ᐅᓪᓘᔪᖅ ᐃᖅᑲᐅᒪᓂᕐᒧᑦ ᐊᒻᒪ ᐅᐱᒍᓱᖕᓂᕐᒧᑦ ᑕᐃᒃᑯᓄᖓ ᐃᓅᓯᐅᔪᓂ ᐊᓯᐅᔪᓄᑦ |
|
|
ᐅᓪᓗᖓ ᕿᔅᓵᓂᕐᒧᑦ ᐅᐱᒋᔭᖃᖅᐳᖅ ᑕᒪᒃᓂ ᓴᓇᔨᐅᔪᓂ ᐊᓯᐅᔨᓚᐅᖅᑐᓂ ᐃᓅᓯᖓᓐᓂ ᐱᑎᑕᐅᓂᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᕐᓂᐅᔪᓂᑦ ᐅᕝᕙᓘᓐᓃᑦ ᐋᓐᓂᐊᕐᓇᒥᒃ.
ᑲᑎᙵᓗᑕ, ᐃᖅᑲᐅᒪᕗᒍᑦ ᐊᒻᒪ ᐊᖏᖅᓯᒪᕗᒍᑦ ᐃᖅᑲᓇᐃᔭᕐᕕᖕᒥ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪ ᓄᖅᑲᖅᑎᑦᑎᓂᕐᒥ ᐱᓂᕐᓗᒡᔪᐊᕐᓂᐅᒃᑲᓐᓂᖅᑐᓂ. ᐊᑕᐅᓯᖅ ᐃᓅᓯᖅ ᐊᓯᐅᔪᖅ ᐊᒥᓲᓗᐊᖅᐳᖅ.
ᐃᖅᑲᓇᐃᔭᖅᑎᖁᑎᓕᑦ ᑕᑯᒃᓴᐅᑎᑦᑎᔪᓐᓇᖅᐳᑦ ᐃᑲᔪᖅᓱᐃᓂᖓᓂ ᐊᒻᒪᓗ ᐊᖏᖅᓯᒪᓂᖏᓐᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᕐᕕᖕᒥ ᓇᓗᓇᐃᖅᓯᓂᕐᒥ ᐅᓪᓗᖓ ᕿᔅᓵᓂᕐᒧᑦ ᐅᕙᓕ ᐊᐃᕐᕆᓕ 28−ᖑᔪᒥ. |
|
ᐃᖅᑲᓇᐃᔭᕐᓂᖅ ᐊᑦᑕᓇᙱᑦᑐᒥ ᓄᕙᒡᔪᐊᕐᓇᖅ-19-ᒥ ᐊᒻᒪᓗ ᐊᓯᖏᓐᓂ ᐊᐃᑦᑐᖅᑕᐅᔪᓐᓇᖅᑐᓄᑦ ᐋᓐᓂᐊᕐᓇᓂᑦ |
|
|
ᓄᕙᒡᔪᐊᕐᓇᖅ-19 ᑭᒡᓕᖃᕐᓂᐅᔪᑦ ᖃᓱᕙᓪᓕᐊᑎᓪᓗᒋᑦ, ᐃᖅᑲᓇᐃᔭᖅᑎᖁᑎᓖᑦ ᐅᔾᔨᖅᓱᑦᑎᐊᕆᐊᖃᖅᐳᑦ ᐊᒻᒪ ᓴᖑᓴᕋᐃᓪᓗᑎᒃ ᐊᓯᔾᔨᖅᐸᓪᓕᐊᓂᖓᓄᑦ. ᖁᐱᕐᕈᐃᑦ ᐊᐃᑦᑐᐃᓐᓇᖅᑐᑦ ᓴᖅᑭᑎᑦᑏᓐᓇᖅᐳᖅ ᐊᒃᓱᕈᕈᑕᐅᔪᓂ ᐃᓗᐊᓂ ᐊᒻᒪ ᓯᓚᑖᓂ ᐃᖅᑲᓇᐃᔭᕐᕕᖕᒥ ᐊᒻᒪᓗ ᐅᕙᓃᖏᓐᓇᕐᓂᐊᓕᖅᐳᖅ, ᐊᔾᔨᐸᓗᐊᓂ ᐊᓯᖏᓐᓂ ᐊᐃᑦᑐᖅᑕᐅᕙᒃᑐᓂ ᐋᓐᓂᐊᕐᓇᓂᑦ ᓲᕐᓗ ᓴᐅᓂᙳᓂᕐᒥ.
ᖃᓄᐃᓕᐅᕆᐊᖃᕐᓂᖓ ᑭᒡᓕᖃᖅᑎᑕᐅᓂᐅᔪᑦ ᖃᓱᕙᓪᓕᐊᑎᓪᓗᒋᑦ?
ᑎᑎᕋᖅᓯᒪᔪᒥ ᐸᕐᓇᐅᑎᖃᕐᓗᑎᑦ ᓄᖑᑎᑦᑎᓂᕐᒧᑦ ᐅᕝᕙᓘᓐᓃᑦ ᒥᒃᖠᒋᐊᖅᑎᑦᑎᓂᕐᒧᑦ ᐅᓗᕆᐊᓇᕐᓂᖓᓂ ᐊᐃᑦᑐᐃᓂᐅᔪᓐᓇᖅᑐᓂ ᐋᓐᓂᐊᕐᓇᓂᑦ ᐃᖅᑲᓇᐃᔭᕐᕕᖕᒥ ᐱᔭᕆᐊᖃᕐᓂᐅᖏᓐᓇᐅᔭᖅᐳᖅ ᐅᕘᓇ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᓂᕐᒧᑦ ᒪᓕᒐᖑᖅᑎᑕᐅᓯᒪᔪᓂᑦ ᐊᒻᒪ ᑕᐃᒪᐃᖏᓐᓇᕐᓂᐊᖅᐳᖅ.
- ᓴᖅᑭᔮᕐᕕᐅᓂᕐᒥᑦ ᐊᐅᓚᑦᑎᓂᕐᒧᑦ ᐸᕐᓇᒍᑎ ᐃᓚᒋᔭᐅᑎᓪᓗᒍ ᐱᑕᖃᖅᐸᒌᖅᑐᒥ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖑᔪᒥ
- ᓇᐅᑦᑎᖅᓱᐃᓐᓇᕐᓗᑎᑦ ᐃᖅᑲᓇᐃᔭᕐᕕᖕᓂᑦ ᐊᒻᒪᓗ ᐊᑦᑕᕐᓇᖅᑑᕐᓂᖓᓂ ᑭᒡᓕᐅᔪᓂ ᐊᐃᑦᑐᖅᑕᐅᔪᓐᓇᖅᑐᓂ ᐋᓐᓂᐊᕐᓇᓂᑦ ᐃᓚᖃᖅᑐᒥ ᐊᔪᕆᖅᓱᐃᓂᐅᔪᒥ, ᑎᓕᐅᕈᑕᐅᔪᓂ ᐊᒻᒪᓗ ᐊᑐᓕᖁᔭᐅᔪᓂᑦ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ. ᐋᖅᑭᒋᐊᖅᓯᓗᑎᑦ ᐊᒻᒪ ᓄᑖᙳᕆᐊᖅᑎᑦᑎᓗᑎᑦ ᐸᕐᓇᐅᑎᖕᓂ ᐱᔭᕆᐊᖃᓕᕌᖓᑦ
- ᑕᐃᒪᓐᓇᑎᑐᑦ ᑕᒪᒃᑭᓂ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒃᓱᕈᕈᑕᐅᔪᓂ, ᑐᑭᓯᓇᑦᑎᐊᖅᑐᒥ ᐋᔩᖃᑎᖃᕐᓗᑎᑦ ᐊᓯᔾᔨᕐᓂᐅᔪᓂ ᑭᒃᑯᓕᒫᓄᑦ ᐃᖅᑲᓇᐃᔭᕐᕕᖕᒥ ᖃᐅᔨᒪᓂᐊᕐᒪᑕ ᑲᒪᒋᔭᕆᐊᓕᖏᓐᓂᑦ
|
|
ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐱᓇᓱᐊᕈᓯᖅ: ᒪᐃ 1-7 |
ᓄᓇᓕᖕᓂ ᐊᒻᒪ ᐃᖅᑲᓇᐃᔭᕐᕕᖕᓂ ᐊᑦᑕᓇᔾᔭᐃᖅᓯᒪᓂᕐᒥ ᑲᑎᙵᓗᑎᒃ |
|
|
ᓇᓗᓇᐃᕐᓗᒍᑦ ᑕᒪᑐᒪᓂ ᐊᕐᕌᒎᔪᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑐᕌᒐᖃᖅᑐᑦ ᖃᓄᖅ ᐱᕙᒌᔭᖅᓯᒪᔪᓐᓇᕐᒪᖔᑕ ᒪᒃᑯᒃᑐᑦ ᐃᖅᑲᓇᐃᔭᖅᑏᑦ, ᐊᒻᒪᓗ ᖃᓄᖅ ᐋᖅᑭᒃᓱᐃᕙᓪᓕᐊᔪᓐᓇᕐᒪᖔᑕ ᐃᖅᑲᓇᐃᔮᕆᖃᑦᑕᓚᐅᖅᑕᖏᓐᓄᑦ ᐊᓂᒃᑳᓂᒃ ᑑᒃᑯᓇᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᒪᒃᑯᒃᑯᓄᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕈᑎᒥᑦ.
>ᖃᐅᔨᒪᓚᐅᖅᐱᑦ – >ᐃᖅᑲᓇᐃᔭᖅᑏᑦ ᑐᖔᓂ 25 ᐊᕐᕌᒍᓖᑦ ᐊᑦᑕᓇᖅᑐᒦᓐᓂᖅᓴᐅᔪᓐᓇᖅᑐᑦ ᐃᖅᑲᓇᐃᔭᕐᕕᒻᒥ ᐋᓐᓂᖅᑐᓂᑦ ?
- ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᔾᔭᐃᖅᓯᒪᓂᖅ ᐃᓕᑕᐅᓲᖑᔪᖅ ᐊᔪᕈᓐᓃᖅᑕᐅᔪᓐᓇᖅᑐᖅ – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ (WSCC) ᒪᒃᑯᒃᑯᓄᑦ ᐃᖅᑲᓇᐃᔭᖅᑎᓄᑦ ᐱᓕᕆᐊᒃᓴᖅ ᐊᑑᑎᖃᖅᑐᑦ ᖃᐅᔨᒪᔾᔪᑎ ᐊᒻᒪᓗ ᑐᓴᐅᒪᔾᔪᑎᓄᑦ ᐃᖅᑲᓇᐃᔭᕐᕕᖕᓄᑦ, ᒪᒃᑯᒃᑐᓄᑦ ᐃᖅᑲᓇᐃᔭᖅᑎᓄᑦ, ᐊᖏᔪᖅᑳᓄᑦ, ᐃᓕᓐᓂᐊᖅᑎᑦᑎᔨᓄᓪᓗ ᐃᑲᔪᖁᓪᓗᒋᑦ ᒪᒃᑯᒃᑐᑦ ᐊᑦᑕᕐᓇᖅᑐᒦᖁᓇᒋᑦ ᐃᖅᑲᓇᐃᔮᖏᓐᓂᑦ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐱᓕᕆᔨᒻᒪᙲᑦ ᐳᓛᕐᓂᐊᖅᑐᑦ ᐃᓕᓐᓂᐊᕐᕕᖕᓄᑦ ᐊᒻᒪᓗ ᓇᖕᒥᓂᖁᑎᒋᔭᐅᔪᓄᑦ ᓄᓇᑦᓯᐊᓗᒃᑖᒥᑦ ᐊᒻᒪᓗ ᓄᓇᕗᓗᒃᑖᒥᑦ ᐱᓇᓱᐊᕈᓯᐅᔪᒥᑦ, ᐊᒻᒪᓗ ᖃᐃᖁᔨᓯᒪᖃᑦᑕᕐᓂᐊᖅᖢᑎᒃ ᓴᓇᕝᕕᐅᔪᕗᑦ−ᑐᕌᖓᓪᓚᕆᒃᑐᑦ Zoom ᑲᑎᒪᓃᑦ ᐃᖅᑲᓇᐃᔭᕐᕕᖕᓄᑦ ᐃᖅᑲᓇᐃᔭᖅᑎᑦᑎᒐᔪᒃᑐᓄᑦ ᒪᒃᑯᒃᑐᓂᒃ. ᑕᑯᓗᒋᑦ ᐊᑕᑦᑐᑦ ᐱᕕᖃᕐᕕᒋᔪᓐᓇᖅᑕᑎᑦ ᐃᓚᐅᓂᕐᒧᑦ! (ᐊᑕᖏᖅᖢᑎᒃ Zoom ᑲᑎᒪᓃᑦ ᐱᒋᐊᖃᑦᑕᕐᓂᐊᖅᑐᑦ 1 ᐅᓐᓄᒃᓴᒃᑯᑦ ᐅᐊᓕᓂᕐᒥᐅᑦ ᓯᕿᙳᔭᖓ ᒪᓕᒃᖢᒍ/3 ᐅᓐᓄᒃᓴᒃᑯᑦ ᕿᑭᖅᑖᓘᑉ ᓯᕿᙳᔭᖓ ᒪᓕᒃᖢᒍ.).
ᖃᓄᖅ ᖁᕕᐊᓲᑎᒋᓂᐊᖅᐱᐅᒃ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ?
ᐊᖏᖅᓯᒪᓃᑦ ᓴᖅᑭᔮᖁᓪᓗᒍ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᓴᖃᑎᒌᒍᑎᖃᕆᑦ ᖃᓄᖅ ᖁᕕᐊᓲᑎᖃᕐᓂᐊᕐᒪᖔᖅᐱᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᕐᒥᒃ 2022-ᒥᒃ ᒪᑯᑎᒎᓇᖅ Facebook ᐊᒻᒪᓗ Twitter ᐊᒻᒪ ᓇᓗᓇᐃᕆᓗᓂ @WSCCNTNU! ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᐃᕐᖐᓐᓈᕈᓐᓇᐅᑎᒃᑯᑦ ᑎᑎᕋᕐᕕᒋᓗᒋᑦ ᓇᒃᓯᐅᔾᔨᕕᒋᓗᒋᑦ ᐃᖅᑲᓇᐃᔭᖃᑎᕗᑦ ᐊᔾᔨᙳᐊᓂᒃ ᐅᓂᒃᑳᓂᒡᓘᓐᓃᑦ ᖃᓄᖅ ᖁᕕᐊᓲᑎᖃᕐᓂᐊᕐᒪᖔᖅᐱᑦ ᐱᓇᓱᐊᕈᓯᖓᓂᑦ. |
|
ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ |
|
|
ᐊᓇᐅᔭᐅᔪᖅ−ᐆᒧᖓ ᐅᖃᐅᓯᐅᕗᖅ ᐊᑐᖅᑕᐅᓲᒥ ᐃᖅᑲᓇᐃᔭᕐᕕᖕᒥ ᐊᑦᑕᓇᔾᔭᐃᖅᓯᒪᓂᕐᒥ ᐊᔾᔨᒌᙱᑦᑐᓂ ᖃᓄᐃᑦᑑᓂᖏᓐᓂ ᐋᓐᓂᕐᓂᐅᔪᓂ ᐱᔪᓐᓇᖅᑐᓂ ᓴᓇᔨᐅᔪᒥ ᐊᓇᐅᔭᐅᒍᓂ – ᐅᕝᕙᓘᓐᓃᑦ ᐱᒃᓯᕝᕕᐅᔪᒥ – ᑲᑕᒃᑐᓄᑦ, ᖃᖓᑕᔪᓄᑦ, ᐊᒃᓴᑳᔪᓄᑦ ᐅᕝᕙᓘᓐᓃᑦ ᐊᐅᓚᔾᔭᒍᓐᓇᙱᑦᑐᒥ ᑭᓱᑐᐃᓐᓇᒥᒃ. ᓲᕐᓗ, ᐃᒡᓗᓕᐅᖅᑎ ᐊᓇᐅᔭᐅᓗᓂ ᐃᒡᓗᕐᔪᐊᒧᑦ ᓱᓇᒃᑯᑖᖓᓂ ᓴᓇᕐᕈᑎᒥᒡᓘᓐᓃᑦ, ᑭᓱᑐᐃᓐᓇᒥᒃ ᑲᑕᒃᑐᒥ ᑐᖅᑯᕐᕕᐅᔪᒥ ᖁᓕᕈᐊᕐᒥ, ᓂᓚᖕᒥ ᐊᐳᒻᒥᓪᓘᓐᓃᑦ ᑲᑕᒐᖅᑐᒥ ᐃᒡᓘᑉ ᖄᖓᓂ, ᓴᓇᔨᐅᔪᒥ ᐊᓇᐅᔭᐅᔪᒥ ᐃᖏᕐᕋᔪᒧᑦ ᓄᓇᓯᐅᒻᒧᑦ ᐅᕝᕙᓘᓐᓃᑦ ᐊᔪᖅᓯᑦᑐᒥ ᓴᓇᕐᕈᑕᐅᔪᒥ.
2021−ᒥ, 25% ᐅᖓᑖᓂ ᑕᒪᒃᑭᓂ ᐃᖅᑲᓇᐃᔮᒧᑦ−ᐱᔾᔪᑕᐅᔪᒥ ᐋᓐᓂᕐᓂᐅᔪᓂᑦ ᓄᓇᕗᒻᒥ ᐊᒻᒪᓗ ᓄᓇᑦᓯᐊᖅ ᐱᑎᑕᐅᓚᐅᖅᐳᖅ “ᐊᓇᐅᔭᐅᔪᒥ−ᑭᓱᑐᓐᓇᒧᑦ” ᖃᓄᐃᓐᓂᐅᔪᓂ.
ᓇᒥᑐᐃᓐᓇᖅ ᓴᓇᒐᓗᐊᕈᕕᑦ, ᐱᑕᖃᖅᑐᑦ ᐱᐅᔪᓂᒃ ᐱᓕᕆᔾᔪᓯᓂᑦ ᐊᒻᒪᓗ ᒪᓕᒃᑕᐅᔭᕆᐊᓕᖕᓂ ᑕᒪᑦᑕ ᐱᓕᕆᑦᑎᐊᕐᓗᑕ ᐊᑐᕈᓐᓇᖅᐳᒍᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ.
ᐊᓇᐅᔭᐅᔪᒥ ᐋᓐᓂᕐᓂᐅᔪᓂ ᓄᖅᑲᖅᑎᑕᐅᔪᓐᓇᖅᐳᑦ:
- ᐅᔾᔨᖅᓱᕐᓂᐅᔪᒥ ᖃᓂᒋᔭᖓᓐᓂ ᐊᒻᒪ ᐸᒡᕕᓵᕆᓂᐅᔪᓂ ᐱᑦᑕᐃᓕᓂᕐᒥ ᐱᒻᒪᕆᐅᕗᖅ ᑕᐃᒃᑯᓄᖓ ᐊᐅᓚᑦᑎᔪᓄᑦ ᐃᖏᕐᕋᔾᔪᑎᒐᓚᖕᓄᑦ, ᐊᒻᒪᓗ ᑕᐃᒃᑯᓄᖓ ᐱᓕᕆᔪᓂ ᖃᓂᒋᔭᖓᓂ
- ᐊᑦᑕᑕᖅᓯᑦᑎᐊᕐᓗᓂ ᑐᖅᑯᐃᓂᐅᔪᒥ ᖃᓱᖓᓂᐅᔪᓂ ᐱᖁᑎᓂᑦ ᐅᕝᕙᓘᓐᓃᑦ ᑭᓱᑐᐃᓐᓇᓂ ᑐᖅᑯᖅᑕᐅᔪᓂ ᐳᖅᑐᓂᐅᔪᒥ
- ᑕᒪᒃᑭᑦ ᓴᓇᔨᑎᑦ ᐱᓕᒻᒪᒃᓴᖅᓯᒪᑦᑎᐊᕐᓗᑎᒃ ᐃᓕᓴᖅᓯᔪᓐᓇᖅᓯᓗᑎᒃ ᐃᖅᑲᓇᐃᔮᒧᑦ−ᑐᕌᖓᔪᓄᑦ ᐅᓗᕆᐊᓇᖅᑐᓂ, ᐊᒻᒪ ᑐᑭᓯᐅᒪᓗᑎᒃ ᖃᓄᖅ ᐃᒻᒥᓄᑦ ᐋᓐᓂᕈᑕᐅᑦᑕᐃᓕᒪᑎᑦᑎᓂᕐᒧᑦ ᐊᓯᖓᓂᓪᓘᓐᓃᑦ ᐃᓄᖕᒥ
- ᐊᑐᕐᓗᓂ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂᑦ (PPE) ᐊᕙᑎᒋᔭᕐᓄᑦ, ᓲᕐᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᒡᒐᓂ, ᓈᒻᒪᒃᑐᓂᒃ ᑲᒫᓘᖕᓂᑦ, ᑕᑯᒃᓴᐅᕐᔪᐊᖅᑐᓂ ᐊᓐᓄᕌᓂᒃ ᐅᕝᕙᓘᓐᓃᑦ ᑎᓯᔪᒥᒃ ᓇᓴᕐᒥ
ᐅᐸᒡᓗᒍ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᓴᖅᑭᔮᖅᑐᒥ ᒪᒃᐱᒐᖓᓂ ᖃᐅᔨᒋᐊᒃᑲᓐᓂᕐᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᑲᔪᕈᑎᒃᓴᓂᑦ ᐃᑲᔪᕐᓂᕐᒧᑦ ᐃᖅᑲᓇᐃᔭᖅᑎᖁᑎᓕᖕᓂ ᐱᑎᑦᑎᑦᑕᐃᓕᒪᓂᕐᒧᑦ ᐋᓐᓂᕐᓂᐅᔪᓂᑦ ᐱᑎᑕᐅᔪᓂ ᐊᓇᐅᔭᐅᓂᖓᓂ ᑭᓱᑐᐃᓐᓇᕐᒧᑦ ᐃᖅᑲᓇᐃᔭᖅᑎᓪᓗᒍ. |
|
ᐱᖃᑕᐅᓯᒪᔪᓄᑦ ᐃᓚᐅᑎᑦᑎᓂᖅ: ᐊᐃᕐᕆᓕ 15-ᒥ ᒪᐃ 1 ᒧᑦ |
ᐅᓪᓗᖓ ᑎᑎᕐᓗᒍ ᐃᖅᑲᐃᑎᒃᑲᔭᕋᕕᑦ! ᑮᓇᐅᔭᖃᖅᑎᑕᐅᓂᐅᔪᖅ ᐱᓕᒻᒪᒃᓴᐃᓂᕐᒧᑦ ᑲᑐᔾᔨᖃᑎᒌᖑᔪᓄᑦ |
|
|
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᕿᓚᒻᒥᐅᔪᒥ ᕿᓂᕐᓂᐊᖅᐳᑦ ᐅᖃᐅᓯᒃᓴᐅᔪᓂ ᖃᓄᖅ ᑐᓂᓯᔪᓐᓇᕐᓂᑦᑎᓐᓂ ᑮᓇᐅᔭᖃᖅᑎᑦᑎᓂᐅᔪᒥ ᐃᖅᑲᓇᐃᔭᕐᕕᖕᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᒻᒪᒃᓴᐃᓂᕐᒥ ᑲᑐᔾᔨᖃᑎᒌᖑᔪᓄᑦ ᐃᑲᔪᕐᓂᕐᒧᑦ ᐃᖅᑲᓇᐃᔭᖅᑎᖁᑎᓕᖕᓂ ᑭᐅᒪᓂᖏᓐᓂ ᐱᓕᒻᒪᒃᓴᐃᓂᕐᒥ ᐱᓕᕆᐊᒃᓴᖏᓐᓂ ᐅᕘᓇ ᓄᓇᑦᓯᐊᕐᒥ ᐊᒻᒪ ᓄᓇᕗᒻᒥ ᐱᖁᔭᐅᔪᓄᑦ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᐅᔨᔪᒪᕗᑦ ᐃᖅᑲᓇᐃᔭᖅᑎᖁᑎᓖᑦ ᐃᓱᒪᓂᖏᓐᓂ ᖃᓄᑎᒋ ᑮᓇᐅᔭᖃᖅᑎᑕᐅᓂᐅᔪᒥ ᑐᓂᔭᐅᓪᓗᐊᕐᓂᖓᓂ ᐊᒻᒪ ᑭᓲᓂᖏᓐᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᕐᓂᖃᐅᑎᒋᓪᓗᐊᖅᑕᖏᓐᓂ ᓵᑕᒃᓴᐅᔪᓐᓇᕐᓂᕐᒧᑦ ᐅᕝᕙᓘᓐᓃᑦ ᐊᐅᓚᑕᐅᓂᐅᔪᒥ ᐅᑯᓇᓂ ᑮᓇᐅᔭᖃᖅᑎᑕᐅᓂᐅᔪᓂ. ᖃᐅᔨᔪᒪᒋᕗᒍᑦ ᖃᓄᐃᑦᑐᓂ ᐱᓕᒻᒪᒃᓴᐃᓂᕐᒥ ᑲᑐᔾᔨᖃᑎᒌᖑᔪᑦ ᐊᑐᖅᐸᖕᓂᖏᓐᓂ ᐊᒻᒪᓗ ᐊᒃᓱᕈᕈᑕᐅᔪᓂ ᐊᑐᐃᓐᓇᖃᕐᓂᕐᒥ ᐱᓕᒻᒪᒃᓴᐃᓂᕐᒥ ᒫᓐᓇᐅᔪᒥ.
ᐅᓇ ᐃᓚᐅᑎᑦᑎᓂᖅ ᒪᑐᐃᖓᓂᐊᖅᐳᖅ ᐅᕙᙵᑦ ᐊᐃᕐᕆᓕ 15−ᒥ ᒪᐃ 1, 2022−ᒧᑦ. ᐅᐸᒍᓐᓇᖅᐳᑎᑦ ᐃᑭᐊᖅᑭᕕᑦᑎᓐᓂ ᖃᐅᔨᒋᐊᒃᑲᓐᓂᕐᓂᕐᒧᑦ ᐊᒻᒪᓗ ᐅᖃᓕᒫᕐᓂᕐᒧᑦ ᐅᖃᖃᑎᒌᖕᓂᕐᒧᑦ ᑎᑎᖅᑲᕐᒥ ᐊᒻᒪ ᓇᐃᓈᕆᓂᐅᔪᒥ.
ᖃᕋᓴᐅᔭᑎᒍᑦ ᐅᖃᓪᓚᖃᑎᖃᕐᓂᕐᒥ ᑲᑎᒪᐅᓂᔪᑦ ᐅᓪᓗᖏᑦ:
- ᐊᐃᕐᕆᓕ 20−ᒥ – 12:00 ᐅᓐᓄᓴᒃᑯᑦ ᐅᕝᕙᓘᓐᓃᑦ 4:00 ᐅᓐᓄᓴᒃᑯᑦ (ᑲᓇᖕᓇᒥ ᓯᕿᙳᔭᖓᓂ) | 10:00 ᐅᓪᓛᒃᑯᑦ ᐅᕝᕙᓘᓐᓃᑦ 2:00 ᐅᓐᓄᓴᒃᑯᑦ (ᖃᖅᑲᒥ ᓯᕿᙳᔭᖓᓂ)
- ᐊᐃᕐᕆᓕ 21−ᒥ – 12:00 ᐅᓐᓄᓴᒃᑯᑦ ᐅᕝᕙᓘᓐᓃᑦ 4:00 ᐅᓐᓄᓴᒃᑯᑦ (ᑲᓇᖕᓇᒥ ᓯᕿᙳᔭᖓᓂ) | 10:00 ᐅᓪᓛᒃᑯᑦ ᐅᕝᕙᓘᓐᓃᑦ 2:00 ᐅᓐᓄᓴᒃᑯᑦ (ᖃᖅᑲᒥ ᓯᕿᙳᔭᖓᓂ)
- ᐊᐃᕐᕆᓕ 22−ᒥ – 12:00 ᐅᓐᓄᓴᒃᑯᑦ ᐅᕝᕙᓘᓐᓃᑦ 4:00 ᐅᓐᓄᓴᒃᑯᑦ (ᑲᓇᖕᓇᒥ ᓯᕿᙳᔭᖓᓂ) | 10:00 ᐅᓪᓛᒃᑯᑦ ᐅᕝᕙᓘᓐᓃᑦ 2:00 ᐅᓐᓄᓴᒃᑯᑦ (ᖃᖅᑲᒥ ᓯᕿᙳᔭᖓᓂ)
ᖃᐅᔨᒋᐊᕐᕕᒋᑎᒍᑦ ᐊᐱᖅᑯᑎᒃᓴᖃᕈᕕᑦ ᐅᕝᕙᓘᓐᓃᑦ ᐋᖅᑭᒃᓯᔪᒪᒍᕕᑦ ᐊᑕᐅᓯᐅᖃᑎᒌᒃᑐᒥ ᐅᖃᓪᓚᖕᓂᐅᔪᒥ ᑐᓂᓯᓂᕐᒧᑦ ᐅᖃᐅᓯᒃᓴᖕᓂᑦ.
|
|
ᓄᑖᓂ ᐊᐅᓚᑕᐅᓂᐅᔪᓂ ᐊᒻᒪ ᐊᑦᑕᕐᓇᕐᔪᐊᖅᑐᓂ ᐱᓕᕆᓂᕐᓂ ᑐᓴᐅᒪᑎᑦᑎᔾᔪᑎ |
|
ᐱᓕᕆᕝᕖᑦ ᐱᓕᕆᒍᓂ ᐊᑦᑕᕐᓇᕐᔪᐊᖅᑐᓂ ᐸᕐᓇᐃᓂᕐᓂ, ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓖᑦ ᐅᖃᖅᓯᒪᕗᖅ ᐃᖅᑲᓇᐃᔭᖅᑎᖁᑎᓖᑦ ᑐᓴᐅᒪᑎᑦᑎᔭᕆᐊᖃᖅᐳᑦ ᐊᖓᔪᖅᑳᖅ ᐊᑦᑕᓇᔾᔭᐃᖅᓯᒪᓕᕆᔨᒧᑦ ᓄᓇᕗᒻᒥ ᐊᒻᒪᓗ ᓄᓇᑦᓯᐊᕐᒥ ᕿᓚᒻᒥᐅᓛᖑᔪᒥ ᐱᔪᓐᓇᕐᓂᖓᓂ.
ᐊᑦᑕᕐᓇᕐᔪᐊᖅᑐᖅ ᐱᓕᕆᓂᕐᓂ ᐃᓚᖃᖅᐳᖅ:
- ᐱᒋᐊᕐᓂᕐᒥ ᓄᑖᖑᔪᒥ ᐊᐅᓚᑕᐅᓂᐅᔪᒥ ᓇᑉᐸᖅᑎᕆᓂᕐᒥ, ᐱᖁᑎᓕᐅᕐᓂᕐᒥ, ᐅᕝᕙᓘᓐᓃᑦ ᐱᓕᕆᓂᖃᖅᑐᓂ 20−ᓂ ᐅᖓᑖᓄᓪᓘᓐᓃᑦ ᓴᓇᔨᐅᔪᓂ ᐃᖅᑲᓇᐃᔭᕐᓂᐊᖅᑐᓄᑦ ᑕᖅᑭᓄᑦ 6−ᓄᑦ ᐅᖓᑖᓄᓪᓘᓐᓃᑦ;
- ᐳᐊᕐᕆᔭᕐᓂᖅ ᐸᒃᑲᒡᓂᕐᒥ, ᑐᐊᑦᑐᒥ ᖃᐅᖅᑎᕐᓂᕐᒥ, ᐅᕝᕙᓘᓐᓃᑦ ᐸᒃᑲᒡᓂᕆᓂᕐᒥ ᑐᐊᑦᑐᑯᑖᖕᒥ ᓱᓪᓗᒥᒃ ᐊᖏᓂᖅᓴᐅᔪᒥ 5−ᓂ ᐃᓯᒐᓪᓗᐊᓂ (1.52 ᒦᑕ), ᐅᕝᕙᓘᓐᓃᑦ ᓴᓇᔨᐅᔪᒥ ᐃᓯᕆᐊᖃᕐᓂᐊᖅᑕᖓᓂ;
- ᐳᐊᕐᕆᔭᐃᓂᖅ ᓱᓪᓗᓕᐊᖕᒥ ᐱᓕᕆᔨᐅᔪᖅ ᐱᔭᕆᐊᓕᒃ ᐅᕝᕙᓘᓐᓃᑦ ᐃᓯᕈᓐᓇᖅᑎᑕᐅᓗᓂ.
ᓇᖕᒥᓂᕆᔭᐃᑦ ᐸᕐᓇᐃᓂᐊᕈᓂ ᐊᑦᑕᕆᔭᐅᕐᔪᐊᖅᑐᒥ ᐱᓕᕆᓂᐅᔪᒥ ᑎᑭᑉᐸᓪᓕᐊᔪᓄᑦ ᑕᖅᑭᐅᔪᓄᑦ, ᖃᐅᔨᒋᐊᕐᕕᒋᑎᒍᑦ ᐅᓪᓗᒥ. |
|
ᐊᐅᓚᑦᑎᓂᕐᒧᑦ ᑲᑎᒪᔨᑦ ᕿᒥᕐᕈᒪᐅᖅᐳᑦ ᐊᒻᒪᓗ ᐊᖏᓚᐅᖅᐳᑦ ᐅᑯᓂᖓ ᐊᑐᐊᒐᓂᑦ ᐊᒻᒪᓗ ᐊᐅᓚᑦᑎᓂᕐᒧᑦ ᑲᑎᒪᔨᓄᑦ ᑎᓕᐅᕈᑕᐅᔪᓂ ᒫᑦᓯ 2022 ᑲᑎᒪᓂᖓᓂ:
- ᐊᑐᐊᒐᖅ 04.14 – ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ
- ᐊᑐᐊᒐᖅ 05.01 – ᐱᓕᒻᒪᒃᓴᓂᕐᒧᑦ ᒪᒥᓴᕐᓂᕐᒧᑦ ᐊᔪᙱᑎᑕᐅᓂᕐᒥᑦ
- ᐊᑐᐊᒐᖅ 05.02 – ᐃᖅᑲᓇᐃᔭᖅᑎᒧᑦ ᐊᔪᕈᓐᓃᖅᓴᓂᖅ ᐱᔨᑦᑎᕋᕐᓂᕐᒧᑦ ᐊᒻᒪᓗ ᐱᓕᕆᐊᖑᔪᓄᑦ (ᑕᐃᔭᐅᓚᐅᖅᓯᒪᔪᖅ ᐃᖅᑲᓇᐃᔭᖅᑎᒧᑦ ᐊᔪᕈᓐᓃᖅᓴᓂᖅ ᐱᓕᕆᐊᖑᔪᓄᑦ)
- ᐊᑐᐊᒐᖅ 05.05 – ᐃᖅᑲᓇᐃᔭᖅᑎᒧᑦ ᐊᔪᕈᓐᓃᖅᓴᓂᖅ ᐱᓕᕆᐊᒃᓴᖅ ᑮᓇᐅᔭᖅᑖᕆᔭᐅᒃᑲᓐᓂᖃᑦᑕᖅᑐᒥᑦ ᐊᒻᒪᓗ ᐃᑲᔪᕈᑎᓂᒃ ᑮᓇᐅᔭᓂᒃ (ᑕᐃᔭᐅᓚᐅᖅᓯᒪᔪᖅ ᐃᖅᑲᓇᐃᔭᖅᑎᒧᑦ ᐊᔪᕈᓐᓃᖅᓴᓂᖅ ᑮᓇᐅᔭᖅᑖᕆᔭᐅᒃᑲᓐᓂᖃᑦᑕᖅᑐᒥᑦ ᐊᒻᒪᓗ ᐃᑲᔪᕈᑎᓂᒃ ᑮᓇᐅᔭᓂᒃ)
|
|
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ |
|
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓯᒪᓂᐊᖅᐳᑦ ᒪᑭᕝᕕᐊᑉ ᕿᑲᕐᓇᖓᓂ ᐅᓪᓗᑐᐃᓐᓇᖅ, ᐊᐃᕐᕆᓕ 15−ᒥ ᐊᒻᒪᓗ ᒪᑐᐃᒃᑲᓐᓂᕐᓂᐊᖅᐳᖅ ᐊᐃᑉᐹᓂ, ᐊᐃᕐᕆᓕ 19−ᒥ, 8:30 ᐅᓪᓛᒃᑯᑦ.
ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.
|
|
ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ, 5022 49th ᐊᖅᑯᑎ, ᑕᓪᓕᒪᖓᓐᓂ ᓇᑎᖓᓂ, ᕿᑎᐊᓂ ᑭᑉᐹᕆᒃᑐᖅ ᐃᒡᓗᐊᓗᒃ, ᑎᑎᖅᑲᕐᓂᐊᕐᕕᖓ 8888, ᔭᓗᓇᐃᕝ, ᓄᓇᑦᓯᐊᖅ X1A 2R3 ᑲᓇᑕ |
|
|
|
|
|
|
