ᖃᐅᔨᒪᕖᑦ 70% ᐅᖓᑖᓂ ᑭᕕᒃᓯᓂᕐᒧᑦ ᐋᓐᓂᕈᑎᐅᕙᖕᓂᖏᓐᓃ ᓄᓇᑦᓯᐊᕐᒥ ᐊᒻᒪ ᓄᓇᕗᒥ ᖃᓄᐃᓕᑳᓪᓚᒃᓯᒪᔪᓂᒃ ᐅᖁᒪᐃᑦᑐᓂ ᑭᕕᒃᓯᓪᓗᑎᒃ? ᑎᒦ ᓴᓐᓂᖅᑎᑳᓪᓚᒡᓗᒍ ᐅᖁᒪᐃᑦᑐᒥ ᑭᕕᒃᓯᑎᓪᓗᑎ ᐋᓐᓂᕈᑎᒋᔪᓐᓇᖅᑕᐃ ᓄᑭᒃᑯᑦ ᐊᒻᒪᓘᓐᓃᑦ ᐊᑯᓂᐊᓗᒃ ᐋᓐᓂᐊᕈᑎᒋᔪᓐᓇᕐᓗᒍ.

ᐊᓕᐊᓇᐃᓪᓕ ᐅᓄᙱᑦᑑᒐᓗᐊᓂ ᐋᓐᓂᖅᑕᐃᓕᒪᓂᕐᒧᑦ ᖃᓄᐃᓕᐅᕈᑎᖃᕈᓐᓇᖅᑐᓯ ᑭᕕᒃᓯᓇᓱᒃᑎᓪᓗᓯ. ᐃᖅᑲᐅᒪᒋᑦ ᑐᓄᐃᑦ ᑐᑭᓕᐊᖅᑎᓐᓇᓱᒡᓗᒍ ᐊᒻᒪ ᑐᑭᓕᕇᒃᑎᐊᕐᓯᒪᓗᓂ ᐅᒃᐸᑎᖕᓄᑦ. ᑎᒍᒥᐊᖅᑕᐃ ᑎᒥᖕᓄᑦ ᖃᓂᒡᓕᓯᒪᓗᒍ, ᓴᖑᓂᐊᓕᕌᖓᕕᑦ ᐃᓯᒐᓯ ᓴᖑᑎᖅᑳᕐᓗᒋ ᐊᒻᒪ ᐊᓪᓗᕐᔪᐊᑲᑕᓗᐊᙱᓪᓗᑎ. ᑭᕕᒃᓯᓚᐅᙱᓐᓂᕐᓂ ᕿᒥᕐᕈᐊᕐᓗᒍ ᐊᕙᓗᒋᔭᐃᑦ ᐊᒻᒪ ᐊᖅᑯᑎᒋᓂᐊᖅᑕᐃᑦ ᐊᒃᕕᐊᖅᑐᖃᙱᒃᑲᓗᐊᕆᐊᒃᓴᖓᓄᑦ ᐅᐸᒐᓱᒃᑕᕐᓄᐊᕈᓐᓇᕐᓂᐊᕋᕕᑦ ᐅᓗᕆᐊᓇᙱᑦᑐᒃᑯ.

ᓄᑭᑯᑦ ᑕᓯᓱᕋᓱᖕᓂᖅ ᐱᙳᐊᖅᑎᓄᑐᐃᓐᓇᐅᙱᒻᒪᑦ. ᓄᑭᕗᑦ ᒥᒃᖡᕚᓪᓕᔭᒻᒪᑕ ᓂᒡᓕᓕᕌᖓᑕ, ᓱᑲᓐᓂᕐᓴᐅᓕᖅᖢᑎᒃ ᐊᒻᒪ ᐋᓐᓂᕈᑎᒋᑐᐃᓐᓇᕆᐊᖃᕐᓂᕐᓴᐅᓕᖅᖢᑎᒃ. ᐃᖅᑲᐅᒪᓂᐊᖅᐳᑎ ᓄᑭᑎ ᑕᓯᓱᕋᓱᒡᓗᒋ ᑭᖑᓪᓕᕐᒥ ᐊᒡᔭᕐᓯᓂᐊᓕᕈᕕᑦ ᐅᕝᕙᓘᓐᓃᑦ ᐅᖁᒪᐃᑦᑐᒥ ᐊᓯᐊᓄᑦ ᓅᑎᑦᑎᓂᐊᕈᕕ ᐱᓗᐊᖅᑐᒥ ᓂᒡᓚᓱᒃᑐᒥ ᐱᓕᕆᐊᖃᕐᓂᐊᕈᕕᑦ.

ᖃᐅᔨᒃᑲᓐᓂᕈᒪᕖᑦ ᐅᓗᕆᐊᓇᙱᑦᑐᒥ ᑭᕕᒃᓯᓗᑎ ᐊᑐᕈᓐᓇᖅᑕᕐᓃ? ᑕᑯᓗᒐ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ (WSCC) ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᒪᒃᐱᒐᕐᒧ ᖃᓄᖅ ᑐᓄᐃᑦ ᐊᒻᒪ ᓇᒡᒍᐊᑎ ᖃᓄᐃᑎᑦᑕᐃᓕᒪᓂᕐᒧᑦ.

ᐱᕐᕈᓗᐊᕿᔾᔪᑎᑦ ᒪᑯᓄᖓ ᓄᓇᓯᐅᑎᓄ ᐃᖏᕐᕋᒍᓐᓇᖅᑐᓄᓪᓘᓐᓃᑦ ᐱᓕᕆᔾᔪᑎᓄ ᐋᓐᓂᕐᔪᐊᕈᑎᐅᓐᓇᕐᒪᑦ ᐊᒻᒪᓘᓐᓃᑦ ᐃᓅᔪᓐᓃᕈᑎᐅᓯᒪᓪᓗᑎ ᐃᖅᑲᓇᐃᔭᖅᕕᒃᒥ ᐊᕐᕌᒍᑕᒫᓐ.

ᐱᓱᒡᓗᑎ ᓄᓇᓯᐅᑎ ᑲᐃᕙᓪᓗᒍ (ᑕᐃᔭᐅᔪᖅ ᑲᐃᕙᓪᓗᒍ ᖃᐅᔨᓴᖅᐸᓪᓕᐊᓂᖅ) ᖃᐅᔨᓇᓱᒡᓗᑎᒃ ᐊᐅᓪᓚᖅᑎᓚᐅᙱᓐᓂᕐᓂᒃ ᑕᐃᒪᓐᓇ ᐃᑲᔪᕈᓐᓇᕐᒥᖕᒪᑦ ᖃᓄᐃᓕᑦᑕᐃᓕᓂᕐᒧᑦ. ᑖᔅᓱᒥᖓ ᐱᓕᕆᐊᖃᕈᓐᓇᖅᑐᑎ ᐃᑭᓚᐅᙱᓐᓂᕐᓂ ᐱᒋᐊᕐᓗᑎ ᐊᖅᑯᑎᐅᑉ ᐹᖓᓂ ᑐᓄᐊᓄᙶᐅᕙᓪᓕᐊᓗᑎ ᐊᒻᒪᓗ ᐃᒡᓗᐊᒍ ᓯᕗᓂᐊᓄᙵᐅᓗᑎᑦ. ᑕᐃᒪᓐᓇ ᖃᐅᔨᓴᕐᓂᕐᓂ ᖃᐅᔨᓇᓱᒃᐸᒡᓗᑎ ᓱᕋᕐᓯᒪᔪᓂ ᐱᖁᑎᓂᒃ ᐅᓗᕆᐊᓇᖅᑐᓂᓪᓘᓐᓃᑦ, ᒪᑯᓂᖓ ᐊᒃᓴᓗᐊᒋ ᐳᓪᓚᖃᑦᑎᐊᕋᓗᐊᕐᒪᖔᑕ, ᐊᓕᒍᖅᑕᖃᕆᐊᒃᓴᖓᓂ ᖃᓂᒋᔭᖓᓂᒃ, ᑐᓄᐊᑕ ᐃᑭᑦᑕᖅᑐᖃᕐᕕᖓ ᓱᕋᒃᓯᒪᒋᐊᒃᓴᖓᓂᒃ ᐅᕝᕙᓘᓐᓃᑦ ᓱᕈᓯᕐᒥ ᖃᓂᒋᔭᖓᓂ ᐱᙳᐊᖅᑐᖃᙱᒃᑲᓗᐊᕐᒪᖔᑦ. ᑐᓄᐊᓄᑦ ᐊᔾᔨᓕᐅᕈᑎ ᐊᑐᖅᑕᑐᐊᕆᙱᓪᓗᒍ ᓲᖃᐃᒻᒪ ᐃᓚᖓᒍᑦ ᑕᑯᔪᓐᓇᙱᕝᕕᖃᕐᒪᑕ ᐅᓗᕆᐊᓇᖅᑐᓂᒡᓗ ᑕᑯᙱᑐᐃᓐᓇᕆᐊᖃᕐᓇᖅᖢᓂ.

ᐊᑐᓕᖅᑎᑦᑎᒍᕕᑦ ᐱᕐᕈᓗᐊᕿᑦᑕᐃᓕᓂᕐᒧᑦ ᖃᐅᔨᓴᖃᑦᑕᕐᓂᕐᒥ ᓄᓇᓯᐅᑎᓕᒫᓄᑦ ᓴᓇᕝᕕᖕᓂ ᐊᑐᖅᑕᐅᖃᑦᑕᖅᑐᓂᒃ ᑕᐃᒪᓕ ᐊᖅᑎ ᑐᓂᔪᓐᓇᖅᑕᐃ ᖃᐅᔨᓴᖅᑕᐅᕙᓪᓕᐊᔾᔪᑎᓂᒃ ᑎᑎᖃᑦᑕᕆᐊᓕᖕᓂ ᐊᒻᒪ ᐊᑎᓕᐅᕐᕕᖃᕐᓗᓂ ᐱᓕᕆᐊᕆᓂᕐᒧᑦ.

ᖃᐅᔨᒃᑲᓐᓂᕈᒪᒍᕕᑦ ᐊᕙᓗᒋᔭᒥ ᖃᐅᔨᓴᕐᓂᕐᒥᒃ ᐅᓇ ᑕᑯᒋᐊᕐᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᕋᓴᐅᔭᒃᑯᑦ ᓴᖅᑭᔮᒐᖓ . ᖃᐅᔨᒋᐊᕐᓗᒍ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS) ᑕᑯᔪᓐᓇᕐᓂᐊᕋᕕᑦ ᖃᓄᖅ ᓄᓇᓯᐅᑎᓂᒃ ᖃᐅᔨᓴᖃᑦᑕᕐᓂᕐᒥᒃ.

ᓄᕙᒡᔪᐊᕐᓇᖅ-19 ᐋᓐᓂᐊᕈᑎᑦ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ ᓱᓕ ᐱᑕᖃᖃᑦᑕᖅᑐᑦ ᐊᒻᒪᓗ ᐱᑕᖃᐃᓐᓇᓚᐅᑲᖕᓂᐊᖅᖢᑎᒃ ᓯᕗᓂᑦᑎᓐᓂᒃ. ᐱᓕᕆᓚᐅᙱᒃᑯᕕᑦ ᖃᓂᑦᑐᒥ ᕿᒥᕐᕈᐊᕐᓂᕐᒥᑦ ᑕᐃᒪᓕ ᕿᒥᕐᕈᐊᕆᐊᖃᖅᑕᑎᑦ ᐱᓕᕆᐊᖃᕐᓂᕐᒧᑦ ᐊᐅᓚᑦᑎᓂᕐᒥᒃ ᐸᕐᓇᑎᔅᓯᓐᓂ, ᐃᓚᒋᓗᒍ ᓄᕙᒡᔪᐊᕐᓇᖅ-19 ᐃᖅᑲᓇᐃᔭᖅᕕᒃᒥ ᐅᓗᕆᐊᓇᕐᓂᕐᒧᑦ ᖃᐅᔨᓴᕈᑎᑦ ᐊᒻᒪᓗ ᓄᑖᙳᕆᐊᕐᓗᒋ ᑕᐃᒪᐃᑦᑕᕆᐊᖃᖅᐸᑕ. ᐃᖅᑲᓇᐃᔭᖅᑎᑦᑎᔨᐅᔪᑦ ᑲᒪᒋᔭᖃᒻᒪᕆᒃᑐᑦ ᐋᖅᑭᒃᓱᐃᓂᕐᒥᒃ ᐊᒻᒪ ᑲᒪᒋᔭᖃᐃᓐᓇᕐᓂᕐᒥᒃ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᖃᓄᐃᓕᐅᕈᑎᒃᓴᓂᒃ ᐃᖅᑲᓇᐃᔭᖅᑎᒋᔭᐅᔪᑦ ᐊᑦᑕᓇᖅᑐᒥᒃ ᐃᖅᑲᓇᐃᔭᖁᓇᒋ ᐊᒻᒪᓗ ᐊᑐᖅᑕᐅᑎᑉᐸᒡᓗᒋᑦ.

ᖃᐅᔨᓴᕐᐸᒡᓗᒍ ᓄᓇᕗᑦ ᒐᕙᒪᒃᑯᑦ ᖃᕋᓴᐅᔭᒃᑯᑦ ᓴᖅᑭᔮᒐᖓ ᓄᑖᖑᓛᓂ ᑐᓴᒐᒃᓴᓂ ᖃᐅᔨᒪᖃᑦᑕᕐᓂᐊᕋᕕᑦ ᐆᒪ ᒥᒃᓵᓄᑦ ᓄᕙᒡᔪᐊᕐᓇᖅ-19 ᖃᓄᐃᓕᖓᓕᕐᒪᖔᑦ (ᓄᓇᑦᓯᐊᖅ ᐊᒻᒪ ᓄᓇᕗᑦ).

ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19 ᐃᑲᔪᖅᑕᐅᔾᔪᑎᓄᑦ ᒪᒃᐱᒐᖅ ᖃᐅᔨᒃᑲᓐᓂᕐᓂᐊᕋᕕᑦ ᖃᓄᖅ ᐅᓗᕆᐊᓇᙱᑦᑐᒥᒃ ᐃᖅᑲᓇᐃᔭᖃᕐᕕᖃᖅᑎᑦᑎᓂᕐᒥᒃ ᐃᖅᑲᓇᐃᔭᖅᑎᓂᒃ. ᐊᐱᖅᑯᑎᖃᕈᔅᓯ ᖃᐅᔨᒋᐊᕐᓗᓯ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᐅᓪᓗᒥ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓯᒪᓂᐊᕐᑐᖅ ᓯᑎᐱᕆ 5, ᐊᒻᒪᓗ ᒪᑐᐃᒃᑲᓐᓂᓛᖅᖢᑎᒃ ᐊᐃᑉᐹᓂ ᓯᑎᐱᕆ 6.

ᐅᖃᓗᒋᑦ 1 (800) 661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.