ᓯᑎᐱᕆ 2023

ᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᕝᕙᓃᑦᑐᑦ ᐃᓕᖕᓄᑦ

ᐊᐅᔭᖅ ᓇᓗᓇᐃᖅᑎᓚᐅᖅᑐᖅ ᐊᔪᕐᓇᕐᓂᖓᓄᑦ ᐅᑭᐅᖅᑕᖅᑐᒥᐅᓄᑦ. ᐃᓚᖏᑦ ᐊᐅᓪᓚᖅᑎᑕᐅᔪᑦ ᐊᖏᕐᕋᖏᓐᓂ ᓄᓇᓕᖏᓐᓂ, ᓇᖕᒥᓂᖅ ᐊᒻᒪᓗ ᓱᓇᒃᑯᑖᖃᖅᑎᑦᑎᓕᑦ ᐸᒡᕕᓴᒃᑕᐅᓚᐅᖅᑐᑦ, ᐊᒻᒪᓗ ᒫᓐᓇ ᑲᒪᒋᔭᖃᓕᖅᖢᑎᒃ ᐅᖁᒪᐃᑦᑐᓂᒃ ᐃᓱᒪᒧᑦ ᐊᕙᑎᓕᕆᓂᕐᒧᓪᓗ ᓇᓗᓇᖅᑐᓂᒃ.

ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᔾᔨᐅᙱᑦᑐᒦᑦᑐᑦ ᒪᕐᕉᖕᓂ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂ, ᐱᔾᔪᑕᐅᓪᓗᓂ ᑕᒪᓐᓇ, ᐃᖃᓗᖕᓂ ᑎᑎᕋᕐᕕᒃᐳᑦ ᐊᐅᓚᓂᖃᐃᓐᓇᕈᓐᓇᖅᑎᑦᑎᓚᐅᖅᑐᖅ ᕿᒫᑎᑕᐅᑎᓪᓗᒋᑦ ᓄᓇᑦᓯᐊᒥ. ᑕᒪᕐᒦᒃ ᑎᑎᕋᕐᕕᒃᐳᑦ ᐊᐅᓚᓂᖏᓐᓄᑦ ᐅᑎᖅᓯᒪᓕᖅᑐᑦ ᒫᓐᓇ. ᐊᐱᖅᑯᑎᒃᓴᖃᕈᕕᑦ ᐊᒃᑐᐃᓂᕐᓄᑦ ᓇᖕᒥᓂᖁᑎᖕᓄᑦ, ᐃᖅᑲᓇᐃᔮᕐᕗᑦ, ᐅᕝᕙᓘᓐᓃᑦ ᐃᖅᑲᓇᐃᔭᖅᑎᖕᓄᑦ, ᐅᖃᖃᑎᒍᔪᓐᓴᖅᑕᑦᑎᖑᑦ ᐅᕘᓇ 1-800-661-0792 ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᐃᕐᖐᓐᓈᖅᑕᐅᑎᒃᑯᑦ ᐅᕘᓇ info@wscc.nt.ca.

ᖁᕕᐊᓱᑐᒍᑦ ᑐᙵᓱᒃᑎᑦᑎᔭᕆᐊᒃᓴᖅ ᕆᒃ ᕼᐊᓐᑦᒥᒃ ᑎᒥᐅᔪᒧᑦ ᐊᖓᔪᖅᑳᖑᓪᓗᓂ ᐊᒻᒪᓗ ᐊᐅᓚᑦᑎᔨᒻᒪᕆᐅᓪᓗᓂ. ᕆᒃ ᐊᑦᑕᕐᓇᖅᑕᐃᓕᒪᓂᕐᒥᒃ ᐱᓕᕆᖃᑦᑕᖅᓯᒪᓪᓚᕆᒃᑐᖅ ᐊᕐᕌᒍᒐᓚᖕᓄᑦ ᐊᒻᒪᓗ ᓯᕗᓕᖅᑎᐅᓂᕐᒥᒃ ᐱᓕᕆᐊᖃᕐᓂᑰᓪᓗᓂ ᓄᑖᒥᒃ ᐃᖅᑲᓇᐃᔮᖓᓄᑦ ᐊᑐᕐᓂᐊᖅᑐᓂᒃ ᐊᒻᒪᓗ ᓴᙱᔪᒥᑦ ᑭᒡᒐᖅᑐᐃᔨᐅᕗᖅ ᑲᑐᔾᔨᖃᑎᒌᖕᓂᕐᒧᑦ ᐃᑲᔪᖅᑐᐃᓂᕐᒥᒡᓗ ᐱᓕᕆᖃᑎᒌᖕᓂᕐᒧᑦ ᑕᒪᐃᓐᓄᓗᒃᑖᖅ ᑎᒥᐅᔪᑦ ᖁᕝᕙᓯᓕᕇᖕᓂᖏᓐᓂ.

ᓯᕗᓪᓕᖅᐹᒥ, ᐊᖓᔪᖅᑳᖅ ᐊᒻᒪᓗ ᐊᐅᓚᑦᑎᔨᒻᒪᕆᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᐃᓂᖃᕐᓂᐊᖅᑐᖅ ᐃᖃᓗᖕᓂ ᑎᑎᕋᕐᕕᖕᒥ. ᓴᙱᔪᒥᒃ ᐱᓕᕆᖃᑎᒌᖕᓃᑦ ᑖᒃᑯᓇᓂ ᑕᒪᓐᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐊᕕᒃᑐᖅᓯᒪᔪᓂ ᐱᓪᓗᐊᑕᐅᔪᖅ ᐃᑲᔪᖅᑐᐃᓂᕐᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᒻᒪᓗ ᑲᒪᒋᔭᐅᓂᖏᓐᓄ ᐃᖅᑲᓇᐃᔭᖅᑏᑦ ᓄᓇᑦᓯᐊᒥ ᓄᓇᕗᒻᒥᓪᓗ. ᓂᕆᐅᒃᑐᒍᑦ ᕆᒃ ᓯᕗᓕᖅᑎᐅᓂᒃᓴᖓᓄᑦ ᐊᑐᕐᓗᒋᑦ ᒫᓐᓇ 5-ᓄᑦ ᐊᕐᕌᒍᓄᑦ ᖃᓄᖅᑑᕈᑕᐅᕙᒃᑐᑦ ᐅᑎᖅᑕᖃᑦᑕᕐᓂᖏᓐᓄᑦ.

ᐃᖅᑲᓇᐃᔭᕐᕕᐅᑎᓪᓗᑎᑦ, ᐊᔪᕐᓇᕈᓐᓇᖅᑐᑦ ᓇᑭᑦ ᐱᒋᐊᕋᔭᕐᒪᖔᑦ ᐃᓱᒪᒋᓪᓗᒋᑦ ᐃᑲᔪᖅᑐᖅᑕᐅᓂᕐᒧᑦ ᐅᖃᖃᑎᒌᖕᓃᑦ ᐃᓱᒪᒧᑦ ᖃᓄᐃᙱᑦᑎᐊᕐᓂᐅᑉ ᒥᒃᓵᓄᑦ ᐃᖅᑲᓇᐃᔭᖅᑎᖕᓄᑦ. ᑕᒪᓐᓇ ᓱᓕᓪᓚᕆᒃᑐᖅ ᐊᑐᖅᑕᐅᑎᓪᓗᖏᑦ ᐊᒻᒪᓗ ᐊᓂᒍᖅᑎᓪᓗᒋᑦ ᐊᑐᖅᑕᐅᓚᐅᖅᓯᒪᙱᑦᑐᑦ ᑐᐊᕕᕐᓇᖅᑐᑦ. ᐅᕝᕙ ᐃᓚᖏᑦ ᐊᐱᖅᑯᑏᑦ ᐃᓱᒪᒋᖃᓯᐅᔾᔭᐅᔭᕆᐊᓖᑦ ᐱᕙᒌᔭᖅᑎᓪᓗᑎᑦ ᖃᐅᔨᓴᒋᐊᕐᓂᕐᒥᒃ ᐃᖅᑲᓇᐃᔭᖅᑎᓄᑦ ᖃᓄᖅ ᐃᒃᐱᖕᓂᐊᖕᒪᖔᑕ:

• ᐊᔪᙱᓐᓂᖃᖅᐲᑦ ᑕᒪᑐᒧᖓ ᐅᖃᖃᑎᒌᖕᓂᕐᒧᑦ? ᐃᓱᒪᒧᑦ ᖃᓄᐃᙱᑦᑎᐊᕐᓃᑦ ᐊᑑᑎᖃᕐᒥᔪᖅᑕᐅᖅ. ᖃᐅᔨᒋᐊᕐᓗᑎᑦ ᓇᖕᒥᓂᖅ ᓯᕗᓂᐊᒍᑦ ᐃᑲᔪᖅᑐᖅᑕᐅᓂᑐᐃᓐᓇᕐᓄᑦ ᐅᖃᖃᑎᖐᖕᓂᕐᒧᑦ. ᐅᓪᓗᖃᑦᑎᐊᙱᒃᑯᕕᑦ ᓇᖕᒥᓂᖅ, ᑭᖑᕙᕆᐊᕐᓗᖑ ᐅᖃᖃᑎᖃᕐᓃᑦ ᑭᓯᐊᓂ ᐱᕙᒌᔭᖅᓯᒪᓕᕈᕕᑦ.

• ᐱᕕᖃᖅᐲᑦ? ᐱᕕᒃᓴᖃᕐᓗᑎᒃ ᐊᖏᖅᓯᒪᓗᒍ ᑕᒪᓐᓇ ᐅᖃᖃᑎᒌᖕᓂᖅ. 

• ᐱᕙᒌᔭᖅᓯᒪᕖᑦ ᓈᓚᒍᓐᓇᕐᓗᑎᑦ? ᑕᒪᓐᓇ ᐊᑕᐅᑦᑎᒃᑯᑦ ᐱᕕᖃᕐᓗᑎᑦ ᑐᕌᒐᖃᕈᓐᓇᕐᓗᑎᑦ ᐊᑯᐅᓂᑐᐃᓐᓇᕆᐊᓕᖕᓄᑦ ᐅᖃᖃᑎᖐᖕᓂᕐᓄᑦ. ᓈᓚᓪᓚᑦᑖᕐᓂᖅ ᐱᒻᒪᕆᐅᔪᖅ ᑐᑭᓯᐅᒪᑐᐃᓐᓇᙱᓪᓗᒋᑦ ᐃᖅᑲᓇᐃᔭᖅᑎᑎᑦ, ᑭᓯᐊᓂᓕ ᓴᖅᑭᔮᖅᑎᑦᑎᓗᑎᒃ ᐃᒃᐱᒍᓱᖕᓂᕐᒥᒃ.

ᐅᐸᓗᖓᐃᔭᖅᓯᒪᓕᖅᐲᑦ ᐃᑲᔪᖅᑐᖅᑕᐅᓂᕐᒧᑦ ᐅᖃᖃᑎᖃᕐᓂᕐᒥᒃ ᐃᖅᑲᓇᐃᔭᖅᑎᓄᑦ? ᑕᑯᓗᒍ ᐅᐃᒍᖅ A ᑕᐃᑲᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑲᔫᑎᒃᓴᖏᓐᓂ ᐅᑎᕐᓂᖅ ᐃᖅᑲᓇᐃᔮᒧᑦ - ᐃᑲᔪᖅᑐᐃᓂᖅ ᐃᖅᑲᓇᐃᔭᖅᑎᓂᒃ ᐃᓱᒪᒧᑦ ᐋᓐᓂᕈᑎᖃᖅᓯᒪᔪᓄᑦ ᐊᒻᒪᓗ ᐋᓐᓂᐊᕈᑎᖃᖅᑐᓄᑦ ᖃᐅᔨᒪᔾᔪᑎᒃᑲᓐᓂᕐᓄᑦ ᑐᓴᐅᒪᔾᔪᑎᓄᓪᓗ ᑐᑭᖃᑦᑎᐊᖅᑐᒥ, ᐃᑲᔪᖅᑐᐃᔾᔪᑎᓄᑦ ᐅᖃᖃᑎᒌᖕᓂᕐᓄᑦ ᐃᓱᒪᒧᑦ ᖃᓄᐃᙱᑦᑎᐊᕐᓂᕐᒧᑦ ᐃᖅᑲᓇᐃᔭᕐᕕᖕᓂ.

ᐃᓱᓕᒡᕕᒃᓴᐅᑖ: ᓄᕕᐱᕆ 30 ᐃᖅᑲᓇᐃᔭᖅᑎᓄᑦ ᐊᑭᓕᖅᓱᐃᒍᑎᓂᒃ ᐊᑐᖅᑕᐅᓂᐊᕋᓱᒋᔭᐅᔪᓄᑦ ᐋᕿᒋᐊᖅᓯᓂᖅ

ᐃᓱᓕᕝᕕᒃᓴᖓ ᐅᓂᒃᑳᕆᓂᕐᒧᑦ 2023-ᒥ ᑮᓇᐅᔭᓕᐊᓄᑦ ᐊᑭᓖᔾᔪᑎᒃᓴᔅᓯᓐᓂ ᓄᕕᐱᕆ 30-ᖑᕗᖅ. ᐅᓂᒃᑲᐅᓯᖃᕆᐊᖃᖅᐳᓯ ᐅᔾᔨᕐᓇᓗᐊᖅᑐᓂᒃ ᐊᓯᙳᖅᑐᓂᒃ (25%-ᒥ ᐅᖓᑖᓄᓪᓘᓐᓃᑦ) ᑮᓇᐅᔭᓕᐊᓄᑦ ᐊᑭᓖᔾᔪᑏᑦ ᓇᓚᐅᑦᑕᕆᔭᐅᓂᐅᔪᒥ ᓴᖑᔭᐅᔾᔪᑎᑖᖅᑕᐃᓕᒪᓂᕐᒧᑦ.

ᐅᖃᐅᓯᕆᓗᒋᑦ ᐊᓯᔾᔨᐅᑎᑐᐃᓐᓇᑦ ᒪᓕᒡᓗᒋᑦ ᑕᕝᕙᓂ ᑐᕌᕈᑎᒥ: WSCC Connect.

ᖃᐅᔨᒋᐊᒃᑲᓐᓂᕐᕕᒃᓴᖅ ᑮᓇᐅᔭᓕᐊᓄᑦ ᐊᑭᓖᔾᔪᑎᓂᑦ ᐋᖅᑭᒋᐊᖅᑕᐅᓂᖓᓄᑦ WSCC Connect. ᐊᐱᖅᑯᑎᒃᓴᖃᕐᓂᕈᕕᑦ ᐊᓯᔾᔩᓂᕐᒥᑦ ᐃᖅᑲᓇᐃᔭᖅᑎᖁᑎᒃᐱᑦ ᐊᑭᓕᖅᑕᐅᔾᔪᑎᖏᓐᓂ, ᐃᖅᑲᓇᐃᔭᖅᑎᖁᑎᓕᖕᓄᑦ ᐱᔨᑦᑎᕋᖅᑎᒃᑯᑦ ᐅᖄᓚᕕᒋᓗᒋᑦ ᓄᓇᑦᓯᐊᕐᒥᑦ ᐅᕙᓂ 1 800 661 0792 ᐊᒻᒪ ᓄᓇᕗᒻᒥ ᐅᕙᓂ

1 877 404 4407.

ᐊᒡᓚᒡᕕᑦ ᒪᑐᓯᒪᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᒡᓚᒡᕕᖏᑦ ᒪᑐᓯᒪᓛᖅᑐᑦ ᖁᔭᓕᓐᓇᐅᑉ ᐅᓪᓗᖓᓂ ᓇᒡᒐᔾᔭᐅ, ᐅᑐᐱᕆ 9-ᒥ, ᐊᒻᒪ ᒪᑐᐃᒃᑲᓐᓂᕐᓗᑎ ᐊᐃᑉᐱᐅᓕᖅᑲᑦ, ᐅᑐᐱᕆ 10 ᒥ.

ᐅᖃᓗᒋᑦ 1 (800) 661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca 1.800.661.0792 | wscc.nu.ca 1.877.404.4407