December ᑎᓯᐱᕆ 2023

FRANÇAIS | ᐃᓄᒃᑎᑐᑦ

ᐅᑭᐅᒃᑯᑦ ᐊᖁᖃᑦᑕᕐᓂᖅ

ᐊᔪᕐᓇᙱᓛᕐᓕ ᐃᖅᑲᓇᐃᔭᖅᑏᑦ ᐅᓗᕆᐊᓇᙱᑦᑐᒦᑎᓐᓇᓱᒡᓗᒋᑦ ᐅᑭᐅᒃᑯᑦ ᐊᖁᓕᕌᖓᑕ ᑕᒪᒃᑯᐊ ᐃᖅᑲᓇᐃᔭᕈᑏᑦ ᓄᓇᓯᐅᑎᑦ ᐅᑭᐅᒃᑯᑦ ᐊᖁᓪᓗᓂ ᐃᑲᔫᑎᐅᔪᓐᓇᖅᑐᓂᒃ. ᐸᕐᓇᒃᓯᒪᓪᓗᓂ ᖃᓄᐃᑐᐃᓐᓇᕆᐊᖃᕐᓂᕐᒧᑦ ᓂᒡᓚᓱᓗᐊᖅᑎᓪᓗᒍ ᐱᒻᒪᕆᐊᓘᖕᒪ ᐊᖏᕐᕋᐅᔪᓐᓇᖁᔨᓂᕐᒧᑦ ᖃᓄᐃᙱᓪᓗᑎᒃ ᐃᖅᑲᓇᐃᔮᓂᒃᑳᖓᑕ. 

ᐅᑭᐅᒃᑯᑦ ᐊᖁᓪᓗᓂ ᐃᑲᔫᑎᐅᔪᓐᓇᖅᑐᑦ ᐋᖅᑭᒃᓱᖅᓯᒪᖃᑦᑕᕐᓗᒋ ᓄᓇᓯᐅᑎᒦᑦᑐᑦ ᐅᖅᑰᔪᓐᓇᕐᓗᑎᒃ ᐊᒻᒪ ᐅᓗᕆᐊᓇᙱᑦᑐᒦᓪᓗᑎ ᓄᓇᓯᐅᑎᒦᓐᓂᖏᓐᓂᒃ ᓂᒡᓚᓱᓗᐊᖅᑎᓪᓗᒍ ᐊᒻᒪ ᓯᓚ ᓈᒻᒪᙱᓗᐊᖅᑎᓪᓗᒍ. ᖃᓄᐃᑦᑑᓂᖏᑦ ᐃᑲᔫᑎᐅᔪᓐᓇᖅᑐᑦ ᐅᑭᐅᒃᑯᑦ ᐊᖁᑲᑕᒡᓗᓂ ᐃᓚᖃᖅᑐᑦ ᐅᑯᓂᖓ:

• ᐃᒪᖅ – ᐊᐅᔭᑦᑐᒥ ᐃᒪᖃᐅᑎᓂᒃ ᓂᒡᓚᓱᒃᑐᒥᑦ ᓱᕋᔭᙱᓪᓗᑎᒃ
• ᓱᕈᔭᙱᑦᑐᑦ ᑕᒪᓗᒐᒃᓴᐃᑦ ᐅᕝᕙᓘᓐᓃᑦ ᐊᓯᖏᑦ “ᑐᐊᕕᕐᓇᖅᑐᑦ” ᓂᖀᑦ
• ᕿᐱᒃ
• ᐋᓐᓂᖅᑐᖅᓯᐅᑎ 
• ᓇᑉᐸᖅᑕᐃᑦ ᐊᒻᒪ ᐃᒃᑭᑏᑦ

ᑕᑯᓗᖓ ᐅᓇ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS) ᓇᓗᓇᐃᔭᕐᓯᒪᔪᑦ ᐱᖁᑎᓂᒃ ᐅᑭᐅᒃᑯᑦ ᐊᖁᑲᑕᒡᓗᑎᑦ ᐱᓯᒪᔭᕆᐊᖃᖅᑕᑎᑦ. ᐃᑲᔪᕈᑎᒃᓴᒃᑲᓐᓂᕐᓂ ᐅᑭᐅᒃᑯᑦ ᐊᖁᑎᑦ ᐅᓗᕆᐊᓇᖅᑐᒦᖁᓇᒋᑦ ᐅᑭᐅᖑᔪᖅ, ᑕᑯᓗᒋᑦ ᑕᒪᕐᒥᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ ᐅᕙᓂ. 

ᑕᒪᑐᒪᓂ ᐊᕐᕌᒍᒥᑦ, ᐊᑐᖅᑕᐅᔭᕆᐊᓕᖕᓄᑦ ᖃᐅᔨᓴᕐᓂᕐᓄᑦ ᐊᑮᑦ ᑕᐃᒪᐃᓕᖓᐃᓐᓇᕐᓂᐊᖅᑐᑦ $2.40 ᐊᑐᓂ $100 ᑭᓇᐅᔾᔭᒃᓵᓄᑦ.

ᐃᒪᐃᒃᑲᓗᐊᖅᑎᓪᓗᒍ ᑐᙵᕕᐅᒐᔪᒃᑐᖅ ᐊᑭ ᓱᓕ ᐊᓯᔾᔨᖅᓯᒪᙱᑦᑐᖅ, ᐃᖅᑲᓇᐃᔭᖅᑎᑦᑎᔨᓕᒫᐸᓗᐃᑦ ᑕᑯᓂᐊᖅᑐᑦ ᐅᑭᓂᒃ ᖁᕝᕙᕆᐊᖅᑐᓂᒃ ᐅᕝᕙᓘᓐᓃᑦ ᐊᒃᐸᕆᐊᖅᑐᓂᒃ, ᑐᙵᕕᒋᔭᐅᓗᑎᒃ ᑕᑕᑎᕆᖃᑦᑕᕐᓂᖏᓐᓄᑦ ᓴᓇᕝᕕᖏᓐᓂᑦ ᐃᓛᒃᑰᖅᑐᓂᑦ ᐅᕝᕙᓘᓐᓃᑦ “ᐊᓪᓕᐅᓂᖅᓴᖅ ᐃᓛᒃᑰᖅᑐᑦ”.

ᖃᐅᔨᓴᖅᑕᐅᔾᔪᑎᓂᒃ ᐊᑭᓕᐅᑎᒃᓴᓂᒃ ᐋᖅᑭᒃᓯᓇᓱᒡᓗᑎᒃ ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᓱᒪᒋᔭᖃᖃᑦᑕᕐᒪᑕ ᑭᓱ ᐃᑲᔫᑎᐅᔪᓐᓇᕐᒪᖔᑕ ᑮᓇᐅᔭᖅᑖᕋᓲᑎᒃᑯᑦ, ᐱᓕᕆᕝᕕᒃ ᖃᓄᐃᓕᖓᓂᖓ ᐊᒻᒪ ᖃᓄᐃᓯᒪᓂᖓᓂᒃ, ᑮᓇᐅᔭᖅᑖᕋᓱᒍᑏᑦ ᖃᓄᐃᓕᖓᕙᖕᒪᖔᑕ ᐊᒻᒪ ᐃᖅᑲᓇᐃᔭᖅᑎᓄᑦ ᐊᔾᔨᒌᒃᑎᑦᑎᔪᓐᓇᕋᓱᒃᖢᑎᒃ.

ᐋᓐᓂᑎᑦᑎᑦᑕᐃᓕᒪᓂᖅ, ᐊᒻᒪ ᐱᐅᓯᑎᒋᐊᖅᐅᓂᖏᑦ ᐅᑎᖅᑐᓄᑦ ᐃᖅᑲᓇᐃᔭᓂᕐᒧᑦ ᖃᓄᐃᓐᓂᕆᔭᖏᑦ ᐊᑦᑎᓪᓕᒋᐊᕐᓗᒋᑦ ᐱᔭᐅᔪᓂᑦ ᐊᑭᖏᑦ, ᐊᖏᓛᖑᔪᑦ ᐊᔾᔨᒌᖏᑎᑦᑎᔪᑦ ᐊᑭᖏᓐᓄᑦ ᐃᖅᑲᓇᐃᔭᖅᑎᑦᑎᔪᓄᑦ ᐊᑭᓖᖃᑦᑕᖅᑕᖏᑦ. ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓕᕆᓇᓱᒃᑐᑦ ᐃᑲᔪᕋᓱᒃᖢᑎᒃ ᐃᖅᑲᓇᐃᔭᖅᑎᑦᑎᔨᓂᒃ ᐋᖅᑭᒃᓱᐃᕙᓪᓕᐊᓂᕐᒥ ᐊᒻᒪ ᑲᒪᒋᔭᖃᐃᓐᓇᕐᓂᕐᒥᒃ ᐅᓗᕆᐊᓇᙱᑦᑐᒦᑎᑦᑎᓂᕐᒧᑦ ᖃᓄᐃᓕᐅᕈᑎᒃᓴᓂᒃ ᐊᒻᒪ ᐃᖅᑲᓇᐃᔮᒧᑦ ᐅᑎᕈᓐᓇᕐᓯᒍᑎᒃᓴᓂᒃ.

ᐃᖅᑲᓇᐃᔭᖅᑎᑦᑎᔨᐅᔪᑦ ᐊᑐᐃᓐᓇᖃᖅᑐᑦ ᐱᓕᕆᕝᕕᖏᓐᓄᑦ ᐱᓕᕆᖃᑎᖏᓐᓄᓪᓘᓐᓃᑦ ᐊᑭᓕᐅᑎᐅᕙᒃᑐᓂᒃ ᐊᔾᔨᒌᙱᑦᑐᓄᑦ ᐱᓕᕆᕝᕕᖕᓄᑦ ᐊᕐᕌᒍᒧᑦ ᐊᒡᒋᖅᑐᒧᑦ ᐅᕘᓇ WSCC Connect. ᑕᑯᔪᓐᓇᖅᑐᑎᑦ ᒫᓐᓇᓕᓴᕐᓂᒃ ᐊᒻᒪ ᐊᑐᖅᑕᐅᔪᕕᓂᕐᓂᒃ ᐊᑭᓕᐅᑎᒃᓴᓂᒃ ᒪᑯᑎᒎᓇᖅ ᖃᓄᐃᑦᑑᓂᖏᑦ ᐊᒻᒪ ᖃᓄᐃᓕᖓᓂᖏᑦᑎᒍᑦ ᐊᒻᒪᓗ ᐃᒪᓐᓇ ᓇᓗᓇᐃᕐᓯᒪᔪᓂᒃ ᐱᓕᕆᕝᕕᖕᓂ.

ᑎᓯᐱᕆ 31, 2023 – ᐃᒻᒥᒧᑦ ᐊᓯᐊᒍᑦ ᐃᑲᔫᑎᑖᕈᑎᓄᑦ ᐃᓱᖃᕐᕕᑦ

ᓇᖕᒥᓂᖅ ᐱᓕᕆᐊᖃᕈᕕᑦ, ᓇᖕᒥᓂᖃᖃᑕᐅᒍᕕᑦ, ᓇᓗᓇᐃᖅᑲᐅᓯᒪᓂᒃᑯᑦ ᑐᑭᒧᐊᖅᑎᒋᔭᐅᒍᕕᑦ ᐅᕝᕙᓘᓐᓃᑦ ᓇᖕᒥᓂ−ᐃᖅᑲᓇᐃᔭᖅᑎᐅᒍᕕᑦ, ᐱᓇᓱᒍᓐᓇᖅᑐᑎᒃ ᐃᒻᒥᒧᑦ ᐊᓯᐊᒍᑦ ᐃᑲᔫᑎᑖᕈᑎᓂᒃ. ᐅᓇ ᑐᑭᖃᖅᑐᖅ ᐊᔪᙱᓐᓂᕐᓂᒃ ᐃᑲᔫᑎᑖᕈᓐᓇᕐᓂᕐᒥᒃ ᐃᖅᑲᓇᐃᔭᕐᕕᒋᔭᕐᓂᒃ ᐋᓐᓂᕐᓂᕈᕕᑦ. ᐱᓇᓱᒍᓐᓇᖅᑐᑎᑦ ᐊᑕᐅᓯᕐᒥ ᑕᖅᑭᕐᒧᑦ 12-ᓂᓪᓘᓐᓃᑦ ᑕᖅᑭᕐᓂ ᓇᒡᓕᐅᒃᑯᒫᒃᓴᓂᒃ.

ᒫᓐᓇ ᐃᓕᖕᓄᑦ ᓇᓪᓕᐅᒃᑯᒫᖃᕈᕕᑦ ᑎᑭᓯᒪᔪᓂᒃ ᑎᓯᐱᕆ 31, 2023, ᐱᓇᓱᒃᑲᓐᓂᕈᓐᓇᖅᑐᑎᑦ ᔮᓐᓄᐊᕆ 1, 2024 ᑐᖔᒍᑦ ᑲᔪᓯᓯᒪᖁᓪᓗᒍ ᓇᓪᓕᐅᒃᑯᒫᖃᕈᑏᑦ. 

ᐅᓇ ᑕᑕᑎᕆᐊᓕᒃ ᐱᐊᓂᑦᑎᐊᕐᓗᒍ ᐱᓇᓱᓕᕈᕕᑦ ᐃᒻᒥᒧᑦ ᐊᓯᐊᒍᑦ ᐃᑲᔫᑎᑖᕈᑎᒃᓴᓂᒃ.

ᑎᓯᐱᕆ 31, 2023 – ᐊᑭᖃᙱᑦᑐᖅ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᑦ (WHMIS) 2015 ᖃᕋᓴᐅᔭᒃᑯᑦ ᐃᓕᓐᓂᐊᒐᒃᓴᓄ ᐊᑎᓕᐅᕐᓇᖅ ᐃᓱᓕᑦᑐᖅ

ᐅᑯᐊ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᑦ (WHMIS) ᐱᖁᔭᖓ ᓱᓕ ᐃᖏᕐᕋᕙᓪᓕᐊᓯᒪᔪᖅ, ᐅᑯᐊᓗ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS) ᓄᑖᖑᓛᓂᒃ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ (WHMIS) ᐃᓕᓐᓂᐊᒐᒃᓴᓂᒃ ᐊᑐᐃᓐᓇᐅᑎᑦᑎᔪᑦ. ᐱᒋᐊᕐᓗᓂ ᑎᓯᐱᕆ 31, 2023, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᑲᕈᕈᓐᓃᕐᓂᐊᖅᑐᑦ ᐊᑭᖃᙱᑦᑐᒥ ᐊᑎᓕᐅᖅᑎᑦᑎᕙᖕᓂᕐᒥᑦ ᐆᒧᖓ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ (WHMIS) 2015 ᖃᕋᓴᐅᔭᒃᑯᑦ ᐃᓕᓐᓂᐊᒐᒃᓴᓂᒃ.

ᐊᑎᓕᐅᖅᑕᐅᔪᒪᒍᔅᓯ ᓄᑖᖑᓛᓂᒃ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ (WHMIS) ᖃᕋᓴᐅᔭᒃᑯᑦ ᐃᓕᓐᓂᐊᒐᒃᓴᓂᒃ ᐅᓇ ᑕᑯᒋᐊᕐᓗᒍ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS) ᖃᕋᓴᐅᔭᒃᑯᑦ ᐃᓕᓐᓂᐊᒐᒃᓴᓂᒃ ᐊᑎᓕᐅᕐᕕᑦ ᐅᑯᓄᖓ:

• ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ (WHMIS) ᐃᖅᑲᓇᐃᔭᖅᑎᓄᑦ
• ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ (WHMIS) ᐊᐅᓚᑦᑎᔨᓄᑦ ᐊᒻᒪ ᑲᒪᔨᓄᑦ

ᕕᕝᕗᐊᕆ 28, 2024 – ᐊᕐᕌᒍᒥ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ

ᐃᖅᑲᓇᐃᔭᖅᑎᑦᑎᔨᐅᔪᑦ ᕕᕝᕗᐊᕆ 28 ᑎᑭᒐᓱᖕᓂᖓᓂᒃ ᐅᓂᒃᑳᖏᓐᓂ ᓇᒡᓯᐅᔾᔨᔭᕆᐊᖃᖅᑐᑦ. ᓂᕆᐅᒍᓐᓇᕐᓂᐊᖅᑐᑎᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕈᑎᓂᒃ ᑎᓯᐱᕆ ᐱᒋᐊᓕᓵᖅᓯᒪᑎᓪᓗᒍ ᓇᓗᓇᐃᕐᓯᒪᓪᓗᑎᒃ ᖃᓄᖅ ᐅᑎᖅᑎᓐᓇᔭᕐᒪᖔᖏᑦ. ᐃᖅᑲᓇᐃᔭᖅᑎᑦᑎᔨᐅᔪᑦ ᑐᓂᓯᔪᓐᓇᖅᑐᑦ ᐅᕘᓇ WSCC Connect ᔮᓐᓄᐊᕆ 1 ᐱᒋᐊᕐᓗᓂ.

ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕈᑎᑦ ᒪᓕᒐᖅᑎᒍᑦ ᐱᓕᕆᐊᖑᔭᕆᐊᖃᕐᑐᑦ, ᐅᓂᒃᑲᐅᓯᖃᕐᓂᐊᕈᕕᓪᓘᓐᓃᑦ ᐃᖅᑲᓇᐃᔭᖅᑎᖃᙱᓪᓗᑎᑦ. ᑭᖑᕙᖅᓯᒪᔪᑦ ᐊᑭᓖᑎᑕᐅᓂᐊᖅᑐᑦ ᖃᓂᒋᔮᓂ 15% ᖄᖓᒍᑦ ᐊᕐᕌᓂ ᐅᓂᒃᑳᖏᑦ ᐃᖅᑲᓇᐃᔭᖅᑎᑦᑎᔪᑦ ᑕᒪᒃᑯᓂᖓ ᐃᖅᑲᓇᐃᔭᖅᑎᒥᖕᓄᑦ ᐊᑭᓕᐅᑎᑦ ᖃᐅᔨᓴᖅᓯᒪᔪᓄᑦ.

ᑎᑎᕋᕐᕕᒃ ᒪᑐᓯᒪᓂᐊᕐᑐᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᕋᕐᕕᖏᑦ ᒪᑐᓂᐊᕐᑐᑦ ᓯᑕᒻᒥᖅ, ᑎᓯᐱᕆ 21-ᒥ ᐊᒻᒪ ᒪᑐᐃᒃᑲᓐᓂᕐᓗᑎᒃ ᐊᐃᑉᐹᓂ, ᔮᓐᓄᐊᕆ 2, 2024.

ᐅᖃᐅᓯᖃᕈᒪᒍᕕᑦ ᐃᖅᑲᓇᐃᔭᖅᕕᒃᒥᑦ ᐋᓐᓂᖅᑐᖃᕐᔪᐊᕐᓂᖅᐸᑦ ᖃᓄᐃᓕᔪᖃᕐᓂᖅᐸᓪᓘᓐᓃᑦ ᐅᖄᓚᓗᓯ ᐅᕗᖓ 1 800 661-0792.

ᐅᓂᒃᑳᐅᓯᖃᕈᓐᓇᖅᑐᓯ ᐃᖅᑲᓇᐃᔭᖅᕕᒃ ᐅᓗᕆᐊᓇᓗᐊᖅᐸᑦ ᐅᕘᓇ WSCC Connect.

wscc.nt.ca 1.800.661.0792 | wscc.nu.ca 1.877.404.4407