ᔮᓐᓄᐊᕆ 2024

ᖁᐊᔭᕿᓐᓃᑦ, ᓈᓐᓂᑦ, ᐊᒻᒪᓗ ᐃᔪᒃᑲᕐᓃᑦ

ᐊᑲᐅᓂᕐᐹᖅ ᐋᓐᓂᕐᔭᐃᕐᓯᒪᓗᓂ ᐹᓪᓚᓐᓂᒃᑯᑦ, ᖁᐊᔭᕿᓐᓂᒃᑯᑦ ᓈᓐᓂᒃᑯᓪᓘᓐᓃᑦ ᐊᓪᓗᕋᑦᓯᐊᕋᓱᐊᖃᑦᑕᕈᕕᑦ ᖃᐅᔨᓴᑦᑎᐊᕐᓗᒍ ᐱᓱᕝᕖᑦ! 

ᐊᑦᑕᓇᕐᑐᑦ ᖁᐊᔭᕿᓐᓇᕐᑐᑦ, ᓈᓐᓇᕐᑐᑦ ᐹᓪᓚᓇᕐᑐᓪᓘᓐᓃᑦ ᐃᖅᑲᓇᐃᔭᕐᕕᒻᒥ ᓱᓇᑕᖃᐃᓐᓇᐅᔭᕐᖓᑦ ᐊᕐᕌᒍᓕᒫᖅ. ᑭᓯᐊᓂᓕ, ᐅᑭᐅᒃᑯᑦ ᖁᐊᔭᕿᓐᓇᐅᓕᖃᑦᑕᕐᒪᑦ ᓯᓚᒥ ᓂᓚᒻᒧᑦ, ᐊᐱᓯᒪᒧᑦ ᐱᓱᒡᒐᓇᓕᕐᑐᓂ ᐊᒻᒪ ᑖᖅᑎᓪᓗᒍ. ᖃᐅᒪᑦᓯᐊᖏᒧᑦ ᑕᑯᒡᒐᓇᕐᖓᑦ ᓱᑐᐃᓐᓇᕐᓂᑦ, ᐊᒻᒪ ᓈᑲᓪᓚᓇᕐᑐᓂ ᐅᕝᕙᓘᓐᓃᑦ ᖁᐊᔭᕿᓐᓇᕐᑐᓂ.

ᐅᑭᐅᒃᑯᑦ ᖁᐊᔭᕿᔾᔭᐃᕐᓯᒪᔪᓐᓇᕐᑐᑎᑦ, ᓈᑦᑕᐃᓕᒪᓗᑎᑦ ᐊᒻᒪ ᐅᑭᐊᑦᓵᒃᑯᑦ ᐊᑦᑕᓇᕐᔭᐃᕐᓗᑎᑦ ᐃᒫᖕ:

• ᐅᔾᔨᕆᒋᐊᕐᓗᒋᑦ ᐊᕙᑎᓐᓃᑦᑐᑦ
• ᓱᒃᑲᐃᒡᓕᒋᐊᕐᓗᑎᑦ 
• ᑲᒥᑦᓯᒪᑦᓯᐊᕐᓗᑎᑦ ᖁᐊᓴᕿᑦᑖᓇᓐᖏᑦᑐᓂᑦ
• ᐊᔾᔭᕐᓯᒍᕕᑦ ᐊᖏᓗᐊᓐᖏᓪᓗᓂ ᑕᑯᔪᓐᓇᕐᓂᐊᕐᕋᕕᑦ ᐱᓱᕝᕕᒋᔭᓐᓂᑦ

ᑐᑭᓯᒋᐊᒃᑲᓐᓂᕈᒪᒍᕕᑦ ᐋᓐᓂᑦᑕᐃᓕᓂᐅᑉ ᒥᑦᓵᓄᑦ ᖁᐊᔭᕿᓐᓂᒃᑯᑦ, ᓈᓐᓂᒃᑯᑦ, ᐹᓪᓚᓐᓂᒃᑯᓪᓘᓐᓃᑦ, ᖃᐅᔨᒋᐊᕈᓐᓇᕐᑕᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑰᓂᒃ ᖃᐅᔨᓴᕐᑏᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᓇᓗᓇᐃᕐᓯᒪᔪᑦ ᐃᑭᐊᖅᑭᕕᒃᑯᑦ ᐱᑐᕝᕕᑎᓐᓂ.

ᐊᑦᑕᓇᕈᓐᓇᕐᑐᓂᑦ

ᐊᑦᑕᓇᕈᓐᓇᕐᑐᑦ ᖃᓄᐃᓕᔪᖃᑳᓪᓚᓂᕐᐸᑦ ᐋᓐᓂᖅᑐᖃᕐᓗᓂ ᐅᕝᕙᓘᓐᓃᑦ ᐊᑦ ᐊᑦᑕᓇᕐᓂᓴᑦᓯᐊᒻᒪᕆᒻᒥᑦ. 

ᐃᖅᑲᓇᐃᕐᔭᕖᑦ – ᖃᐅᔨᒪᕖᑦ ᐅᖃᐅᓯᕆᔭᕆᐊᖃᕋᕕᒋᑦ ᐱᕐᕈᓗᐊᕿᔪᖃᕐᐸᑦ ᐅᓂᒃᑳᕆᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑰᓂᒃ ᖃᐅᔨᓴᕐᑎᒃᑯᓐᓄᑦ, ᐊᓪᓛᑦ ᐃᖅᑲᓇᐃᔭᖅᑎᓂᑦ ᐋᓐᓂᖅᑐᖃᕐᓂᖏᒃᑲᓗᐊᕐᐸᑦ?

ᐊᑦᑕᓇᕈᓐᓇᕐᑐᒃᑯᑦ ᖃᓄᐃᓕᔪᖃᑳᓪᓚᐸᑦ, ᐃᖅᑲᓇᐃᔭᕐᕖᑦ ᐃᒪᐃᒋᐊᓖᑦ:

• ᐅᖃᐅᓯᐅᓗᓂ ᐊᖏᔪᖅᑳᖓᓄᑦ ᐊᑦᑕᓇᕐᔭᐃᕐᓂᖕᒧᑦ/ᐊᖏᔪᖅᑳᖓᓐᓄᑦ ᐅᔭᕋᓐᓂᐊᕐᕕᓄᑦ ᖃᐅᔨᓴᕐᑎᒃᑯᑦ ᑕᕝᕙᑦᓴᐅᑎᒋ ᐱᔪᓐᓇᕐᓯᐸᑦ.
• ᐅᓂᒃᑳᕆᓗᒍ ᖃᓄᐃᓕᔪᖃᕐᐸᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᖏᑦᑐᓕᕆᔩᑦ ᐊᑦᑕᓇᕐᑐᓕᕆᔩᓪᓗ ᑲᑎᒪᔨᕋᓛᖏᓐᓄᑦ (ᑲᑎᒪᔨᕋᓛᑦ) ᐅᕝᕙᓘᓐᓃᑦ ᐋᓐᓂᐊᖃᕐᓇᖏᑦᑐᓕᕆᔩᑦ ᐊᑦᑕᓇᕐᑐᓕᕆᔩᓪᓗ ᑭᒡᒐᖓᓄᑦ (ᑭᒡᒐᖅ) ᑕᕝᕙᑦᓴᐅᑎᒋ ᐱᔪᓐᓇᕐᓯᒍᕕᑦ.
• ᖃᐅᔨᓴᕐᑕᐅᓂᐊᕐᖓᑦ ᑲᑐᔾᔨᖃᑎᒋᓗᒋᑦ ᑲᑎᒪᔨᕋᓛᑦ, ᑭᒡᒐᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᑏᑦ ᐃᖅᑲᓇᐃᔭᕐᕕᒻᒥ.
• ᐱᔭᕇᕐᓯᓗᑎᑦ ᐅᓂᒃᑳᓂᑦ ᓇᓗᓇᐃᕐᓯᓗᑎᑦ ᐱᔾᔪᑎᖓᓂᑦ(ᖏᓐᓂᑦ) ᐱᕐᕈᓗᐊᕿᔪᑦ, ᑕᕝᕙᑦᓴᐅᑎᒋ ᐋᖅᑭᑦᑕᐅᑲᐅᕐᑐᓂᖓ(ᖏᑦ), ᐊᒻᒪ ᐊᑯᓂᐅᓂᕐᓴᒧᑦ ᖃᓄᐅᓕᔭᐅᓂᖓ(ᖏᑦ) ᑕᐃᒫᖕ ᐱᕐᕈᓗᐊᕿᔪᖃᒃᑲᓂᕐᓂᐊᖏᒻᒪᓐ.

ᐊᐅᓚᑦᑎᔨᐅᕖᑦ? ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᖏᑦᑐᓕᕆᔩᑦ ᐊᑦᑕᓇᕐᑐᓕᕆᔩᓪᓗ ᐱᖁᔭᖏᑦ ᓇᓗᓇᐃᕐᓯᓯᒪᒻᒪᑕ ᐊᐅᓚᑦᑎᔨ ᐊᖏᔪᖅᑳᖑᓪᓗᓂ ᐃᖅᑲᓇᐃᔭᕐᑎᓄᑦ ᐅᕝᕙᓘᓐᓃᑦ ᑐᑭᒧᐊᕐᑎᑦᓯᔨ ᐃᖅᑲᓇᐃᔭᕐᕕᐅᑉ ᐃᓂᖓᓂ. ᐊᐅᓚᑦᑎᔩᑦ ᑲᒪᔨᐅᒻᒪᑕ ᐊᑦᑕᓇᕐᔭᐃᓂᖕᒥᑦ ᐃᖅᑲᓇᐃᔭᕐᕕᓂᑦ.

ᐃᓘᓐᓇᑎᑦ ᐊᐅᓚᑦᑎᔩᑦ ᓄᓇᑦᓯᐊᕐᒥ ᓄᓇᕗᒥᓗ ᐃᓕᓐᓂᐊᕆᐊᓖᑦ ᐱᓕᒻᒪᑦᓴᐅᑎᓂᑦ ᐊᖏᖅᑕᐅᓯᒪᔪᓂᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑎᓄᑦ ᖃᐅᔨᒪᒐᓗᐊᕐᒪᖔᑕ ᒪᓕᒐᕐᓂᑦ ᑲᒪᒋᒋᐊᓕᖏᓐᓂᑦ.

ᐅᔭᕋᓐᓂᐊᕐᕕᒻᒥ ᐃᖅᑲᓇᐃᔭᕈᕕᑦ, ᐱᔭᕇᕆᐊᖃᕐᑐᑎᑦ ᐅᔭᕋᓐᓂᐊᕐᕕᒻᒥ ᐊᐅᓚᑦᑎᔨᐅᓂᖕᒧᑦ ᐸᐃᑉᐹᖁᑎᑖᕋᓱᓐᓂᖕᒧᑦ ᐃᓕᓐᓂᐊᕆᐊᓕᓐᓂᑦ.

ᐊᓯᐊᓂ ᐃᖅᑲᓇᐃᔮᖃᕈᕕᑦ, ᑕᐃᔭᐅᔪᖅ ᐊᐅᓚᑦᑎᔨᐅᓗᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᖏᑦᑐᓕᕆᔩᑦ ᐊᑦᑕᓇᕐᑐᓕᕆᔩᓪᓗ ᖃᐅᔨᒪᒋᐊᓕᖏᓐᓂᑦ ᐃᓕᓐᓂᐊᕐᓂᖅ ᐅᕝᕙᓘᓐᓃᑦ ᐊᐅᓚᑦᑎᔩᑦ ᐊᑦᑕᓇᐃᔭᐃᕆᐅᕐᓴᓂᖕᒧᑦ ᐱᓕᒻᒪᑦᓴᐅᑏᑦ. ᑎᑎᕋᕐᓯᒪᔪᓂᑦ ᖃᐅᔨᒋᐊᕈᒪᒍᕕᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑰᓂᒃ ᖃᐅᔨᓴᕐᑎᒃᑯᓐᓄᑦ ᐊᖏᖅᑕᐅᓯᒪᔪᓂᑦ, ᐅᓇ ᓇᕿᓪᓗᒍ.

ᐊᐅᓚᑦᑎᔨᖁᑎᓯ ᐃᓕᓐᓂᐊᕐᓯᒪᒋᐊᓕᖏᓐᓂᑦ ᐃᓕᓐᓂᐊᕐᓯᒪᑦᓯᐊᕋᓗᐊᕐᒪᖔᑕ ᖃᐅᔨᒪᓗᑎᑦ. ᑖᒃᑯᐊ ᐃᔫᑕᐅᔪᓐᓇᕐᑐᑦ ᐋᓐᓂᖅᑐᖃᓐᖏᓂᕐᓴᐅᓂᐊᕐᖓᑦ ᐱᕐᕈᓗᐊᕿᔪᓂᓪᓘᓐᓃᑦ. 

wscc.nt.ca 1.800.661.0792 | wscc.nu.ca 1.877.404.4407