ᔪᓚᐃ 2024

“ᐋᓐᓂᕐᔪᑎᒋᔭᐅᔪᖅ” ᖃᓄᐃᓕᓂᐅᔪᑦ ᐃᖅᑲᓇᐃᔭᖅᑎ ᐋᓐᓂᖅᑐᓂ ᐊᑦᑐᕐᓂᖃᖅᑐᓂ ᐊᐅᓚᔪᒧᑦ ᐅᕝᕙᓘᓐᓃᑦ ᓱᓇᒃᑯᑖᒧᑦ. ᐆᑦᑑᑎᒋᓗᒍ, ᐃᖅᑲᓇᐃᔭᖅᑎ ᐋᓐᓂᕐᔪᑎᖃᕈᓐᓇᖅᑐᖅ ᓴᓇᕐᕈᑎᒧᑦ ᑲᑕᑦᑐᒧᑦ ᐃᓪᓘᑉ ᖄᖓᓂ, ᐃᖏᕋᔪᒧᑦ ᓄᓇᓯᐅᒻᒧᑦ, ᐳᓪᓚ ᐳᓪᓚᐃᑳᓪᓚᑦᑐᓂ, ᐅᕝᕙᓘᓐᓃᑦ ᐱᔅᓯᑦᑐᒥᑦ ᓱᓇᒃᑯᑖᒧᑦ ᓱᕋᑦᑐᒥᑦ ᐊᑐᖅᑕᐅᑎᓪᓗᒍ.

2023−ᒥᑦ, ᐅᖓᑖᓂ 17% ᐋᓐᓂᖅᑐᓕᒫᑦ ᐊᑭᓕᖅᑕᐅᔪᑦ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᖃᓯᐅᔾᔨᓚᐅᖅᑐᑦ ᐋᓐᓂᕐᔪᑎᒋᔭᐅᔪᓄᑦ ᖃᓄᐃᓕᓂᐅᔪᓄᑦ. ᑖᒃᑯᐊ ᖃᓄᐃᓕᓂᐅᔪᑦ ᓴᖅᑮᒐᔪᑦᑐᑦ ᐋᓐᓂᖅᑐᓂᑦ ᐊᒡᒐᓕᒫᖏᓐᓂ ᐊᒻᒪ ᐊᒡᒐᖏᓐᓂ, ᐃᔨᖏᓐᓂ, ᐊᒻᒪ ᑎᒥᐅᑉ ᖁᓛᒍᑦ. 

ᐊᒥᓱᒐᓚᐃᑦ ᐆᑦᑐᕋᐅᑎᐅᔪᓐᓇᖅᑐᑦ ᐃᑲᔪᕈᓐᓇᖅᑐᑦ ᐋᓐᓂᕐᔪᑎᒋᔭᐅᔪᓄᑦ ᖃᓄᐃᓕᓂᐅᔪᓄᑦ ᐊᒻᒪ ᐋᓐᓂᕐᓂᐅᔪᑦ ᐱᖃᓯᐅᔾᔨᔪᑦ:

• ᖃᐅᔨᓴᕐᓗᒋᑦ ᓴᓇᕐᕈᑏᑦ ᓱᕋᔅᓯᒪᖏᒃᑲᓗᐊᕐᒪᖔᖔᑕ ᐊᑐᖅᑕᐅᓚᐅᖅᑎᓐᓇᒋ, 
• ᐃᓕᓐᓂᐊᖅᓯᒪᑦᑎᐊᕐᓗᓂ ᐊᑐᖅᑕᐅᓚᐅᖅᑎᓐᓇᒋᑦ ᖃᓄᐃᑦᑐᑐᐃᓐᓇᐃᑦ ᓄᑖᑦ ᓴᓇᕐᕈᑏᑦ, ᐊᒻᒪ 
• ᐊᑦᑕᓇᐃᕐᓗᒋᑦ ᓱᓇᒃᑯᑖᑦ ᐊᒻᒪ ᓴᓇᕐᕈᑏᑦ ᐃᓕᔾᔨᕕᒻᒥ ᑲᑕᖃᑦᑕᓂᐊᖏᒻᒪᑕ ᐅᕝᕙᓘᓐᓃᑦ ᐳᖅᑐᔪᓂᑦ. 

ᐊᑕᖏᖅᑐᓄᑦ ᓇᓗᓇᐃᔭᖅᓯᒪᓂᖏᓐᓄᑦ ᐊᒻᒪ ᐋᓐᓂᖅᑕᐃᓕᑎᑦᑎᓂᕐᒧᑦ ᑐᑭᓯᒋᐊᕈᑎᖏᑦ, ᐅᕗᓐᖓᕐᓗᑎᑦ ᐋᓐᓂᕐᔪᑎᒋᔭᐅᔪᖅ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᒪᑉᐱᒐᖓ.

ᐅᑯᑎᒎᓇ Safe Workplace ᐱᓕᕆᐊᖅ, ᐃᖅᑲᓇᐃᔭᖅᑎᑦᑎᔪᓄᑦ ᐱᑕᖃᕆᐊᖃᖅᑎᑕᐅᔪᑦ ᐊᑖᓂ ᐊᑦᑕᓇᐃᖅᓯᒪᓂᕐᒧᑦ ᐊᒻᒪ ᐊᑭᓕᖅᑕᐅᓂᕐᒧᑦ ᒪᓕᒐᕐᓂᑦ ᓇᓗᓇᐃᔭᖅᑕᐅᓯᒪᔪᑦ ᐱᖓᓲᔪᖅᑐᒡᒍᑎᐅᓪᓗᑎ ᑐᑭᓯᒐᓇᖏᑦᑐᑦ ᐋᖅᑭᔅᓯᒪᓂᖏᑦ. ᐃᖅᑲᓇᐃᔭᖅᑎᑦᑎᔪᑦ ᑎᑭᑦᑎᔪᑦ ᐊᑕᖏᖅᑐᒋᑦ ᐱᖓᓲᔪᖅᑐᑦ ᐋᖅᑭᔅᓯᒪᓂᖏᑦ ᓇᓗᓴᐃᖅᑕᐅᓯᒪᓂᖃᖅᑐᑦ Safe Workplace ᐊᒻᒪ ᐱᔪᓐᓇᕐᓗᑎ ᓇᓗᓇᐃᒃᑯᑕᒥᑦ ᐊᒻᒪ ᖃᕋᓴᐅᔭᒃᑯᑦ ᓇᓗᓇᐃᒃᑯᑕᖓ. ᖃᐅᔨᒋᐊᕐᕕᒋᓗᒍ Safe Workplace ᖃᕋᓴᐅᔭᒃᑯᑦ ᑕᑯᔅᓴᐅᕕᖓ ᐅᕙᓂ WSCC Connect ᑕᑯᓗᒍ ᖃᓄᐃᓕᖓᓂᕆᔭᐃᑦ.

ᖃᐅᔨᔪᒪᕕᑦ ᓇᓪᓕᐊ ᐃᖅᑲᓇᐃᔭᖅᑎᑦᑎᔪᑦ ᑎᑭᑦᑎᓯᒪᔪᓂᑦ ᖃᓄᐃᓕᖓᓂᖏᓐᓄᑦ? ᖃᐅᔨᒋᐊᕐᓗᒍ Safe Workplace ᐃᖅᑲᓇᐃᔭᖅᑎᑦᑎᔪᑦ ᑎᑎᕋᖅᑕᐅᓯᒪᔪᑦ.

ᓱᓕ ᑎᑭᑦᑎᓯᒪᖏᓚᑏᑦ Safe Workplace ᓇᓗᓇᐃᒃᑯᑕᒥᑦ ᐅᕝᕙᓘᓐᓃᑦ ᐊᐱᖅᑯᑎᔅᓴᖃᒃᑲᓂᖅᑭᑦ ᐱᓕᕆᐊᖅ ᒥᔅᓵᓄᑦ? ᐅᖃᕐᕕᒋᓗᒋᑦ Safe Workplace ᐱᓕᕆᖃᑎᒌᑦᑐᑦ ᐃᕐᖐᓐᓇᖅᑕᕈᑎᒃᑯᑦ: SafeWorkplace@wscc.nt.ca, SafeWorkplace@wscc.nu.ca, ᐅᒡᕙᓘᓐᓃᑦ ᐅᖃᓗᒡᓗᑎᑦ 1-833-315-2057.

ᑎᑎᕋᖃᑦᑕᕈᕕᑦ ᑎᑎᖅᑲᓂᐊᕐᕕᒃᑯᑦ ᐅᕙᒍᑦ ᐃᖃᓗᓐᓂ ᐊᓪᓚᕕᖓᓄ, ᐋᖅᑭᒋᐊᕐᓗᒋᑦ ᑎᑎᕋᖅᓯᒪᔭᑎᑦ ᐅᕙᒍᑦ ᓄᑕᒧ ᐃᖃᓗᓐᓂ ᑎᑎᖅᑲᓂᐊᕐᕕᒃᑯᑦ ᑐᕌᕈᑎᕗᑦ ᐊᑖᓂ: 

Qamutiik Building 

2A-630 Queen Elizabeth Way 

Iqaluit, NU X0A 3H0.

ᑎᑎᖅᑲᓂᐊᕐᕕᒃᑯᑦ ᑐᕌᕈᑎᕗᑦ ᐊᑐᐃᓐᓇᐅᖏᓐᓇᖅᑐᑦ ᐅᕙᓂ ᖃᐅᔨᒋᐊᕐᕕᖃᕐᓗᑎᑦ ᐅᕙᑎᓐᓂ ᒪᑉᐱᒐᖓ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒃᑯᑦ.

ᐊᑐᐊᒐᕐᓄᑦ ᑐᓴᒐᒃᓴᑦ

ᐊᐅᓚᑦᑎᓂᕐᒧᑦ ᑲᑎᒪᔩᑦ ᕿᒥᕐᕈᓯᒪᔪᑦ ᐊᒻᒪ ᐊᖏᖅᓯᓯᒪᓪᓗᑎ ᐅᑯᓂᖓ ᐊᑐᐊᒐᕐᓂᑦ ᔫᓂ 2024 ᑲᑎᒪᓂᖃᖅᑎᓪᓗᒋᑦ:

• ᐊᑐᐊᒐᖅ 00.04, ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ (YMIR)
• ᐊᑐᐊᒐᖅ 03.10, ᐋᓐᓂᐊᖃᐃᓐᓇᐅᔭᕐᓂᖅ
• ᐊᑐᐊᒐᖅ 04.02, ᐃᓅᓕᓴᖅᑕᐅᓂᕐᒧᑦ ᐊᒻᒪᓗ ᑐᕌᖓᖃᓯᐅᑎᔪᑦ ᐊᑭᖏᑦ
• ᐊᑐᐊᒐᖅ 09.08, ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᖅᑎᒍᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᑦ

ᑕᑯᒋᐊᕐᓗᒍ ᑖᓐᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᖁᑎᖏᓐᓂᒃ ᐊᒻᒪᓗ ᑖᓐᓇ ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦᑐᑭᒧᐊᕈᑎᓂ.

ᐊᒡᓚᒡᕕᑦ ᒪᑐᓯᒪᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᓪᓚᕕᓕᒫᑦ ᒪᑐᓯᒪᔪᑦ ᑲᓇᑕᐅᑉ ᐅᓪᓗᖓᓂ ᓇᒡᒐᔾᔭᐅ, ᔪᓚᐃ 1, ᐊᒻᒪ ᒪᑐᐃᒃᑲᓂᕐᓗᑎ ᐊᐃᑉᐱᖅ, ᔪᓚᐃ 2, ᓯᕿᓐᖑᔭᖓ 8:30 ᐅᓪᓛᒃᑯᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᓪᓚᕕᖏᑦ ᐃᖃᓗᓐᓂ ᒪᑐᓯᒪᓛᖅᑐᑦ ᓄᓇᕗᑦ ᐅᓪᓗᖓᓂ ᐊᐃᑉᐱᖅ, ᔪᓚᐃ 9, ᐊᒻᒪ ᒪᑐᐃᒃᑲᓂᕐᓗᑎ ᐊᐃᑉᐱᖅ, ᔪᓚᐃ 10, ᓯᕿᓐᖑᔭᖓ 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca 1.800.661.0792 | wscc.nu.ca 1.877.404.4407