ᕕᕝᕗᐊᕆ 2025

ᐊᒥᓱᑦ ᖁᐊᔭᕿᓐᓃᑦ, ᓈᓐᓃᑦ, ᐊᒻᒪᓗ ᐃᔪᒃᑲᕐᓃᑦ ᐅᑭᐅᒃᑯᑦ ᐊᑐᖅᑕᐅᓂᕐᓴᐅᕙᒃᑐᑦ ᓲᖃᐃᒻᒪ ᑐᙵᓂᖃᑦᑎᐊᕐᓂᕐᒧᑦ ᖃᓄᐃᓐᓂᐅᔪᓂ, ᐱᑕᖃᕆᕗᖅ ᐃᒡᓘᑉ ᐃᓗᐊᓂ ᑐᕌᖅᑎᑦᑎᕙᒃᑐᒥ ᐊᔾᔨᐸᖏᓐᓂ ᐋᓐᓂᕐᓂᐅᔪᓂᑦ. ᓯᕗᓪᓕᖅᐸᐅᔪᒥ ᐱᓕᕆᓂᕐᒥ ᓄᖅᑲᖅᑎᑦᑎᓂᕐᒥ ᐋᓐᓂᕐᓂᐅᔪᓂ ᖁᐊᔭᕿᓐᓂᓂᑦ, ᓈᓐᓃᑦ, ᐊᒻᒪᓗ ᐃᔪᒃᑲᕐᓃᑦ ᐱᓕᕆᓗᓂ ᐊᑦᑕᕆᔭᐅᔪᒥ ᖃᐅᔨᓴᐃᓂᐅᔪᒥ. 

ᐃᓚᖏᑦ ᐃᒡᓘᑉ ᐃᓗᐊᓂ ᓈᓐᓂᓂ ᐊᒻᒪ ᖁᐅᔭᕿᓐᓂᒃᓂ ᐊᔪᕐᓇᙱᓚᑦ ᐅᔾᔨᕆᓂᕐᒧᑦ, ᓲᕐᓗ:

• ᖁᐊᐃᑦᑖᕐᓇᖅᑐᑦ ᐅᕝᕙᓘᓐᓃᑦ ᖃᐅᔨᖅᑐᑦ ᓇᑏᑦ ᓲᕐᓗ ᐊᐳᑎ ᑲᒥᖕᓂᙶᖅᑐᓄᑦ, ᐅᖅᓱᐊᓗᖕᒥ ᑯᕕᓂᐅᔪᒥ, ᑳᕕ ᑯᕕᔭᕕᓂᖅ,
• ᐱᖁᑎᓂ ᐃᖅᑲᓇᐃᔭᕐᕕᖕᒥ ᐃᓂᐅᔪᓂ, ᓲᕐᓗ ᐅᐊᔭᕈᔪᐃᑦ ᓇᑎᕐᒦᑦᑐᑦ, ᑎᑎᕋᕐᕕᐅᑉ ᐊᒧᔭᖅᑐᖏ ᒪᑐᐃᖓᑎᑕᐅᕙᒃᑐᑦ, ᐅᕝᕙᓘᓐᓃᑦ ᐱᖁᑎᑦ ᖃᓕᕇᒃᑎᓯᒪᔪᓂ ᐱᓱᒡᕕᐅᒐᔪᒃᑐᒥ ᐃᓂᐅᔪᓂᑦ,
• ᖃᐅᒪᑦᑎᐊᙱᓗᐊᖅᑐᖅ ᐅᕝᕙᓘᓐᓃᑦ ᓴᖅᑭᔮᑦᑎᐊᕐᓇᕐᓂᖓᓂ.

ᐊᔪᕐᓇᙱᑦᑐᒥ ᐱᓕᕆᓂᐅᔪᒥ ᓇᓗᓇᐃᖅᓯᓂᕐᒥ ᐊᒻᒪ ᐊᐅᓚᑦᑎᓂᕐᒥ ᖁᐊᔭᕿᓐᓃᑦ, ᓈᓐᓃᑦ, ᐊᒻᒪᓗ ᐃᔪᒃᑲᕐᓃᑦ ᐊᑦᑕᕆᔭᐅᔪᓂ ᐃᖅᑲᓇᐃᔭᕐᕕᖕᓂᑦ ᐊᑐᕐᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᕆᔭᐅᔪᒥ ᖃᐅᔨᓴᐃᓂᐅᔪᒥ ᐃᓗᑦᑐᓕᐅᕈᒻᒥ ᐃᑲᔪᕐᓂᕐᒧᑦ ᓴᓇᔨᓂ ᐊᒻᒪ ᑲᒪᔨᐅᔪᓂ ᓇᓗᓇᐃᖅᓯᓂᖏᓐᓂ ᐃᖅᑲᓇᐃᔭᕐᕕᖕᒥ ᐊᑦᑕᕆᔭᐅᔪᓂ, ᐊᒻᒪ ᓂᕈᐊᖅᓯᓂᕐᒥ ᓈᒻᒪᒃᑐᓂ ᐊᐅᓚᑕᐅᓂᐅᔪᓂ ᐊᑦᑕᕆᔭᐅᔪᓂ ᓇᓂᔭᕐᓄᑦ. 

ᖃᐅᔨᒃᑲᓐᓂᕈᒪᒍᕕᑦ ᐱᕐᕈᓗᐊᕿᑦᑕᐃᓕᓂᕐᒥᒃ ᒪᑯᓄᖓ ᖁᐊᔭᕿᓐᓂᕐᓄᑦ, ᓈᓐᓂᕐᓄᑦ ᐊᒻᒪ ᐃᔪᒃᑲᕐᓂᕐᒧᑦ ᑕᑯᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᐃᑭᐊᖅᑭᕕᖓᓄᑦ.

ᑲᓇᑕᒥ ᑮᓇᐅᔭᐃᑦ ᐱᔭᐅᕙᓪᓕᐊᔪᓄᑦ ᑎᒥᖓᑦᑕ (CRA) ᑐᓂᔭᐅᔪᒥ ᓇᖕᒥᓂᖃᕐᓂᕐᒥ ᓈᓴᐅᑖ (BN) 9-ᓂ ᓈᓴᐅᑎᓕᖕᒥ ᑲᓇᑕᒥ ᑮᓇᐅᔭᐃᑦ ᐱᔭᐅᕙᓪᓕᐊᔪᓄᑦ ᑎᒥᖓᑦᑕ ᑐᓂᔭᐅᓂᐅᕗᖅ ᓇᖕᒥᓂᖃᖅᑎᓄᑦ, ᐊᒻᒪᓗ ᐊᔾᔨᐅᙱᓚᖅ ᑕᐃᔅᓱᒧᖓ ᓇᖕᒥᓂᖃᕐᓂᕐᒧᑦ ᐅᕝᕙᓘᓐᓃᑦ ᒪᓕᒐᖅᑎᒍᑦ ᑎᒥᖁᑕᐅᔪᒧᑦ. ᖃᐅᔨᒋᐊᕆᑦ ᐱᓯᒪᖕᒪᖔᑦᑕ ᑲᓇᑕᒥ ᑮᓇᐅᔭᐃᑦ ᐱᔭᐅᕙᓪᓕᐊᔪᓄᑦ ᑎᒥᖓᑦᑕ ᓇᖕᒥᓂᖃᕐᓂᕐᒧᑦ ᓈᓴᐅᑎᖕᓂᑦ WSCC Connect−ᒥ. 

ᖃᐅᔨᒋᐊᕐᓂᕐᒧᑦ ᑭᓱᖃᐅᑎᖕᓄᑦ, ᐃᑎᕆᐊᖃᖅᐳᑎᑦ WSCC Connect−ᒧᑦ ᐊᒻᒪᓗ ᐱᖃᕐᓗᑎᑦ “Manage Employer Profile” (ᐊᐅᓚᑦᑎᓂᕐᒥ ᐃᖅᑲᓇᐃᔭᖅᑎᖁᑎᓕᖕᓄᑦ ᑭᓇᐅᓂᖏᓐᓂ) ᐊᑐᖅᑎᐅᔪᒥ ᐱᓕᕆᐊᖓᓂ ᕿᓯᕐᕈᓂᕐᒥ ᐅᕝᕙᓘᓐᓃᑦ ᓄᑖᙳᕆᐊᖅᑎᑦᑎᔪᒥ Employer Profile (ᐃᖅᑲᓇᐃᔭᖅᑎᖁᑎᓕᖕᓄᑦ ᑭᓇᐅᓂᖓᓂ). ᐱᒡᒐᓇᖏᑦᑐᖅ ᖃᐅᔨᓴᕐᓂᕐᒥ ᐅᕝᕙᓘᓐᓃᑦ ᓄᑖᙳᕆᐊᖅᑎᑦᑎᓂᕐᒥ, ᐊᒻᒪ ᐊᒥᓲᖏᑦᑐᓂ ᒥᓂᑦᓂ ᐱᔭᕇᕆᐊᒃᓴᖅ.

ᐊᑐᐃᓐᓇᖃᕆᐊᖃᖅᐱᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᑭᓇᐅᓂᖓᓄᑦ? ᐃᖅᑲᓇᐃᔭᖅᑎᖁᑎᓕᖕᓄᑦ ᐊᑐᐃᓐᓇᖃᕐᓂᕐᒥ ᐊᐅᓚᑦᑎᔾᔪᑎᓕᕆᔨᒧᑦ ᑐᓂᓯᔪᓐᓇᖅᐳᖅ ᐊᑐᐃᓐᓇᖃᕐᓂᕐᒥ ᐊᐅᓚᑦᑎᓂᕐᒥ ᐃᖅᑲᓇᐃᔭᖅᑎᖁᑎᓕᖕᓄᑦ ᑭᓇᐅᓂᖓᓄᑦ ᐊᑐᖅᑎᐅᔪᒥ ᐱᓕᕆᐊᖓᓂ ᐃᓯᕐᓂᕐᒧᑦ WSCC Connect−ᒧᑦ ᐊᑐᐃᓐᓇᖃᕐᓂᕐᒧᑦ “Account Management” (ᑭᓱᖃᐅᑎᓄᑦ ᐊᐅᓚᑦᑎᓂᕐᒧᑦ) ᐱᔨᑦᑎᕋᕐᓂᐅᔪᒧᑦ. 

ᐃᓱᓕᕝᕕᒃᓴᖓ ᑐᓂᓯᓂᕐᒥ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᖅᑕᔅᓯᓂ (APR) ᕕᕝᕗᐊᕆ 28, 2025−ᖑᕗᖅ. 

ᐱᒻᒪᕆᐊᓗᐃᑦ ᐃᖅᑲᐅᒪᔭᕆᐊᖃᖅᑕᑎᑦ:

• ᑐᓂᓯᓯᒪᔭᕆᐊᖃᖅᑐᑎᑦ ᐆᒥᖓ ᐊᕐᕌᒍᑕᒫᑦ ᐃᖅᑲᓇᐃᔭᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐊᓂᒃ ᐱᑕᖃᙱᒃᑲᓗᐊᖅᐸᑦ ᐊᑭᓕᖅᓱᕆᐊᖃᖅᑕᕐᓂᒃ.  
• ᐊᑭᓖᑎᑕᐅᓛᖅᑐᑦ ᑭᖑᕙᖓᔪᒃᑯᑦ ᐅᓂᒃᑳᓕᐅᕐᓂᕐᒥᑦ 15-ᐳᓴᓐᑎᒥ ᐊᕐᕌᓂ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑕ ᖃᐅᔨᓴᖅᑕᐅᔾᔪᑎᖏᓐᓂ.
• ᐸᕐᓇᕐᓯᒪᓗᑎᒃ ᑭᐅᔪᓐᓇᕈᑎᒃᓴᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᐱᖁᑎᒃᓴᓂᒃ ᐅᕘᓇ ᐱᓕᕆᐊᑎᒍᑦ. ᕿᒥᕐᕈᓂᕐᒧᑦ ᐊᐱᖅᑯᑕᐅᔪᓂ, ᑕᑯᒍᒃ ᒪᒃᐱᒐᖅ 4−ᒥ ᒪᓕᒃᑕᒃᓴᖅ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ.

ᐃᓱᒪᕕᑦ ᐊᓯᙳᖅᑐᖃᕐᓂᐊᕆᐊᒃᓴᖓᓂ ᐃᖅᑲᓇᐃᔭᖅᑎᓂ ᐊᑭᓕᕐᓱᐃᔾᔪᑎᒋᕙᒃᑕᒃᑯᑦ ᑕᒪᑐᒪᓂ ᐊᕐᕌᒍᒦ?

ᐃᓱᒪᕕᑦ ᐊᔾᔨᒌᙱᓐᓂᖃᕐᓂᐊᕐᒪᖔᑕ ᐃᖅᑲᓇᐃᔭᖅᑎᓂ ᐊᑭᓕᕐᓱᐃᔾᔪᑎᒋᕙᒃᑕᒃᑯᑦ ᐅᓂᒃᑳᓕᐊᕐᓃᑦ ᑕᒪᑐᒧᖓ ᐊᕐᕌᒍᒧ? ᐃᒪᐃᒃᑯᕕᑦ, ᑐᓂᓯᓗᑎᑦ ᐅᓂᒃᑳᕆᔪᓂ ᓇᓗᓇᐃᔭᑦᑎᐊᖅᓯᒪᔪᓂᑦ “ᑮᓇᐅᔭᖅᑖᕈᑏᑦ ᐃᖅᑲᓇᐃᔭᖅᑎᓄᑦ ᐅᖃᐅᓯᒃᓴᒃᑲᓐᓃᑦ” ᐃᓚᖓᓂ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥ. ᐅᓇ ᐃᓂᖃᖅᐳᖅ ᐱᓕᕆᐊᖅ 2−ᒥ ᐅᓂᒃᑲᐅᓯᕆᓗᒋᑦ ᑮᓇᐅᔭᓕᐊᓄᑦ ᐊᑭᓖᔾᔪᑭᓂᑦ WSCC Connect−ᑯᑦ. ᑖᔅᓱᒥᖓ ᑐᓴᐅᒪᑎᑦᑎᑦᑎᒍᕕᑦ ᐅᖄᓚᕝᕕᐅᓇᔭᙱᑦᑐᑎ ᐅᑯᓇᙵᑦ ᐃᖅᑲᓇᐃᔭᖅᑎᑦᑎᔨᓄᑦ ᐱᔨᑦᑎᕋᐅᑎᓕᕆᔨᓄᑦ.

ᑐᓂᓯᓂᕐᒥ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥ, ᐃᓯᕐᓗᑎᑦ WSCC Connect−ᒧᑦ.

ᐃᑲᔪᖅᑕᐅᔭᕆᐊᖃᖅᐱᑦ ᐱᐊᓂᒃᓯᓇᓱᒡᓗᑎᑦ ᐅᑯᓂᖓ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᖃᑦᑕᕐᓂᖏᓐᓄᑦ ᐅᓂᒃᑳᓕᐅᕐᓂᕐᒦ? ᑕᑯᒋᐊᕐᓗᒍ ᐅᓇ WSCC Connect ᐃᑲᔪᖅᑕᐅᔪᒪᓂᕐᒧᑦ ᒪᒃᐱᒐᖅ, ᐅᑯᓄᖓᓘᓐᓃᑦ ᐅᖃᖃᑎᖃᕐᓗᑎᒃ ᐃᖅᑲᓇᐃᔭᖅᑎᓄᑦ ᐱᔨᑦᑎᕋᖅᑎᓄᑦ ᐅᕙᓂ:

• ᓄᓇᕗᑦ: 1-877-404-4407
• ᓄᓇᑦᓯᐊᖅ: 1-800-661-0792  

Safe Workplace ᐱᓕᕆᔾᔪᑕᐅᕗᖅ ᐃᓕᖕᓂ ᐃᑲᔪᕐᓂᕐᒧᑦ ᑐᑭᓯᓂᕐᒥ ᒪᓕᒐᑎᒍᑦ ᐃᖅᑲᓇᐃᔭᕐᕕᖕᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒋᐊᓕᖏᓐᓂᑦ.

6−ᓂ ᓈᒻᒪᒋᔭᐅᔪᓂᑦ ᐃᖅᑲᓇᐃᔭᖅᑎᖁᑎᓕᑦ ᑭᐅᔭᕆᐊᖃᖅᐳᑦ ᐅᕘᓇ ᓄᓇᕗᒻᒥ ᐊᒻᒪᓗ ᓄᓇᑦᓯᐊᕐᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᑦ ᐊᒻᒪᓗ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖓᓐᓂ. Safe Workplace ᒫᒻᓇᒨᓕᖓᔪᒥ ᖃᓄᐃᓕᖓᓂᖓᓂ ᑭᐅᒪᖕᒪᖔᖅᐱᑦ ᒪᓕᒋᐊᖃᖅᑐᓕᒫᓂᑦ ᐱᓕᕆᐊᒃᓴᕆᔭᕐᓂᑦ. ᑕᒪᒃᑭᐅᒪᔪᒥ ᒪᓕᖕᓂᖃᑦᑎᐊᙱᒃᑯᕕᑦ, ᑕᑯᒃᓴᐅᑎᑦᑎᕗᖅ ᓈᒻᒪᒋᔭᐅᔪᓂᑦ ᒫᓐᓇᐅᔪᒥ ᑭᐅᒪᙱᓐᓂᕐᓂ ᑲᑎᖃᑎᖃᖅᑎᓪᓗᒍ ᐃᑲᔪᕈᑎᒃᓴᓂᑦ ᐃᓕᖕᓂ ᐃᑲᔪᕐᓂᕐᒧᑦ ᑐᑭᓯᐅᒪᓂᕐᒥ ᑭᓱᑦ ᐱᔭᕆᐊᖃᕐᓂᖏᓐᓂ ᑎᑭᐅᑎᓂᕐᒥ ᐱᓕᕆᑦᑎᐊᖅᑐᒥ ᖃᓄᐃᓕᖓᓂᖓᓄᑦ. 

ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥ (APR) ᐊᕐᕌᒎᑉ ᐃᓗᐊᓂ ᑎᑭᐅᑎᓯᒪᓂᖓᓐᓂ, ᐱᕕᒃᓴᖃᖅᑎᑦᑎᓗᑎᑦ ᕿᒥᕐᕈᓂᕐᒥ ᐊᒻᒪᓗ ᓄᑖᙳᕆᐊᖅᑎᑦᑎᓂᕐᒥ ᑲᑐᔾᔨᖃᑎᒌᖑᔪᖕᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑭᐅᔾᔪᑎᖏᓐᓂ. ᐅᐱᒋᓗᑎᑦ ᐃᓕᓯᓂᕐᒥ ᓴᓇᔨᕕᑦ ᐋᓐᓂᐊᖃᕐᓇᙱᑦᑐᓕᕆᓂᖓᓂ ᐊᒻᒪ ᖃᓄᐃᙱᑦᑎᐊᕐᓂᖏᓐᓂ ᖁᑦᑎᓛᖑᓗᓂ ᓯᕗᓪᓕᐅᔾᔭᐅᖁᔭᐅᔪᒥ! ᐃᓕᒃᑲᓐᓂᕈᒪᒍᕕᑦ.

ᖃᐅᔨᒪᕕᑦ ᒪᒃᑯᒃᑐᒦᒃ ᐃᓄᖕᒥᑦ ᐊᑦᑕᕐᓇᖅᑕᐅᓕᒪᓂᕐᒥᒃ ᐱᕕᒡᔪᐊᕈᑎᖃᒃᑐᒦᒃ? ᐅᖃᐅᑎᒃᑭᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒪᒃᑯᒃᑐᓄᑦ ᑕᕐᕆᔭᐅᓯᐅᕐᓂᕐᒧᑦ ᓵᓚᒃᕋᓱᐊᕐᓂᕐᒥ! 

ᒪᒃᑯᒃᑐᓄᑦ ᐅᑭᐅᓕᖕᓄᑦ 14-19−ᓂᒃ ᓄᓇᑦᓯᐋᕐᒥᑦ ᐊᒻᒪᓗ ᓄᓇᕗᕐᒥᑦ (ᐊᑭᓕᖅᑕᐅᓯᒪᓗᓂ ᐃᓕᓐᓂᐊᕐᕕᖓᓂᑦ ᐅᕝᕙᓗᓂᑦ ᒪᒃᑯᒃᑐᑦ ᑲᑐᔾᔨᖃᑎᒌᖑᔪᓄᑦ) ᖃᐃᖁᔭᐅᕗᑦ ᑐᓂᓯᓂᕐᒥ ᐊᑦᑎᖕᓂᖅᓴᐅᔪᒥ 2-ᒥᓂᑦᒥ ᑕᕐᕆᔮᒃᓴᓕᐊᖑᔪᒥ ᐊᑦᑕᓇᔾᔭᐃᖅᓯᒪᓂᕐᒥ ᐃᖅᑲᓇᐃᔭᕐᕕᖕᒥ. 

ᓯᕗᓪᓕᖅᐹᖑᓗᓂ ᐃᓂᖃᒃᑐᑦ ᐃᓕᒌᑦ ᐱᑎᑕᐅᓂᐋᖅᑐᑦ ᑮᓇᐅᔭᓂᒃ $1,000−ᓂᒃ, ᐊᒻᒪᓗ ᐊᑭᓖᓯᒪᔪᖅ ᐃᓕᓐᓂᐋᕐᕕᒃ ᐅᕝᕙᓗᓂᑦ ᑲᑐᔾᔨᖃᑎᒌᖑᔪᑦ ᐱᑎᑕᐅᒐᔭᕐᒥᔪᑦᑕᐅᖅ ᑮᓇᐅᔭᓂᒃ $1,000−ᓂᒃ. ᑕᕐᕆᔮᒃᓴᓕᐊᖑᓯᒪᔪᖅ ᐊᓱᐃᓛᒃ ᓅᑉᐳᖅ ᑲᓇᑕᒧᑦ ᓵᓚᖃᕋᓱᐊᕐᓂᐅᔪᒥ ᐱᓕᕆᐊᖑᔪᒥ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS) ᐱᕕᒃᓴᖃᕐᓂᕐᒧᑦ ᓵᓚᖃᒃᑲᓐᓂᕐᓂᕐᒥ $2,000−ᒥ ᐊᑐᓂ!

ᐃᓱᓕᕝᕕᒃᓴᐅᑖ ᑐᓂᓯᓂᕐᒥ ᐊᐃᕐᕆᓕ 4, 2025−ᖑᕗᖅ. ᐃᑭᐋᕿᕕᖕᒧᕐᓗᑎᑦ ᓵᓚᒃᓴᐅᓯᐋᕋᓱᐋᕐᓂᕐᒧᑦ ᐃᑭᐊᕿᕕᐅᑉ ᒪᒃᐱᒐᖓ ᑐᓴᕆᐊᒃᑲᓐᓂᖁᓪᓗᑎᑦ!

wscc.nt.ca 1.800.661.0792 | wscc.nu.ca 1.877.404.4407