ᔮᓐᓄᐊᕆ 2021                                                           
ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ ᑐᓂᔭᐅᓯᒪᔭᕆᐊᓖᑦ ᕕᕝᕗᐊᕆ 28-ᒥ 
ᐃᓚᓕᐅᑎᓗᒍ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᓄᑖᙳᖅᑎᑕᐅᓯᒪᓂᖓ

ᑭᖑᕙᖓᑦᑕᐃᓕᒋᑦ: ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ (APR) ᐱᔭᕇᖅᑕᐅᔭᕆᐊᓕᒃ ᕕᕝᕗᐊᕆ 28, 2021-ᒥᑦ ᐊᑭᓖᑎᑕᐅᒃᑲᓐᓂᕈᒪᙱᒃᑯᕕᑦ. ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ. ᐃᖅᑲᐅᒪᒋᑦᑎ ᑕᒪᕐᒥᓕᒫᖅ ᐃᖅᑲᓇᐃᔭᖅᑎᑦᑎᔨᐅᔪᑦ ᑐᓂᓯᔭᕆᐊᖃᕐᑐᑦ ᐃᒪᐃᑦᑐᒥᒃ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᖏᓐᓂᒃ (APR) ᐅᓂᒃᑲᐅᓯᖃᕐᓂᐊᕋᓗᐊᕈᕕᑦ 0-ᓗᓂ ᑖᓐᓇ ᐊᑭᓕᖅᓱᐃᒍᑎᖕᓄᑦ ᐃᓂᖃᕐᕕᒋᔭᐃᑦ ᐊᑐᕈᓐᓇᐃᓐᓇᕐᓂᐊᕐᒪᑦ ᐊᒻᒪ ᑭᖑᕙᓯᒃᓯᒪᙱᓪᓗᓂ. ᑕᒪᕐᒥᒃ ᐃᖅᑲᓇᐃᔭᖅᑎᑦᑎᔨᐅᔪᑦ ᐊᑭᓖᔭᕆᐊᖃᕐᑐᑦ ᒥᑭᓛᒥᒃ $200.00-ᓂ ᖃᐅᔨᓴᕈᑎᓄᑦ.

ᖃᐅᔨᓴᕐᓗᒍ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑭᐅᔾᔪᑎᒋᔭᑎ ᐱᒋᐊᓚᐅᙱᓐᓂᕐᓂᒃ: WSCC Connect ᐊᑐᖅᑎᐅᔪᑦ ᐅᖃᖃᑎᖃᓪᓗᐊᖅᐳᑦ ᐃᓄᖕᒧᑦ ᐊᐅᓚᑦᑎᕙᒃᑐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑲᒻᐸᓂᓐᓂᑦ (ᐅᕝᕙᓘᓐᓃᑦ ᑲᒻᐸᓂᒧᑦ ᑎᑎᕋᕈᔾᔨᕙᓪᓕᐊᓂᕐᓄᑦ) ᐃᓕᖕᓂ ᑐᓂᓯᓂᕐᒧᑦ ᑭᐅᓂᐅᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖅᑯᑎᒋᔭᖏᓐᓄᑦ. ᒪᓕᓪᓗᒋᑦ ᐊᑐᐊᒐᕗᑦ ᖃᓄᖅ ᐱᓕᕆᒋᐊᖃᕐᒪᖔᑦᓯ: ᑕᒪᕐᒥᑦᑎᐊᑦ ᐊᐱᖅᑯᑏᑦ ᓇᓗᓇᐃᔭᖅᓯᒪᓪᓗᑎ ᑭᓱᒥ ᑕᑯᓇᓱᒋᐊᖃᕐᒪᖔᖅᐱᑦ ᐃᓚᖓ 4-ᒦᑦᑐᖅ ᑕᐃᑲᓂ  ᒪᓕᒃᑕᒃᓴᖅ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ. 

ᐱᓕᕆᔾᔪᑏᑦ ᖃᓄᖅ ᐋᖅᑭᑦᓯᒪᒋᐊᖃᕐᓂᖏᓐᓂᑦ ᐃᑲᔪᕆᐊᖃᕈᑦᓯ ᐅᑯᓅᓇ WSCC Connect, ᑕᑯᓂᐊᕐᓗᒍ WSCC Connect Help ᒪᑉᐱᒐᖅ ᐅᕝᕙᓘᓐᓃᑦ ᐅᖄᓚᕕᒋᓗᒋᑦ ᐅᖓᓯᑦᑐᒧᑦ ᐊᑭᓖᒋᐊᖃᖕᖏᑦᑐᑦ ᐅᖄᓚᕕᒋᓗᒋᑦ 1 (800) 661-0792.


ᐃᖅᑲᐃᑎᑦᑎᔾᔪᑦ: ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖏᑦ ᖃᓄᐃᓐᓂᐅᔪᒥ ᐅᕙᓃᑦᑐ WSCC Connect
ᐱᓕᕆᐊᕐᓄᑦ ᓈᒻᒪᖕᓂᕐᓴᐅᓪᓗᓂ, ᕿᓚᒥᐅᓂᕐᓴᖅ ᐅᓂᒃᑳᓕᐅᕐᓇᖅᖢᓂ ᐊᒻᒪᓗ ᐱᐅᓂᕐᓴᓂᒃ ᑎᑎᖃᖁᑎᖃᕐᓇᖅᖢᓂ



ᐅᕙᙵᑦ ᕕᕝᕗᐊᕆ 1, 2021-ᒥᑦ,  ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒥ ᐱᐊᓂᒃᑕᐅᔭᕆᐊᖃᕐᑐᑦ ᐊᑐᕐᓗᑎᒃ ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᕋᓴᐅᔭᑎᒍᑦ−ᓇᖕᒥᓂᖃᕐᓂᕐᒧᑦ ᐱᔨᑦᑎᕋᐅᑎᖓᓂᒃ, WSCC Connect.

ᐅᓇ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒥ ᖃᕋᓴᐅᔭᒃᑯᑦ ᐱᔨᑦᑎᕋᐅᑎᖓ ᒪᕐᕈᐃᓕᖓᖕᒪᑦ: ᓯᕗᓪᓕᕐᒥ, ᐱᔭᕇᖅᓯᓂᐊᖅᐳᑎᑦ ᖃᓄᐃᓐᓂᐅᔫᑉ ᐃᓚᖓᓐᓂ ᐊᒻᒪᓗ ᓇᓗᓇᐃᖅᓯᒍᕕᑦ ᐋᓐᓂᕐᓂᖃᓚᐅᕐᓂᖓᓂ, ᖃᕋᓴᐅᔭᑎᒍᑦ−ᐱᔨᑦᑎᕋᕐᓂᕐᒥ ᐅᖓᕙᕆᐊᖅᑎᑦᑎᓂᐊᖅᐳᖅ ᐋᓐᓂᕐᓂᐅᔪᒧᑦ ᐃᓚᖓᓐᓂ ᐅᓂᒃᑳᕆᓂᕐᒧᑦ.

ᖃᓄᐃᓕᐅᕆᐊᖃᕋᒪ?
  1. ᐱᓕᕆᐊᕆᔭᐃᑦ ᐊᒃᓱᓪᓘᓐᓃᑦ ᐊᑕᐅᓯᕐᒥᒃ ᐊᑐᐃᓐᓇᖅᑎᑦᑎᓂᕐᒧᑦ ᐊᐅᓚᑦᑎᔨᒥ ᐃᓂᖃᕐᓗᓂ ᐅᕙᓂ WSCC Connect. ᐅᓇ ᐊᑐᐃᓐᓇᖅᑎᑦᑎᓂᕐᒧᑦ ᐊᐅᓚᑦᑎᔨ ᐊᑐᐃᓐᓇᖃᕐᑐᖅ ᑕᐃᒪᓐᓂᓕᒫᖅ ᖃᕋᓴᐅᔭᒃᑯᑦ ᐱᔨᑦᑎᕋᐅᑎᓄᑦ. ᐊᑐᐃᓐᓇᖅᑎᑦᑎᓂᕐᒧᑦ ᐊᐅᓚᑦᑎᔨ ᐋᖅᑭᒃᓯᔪᓐᓇᕐᑐᖅ ᐃᓚᒋᐊᕈᑎᒃᑲᓐᓂᕐᓂᒃ ᐊᑐᖃᑦᑕᖅᑐᑦ ᐃᓂᒃᓴᖏᓐᓂᒃ ᐅᕘᓇ WSCC Connect, ᐊᒻᒪ ᐊᐅᓚᑎᑦᑐᓐᓇᕐᖢᓂᒋ ᒪᓕᒐᕆᔭᐅᔪᑦ ᐊᒻᒪᓗ ᑐᓴᒐᒃᓴᓂᒃ ᐊᑐᓂ ᐃᓂᖃᕐᕕᐅᔪᑦ ᐊᑐᐃᓐᓇᖃᕐᕕᖏᓐᓂᒃ.
  2. ᐃᖅᑲᓇᐃᔭᖅᑎᑦᑎᔪᑦ ᓇᓗᓇᐃᕐᓯᔭᕆᐊᖃᕐᑐᑦ ᑭᒃᑯᑦ ᐱᓕᕆᕝᕕᐊᓂᒃ ᐊᑐᐃᓐᓇᖃᕐᒪᖔᑦ ᖃᓄᐃᓕᓂᕐᓄᑦ, ᐋᓐᓂᕈᑎᓄᑦ ᐅᕝᕙᓘᓐᓃᑦ ᖁᐊᕐᓵᕐᓇᖅᑐᓂᒃ ᖃᓄᐃᓕᒍᑎᓄᑦ ᐅᓂᒃᑳᓕᐅᕐᓂᕐᒧᑦ ᐱᔨᑦᑎᕋᐅᑎᓄᑦ(ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒥ) ᐅᕙᓂ WSCC Connect. ᐊᑐᐃᓐᓇᖅᑎᑦᑎᓂᕐᒧᑦ ᐊᐅᓚᑦᑎᔨ ᐋᖅᑭᒃᓱᐃᔪᓐᓇᕐᒪ ᐃᓚᒋᐊᕈᑎᓂᒃ ᐊᑐᖅᑐᓄᑦ ᐃᓂᖃᕐᕕᖕᓂᒃ ᑭᓇᑐᐃᓐᓇᕐᒧᑦ ᐊᑐᐃᓐᓇᖃᕆᐊᖃᕐᑐᒥᒃ ᐆᒥᖓ ᖃᕋᓴᐅᔭᒃᑯᑦ ᐱᔨᑦᑎᕋᐅᑎᒥ ᐊᒻᒪ ᐊᓯᖏᓐᓂᒃ.
     
ᑕᒪᕐᒥ ᐃᖅᑲᓇᐃᔭᖅᑎᑦᑎᔪᑦ ᐅᓂᒃᑳᐅᓯᖃᖃᑦᑕᕆᐊᖃᕐᑐᑦ ᐃᖅᑲᓇᐃᔭᕐᕕᒃᒥᑦ ᖃᓄᐃᒍᑎᓂᒃ, ᐋᓐᓂᖅᑐᕕᓂᕐᓂᒃ ᐅᕝᕙᓘᓐᓃᑦ ᖁᐊᕐᓵᕐᓇᖅᑐᕐᑕᖃᖅᐸᑦ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓗᑦ. 

ᐃᖅᑲᓇᐃᔭᖅᑎᑦᑎᔪᑦ ᑐᓂᓯᒋᐊᖃᕐᑐᑦ ᐱᐊᓂᒃᓯᒪᑦᑎᐊᕐᑐᓂᒃ  ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒥ ᐅᓪᓗᑦ ᐱᖓᓱᑦ ᓴᓇᓐᓇᐅᔪᑦ ᐃᓗᐊᒍᑦ, ᐅᕝᕙᓘᓐᓃᑦ ᐊᑭᓕᒃᓴᓕᐅᕈᑎᐅᑐᐃᓐᓇᕆᐊᖃᕐᒪᑦ ᓇᓗᓇᐃᕐᑕᐅᓯᒪᔪᓂᒃ ᐅᕙᓂ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖅᕐᓂᒃ.

ᒪᑯᐊ ᖃᓄᐃᓕᐅᕈᑎ ᐊᒃᓱᐊᓗᒃ ᐋᓐᓂᕐᑐᕕᓂᕐᒧᑦ ᐅᕝᕙᓘᓐᓃᑦ ᐃᓅᔪᓐᓃᕐᑐᖃᕐᓗᓂ ᐅᓂᒃᑳᓕᐅᕈᓯᐅᑲᐅᑎᒋᔭᕆᐊᖃᕐᑐᑦ ᐅᖄᓚᐅᑎᒃᑯᑦ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᐃᑲᕐᕋᓂᒃ 24-ᓂ ᒪᑐᐃᓐᓇᐃᓐᓇᖅᐸᒃᑐᖅ ᖃᓄᐃᑦᑐᓄᑦ ᐅᓂᒃᑳᕐᕕᒃ ᐅᕙᓂ 1 (800) 661-0792. ᐅᓇ ᐃᓚᔭᐅᓯᒪᔪᖅ ᐱᐊᓂᒃᓯᓇᓱᒡᓗᓂ ᐃᖅᑲᓇᐃᔭᖅᑎᑦᑎᔫᑉ ᐅᓂᒃᑳᖏᓐᓂᒃ ᖃᓄᐃᓐᓂᕐᓄᑦ. 

ᖃᐅᔨᒋᐊᒃᑲᓐᓂᕐᕕᒃᓴᖅ:

ᖃᐅᔨᒃᑲᓐᓂᕈᒪᒍᕕᑦ ᐆᒥᖓ ᓄᑖᒥᒃ ᖃᕋᓴᐅᔭᒃᑯᑦ ᐱᔨᑦᑎᕋᐅᑎᒥᒃ, ᑕᑯᓗᒍ ᐱᔨᑦᑎᕋᐅᑎᓄᑦ ᑐᑭᒧᐊᕈᑎ. ᐊᐱᖅᑯᑎᒃᓴᖃᕈᕕᑦ ᑖᔅᓱᒧᖓ ᓄᑖᒧᑦ ᐱᔨᑦᑎᕋᐅᑎᒧᑦ, ᐅᖄᓚᓗᑎᒃ ᐅᕗᖓ 1 (867) 920-3888, ᐊᑭᖃᙱᑦᑐᒧᑦ ᐅᕗᖓ 1 (800) 661-0792, ᖃᕋᓴᐅᔭᒃᑯᓪᓘᓐᓃᑦ ᐅᕗᖓ info@wscc.nt.ca ᐅᕝᕙᓘᓐᓃᑦ ᐅᕗᖓ info@wscc.nu.ca.




ᐋᓐᓂᖅᑐᓕᕆᓂᕐᒧᑦ ᒪᓕᒐᕐᓂᒃ ᐋᖅᑭᒋᐊᖅᑕᐅᒍᑎᑦ
ᒫᓐᓇ ᐊᑐᓕᕐᑐᖅ ᓄᓇᑦᓯᐊᕐᒥ


ᐱᐅᓯᕚᓪᓕᖅᑎᑦᑎᓇᓱᒃᖢᑎᒃ ᐱᕐᕈᓗᐊᕿᑦᑕᐃᓕᓂᕐᒧᑦ ᒪᓕᖓᕐᓂᒃ ᑲᓇᑕᓕᒫᒥᑦ, ᐋᖅᑭᒋᐊᕈᑎᓂᒃ ᐋᖅᑭᒃᓯᓯᒪᓕᕐᑐᑦ ᐅᑯᓄᖓ ᓄᓇᑦᓯᐊᕐᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᖁᔭᓂᒃ ᐱᒋᐊᖅᖢᓂ ᔮᓐᓄᐊᕆ 1, 2021. ᑐᓴᒐᒃᓴᐃᑦ ᐋᖅᑭᒋᐊᕈᑎᓄᑦ ᐆᒧᖓ ᓄᓇᕗᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᖁᔭᓂᒃ ᑐᓴᖅᑎᑦᑎᒍᑎᐅᓂᐊᕐᑐᖅ ᑐᓴᒐᒃᓴᐃᑦ ᐊᑐᐃᓐᓇᐅᓕᕐᐸᑕ.

ᐋᖅᑭᒋᐊᖅᑕᐅᔪᑦ ᑕᑯᔭᐅᔪᓐᓇᕐᑐᑦ ᐅᕙᓂ  ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒐᑦ ᒪᒃᐱᒐᖓᓂ ᖃᕋᓴᐅᔭᒃᑯᑦ ᓴᖅᑭᔮᒐᑦᑎᓐᓂ.

ᖃᓄᖅ ᖃᐅᔨᒪᔭᕆᐊᖃᕋᒪ?
  1. ᐃᖅᑲᓇᐃᔭᖅᑎᑦᑎᔨᐅᔪᑦ ᓄᑖᙳᕆᐊᖅᑎᑦᑎᔭᕆᐊᖃᕐᓂᐊᕐᑐᑦ ᐋᓐᓂᖅᑐᓕᕆᓂᕐᒧᑦ ᐱᖁᑎᖏᓐᓂᒃ. ᐊᕐᕌᒍ ᐊᑕᐅᓯᐅᑉ ᐃᓗᐊᒍᑦ ᐊᓯᙳᕐᑐᓂᒃ ᒪᓕᒋᐊᖃᓕᕆᐊᓖᑦ ᐃᓱᖃᕐᓗᓂ ᔮᓐᓄᐊᕆ 1, 2022.
  2. ᒫᓐᓇᓕᓴᑦ ᐋᓐᓂᖅᑐᓕᕆᓂᕐᒧᑦ ᐃᓕᓐᓂᐊᕐᓯᒪᓂᕐᒥ ᓇᓗᓇᐃᒃᑯᑎᒋᔭᐅᔪᑦ ᐊᑐᖅᑎᑕᐅᓂᐊᕐᑐᑦ ᑭᓯᐊᓂ ᐃᓱᓕᕝᕕᖏᑦ ᑎᑭᑉᐸᑕ.
  3. ᐋᓐᓂᖅᑐᓕᕆᓂᕐᒧᑦ ᐊᔪᕈᓐᓃᕐᓴᖅᑎᑦᑎᔨᐅᕙᒃᑐᑦ ᓱᓕ ᒫᓐᓇ ᓄᑖᙳᕆᐊᖅᑎᑦᑎᓯᒪᙱᒻᒪᑕ ᐊᔪᕈᓐᓃᕐᓴᕈᑎᖏᓐᓂᒃ ᐊᒻᒪ ᐊᔪᕈᓐᓃᕐᓴᐅᑎᖏᓐᓂᒃ. ᐊᔪᕈᓃᕐᓴᖅᑎᑦᑎᔨᐅᕙᒃᑐᑦ ᐱᔪᓐᓇᐅᑎᑖᕐᓯᒪᔭᕆᐊᖃᕐᑐᑦ ᐅᑯᓇᙵᑦ ᐊᖓᔪᖅᑳᒥᑦ ᐱᕐᕈᓗᐊᕿᑦᑕᐃᓕᓂᕐᒧᑦ ᖃᐅᔨᓴᖅᑎᒧᑦ. 
ᐊᑐᐃᓐᓇᐅᔪᑦ ᑭᓱᓕᕆᔾᔪᑏᑦ

ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐅᓄᕈᓘᔭᕐᑐᓂᒃ ᐱᓕᕆᔾᔪᑎᖃᕐᒪᑕ ᐊᒻᒪ ᐃᓕᓐᓂᐊᕈᑎᒃᓴᖃᖅᖢᑎᒃ ᐃᑲᔪᕈᑎᐅᔪᓐᓇᕐᑐᓂᒃ ᐃᖅᑲᓇᐃᔭᖅᑎᑦᑎᔨᓂᒃ ᕿᒥᕐᕈᐊᕋᓱᒃᑎᓪᓗᒋᑦ ᑖᒃᑯᓂᖓ ᐊᓯᙳᖅᑕᐅᔪᓂᒃ. ᐅᑯᐊ ᐃᑲᔫᑎᒃᓴᑦ ᑕᑯᔪᓐᓇᕐᑕᓯ ᐅᕙᓂ ᓄᑖᒥᑦ  ᐋᓐᓂᖅᑐᓕᕆᓂᕐᒧᑦ ᓴᖅᑭᔮᒐᒥᑦ.

ᖃᐅᔨᒋᐊᒃᑲᓐᓂᕈᒪᒍᕕᑦ ᐅᑯᐊ ᖃᐅᔨᒋᐊᕐᕕᒋᓗᒋᑦ OHSregs@wscc.nt.ca ᐅᖄᓚᓗᓯᓘᓐᓃᑦ ᐅᕗᖓ 1 (800) 661-0792.


ᐅᓗᕆᐊᓇᖅᑐᖃᕐᒪᖔᑦ ᐅᔾᔨᖅᓲᑎ 
ᐱᓕᕆᐊᖃᕐᓂᖅ ᓯᑯᒥ

ᐃᖅᑲᓇᐃᔭᖅᑐᑦ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥ ᐊᖅᑯᑲᑕᖕᓂᕐᓴᐅᕙᖕᒪᑕ ᐊᓯᖏᓐᓂᒃ, ᐱᓱᑲᑕᒃᐸᒃᖢᑎᒃ, ᐊᒻᒪᓗ ᐱᓕᕆᕙᒃᖢᑎᒃ ᓯᑯᒥ. ᐱᔾᔪᑎᐅᓪᓗᓂ ᖃᖓᑦᑎᐊᓵᖅ ᖃᓄᐃᓕᒍᑎᐅᓚᐅᕐᑐᖅ, ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓴᖅᑭᑎᑦᑎᓚᐅᕐᒪᑕ ᓄᑖᒥ ᖁᐊᕐᓵᕐᓇᖅᑐᓂᒃ ᐅᔾᔨᕈᓱᖁᔨᒍᑎᓂᒃ ᐱᔾᔪᑎᖃᖅᖢᓂ ᐊᖅᑯᖃᑦᑕᕐᓂᕐᒥᒃ ᐅᖁᒪᐃᑦᑐᓂᒃ ᓯᑯᒃᑯᑦ. ᐱᓕᕆᐊᖃᕐᓗᓂ ᓯᑯᒥ ᐊᑖᒍᑦ ᐃᒪᖃᖅᑐᒥᑦ, ᐱᒻᒪᕆᐊᓘᕗᖅ ᐅᔾᔨᕈᓱᑦᑎᐊᕐᓂᖅ, ᐊᒻᒪᓗ ᑐᑭᓯᓯᒪᓂᖅ ᑕᒪᐃᓐᓂ ᐱᕐᕈᓗᐊᕿᑦᑕᐃᓕᓂᒃᑯᑦ ᐱᓕᕆᔾᔪᓯᐅᕙᒃᑐᓂᒃ.

ᐊᑦᑕᓇᖅᑐᖃᙱᑦᑐᒃᑯᑦ ᐱᓕᕆᔾᔪᓯᐅᔪᑦ:
  • ᐱᐊᓂᒡᓗᒍ ᐱᕐᕈᓗᐊᕿᔭᓐᓇᖅᑐᓂᒃ ᖃᐅᔨᓴᕐᓂᖅ ᐃᖅᑲᓇᐃᔭᖅᑎᑦᑎᔨᐅᔪᑦ ᐃᓚᐅᓗᑎᒃ. ᓇᓗᓇᐃᕐᓗᒋᑦ ᐊᒻᒪ ᕿᒥᕐᕈᐊᕐᓗᒋᑦ ᐅᓗᕆᐊᓇᕐᑐᑦ, ᐱᓕᕆᐊᕆᓗᒋᑦ ᐱᑕᖃᕈᓐᓃᕐᑎᒐᓱᒡᓗᒋᑦ ᐅᓗᕆᐊᓇᙱᓐᓂᕐᓴᐅᓕᕐᑎᓪᓗᒋᓪᓘᓐᓃᑦ, ᐊᒻᒪ ᕿᒥᕐᕈᐊᕐᓗᒋᑦ ᑐᐊᕕᕐᓇᕐᑐᓕᕆᓂᕐᒧᑦ ᐱᓕᕆᔾᔪᓯᐅᔪᓄᑦ ᐸᕐᓇᐅᑎᓂᒃ ᐊᒻᒪ ᓴᐳᑎᓯᒪᒐᓱᖕᓂᕐᒥᒃ. 
  • ᓇᓗᓇᐃᕐᓗᑎᒃ ᖃᐅᔨᓴᕐᓂᕐᒥᒃ ᓯᑰᑉ ᐃᔾᔪᑎᒋᓂᖓᓂᒃ ᐱᐊᓂᒃᑕᐅᓂᖓᓂᒃ, ᐊᒻᒪᓗ ᐅᓯᔪᓂᒃ ᖄᖓᒎᖅᑐᖃᕈᓐᓇᕐᓗᓂ ᐃᖏᕐᕋᑲᑕᒃᑐᓂ ᓯᑯᒃᑯᑦ. ᑐᑭᓯᓯᒪᓗᒍ ᐊᕙᑎᒋᔭᒧᑦ ᐊᒃᑐᐊᕙᒃᑐᑦ ᐃᑲᔫᑎᐅᔪᓐᓇᖅᑐᓂᒃ ᐅᓗᕆᐊᓇᙱᓐᓂᖓᓂᒃ ᓯᑰ: ᓄᑎᖕᓃᑦ/ᐋᔪᕋᑦ, ᓯᓚᐅᑉ ᐅᖅᑰᓂᖓ ᑕᐅᑐᒡᓗᒋ ᓯᕗᓂᐊᒍᑦ ᓯᓚᐅᑉ ᖃᓄᐃᓐᓂᕕᓂᖏᑦ ᐊᒻᒪᓗ ᓯᑰᑉ ᑕᕐᓴᖓ:
    • ᓯᑯ ᑲᑭᐊᒃᖢᓂ ᑐᖑᔪᕐᖢᓂ ᓴᙱᓂᕐᐹᖑᓂᕐᓴᐅᕙᒃᑐᖅ.
    • ᓯᑯᐃᑦ ᖃᑯᕈᔪᒃᑐᒥᑦ ᐊᐳᑎᕈᔫᓗᑎ ᐊᑯᑦᑐᔫᑎᐅᓂᕐᓴᐅᖕᒪᑕ ᐊᒻᒪ ᓴᙱᓂᖓ ᒪᓕᒃᓯᒪᓂᕐᓴᐅᓪᓗᓂ ᐃᔾᔪᑎᒋᓂᖓᓄᑦ.
    • ᓯᐊᕐᓇᕐᑐᖅ ᓯᑯᐃᑦ ᓇᓗᓇᙱᑦᑐᑦ ᐃᒪᖃᕐᓂᖏᓐᓂᒃ ᐊᐅᒃᐸᓪᓕᐊᓂᕐᒧᑦ ᐊᒻᒪᓗ ᖄᖓᒎᕐᕕᐅᔪᓐᓇᙱᖢᑎᒃ. 
  • ᐊᖅᑯᓐᓂᐊᕐᓗᓂ ᓯᑯᒃᑯᑦ, ᓄᓇᓯᐅᑏᑦ ᐅᖓᓯᒌᑲᑕᕐᓗᑎᒃ 30 ᒦᑕᓂᒃ, ᕿᓗᐊᕐᓯᒪᙱᓪᓗᑎᑦ ᐃᒃᓯᕙᐅᑕᕐᓄᑦ, ᐊᒻᒪᓗ ᓱᒃᑲᓕᙱᓪᓗᑎ ᐃᒪᐅᑉ ᐃᑎᓂᖓ ᐊᒻᒪ ᓯᑰ ᐃᔾᔪᓂᖓ ᓵᓐᓂᕐᓴᐅᓯᒪᓕᕐᐸᑦ. ᐃᖏᕐᕋᕝᕕᒋᔭᐅᖏᓐᓇᓕᕈᓂ ᓯᑯ ᐱᐅᔪᓐᓃᓕᕋᔭᕐᑐᖅ ᐊᒻᒪ ᓈᒻᒪᒍᓐᓃᕐᓗᓂ. 
ᖃᐅᔨᒃᑲᓐᓂᕈᒪᒍᕕᑦ ᑕᒪᑐᒥᖓ, ᑕᑯᒋᐊᕐᓗᒍ ᐊᑦᑕᓇᖅᑐᓂᒃ ᐅᔾᔨᕈᓱᒋᐊᖃᕐᓂᖅ ᐅᑯᓄᖓ  ᐱᓕᕆᐊᖃᕐᓂᖅ ᓯᑯᒥ, ᐅᕝᕙᓘᓐᓃᑦ ᑕᑯᒋᐊᕐᓗᒍ ᐅᓇ ᐅᓗᕆᐊᓇᖅᑐᖃᕐᒪᖔᑦ ᐅᔾᔨᖅᓲᑏᑦ ᓴᖅᑭᔮᒐᕗᑦ ᑕᑯᓂᐊᕋᕕᒋᑦ ᐊᑐᐃᓐᓇᐅᔪᑦ ᐅᖃᐅᓯᐅᓯᒪᔪᑦ. ᐊᐱᖅᑯᑎᒃᓴᖃᕈᔅᓯ ᐃᓱᒫᓘᑎᖃᕈᔅᓯᓘᓐᓃᑦ ᐱᕐᕈᓗᐊᕿᒍᑎᓂᒃ ᖃᐅᔨᓴᕈᑎᓂᒃ ᐅᕝᕙᓘᓐᓃᑦ ᐱᑕᖃᕈᓐᓃᖅᑎᑦᑎᓂᕐᒥ ᐊᒻᒪ ᐱᑕᖃᕈᓐᓃᖅᐹᓪᓕᖅᑎᑦᑎᓂᕐᒥᒃ ᓴᓇᕝᕕᒋᔭᕐᓂᒃ, noticetoCSO@wscc.nu.ca ᐅᓪᓗᒥ.




ᐊᑐᐊᒐᐃᑦ ᐊᓯᔾᔨᕐᓂᖏᑦ 

ᐊᐅᓚᑦᑎᓂᕐᒧᑦ ᑲᑎᒪᔩᑦ ᕿᒥᕐᕈᓚᐅᖅᑐᑦ ᐊᒻᒪ ᐊᖏᖅᓯᓪᓗᑎ ᐅᑯᓂᖓ ᐊᑐᐊᒐᕐᓂᑦ ᐊᒻᒪ ᐊᐅᓚᑦᑎᓂᕐᒧᑦ ᑲᑎᒪᔩᑦ ᑐᑭᒧᐊᕈᑎᖏᑦ ᓯᑎᐱᕆ 2020 ᑲᑎᒪᓂᖃᖅᑎᓪᓗᒋᑦ:
  • B-013, ᐊᐅᓚᑦᑎᓂᕐᒧᑦ ᑲᑎᒪᔩᑦ ᑎᒍᒥᐊᖅᑐᓄᑦ ᐊᒃᑐᐊᔪᓄᑦ
  • B-002, ᐊᐅᓚᑦᑎᓂᕐᒧᑦ ᑲᑎᒪᔩᑦ ᒪᓕᒐᖏᑦ ᐊᑐᕆᐊᖃᕐᓂᕐᒧᑦ
  • B-000, ᐊᐅᓚᑦᑎᓂᕐᒧᑦ ᑲᑎᒪᔩᑦ ᐱᔭᒃᓴᖏᑦ ᐊᒻᒪ ᑲᒪᒋᔭᒃᓴᖏᑦ
  • B-006, ᐊᐅᓚᑦᑎᔪᓄᑦ ᑲᑎᒪᔩᑦ ᑐᑭᒧᐊᒃᑎᑦᑎᔩᑦ ᒪᓕᒋᐊᓕᖏᑦ
  • B-010, ᐊᐅᓚᑦᑎᓂᕐᒧᑦ ᑲᑎᒪᔩᑦ ᑐᑭᒧᐊᖅᑎᑦᑎᔨᒃᑯᑦ ᑮᓇᐅᔭᖅᑖᕆᓇᓱᒃᑕᖏᑦ
ᑕᑯᒋᐊᕐᓗᒍ ᑖᓐᓇ WSCC Policy Manual (ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ) ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᖁᑎᖏᓐᓂᒃ ᐅᕝᕙᓘᓐᓃᑦ ᑖᓐᓇ Governance Council Directives (ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ) ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦ ᑐᑭᒧᐊᕈᑎᓂ.




wscc.nt.ca   /  1.800.661.0792   *   wscc.nu.ca  /  1.877.404.4407