ᕕᕝᕗᐊᕆ 2023

ᐊᕐᕌᒍᓂ ᑭᖑᓕᕆᒃᑐᓂ, ᖁᐋᔭᕿᓐᓃᑦ, ᓈᓐᓃᑦ ᐊᒻᒪᓗ ᐅᕐᕈᓃᑦ ᐊᑐᖅᑕᐅᓯᒪᖕᒪᑕ 1−ᒧᑦ ᐅᑯᓇᙵᑦ 5 ᐊᓯᐅᔨᓪᓗᑎᒃ−ᐃᖃᓇᐃᔭᕐᓂᕐᒥᑦ ᐃᖃᓇᐃᔭᕐᕕᖕᒥ ᐋᓐᓂᖅᑐᒥᓂᐅᓂᖏᓐᓄᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᕐᒥ. ᐃᖃᓇᐃᔭᖅᑎᑦᑎᔨᐅᓂᕐᓄᑦ, ᐱᑕᖃᕐᒪᑦ ᖃᔅᓯᑲᓚᒻᒪᕆᖕᓂᑦ ᐊᑐᕈᓐᓇᖅᑕᕐᓂᑦ ᐃᑲᔪᕋᔭᕐᓗᒋᑦ ᐊᑐᖅᑕᐅᑎᑦᑕᐃᓕᒪᓗᒋᑦ ᑕᒪᒃᑯᐊ ᐱᓂᕐᓗᖕᓃᑦ.

ᓴᓗᒪᑦᑎᐋᖅᑎᑦᑎᓂᖅ ᐊᑐᑦᑎᐋᖃᑦᑕᕐᓗᒍ ᐱᔭᕐᓂᖅᑐᑯᓘᖕᒪᑦ ᑕᒪᒃᑯᓂᖓ ᐊᑐᑕᐅᖏᓐᓂᖅᓴᐅᑎᑦᑎᔪᓐᓇᕐᒪᑦ ᖁᒃᓴᓇᕐᓂᖏᓐᓂᖅᓴᐅᓕᖅᑎᓪᓗᒋᑦ ᖁᐋᔭᕿᓐᓃᑦ, ᓈᓐᓃᑦ ᐊᒻᒪᓗ ᐅᕐᕈᓃᑦ.

• ᐃᒃᐱᒋᑦᑕᐃᓕᒪᖃᑦᑕᖏᓪᓗᒋᑦ ᑕᒫᓂᑎᑐᐃᓐᓇᖅᑎᑦᑕᐃᓕᓗᒋᑦ ᖁᐋᔭᕿᓐᓂᕐᒧᑦ ᐅᓗᕆᐋᓇᕈᑎᔪᑦ ᓇᑎᕐᒦᑎᑐᐃᓐᓇᖅᑕᐃᓕᓗᒋᑦ! ᓴᓗᒻᒪᑦᖤᐅᑎᒋᕙᒡᓗᒋᑦ ᑯᕕᔪᖃᑐᐊᕌᖓᑦ, ᐊᒻᒪᓗ ᖃᐅᔨᒪᓇᖅᓯᑎᑉᐸᒡᓗᒋᑦ ᖃᐅᓯᕐᓂᖏᓐᓂᑦ ᓇᑏᑦ.
• ᐊᒡᕕᐋᖅᑐᖃᒃᑎᑉᐸᖏᓪᓗᒋᑦ ᐱᓱᒡᕕᐅᕙᒃᑐᑦ ᓴᓂᕐᓂᑦ, ᐊᒡᕕᐋᖅᑐᓂᑦ, ᐅᕝᕙᓘᓐᓃᑦ ᐃᓂᓪᓚᖓᑦᑎᐊᖏᓪᓗᑎᒃ.
• ᐸᓚᖓᔪᑦ ᓇᑎᕋᐃᑦ, ᐊᓗᕐᓘᐃᔭᐅᑎᑦ ᐋᖅᑭᒃᓯᒪᓕᖅᑎᑦᑎᓱᖑᒪᑕ ᓈᔾᔪᑕᐅᑐᐃᓐᓇᕆᐋᖃᓕᕐᓂᖏᓐᓂᑦ. ᐊᑦᑐᖏᕐᓗᒋᑦ ᓇᑎᕐᒧᑦ ᓂᓚᒥᖓᓕᖅᑎᓪᓗᒋᑦ ᐊᒻᒪᓗ ᒪᓂᕋᓕᕐᓗᓂ.
• ᐅᓕᒃᓯᒪᕙᒡᓗᒋᑦ ᑲᐃᕗᑦ ᐅᐋᔭᑯᑕᑦ ᐃᑳᖅᓯᒪᔪᒃ ᓇᑎᒃᑯᑦ. ᑲᐃᕗᑦ ᐅᐋᔭᑯᑖᑦ ᐊᒻᒪᓗ ᐅᐄᒍᓕᐅᑎᔭᐅᓱᑦ ᐅᓗᕆᐋᓇᕈᑎᓗᐋᖅᑯᔨᖏᑦᑑᒐᓗᐊᑦ, ᑭᓯᓂ ᕿᓚᒥᐋᓗᒃ ᑕᕝᕙᑦᑕᐃᓇᖅ ᐊᒡᕕᐊᓕᕈᓐᓇᕐᒪᑕ, ᐋᓐᓂᕈᑕᐅᓚᕿᓗᑎᒃ ᐅᕐᕈᔾᔪᑕᐅᒃᐸᑕ. 
• ᐃᒪᓐᓇᐅᑎᓚᕆᒐᓱᐋᕐᓗᒋᑦ ᓇᐅᒃᑰᕐᕕᐅᕙᒃᑐᑦ ᓂᓚᕈᖃᑦᑕᑐᐃᓇᕆᐋᓕᑦ ᓯᐅᕋᒃᑎᖅᑕᐅᓯᒪᕙᒡᓗᑎᒃ ᖁᐋᔭᕿᑦᑐᖃᖁᓇᒍ. ᐃᖅᑲᐅᒪᒋᑦ ᑕᒪᒃᑯᐊ ᐊᖅᑯᑎᒋᔭᐅᕙᒃᑐᑦ ᖃᓂᐅᓯᑐᐃᓐᓇᕆᐊᖃᕐᒪᑕ ᐊᐱᕋᑖᕐᓗᓂ ᑕᑯᒃᓴᐅᔪᓐᓃᖅᑎᑕᐅᓗᓂ ᖁᐋᓴᐅᓂᖓᑕ ᖃᓄᐃᓕᖓᓂᖓ.

ᐅᕐᕈᑕᐃᓕᒪᓗᓂ, ᐃᖃᓇᐃᔭᖅᑏᑦ ᑕᐅᑐᒍᓐᓇᕆᐋᖄᕐᒪᑕ ᓇᐅᒃᑰᓕᕐᒪᖔᕐᒥᒃ. ᐊᑐᖅᑕᐅᓚᕆᒃᑎᓐᓇᓱᐋᒃᑭᑦ ᐊᒥᒐᒋᑦᑐᒥᒃ ᖃᐅᒻᒪᖁᑎᖃᒃᑎᓪᓗᒋᑦ ᐃᖃᓇᐃᔭᕐᕕᐅᔪᑦ ᐊᒻᒪᓗ ᑕᕝᕙᑦᖤᐅᑎᒍ ᐊᓯᔾᔨᖅᐸᒡᓗᒋᑦ ᖄᒃᓯᒪᔪᑦ ᓇᑲᓲᔭᐃᑦ ᐅᕝᕙᓘᓐᓃᑦ ᐊᑐᕈᓐᓇᑦᑎᐋᖏᑦᑐᑦ ᖃᒥᑦᑕᐅᑎᑦ. ᐃᓱᒪᒋᒃᑭᑦ ᐊᑐᖃᑦᑕᕆᐊᖃᒃᑎᑦᑎᓂᑦ ᓂᐊᖁᒦᓱᓂᒃ ᖃᐅᒪᒃᑕᔫᓂᒃ ᓯᓚᒥ ᖃᐅᒻᒪᖁᑎᓄᑦ ᖃᐅᑎᑕᐅᑦᑎᐊᖏᑦᑐᓂᑦ.

ᐱᐅᓯᒋᐋᖅᑎᑦᑎᓂᖅ ᓇᑎᕐᓂᑦ ᐊᑐᖅᑕᐅᔪᓐᓇᕐᒥᖕᒪᑕ ᐊᑐᕐᓂᐅᓴᖏᓐᓂᖅᓴᐅᓕᖁᓪᓗᒋᑦ ᑕᒪᒃᑯᐊ ᖁᒃᓴᓇᕈᑎᔪᑦ. ᖄᓕᒃᑲᓐᓂᕐᓗᒋᑦ ᐱᓱᒡᕕᐅᕙᒃᑐᑦ ᖄᖏᑦ, ᐊᒻᒪᓗ ᐋᖅᑭᒃᓯᓗᓂ ᐊᓗᕐᓘᔭᐅᑎᓂᑦ ᐅᕝᕙᓘᓐᓃᑦ ᐃᒃᑲᕐᓚᒃᑐᓂᒃ ᖁᕐᓗᐋᓕᖅᓱᖅᐸᒡᓗᒋᑦ ᐱᐅᓂᖅᓴᐅᓕᕋᔭᕐᒪᑕ ᑐᖕᒪᕕᒋᑦᑎᐋᕐᓇᖅᓯᓗᑎᒃ, ᐊᒻᒪᓗ ᖁᐋᔭᕿᓐᓂᐅᓴᔪᓐᓃᖅᑎᑦᑎᒐᔭᕐᒪᑕ.

ᖃᐅᔨᒃᑲᓐᓂᖁᓪᓗᑎᑦ ᑕᒪᒃᑯᓂᖓ ᖁᐋᔭᕿᓐᓂᐆᔪᓂᒃ, ᓈᓐᓂᐆᔪᓂᒃ, ᐊᒻᒪᓗ ᐅᕐᕈᓚᕿᓂᐆᔪᓂᒃ ᐊᒻᒪᓗ ᖃᓄᖅ ᐊᑐᖅᑎᖏᑦᑐᓐᓇᕐᒪᖔᖅᐱᒋ, ᑕᑯᓚᐅᒃᑭᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᐃᑭᐊᕿᕕᖓ.

ᐃᖃᓇᐃᔭᖅᑎᖁᑎᖃᒃᐲᑦ ᐊᑯᓂᐋᓗᒃ ᐊᖁᑉᐸᒃᑐᓃᑦ ᐊᖅᑯᑎᒃᑰᑦ? ᑕᐃᒪᓐᓇᐅᒃᐸᓪᓕ, ᐱᖃᒃᑎᒃᑲᓗᐋᖅᐱᒌᑦ ᐊᑑᑎᖃᑦᑎᐊᖅᑐᓃᑦ ᐱᓕᕆᔾᔪᑎᖃᒃᑎᓪᓗᒌᑦ ᐅᑭᐅᒃᑯᑦ ᐊᖁᖃᑦᑕᕐᓂᖏᓐᓅᑦ? ᓱᕋᐅᔾᔨᔪᖃᕐᓂᖅᐸᑦ ᐅᐸᑐᐃᓐᓇᕋᒃᓴᐅᖏᑦᑐᒥ ᐃᓂᖃᕐᓗᑎᒃ ᐱᓂᕐᓗᒍᑕᐅᔪᓐᓇᕐᒪᑕ ᐅᑭᐅᒃᑯᑦ.

ᐅᑭᐅᖅᑕᖅᑐᕐᒥ, ᐅᑭᐅᒃᑯᑦ ᐊᖁᖃᑦᑕᕐᓂᕐᒧᑦ ᐊᑐᖅᑕᐅᕙᒃᑐᑦ ᐊᑯᓂᐅᓂᖃᕈᓐᓇᕐᒪᑕ ᑎᑭᐅᒪᓗᑎᒃ ᐊᕝᕙᖓᓄᑦ ᐊᕐᕌᒍᐅᑉ. ᓄᓇᓖᓪᓗ ᐅᖓᓯᒌᒃᑐᑎᐋᓗᓪᓗᑎᒃ, ᐊᒻᒪᓗ ᐊᖁᑎᑦ ᐃᖏᕐᕋᓲᖑᓪᓗᑎᒃ ᐊᖅᑯᑎᒃᑯᑦ ᐅᕝᕙᓘᓐᓃᑦ ᓄᓇᒃᑯᑦ ᑲᑎᓯᓗᐋᖃᑦᑕᕐᓇᑎᒃ ᓇᓕᐋᖕᓄᐋᖅᑐᓂᑦ. ᑕᐃᒪᓕ ᐃᑲᔪᖅᑕᐅᔭᕆᐋᖃᓕᕐᓂᕈᕕᑦ, ᐊᑯᓂᐋᓗᕈᓐᓇᕐᒪᑕ ᐃᑲᕐᕋᒐᓴᖕᓂ ᑎᑭᑕᐅᓇᓱᐋᕐᓗᑎᑦ.

ᓯᕗᓂᖓᒍᑦ ᐊᖁᓐᓂᐋᓕᖅᑎᓪᓗᑎᑦ, ᖃᐅᔨᓴᑦᑎᐋᕐᓗᒍ ᓄᓇᓯᐅᑎ ᐊᑐᕈᓐᓇᑦᑎᐋᕐᓂᐋᕋᓗᐋᕐᒪᖓᑦ ᖃᓄᐃᖏᓪᓗᓂ, ᐊᒻᒪᓗ ᒫᓐᓇᕋᑖᖅ ᐋᖅᑭᐅᒪᑎᑕᐅᒋᐊᑦᑎᐊᖅᓯᒪᓗᓂ. ᐊᔪᐃᓐᓇᐅᑎᒋᓗᒍ ᑲᐃᕙᓪᓚᒡᓗᒍ ᖃᐅᔨᓴᖅᑕᖁᓗᒍ ᓯᕗᓂᖓᒍᑦ ᐃᑭᓚᐅᖏᓐᓂᖓᓂ ᓄᓇᓯᐅᑎᒧᑦ ᐊᖁᓐᓂᐋᓕᕐᓗᓂᓗ. ᐊᒡᓛᓪᓗᓂᑦ ᐱᖁᔭᖅᑎᒎᖓᖏᒃᑲᓗᐋᖅᑎᓪᓗᒍ, ᐊᒃᓴᑳᔪᓕᑦ ᓄᓇᓯᐅᑎᑦ ᓲᕐᓗ ᒪᑯᐊ ᓄᓇᒃᑰᕈᑎᑦ, ᐅᓯᕕᓖᑦ ᐊᒻᒪᓗ ᐱᓕᐅᑎᔪᓄᑦ ᐊᑐᖅᑕᐅᑎᑕᐅᓱᑦ ᓄᓇᓯᐅᑎᑦ (SUV) ᐋᖅᑭᒃᓯᕕᐅᓯᒪᔭᕆᐋᖃᕐᒪᑕ ᐅᑭᐅᖅᓯᐅᑎᓂᑦ ᐊᒃᓴᑳᔪᓕᖅᓯᒪᓗᑎᒃ, ᖁᐋᔭᕿᓐᓂᐅᓴᖏᓐᓂᖅᓴᐅᓂᖏᓐᓄᑦ ᓂᒡᓚᓱᒃᑎᓪᓗᒍ.

ᐊᑐᓂ ᓄᓇᓯᐅᑎᑦ ᐱᖃᒃᑎᑕᐅᔭᐱᐋᓕᑦ ᐅᑭᐅᒃᑯᑦ ᐊᑐᕈᒫᕐᓂᐊᖅᑐᓂᑦ ᐱᖃᒃᑎᑕᐅᓗᑎᒃ. ᑖᓐᓇ ᐊᑐᕈᒫᕐᓂᐊᖅᑐᖃᐅᑎ ᐱᖃᓯᐅᔾᔨᖕᒪᑦ ᑎᑭᐅᒪᔪᓂᒃ ᒪᑯᓄᖓ ᑭᓱᖁᑎᓄᑦ:

• ᖃᓗᕋᐅᑎ
• ᖁᑦᑖᕐᓇᖏᑦᑐᓂᑦ ᓵᑦᑐᖁᑎᓂᑦ ᐅᕝᕙᓘᓐᓃᑦ ᖁᐊᑦᑖᕐᓇᖏᑦᑐᑦ ᐊᑑᑎᓕᖕᓂᑦ, ᓲᕐᓗ ᒪᑯᓂᖓ ᓯᐅᕋᕐᒥᑦ, ᐅᕝᕙᓘᓐᓃᑦ ᐳᓯᑳᒧᑦ ᑭᓈᓗᒡᕕᖁᑎᓂᒃ
• ᐅᖅᑰᔪᖕᓂᒃ ᓯᓂᒡᓗᓂ ᐴᖅᓯᒪᕕᖕᒥᑦ ᐅᕝᕙᓘᓐᓃᑦ ᕿᐲᖕᓂᒃ
• ᐋᓐᓂᖅᑐᖃᕐᓂᖅᐸᑦ ᒪᑦᑐᑎᖅᓱᐃᔾᔪᑎᓂᒃ
• ᖃᑉᑎᕆᔾᔪᑎᑦ
• ᑐᐊᕕᕐᓇᖅᑐᒦᓕᕐᓗᓂ ᐸᑎᐅᔭᕐᓂᑦ ᐊᒻᒪᓗ ᑲᓱᖃᕐᓗᓂ ᐅᕝᕙᓘᓐᓃᑦ ᐃᑯᒪᓂᑦ
• ᑐᐊᕕᕐᓇᖅᑐᒦᓕᕐᓗᓂ ᓂᕆᔭᒐᕐᓂᑦ ᐊᒻᒪᓗ ᐃᒥᕐᒥᑦ
• ᑐᓴᐅᒪᖃᑎᒌᒍᑎᒥᒃ ᐱᓕᕆᔾᔪᑎᓕᐊᕆᓯᒪᔪᒥᒃ ᐊᑐᕋᓐᓇᕋᔭᕐᓗᓂ ᓇᒥᑐᐃᓐᓈᕋᓗᐋᕐᓗᓂ ᐅᖄᓚᐅᑎᕋᓛᓄᑦ ᐊᑐᕐᕕᐅᔪᓐᓇᖏᑦᑐᓂ

ᖃᐅᔨᒃᑲᓐᓂᖁᓪᓗᑎᑦ ᑕᒪᒃᑯᓂᖓ ᐱᕙᒌᔭᖅᓯᒪᖁᓪᓗᒋᑦ ᐃᖃᓇᐃᔭᖅᑎᖁᑎᑎᑦ ᐊᒻᒪᓗ ᓄᓇᓯᐅᑏᑦ ᐊᑦᑕᕐᓇᖏᓪᓗᑎᒃ ᐅᑭᐅᒃᑯᑦ ᐊᖁᑕᐅᓂᖏᓐᓄᑦ, ᖃᐅᔨᒋᐊᕕᒋᓚᐅᕈᒃ:

• ᑲᐃᕙᓪᓚᒡᓗᒍ ᖃᐅᔨᓴᕐᓗᒍ
• ᐊᖁᓐᓂᐋᖅᑐᒧᑦ ᖃᐅᔨᒪᑎᑦᑎᔾᔪᑎ – ᐅᑭᐅᒃᑯᑦ (ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ [CCOHS])
• ᐅᑭᐅᒃᑯᑦ ᐊᖁᓐᓂᖅ: ᐃᖅᑲᓇᐃᔭᖅᑎᑦᑎᔫᑉ ᓴᓇᕐᕈᑎᖏᑦ ᑲᑎᖕᒪᔪᑦ (ᐊᖅᑯᑎ ᐊᑦᑕᕐᓇᖅᑕᐅᓕᒪᓂᕐᒧᑦ ᐃᖃᓇᐃᔭᕐᕕᖕᒥ)

Safe Workplace ᐃᓕᓴᖅᓯᓲᖑᖕᒪᑦ ᐃᖅᑲᓇᐃᔭᖅᑎᑦᑎᔪᓂᑦ ᐃᓘᓐᓇᓕᒫᖓᓂ ᓄᓇᕗᑉ ᐊᒻᒪᓗ ᓄᓇᑦᓯᐊᑉ ᑕᐃᒃᑯᓂᖓ ᐊᓐᓂᐊᖃᖏᓐᓂᕐᒥᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒥᑦ ᐱᒻᒪᕆᐅᓛᖑᑎᑦᑎᔪᓂᑦ ᐱᒪᕆᐅᓂᖓᓂᑦ.

ᑕᐃᒪᓕ ᑕᑯᒋᐋᓚᐅᖏᒃᑯᕕᐅᒃ Safe Workplace ᑕᑯᒃᓴᐅᕕᖓ, ᖃᐅᔨᒋᐋᓚᐅᕈᒃ ᐅᕘᓇ WSCC Connect! ᑕᕝᕙᓂ ᖃᕋᑕᐅᔭᕐᒨᖃᐃᔪᓐᓇᖅᑐᑎᑦ ᑕᖅᓴᖁᑎᖕᓂᑦ ᐊᒻᒪᓗ ᓇᓗᓇᐃᒃᑯᑕᕐᓕᑦ, ᐱᑎᑕᐅᓯᒪᓂᕐᓂᑦ ᐱᓕᕆᔪᓐᓇᖅᓯᑎᑕᐅᔾᔪᑎᒥᒃ ᑎᑎᖅᓯᒪᓕᖅᑎᑕᐅᓂᐋᕋᕕᑦ ᐅᕙᒍᑦ ᒐᕙᒪᒃᑯᓐᓂ Safe Workplace ᐃᖅᑲᓇᐃᔭᖅᑎᑦᑎᔨᐅᑉ ᑎᑎᖅᓯᒪᕕᖓᓂ, ᐊᒻᒪᓗ ᖃᐅᔨᒪᐃᓐᓇᖁᓪᓗᑎᑦ ᐃᕝᕕᑦ ᐃᖅᑲᓇᐃᔭᖓᓂ ᐋᓐᓂᐊᖃᖏᓐᓂᕐᒥ ᐊᒻᒪᓗ ᐊᑦᑕᕐᓇᖅᑕᐅᓕᒪᓂᕐᒧᑦ ᒪᓕᒐᓕᐊᖑᓯᒪᔪᒥᒃ ᐱᔭᐅᓯᒪᖁᔭᐅᔪᓂᑦ. ᑕᐃᒪᓕ ᓱᓕ ᐊᑦᑕᕐᓇᖅᑕᐃᓕᒪᔪᓐᓇᖏᒃᑯᕕᑦ ᐃᖃᓇᐃᔭᕐᕕᖕᒥ (Safe Workplace), ᑖᓐᓇ ᓴᖅᑭᔮᖅᑎᑦᑎᕕᒃ ᖃᐅᔨᑎᑦᑎᔪᓐᓇᕐᒪᑦ ᐃᓕᒡᓂᑦ ᓇᓪᓕᐋᖕᓂᑦ ᐊᑐᖅᓯᒪᖏᒻᒪᖔᖅᐱᑦ, ᐊᒻᒪᓗ ᑐᓴᐅᒪᓕᖅᑎᑕᐅᒐᔭᕋᕕᑦ ᖃᓄᖅ ᐊᑐᓕᕈᓐᓇᕐᒪᖔᖅᐱᒋᑦ ᑕᒪᒃᑯᐋ.

ᑕᐃᒪᓕ ᒫᓐᓇᕋᑖᖑᓚᐅᖅᑐᖅ ᐊᑎᓕᐅᕐᓂᕈᕕᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ, ᖃᐅᔨᔪᓐᓇᖅᑕᑎᑦ ᐃᕝᕕᑦ Safe Workplace ᖃᓄᐃᓕᖓᒻᒪᖔᑕ ᑭᖑᓂᖓᒍᑦ ᑎᑎᕋᒃᓯᒪᔪᓅᖅᓯᓚᐅᖅᑎᓪᓗᑎᑦ ᐃᖅᑲᓇᐃᔮᕆᔭᕐᓂ ᐋᓐᓂᐊᖃᖏᓐᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᐱᖅᓱᕈᑎᒋᔭᐅᔪᑦ ᐃᓚᓕᐅᑎᓯᒪᓗᒋᑦ ᐊᕐᕌᒍᑕᒪᑦ ᑮᓇᐅᔭᖅᑖᖅᑎᑦᑎᔨᒃᑯᓐᓄᑦ ᐊᓂᑳᓕᐊᕆᓯᒪᔪᕐᓂᑦ. 

ᒪᑯᑎᒎᓇ Safe Workplace ᐱᓕᕆᔾᔪᑎᒃᑯᑦ, ᐃᖃᓇᐃᔭᖅᑎᑦᑎᔩᐅᔪᑦ ᐃᑲᔪᕋᓱᐋᓕᕐᒪᑕ ᓴᕿᑦᑎᓇᓱᐋᕐᓗᑎᒃ ᐃᖃᓇᐃᔭᖃᑎᒌᒃᑐᓂᑦ ᐊᑦᑕᕐᓇᖅᑐᖃᖏᓐᓂᖅ ᐃᖃᓇᐃᔭᕐᕕᖕᒥ ᐅᑭᐅᖅᑕᖅᑐᓕᒫᒥ. ᑕᑯᒋᐋᓚᐅᕈᒃ ᐃᕝᕕᑦ Safe Workplace ᑕᑯᒃᓴᐅᕕᖓ ᐃᓚᓕᐅᑎᖁᓪᓗᑎᑦ ᐱᓕᕆᓂᐅᔪᓄᑦ!

ᐊᐱᖅᑯᑎᒃᓴᖃᒃᐲᑦ ᒪᑯᓇᓃ Safe Workplace ᐱᓕᕆᔾᔪᑎᒦ? ᐅᖃᕐᕕᒋᓗᒋᑦ Safe Workplace ᐱᓕᕆᖃᑎᒌᑦᑐᑦ ᐃᕐᖐᓐᓇᖅᑕᕈᑎᒃᑯᑦ ᐅᕝᕙᓘᓐᓃᑦ ᐅᖄᓚᐅᑎᒃ: SafeWorkplace@wscc.nt.ca, SafeWorkplace@wscc.nu.ca, ᐅᕝᕙᓘᓐᓃᑦ 1-833-315-2057.

ᖃᐅᔨᒋᐋᓚᐅᖅᓯᐅᒃ ᓄᑖᖅ ᐱᓕᕆᔾᔪᑎᒃᓴᑦᑎᐊᕙᖕᒧᑦ ᐸᕐᓇᒍᑎᕗᑦ!

ᐱᔭᒃᓴᐅᓕᖅᑎᓚᐅᕋᑦᑎᒍ 2023-2027 ᐱᓕᕆᔾᔪᑎᒃᓴᑦᑎᐊᕙᖕᒧᑦ ᐸᕐᓇᒍᑎᕗᑦ, ᑕᐃᔭᐅᔾᔪᓯᖃᒃᖢᓂ ᐊᖅᑯᑎᒋᔭᒃᓴᐃᑦ ᑐᕌᒃᑐᑦ ᐊᑦᑕᕐᓇᖅᑕᐅᓕᒪᓂᕐᒧᑦ. ᐱᓕᕆᔾᔪᑎᒃᓴᑦᑎᐊᕙᖕᒧᑦ ᐸᕐᓇᒍᑎ ᐊᖅᑯᑎᓄᑦ ᓄᓇᙳᐊᖁᑎᐅᖕᒪᑦ ᐊᑐᕐᓂᐋᑐᐃᓐᓇᖅᑐᓂ ᑕᓪᓕᒪᓂ ᐊᕐᕌᒍᓄᑦ, ᑐᕌᒃᑎᑕᐅᔾᔪᑎᒋᓂᐋᕋᑦᑎᒍ ᑐᕌᕐᓗᑕ ᐱᓕᕆᐋᕆᓇᓱᐋᖅᑕᑦᑎᓐᓄᑦ ᐊᑐᖅᑕᐅᓂᖅᓴᐅᖁᓪᓗᒋᑦ ᐃᖃᓇᐃᔭᕐᕕᖕᒥ ᐋᓐᓂᐋᖃᖏᓐᓃᖅ ᐊᒻᒪᓗ ᐊᑦᑕᕐᓇᖅᑕᐅᓕᒪᓂᖅ, ᐱᔭᐅᑎᓯᓐᓇᖅᑎᓪᓗᑎᒍ ᐸᓯᔭᒃᓴᐅᓂᖃᖏᓐᓂᕐᒧᑦ ᓇᓪᓕᐅᒃᑯᒫᕈᑎ ᐃᖃᓇᐃᔭᖅᑎᑦᑎᔪᓄᑦ ᐊᒻᒪᓗ ᐸᖅᑭᔭᐅᓗᑎᒃ ᐋᓐᓂᖅᓯᒪᔪᑦ ᐃᖃᓇᐃᔭᖅᑎᑦ.

ᐸᕐᓇᒍᑎ ᐱᓕᕆᐋᖃᓪᓗᐋᑕᕐᒪᑦ ᐱᖓᔪᓂᑦ ᐱᓕᕆᔾᔪᑎᒃᓴᑦᑎᐊᕙᖕᓄᑦ ᓯᕗᓪᓕᐅᑎᖁᔭᐅᔪᓂᑦ:

• ᓯᕗᒧᒃᑎᑉᐸᓪᓕᐊᑎᑦᑎᓂᖅ ᐊᑦᑕᕐᓇᖅᑐᒦᑦᑕᐃᓕᓂᕐᒧᑦ ᖃᓄᐃᓕᐅᕈᑎᒃᓴᓂᒃ
• ᐱᓕᕆᐊᖃᕐᓂᖅ ᐱᐅᔪᓂᒃ ᐱᔨᑦᑎᕋᐅᑎᓂᒃ
• ᑮᓇᐅᔭᑎᒍᑦ ᐱᓕᕆᔾᔪᑎᖃᖅᑎᑦᑎᖃᑦᑕᕐᓂᖅ

ᐊᑐᓂ ᓯᕗᓪᓕᐅᑎᔭᕆᐊᓕᑦ ᐱᖃᕐᒪᑕ ᓇᖕᒥᓂᖅ ᕿᓚᒻᒥᐅᔪᓂᑦ, ᐊᑯᓐᓈᕿᔪᓂᑦ, ᐊᒻᒪᓗ ᐊᑯᓂ−ᑕᐅᕗᖓᑐᖃᒃ ᐱᓕᕆᐊᕆᔭᐅᔪᒪᔪᓂᑦ.

ᖃᐅᔨᒃᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᐊᐱᖅᓱᕈᒪᒍᕕᑦ ᐅᕙᒍᑦ 2023-2027 ᐱᓕᕆᔾᔪᑎᒃᓴᑦᑎᐊᕙᖕᒧᑦ ᐸᕐᓇᒍᑎᒥᒃ, ᑕᑯᒋᐊᕐᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᕋᓴᐅᔭᒃᑯᑦ ᓴᖅᑭᔮᒐᖓ.

ᑕᒻᒪᖅᓯᒪᔪᓐᓃᖅᑎᑕᐅᔪᑦ – ᐊᑐᐊᒐᖅ ᓄᑖᕈᕆᐊᖅᑕᐅᔪᖅ

ᐅᕙᒍᑦ ᔮᓐᓄᐊᕆ ᑎᑎᕋᓇᐅᖅᑕᕗᑦ Safety Net ᐱᖃᓯᐅᔾᔨᓚᐅᕐᒪᑕ ᑎᑎᖅᓯᒪᔪᓂᑦ ᐊᑐᐋᒐᕐᓂᑦ ᑕᐃᒃᑯᓇᙵᑦ ᐊᐅᓚᑦᑎᓂᕐᒧᑦ ᑲᑎᒪᔨᓂᑦ ᕿᒥᕐᕈᔭᐅᓚᐅᖅᑐᓂᑦ ᐊᑐᖅᑎᓪᓗᒍ ᑎᓯᐱᕆ 2022−ᒥ ᑲᑎᒪᓂᖓᑦ. ᐱᖃᓯᐅᑎᔭᐅᓚᐅᖅᑐᖅ ᑕᐃᓐᓇ ᑎᑎᖅᓯᒪᔪᖅ ᐊᑐᐋᒐᖅ 10.3 ᓂᐅᕕᕐᓂᕐᒨᖓᔪᖅ, ᑕᓐᓇᓗ ᐱᔭᐅᑎᑕᐅᓕᖅᖢᓂ ᐃᓱᒪᒃᓴᖅᓯᐅᕈᑕᐅᖁᓪᓗᒍ ᑕᐃᑲᓂ ᒫᑦᓯ 2023−ᒥ ᑲᑎᒪᓂᐅᓂᐋᖅᑐᒥ.

ᐊᐱᖅᓱᓚᐅᒃᑭᑦ ᐅᑯᐋ WSCC Policy Manual (ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ) ᓇᓂᓯᔪᓐᓇᖁᓪᓗᑎᑦ ᐋᖅᑭᒋᐋᖅᑕᐅᓯᒪᔪᓂᑦ ᐊᒻᒪᓗ ᓄᑖᓂᑦ ᐊᑐᐋᒐᕐᓂᑦ. ᑕᑯᒋᐋᕈᓐᓇᕐᒥᔪᓯ ᐅᕙᒍᑦ ᐊᐅᓚᑦᑎᓂᕐᒧᑦ ᑲᑎᒪᔨᑦ ᐊᑐᐋᖅᑕᐅᖁᔭᐅᔪᓂ ᐃᑭᐋᕿᕕᑦᑎᓐᓂ ᕿᒥᕐᕈᖁᓪᓗᓯ ᐃᓘᓐᓇᓯ ᐊᐅᓚᑦᑎᓂᕐᒧᑦ ᐊᑐᐋᖅᑕᐅᖁᔭᐅᔪᓂᑦ.

ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ, 5022 49th ᐊᖅᑯᑎ, ᑕᓪᓕᒪᖓᓐᓂ ᓇᑎᖓᓂ, ᕿᑎᐊᓂ ᑭᑉᐹᕆᒃᑐᖅ ᐃᒡᓗᐊᓗᒃ, ᑎᑎᖅᑲᕐᓂᐊᕐᕕᖓ 8888, ᔭᓗᓇᐃᕝ, ᓄᓇᑦᓯᐊᖅ X1A 2R3 ᑲᓇᑕ