ᐅᑐᐱᕆ 2020                                                      
ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ (JOHSC) ᐊᒻᒪ ᓄᕙᒡᔪᐊᕐᓇᖅ-19 (COVID-19) 
ᐋᖅᑭᒃᓱᐃᕙᓪᓕᐊᓂᖅ ᐊᒻᒪ ᑲᒪᒋᔭᖃᐃᓐᓇᕐᓂᖅ ᐃᓕᖁᓯᒃᓴᓂᒃ ᖃᓄᐃᑦᑕᐃᓕᒍᑎᓂᒃ

ᐅᑯᐊ ᓴᙱᓪᓗᑎᒃ ᐊᒻᒪᓗ ᑐᓴᐅᒪᑦᑎᐊᖅᑐᑦ ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᑦ (JOHSC) ᐱᐅᓂᖅᐹᖑᔪᑦ ᐃᑲᔪᕐᑎᒋᓗᒋᑦ ᓄᕙᒡᔪᐊᕐᓇᖅ-19-ᒥᑦ ᐊᐃᑦᑑᑎᖃᖅᑕᐃᓕᓂᕐᒥ ᓴᓇᕝᕕᖕᓂ. ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ (JOHSC) ᐃᑲᔪᕆᐊᖃᖅᑐᑦ ᐃᖅᑲᓇᐃᔭᖅᑎᑦᑎᔨᓂᒃ ᐋᖅᑭᒃᓱᐃᕙᓪᓕᐊᓂᒃᑯᑦ ᐊᒻᒪ ᑲᒪᒋᔭᖃᐃᓐᓇᕐᓂᕐᒥᒃ ᓴᖅᑭᕝᕕᐅᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎᓂᒃ ᐊᒻᒪᓗ ᖃᐅᔨᒪᔭᐅᑎᑦᑎᓕᕐᓂᕐᒥᒃ ᐸᕐᓇᐅᑎᓂᒃ ᐃᖅᑲᓇᐃᔭᕐᕕᒃᒥᑦ.

ᖃᐅᔨᒪᒋᑦ: ᓇᖕᒥᓂᖅ ᐱᓕᕆᐊᖃᕈᕕᑦ ᐃᖅᑲᓇᐃᔭᖅᑎᖃᕐᓗᑎᒃ 20-ᓂᒃ ᑐᖔᓂᓪᓘᓐᓃᑦ, ᐱᖃᙱᒃᑲᓗᐊᕈᕕᑦ ᐃᒪᐃᑦᑐᓂᒃ ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᒃ (JOHSC) ᒪᓕᖢᑎᒃ ᐆᒥᖓ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᖁᔭᓂᒃ, ᐃᓚᖓ 4, ᐃᓚᒃᑲᓐᓂᖓᓂᒃ 37 ( ᓄᓇᑦᓯᐊᖅ ᐊᒻᒪ  ᓄᓇᕗᑦ), ᑭᓯᐊᓂᓕ ᐃᖅᑲᓇᐃᔭᖅᑎᑦᑎᔨᐅᔪᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑭᒡᒐᖅᑐᐃᔨᖏᓐᓂᒃ ᖃᐅᔨᒪᑎᑦᑎᔭᕆᐊᖃᖅᑐᑦ ᐅᓗᕆᐊᓇᙱᑦᑐᒦᓐᓂᕐᒧᑦ ᑐᓴᐅᒪᔭᕆᐊᓕᖕᓂᒃ. ᐃᖅᑲᓇᐃᔭᖅᑎᑦᑎᔨᐅᔪᑦ ᐊᒻᒪᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑭᒡᒐᖅᑐᐃᔩᑦ ᒪᓕᒋᐊᖃᖅᑐᑦ ᐊᔾᔨᐸᓗᖏᓐᓂᒃ ᐊᑐᖅᑕᐅᕙᒃᑐᓂᒃ ᒪᑯᓂᖓ ᐃᖅᑲᓇᐃᔭᖅᑎᑦᑎᔨᓂᒃ ᐱᖃᖅᑎᑦᑐᓐᓇᕐᓗᒋᑦ ᐋᓐᓂᐊᖃᕐᓇᙱᑦᑐᒥᒃ ᐊᒻᒪᓗ ᐅᓗᕆᐊᓇᙱᑦᑐᓂᒃ ᐃᖅᑲᓇᐃᔭᕐᕕᒃᒥᑦ, ᐃᓚᖃᕐᓗᓂ ᓴᙱᔪᒥᒃ ᓴᖅᑭᕝᕕᐅᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎᖃᕐᓗᑎᒃ.

ᑭᓲᒻᒪ ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ (JOHSC)?

ᐱᒋᐊᕈᑎᒋᔭᐅᔪᕐᓕ ᐅᑯᓄᖓ ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ (JOHSC) ᐅᓇ ᐃᓗᐊᒍᑦ ᑲᒪᒋᔭᖃᕐᓂᕐᒧᑦ ᐱᓕᕆᔾᔪᓯᖅ (IRS), ᑖᓐᓇᓕ ᑲᓇᑕᒥ ᐃᖅᑲᓇᐃᔭᖅᑎᓂᒃ ᑮᓇᐅᔭᖅᑖᑎᑦᑎᓂᕐᒧᑦ ᐱᓕᕆᔾᔪᓯᕐᓂᒃ. ᐅᓇ ᐋᖅᑭᒃᓯᓯᒪᒍᑎᐅᔪᖅ ᐅᓗᕆᐊᓇᙱᑦᑐᒦᑎᑦᑎᓂᖅ ᑕᒪᐃᓐᓄᓕᒫᖅ ᓴᓇᕝᕕᖕᒦᑦᑐᓂᒃ ᑲᒪᒋᔭᐅᔭᕆᐊᖃᕐᓂᖓᓂᒃ. ᑭᒃᑯᓕᒫᖅ ᑕᒪᑐᒥᖓ ᐃᓚᐅᒍᓂᒃ ᐊᒻᒪ ᑲᒪᒋᔭᖃᕐᓗᑎᒃ ᐃᖕᒥᖕᓂᒃ ᖃᓄᐃᑎᑦᑎᑦᑕᐃᓕᓂᕐᒥᒃ ᐊᒻᒪ ᐊᓯᖏᓐᓂᒃ ᖃᓂᑦᑐᓃᑦᑐᓂᒃ, ᐃᓕᖅᑯᓯᖅ ᐊᒻᒪᓗ ᐃᓱᒪᖃᕐᓂᖅ ᖃᓄᐃᑎᑦᑎᑦᑕᐃᓕᓂᕐᒥᒃ ᓴᙱᓂᕐᓴᐅᓕᕋᔭᕐᑐᑦ.

ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ (JOHSC) ᑲᑎᒪᔨᐅᕗᑦ ᐊᔾᔨᒌᒃᑎᑦᑎᓂᒃᑯᑦ ᐊᒻᒪ ᐃᖅᑲᓇᐃᔭᖅᑎᓂᒃ ᑭᒡᒐᖅᑐᐃᓪᓗᑎᒃ ᐱᓇᓱᐊᒐᖃᖅᖢᑎᒃ ᐋᖅᑭᒃᓱᐃᕙᓪᓕᐊᓂᕐᒥᒃ, ᑲᒪᒋᔭᖃᐃᓐᓇᕐᓂᕐᒥᒃ, ᐊᒻᒪ ᓴᖅᑭᑎᑦᑎᓂᕐᒥᒃ ᓴᙱᔪᒥ ᐅᓗᕆᐊᓇᙱᑦᑐᒦᓐᓂᕐᒧᑦ ᐃᓕᖁᓯᒃᓴᒥᑦ ᓴᓇᕝᕕᖕᓂ. ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᑦ (JOHSC) ᖃᓄᐃᓕᐅᕈᑎᖏᑦ ᑐᑭᒧᐊᕈᑎᖃᕆᐊᖃᖅᑐᑦ ᐃᖅᑲᓇᐃᔭᖅᑏᑦ ᐃᓱᒫᓘᑎᖏᓐᓂᒃ ᐊᒻᒪ ᖃᓄᐃᓕᐅᖅᐸᓪᓕᐊᒍᓯᖏᓐᓂᒃ, ᐊᒻᒪᓗ ᐅᓗᕆᐊᓇᒻᒪᕆᒃᑐᓂᒃ ᖃᓄᐃᓕᒍᑎᕕᓂᕐᓂᒃ ᐅᕝᕙᓘᓐᓃᑦ ᖃᐅᔨᓴᕈᑎᓂᒃ ᓴᖅᑭᑎᑦᑎᒍᑎᐅᓯᒪᔪᖅ ᐅᓗᕆᐊᓇᖅᑐᓂᒃ ᑲᒪᒋᔭᐅᔭᕆᐊᓕᖕᓂᒃ. 

ᐱᓕᕆᐊᒃᓴᖏᑦ ᐃᓚᖃᖅᑐᑦ ᑭᓯᐊᓂᓕ ᑖᒃᑯᓂᖓᑐᐊᙳᙱᖢᓂ:
  • ᐋᖅᑭᒃᓱᐃᕙᒡᓗᑎᒃ ᐅᓗᕆᐊᓇᙱᑦᑐᒦᓐᓂᕐᒧᑦ ᑲᑎᒪᒍᑎᒃᓴᓂᒃ ᐅᖃᐅᓯᖃᕐᐸᒡᓗᑎᒃ ᓴᓇᕝᕕᖕᒥ ᐅᓗᕆᐊᓇᙱᑦᑐᒦᓐᓂᕐᒧᑦ ᐸᕐᓇᐅᑎᓂᒃ, ᐊᑐᐊᒐᕐᓂᒃ ᕿᒥᕐᕈᐊᖅᐸᒡᓗᑎᒃ, ᐊᒻᒪᓗ ᐋᖅᑭᒃᓱᐃᕙᒡᓗᑎᒃ ᐊᔪᕈᓐᓃᕐᓴᕐᓂᕐᒧᑦ ᐊᒻᒪ ᐃᓕᓐᓂᐊᖅᑎᑦᑎᓂᕐᒧᑦ ᐱᓕᕆᐊᒃᓴᓂᒃ ᐃᖅᑲᓇᐃᔭᖅᑎᓄᑦ.
  • ᖃᐅᔨᓴᖅᐸᓪᓕᐊᓗᑎᒃ ᐊᒻᒪ ᐋᖅᑭᒃᓱᐃᓗᑎᒃ ᓴᓇᕝᕕᖕᒥᓐ ᐋᓐᓂᐊᖃᖅᑕᐃᓕᓂᕐᒧᑦ ᐊᒻᒪ ᐅᓗᕆᐊᓇᙱᑦᑐᒦᓐᓂᕐᒧᑦ ᖃᓄᐃᓕᐅᕈᑎᒃᓴᓂᒃ.
  • ᐃᓚᐅᕙᒡᓗᑎᒃ ᐱᓕᕆᐊᖑᕙᒃᑐᒥᓐ ᓴᓇᕝᕕᖕᒥᓐ ᖃᐅᔨᓴᕐᓂᕐᒥᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᐅᔨᓴᕐᓂᕆᖃᑦᑕᖅᑕᖏᓐᓂᒃ ᐃᖅᑲᓇᐃᔭᕐᕕᖕᓂᒃ, ᐊᒻᒪᓗ ᖃᐅᔨᓴᖃᑦᑕᕐᓂᕐᒥᒃ ᖃᓄᐃᓕᒍᑎᓂᒃ ᓴᓇᕝᕕᖕᒥ ᐱᓕᕆᐊᖑᔭᕆᐊᓕᖕᓂᒃ.
  • ᐃᓚᐅᕙᒡᓗᑎᒃ ᖃᐅᔨᓴᕐᓂᕐᒥᒃ ᖃᓄᐃᓕᒍᑎᓂᒃ ᐋᓐᓂᕈᑎᐅᔪᓂᒃ ᐅᕝᕙᓘᓐᓃᑦ ᐋᓐᓂᐊᖅᑖᕆᔭᐅᔪᓂᒃ.
  • ᑐᓵᕙᒡᓗᑎᒃ ᐃᖅᑲᓇᐃᔭᖅᑎᐅᔪᑦ ᐋᓐᓂᐊᖃᕐᑕᐃᓕᓂᕐᒧᑦ ᐊᒻᒪ ᐅᓗᕆᐊᓇᙱᑦᑐᒦᓐᓂᕐᒧᑦ ᕿᐱᓘᑎᖏᓐᓂᒃ, ᐃᓚᖃᕐᓗᓂ ᖃᓄᐃᓕᐅᕈᑎᓂᒃ ᑖᓐᓇ ᐃᖅᑲᓇᐃᔭᖅᑎ ᐃᖅᑲᓇᐃᔭᕈᒪᙱᔾᔪᑎᖓᓂᒃ ᓴᓇᕝᕕᒃ ᐅᓗᕆᐊᓇᕋᓱᒋᓂᖓᓄᑦ.
  • ᐃᓱᒪᓕᐅᕆᕙᒡᓗᑎᒃ ᐃᖅᓇᐃᔭᖅᑎᑦᑎᔨᓂᒃ ᖃᓄᖅ ᐱᐅᓯᕚᓪᓕᖅᑎᑦᑎᔪᓐᓇᕆᐊᒃᓴᖏᓐᓂᒃ ᐋᓐᓂᐊᖃᖅᑕᐃᓕᑎᑦᑎᓂᕐᒧᑦ ᐊᒻᒪ ᐅᓗᕆᐊᓇᙱᑦᑐᒦᑎᑦᑎᓂᕐᒧᑦ ᖃᓄᐃᓕᐅᕈᑎᖏᓐᓂᒃ ᓴᓇᕝᕕᖕᒥᑦ.
ᖃᐅᔨᒃᑲᓐᓂᕈᒪᒍᕕᑦ ᐅᑯᐊ ᐊᑐᕆᐊᖃᖅᑕᖏᓐᓂᒃ ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ (JOHSC), ᑕᑯᔪᓐᓇᖅᑕᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓕᕆᐊᖏᓐᓄᑦ ᒪᓕᒐᖏᓐᓂᒃ: ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᑦ.

ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ(JOHSC) ᓄᕙᒡᔪᐊᕐᓇᖅ-19 ᐱᑕᖃᖅᑎᓪᓗᒍ

ᓄᕙᒡᔪᐊᕐᓇᖅ-19 ᐊᓯᙳᖅᑎᑦᑎᓯᒪᖕᒪᑦ ᐃᓅᓯᑦᑎᓐᓂ, ᐃᓚᒋᓪᓗᒍ ᐃᖅᑲᓇᐃᔮᒃᑯᑦ ᐃᓅᓯᕆᕙᒃᑕᑦᑎᓐᓂ. ᖃᓄᐃᑦᑐᑐᐃᓐᓇᕐᒥᓐ ᓴᓇᑲᑕᒃᑲᓗᐊᕈᕕᑦ, ᓄᕙᒡᔪᐊᕐᓇᖅ-19-ᒧᑦ ᐊᑐᖁᔭᐅᓯᒪᙱᑦᑐᑦ ᐊᒃᑐᐃᓯᒪᖕᒪᑦ ᖃᓄᖅ ᐱᓕᕆᐊᑦᑎᓐᓂ ᐱᓕᕆᐊᖃᕋᓱᖕᓂᕐᒧᑦ. ᐅᑯᐊ ᐱᓕᕆᐊᒃᓴᖏᑦ ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᑦ (JOHSC) ᐱᒻᒪᕆᐊᓘᓂᕐᓴᐅᓕᕐᒪᑦ ᐊᒻᒪᓗ ᖃᓄᐃᓕᐅᕈᓯᖏᑦ ᐱᓕᕆᐊᕆᔭᒃᑯᑦ ᑲᔪᓯᒋᐊᖃᖅᖢᓂ. ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ (JOHSC) ᐱᓕᕆᔨᒻᒪᕆᐅᖃᑕᐅᖕᒪᑕ ᖃᓄᐃᓕᐅᖅᐸᓪᓕᐊᓂᕐᒥ ᓴᓇᕝᕕᖕᒥ ᒪᑯᓂᖓ ᖁᐊᕐᓵᕐᓇᖅᑐᓂᒃ ᖃᐅᔨᓴᕐᓂᕐᒧᑦ ᐊᒻᒪᓗ ᐱᐊᓂᒃᓯᓯᒪᓂᕐᒥᒃ ᐊᒻᒪ ᓄᑖᙳᖅᑎᑦᑎᕙᓪᓕᐊᓂᕐᒥᒃ  ᓴᖅᑭᕝᕕᐅᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎ (ECP) . 

ᖃᓄᖅ ᐅᓇ ᓄᕙᒡᔪᐊᕐᓇᖅ-19 ᐊᒃᑐᐃᓂᑰᒋᐊᒃᓴᖓᓂᒃ ᐱᓕᕆᔾᔪᓯᕆᕙᒃᑕᑎ ᒪᑯᓄᖓ ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ (JOHSC) ᐱᓕᕆᐊᖑᕙᒃᑐᓄᑦ:
  • ᑲᑎᒪᑎᑦᑎᖃᑦᑕᑐᐃᓐᓇᕆᐊᖃᖅᑐᓯ ᖃᕋᓴᐅᔭᒃᑯᑦ, ᑭᓯᐊᓂᓕ ᑲᑎᒪᑎᑦᑎᕙᒡᓗᓯ ᒪᓕᒡᓗᓯ ᐆᒥᖓ ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ(JOHSC) ᓇᓗᓇᐃᒃᑯᑎᓂᒃ ᖃᓄᐃᓕᐅᕈᑎᒃᓴᓄᑦ.
  • ᖃᐅᔨᓴᕐᓂᖅ ᓴᖅᑭᕝᕕᐅᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎᒥ ᐱᓕᕆᐊᖓᖃᑦᑕᕆᐊᖃᖅᑐᖅ ᐋᖅᑭᒃᓯᒪᓂᖓᒍᑦ ᐅᕝᕙᓘᓐᓃᑦ ᐊᓯᙳᖅᑐᖃᑐᐊᕌᖓᑦ ᓴᓇᕝᕕᖕᒥᓐ ᐱᓕᕆᐊᖑᔪᓂᒡᓘᓐᓃᑦ. ᓄᑖᑦ ᐊᐅᓚᑦᑎᓂᕐᒧᑦ ᖃᓄᐃᓕᐅᕈᑎᒃᓴᑦ ᖃᐅᔨᓴᖅᑕᐅᔭᕆᐊᖃᕐᒪᑕ ᐊᑑᑎᖃᕋᓗᐊᕆᐊᒃᓴᖏᓐᓂᒃ.
  • ᓄᑖᓂ ᐊᔪᕈᓐᓃᕐᓴᕈᑎᒃᓴᓂᒃ ᐱᒋᐊᖃᑐᐃᓐᓇᕆᐊᓖᑦ ᑐᑭᓯᓯᒪᓇᓱᒡᓗᑎᒃ ᖃᓄᖅ ᓄᕙᒡᔪᐊᕐᓇᖅ-19 ᐊᐃᑦᑐᖅᑕᐅᑎᑦᑕᐃᓕᓂᕐᒥᒃ ᓴᓇᕝᕕᖕᓂᑦ. ᐊᔪᕈᓐᓃᕐᓴᕐᓯᒪᑦᑎᐊᖅᑐᑦ ᐊᒻᒪ ᐃᓕᑦᑎᓯᒪᑦᑎᐊᖅᑐᑦ ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ (JOHSC) ᐃᑲᔪᕈᓐᓇᑦᑎᐊᖅᑐᑦ ᓴᙱᔪᒥᒃ ᓴᖅᑭᕝᕕᐅᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎᓂᒃ ᐊᑐᖅᑕᐅᓕᕈᓐᓇᖅᑐᓂᒃ ᐊᑐᕐᓗᑎᒃ ᓴᓇᕝᕕᖕᒥᓐ.
    • ᑕᑯᒋᐊᕐᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓄᕙᒡᔪᐊᕐᓇᖅ-19 ᐃᑲᔫᑎᓄᑦ ᒪᒃᐱᒐᖅ ᐃᓕᓐᓂᐊᕈᑎᒃᓴᓄᑦ ᐃᑲᔫᑎᒃᓴᑦ ᐃᑲᔫᕈᑎᐅᓂᐊᕐᑐᑦ ᐃᖅᑲᓇᐃᔭᖅᑎᑦᑎᔨᓂᒃ ᐊᒻᒪᓗ ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ (JOHSC) ᓄᕙᒡᔪᐊᕐᓇᖅ-19-ᒧᑦ ᐅᓗᕆᐊᓇᙱᑦᑐᒦᓐᓂᕐᒧᑦ ᐸᕐᓇᐅᑎᖏᓐᓂ.
  • ᓯᕗᓕᖅᑎᐅᓗᓂ ᐆᒃᑑᑎᒃᑯᑦ. ᐅᓄᕐᑐᑦ ᓄᕙᒡᔪᐊᕐᓇᖅ-19-ᒧᑦ ᒪᓕᒋᐊᖃᖅᑐᑦ ᓴᓇᕝᕕᖕᓂᒃ ᐃᓕᖁᓯᕐᒥ ᐊᓯᙳᖅᑎᑦᑎᒍᑎᐅᔭᕆᐊᓕᒃ, ᑕᐃᒪᓐᓇᓗ ᐃᖅᑲᓇᐃᔭᖅᑎᒋᔭᑎᑦ ᐊᔪᕈᓐᓃᕆᐊᖃᖅᖢᑎᒃ ᐱᓕᕆᐊᖏᓐᓅᖓᔪᓂᒃ. ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ (JOHSC) ᐃᓚᒋᔭᐅᔪᑦ ᐱᕕᖃᖅᑎᑕᐅᖃᑦᑕᖅᑐᑦ ᓇᓗᓇᐃᙱᑦᑎᐊᖅᑐᒥᒃ ᓴᓇᕝᕕᖏᓐᓂᒃ ᐊᑐᖃᑦᑕᕆᐊᓕᖕᓂᒃ, ᑕᒪᒃᑯᐊᓗ ᐃᓕᑦᑎᒍᑎᐅᓗᑎᒃ ᐊᒻᒪ ᐊᑐᖅᑕᐅᓕᕐᓗᑎᒃ ᓴᙱᔪᒥᑦ ᐃᓕᖁᓯᖃᕋᓱᖕᓂᕐᒧᑦ.
  • ᖃᐅᔨᓇᓱᒡᓗᑎᒃ ᓇᓕᐊᑦ ᓴᖅᑭᔮᕝᕕᐅᓂᕐᒧᑦ ᐊᐅᓚᑦᑎᓂᕐᒥ ᐸᕐᓇᐅᑎᓂᒃ (ECP) ᐃᓕᖕᓄ ᐃᑲᔪᖅᐸᑦ ᐊᒻᒪᓗ ᓇᓕᐊᒃ ᐊᓯᔾᔨᕆᐊᖃᖅᐸᓐ. ᐅᓇ ᐃᓚᖃᖅᑐᖅ ᑐᓵᖃᑦᑕᕐᓂᕐᒥᒃ ᐊᒻᒪᓗ ᑐᑭᓯᐅᒪᓂᕐᒥᒃ ᐃᓱᒫᓘᑎᒋᔭᐅᕙᒃᑐᓂᒃ ᓴᓇᔨᓄᑦ ᐱᓕᕆᓕᖅᐹᒃᑐᓄᑦ ᐊᒻᒪᓗ ᐋᖅᑭᒃᓱᐃᓗᑎᒃ ᐊᑐᐊᒐᕐᓂᒃ ᐊᒻᒪ ᖃᓄᐃᓕᐅᕐᐸᓪᓕᐊᒍᑎᓂᒃ ᑕᒪᒃᑯᐊ ᐃᓱᒫᓘᑎᑦ ᐱᓕᕆᐊᖑᓕᕐᓗᒋᑦ. 
ᐃᒪᐃᑦᑐᐃᑦ ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ (JOHSC) ᐱᒻᒪᕆᐊᓘᖕᒪᑕ ᐃᑲᔪᕈᑎᐅᓪᓗᑎᒃ ᐊᐃᑦᑐᖅᓯᑦᑕᐃᓕᓂᕐᒥᒃ ᓄᕙᒡᔪᐊᕐᓇᖅ-19-ᒥᑦ ᓴᓇᕝᕕᖕᓂᒃ. ᐊᔪᕈᓐᓃᕐᓴᖅᑎᑉᐸᒡᓗᒋᑦ, ᑲᒪᒋᑦᑎᐊᕐᓗᒋᑦ, ᐊᒻᒪᓗ ᐊᐅᓚᑦᑎᑎᓪᓗᒋ ᑲᒪᒋᔭᕆᐊᖃᖅᑕᖏᓐᓂᒃ ᐅᓗᕆᐊᓇᙱᑦᑐᒦᑎᑦᑎᓇᓱᖕᓂᕐᒥᒃ ᓴᓇᕝᕕᒋᔭᕐᓂᒃ.


ᐱᓕᕆᔪᒪᓂᕐᒥᒃ ᓇᓗᓇᐃᕐᓯᓂᖅ
ᐊᑦᑕᕐᓇᕐᑕᐃᓕᒪᓂᕐᒧᑦ ᐅᖃᐅᔾᔨᒋᐊᕐᑎᑦ ᑲᑎᒪᔨᕋᓛᖏᓐᓄᑦ ᐃᓚᒋᔭᐅᔪᑦ ᐊᒻᒪᓗ ᐅᔭᕋᒃᓯᐅᕐᕕᖕᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᖁᔭᓄᑦ ᑲᑎᒪᔨᕋᓛᓄᑦ ᐃᓚᒋᔭᐅᔪᖅ

ᒥᓂᔅᑕ ᑲᒪᒋᔭᖃᖅᑐᖅ ᐅᑯᓂᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓄᓇᑦᓯᐊᕐᒧᑦ ᐊᒻᒪ ᓄᓇᕗᒧᑦ ᕿᓂᕐᒪᑕ ᐱᓕᕆᔪᒪᓂᕐᒥᒃ ᓇᓗᓇᐃᕐᓯᒍᑎᓂᒃ ᐱᔪᓐᓴᐅᑎᖃᖅᑐᓂᒃ ᐅᑯᓄᖓ ᐊᑦᑕᕐᓇᕐᑕᐃᓕᒪᓂᕐᒧᑦ ᐅᖃᐅᔾᔨᒋᐊᕐᑎᑦ ᑲᑎᒪᔨᕋᓛᖏᓐᓄᑦ ᐊᒻᒪᓗ ᐅᔭᕋᒃᓯᐅᕐᕕᖕᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᒪᓕᒐᓕᕆᓂᕐᒧᑦ ᑲᑎᒪᔨᕋᓛᓂᒃ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑦᑎᔪᑦ ᓄᓇᕗᒻᒥ ᐱᔾᔪᑎᒋᓪᓗᒋᑦ ᐊᑦᑕᕐᓇᕐᑕᐃᓕᒪᓂᕐᒧᑦ ᐊᒻᒪᓗ ᐊᑭᓕᕐᑕᐅᓂᖏᓐᓄᑦ ᐃᖃᓇᐃᔭᕐᑎᑦ ᐋᓐᓂᕐᐸᑕ ᐃᖃᓇᐃᔭᕐᕕᖕᒥ. ᐊᑦᑕᕐᓇᕐᑕᐃᓕᒪᓂᕐᒧᑦ ᐅᖃᐅᔾᔨᒋᐊᕐᑎᑦ ᑲᑎᒪᔨᕋᓛᖏᓐᓄᑦ ᐊᒻᒪᓗ ᐅᔭᕋᖕᓂᐊᕐᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᓕᐊᖑᔪᓄᑦ ᑲᑎᒪᔨᕋᓛᑦ ᐊᑐᓕᖁᔭᐅᔪᓕᐊᓲᖑᕗᑦ ᐊᓯᔾᔨᕐᓂᐅᔪᓄᑦ ᐊᑦᑕᓇᔾᔭᐃᖅᓯᒪᓂᖅ ᒪᓕᒐᖅ(ᑦ) ᐊᒻᒪᓗ ᒪᓕᒃᑕᐅᔭᕆᐊᓕᖕᓂᑦ ᐊᒻᒪᓗ ᐅᔭᕋᖕᓂᐊᕐᕕᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᖅ(ᑦ) ᐱᔭᕆᐊᖃᕌᖓᑦ ᐅᕝᕙᓘᓐᓃᑦ ᐱᔪᒪᔭᐅᓂᐅᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ.

ᒥᓂᔅᑕ ᑲᒪᒋᔭᖃᖅᑐᖅ ᐅᑯᓂᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓄᓇᑦᓯᐊᕐᒧᑦ ᐊᒻᒪ ᓄᓇᕗᒧᑦ ᑎᒃᑯᐊᕐᓯᖃᑦᑕᖅᑐᑦ ᑲᑎᒪᔨᕋᓛᓄᑦ ᑲᑎᒪᔨᒃᓴᓂᒃ ᐃᓱᒪᓕᐊᕆᔭᐅᔪᓂᒃ ᐅᑯᓇᖓᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᖓᔪᖅᑳᒧᑦ ᐅᔭᕋᒃᓯᐅᕐᕕᖕᒥᑦ ᐊᒻᒪᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᖃᐅᔨᓴᖅᑎᒃᓴᒥᑦ, ᐃᒃᓯᕙᐅᑕᐅᓂᐊᕐᓗᓂ ᑲᑎᒪᔨᕋᓛᓄᑦ. ᑲᑎᒪᔩᑦ ᑲᑎᒪᔨᐅᖃᑕᐅᔪᑦ ᑭᒐᕐᑐᐃᓪᓗᑎᒃ ᐃᖃᓇᐃᔭᕐᑎᓂᒃ, ᐃᖅᑲᓇᐃᔭᖅᑎᖁᑎᓕᑦ, ᐊᒻᒪᓗ ᐊᓯᖏᓐᓂᒃ ᐃᓚᒋᔭᐅᔪᓂᒃ ᒥᓂᔅᑕᒧᑦ ᑎᒃᑯᐊᕐᑕᐅᔭᕆᐊᖃᕋᓱᒋᔭᖏᑦ.

ᓂᕈᐊᒐᒃᓴᐅᔪᖅ ᑲᑎᒪᔨᓄᑦ ᑐᑭᓯᐅᒪᓂᖃᕆᐊᖃᕐᑐᖅ ᐃᖃᓇᐃᔭᕐᕖᑦ ᐊᑦᑕᕐᓇᕐᑕᐃᓕᒪᓂᕐᒧᑦ, ᒪᓕᒐᓂᒃᓗ, ᐊᒻᒪᓗ ᐃᒃᐱᒍᓱᑦᑎᐊᕐᓗᓂ ᐊᒻᒪᓗ ᖁᕕᐊᒋᓗᒋᑦ ᐊᔾᔨᒌᖏᑦᑐᑦ ᑎᒍᒥᐊᕐᑎᐅᔪᑦ ᐱᔪᒪᓂᖏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥᑦ. ᑕᑎᒋᔭᐅᔪᓐᓇᑦᑎᐊᕐᓗᑎᒃ, ᐊᒻᒪᓗ ᐊᖏᕐᓯᒪᓗᑎᒃ ᐃᓚᐅᖃᑦᑕᑦᑎᐊᕐᓗᑎᒃ ᐱᓕᕆᐊᒃᓴᖏᓐᓂᒃ ᑲᑎᒪᔩᑦ.

ᓂᕈᐊᒐᒃᓴᐅᔪᓐᓇᕐᑐᑦ ᑐᓂᓯᔪᓐᓇᕐᑐᑦ ᐃᖃᓇᐃᔭᕐᑯᒋᓯᒪᔭᖏᓐᓂᒃ ᑎᑎᕋᕐᓯᒪᔪᓂ ᑎᑭᓚᐅᖏᓐᓂᖓᓂ ᑎᓯᐱᕆ 18, 2020 ᐅᕗᖓ:

ᓄᓇᑦᓯᐊᖅ
ᐅᐱᓐᓇᖅᑐᖅ ᓴᐃᓐ ᑖᒻᓴᓐ
ᓄᓇᑦᓯᐊᕐᒧᑦ ᒥᓂᔅᑕ ᑲᒪᒋᔭᖃᕐᑐᖅ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ
ᒪᓕᒐᓕᐅᕐᕕᐊ ᓄᓇᑦᓯᐊᖅ
ᑎᑎᖅᑲᕐᓂᐊᕐᕕᒃ ᓈᓴᐅᑖ 1320
ᔭᓗᓇᐃᕝ, ᓄᓇᑦᓯᐊᖅ  X1A 2L9
Kim_Hjelmeland@gov.nt.ca





ᐅᕝᕙᓘᓐᓃᑦ
ᓄᓇᕗᑦ
ᐅᐱᓐᓇᕐᒃᑐᕐᒃ ᔪᐊᔾ ᕼᐃᒃᔅ
ᓄᓇᕗᒻᒥ ᒥᓂᔅᑕ ᑲᒪᒋᔭᖃᕐᑐᖅ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ
ᒪᓕᒐᓕᐅᕐᕕᐊ ᓄᓇᕗᒻᒥᑦ
ᑎᑎᖅᑲᕐᓂᐊᕐᕕᒃ ᓈᓴᐅᑖ 2410
ᐃᖃᓗᐃᑦ, ᓄᓇᕗᑦ  X0A 0H0
ghickes@gov.nu.ca



ᐊᑐᐊᒐᐃᑦ ᐊᓯᔾᔨᕐᓂᖏᑦ 

ᐊᐅᓚᑦᑎᓂᕐᒧᑦ ᑲᑎᒪᔩᑦ ᕿᒥᕐᕈᓚᐅᖅᑐᑦ ᐊᒻᒪ ᐊᖏᖅᓯᓪᓗᑎ ᐅᑯᓂᖓ ᐊᑐᐊᒐᕐᓂᑦ ᐊᒻᒪ ᐊᐅᓚᑦᑎᓂᕐᒧᑦ ᑲᑎᒪᔩᑦ ᑐᑭᒧᐊᕈᑎᖏᑦ ᓯᑎᐱᕆ 2020 ᑲᑎᒪᓂᖃᖅᑎᓪᓗᒋᑦ:
  • ᐊᑐᐊᒐᖅ 00.05, ᐃᓱᒪᒃᓴᕐᓯᐅᕐᓂᖅ ᐃᓄᐃᑦ ᖃᓄᐃᑦᑑᓂᖏᑦ ᐅᑯᑎᒎᓇᖅ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖏᑦᑎᒍᑦ: ᑭᓱᑐᐃᓐᓇᕐᓄᑦ
  • ᐊᑐᐊᒐᖅ 00.05.01, ᐃᓱᒪᒃᓴᕐᓯᐅᕐᓂᖅ ᐃᓄᐃᑦ ᖃᓄᐃᑦᑑᓂᖏᑦ ᐅᑯᑎᒎᓇᖅ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖏᑦᑎᒍᑦ: ᐃᖅᑲᓇᐃᔭᖅᑎᖁᑎᓕᑦ
  • ᐊᑐᐊᒐᖅ 00.05.02, ᐃᓱᒪᒃᓴᕐᓯᐅᕐᓂᖅ ᐃᓄᐃᑦ ᖃᓄᐃᑦᑑᓂᖏᑦ ᐅᑯᑎᒎᓇᖅ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖏᑦᑎᒍᑦ: ᐃᖅᑲᓇᐃᔭᖅᑏᑦ
  • ᐊᑐᐊᒐᖅ 00.06, ᐱᖓᔪᒋᔭᐅᔪᑦ ᐃᓚᐅᔪᑦ ᖃᓄᐃᓕᐅᕐᓂᖏᑦ
  • ᐊᑐᐊᒐᖅ 10.02, ᐃᖅᑲᓇᐃᔭᖅᑎᓂᒃ ᓴᐳᔾᔨᓯᒪᓂᕐᒧᑦ ᐃᑲᔫᓯᐊᒃᓴᓂᒃ ᑮᓇᐅᔭᖃᖅᑎᑦᑎᓂᖅ
ᑕᑯᒋᐊᕐᓗᒍ ᑖᓐᓇ WSCC Policy Manual (ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ) ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᖁᑎᖏᓐᓂᒃ ᐅᕝᕙᓘᓐᓃᑦ ᑖᓐᓇ Governance Council Directives (ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ) ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦ ᑐᑭᒧᐊᕈᑎᓂ.




ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᕋᕐᕕᖏᑦ ᒪᑐᓯᒪᓂᐊᕐᑐᑦ ᐃᖅᑲᐅᒪᓇᐅᑉ ᐅᓪᓗᖓ ᐱᖓᔪᐊᓂᑦ, ᓄᕕᐱᕆ 11 ᐊᒻᒪ ᒪᑐᐃᒃᑲᓐᓂᕐᓗᑎᒃ ᑎᓴᒻᒥᖅ ᓄᕕᐱᕆ 12-ᒥᑦ 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca   /  1.800.661.0792   *   wscc.nu.ca  /  1.877.404.4407