ᔫᓂ 2021                                                                    
ᐊᑦᑕᕐᓇᖅᑕᐃᓕᒪᓂᕐᒧᑦ ᑐᕌᖓᓪᓚᑦᑖᖅᑐᑦ
ᑐᓄᒃᑯᑦ ᐋᓐᓂᖅᑕᐃᓕᓂᖅ

ᑐᓄᒃᑯᑦ ᐋᓐᓂᕐᓂᐅᔪᓂᑦ ᐃᓅᓯᓕᒫᒥ ᐊᒃᑐᐃᓂᖃᕈᓐᓇᖅᐳᖅ ᐃᖅᑲᓇᐃᔮᖃᕐᓂᕐᒥ ᐃᓅᓯᕐᒥᑦ, ᓇᖕᒥᓂᖅ ᐃᓅᓯᕐᓂᑦ, ᐊᒻᒪ ᑕᒪᐃᑎᒍᑦ ᐃᓅᓯᕐᒥ ᐱᐅᓂᖓᓂ. ᐃᓚᖏᓐᓂ ᐃᖅᑲᓇᐃᔮᖑᔪᓂ ᖁᑦᑎᒃᑐᒃᑯᑦ ᐅᓗᕆᐊᓇᖅᑐᖃᕐᓂᖓᓂ ᑕᐃᒪᐃᑦᑐᒧᑦ ᐋᓐᓂᕐᓂᐅᔪᓂ, ᑐᓄᒃᑯᑦ ᐋᓐᓂᕐᓂᐅᔪᑦ ᐅᓗᕆᐊᓇᖅᑑᕗᖅ ᑕᒪᒃᑭᓄᑦ ᓴᓇᔨᐅᔪᓄᑦ.

6 ᐱᓕᕆᐊᒃᓴᑦ ᐱᓕᕆᑦᑎᑦᑕᐃᓕᒪᓂᕐᒥ ᑐᓄᒃᑯᑦ ᐋᓐᓂᕐᓂᐅᔪᓂ:
  1. ᐅᓗᕆᐊᓇᕐᓂᐅᔪᑦ ᑕᑯᓗᒋᑦ - ᑐᑭᓯᐅᒪᓂᖅ ᐱᔾᔪᑕᐅᒐᔪᒃᑐᓂ ᐋᓐᓂᕐᓂᐅᔪᒥᑦ (ᓄᑭᒃᑯᑦ ᓴᖕᓂᓕᕈᑕᐅᔪᑦ, ᐱᐅᙱᑦᑐᒥ ᑎᒥᒧᑦ ᐃᓗᐊᖅᓯᔾᔪᑏᑦ, ᐊᒻᒪ ᐊᑐᖅᑕᐅᒐᔪᒃᑐᒥ ᐅᕝᕙᓘᓐᓃᑦ ᕿᑲᓗᐊᕐᓂᕐᒧᑦ ᐃᓂᐅᔪᓂᑦ), ᐊᒻᒪᓗ ᓇᓂᓗᒍ ᐱᓕᕆᐊᒃᓴᐅᔪᓂ ᐊᒻᒪ ᐋᖅᑭᒃᓯᒪᓂᓪᓚᕆᐅᔪᓂ ᐱᑎᑦᑎᔪᓐᓇᖅᑐᒥ ᖃᓄᐃᓐᓂᐅᔪᒥ ᐅᕝᕙᓘᓐᓃᑦ ᐋᓐᓂᕐᓂᐅᔪᒥᑦ ᐱᑎᑕᐅᑦᑕᐃᓕᒪᓂᐅᔪᒥ.
  2. ᐊᑐᐊᒐᑦ ᐊᒻᒪ ᐱᐅᓯᖏᓐᓂᑦ - ᑐᑭᓯᓇᑦᑎᐊᖅᑐᒥ ᒪᓕᒋᐊᓕᖕᓂ ᓱᓇᒃᑯᑖᖃᕐᓗᓂ ᐃᖅᑲᓇᐃᔭᖅᑏᑦ ᒪᓕᒍᓐᓇᖅᑕᖏᓐᓂ. ᓇᓗᓇᐃᖅᓯᓯᒪᑦᑎᐊᕐᓗᓂ ᐊᑐᓪᓗᐊᕐᓂᖏᓐᓂ ᐃᑲᔪᖅᓱᐃᓂᐅᔪᓂ. ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ (PPE), ᐅᕝᕙᓘᓐᓃᑦ ᐊᐱᕆᓗᓂ ᐃᑲᔪᖅᑕᐅᔪᒪᓂᕐᒧᑦ.
  3. ᑐᓴᐅᒪᖃᑎᒌᖕᓂᖅ ᐊᒻᒪᓗ ᐊᔪᕈᓐᓃᕐᓴᖅᑎᓪᓗᒋᑦ ᐃᖅᑲᓇᐃᔭᖅᑎᑎᑦ - ᐃᑲᔪᕈᑎᒃᓴᖃᕐᓗᓂ ᐃᖅᑲᓇᐃᔭᖅᑎᓂ ᐅᔾᔨᕈᓱᑦᑎᐊᕐᓗᑎᒃ ᑐᓄᒃᑯᑦ ᐋᓐᓂᕐᓂᐅᔪᒥᑦ ᐱᑎᑦᑎᑦᑕᐃᓕᒪᓂᐅᔪᒥ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᑕᖃᖅᑎᑦᑎᔪᑦ ᐃᑲᔪᕈᑎᒃᓴᓂ ᐃᑲᔪᕐᓂᐊᖅᑐᑦ ᐃᓕᖕᓂᒃ ᐱᓕᒻᒪᒃᓴᐃᓂᕐᒥ ᓴᓇᔨᐅᔪᓂᑦ.
  4. ᐊᔪᕐᓇᙱᓐᓂᖓᓂ ᐃᑲᔪᖅᓱᐃᓂᐅᔪᒥ - ᐃᓱᒪᒃᓴᖅᓯᐅᕆᓗᑎᑦ ᐋᖅᑭᒃᓯᒪᓂᖓᓂ ᐃᖅᑲᓇᐃᔭᕐᕕᖕᒥ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᒥ ᐃᓂᒋᔭᖓᓂ. ᐃᑲᔪᖅᓱᐃᓂᐅᔪᑦ ᐊᒻᒪ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐊᔪᕐᓇᙱᑎᓪᓗᒋᑦ ᑎᒍᑐᐃᓐᓇᕐᓂᕐᒧᑦ ᑭᕕᒃᓯᓂᐊᖅᑎᓪᓗᑎᑦ. ᓴᓇᔨᐅᔪᑦ ᐊᑐᕐᓂᖅᓴᐅᔪᓐᓇᖅᐳᑦ ᐃᑲᔪᕈᑎᒃᓴᓂ ᐸᕐᓇᒃᓯᒪᕙᒌᖅᑐᓂ ᐊᒻᒪ ᐊᑐᐃᓐᓇᐅᓗᑎᒃ.
  5. ᑲᑐᔾᔨᖃᑎᒌᒃᑐᑦ ᐊᒻᒪ ᓴᙱᔪᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖅᑯᓯᖃᕐᓂᕐᒥ - ᐃᖅᑲᐃᑎᓪᓗᒋᑦ ᐃᖅᑲᓇᐃᔭᖅᑏᑦ ᐊᐱᕆᖃᑦᑕᕐᓂᕐᒧᑦ ᐃᑲᔪᖅᑕᐅᔪᒪᓂᕐᒥ, ᐊᒻᒪᓗ ᐃᑲᔪᖃᑎᒌᒃᐸᒡᓗᑎᒃ. ᐊᒻᒪᓗᑦᑕᐅᖅ, ᐃᖅᑲᐃᑎᓪᓗᒋᑦ ᑕᓯᓴᒐᔪᖕᓂᐅᔪᒥ ᕿᑲᕐᓂᖃᕐᓂᕐᒧᑦ, ᐊᒻᒪ ᕿᑲᕐᓂᐅᔪᑦ ᐊᐅᓚᑲᑕᒡᓗᑎᒃ ᐊᔭᐅᕆᓗᑎᒃ ᐋᓐᓂᐊᖃᕐᓇᙱᑦᑐᓕᕆᓂᖏᓐᓄᑦ ᐊᒻᒪ ᖃᓄᐃᙱᑦᑎᐊᕐᓂᖏᓐᓂ.
  6. ᐅᓂᒃᑳᕆᓴᕋᐃᓐᓂᐅᔪᒥ - ᐃᑲᔪᕐᓗᑎᒃ ᓴᓇᔨᓂᒃ ᐃᓕᑦᑎᓂᖏᓐᓂ ᐊᒻᒪ ᑐᑭᓯᐅᒪᓂᕐᒥ ᓇᓗᓇᐃᒃᑯᑕᐅᔪᓂ ᐊᒻᒪ ᐋᓐᓂᐊᕈᑕᐅᖃᑦᑕᖅᑐᓄᑦ ᐋᓐᓂᕐᓂᐅᔪᒥᑦ, ᐊᒻᒪ ᐊᔭᐅᕆᓗᓂ ᐅᓂᒃᑳᕆᓴᕋᐃᓐᓂᖏᓐᓂ ᐃᓱᒫᓘᑕᐅᔪᓂᑦ. ᐅᓂᒃᑳᕆᑲᐅᖅᑐᖃᑦᑕᕐᓂᖏᓐᓂ ᑐᕌᖅᑎᑦᑎᓂᐊᖅᐳᖅ ᐃᓅᓕᓴᖅᑕᐅᓴᕋᐃᓐᓂᖏᓐᓂ ᐊᒻᒪᓗ ᐱᑎᑦᑎᑦᑕᐃᓕᒪᒃᑲᓐᓂᕈᓐᓇᖅᐳᖅ ᐋᓐᓂᒃᑲᓐᓂᕐᓂᐅᔪᒥ ᐅᕝᕙᓘᓐᓃᑦ ᐃᓅᓯᓕᒫᒥ ᐋᓐᓂᕐᓂᐅᔪᒥᑦ.
ᐃᓕᑦᑎᒃᑲᓐᓂᕐᓂᕐᒥ ᑐᓄᒃᑯᑦ ᐋᓐᓂᕐᓂᐅᔪᒥ, ᐊᒻᒪ ᐱᓕᕆᔾᔪᑕᐅᔪᓂ ᐊᒻᒪ ᐃᑲᔪᕈᑎᒃᓴᓂ ᐊᑐᐃᓐᓇᖃᕐᓂᑦᑎᓐᓂ ᐃᑲᔪᕐᓂᕐᒧᑦ ᓇᖕᒥᓂᕆᔭᕐᓂ ᐱᓕᒻᒪᒃᓴᐃᓂᕐᒥ ᐃᖅᑲᓇᐃᔭᖅᑎᓂ ᐅᖃᐅᓯᐅᔪᒧᑦ, ᐳᓚᕋᕈᒃ ᐃᑭᐊᖅᑭᕕᒃᐳᑦ ᐅᓪᓗᒥ.


ᐃᖅᑲᓇᐃᔭᖅᑎᖁᑎᓕᖕᒧᑦ ᖃᐅᔨᓴᕐᓂᖅ
ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ

ᐃᖅᑲᓇᐃᔭᖅᑎᖁᑎᖃᖅᖢᓂ, ᐱᓕᕆᕗᑎᑦ ᐱᒻᒪᕆᐅᔪᒥ ᐱᓕᕆᐊᖑᔪᒥ ᐃᑲᔪᖅᓱᐃᓂᕐᒧᑦ ᐋᓐᓂᖅᓯᒪᔪᒥ ᓴᓇᔨᐅᔪᒥ ᒪᓂᓴᕐᓂᖓᓂ ᐊᒻᒪ ᐊᑦᑕᓇᙱᑦᑐᒥ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑲᑎᖅᓱᐃᕗᑦ ᐅᖃᐅᓯᒃᓴᓂ ᐃᖅᑲᓇᐃᔭᖅᑎᖁᑎᓕᖕᓂᑦ ᐊᒃᓱᕈᕈᑕᐅᔪᓂ ᐊᒻᒪ ᐊᒡᕕᐊᕈᑕᐅᔪᓂ ᐊᑐᖅᐸᒃᑕᖏᓐᓂ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐱᓕᕆᓂᐅᔪᒥ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓕᖕᓂ ᖃᐃᖁᔨᕗᑦ ᐱᓕᕆᓂᕐᒥ 5-10 ᒥᓂᑦᒥ ᐊᐱᖅᓱᖅᑕᐅᓂᐅᔪᒥ. ᐅᓇ ᐃᑲᔪᕐᓂᐊᖅᐳᖅ ᐋᖅᑭᒃᓱᐃᓂᕐᒥ ᐱᕙᓪᓕᐊᑎᑕᐅᓂᖓᓂ ᓯᕗᓂᒃᓴᒧᑦ ᐃᑲᔪᕈᑎᒃᓴᓄᑦ ᐊᒻᒪ ᐃᑲᔪᖅᓱᐃᓂᐅᔪᓂ ᐊᑐᐃᓐᓇᐅᔪᓄᑦ. ᑐᓂᓯᓂᕐᒥ ᐅᖃᐅᓯᒃᓴᓂ ᐅᓇ ᓇᕿᓪᓗᒍ.

ᐃᓱᓕᕝᕕᒃᓴᖓ ᐆᒧᖓ ᐊᐱᖅᓱᖅᑕᐅᓂᐅᔪᒥ ᔪᓚᐃ 9, 2021-ᖑᕗᖅ.

ᐊᐱᖅᑯᑎᒃᓴᖃᕈᔅᓯ ᐅᕝᕙᓘᓐᓃᑦ ᑐᑭᓯᒋᐊᒃᑲᓐᓂᕈ,ᒍᔅᓯ, ᖃᐅᔨᒋᐊᕈᒃ ᓴᓇᕝᕕᖕᒧᑦ ᐅᑎᕐᓂᐊᖅᑐᓄᑦ ᐱᓕᕆᔨᒻᒪᕆᖕᒧᑦ ᐅᕝᕙᓘᓐᓃᑦ(867) 920-3856−ᒧᑦ.

ᖁᔭᓕᕗᒍᑦ ᐅᖃᐅᓯᒃᓴᕐᓂᑦ!


ᓄᕙᒡᔪᐊᕐᓇᖅ-19-ᒧᑦ ᐸᕐᓇᐃᓂᖅ
ᒫᓐᓇᒨᓕᖓᐃᓐᓇᕐᓂᖅ, ᐊᒻᒪᓗ ᕿᒥᕐᕈᓂᖅ ᐊᑦᑕᓇᔾᔭᐃᖅᓯᒪᓂᖅ ᐸᕐᓇᐅᑎᔅᓯᓐᓂ

ᐊᕐᕌᒡᒍᓚᐅᖅᑐᒥ, ᐊᒥᓱᑦ ᓇᖕᒥᓂᖃᖅᑐᑦ ᐊᒻᒪᓗ ᐃᖅᑲᓇᐃᔭᖅᑏᑦ ᐊᒃᓱᕈᖅᖢᑎᒃ ᐃᖅᑲᓇᐃᔭᖅᓯᒪᕗᑦ ᐃᓕᓯᓂᕐᒥ ᓄᕙᒡᔪᐊᕐᓇᖅ-19-ᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐸᕐᓇᒍᑎᓂᒃ, ᑕᐃᔭᐅᖕᒥᔪᒥ ᓴᖅᑭᔮᕐᕕᐅᓂᕐᒥᑦ ᐊᐅᓚᑦᑎᓂᕐᒧᑦ ᐸᕐᓇᒍᑎᒥᒃ. ᐆᒃᑑᑎᑦᑎᐊᕙᒻᒪᕆᐊᓗᐃᑦ ᐃᓱᒪᑐᓂᕐᒥ, ᐃᓱᒪᑦᑎᐊᕐᓂᐅᔪᓂ, ᐊᒻᒪ ᐱᒻᒪᕆᐅᓂᖅᓴᒥ, ᐃᓱᒪᒋᔭᖃᕐᓂᕐᒥ ᓴᓇᔨᒥ ᐊᒻᒪᓗ ᐃᓄᓕᒫᓄᑦ ᐊᑦᑕᓇᔾᔭᐃᖅᓯᒪᓂᕐᒥ ᐊᒥᓲᕗᑦ ᓄᓇᓕᑦᑎᓐᓂ. ᐊᓕᐊᓇᐃᒋᑦᑎᐊᖅᐸᕗᑦ ᑕᑯᓂᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓂᕕᙵᑕᓂ ᐊᒻᒪ ᐃᑲᔪᕈᑎᒃᓴᓂ ᐊᑐᖅᑕᐅᔪᓂ ᐃᖅᑲᓇᐃᔭᕐᕕᔅᓯᓐᓂ!

ᑲᔪᓯᓂᖃᑦᑎᐊᕋᓱᐊᖏᓐᓇᕆᑦᑎ

ᑭᒡᓕᖃᖅᑎᑕᐅᓂᐅᔪᑦ ᓱᒃᑲᔪᒥ ᐊᓯᔾᔨᖅᐸᖕᓂᖏᓐᓂ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᔭᐅᕆᕗᑦ ᑭᒃᑯᓕᒫᓂ ᓇᐅᑦᑎᖅᓱᑦᑎᐊᕐᓂᖏᓐᓂ ᐱᔪᓐᓇᑦᑎᐊᖅᑐᓂ ᓇᑭᙶᕐᓂᐅᔪᓂ ᑐᑭᓯᒋᐊᕈᑎᒃᓴᓂᑦ. ᐃᒪᐃᖁᔨᓇᔭᖅᐳᒍᑦ ᖃᐅᔨᒋᐊᒐᔪᖕᓂᕐᒥ ᓄᓇᕗᒻᒥ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ-19−ᒥ ᑐᑭᓯᒋᐊᕈᑎᒃᓴᓂ ᒪᒃᐱᖅᑐᒐᕐᓂ ᒫᓐᓇᓕᓴᐅᓛᖑᔪᓄᑦ ᐊᒻᒪ ᐊᑑᑎᓕᖕᓂ ᑐᑭᓯᒋᐊᕈᑎᒃᓴᓂᑦ ᐃᓕᖕᓄᑦ (ᓄᓇᕗᒻᒥ ᐊᒻᒪ ᓄᓇᑦᓯᐊᕐᒥ).

ᐊᒥᔾᔨᕐᓂᖃᖅᐸᓪᓕᐊᑎᓪᓗᒍ, ᒪᑐᐃᖅᓯᓂᐅᔪᒥ ᐅᕝᕙᓘᓐᓃᑦ ᓱᑲᑎᕆᒃᑲᓐᓂᕐᓂᐅᔪᒥ ᑭᒡᓕᖃᖅᑎᑕᐅᓂᐅᔪᓂ, ᓇᖕᒥᓂᕆᔭᕕᑦ ᓄᕙᒡᔪᐊᕐᓇᖅ-19−ᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐸᕐᓇᐅᑎᑦ ᐊᓯᔾᔨᕆᐊᖃᑐᐃᓐᓇᕆᐊᖃᖅᐳᖅ. ᖃᐅᔨᓇᓱᐊᖏᓐᓇᖅᐸᒡᓗᑎᑦ ᑭᒡᓕᖃᖅᑎᑕᐅᓂᐅᔪᑦ ᐱᓕᕆᑦᑎᐊᕐᒪᖔᑕ ᐊᒻᒪ ᐋᖅᑭᒋᐊᖅᐸᒡᓗᒍ ᐱᔭᕆᐊᖃᓕᕌᖓᑦ. ᓴᓇᔨᓄᑦ ᐱᓕᕆᓕᖅᐹᒃᑐᓄᑦ ᖃᐅᔨᒋᐊᕐᓗᑎᑦ ᐊᑐᖁᔭᒥᓂᑦ ᐱᐅᓯᒋᐊᖅᑎᑦᑎᓂᕐᒧᑦ ᐱᖃᕐᒪᖔᑕ. ᖃᐅᑕᒫᒥ ᑕᐅᕙᓃᓲᑦ, ᐊᒻᒪ ᑕᑯᓴᕋᐃᑉᐳᑦ ᐊᑲᐅᙱᓕᐅᕈᑕᐅᔪᓂᑦ ᐊᒻᒪ ᐋᖅᑭᒍᑎᒃᓴᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐸᐃᓇᐃᓂᕐᓄᑦ. ᕿᒥᕐᕈᒐᔪᓪᓗᐊᖅᐳᑦ, ᐊᒻᒪ ᐊᓯᔾᔨᕐᓂᖃᑐᐊᕌᖓᑦ.

ᐊᐱᖅᑯᑎᒃᓴᖃᕈᕕᑦ ᐱᔾᔪᑎᓕᖕᒥ ᓄᕙᒡᔪᐊᕐᓇᖅ-19−ᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᕐᕕᖕᓂᑦ, ᖃᕋᓴᐅᔭᒃᑯᑦ ᑎᑎᕋᕐᕕᐅᔪᓐᓇᖅᑐᑦ ᐅᕗᖓ Covid-19@wscc.nt.ca ᐅᕝᕙᓘᓐᓃᑦ COVID-19@wscc.nu.ca. ᖃᐅᔨᒋᐊᕈᒃ ᓄᕙᒡᔪᐊᕐᓇᖅ-19-ᒧᑦ ᐃᑲᔫᑎᐅᔪᓐᓇᖅᑐᑦ ᒪᒃᐱᖅᑐᒐᖓᓂ ᐃᑲᔫᑎᓕᖕᓂ ᐱᓕᕆᔾᔪᑎᓂᑦ ᐊᒻᒪ ᓂᕕᙵᑕᓂᑦ ᐃᖅᑲᓇᐃᔭᕐᕕᖕᓄᑦ.


ᐅᖃᐅᓯᒃᓴᒻᒪᕇᑦ ᐊᑦᑕᓇᔾᔭᐃᖅᓯᒪᓂᕐᒧᑦ
ᐃᖅᑲᓇᐃᔭᕐᓂᖅ ᐅᓗᕆᐊᓇᙱᑦᑐᒥᑦ ᐅᖅᑰᓂᖅᓴᒥ ᐊᐅᔭᒃᑯᑦ


ᓯᓚ ᐅᖅᑰᓯᕙᓪᓕᐊᑎᓪᓗᒍ ᐊᒻᒪ ᐃᑲᕐᕋᐅᔪᑦ ᖃᐅᒪᓂᕐᒥ ᐅᓄᖅᓯᕙᓪᓕᐊᑎᓪᓗᒋᑦ, ᓴᓇᔨᐅᔪᑦ ᐅᔾᔨᕈᓱᓪᓗᐊᖅᐳᑦ ᖃᓄᖅ ᐅᑯᐊ ᐊᓯᔾᔨᕐᓂᐅᔪᑦ ᐊᒃᑐᐃᔪᓐᓇᕐᓂᖓᓂ ᐃᖅᑲᓇᐃᔭᕐᓂᖓᓂ ᐅᓪᓗᖓᓂ. ᐅᖅᑰᓗᐊᕐᓂᕐᒧᑦ ᐊᒃᓱᕈᕐᓂᕐᒥ ᐅᖅᑰᓂᖓᓂ ᓄᑮᖅᑎᑦᑐᒧᑦ (ᑎᒥᖓ ᖁᑦᑎᖕᓂᖅᓴᐅᓂᖓᓂ ᑕᐃᒪᐃᒐᔪᖕᓂᖓᓂ) ᐅᕝᕙᓘᓐᓃᑦ ᐅᖅᑰᓂᖓᓂ ᐊᒥᕐᓗᓕᕐᓂᖅ, ᐸᖅᑭᑦᑎᐊᕆᐊᖃᖅᐳᑦ ᐱᑎᑦᑎᑦᑕᐃᓕᒪᓂᕐᒧᑦ ᐅᖅᑰᓗᐊᖅᑐᒧᑦ ᐱᔾᔪᑎᓕᖕᓂ ᐋᓐᓂᐊᕐᓇᓂ ᐅᖅᑰᓂᖅᓴᐅᔪᓂ ᑕᖅᑭᓂᑦ.

ᐊᐅᓚᑦᑎᓂᖅ ᐊᑦᑕᓇᔾᔭᐃᖅᓯᒪᓂᕐᒥ ᓯᓚ ᐊᓯᔾᔨᖅᐸᓪᓕᐊᑎᓪᓗᒍ

ᓄᓇᕗᑦ ᐊᒻᒪ ᓄᓇᑦᓯᐊᖅ ᐅᖅᑰᓯᓗᐊᕌᓗᒃᐸᙱᓚᑦ ᐊᓯᖏᑎᑐᑦ ᐃᓚᖏᓐᓂ ᓄᓇᕐᔪᐊᒥ. ᐅᓇ ᑐᑭᖃᙱᓚᖅ "ᐆᓇᕐᓂᐅᔪᖅ" ᐊᒻᒪ ᐆᓇᖅᑐᒧᑦ ᐱᔾᔪᑎᓕᖕᓂ ᐋᓐᓂᐊᕐᓇᓂ ᖁᔭᓈᖅᑕᐅᑐᐃᓐᓇᓪᓗᐊᙱᓚᑦ ᐅᓗᕆᐊᓇᕈᑕᐅᔪᓐᓇᕐᓂᖏᓐᓂ. ᖃᓄᑐᐃᓐᓇᕐᒥ ᐅᖅᑰᓂᐅᔪᒥ ᓯᓚᒥ ᓱᖏᐅᑎᓯᒪᔭᕐᓂ, ᐊᖏᒡᓕᒋᐊᖅᐸᑦ 20 ᑎᒍᕇᔅᓂ, ᓱᓕ ᐃᒃᐱᒍᓱᒍᓐᓇᖅᐳᑎᑦ ᖃᓄᐃᓕᐅᕈᑕᐅᔪᑦ ᐊᒃᑐᐃᓂᖓᓂ ᐅᖅᑰᓗᐊᕐᓂᕐᒧᑦ ᐊᒃᓱᕈᕐᓂᐅᔪᒥ. ᐸᕐᓇᐃᕙᒡᓗᑎᑦ ᐃᖅᑲᓇᐃᔭᕐᓂᕐᒧᑦ ᒪᓕᒃᑕᒃᓴᓂ ᐱᔪᓐᓇᖅᑎᑦᑎᔪᓐᓇᕐᓂᕐᒧᑦ ᓴᓇᔨᓂ ᓱᖏᐅᔾᔨᓂᖏᓐᓂ ᓯᓚᐅᑉ ᐊᓯᔾᔨᕐᓂᖏᓐᓂ.

ᐳᐃᒍᖅᑕᐅᓕᒋᑦ ᓯᕿᓂᕐᒧᑦ ᓴᐳᔾᔨᓯᒪᓂᕐᒧᑦ

ᐅᑭᐅᖅᑕᖅᑐᒥ ᐅᖅᑰᓂᖅᓴᐅᔪᓂ ᑕᖅᑭᖏᑦ ᑐᑭᓕᐊᖑᕗᑦ ᐊᑕᐅᓯᕐᒥ: ᓯᕿᓐᓂᕐᓂᕐᒧᑦ. ᐊᐅᔭᒥ ᐅᓪᓗᑯᑖᖑᔪᓂ, ᑲᒪᔨᐅᔪᑦ ᐃᓱᒪᒋᔭᖃᕆᐊᖃᖅᐳᑦ ᐊᑯᓂᐅᓂᖓᓂ ᓴᓇᔨᐅᔪᑦ ᓯᕿᓐᓂᓪᓚᕆᖕᓂᕐᒦᓐᓂᖏᓐᓂ. ᓴᓇᔩᑦ ᓯᓚᒦᑉᐸᑕ, ᐃᖅᑲᐃᑎᓪᓗᒋᑦ:
  • ᐊᑐᕐᓗᑎᒃ ᓯᕿᓂᕐᒧᑦ ᓴᐳᔾᔨᓯᒪᔾᔪᑎᒧᑦ ᓈᒻᒪᒃᑐᒥ SPF−ᓕᖕᒥ ᓇᓗᓇᐃᒃᑯᑕᓕᖕᒥ, ᐊᒻᒪ ᖃᐅᔨᒋᐊᕐᓗᒍ ᐃᓱᓕᕝᕕᒃᓴᖓᓂ ᐅᓪᓗᖓᓂ.
  • ᓇᓴᖅᓯᒪᕙᒡᓗᑎᒃ, ᓯᕿᓂᖅᓯᐅᑎᓂ ᐃᒡᒐᓂ, ᐊᒻᒪ ᓈᒻᒪᒃᑐᓂ ᐊᓐᓄᕌᓂ ᐊᑐᐃᓐᓇᖃᖅᑎᑦᑎᔪᒥ ᐅᓕᒃᓯᒪᓂᐅᔪᒥ.
  • ᐃᒥᖅᑐᒐᔪᒡᓗᑎᑦ, ᐱᓗᐊᖅᑐᒥ ᓂᒡᓕᓇᖅᑐᓂ ᓯᓚ ᐅᖅᑰᓂᖅᓴᐅᑎᓪᓗᒍ.
  • ᒥᕿᓂᕐᒦᙱᓚᐅᑲᒃᐸᒡᓗᑎᑦ, ᐅᖅᑯᐊᕐᒧᐊᕐᓗᑎᑦ ᐅᕝᕙᓘᓐᓃᑦ ᐃᒡᓘᑉ ᐃᓗᐊᓅᕐᓗᑎᑦ.
ᐃᓱᒪᒌᓐᓇᐅᔭᕐᓗᒍ ᓯᓚᐅᑉ ᖃᓄᐃᓐᓂᖓᓂ ᐋᖅᑭᒃᓱᐃᑎᓪᓗᑎᑦ ᐱᓕᕆᓂᐅᔪᒥ ᓯᓚᒥ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒪᓕᒋᐊᖃᖅᑐᓂ ᐱᓕᕆᔾᔪᓯᖃᖅᐳᑦ ᐆᓇᕐᓂᖏᑕ ᖃᓄᐃᓕᖓᓂᖏᓐᓂᑦ. ᐱᒋᐊᖅᑐᒥ ᒪᒃᐱᖅᑐᒐᖅ 29−ᓂ, ᓇᓂᓯᓂᐊᖅᐳᑎ ᑐᑭᓯᒋᐊᕈᑎᒃᓴᓂ ᐅᖅᑰᓂᖓᓂ ᐱᔾᔪᑎᓕᖕᓂ ᐋᓐᓂᐊᕐᓇᓂᑦ ᐊᒻᒪᓗ ᐃᖅᑲᓇᐃᔭᖅᑎᓂᑦ ᐊᑦᑕᓇᔾᔭᐃᖅᓯᒪᓂᕐᒥ ᐅᖅᑰᓂᖅᓴᐅᔪᒥ ᓯᓚᐅᑉ ᖃᓄᐃᓐᓂᖓᓂ.



ᐊᑐᐊᒐᐃᑦ ᐊᓯᔾᔨᕐᓂᖏᑦ

ᐊᐅᓚᑦᑎᓂᕐᒧᑦ ᑲᑎᒪᔩᑦ ᕿᒥᕐᕈᓚᐅᖅᑐᑦ ᐊᒻᒪ ᐊᖏᖅᓯᓪᓗᑎ ᐅᑯᓂᖓ ᐊᑐᐊᒐᕐᓂᑦ ᐊᒻᒪ ᐊᐅᓚᑦᑎᓂᕐᒧᑦ ᑲᑎᒪᔩᑦ ᑐᑭᒧᐊᕈᑎᖏᑦ ᔫᓂ 2021 ᑲᑎᒪᓂᖃᖅᑎᓪᓗᒋᑦ:
  • 00.04 - ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ (YMIR)
  • 00.09 - ᐱᓕᕆᖃᑎᖃᕐᓂᖅ
  • 07.01 - ᐊᑐᐃᓐᓇᖃᕐᓂᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᑐᑭᓯᒋᐊᕈᑎᒃᓴᓄᑦ
  • 08.02 - ᐋᖅᑭᒋᐊᖅᑕᐅᖁᔭᐅᔪᓂᒃ ᐃᓱᒪᓕᐅᕈᑎᑦ
ᑕᑯᒋᐊᕐᓗᒍ ᑖᓐᓇ WSCC Policy Manual (ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᕐᓄᑦ ᐅᖃᓕᒫᒐᖅ) ᕿᒥᕐᕈᐊᓂᕐᒧᑦ ᑕᒪᐃᓐᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᖁᑎᖏᓐᓂᒃ ᐅᕝᕙᓘᓐᓃᑦ ᑖᓐᓇ Governance Council Directives (ᐊᐅᓚᑦᑎᓂᕐᒧᑦ ᑲᑎᒪᔨᑦ ᑐᑭᒧᐊᕈᑎᖏᑦ) ᕿᒥᕐᕈᐊᓂᕐᒧᑦ ᑕᒪᐃᓐᓂᒃ ᐊᐅᓚᑦᑎᓂᕐᒧᑦᑐᑭᒧᐊᕈᑎᓂ.


ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓂᐊᕐᓂᖏᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᓯᒪᓂᐊᕐᑐᑦ ᑲᓇᑕᐅᑉ ᐅᓪᓗᖓᓂ ᕿᑎᖅᑰᑦ, ᔪᓚᐃ 1−ᒥ ᐊᒻᒪ ᒪᑐᐃᒃᑲᓐᓂᕐᓗᑎᒃ ᐅᓪᓗᑐᐃᓐᓇᕐᒥ, ᔪᓚᐃ 2-ᒥᑦ 8:30 ᐅᓪᓛᒃᑯᑦ. ᐊᒻᒪᓗᑦᑕᐅᖅ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᕗᒻᒥ ᑎᑎᕋᕐᕕᖓ ᒪᑐᓯᒪᓛᕐᒥᔪᖅ ᓄᓇᕗᑦ ᐅᓪᓗᖓᓂ ᐅᓪᓗᑐᐃᓐᓇᖅ ᔪᓚᐃ 9-ᒥ, ᐊᒻᒪ ᒪᑐᐃᒃᑲᓐᓂᕐᓗᓂ ᓇᒡᒐᔾᔭᐅ ᔪᓚᐃ 12-ᒥ.

ᐅᖃᓗᒋᑦ 1-800-661-0792-ᒧᑦ ᐅᓂᒃᑳᕆᓂᕐᒧᑦ ᐱᒻᒪᕆᐅᔪᒥ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂᑦ.

ᖃᐅᔨᒃᑲᐃᒍᒪᒍᕕᑦ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ, ᐊᑐᕐᓗᒍ ᐅᓇ ᖃᕋᓴᐅᔭᑎᒍᑦ ᖃᐅᔨᒃᑲᐃᓂᖅ ᐊᑦᑕᓇᖅᑐᒥ ᐃᖅᑲᓇᐃᔭᕐᓂᕐᒥᒃ ᐱᔨᑦᑎᕈᑎᓂ ᑕᐃᑲᓂ WSCC Connect.



wscc.nt.ca   /  1.800.661.0792   *   wscc.nu.ca  /  1.877.404.4407