ᐊᐃᕐᕆᓕ 2024

ᑎᒥᒧᑦ ᐃᖢᐊᖅᓯᔾᔪᑏᑦ ᐱᕐᕈᓗᐊᕿᑦᑕᐃᓕᓂᕐᒨᖓᔪᖅ ᐃᖅᑲᓇᐃᔭᖅᑎᓕᒫᓄᑦ ᐊᒃᑐᐃᕙᒃᖢᓂ, ᖃᓄᐃᑦᑐᑐᐃᓐᓇᕐᓂ ᐃᖅᑲᓇᐃᔮᖃᕋᓗᐊᖅᐸᑕ. ᑎᒥᒧᑦ ᐃᖢᐊᖅᓯᔾᔪᑎᑦ ᐃᖅᑲᓇᐃᔮᒥᑦ ᐱᓕᕆᐊᒥᓪᓗ ᐃᖅᑲᓇᐃᔭᖅᑎᓄᑦ ᐋᖅᑭᒃᓯᒪᔪᑦ ᐱᕐᕈᓗᐊᕿᔾᔭᐃᒃᑯᑎᐅᓪᓗᑎᒃ. ᑎᒥᒧᑦ ᐃᖢᐊᖅᓯᔾᔪᑏ ᐊᑐᖅᖢᒋᑦ ᐱᒻᒪᕆᐅᔪᑦ ᐃᖅᑲᓇᐃᔭᖅᑎᓄᑦ ᐅᖁᒪᐃᑦᑐᓂ ᓴᓇᕐᕈᑎᖃᖅᐸᑦᑐᓄᑦ ᐊᒻᒪᓗ ᑎᑎᕋᖅᕕᒃᒥ ᐃᖅᑲᓇᐃᔭᖅᑎᓄᑦ ᐃᒃᓯᕚᖃᑦᑕᖅᑐᓄᑦ ᐃᑲᕐᕋᒐᓴᖕᓂ. 

ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ ᐱᖓᓱᑦ ᐃᖅᑲᓇᐃᔭᖅᕕᐅᔪᑦ ᐊᒃᑐᖅᑕᐅᕙᒃᑐᑦ ᑎᒥᒧᑦ ᐃᖢᐊᙱᔾᔪᑎᐅᔭᑦᑐᑦ ᐋᓐᓂᕈᑎᐅᕙᒃᑐᑦ ᐅᑯᓂᖓ ᐃᓚᖃᖅᑐᑦ:

• ᒐᕙᒪᒃᑯᓐᓄᑦ ᑲᑐᔾᔨᖃᑎᒌᒃᑐᑦ
• ᓂᐅᕕᕐᕕᓕᕆᓂᕐᒧᑦ ᐃᖅᑲᓇᐃᔭᖅᕕᐅᔪᑦ ᐊᒻᒪᓗ ᐃᓄᖕᓂ ᑲᒪᒋᔭᖃᖅᑎᐅᕙᒃᑐᑦ
• ᐃᒡᓗᓕᐅᕐᓂᖅ ᐊᒻᒪ ᐃᖅᑲᓇᐃᔮᓂ

ᖃᐅᔨᒃᑲᓐᓂᕈᒪᒍᕕᑦ ᑎᒥᒧᑦ ᐃᖢᐊᖅᓯᔾᔪᑎᓂᒃ ᐋᓐᓂᕈᑎᕕᓂᕐᓄᑦ, ᐃᓚᖃᕐᓗᓂ ᓇᓗᓇᐃᖅᓯᓂᕐᒥᒃ ᐅᓗᕆᐊᓇᖅᑐᓂᒃ ᐊᒻᒪ ᐃᑲᔪᕈᑎᒃᓴᓂ ᐊᑐᕈᓐᓇᖅᑕᕐᓂ ᐃᖅᑲᓇᐃᔭᖅᕕᒋᔭᕐᓂ, ᑕᑯᓗᒍ ᑭᖑᓪᓕᖅᐹᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᓂᒃ. 

ᐃᖅᑲᓇᐃᔭᖅᕕᒋᔭᐃᑦ ᓄᑖᖑᓛᓂᒃ ᑐᐊᕕᕐᓇᖅᑐᓕᕆᓂᕐᒧᑦ ᐸᕐᓇᐅᑎᖃᖅᐹᑦ? ᐅᑯᐊ ᐸᕐᓇᐅᓯᐅᖅᑕᐅᓯᒪᔪᑦ ᐱᒻᒪᕆᐊᓗᐃᑦ ᑭᒃᑯᑐᐃᓐᓇᕐᓄᑦ ᐱᕐᕈᓗᐊᕿᑎᑦᑎᑦᑕᐃᓕᓂᕐᒧᑦ ᐃᖅᑲᓇᐃᔭᖅᕕᒋᔭᕐᓂ ᑐᐊᕕᕐᓇᖅᑐᖃᑳᓪᓚᖕᓂᕈᓂ. ᑐᐊᕕᕐᓇᖅᑐᓕᕆᓂᕐᒧᑦ ᐸᕐᓇᐅᑏᑦ ᓴᖅᑭᔮᖅᑎᑦᑕᕆᐊᓖᒃ ᑕᑯᔭᐅᔪᓐᓇᕐᓂᐊᕐᒪ ᐃᖅᑲᓇᐃᔭᖅᑎᓕᒫᓄᑦ. ᑭᖑᓪᓕᕐᒥ ᐱᕐᕈᓗᐊᕿᑦᑕᐃᓕᓂᕐᒧᑦ ᐅᖃᓪᓚᓕᕈᕕᑦ ᐃᖅᑲᓇᐃᔭᖅᑎᓄᑦ ᕿᒥᕐᕈᐊᖃᑎᒋᓗᒋᑦ ᐸᕐᓇᐅᑎᓂᒃ ᐊᒻᒪᓗ ᓄᑖᓂ ᐃᖅᑲᓇᐃᔭᖅᑎᑖᕌᖓᔅᓯ. 

ᐊᐱᖅᑯᑎᖃᖅᐲᑦ ᑐᐊᕕᕐᓇᖅᑐᓕᕆᓂᕐᒧᑦ ᐸᕐᓇᐅᑎᑦ ᒥᒃᓵᓅ? ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑕᕝᕙᓃᑦᑐᑦ ᐃᑲᔪᕈᒪᓪᓗᑎᒃ! ᖃᐅᔨᒋᐊᕐᕕᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᓇᐃᖅᓯᒪᓂᕐᒧᑦ ᑐᓴᖅᑎᑦᑎᓂᕐᒧᑦ ᐱᓕᕆᔩᑦ ᑐᓴᕆᐊᒃᑲᓐᓂᖁᓪᓗᑎᑦ: Safety.Outreach@wscc.nt.ca ᐅᕝᕙᓘᓐᓃᑦ Safety.Outreach@wscc.nu.ca

ᐅᖃᕐᕕᐅᔪᒪᑐᐃᓐᓇᕆᐊᖃᖅᑐᑎᒃ ᐅᑯᓇᙵᑦ Datapath Systems ᐃᓚᐅᖁᔨᓗᑎᒃ ᐊᑐᖃᑦᑕᖅᑐᓄᑦ ᖃᓄᐃᓕᐅᕈᑎᐅᓯᒪᖕᒪᖔᑕ ᖃᐅᔨᓇᓱᒍᑎᓂᒃ. ᑕᒪᑐᒧᖓ ᑭᐅᔾᔪᑎᒃᓴᓯ ᐱᒻᒪᕆᐊᓗᐃᑦ ᐅᕙᑦᑎᓐᓄᑦ, ᐊᒻᒪᓗ ᑕᒪᐅᖓᒥᐊᖅᑕᐅᓇᓱᙱᑦᑐᖅ ᖃᐅᔨᓴᕈᑎ ᐅᕙᑦᑎᓐᓂ ᑐᓴᖅᑎᑦᑎᔾᔪᑎᐅᖕᒪᑦ ᐱᓕᕆᔾᔪᑎᒋᕙᒃᑕᑦᑎᓐᓂᒃ ᐊᒻᒪ ᖃᓄᖅ ᐱᓕᕆᓂᕐᓴᐅᔭᕆᐊᖃᕐᓂᑦᑎᓐᓂᒃ. 

ᖃᓄᐃᓕᐅᕈᑎᐅᓛᖅᑐᑦ

ᐅᓪᓗᖓ ᕿᔅᓵᓂᕐᒧᑦ: ᐊᐃᕐᕆᓕ 28, 2024−ᒥ

ᐅᓪᓗᖓ ᕿᔅᓵᓂᕐᒧᑦ ᐊᕐᕌᒍᑕᒫᑦ ᐊᑐᖅᑕᐅᕙᖕᒪᑦ ᐊᐃᕐᕆᓕ 28-ᖑᓕᕌᖓ ᐃᖅᑲᐅᒪᕝᕕᐅᓪᓗᓂ ᐃᖅᑲᓇᐃᔭᖅᑎᓂᒃ ᐃᖅᑲᓇᐃᔭᖅᖢᑎᒃ ᐃᓅᔪᓐᓃᖅᑐᕕᓂᕐᓂᒃ, ᐋᓐᓂᖅᑐᕕᓂᕐᓂᒃ ᐅᕝᕙᓘᓐᓃᑦ ᐋᓐᓂᐊᓕᖅᓯᒪᔪᓂᒃ ᐃᖅᑲᓇᐃᔭᖅᕕᒃᒥᑦ ᐱᕐᕈᓗᐊᕿᓯᒪᓂᕐᒧᑦ.

ᐅᕙᑦᑎᓐᓂ ᐃᓚᐅᒋᑦᑎ ᓇᓃᒃᑲᓗᐊᕈᔅᓯ 1 ᒥᓂᑦ ᓂᐱᖃᙱᓚᐅᑲᒡᕕᖃᕐᓗᓯ ᐃᖅᑲᐅᒪᓗᒋᑦ ᐊᓯᐅᔨᓯᒪᔭᕗᑦ. ᓴᖅᑭᑎᓚᐅᕐᓯᐅᑦ ᐃᑲᔪᖅᑐᐃᓂᔅᓯ ᐅᕘᓇ ᑐᓴᐅᒪᔾᔪᑎᓕᕆᓂᒃᑯᑦ ᐅᓇ ᐊᑐᕐᓗᒍ ᓇᓗᓇᐃᒃᑯᑎᖓ #DayOfMourning (ᐅᓪᓗᖓ ᕿᔅᓵᓂᕐᒧᑦ). 

ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ: ᒪᐃ 6-11, 2024

ᐊᑦᑕᓇᐃᖅᓯᒪᓂᖅ ᐊᒻᒪ ᐋᓐᓂᐊᖅᑐᓕᕆᓂᕐᒧᑦ ᐱᓇᓱᐊᕈᓯᖓ ᖁᕕᐊᓱᒍᑎᒋᔭᐅᔪᖅ ᐊᕐᕌᒍᑕᒫᑦ ᐊᓕᒐᓂᑦ ᑲᓇᑕᒥᓗ ᓯᕗᓪᓕᖅᐹᖓᓂ ᐱᓇᓱᐊᕈᓯᖓᓂ ᒪᐃ ᑕᑯᔅᓴᐅᑎᑦᑎᓪᓗᑎ ᐱᒻᒪᕆᐅᓂᓂ ᐃᖅᑲᓇᐃᔭᕐᕕᒻᒥ ᐋᓐᓂᑎᑦᑎᑦᑕᐃᓕᒪᓂᕐᒧᑦ ᐊᒻᒪ ᐋᓐᓂᐊᖃᖅᑎᑎᑦᑕᐃᓕᓂᕐᒧᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᒫᓐᓇ ᐱᓕᕆᐊᖃᕐᒪᑕ ᐱᒻᒪᕆᐅᓂᖓᓂᒃ ᑎᒥᒧᑦ ᐃᖢᐊᖅᓯᔾᔪᑎᓕᕆᓂᖅ ᑕᒪᑐᒪᓂ ᐊᕐᕌᒍᒥ. ᖃᐅᔨᓴᖁᔭᐅᒍᑦᑕ ᐃᖅᑲᓇᐃᔭᖅᑎᑦᑎᔪᓄᑦ ᖃᐅᔨᓴᕆᐊᕈᓐᓇᖅᑐᒍ ᓇᓗᓇᐃᕐᓯᓗᑕ ᑎᒥᒧᑦ ᐃᖢᐊᖅᓯᔾᔪᑎᓕᕆᓂᕐᒧᑦ ᐋᓐᓂᕈᑎᐅᔭᑦᑐᓂᒃ ᐃᖅᑲᓇᐃᔭᖅᕕᖏᓐᓂᒃ ᒪᐃᖑᓂᖓᓂᒃ. ᑎᑎᕋᕐᓗᓯ ᐅᕗᖓ safetyspotlight@wscc.nt.ca ᐅᕝᕙᓘᓐᓃᑦ safetyspotlight@wscc.nu.ca ᐃᓂᒃᓴᓕᐅᕈᒪᒍᕕᑦ ᖃᐅᔨᓴᖅᑕᐅᕝᕕᒋᔪᒪᔭᕐᓂ ᐅᓇ ᐃᑲᔪᖅᑐᕐᓂᕐᒧᑦ ᐱᕐᕈᓗᐊᕿᑦᑕᐃᓕᓂᕐᒧᑦ ᐊᒻᒪ ᐋᓐᓂᐊᖃᖅᑕᐃᓕᓂᕐᒧᑦ ᐱᓇᓱᐊᕈᓯᖅ! 

ᐃᖅᑲᓇᐃᔭᖅᑎᑦᑎᔨᓂ ᖁᕕᐊᓲᑎᐅᔪᓐᓇᖅᑐᓂᒃ ᐱᓕᕆᑎᑦᑎᖁᔨᔪᒍ ᑕᒪᑐᒪᓂ ᐱᓇᓱᐊᕈᓯᕐᒥ ᐊᒻᒪ ᐅᔾᔨᕈᓱᓕᖅᑎᑦᑎᓗᑕ ᐱᒻᒪᕆᐊᓘᓂᖓ ᐃᖅᑲᓇᐃᔭᖅᕕᒃᒥ ᐱᕐᕈᓗᐊᕿᑦᑕᐃᓕᓂᖅ.

ᐃᑲᔫᑏᑦ: ᐱᖓᔪᐊᓐᓂ ᐱᕐᕈᓗᐊᕿᑦᑕᐃᓕᓂᕐᒧᑦ ᐊᒻᒪ ᐋᓐᓂᐊᖃᖅᑕᐃᓕᓂᕐᒧᑦ ᐱᓇᓱᐊᕈᓯᕐᒥ ᐅᓪᓗᕆᑎᑕᐅᕙᒃᑐᖅ ᐆᒧᖓ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐅᓪᓗᕆᓗᓂᐅᒃ. ᐱᕐᕈᓗᐊᕿᑦᑕᐃᓕᕙᒃᑐᓂᒃ ᖃᐅᔨᓇᓱᒍᓐᓇᖅᑐᑎᑦ ᐊᒻᒪ ᖁᔭᒋᓗᒋᑦ!

wscc.nt.ca 1.800.661.0792 | wscc.nu.ca 1.877.404.4407