ᕕᕝᕗᐊᕆ 2021                                                         
ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ 
ᓄᑖᖑᔪᖅ: ᒪᓕᒋᐊᖃᖅᑐᖅ ᐱᓕᕆᔾᔪᓯᐅᔪᓄᑦ

ᖃᐅᔨᒪᓐᓂᖅᑮᑦ ᐊᐅᓚᓂᖃᑦᑎᐊᖅᑐᒥ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐱᓕᕆᐊᖅ ᐱᑕᖃᕆᐊᖃᖅᑐᖅ ᐋᓐᓂᖅᓯᒪᔪᒧᑦ ᐃᖅᑲᓇᐃᔭᖅᑎᒧᑦ ᒪᒥᓴᕐᓂᖓᓄᑦ ᐱᕙᓪᓕᐊᓂᖓᓄᑦ? ᒪᒥᓐᓂᖅ ᐃᖅᑲᓇᐃᔭᕐᕕᒻᒥ ᐋᓐᓂᓂᕐᒥᑦ ᐅᕝᕙᓘᓐᓃᑦ ᐋᓐᓂᐊᓂᕐᒥᑦ ᐃᑲᔪᖅᑕᐅᔪᓐᓇᖅᑐᖅ ᐃᑲᔪᖅᑕᐅᓗᓂ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐸᕐᓇᐅᑦ ᐱᔪᓐᓇᑎᑦᑎᔪᖅ ᐃᖅᑲᓇᐃᔭᖅᑎᒥᑦ ᒪᒥᓴᕐᓗᓂ ᐃᖅᑲᓇᐃᔮᒧᑦ ᐃᖅᑲᓇᐃᔭᕐᓂᖃᑦᑎᐊᖅᖢᓂᓗ ᑐᑭᖃᑦᑎᐊᖅᑐᒥᑦ. ᑕᐃᒪᓐᓇᐃᑎᓪᓗᒍ, ᓴᓐᖏᔪᖅ ᐱᓕᕆᐊᖅ ᐃᑲᔪᕐᓂᖃᕐᒥᔪᖅ ᐃᑲᔪᖅᑐᐃᓂᕐᒥᑦ ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐋᓐᓂᖅᓯᒪᔪᒧᑦ ᐅᕝᕙᓘᓐᓃᑦ ᐋᓐᓂᐊᔪᒧᑦ ᐃᖅᑲᓇᐃᔭᖅᑎᓄᑦ.

ᓴᖏᔪᒥᑦ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐱᓕᕆᐊᖅ ᐃᑲᔫᓯᐊᖃᖅᑐᑦ ᐅᖓᑕᐅᔾᔨᔪᓂᑦ ᖃᓄᐃᖏᑎᐊᕐᓂᖏᓐᓄᑦ ᐋᓐᓂᖅᓯᒪᔪᒧᑦ ᐃᖅᑲᓇᐃᔭᖅᑎᒧᑦ. Hᐱᓕᕆᐊᒥᑦ ᐃᓂᖓᓃᑎᑦᑎᓪᓗᓂ ᑕᑯᔅᓴᐅᑎᑦᑎᔪᖅ ᐃᖅᑲᓇᐃᔭᖅᑎᓕᒫᓂᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᒻᒪᕆᐅᑎᑦᑎᔪᑦ ᖃᓄᐃᖏᑎᐊᕐᓂᖏᓐᓄᑦ ᐊᒻᒪ ᐊᑦᑕᓇᐃᖅᓯᒪᓂᖏᓐᓄᑦ. ᖁᕝᕙᕆᐊᖅᑎᑦᑎᔪᖅ ᐃᖅᑲᓇᐃᔭᕈᒪᓂᕐᒧᑦ, ᐃᑲᔪᕐᖅᑐᓂᓗ ᐃᖅᑲᓇᐃᔭᖅᑎᖁᑎᓕᖕᓄᑦ ᐱᓯᒪᑦᑏᓇᖅᑐᑎ ᖃᐅᔨᒪᓂᖃᖅᑐᓂᑦ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᔪᓂᑦ ᐃᖅᑲᓇᐃᔭᖅᑎᓂᑦ, ᐊᒻᒪ ᑕᐃᒪᐃᓐᓂᖃᖅᑎᓪᓗᒍ ᐱᕈᖅᑎᑦᑎᔪᖅ ᐱᐅᔪᒥᑦ ᐋᓐᓂᐊᖅᑐᓕᕆᓂᕐᒥᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᐱᖅᑯᓯᐅᕙᑦᑐᓂᑦ ᐃᕝᕕᑦ ᑲᑐᔾᔨᖃᑎᒌᖓᓂᑦ.       

ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐱᓕᕆᐊᖅ ᐱᕙᓪᓕᐊᑎᑕᐅᓂᖓ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒪᓕᒋᐊᖃᖅᑐᖅ ᐱᓕᕆᔾᔪᓯᐅᔪᓄᑦ  ᓴᓇᕝᕕᒻᒧ ᐅᑎᕐᓂᕐᒧᑦ ᐱᓕᕆᐊᖅ ᐱᕙᓪᓕᐊᑎᑕᐅᓂᖓ ᐃᑲᔪᕐᓂᐊᖅᑐᑦ ᐃᖅᑲᓇᐃᔭᖅᑎᑦᑎᔪᓂᑦ ᑐᑭᓯᑦᑎᐊᓂᖅᓴᕆᓗᒋᑦ ᒪᓕᒐᐃᑦ ᐱᑕᖃᕆᐊᖃᖅᑎᑕᐅᔪᑦ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐱᓕᕆᐊᑦ, ᐊᒻᒪ ᖃᓄᖅ ᓴᖅᑭᑎᑦᑎᕕᔅᓴᐅᒻᒪᖔᖅ ᐊᒻᒪ ᒪᑭᒪᑎᑦᑎᓗᓂ ᑲᔪᑎᑦᑎᐊᕐᓂᖃᖅᑐᒥ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐱᓕᕆᐊᒧᑦ. ᐃᓗᐊᓂ ᓇᓂᓂᐊᖅᑕᑎᑦ:
  • ᓇᓗᓇᐃᔭᐃᓯᒪᑦᑎᐊᖅᑐᓂ ᒪᓕᒐᕐᓂᑦ;
  • ᑐᕌᖓᑎᑕᐅᔪᑦ ᐱᑕᖃᕆᐊᖃᖅᑎᑕᐅᔪᑦ ᐃᕝᕕᑦ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐊᑐᐊᒐᕐᒧ, ᐱᓕᕆᐊᒧᑦ, ᐊᒻᒪ ᐊᑐᖅᑕᐅᔭᕆᐊᓕᓐᓄᑦ;
  • ᓇᓗᓇᐃᔭᖅᑕᐅᓯᒪᔪᑦ ᐱᓕᕆᒋᐊᓕᖏᑦ ᐊᒻᒪ ᑲᒪᒋᔭᕆᐊᓕᖏᑦ; ᐊᒻᒪ,
  • ᐊᑐᐊᒐᐃᑦ ᓇᓂᓯᔾᔪᑎᐅᓂᐊᖅᑐᑦ ᐃᓚᒍᑕᖏᓐᓂ ᑭᓱᓕᕆᔾᔪᑎᓂᑦ ᐊᒻᒪ ᓴᓇᓯᒪᑦᑕᐅᑎᒋᔪᓂᑦ. 
ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐱᓕᕆᐊᖅ ᐃᑲᔪᕐᓂᐊᖅᑐᖅ ᑭᒃᑯᓕᒫᓂᑦ ᐃᕝᕕᑦ ᑲᑐᔾᔨᖃᑎᒌᖓᓂ. ᐱᒻᒪᕆᐅᔪᖅ ᑲᑐᔾᔨᖃᑎᒌᒋᔭᐃᑦ ᓴᖅᑭᑎᑦᑎᓗᓂ ᐱᓕᕆᐊᒥ ᓈᒻᒪᑦᑐᓄᑦ ᐃᕝᕕᑦ ᐱᔭᕆᐊᖃᖅᑕᖏᓐᓄᑦ ᐃᕝᕕᑦ ᐃᖅᑲᓇᐃᔭᕐᕕᖓᓂ. ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᒍᒃ  ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᒪᑉᐱᒐᖅ, ᕙᓘᓐᓃᑦ ᐅᕙᑦᑎᓐᓄᑦ ᐅᖄᓚᓗᑎᑦ 1 (800) 661-0792 ᑐᑭᒧᐊᕈᑎᓄᑦ ᐱᕙᓪᓕᐊᑎᑕᐅᓂᖏᓐᓄᑦ ᐃᕝᕕᑦ ᐱᓕᕆᐊᖓᓄᑦ.


Wscc Connect
ᑲᒪᒋᔭᕆᐊᖃᖅᑕᖏᑦ ᐊᒻᒪ ᐅᐸᒐᔅᓴᐅᓂᖏᑦ ᖁᕝᕙᓯᓐᓂᖏᑦ



ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᕈᖅᐸᓪᓕᐊᖏᓐᓇᖅᑐᖅ ᐊᒻᒪ ᓴᖅᑭᑎᑦᑎᓪᓗᑎ ᖃᕋᓴᐅᔭᒃᑯᑦ ᐱᔨᑦᑎᖅᑕᑎᓐᓂᑦ ᐅᕙᓂ WSCC Connect. ᑖᓐᓇ ᑐᑭᖃᖅᑐᖅ ᐊᑲᐅᓂᖅᓴᐅᓪᓗᓂ ᐃᕝᕕᑦ ᓇᒻᒥᓂᖓᓄᑦ, ᑐᓴᖅᑎᑦᑎᓴᕋᐃᓐᓂᖅᓴᖅ, ᐊᒻᒪ ᐱᓯᒪᔭᐅᑦᑎᐊᓂᖅᓴᐅᓪᓗᑎ ᑎᑎᕋᖅᓯᒪᔪᑦ. WSCC Connect ᐱᕙᓪᓕᐊᓂᖃᖅᑎᓪᓗᒍ, ᐊᑐᖃᑦᑕᖅᑐᖅ ᑲᒪᒋᔭᕆᐊᖃᖅᑕᖏᑦ ᐱᒻᒪᕆᐅᓂᖅᓴᐅᓕᖅᑐᑎ ᐊᐅᓚᓂᖏᓐᓄᑦ ᐃᕝᕕᑦ ᓇᒻᒥᓂᖓᓄ. ᓇᓗᓇᐃᖅᓯᔪᖅ ᐊᑐᖃᑦᑕᖅᑐᑦ ᐋᖅᑭᔅᓯᒪᓗᑎ ᐋᖅᑭᓱᖅᓯᒪᑦᑎᐊᖅᑐᓂᑦ.

ᐅᐸᒡᓗᒍ ᐊᐅᓚᑦᑎᔾᔪᑎᓕᕆᔨ

ᑭᓇ ᐅᐸᒐᔅᓴᐅᓂᖏᓐᓄᑦ ᐊᐅᓚᑦᑎᔾᔪᑎᓕᕆᔨᐅᒋᐊᖃᖅᑲ? ᑐᓐᖓᓂᖃᖅᑐᓂ ᐊᖏᓂᖓᓄᑦ ᐃᕝᕕᑦ ᓇᒻᒥᓂᖓᓄᑦ, ᐅᐸᒐᔅᓴᐅᓂᖏᓐᓄᑦ ᐊᐅᓚᑦᑎᔨᒋᔭᐃᑦ ᓇᓪᓕᐊᑐᐃᓐᓇᐅᔪᓐᓇᖅᑐᖅ ᓇᒻᒥᓂᕆᔭᐅᔪᒥᑦ ᓇᒻᒥᓂᖃᕐᓗᓂ, ᐅᕝᕙᓘᓐᓃᑦ ᐃᓄᒻᒥ ᐊᐅᓚᑦᑎᔪᖅ ᐊᑕᖏᖅᑐᒋᑦ ᐊᐅᓚᓂᓕᒫᖏᓐᓄᑦ.ᑖᓐᓇ ᐃᓄᒃ ᐱᒻᒪᕆᐅᔪᒥᑦ ᑲᒪᒋᔭᖃᕆᐊᖃᖅᑐᖅ. ᐅᐸᔅᓯᒍᓐᓇᖅᑐᑦ ᐊᑕᖏᖅᑐᒋᑦ ᐃᕐᖏᓐᓈᕈᑎᒃᑯᑦ ᐱᔨᑦᑎᖅᑕᓂᑦ, ᐊᑕᖏᖅᑐᒋᑦ ᓇᒻᒥᓂᕆᔭᕐᓄᑦ ᑐᑭᓯᒋᐊᕈᑎᖏᑦ ᐊᒻᒪ ᐊᐅᓚᑦᑎᔪᓐᓇᕐᓗᓂ ᐊᑐᖃᑦᑕᖅᑐᖅ ᑭᒡᒐᖅᑐᐃᓗᓂ ᓇᒻᒥᓂᕆᔭᐅᔪᒥᑦ. ᐃᖅᑲᐅᒪᓂᐊᖅᑯᑎᑦ ᐅᐸᒐᔅᓴᐅᓂᖏᓐᓄᑦ ᐊᐅᓚᑦᑎᔾᔪᑎᓕᕆᔨ ᑲᒪᒋᔭᕆᐊᓕᖓ ᐊᓯᐊᓄᑦ ᐱᓕᕆᐊᖑᓕᖅᑎᑕᐅᔪᓐᓇᖅᑐᖅ ᑕᐃᒪᐃᒋᐊᖃᕈᓂ ᐊᒻᒪ ᐱᔭᐅᔭᕆᐊᓕᓐᓄᑦ ᐅᓪᓗᒥᒨᖓᐃᓐᓇᕆᐊᓖᑦ.

WSCC Connect-ᒥᑦ ᐊᑐᖅᑎᐅᕙᒃᑐᑦ

ᓯᕗᓪᓕᖅᐹᒥ ᐱᒋᐊᖅᑎᑕᐅᑎᓪᓗᒍ, WSCC Connect ᐊᑐᕋᔅᓴᐅᓚᐅᖅᑐᖅ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐅᕐᓗᑎ ᐊᕐᕌᒍᑕᒫᑦ ᑮᓇᐅᔭᓕᐊᓄᑦ ᐊᑭᓖᔾᔪᑏᑦ. ᐃᓚᖏᑦ ᖃᕋᓴᐅᔭᒃᑯᑦ ᐱᔨᑦᑎᖅᑕᑦ ᐃᓚᔭᐅᓯᒪᔪᑦ ᑕᐃᒪᓐᖓᓂᑦ, ᒫᓐᓇᕋᑖᖑᓛᖑᔪᒥᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪ ᐱᔨᑦᑎᖅᑕᑦ. ᑕᒪᓐᓇ ᑐᑭᖃᖅᑐᖅ ᐊᒥᓲᓂᖅᓐᓴᐃᑦ ᐃᓄᐃᑦ ᐃᕝᕕᑦ ᑲᑐᔾᔨᖃᑎᒌᖓᓂ ᐱᔭᕆᐊᖃᓂᐊᖅᑐᑦ ᐅᐸᒐᔅᓴᐅᓂᖓᓄ WSCC Connect.

ᐊᑐᖅᑕᐅᒐᔪᑦᑐᓂ, ᐅᑯᐊ ᐃᓄᐃᑦ ᐅᐸᒐᔅᓴᖃᕈᓐᓇᖅᑐᑦ:
  • ᐊᐅᓚᑕᐅᔪᓂᒃ ᐊᒻᒪ ᐊᐅᓚᑦᑎᓂᕐᒧᑦ ᐃᖅᑲᓇᐃᔭᖅᑏᑦ - ᐃᖅᑲᓇᐃᔭᖅᑎᖁᑎᓕᖕᓄᑦ, ᐊᐅᓚᑦᑎᔩᑦ, ᐅᕝᕙᓘᓐᓃᑦ ᐃᖅᑲᓇᐃᔭᖅᑏᑦ ᑲᒪᒋᔭᖃᖅᑐᑦ ᐊᐅᓚᓂᖏᓐᓄᑦ ᐱᑕᖃᕆᐊᖃᖅᑎᑕᐅᔪᓂᑦ ᐃᕝᕕᑦ ᓇᒻᒥᓂᕆᔭᖓᓂ.
  • ᐊᑭᓕᕆᐊᓖᑦ ᐅᕝᕙᓘᓐᓃᑦ ᑮᓇᐅᔭᓕᐊᓄᑦ ᐊᑭᓖᔾᔪᑎᓄ ᐃᖅᑲᓇᐃᔭᖅᑏᑦ - ᑭᓇᑐᐃᓐᓇᖅ ᐊᐅᓚᑦᑎᔪᖅ ᑳᓐᑐᕌᖅᑎᓂᑦ, ᑮᓇᐅᔭᓕᐊᓄᑦ ᐊᑭᓖᔾᔪᑏᑦ ᐅᓂᒃᑳᓕᐅᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ, ᐅᕝᕙᓘᓐᓃᑦ ᐃᖅᑲᓇᐃᔭᖅᑎᓄᑦ ᑮᓇᐅᔭᓕᐊᓄᑦ ᐊᑭᓖᔾᔪᑏᑦ.
  • ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᖅᑎᖏᑦ - ᐃᖅᑲᓇᐃᔭᖅᑏᑦ ᐃᓚᒋᔭᐅᖃᑕᐅᔪᑦ ᐅᑯᓇᓂ ᑲᑎᓐᖓᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᑦ (JOHSC), ᐊᒻᒪ ᑭᓇᑐᐃᓐᓇᖅ ᑲᒪᒋᔭᖃᕆᐊᖃᖅᑐᖅ ᐃᕝᕕᑦ ᑲᑐᔾᔨᖃᑎᒌᖓᓄᑦ ᐊᑦᑕᓇᐃᖅᓯᒪᓂᕐᒧᑦ ᐱᓕᕆᐊᒥᑦ.
  • ᐊᖏᔪᖅᑳᕆᔭᐅᔪᑦ ᐊᒻᒪ ᐊᐅᓚᑦᑎᔩᑦ - ᑭᓇᑐᐃᓐᓇᖅ ᐅᐸᔅᓯᔭᕆᐊᖃᖅᑐᖅ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓂᑦ ᐋᓐᓂᖅᑐᓄᑦ ᑕᑕᑎᕆᐊᓕᒻᒥ.
ᐱᑕᖃᕆᐊᖃᓪᓚᕆᑦᑐᑦ ᐱᔨᑦᑎᖅᑕᐅᔪᑦ

ᐃᓚᖓ WSCC Connect ᖃᕋᓴᐅᔭᒃᑯᑦ ᐱᔨᑦᑎᖅᑕᐅᔪᑦ ᐊᑦᑐᓂᓖᑦ ᒪᓕᒐᖅᑎᒍᑦ ᐱᑕᖃᕆᐊᖃᖅᑎᑕᐅᔪᓂᑦ ᐊᒻᒪ ᐱᑕᖃᕆᐊᖃᓪᓚᕆᑦᑐᑦ ᐊᐅᓚᓂᖏᓐᓄᑦ ᐃᕝᕕᑦ ᓇᒻᒥᓂᖓᓄᑦ. ᓇᒻᒥᓂᕆᔭᐃᑦ ᓇᓗᓇᐃᖅᓯᔭᕆᐊᓕᒃ ᑭᓇ ᐅᐸᔅᓯᒍᓐᓇᕆᐊᖃᕐᒪᖔᖅ ᐊᑐᓂ ᑖᒃᑯᓄᖓ ᖃᕋᓴᐅᔭᒃᑯᑦ ᐱᔨᑦᑎᖅᑕᐅᔪᓄᑦ. ᖃᕋᓴᐅᔭᒃᑯᑦ ᐱᔨᑦᑎᖅᑕᐅᔪᑦ ᐊᑦᑐᐊᓂᓖᑦ ᒪᓕᒐᖅᑎᒍᑦ ᐱᑕᖃᕆᐊᖃᖅᑎᑕᐅᔪᓂᑦ ᐅᑯᐊᖑᔪᑦ:

ᐊᑎᓕᐅᖅᑕᐅᓂᖓ - ᐱᔭᕇᖅᑕᐅᒐᔪᖃᑦᑕᖅᑐᑦ ᐃᓄᒻᒧᑦ ᐊᐅᓚᑦᑎᔪᒥᑦ ᐊᑕᖏᖅᑐᒍ ᓇᒻᒥᓂᕆᔭᐅᔪᖅ ᐊᐅᓚᓂᖏᓐᓄᑦ.

ᓄᑖᑦ ᓇᒻᒥᓂᕆᔭᐅᔪᑦ ᐅᖃᖅᓯᒪᔪᑦ ᐊᐅᓚᓂᖏᑦ ᓄᓇᑦᓯᐊᒥ ᐊᒻᒪ ᓄᓇᕗᑦ, ᐃᒪᐃᑦᑕᕆᐊᓖᑦ ᐊᑎᓕᐅᖅᑕᐅᓗᓂ ᓇᒻᒥᓂᕆᔭᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑯᓐᓄᑦ ᐃᓗᐊᓂ 10 ᐅᓪᓗᓂᑦ ᐊᐅᓚᓂᖏᒻᓄᑦ ᐱᒋᐊᕐᓂᖓᓂ.

 ᑮᓇᐅᔭᓕᐊᓄᑦ ᐊᑭᓖᔾᔪᑏᑦ ᐅᓂᒃᑳᓕᐅᕐᓂᖅ - ᑖᓐᓇ ᐱᓕᕆᐊᖑᑎᑕᐅᒐᔪᖅᑦᑐᖅ ᑮᓇᐅᔭᓕᐊᓄᑦ ᐊᑭᓖᔾᔪᑏᑦ ᐃᖅᑲᓇᐃᔭᖅᑎᓄᑦᒻ.

ᐱᔾᔪᑎᒋᓪᓗᒍ ᕕᕝᕗᐊᕆ 28 ᐊᕐᕌᒍᑕᒫᑦ, ᑖᓐᓇ ᒪᓕᒐᖅᑎᒍᑦ ᐱᑕᖃᕆᙱᐊᖃᖅᑎᑕᐅᔪᖅ ᐃᖅᑲᓇᐃᔭᖅᑎᖁᑎᓕᖕᓄᑦ, ᐅᓂᒃᑳᓕᐅᕐᓂᖃᕋᓗᐊᖅᑎᓪᓗᑎᑦ ᐱᑕᖃᖏᑦᑐᖅ (0) ᑮᓇᐅᔭᓕᐊᓄᑦ ᐊᑭᓖᔾᔪᑏᑦ ᐊᑐᖃᑦᑕᖅᑕᐃᑦ ᒪᑭᒪᑏᓐᓇᕐᓗᒍ ᐊᒻᒪ ᐅᓪᓗᒥᒨᖓᓗᓂ. ᐊᕐᕌᒍᑕᒫᑦ ᑮᓇᐅᔭᓕᐊᓄᑦ ᐊᑭᓖᔾᔪᑎᓂ ᐅᓂᒃᑳᓕᐅᕐᓂᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓗᓕᖃᖅᑐᖅ, ᑕᐃᒪᐃᓐᓂᖓᓄᑦ ᐊᑭᖅᓕᕆᐊᓕᓐᓄᑦ ᐃᖅᑲᓇᐃᔭᖅᑏᑦ ᖃᐅᔨᒋᐊᕐᕕᖃᕆᐊᓖᑦ ᐃᓄᒻᒥᑦ ᐊᐅᓚᑦᑎᔪᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᒋᐊᖅᑎᑕᐅᓚᐅᖅᑎᓐᓇᒍ ᑕᒪᓐᓇ. ᑐᑭᓯᒋᐊᒃᑲᓐᓂᕈᒪᒍᕕᑦ,  ᖃᐅᔨᒋᐊᕐᕕᒋᒍᒃ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᕗᑦ.

 ᓄᑖᖑᔪᖅ: ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᑦ ᖃᓄᐃᓕᓂᐅᔪᓄᑦ - ᑖᓐᓇ ᐱᓕᕆᐊᖑᑎᑕᐅᒐᔪᑦᑐᖅ ᐊᖏᔪᖅᑳᕆᔭᐅᔪᓄᑦ, ᐊᐅᓚᑦᑎᔨᓄᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᖅᑎᓄᑦ. ᑖᒃᑯᐊ ᐱᒻᒪᕆᐅᔪᑦ ᖃᓄᐃᓐᓂᐅᔪᓄᑦ ᐊᒻᒪ ᐋᓐᓂᖅᑐᓄᑦ ᐅᓂᒃᑳᓕᐅᓂᕐᒧᑦ ᐃᓱᓕᕝᕕᔅᓴᐃᑦ ᓇᒻᒥᓂᕆᔭᐅᔪᓄᑦ ᓄᓇᑦᓯᐊᒥ ᐊᒻᒪ ᓄᓇᕗᑦ. ᖃᐅᔨᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᒍᒃ ᐃᕐᖏᓐᓈᕈᑎᒃᑯᑦ ᑐᑭᓯᐊᕕᕗᑦ ᒪᑉᐱᒐᖅ ᐅᑯᓄᖓ  ᐅᓂᒃᑳᓕᐅᓂᕐᒧᑦ ᐱᑕᖃᕆᐊᖃᖅᑎᑕᐅᔪᑦ, ᐅᕝᕙᓘᓐᓃᑦ ᓇᓗᓇᐃᔭᐃᓯᒪᑦᑎᐊᖅᑐᓂ  ᐅᓂᒃᑳᓕᐅᓂᕐᒧᑦ ᐋᓐᓂᖅᑐᒥᑦ.

ᐃᖅᑲᓇᐃᔭᕐᓂᖅ ᐃᑭᐊᖅᖠᒥᐅᑕᖅ ᐃᓱᒪᒋᔭᐅᔪᖅ ᖁᕝᕙᓯᑦᑐᓂ ᐊᑦᑕᓇᕐᓂᖓ ᐃᖅᑲᓇᐃᔮᖑᔪᖅ. ᑎᒥᖁᑎᒋᔭᐃᑦ ᐱᖃᑕᐅᒍᓂ ᐃᑭᐊᖅᖠᒥᐅᑕᖅ ᐃᖅᑲᓇᐃᔭᖅᑐᓂᑦ ᓄᓇᑦᓯᐊᒥ ᐊᒻᒪ ᓄᓇᕗᑦ, ᑐᓂᓯᔭᕆᐊᖃᖅᑎᑕᐅᔪᑎᑦ ᑐᓴᖅᑎᑦᑎᒍᑎᒥᑦ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ. ᖃᐅᔨᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᓂᕐᒥᑦ ᐊᑦᑕᓇᖏᑦᑐᒥ ᐃᑭᐊᖅᖠᒥᐅᑕᓂᑦ, ᕿᒥᕐᓗᒋᑦ  ᐃᑭᐊᖅᖠᒥᐅᑕᖅ ᐊᑦᑎᓪᓕᒋᐊᖅᑕᐅᓂᖏᓐᓄᑦ ᒪᓕᒋᐊᖃᖅᑐᖅ ᐱᓕᕆᔾᔪᓯᐅᔪᓄᑦ.

ᐃᓕᒃᑲᓐᓂᕈᒪᒍᕕᑦ


ᐳᐃᒍᖅᑕᐃᓕᒋᑦ... ᖃᖓᑐᐃᓐᓇᒃᑯᑦ ᐊᑎᓕᐅᖅᑐᓂ ᓄᑖᒥ ᐊᑐᖃᑦᑕᖅᑐᒥ, ᐅᔾᔨᕆᑦᑎᐊᕐᓗᒋᑦ ᐅᖃᖅᓯᒪᓗᑎ ᓇᓖᕌᕋᖦᓴᒧᑦ "ᖃᕋᓴᐅᔭᒃᑯᑦ ᑎᑎᕋᕐᕕᒋᓗᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑐᑭᓯᒋᐊᕈᑎᓄᑦ, ᐃᓱᓕᕝᕕᔅᓴᖏᑦ, ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᐱᕙᓪᓕᐊᔪᑦ," ᐱᖃᑦᒻᑕᕋᓗᐊᕐᒪᖔᑕ ᑭᖑᕙᖏᑦᑐᓂᑦ ᐊᒻᒪ ᐱᓕᕆᐊᖃᖅᑐᓂᑦ ᑐᑭᓯᒋᐊᕈᑎᓂᑦ ᐊᒻᒪ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᑭᓯᒋᐊᕈᑏᑦ ᐅᑯᑎᒎᓇ SafetyNet!




ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ
ᓯᓚᖓᓄᑦ ᐊᓯᔾᔨᖅᑐᑦ ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ


2020−ᒥ, ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ 22%−ᒋᓚᐅᖅᑕᖏᑦᒻ ᖃᓄᐃᓕᓂᐅᔪᓄᑦ ᑎᑎᕋᖅᑕᐅᔪᓄᑦ ᓄᓇᑦᓯᐊᒥ ᐊᒻᒪ ᓄᓇᕗᑦ. ᑭᓪᓕᓯᓂᐊᖅᑕᐅᓯᒪᔪᓂᑦ, ᖃᓄᐃᓕᓂᐅᔪᑦ ᐊᒻᒪ ᐋᓐᓂᕐᓂᐅᔪᑦ ᖁᕝᕙᓯᓐᓂᖏᑦ ᖁᕝᕙᓯᓐᓂᖅᓴᐅᖃᑦᑕᖅᑐᑦ ᓯᓚᖓᓄᑦ ᐊᓯᔾᔨᖃᑦᑕᑎᓪᓗᒍ. ᓯᓚᖓ ᐊᓯᔾᔨᖃᑦᑕᑎᓪᓗᒍ ᐊᒻᒪ ᐸᕐᓇᐸᓪᓕᐊᓕᖅᑐᑕ ᐊᐅᔭᒥ ᐃᖅᑲᓇᐃᔭᓂᕐᒧᑦ, ᐅᕝᕙᐅᑯᐊ ᐃᖅᑲᐅᒪᐃᓐᓇᕆᐊᖃᖅᑕᑎᑦ:

ᖁᐊᐃᔭᕿᓐᓃᑦ

ᓯᓚᖓ ᐆᓇᖅᓯᓂᖅᓴᐅᓕᖅᑎᒍ ᐊᒻᒪ ᓂᓪᓚᑳᓪᓚᑦᑐᓂ, ᐊᑦᑕᓇᕈᑎᐅᔪᓐᓇᖅᑐᑦ ᖁᐊᔭᐃᕿᓃᑦ ᖁᕝᕙᓯᓐᓂᖅᓴᐅᓕᖃᑦᑕᖅᑐᑦ. ᐊᐳᑎ ᐊᒻᒪ ᐊᐅᓐᓂᖓᓄ ᓂᓚᖓ, ᖁᐊᖅᑐᓂᓗ ᒪᓂᕋᑦᑐᒥᑦ,ᐊᒻᒪ ᖃᖓᒍᑦ ᐊᐳᑎᑖᒃᖃᑲᓂᖅᑐᓂ. ᑖᒃᑯᐊ ᐊᑦᑕᓇᕈᑎᖃᖅᑎᑎᒃᑲᓂᖅᑐᑦ ᖃᓄᐃᓕᖓᓂᐅᔪᑦ! ᐅᔾᔨᕆᑦᑎᐊᕐᓗᒋᑦ ᐱᓱᕝᕕᓯ ᓴᓗᒪᑏᓐᓇᕐᓗᒍ, ᑕᕆᐅᓕᕐᓗᒍ ᐊᒻᒪ ᓯᐅᕋᔮᓕᕐᓗᒍ ᑎᖅᑭᖅᑯᖏᓐᓂ ᐊᒻᒪ ᐃᓄᖃᓗᐊᖑᐊᐸᑦᑐᓄᑦ, ᐊᒻᒪ ᐃᖅᑲᐃᑎᖃᑦᑕᕐᓗᒋᑦ ᐃᖅᑲᓇᐃᔭᖅᑎᑎᑦ ᐅᑯᓂᖓ:
  • ᓱᒃᑲᐃᒡᓕᒋᐊᕐᓗᑎᑦ.
  • ᐅᔾᔨᖅᓱᕐᓗᑎᑦ.
  • ᐊᑐᕐᓗᑎᑦ ᓈᒻᒪᒃᑐᓂ ᑲᒪᒋᔭᕆᐊᖃᖅᑕᓂᑦ. 
ᐹᓪᓚᖕᓃᑦ

ᐅᐱᕐᖔᖅ ᐊᔾᔨᒋᔭᖓ "ᐅᐱᕐᖔᒃᑯᑦ ᓴᓗᒻᒪᖅᓴᐃᓂᖅ" ᑕᒪᑐᒪᓂᐅᓕᖅᑎᓪᓗᒍ ᐊᒥᓱᑦ ᐃᑉᐱᒍᓱᑦᑐᑦ ᓴᓗᒻᒪᖅᓴᐃᓂᖅᓴᐅᓗᑎ ᐅᑭᐅᑯᑖᖑᓚᐅᖅᑎᓪᓗᒍ ᐊᑐᐃᓐᓇᕈᖅᐸᓪᓕᐊᓕᖅᑎᓪᓗᒍ ᐅᖅᑰᓂᖅᓴᒧ ᐊᐅᔭᒃᑯᑦ ᓯᓚᖓᓄᑦ. ᑎᒍᒥᐊᕐᓗᒍ ᑕᒪᑐᒪᓂ ᐱᕕᔅᓴᐅᔪᒥᑦ ᐃᖅᑲᐃᑎᓪᓗᒋᑦ ᐃᖅᑲᓇᐃᔭᖅᑎᑎᑦ ᐃᓪᓗᒥᑦ ᑲᒪᑦᑎᐊᖃᑦᑕᓂᕐᒥᑦ ᐃᖅᑲᓇᐃᔭᕐᕕᒋᔭᐅᔪᓂᑦ. ᓈᑦᑎᑎᑦᑕᐃᓕᓂᕐᒧᑦ ᖃᓄᐃᓐᓂᐅᔪᓄᑦ, ᑭᓱᕈᓘᔭᖃᖅᑎᑦᑕᐃᓕᓗᒍ ᐊᓪᓚᕝᕕᒃ ᐃᓂᖓ ᐊᒻᒪ ᖃᓂᒋᔭᖏᓐᓂ ᐃᖅᑲᓇᐃᔭᖅᕕᒋᔭᐅᔪᑦ, ᐱᓗᐊᖅᑐᒥᑦ ᐃᓄᖃᓗᐊᖑᐊᐸᑦᑐᓂᑦ. ᑭᓱᕈᓘᔭᖃᕈᕕᑦ ᐃᓂᖓᓂ ᐊᓪᓚᕕᒻᒥ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᒋᔭᐅᔪᒥᑦ, ᐊᑕᐅᓯᕐᒥᑦ ᐅᕝᕙᓘᓐᓃᑦ ᒪᕐᕉᓐᓂᒃ ᐃᖅᑲᓇᐃᔭᖅᑏᓐᓂ ᐱᓕᕆᐊᖃᖅᑎᓪᓗᒋᑦ ᐊᔾᔨᒌᖏᑦᑐᓂ ᓇᒦᓐᓂᖏᓐᓄᑦ ᐱᓕᕆᐊᖑᓗᓂ? ᑲᔪᖏᖅᓴᕐᓗᒋᑦ ᕿᓂᕐᓗᑎ ᓄᑖᒥ ᑐᖅᑯᐃᕕᔅᓴᒥ ᐋᖅᑭᒍᑎᓂᑦ ᐃᑲᔪᕐᓂᐊᖅᑐᑦ ᑭᓱᕈᓘᔭᖃᓗᐊᖏᓂᕐᒧᑦ ᓯᕗᓂᔅᓴᒥ.

ᑲᑕᖕᓃᑦ

ᓯᓚᖓ ᐅᖅᑰᓯᕙᓪᓕᐊᓕᖅᑎᓪᓗᒍ, ᐊᒥᓱᒐᓚᐃᑦ ᐊᐱᕐᖔᒃᑯᑦ ᐃᖅᑲᓇᐃᔮᑦ ᐱᒋᐊᖅᐸᓪᓕᐊᓕᖅᑐᑦ. ᐊᒥᓱᑦ ᐃᖅᑲᓇᐃᔮᑦ ᓯᓚᒦᒋᐊᖃᖅᑎᑦᑎᔪᑦ ᐃᖅᑲᓇᐃᔭᕐᓗᑎ ᐳᖅᑐᔪᓂᑦ ᐱᓕᕆᐊᖑᖃᑦᑕᖅᑐᑦ ᐆᓇᕐᓂᖅᓴᐅᑎᓪᓗᒍ ᓯᓚᖓ (ᐃᓪᓗᓕᐅᖅᑐᑦ ᐊᒻᒪ ᖁᓕᓕᓕᐅᖅᑐᑦ ᐱᓕᕆᐊᑦ). ᐃᖅᑲᐅᒪᒋᑦ, ᑭᒃᑯᑐᐃᓐᓇᐃᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖅᑐᑦ ᐳᖅᑐᔪᓂᑦ ᐃᓕᓐᓂᐊᖅᑎᑕᐅᓯᒪᔭᕆᐊᓖᑦ, ᐊᒻᒪ ᓈᒻᒪᑦᑐᓂᑦ ᐃᒻᒥᒧᑦ ᓴᐳᒻᒥᔾᔨᔪᑎᖃᕐᓗᑎ ᐃᖅᑲᓇᐃᔭᖅᑎᓪᓗᒋᑦ ᐅᖓᑖᓂ 3 ᒦᑕᐃᑦ ᓄᓇᒥᑦ. ᐅᔾᔨᕆᑦᑎᐊᕐᓗᒋᑦ ᐃᖅᑲᓇᐃᔭᖅᑎᑎᑦ ᐊᑐᐃᓐᓇᐅᓗᑎ ᐃᖅᑲᓇᐃᔭᕐᓗᑎ ᐊᑦᑕᓇᖏᑦᑐᒥ ᐱᒋᐊᓚᐅᖅᑎᓐᓇᒍ ᐃᖅᑲᓇᐃᔮᕆᔭᐅᔪᖅ.

ᐃᖅᑲᐃᑎᑦᑎᔾᔪᑎ: ᐃᒪᐃᒋᐊᖃᖅᑎᑕᐅᒻᒥᔪᑎᑦ ᖃᐅᔨᑲᕐᓗᒍ ᐊᖏᔪᖅᑳᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᓴᖅᑎ ᓯᕗᓂᐊᒍᑦᒻ ᐳᖅᑐᔪᓂᑦ ᐊᑦᑕᓇᖅᑐᓂᑦ ᐃᖅᑲᓇᐃᔮᓂᑦ ᑲᑐᔾᔨᖃᑎᒌᕆᔭᐃᑦ ᐱᓕᕆᐊᕆᔭᖏᓐᓂ.

ᐃᓕᒃᑲᓐᓂᕈᒪᒍᕕᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᒥᓱᓂᑦ ᑭᓱᓕᕆᔾᔪᑎᖃᖅᑐᑦ ᖃᓄᐃᓕᑎᑦᑎᑦᑕᐃᓕᓂᕐᒧᑦ ᐅᑯᓂᖓ ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ. ᖃᐅᔨᒋᐊᕐᓗᒍ ᐊᑦᑕᓇᐃᖅᓯᒪᓂᕐᒧᑦ ᐅᖃᓕᒫᒐᖅ ᒪᕐᐱᒐᖅ ᑭᓱᓕᕆᔾᔪᑎᓄᑦ ᐊᒻᒪ ᐊᑐᖅᑕᐅᒍᒥᓇᖅᑐᑦ ᐃᕝᕕᑦ ᐊᑦᑕᓇᐃᖅᓯᒪᓂᕐᒧᑦ ᑲᑎᒪᓂᖏᓐᓄᑦ. ᓇᓗᓇᐃᖅᓯᔪᒧᑦ ᐊᐱᖅᑯᑎᔅᓴᖃᕈᕕᑦ ᐊᑦᑐᐊᓂᓕᓐᓄᑦ ᖁᐊᐃᔭᕿᓐᓃᑦ, ᐹᓪᓚᖕᓃᑦ, ᐊᒻᒪ ᑲᑕᖕᓃᑦ, ᐅᕙᑦᑎᓐᓄᑦ ᖃᐅᔨᒋᐊᕆᑦ ᐅᕙᓂ 1 (800) 661-0792. ᖃᐅᔨᒃᑲᕈᒪᒍᕕᐅᒃ ᐊᖏᔪᖅᑳᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᓴᖅᑎ ᐃᖅᑲᓇᐃᔮᖑᓂᐊᖅᑐᓄᑦ ᐊᑦᑕᓇᖅᑐᓄᑦ, ᖃᕋᓴᐅᔭᒃᑯᑦ ᑎᑎᕋᕐᕕᒋᑎᒍᑦ ᐅᕙᓂ CSHO@wscc.nt.ca ᐅᕝᕙᓘᓐᓃᑦ CSHO@wscc.nu.ca.


wscc.nt.ca   /  1.800.661.0792   *   wscc.nu.ca  /  1.877.404.4407