ᒫᑦᓯ 2024

ᖁᐊᔭᕿᓐᓃᑦ, ᓈᓐᓂᑦ, ᐊᒻᒪᓗ ᐃᔪᒃᑲᕐᓃᑦ – ᐅᑭᐅᒃᑯᑦ

ᑕᐃᒪᓗ ᐊᑦᑕᕐᓇᖅᑐᑦ ᖁᐊᑦᑖᕐᓇᖅᑐᑦ, ᐹᓪᓚᖕᓇᖅᑐᑦ, ᐊᒻᒪᓗ ᐅᕐᕈᓇᖅᑐᑦ ᐱᑕᖃᐃᓐᓇᕐᓂᐊᖅᑐᑦ ᐊᕐᕌᒍᓕᒫᖅ, ᑕᒪᐃᓐᓂ ᐃᒡᓗ ᐃᓗᐊᓂ ᐊᒻᒪᓗ ᓯᓚᒥ, ᐅᑭᐅᒃᑯᑦ ᐱᓱᑲᑕᒋᐊᒃᓴᖅ ᐱᔭᕐᓂᓐᖏᑑᔪᓐᓇᖅᑐᖅ. 

ᐱᒻᒪᕆᐅᕗᖅ ᐅᑯᐊ ᓴᓇᔨᑦ ᑐᑭᓯᒍᑎᒃ ᖃᐅᔨᒪᑎᑦᑎᒋᐊᓕᑦ ᐊᑦᑕᕐᓇᖅᑐᖃᕐᓂᖓᓂᒃ, ᓲᕐᓗ ᓯᑯᓯᒪᔪᖅ ᓯᓚᑖ ᓴᓇᕕᐅᑉ ᐹᖓᑕ, ᑕᐃᒪᓗ ᐱᔭᒃᓴᖃᖅᑐᑦ ᑕᒪᓐᓇ ᐋᕿᒃᓗᒍ ᐊᔪᖏᒃᑯᑎᒃ. ᐅᓇ ᑐᑭᖃᖅᑐᖅ ᓯᐅᕋᓕᕐᓄᒍ ᐅᕝᕙᓘᓐᓃᑦ ᑐᐊᐸᓕᕐᓗᒍ ᓯᑯᓯᒪᓂᖓ. ᐊᔾᔨᒋᓐᖏᑕᖓᓃᓕᕈᓐᓇᖅᑐᑦ, ᓴᓇᔨᑦ ᐅᖃᐅᔾᔨᒋᐊᖃᖅᑐᑦ ᐅᔾᔨᖅᑐᖅᑎᒥᖕᓂᒃ ᐅᕝᕙᓘᓐᓃᑦ ᐊᖓᔪᖅᑳᖅ ᑕᐃᒪᓗ ᐅᓗᕆᐊᓇᖅᑐᖅ ᐋᕿᒃᑕᐅᓂᐊᕐᒪᑦ ᑭᓐᖑᕙᖅᓯᒪᓐᖏᓪᓗᑎᒃ.

ᓈᒻᒪᒃᑐᓂᒃ ᐊᑐᕐᓗᑎᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᖁᐊᐃᒃᑯᕕᑦ ᖃᓄᐃᓕᔮᓐᖏᑦᑐᑎᑦ ᐊᑐᖅᑕᐃᓕᒪᒋᐊᕐᓗᒋᑦ ᐅᕐᕈᕕᒋᔪᓐᓇᖅᑕᑎᑦ ᐋᓐᓂᕈᑎᒋᔪᓐᓇᖅᑕᑎᑦ. ᓴᓇᔨᑦ ᐊᓂᒍᑎᒃ ᓯᑯᓯᒪᑎᓪᓗᒍ ᐅᕝᕙᓘᓐᓃᑦ ᖃᓐᓂᖅᑎᓪᓗᒍ ᐊᑐᕆᐊᖃᖅᑐᑦ ᓈᒻᒪᒃᑐᓂᒃ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂᒃ, ᐅᑯᐊ ᐃᓚᒋᔭᐅᓗᑎᒃ:

• ᑲᒥᑦ ᐱᐅᓂᕋᖅᑕᐅᔪᑦ ᑕᐃᒪᐃᓕᖓᔪᓄᑦ ᐊᒻᒪᓗ ᓂᒡᓚᓱᒃᑐᒧᑦ.
• ᖁᐊᑦᑖᔮᐃᒃᑯᑎᓕᑦ ᐅᕝᕙᓘᓐᓃᑦ ᐊᓯᖏᑦ ᐊᑕᔪᓐᓇᖅᑐᑦ ᑲᒥᖕᓄᑦ. 

ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ, ᑕᑯᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᑖᖅ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑖᖅᑐᓂᒃ. ᐱᔪᒪᒍᕕᑦ ᐊᑭᐊᕐᒧᒃ ᐃᓕᒋᐊᓕᖕᓂᒃ ᐃᖅᑲᓇᐃᔭᕐᕕᒃᐱᑦ ᐃᓗᐊᓂ, ᖃᐅᔨᒋᐊᕐᕕᒋᓗᒍ ᐅᓇ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ, “ᐱᕐᕈᐋᕿᑦᑕᐅᓕᒪᓂᖅ ᐃᔪᒃᑲᓂᕐᓂᑦ ᖁᐋᔭᕿᓐᓂᕐᓂᑦ ᐊᒻᒪᓗ ᓈᓐᓂᕐᓂᑦ”. 

ᖃᐅᔨᒪᔭᖃᖅᐲᑦ ᒪᒃᑯᒃᑐᒦᒃ ᐃᓄᖕᒥᑦ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐅᓕᒪᓂᕐᒥᒃ ᐱᕕᒡᔪᐋᕈᑎᖃᒃᑐᒦᒃ? ᖃᐃᖁᓂᐊᖅᐸᑎᑦ ᐃᓚᐅᓂᐊᕐᒪᑕ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒪᒃᑯᒃᑐᓄᑦ ᑕᕐᕆᔭᐅᑎᑎᒍᑦ ᓵᓚᖃᕋᓱᒃᑎᑦᑎᔪᑦ! 

ᓵᓚᒃᓴᐅᓯᐋᕋᓱᐋᕐᓂᖅ ᒪᑐᐃᖓᓂᐋᕐᒪᑦ ᒪᒃᑯᒃᑐᓄᑦ ᐅᑭᐅᓕᖕᓄᑦ 14-19−ᓂᒃ ᓄᓇᑦᓯᐋᕐᒥᑦ ᐊᒻᒪᓗ ᓄᓇᕗᕐᒥᑦ (ᐊᑭᓕᖅᑕᐅᓯᒪᓗᓂ ᐃᓕᓐᓂᐊᕐᕕᖓᓂᑦ ᐅᕝᕙᓗᓂᑦ ᒪᒃᑯᒃᑐᑦ ᐃᖅᑲᓇᐃᔭᕐᕕᖓᓂᑦ). ᐱᕕᖃᒃᑎᑕᐅᔪᑦ ᑎᑭᓐᓇᓱᐋᕐᓂᖓᓂ ᒫᑦᓯ 31 ᑐᓂᓯᔪᓐᓇᖅᑎᑕᐅᓪᓗᑎᒃ ᑖᒃᑯᐊ ᑐᖔᓂ 2 ᒪᓇᑦᓰᒃ ᑕᕐᕆᔮᒃᓴᓕᐊᖑᓯᒪᔪᒥᒃ ᐊᑦᑕᓇᖅᑐᖃᖏᓐᓂᕐᒨᖓᓗᓂ ᐃᖅᑲᓇᐃᔭᕐᓗᓂ. ᓯᕗᓪᓕᖅᐹᖑᓗᓂ−ᐃᓂᖃᒃᑐᑦ ᐃᓕᒌᑦ ᐱᑎᑕᐅᓂᐋᖅᑐᑦ ᑮᓇᐅᔭᓂᒃ $1,000−ᓂᒃ, ᐊᒻᒪᓗ ᐊᑭᓖᓯᒪᔪᖅ ᐃᓕᓐᓂᐋᕐᕕᒃ ᐅᕝᕙᓗᓂᑦ ᐃᖅᑲᓇᐃᔭᕐᕕᖁᑎ ᐱᑎᑕᐅᒐᔭᕐᒥᔪᖅᑕᐅᖅ ᑮᓇᐅᔭᓂᒃ $1,000−ᓂᒃ. ᓄᓇᓕᖃᕐᕕᐅᔪᒥ ᓵᓚᒃᓴᖃᑕᐅᔪᑦ ᐱᒋᐋᕈᓐᓇᖅᓯᑎᑕᐅᒐᔭᕐᒪᑕ ᑲᓇᑕᒥ ᐊᑭᑦᑐᕋᐅᑎᓂᕐᒧᑦ ᐱᓇᓱᒐᒃᑕᐅᑎᑕᐅᔪᒥᑦ ᐅᑯᓇᙵᑦ ᑲᓇᑕᒥ ᑐᑦᑕᕐᕕᒃ ᐃᖅᑲᓇᐃᔮᒧᑦ ᐋᓐᓂᐊᖃᑦᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ (CCOHS) ᐱᕕᖃᓕᖁᓪᓗᑎᑦ ᒪᕐᕈᐃᖅᓲᑎᓪᓗᐊᖏᓐᓂᒃ ᓵᓚᒃᓴᐅᓯᐋᕈᓐᓇᖅᓯᖁᕕᒋᒐᔭᖅᑕᖏᓐᓂᑦ!

ᐃᑭᐋᕿᕕᖕᒧᕐᓗᑎᑦ ᓵᓚᒃᓴᐅᓯᐋᕋᓱᐋᕐᓂᕐᒧᑦ ᐃᑭᐊᕿᕕᐅᑉ ᒪᒃᐱᒐᖓ ᑐᓴᕆᐊᒃᑲᓐᓂᖁᓪᓗᑎᑦ! 

ᕿᓂᖅᐱᑦ ᓇᓪᓕᐊᖕᓂᒃ ᑐᑭᓯᔪᒪᔭᕐᓂᒃ ᖃᕆᓴᐅᔭᕐᕕᑦᑎᒍᑦ? ᐃᖃᐅᒪᓂᐊᖅᐳᑎᑦ ᐊᑐᕐᓗᒍ ᕿᓂᕈᑖ ᓇᓂᓯᔪᓐᓇᖅᑐᑎᑦ ᖃᓄᑐᐃᓐᓇᖅ ᐅᖃᐅᓯᐅᔪᓄᑦ ᑕᕝᕙᓂ!

ᓱᓕ ᓇᓂᓯᔪᓐᓇᓐᖏᑦᑐᑎᑦ ᕿᓂᖅᑕᕐᓂᒃ? ᖃᕆᓴᐅᔭᒃᑯᑦ ᑎᑎᕋᕈᓐᓇᐃᓐᓇᐅᔭᖅᐳᑎᑦ webmaster@wscc.nu.ca ᐊᒻᒪᓗ ᖃᐅᔨᑎᑦᑎᓗᑎᑦ ᐅᕙᑦᑎᓐᓂᒃ ᑭᓱᓂᒃ ᕿᓂᕐᒪᖔᖅᐱᑦ – ᖁᕕᓱᑐᐃᓐᓇᖅᐳᒍᑦ ᐃᑲᔪᕈᓐᓇᕈᑦᑕ ᓇᓂᓗᒋᑦ, ᐅᕝᕙᓘᓐᓃᑦ ᐃᓱᒪᓕᕈᑎᒃᓴᓂᒃ ᐅᖃᐅᔾᔨᓗᑕ ᓄᑖᓂᒃ ᐃᓗᐊᓃᑉᐸᑕ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓯᒪᓂᐊᖅᐳᑦ ᒪᑭᕝᕕᐊᑉ ᕿᑲᕐᓇᖓᓂ ᐅᓪᓗᑐᐃᓐᓇᖅ, ᒫᑦᓯ 29 ᐊᒻᒪᓗ ᓇᒡᒐᔾᔭᐅ, ᐊᐃᕐᕆᓕ 1−ᒥ ᐊᒻᒪᓗ ᒪᑐᐃᒃᑲᓐᓂᕐᓂᐊᖅᐳᖅ ᐊᐃᑉᐹᓂ, ᐊᐃᕐᕆᓕ 2−ᒥ, 8:30 ᐅᓪᓛᒃᑯᑦ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.

wscc.nt.ca 1.800.661.0792 | wscc.nu.ca 1.877.404.4407