ᔪᓚᐃ 2025

“ᐋᓐᓂᕐᔪᑎᒋᔭᐅᔪᖅ” ᖃᓄᐃᓕᓂᐅᔪᑦ ᐃᖅᑲᓇᐃᔭᖅᑎ ᐋᓐᓂᖅᑐᓂ ᐊᑦᑐᕐᓂᖃᖅᑐᓂ ᐊᐅᓚᔪᒧᑦ ᐅᕝᕙᓘᓐᓃᑦ ᓱᓇᒃᑯᑖᒧᑦ. ᐆᑦᑑᑎᒋᓗᒍ, ᐃᖅᑲᓇᐃᔭᖅᑎ ᐋᓐᓂᕐᔪᑎᖃᕈᓐᓇᖅᑐᖅ ᓴᓇᕐᕈᑎᒧᑦ ᑲᑕᑦᑐᒧᑦ ᐃᓪᓘᑉ ᖄᖓᓂ, ᐃᖏᕋᔪᒧᑦ ᓄᓇᓯᐅᒻᒧᑦ, ᐳᓪᓚ ᐳᓪᓚᐃᑳᓪᓚᑦᑐᓂ, ᐅᕝᕙᓘᓐᓃᑦ ᐱᔅᓯᑦᑐᒥᑦ ᓱᓇᒃᑯᑖᒧᑦ ᓱᕋᑦᑐᒥᑦ ᐊᑐᖅᑕᐅᑎᓪᓗᒍ.

2024-ᒥ, ᒫᓂ 24% ᖃᓂᒋᔭᖓᓂ ᐋᓐᓂᕈᑎᐅᔪᑦ ᑮᓇᐅᔭᖅᑖᕋᓲᑎᒋᔭᐅᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐋᓐᓂᕈᑎᐅᔭᑦᑐᓅᓚᐅᕐᑐᑦ. ᑖᒃᑯᐊ ᖃᓄᐃᓕᓂᐅᔪᑦ ᓴᖅᑮᒐᔪᑦᑐᑦ ᐋᓐᓂᖅᑐᓂᑦ ᐊᒡᒐᓕᒫᖏᓐᓂ ᐊᒻᒪ ᐊᒡᒐᖏᓐᓂ, ᐃᔨᖏᓐᓂ, ᐊᒻᒪ ᑎᒥᐅᑉ ᖁᓛᒍᑦ.  

ᐊᒥᓱᒐᓚᐃᑦ ᐆᑦᑐᕋᐅᑎᐅᔪᓐᓇᖅᑐᑦ ᐃᑲᔪᕈᓐᓇᖅᑐᑦ ᐋᓐᓂᕐᔪᑎᒋᔭᐅᔪᓄᑦ ᖃᓄᐃᓕᓂᐅᔪᓄᑦ ᐊᒻᒪ ᐋᓐᓂᕐᓂᐅᔪᑦ ᐱᖃᓯᐅᔾᔨᔪᑦ:

• ᖃᐅᔨᓴᕐᓗᒋᑦ ᓴᓇᕐᕈᑏᑦ ᓱᕋᔅᓯᒪᖏᒃᑲᓗᐊᕐᒪᖔᖔᑕ ᐊᑐᖅᑕᐅᓚᐅᖅᑎᓐᓇᒋ, 
• ᐃᓕᓐᓂᐊᖅᓯᒪᑦᑎᐊᕐᓗᓂ ᐊᑐᖅᑕᐅᓚᐅᖅᑎᓐᓇᒋᑦ ᖃᓄᐃᑦᑐᑐᐃᓐᓇᐃᑦ ᓄᑖᑦ ᓴᓇᕐᕈᑏᑦ, ᐊᒻᒪ 
• ᐊᑦᑕᓇᐃᕐᓗᒋᑦ ᓱᓇᒃᑯᑖᑦ ᐊᒻᒪ ᓴᓇᕐᕈᑏᑦ ᐃᓕᔾᔨᕕᒻᒥ ᑲᑕᖃᑦᑕᓂᐊᖏᒻᒪᑕ ᐅᕝᕙᓘᓐᓃᑦ ᐳᖅᑐᔪᓂᑦ. 

ᐊᑕᖏᖅᑐᓄᑦ ᓇᓗᓇᐃᔭᖅᓯᒪᓂᖏᓐᓄᑦ ᐊᒻᒪ ᐋᓐᓂᖅᑕᐃᓕᑎᑦᑎᓂᕐᒧᑦ ᑐᑭᓯᒋᐊᕈᑎᖏᑦ, ᐅᕗᓐᖓᕐᓗᑎᑦ ᐋᓐᓂᕐᔪᑎᒋᔭᐅᔪᖅ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᒪᑉᐱᒐᖓ.

ᐅᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓄᑖᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᔨᑦᑎᕋᐅᑎᓕᕆᔩᑦ ᐊᖏᒡᓕᒋᐊᖅᑕᐅᓂᐊᖅᑐᑦ ᐱᔨᑦᑎᕋᐅᑎᖏᑦ ᐅᑭᐅᕐᑕᖅᑐᕐᒥᐅᓕᒫᓄᑦ. ᑐᕌᒐᕆᔭᐅᔪᕐᓕ ᐅᑯᓇᙵ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐃᑲᔫᑎᒃᓴᓕᕆᓂᕐᒧᑦ ᐱᓕᕆᐊᓄᑦ ᐅᓄᕐᓯᕚᓪᓕᖅᑎᑦᑎᓗᑎᒃ ᐊᑐᐃᓐᓇᐅᔪᓐᓇᖅᑐᓂᒃ ᐊᒻᒪ ᐊᑐᕈᓐᓇᕐᓂᕐᒥᒃ ᐅᑯᓄᖓ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐊᔪᕈᓐᓃᖅᓴᐅᑎᒃᓴᖏᓐᓂᒃ ᐊᒻᒪ ᐃᓕᓐᓂᐊᖅᑎᑦᑎᒃᑲᓐᓂᕐᓗᑎᒃ ᓄᓇᓕᖕᓂ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ. 

ᐱᓇᓱᒍᑎᒃᓴᑦ 2026-ᒧᑦ ᐱᓕᕆᐊᖑᔪᒪᔪᓄᑦ ᐱᒋᐊᕐᕕᖃᕐᓂᐊᖅᑐᖅ ᔪᓚᐃ 17-ᒥ ᓯᑎᐱᕆ 8-ᒧ. ᖃᐅᔨᒋᐊᒃᑲᓐᓂᕈᓐᓇᖅᑐᓯ ᐱᓕᕆᐊᒥᑦ ᑕᑯᒋᐊᕐᓗᒍ ᖃᕋᓴᐅᔭᒃᑯᑦ ᓴᖅᑭᔮᒐᕗᑦ.

ᔪᓚᐃ 18-ᒥ, ᐃᓅᔪᓐᓃᖅᑐᓄᑦ ᐅᓂᒃᑳᓕᐊᑦ ᐅᕗᖓ ᓅᑕᐅᓂᐊᕐᒪᑕ WSCC Connect

ᐅᕘᓇᓕ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖅ(ᐃᑦ) ᓄᓇᕗᒧᑦ ᐊᒻᒪ ᓄᓇᑦᓯᐊᕐᒧᑦ, ᐃᖅᑲᓇᐃᔭᖅᑎᐅᔪᑦ ᐅᓂᒃᑳᓕᐅᕆᐊᖃᕐᒪᑕ ᖃᓄᐃᓕᐅᔾᔪᑎᓕᒫᓂᒃ, ᐋᓐᓂᕈᑎᕕᓂᕐᓂᒃ, ᐅᕝᕙᓘᓐᓃᑦ ᖁᐊᕐᓵᕐᓇᖅᑐᒦᔾᔪᑎᕕᓂᕐᓂᒃ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC). ᐱᕐᕈᓗᐊᕿᓂᐅᔪᖅ ᖃᓄᑐᐃᓐᓇ ᑎᒥᒃᑯᑦ ᐋᓐᓂᕐᔪᐊᕈᑎᐅᓗᓂ ᐅᕝᕙᓘᓐᓃᑦ ᖁᐊᕐᓵᕐᓇᖅᑐᒦᔾᔪᑎᐅᔪᖅ ᐅᓂᒃᑲᐅᓯᐅᔭᕆᐊᓕᒃ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᔪᕈᓐᓃᑐᐊᖅᐸᑦ ᐅᓂᒃᑳᕆᐊᓕᒃ ᐊᑐᕐᓗᑎᒃ ᐃᑲᕐᕋᓄᑦ 24-ᓄ ᖃᓄᐃᓕᔾᔪᑎᓄᑦ ᐅᓂᒃᑳᓂ ᐅᖄᓚᕝᕕ ᐅᕙᓂ 1 800 661-0792. ᐃᖅᑲᓇᐃᔭᖅᑎᑦᑎᔨᐅᔪᑦ ᐱᐊᓂᒃᓯᔭᕆᐊᖃᓕᖅᖢᑎᒃ ᑕᑕᑎᕆᐊᓕᒃᒥ ᐊᒻᒪ ᑐᓂᓗᒍ ᐃᒪᓐᓇᐃᑦᑐᖅ ᐃᖅᑲᓇᐃᔭᖅᑎᑦᑎᔨᐅᐃᑉ ᐅᓂᒃᑳᖏᑦ ᖃᓄᐃᓕᔾᔪᑎᒧᑦ, ᐋᓐᓂᕈᑎᒧᑦ, ᐊᒻᒪ ᐃᓅᔪᓐᓃᕈᑎᒧᑦ ᐅᓪᓗᐃᑦ ᐱᖓᓱᑦ ᐃᖅᑲᓇᐃᔭᕐᓇᐅᑎᓪᓗᒍ ᐊᓂᒍᐊᓂᓚᐅᖅᑎᓐᓇᒋᑦ ᖃᓄᐃᓕᐅᕈᑎᐅᔪᖅ.*

ᔪᓚᐃ 18, 2025-ᒥ, ᐅᓇ ᑎᑎᕋᖅᐸᓪᓕᐊᔾᔪᑎ ᐃᓅᔪᓐᓃᖅᑐᕕᓂᕐᒧᑦ ᐅᓂᒃᑳᓂ ᓅᑕᐅᓂᐊᓕᕐᒪᑦ ᐅᕗᖓ WSCC Connect-ᒧᑦ. ᑐᓂᓯᓂᐊᓕᕌᖓᔅᓯ ᐃᖅᑲᓇᐃᔭᖅᑎᑦᑎᔨᐅᑉ ᐅᓂᒃᑳᖏᑦ ᖃᓄᐃᓕᐅᔾᔪᑎᒧᑦ, ᑐᓂᓯᔪᑦ ᐊᐱᕆᔭᐅᓇᔭᕐᑐᑦ ᓇᓕᐊᓐᓂ ᐃᖅᑲᓇᐃᔭᖅᑎᒥ ᐋᓐᓂᖅᑐᖃᓚᐅᕆᐊᒃᓴᖓᓂ ᐅᕝᕙᓘᓐᓃᑦ ᐃᓅᔪᓐᓃᑐᐃᓐᓇᕆᐊᖃᕈᑎᒋᓗᓂᐅ ᖃᓄᐃᓕᐅᓚᐅᖅᑎᓪᓗᒍ. ᐊᖏᕈᕕᑦ, ᐱᓕᕆᔾᔪᑎ ᑐᕌᖅᑎᑦᑎᓯᑲᐅᑎᒋᓇᔭᖅᑐᖅ ᑐᓂᓯᔪᒥᒃ ᐋᖅᑭᒋᐊᖅᑕᐅᓯᒪᔪᒧᑦ ᐋᓐᓂᕐᓂᕐᒧᑦ ᐊᒻᒪ ᐃᓅᔪᓐᓃᕐᓂᕐᒧᑦ ᐃᓚᒋᔭᐅᔪᒧᑦ. ᐊᑕᐅᓯᕐᒥ ᐋᓐᓂᕈᑎᒥ ᐅᕝᕙᓘᓐᓃᑦ ᐃᓅᔪᓐᓃᖅᑐᒥ ᐅᓂᒃᑳᕈᑎᓂ ᑐᓂᓯᔭᕆᐊᖃᖅᑐᓯ ᐊᑕᐅᓯᕐᒧᑦ ᐋᓐᓂᖅᑐᕕᓂᕐᒧᑦ ᐅᕝᕙᓘᓐᓃᑦ ᐃᓅᔪᓐᓃᖅᑐᕕᓄᕐᒥ ᖃᓄᐃᓕᐅᖅᑐᖃᖅᑎᓪᓗᒍ. 

ᖃᐅᔨᒃᑲᓐᓂᕈᓐᓇᖅᑐᑎ ᐅᓂᒃᑳᓕᐅᕈᑎᒋᔭᐅᕆᐊᓕᖕᓂ ᐅᕙᓂ wscc.nt.ca/iu ᐅᕝᕙᓘᓐᓃᑦ ᐅᕗᖓ WSCC Connect ᖃᐅᔨᒃᑲᓐᓂᕐᓂᕐᐊᕋᕕᑦ ᖃᓄᐃᓕᐅᕈᑎᓂᒃ ᑐᓂᓯᔪᓐᓇᕐᓂᕐᓂᒃ.

*ᖃᐅᔨᒪᓂᐊᖅᐳᑎᑦ: ᐃᓄᒃᑎᑐᑦ ᐅᖃᓪᓚᒃᐸᒃᑐᑦ ᐃᖅᑲᓇᐃᔭᖅᑎᑦᑎᔩ, ᐅᓂᒃᑳᓕᐅᕐᓂᐊᕐᓗᓯ ᖃᓄᐃᓕᐅᕈᑎᕕᓂᕐᒥ ᐅᕝᕙᓘᓐᓃᑦ ᐋᓐᓂᕈᑎᕕᓂᕐᒥ, ᐅᓇ ᐊᑐᖃᑦᑕᐃᓐᓇᕐᓗᒍ ᐃᖅᑲᓇᐃᔭᖅᑎᑦᑎᔨᐅᑉ ᐅᓂᒃᑳᖏᑦ ᖃᓄᐃᓕᐅᕈᑎᕕᓂᕐᒧᑦ ᑕᑕᑎᕆᐊᓕᖕᓂ, ᐊᒻᒪᓗ ᐅᓂᒃᑲᐅᓯᖃᕐᓂᐊᕈᕕᑦ ᐃᓅᔪᓐᓃᕈᑎᒥ ᐋᓐᓂᕈᑎᒥ, ᐅᓇ ᐊᑐᕐᓗᒍ, ᐃᖅᑲᓇᐃᔭᖅᑎᑦᑎᔨᐅᑉ ᐅᓂᒃᑳᖏᑦ ᐃᓅᔪᓐᓃᕈᑎᒧᑦ ᐋᓐᓂᐊᕈᑎᓂ ᑕᑕᑎᕆᐊᓕᒃ. ᑐᓐᓂᖅᑯᑎᒋᓗᒋᑦ ᑕᑕᑎᕐᓯᒪᔪᑦ ᐅᕗᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC). ᐊᓯᖏᓐᓄᑦ ᐅᖃᐅᓯᕆᔭᐅᕙᒃᑐᓄᑦ ᓄᓇᕗᒥᑦ ᐅᕝᕙᓘᓐᓃᑦ ᓄᓇᑦᓯᐊᕐᒥ, ᖃᐅᔨᑎᓪᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓄᓇᑦᓯᐊᕐᒥ ᐅᕗᖓ ᐅᖄᓚᓗᑎᑦ 1-800-661-0792 ᐅᕝᕙᓘᓐᓃᑦ ᓄᓇᕗᒥᑦ ᐅᖄᓚᓗᓯ ᐅᕗᖓ 1 877 404-4407.

ᐃᖅᑲᓇᐃᔭᕐᕕᒃᒥ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐸᕐᓇᐅᓯᐅᕐᓂᕐᒧᑦ ᑐᑭᒧᐊᕈᑎ

ᐅᓇ WSCC-ᑯᑦ ᐃᖅᑲᓇᐃᔭᕐᕕᒃᒥ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐸᕐᓇᐅᓯᐅᕐᓂᕐᒧᑦ ᑐᑭᒧᐊᕈᑎᖏᑦ ᐃᑲᔫᑎᑦᑎᐊᕙᐅᔪᖅ ᐃᖅᑲᓇᐃᔭᖅᑎᑦᑎᔨᓄᑦ ᐊᑦᑕᓇᖅᑐᒦᑦᑕᐃᓕᑎᑦᑎᓂᕐᒧᑦ ᐊᑐᖁᔭᐅᓯᒪᔪᓂᒃ ᐊᑐᓕᕈᓐᓇᖁᓪᓗᒋᑦ. 

ᖃᕋᓴᐅᔭᕐᓄᑦ ᐃᓕᔪᓐᓇᖅᑕᐃᑦ ᑕᒪᕐᒥᑦᑎᐊᖅ ᑐᑭᒧᐊᕈᑎ ᐅᕗᖓᓘᓐᓃᑦ ᑕᑯᒋᐊᕐᓗᑎ ᖃᕋᓴᐅᔭᒃᑯᑦ ᓴᖅᑭᔮᒐᑦᑎᓐᓂ ᐱᔪᓐᓇᕐᓂᐊᕋᕕᑦ ᑎᑎᕋᕐᕕᐅᓕᑐᐃᓐᓇᕆᐊᓕᖕᓂ, ᒪᑯᑎᑐᓇᖅ ᐅᓗᕆᐊᓇᖅᑐᓂ ᖃᐅᔨᓴᕐᓂᕐᒧᑦ ᑎᑎᕋᕐᕕᐅᑐᐃᓐᓇᕆᐊᓕᖕᓂᑦ.

ᐊᒡᓚᒡᕕᑦ ᒪᑐᓯᒪᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᖃᓗᖕᓂ ᑎᑎᕋᕐᕕᖓ ᒪᑐᓯᒪᓂᐊᕐᑐᖅ ᓄᓇᕗᑦ ᐅᓪᓗᖓᓂ ᐱᖓᑦᓯᖅ ᔪᓚᐃᑦ 9, ᐊᒻᒪ ᒪᑐᐃᒃᑲᓐᓂᕐᓗᓂ ᓯᑕᒻᒥᖅ, ᔪᓚᐃ 10, 8:30 ᐅᓪᓛᒃᑯᑦ.

ᑖᓐᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᓪᓚᕕᖓ ᒪᑐᓯᒪᓛᖅᑯᖅ ᓯᕕᒃ ᕿᑲᕐᓇᒥ ᓇᒡᒐᔾᔭᐅᒥ, ᐋᒡᒌᓯ 4, ᐊᒻᒪᓗ ᒪᑐᐃᒃᑲᓂᕐᓂᐊᖅᑐᓂ ᐊᐃᑉᐱᖅ, ᐋᒡᒌᓯ 5, ᓯᕿᓐᖑᔭᖓ 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca 1.800.661.0792 | wscc.nu.ca 1.877.404.4407