕈᑎᐅᑐᐃᓐᓇᕆᐊᖃᕐᒥᖕᒪᑦ. ᖃᐅᔨᒋᐊᕐᓗᒍ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᓕᒫᒐᖅ ᐆᒧᖓ  ᑲᑕᒃᑕᐃᓕᓂᕐᒧᑦ ᓴᐳᑎᓯᒪᓂᕐᒥ ᖃᐅᔨᒃᑲᓐᓂᕈᓐᓇᕐᓂᐊᕋᕕᑦ.
ᐅᔾᔨᕈᓱᑦᑎᐊᖃᑦᑕᕐᓗᓯ ᖁᑦᑎᒃᑐᒥ ᐱᓕᕆᐊᖃᓕᕌᖓᔅᓯ, ᐊᒻᒪᓗ ᐃᖅᑲᓇᐃᔭᖅᑎᐅᔪᑦ ᐊᔪᕈᓐᓃᕐᓴᕐᓯᒪᓗᑎᒃ, ᐱᓕᕆᔾᔪᑎᖃᕐᓗᑎᒃ ᐊᒻᒪᓗ ᐃᑲᔪᖅᑎᖃᕐᓗᑎᒃ ᑕᐃᒪᓐᓇ ᐱᓕᕆᐊᖃᕐᑎᓪᓗᒋᑦ.

ᓯᑯᖃᓕᔭᑦᑐᑦ ᖃᐅᔨᒪᑦᑎᐊᕐᓗᒋᑦ

ᑎᓯᐱᕆ ᓯᑯᖃᓕᔭᑐᐃᓐᓇᙱᒻᒪᑦ ᑭᓯᐊᓂᓕ ᐱᓕᕆᕈᓘᔭᓕᕐᓇᕐᒪᑦ ᑭᒃᑯᑐᐃᓐᓇᕐᓄᑦ, ᐊᒻᒪᓗ ᑐᐊᕕᕈᓘᔭᑲᑕᓕᕐᓇᖅᖢᓂ ᓇᒧᙵᐅᑲᑕᒃᖢᓂ. ᐃᖅᑲᓇᐃᔭᕐᑎᐅᔪᑦ ᐃᒪᓐᓇ ᐱᓕᕆᑎᑉᐸᓪᓗᒋᑦ:
  • ᓱᒃᑲᐃᒡᓕᒋᐊᕐᓗᑎᑦ.
  • ᐅᔾᔨᕈᓱᑦᑎᐊᕐᓗᑎᒃ ᐱᓱᒡᕕᒋᕙᓪᓕᐊᔭᖏᓐᓂᒃ.
  • ᐱᓕᕆᑎᓪᓗᒋ ᐅᖄᓚᐅᑎᕋᓛᓄᑦ ᐅᓚᕕᑕᐅᑎᑦᑕᐃᓕᒪᓗᒋᑦ.
  • ᐊᑐᕐᓗᑎᑦ ᓈᒻᒪᒃᑐᓂ ᑲᒪᒋᔭᕆᐊᖃᖅᑕᓂᑦ.
  • ᓯᐅᕋᖅᑕᖃᕐᓗᓂ ᖁᐊᐃᑦᑖᕐᓇᖅᑐᖃᓕᕐᐸᑦ ᐊᑐᖅᑕᐅᓇᔭᖅᑐᒥᑦ.
ᓴᓇᔪᓕᒫᑦ ᓴᓇᕝᕕᖕᒥᑦ ᖁᐊᐃᑦᑖᕐᓇᖅᑎᑦᑎᑦᑕᐃᓕᑎᓪᓗᒋᑦ. ᐃᒪᖃᕐᕕᔭᑦᑐᐃᑦ ᖃᐅᔨᓴᖅᑕᐅᕙᒡᓗᑎᒃ ᓂᓚᖃᓕᕆᐊᒃᓴᖏᓐᓂᒃ.

ᖃᐅᔨᒃᑲᓐᓂᕈᓐᓇᕐᑐᓯ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᓕᒫᒐᖅ ᐅᑯᓂᖓ ᖁᐊᔭᕿᓐᓃᑦ, ᐹᓪᓚᖕᓃᑦ ᐊᒻᒪ ᑲᑕᖕᓃᑦ ᒥᒃᓵᓄᑦ.


ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᖅ 
ᑐᓂᓯᕙᓪᓕᐊᓗᑎᑦ ᐱᒋᐊᕐᓗᒍ ᔮᓐᓄᐊᓕ 1, 2021−ᒥ

ᒫᓐᓇᒃᑯᑦ, ᐃᖅᑲᓇᐃᔭᕐᕖᑦ ᐱᓯᒪᔪᑦᓴᐅᓕᖅᑐᑦ ᑐᑭᓯᒋᐊᕈᑎᓂᑦ ᖃᓄᖅ ᑐᓂᓯᔪᓐᓇᕐᒪᖔᑕ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ ᐊᖅᑯᑎᒋᓪᓗᒍ  WSCC Connect. ᐅᓪᓗᕐᓯᐅᑎᒍᑦ ᑐᓂᓯᔪᓐᓇᕐᕕᐅᔫᑉ ᐅᓂᒃᑳᓂᑦ ᕕᕝᕗᐊᕆ 28, 2021, ᑭᓯᐊᓂᑦᑕᐅᖅ ᑐᓂᓯᔪᓐᓇᓯᐊᖅᑐᓯ ᓯᕗᓂᑐᖃᖓᒍᑦ ᐃᒻᒪᖄ ᔮᓐᓄᐊᕆ 1, 2021 ᐊᑐᐃᓐᓇᐅᑉᐸᑕ. ᐃᖅᑲᐅᒪᓂᐊᖅᐳᑎᑦ, ᑐᓂᓯᒋᐊᖃᖅᑐᑎᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ (APR) ᐅᓂᒃᑳᓕᐅᕐᓂᐊᕋᓗᐊᕈᕕᑦ ᔨᕈᒥ (0) ᐃᖅᑲᓇᐃᔭᖅᑎᖁᑎᓐᓄᑦ ᐊᑭᓕᐅᑎᒃᓴᓄᑦ. ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ.

ᐃᑲᔪᕈᑎᒃᓴᑦᑎᐊᕙᑦ:
  1. ᖃᐅᔨᓴᖅᐸᓪᓗᒋᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔾᔪᑎᓕᓐᓂᑦ ᑭᐅᔾᔪᑎᑦᓴᓂᑦ ᐱᒋᐊᓚᐅᖏᓂᕐᓂ: WSCC Connect ᐊᑐᖅᑎᐅᔪᑦ ᐅᖃᖃᑎᖃᓪᓗᐊᖅᐳᑦ ᐃᓄᖕᒧᑦ ᐊᐅᓚᑦᑎᕙᒃᑐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑲᒻᐸᓂᓐᓂᑦ (ᐅᕝᕙᓘᓐᓃᑦ ᑲᒻᐸᓂᒧᑦ ᑎᑎᕋᕈᔾᔨᕙᓪᓕᐊᓂᕐᓄᑦ) ᐃᓕᖕᓂ ᑐᓂᓯᓂᕐᒧᑦ ᑭᐅᓂᐅᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑎᒋᔭᖏᓐᓄᑦ. ᑕᒪᑐᒪᓂ ᐊᕐᕌᒍᒥ ᐊᐱᖅᑯᑎᒃᓴᑦ ᓄᑖᙳᕋᐊᖅᑕᐅᖕᒪᑕ ᒪᑯᓇᙵᑦ ᐄ/ᐋᑲ ᑭᐅᔾᔪᑎᓂᒃ ᒪᐅᖓ ᓇᓗᓇᐃᒃᑯᑎᓕᕆᓂᒃᑯ.
  2. ᒪᓕᓪᓗᒋᑦ ᐊᑐᐊᒐᕗᑦ ᖃᓄᖅ ᐱᓕᕆᒋᐊᖃᕐᒪᖔᑦᓯ: ᑕᒪᒃᑭᕐᓯᒪᔪᑦ ᒪᑯᓄᖓ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐊᐱᖅᑯᑎᐅᕙᒃᑐᑦ ᓄᑖᓂ ᑐᑭᓯᒋᐊᕈᑎᖃᖅᖢᑎᒃ ᓇᓂ ᓇᓂᓯᔪᓐᓇᕐᒪᖔᑦ ᐅᕙᓃᑦᑐᖅ ᐃᓚᖓ 4 ᐅᕙᓂ ᒪᓕᒃᑕᒃᓴᖅ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ.
  3. ᐃᑲᔪᖅᑕ: ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔨᕗᑦ ᐃᓕᑦᓯᓐᓂᑦ ᐃᑲᔪᕈᓐᓇᖅᑐᑦ ᐊᐱᖅᑯᑎᓕᕆᑎᓪᓗᓯ ᓱᓕ ᓇᓗᕈᔪᒃᑯᑦᓯ. ᐅᕙᑦᑎᓐᓄ ᐅᖄᓚᒍᓐᓇᖅᑐᓯ ᐅᕗᖓ 1-800-661-0792 ᐊᒻᒪ ᐅᖃᖃᑎᖃᕈᒪᓗᑎᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔨᑦᑎᓐᓂ.
ᐱᓕᕆᔾᔪᑏᑦ ᖃᓄᖅ ᐋᖅᑭᑦᓯᒪᒋᐊᖃᕐᓂᖏᓐᓂᑦ ᐃᑲᔪᕆᐊᖃᕈᑦᓯ ᐅᑯᓅᓇ WSCC Connect, ᑕᑯᓂᐊᕐᓗᒍ WSCC Connect Help ᒪᑉᐱᒐᖅ ᐅᕝᕙᓘᓐᓃᑦ ᐅᖄᓚᕕᒋᓗᒋᑦ ᐅᖓᓯᑦᑐᒧᑦ ᐊᑭᓖᒋᐊᖃᖕᖏᑦᑐᑦ ᐅᖄᓚᕕᒋᓗᒋᑦ 1-844-238-5008.




ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ 
ᑐᓂᓯᒪᒋᐊᓖᑦ ᑎᓯᐱᕆ 31, 2020



ᓇᖕᒥᓂᖃᖅᑎᐅᒍᕕ, ᑲᑐᔾᔨᖃᑎᒋᔭᐅᒍᕕ, ᑎᑎᕋᖅᓯᒪᒍᕕᑦ ᑐᑭᒧᐊᖅᑎᑦᑎᔨᐅᓪᓗᑎ, ᐅᕝᕙᓘᓐᓃᑦ ᓇᖕᒥᓂ−ᐃᖅᑲᓇᐃᔭᖅᑎᐅᒍᕕᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᓇᓪᓕᐅᒃᑯᒫᖃᑦᑕᐅᑎᒋᙱᑦᑐᑎᑦ ᐃᒡᕕᑦ ᐃᖅᑲᓇᐃᔮᖓᒍᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᓇᓪᓕᐅᒃᑯᒫᖃᓂᐊᓗᓂ, ᐊᑎᓕᐅᕆᐊᖃᖅᑐᑎ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒧᑦ, ᐊᔾᔨᒌᑦᑐᓂ ᐃᑲᔫᑎᓂ ᐊᑐᐃᓐᓇᐅᑎᑦᑎᓲᑦ ᐊᓯᖏᑎᑐᑦ ᓴᓇᔨᐅᔪᓂ ᐃᖅᑲᓇᐃᔭᕐᕕᖕᒥ ᐋᓐᓂᐊᕐᓇᑐᑖᑲᓪᓛᒃᑯᕕᑦ ᐊᒻᒪ ᐋᓐᓂᑳᓪᓚᒃᑯᕕᑦ.

ᓇᓪᓕᐅᒃᑯᒫᖅᑖᕈᓐᓇᖅᑐᑎᑦ ᑕᖅᑭᑐᐊᕐᒧᑦ ᐊᒻᒪ ᐊᕐᕌᒍᓕᒫᒧᑦ. ᐊᕐᕌᒍᒧᑦ ᓇᐅᑦᑎᐅᒃᑯᒫᖃᕈᕕᑦ, ᓄᑖᙳᕆᐊᖃᖃᑦᑕᖅᑕᐃᑦ ᐊᕐᕌᒍᑕᒫᑦ ᓇᐅᑦᑎᐅᒃᑯᒫᕆᔭᐃᑦ. ᖃᐅᔨᒪᒋᐊᑦᑎᐊᕐᓗᑎ ᓇᓪᓕᐅᒃᑯᒫᖃᕐᓂᕐᒧᑦ ᓄᖅᑲᖓᑲᐃᓐᓇᔾᔪᑎᖃᙱᑦᑐᖅ, ᐊᑏ 2021-ᒧᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᑦ ᑐᓂᓯᒪᓂᐊᖅᐸᐃ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄ ᖄᖏᓚᐅᖅᑎᓐᓇᒍ ᑎᓯᐱᕆ 31, 2020.

ᕿᒥᕐᕈᐊᓂᕐᒧᑦ ᐊᒻᒪ ᑕᑕᑎᕆᓂᕐᒧᑦ ᑖᔅᓱᒥᖓ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ, ᓇᕿᑦᑎᓗᑎ  ᒪᐅᓇ. ᐊᐅᓪᓚᖅᑎᒋᐊᓖᑦ ᓇᓪᓕᐊᓐᓄᑐᐃᓐᓇᖅ ᐊᓪᓚᕕᒻᒧᑦ ᐅᕗᖓ:

ᓄᓇᑦᓯᐊᖅ
ᐃᕐᖐᓐᓈᖅᑕᐅᑖ:
 employer@wscc.nt.ca

ᓱᒃᑲᔪᒃᑯᑦ: 867-873-4596
ᐊᑭᖃᙱᑦᑐᖅ ᓱᒃᑲᔪᒃᑯᑦ: 1-866-277-3677


ᓄᓇᕗᑦ
ᐃᕐᖐᓐᓈᖅᑕᐅᑖ:
employernu@wscc.nu.ca

ᓱᒃᑲᔪᒃᑯᑦ: 867-979-8501
ᐊᑭᖃᙱᑦᑐᖅ ᓱᒃᑲᔪᒃᑯᑦ: 1-866-979-8501





ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᕋᕐᕕᖏᑦ ᒪᑐᓯᒪᓂᐊᕐᑐᑦ ᐱᖓᔅᓯᖅ, ᑎᓯᐱᕆ 23-ᒥᑦ ᐊᒻᒪ ᒪᑐᐃᒃᑲᓐᓂᕐᓗᓂ ᓇᒐᔾᔭᒥ, ᔮᓐᓄᐊᕆ 4-ᒥᑦ 8:30-ᒥ ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca   /  1.800.661.0792   *   wscc.nu.ca  /  1.877.404.4407